Coss Ear2
lakbima.lk
COSS Ear 1

සුසන්තිකාගේ චෝදනාවලට ක්‍රීඩා අමාත්‍යාංශය පිළිතුරු දෙයි

ඔලිම්පික් පදක්කම්ලාභිනී සුසන්තිකා ජයසිංහගේ වැටුප් නොගෙවීම පිළිබඳව පළවී ඇති මාධ්‍ය වාර්තා සම්බන්ධව ක්‍රීඩා අමාත්‍යාංශයේ වැඩබලන ‍ලේකම් සෝමරත්න විදානපතිරණ මහතා නිවේදනයක් නිකුත් කර තිබේ. 
මේ දිනවල විවිධ ජනමාධ්‍ය ඔස්සේ සුසන්තිකා ජයසිංහ මහත්මිය ක්‍රීඩා අමාත්‍යාංශයට එල්ල කරන චෝදනා සම්බන්ධව මෙසේ කරුණු පැහැදිලි කරමි.
2000 වසරේදී ඔලිම්පික් පදක්කමක් දිනා ගනිමින් ජයසිංහ මහත්මිය මෙරටට අත්කර දුන් කීර්ති පළමුව ගෞරවාන්විතව සිහිපත් කරමි. එදා සිට මේ දක්වා පැවැති රජයන් විසින් සුසන්තිකා ජයසිංහ මහත්මිය වෙත මුදල් ත්‍යාග, නිවාස, රථ වාහන ආදි විවිධ වූ ප්‍රදානයන් ලබාදී ඇත. තවද ජයසිංහ මහත්මිය විසින් ප්‍රකාශයට පත් කරන ලද ඇයගේ චරිතාපදානය ප්‍රකාශයට පත් කිරීම සඳහා අප අමාත්‍යාංශයෙන් කළ ඉල්ලීම අනුව ක්‍රීඩා අමාත්‍යතුමන්ගේ අනුමැතිය පරිදි රුපියල් ලක්ෂ එකොලහක මුදල් ප්‍රදානයක්ද පසුගිය වසරේදී ඇය වෙත ලබාදී ඇත. එවන් තත්ත්වයක් තුළ පවා ඇය පත්ව ඇතැයි කියන ආර්ථික අපහසුතා පිළිබඳවද කණගාටු වෙමි.
ප්‍රථමව සඳහන් කළ යුත්තේ සුසන්තිකා ජයසිංහ මහත්මිය විසින් පවසන ආකාරයේ සේවයෙන් ඉවත් කිරීමක් ක්‍රීඩා අමාත්‍යාංශය විසින් මතෛක් සිදුකර නොමැති බවයි. ඇයට හිමි අප්‍රේල් මාසයට අදාළ ගෙවීම්හි යම් තාවාකාලික පමාවක් සිදුව ඇති අතර, ඊට අදාළ හේතු මෙම ලිපියේ මතු දැක්වෙනු ඇත.
