Coss Ear2
lakbima.lk
COSS Ear 1

එක්දින පි‍ලේ නායකත්වය මැතිව්ස් හෝ චන්දිමාල්ට

ශ්‍රී ලංකා ක්‍රිකට් පි‍ලේ එක්දින ක්‍රිකට් නායකයා නම් කිරීම ලබන 9දා සිදු කරන බව ශ්‍රී ලංකා ක්‍රිකට් ආයතනය නිවේදනය කරයි.
අවසන් වරට පැවැති එක්දින තරගාවලියේදී ශ්‍රී ලංකා පිල මෙහෙය වූ තිසර පෙරේරාට නායකත්වය අහිමි වන බව වාර්තා වේ.
පසුගිය කාල වකවානුවේදී ශ්‍රී ලංකා එක්දින පි‍ලේ නායකයා ලෙස උපුල් තරංග නම් කර තිබූ අතර, දිගින් දිගටම තරග පරාජය වීමත් සමගම ඔහුගේ නායකත්වය තිසර පෙරේරාට පැවරීමට තේරීම් කමිටුව පියවර ගත්තේය.
ලබන 9දා පත්වන නායකයා ඇන්ජලෝ මැතිව්ස් හෝ දිනේෂ් චන්දිමාල්ගෙන් කෙනෙකු බව තේරීම් කමිටු සභාපතිවරයා තමන්ට දැන්වූ බව ක්‍රිකට් සභාපති තිලංග සුමතිපාල මහතා ප්‍රකාශ කළ බව ක්‍රිකට් නිවේදනයේ දැක්වේ.
ඇන්ජලෝ මැතිව්ස් මීට පෙර ශ්‍රී ලංකා එක්දින පි‍ලේ නායකත්වය දරා ඇති අතර, මැතිව්ස් ආබාධයට ලක්වූ අවස්ථාවල තරග කිහිපයකදී චන්දිමාල් නායකත්වය හොබවා තිබේ.

මැතිව්ස් වරින්වර ආබාධවලට ගොදුරු වීම නිසා නායකත්වයෙන් ඉවත් වීමට තීරණය කර තිබුණි.
මේ අනුව එළැඹෙන 15 දා ආරම්භ වන බංග්ලාදේශ තුන්කොන් ක්‍රිකට් තරගාවලියේ සිට 2019 ලෝක කුසලාන තෙක් නව නායකයා කටයුතු කිරීමට බොහෝ දුරට ඉඩකඩ ඇති බව වාර්තා වේ.
නායකයා පත් කිරීම
පිළිබඳව විශේෂ සාකච්ඡාවක් පසුගිය 3දා ක්‍රිකට් සභාපති තිලංග සුමතිපාල මහතාගේ ප්‍රධානත්වයෙන් පැවැති බවද ක්‍රිකට් නිවේදනයේ දැක්වේ.
මෙම සාකච්ඡාවට ජාත්‍යන්තර ක්‍රිකට් ප්‍රධානී කේ. මතිවානන්, ක්‍රිකට් ප්‍රධාන විධායක ඈෂ්ලි ද සිල්වා, තේරීම් කමිටු සභාපති ග්‍රැහැම් ලැබ්රෝයි, ක්‍රිකට්
කළමනාකරු අසංක ගුරුසිංහ සහ නව පුහුණුකරු චන්දික හතුරුසිංහ මහත්වරු සහභාගි වූ බව ක්‍රිකට් නිවේදනයේ දැක්වේ.


මංගල ධර්මප්‍රේම

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

 

Lakbima Online

Download Lakbima Mobile App

 
 

 

Get In Touch With Us

E-Papers

Please publish modules in offcanvas position.