Coss Ear2
lakbima.lk
COSS Ear 1

ශා. ජෝසප් සහ නාවල ජනාධිපති සමස්ත ශූරතා දිනයි

දියගම මහින්ද රාජපක්ෂ ක්‍රීඩාංගණයේ දින තුනක් පුරා පැවැති 47 වැනි ශ්‍රීමත් ජෝන් ටාබට් කනිෂ්ඨ මලල ක්‍රීඩා තරගාවලියේ බාලක-බාලිකා සමස්ත ශූරතා දිනා ගැනීමට මරදාන ශා. ජෝසප් විදුහල (ලකුණු 62) සහ නාවල ජනාධිපති බාලිකාව (ලකුණු 62) සමත් විය.
ඉතිහාසයේ පළමු වරට නාවල ජනාධිපති බාලිකාව සමස්ත ශූරතාව දිනා ගැනීම කැපී පෙනෙන සිදුවීමක් විය.
මෙවර තරගාවලියේදී නව තරග වාර්තා 21ක් සහ වාර්තා සම කිරීම් 2ක්  සටහන් වූ අතර, තරගාවලියේ දක්ෂතම ක්‍රීඩකයා ලෙස බලපිටිය සිද්ධාර්ථ මධ්‍ය මහා විදුහ‍ලේ හිරුෂ මෙන්ඩිස් අබේසේකරද, දක්ෂතම ක්‍රීඩිකාව ලෙස දික්වැල්ල විජිත මධ්‍ය මහා විදුහ‍ලේ සදිනි කවීෂාද සම්මාන ලැබූහ.
හිරුෂ මෙන්ඩිස් අබේසේකර අවු. 15න් පහළ දුර පැනීමේ ඉසව්වේදී දැක්වූ මීටර් 6.52ක දක්ෂතාවද,  සදිනි කවීෂා එම වයස් කාණ්ඩයේම දුර පැනීමේ ඉසව්වේදී දැක්වූ මීටර් 5.47ක දක්ෂතාවද පදනම් කරගනිමින් දක්ෂතම ක්‍රීඩක ක්‍රීඩිකා සම්මාන දිනා ගත්හ.
සිලෝන් බිස්කට්ස් සමාගමේ රිට්ස්බරි පූර්ණ අනුග්‍රාහකත්වය යටතේ ශ්‍රී ලංකා පාසල් මලල ක්‍රීඩා සංගමය මෙම තරගාවලිය සංවිධානය කරන ලදී.
 
බාලක සමස්ත ශූරතාව - මරදාන ශා. ජෝසප් (ලකුණු 62)
අනුශූරතාව - මාතර රාහුල විදුහල (ලකුණු 48)
තෙවැනි ස්ථානය - මීගමුව මාරිස්ටෙලා (ලකුණු 47)
බාලිකා සමස්ත ශූරතාව - නාවල ජනාධිපති බාලිකාව (ලකුණු 62)
අනුශූරතාව - රත්නපුර සුමන බාලිකාව (ලකුණු 47)
තෙවැනි ස්ථානය - මීගමුව ආවේ මරියා කන්‍යාරාමය (ලකුණු 42)
බාලක සහය දිවීමේ ශූරතාව - මීගමුව මාරිස්ටෙලා, අනුශූරතාව - කොටහේන ශා. බෙනඩික්ට්
බාලිකා සහය දිවීමේ ශූරතාව - හලාවත කාර්මෙල් බාලිකාව, අනුශූරතාව - කොළඹ ශා. බ්‍රිජට් කන්‍යාරාමය
අවු. 12න් පහළ බාලක ශූරතාව - කොළඹ රාජකීය, අනුශූරතාව - කොළඹ ඩී.එස්. සේනානායක
අවු. 12න් පහළ බාලිකා ශූරතාව - මීගමුව ආවේ මරියා කන්‍යාරාමය, අනුශූරතාව - කොළඹ සිරිමාවෝ බණ්ඩාරනායක විදුහල
අවු. 13න් පහළ බාලක ශූරතාව - වාරිය‍පොල ශ්‍රී ඥානෝදය විදුහල, අනුශූරතාව -  මාපුටුගල මහ විදුහල
අවු. 13න් පහළ බාලිකා ශූරතාව - නාවල ජනාධිපති බාලිකාව, අනුශූරතාව - දික්වැල්ල විජිත විදුහල
අවු. 14න් පහළ බාලක ශූරතාව - කුරුණෑගල ශ්‍රීමත් ජෝන් කොතලාවල විදුහල, අනුශූරතාව - කොළඹ ශා. ජෝසප් විදුහල
අවු. 14න් පහළ බාලිකා ශූරතාව - කොළඹ ආනන්ද බාලිකා විදුහල, අනුශූරතාව - කෑගල්ල ශා. ජෝසප් බාලිකා විදුහල
අවු. 15න් පහළ බාලක ශූරතාව - මීගමුව මාරිස්ටෙලා විදුහල, අනුශූරතාව - පේදුරුතුඩුව හාර්ට්ලි විදුහල
අවු. 15න් පහළ බාලිකා ශූරතාව - රත්නපුර සුමනා බාලිකා විදුහල, අනුශූරතාව - නාවල ජනාධිපති බාලිකා විදුහල.
 
ප්‍රභාත් විදානපතිරණ

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

 

Lakbima Online

Download Lakbima Mobile App

 
 

 

Get In Touch With Us

E-Papers

Please publish modules in offcanvas position.