මීට ඉහත රජය සමයේ ජයසිංහ මහත්මිය ක්‍රීඩා අමාත්‍යවරයාගේ උපදේශිකාවක් ලෙස පත්කර තිබූ අතර, 2015 වසරේදී නව රජය පත්වන විට ඇගේ සේවය අවසන් වී තිබිණි. නව රජයේ ක්‍රීඩා අමාත්‍යවරයා ලෙස නීතිඥ දයාසිරි ජයසේකර මහතා වැඩ භාර ගැනීමෙන් පසු මෙම තත්ත්වය වෙනස් කර සුසන්තිකා ජයසිංහ මහත්මියගේ සේවය ගෞරවාන්විතව ලබා ගැනීමට අවශ්‍ය පියවර ගැනිණි. ඒ අනුව කුමන අමාත්‍යවරයෙක් ක්‍රීඩා අමා්‍ය ධුරය දැරුවද ජයසිංහ මහත්මියට වයස අවුරුදු 60 වනතුරු රු. 60,000ක මාසික දීමනාවක් සහ රු. 15,000ක ඉන්ධන දීමනාවක් ලබා දීමට අපේක්ෂිත අනුමැතීන් ඉල්ලා 2016.05.19 වන දින කැබිනට් මණ්ඩලය වෙත ක්‍රීඩා අමාත්‍යතුමන් විසින් සංදේශයක් ඉදිරිපත් කරනු ලැබිය. එම සංදේශය ප්‍රකාරව කැබිනට් අනුමැතිය හිමිවූයේ 2016.07.01 දින සිට වසරින් වසර දීර්ඝ කිරීමට යටත්ව 2020 වසර දක්වා ක්‍රීඩා අමාත්‍යාංශයේ ජාත්‍යන්තර තරග සඳහා ක්‍රීඩක ක්‍රීඩිකාවන් තෝරා ගැනීමේ හා පුහුණු කිරීමේ උපදේශක වශයෙන් ජයසිංහ මහත්මියව පත් කිරීමටයි. මේ වෙනුවෙන් රජයේ අමාත්‍යාංශයක උපදේශකවරයකු වෙත කාර්ය සාධනය පදනම් කරගෙන පිරිනැමෙන රුපියල් 60,000ක වැටුප් ගෙවීමටද අමාත්‍ය මණ්ඩල අනුමැතිය හිමිවිණි.
මීට අදාළ පත්වීම් ලිපිය ක්‍රීඩා අමාත්‍යාංශයේ ‍ලේකම්වරයා විසින් 2016.07.01 දින සිට බලපැවැත්වෙන පරිදි 2016.08.12 වන දින ඇය වෙත යවා ඇති අතර, එහි 08 වන ජේදය යටතේ “ක්‍රීඩා අමාත්‍යාංශයේ ‍ලේකම් විසින් ඔබ වෙත පවරනු ලබන රාජකාරී ඔබ විසින් ඉටු කළ යුතුය. සෑම මසකම පළමු සතියේදී මාසික ඉදිරි වැඩසටහන ‍ලේකම් වෙත ඉදිරිපත් කර අනුමත කරගත යුතු අතර, මාසය අවසානයේදී කළ වැඩසටහන පිළිබඳ වාර්තාවද ‍ලේකම් වෙත ඉදිරිපත් කළ යුතුය.”
09 වන ජේදය යටතේ “තවද සෑම වසරක් අවසානයේදීම එම වර්ෂය තුළ ඔබ විසින් ඉටු කරන ලද කාර්ය භාරය සම්බන්ධව වාර්තාවක් හා ඉදිරි වර්ෂයේදී සිදුකිරීමට අපේක්ෂිත කාර්යභාරය පිළිබඳ වාර්තාවක් ද ‍ලේකම් වෙත ඉදිරිපත් කළ යුතුය.” බවට සඳහන්ව ඇත.
මෙම තනතුරෙහි පිහිටා සේවය කිරීමට කොළඹ 07, ටොරින්ටන් ක්‍රීඩා පිටියේ පිහිටි ක්‍රීඩා සංගම් සඳහා වෙන්කර ඇති ගොඩනැගිල්‍ලේ 03 වන මහලෙහි 08 වන කාමරයද ඇයට වෙන්කර ලබාදුණි.
සුසන්තිකා ජයසිංහ මෙන් දක්ෂ තවත් මලල ක්‍රීඩක ක්‍රීඩිකාවන් බිහි කර ගැනීමේ අරමුණු පෙරදැරිව ක්‍රීඩා අමාත්‍යතුමන් විසින් මලල ක්‍රීඩා සම්මේලනයේ හිටපු සභාපති සුගත් තිලකරත්න මහතාව සහ ජයසිංහ මහත්මියව අමාත්‍යාංශයට කැඳවා ඒ වන විට පැවැති මලල ක්‍රීඩා සංචිත 3හි පුහුණු කිරීම් හා උපදේශන සහය ලබාදෙන ලෙස ඇයගෙන් ඉල්ලා සිටියේය. නමුත් මේ මොහොත වනතුරුත් ජයසිංහ මහත්මිය එම සේවය මෙරට මලල ක්‍රීඩා ක්‍ෂේත්‍රය වෙත ලබාදී නැත.
2016 ජූලි මස සිට 2017 මාර්තු දක්වා ඇය වෙත ක්‍රීඩා අමාත්‍යාංශය විසින් අඛණ්ඩව වැටුප් ගෙවීම සිදුකර ඇත. නමුත් උක්ත ජේදවල අවශ්‍යතා සම්පූර්ණ කිරීමට සුසන්තිකා ජයසිංහ මහත්මිය දිගින් දිගටම අ‍පොහොසත් වී ඇත. 2017 ජනවාරි-මාර්තු කාලසීමාවේ ජයසිංහ මහත්මිය රෝගීව සිටි අතර, සානුකම්පිතව සලකා එම කාල සීමාවට අදාළ වැටුප් ගෙවීමටද අප අමාත්‍යාංශය කටයුතු කර ඇත. එවන් තත්ත්වයක් තුළ පවා ඉහත දැක්වූ 08 වන ජේදයේ අවශ්‍යතා දිගින් දිගටම ඉටු නොකිරීම මත 2017 අප්‍රේල් මාසයේ සිට ඉදිරි ගෙවීම් සිදුකිරීම පිණිස අදාළ වාර්තාවන් මාසිකව ඉදිරිපත් කරන ලෙස 2017 අප්‍රේල් 26 වන දින ජයසිංහ මහත්මිය වෙත ලිපියක් යවමින් අමාත්‍යාංශ ‍ලේකම්වරයා විසින් දැනුවත් කර ඇත.
රජයේ අමාත්‍යාංශයක් ලෙස සුසන්තිකා ජයසිංහ මහත්මිය වෙත අප ගෙවූ දීමනාවන් යනු මුළුමනින්ම මෙරට මහජනතාවගේ මුදල්ය. මහජන මුදල්වලට නිසි වටිනාකමක් ලැබෙන අයුරින් ජයසිංහ මහත්මිය වෙත ලබාදීම අප සතු වගකීමක් වන අතර, එම මුදලට ලබාදිය යුතු සේවාව මෙරට ක්‍රීඩා ක්‍ෂේත්‍රය වෙත නිසි පරිදි ලබා දීම ජයසිංහ මහත්මිය සතු වගකීමකි. ඇය විසින් සිදුකරනු ලබන කාර්ය භාරය පිළිබඳව තැකීමක් නොකර අමාත්‍ය මණ්ඩල තීරණ ප්‍රකාරව කාර්ය සාධන වාර්තා ලබා නොගෙන මූල්‍ය දීමනාවන් ලබාදීමට අපට කිසිදු ෙනෙතික හෝ සදාචාර හිමිකමක් නොමැත.
තමන් යම් ආර්ථික අපහසුතාවක පසුවේ නම් සුසන්තිකා ජයසිංහ මහත්මිය විසින් කළ යුතුව ඇත්තේ තම පදක්කම වෙන්දේසි කිරීම නොව, රජය විසින් ඇය වෙත ලබාදුන් තනතුරට අදාළ අවශ්‍යතා සම්පූර්ණ කර ඉන් ගෞරවාන්විත වැටුපක්ද ලබමින් ක්‍රීඩාවටත්, මවුබිමටත් ලබාදිය යුතු සේවය නොපැකිළිව ලබාදීමයි. ඒ වෙනුවෙන් ක්‍රීඩා අමාත්‍යාංශයේ දොරටුව තවදුරටත් විවෘතව පවතී. ඇය වැනි තවත් අති දක්ෂ ක්‍රීඩා තරුවක් හෙට දිනයේ අප මවුබිමෙහි බිහිකර ගැනීමට ක්‍රීඩා අමාත්‍යාංශය හා එක්ව තම මෙහෙවර ලබාදෙන මෙන් සුසන්තිකා ජයසිංහ මහත්මියගෙන් ගෞරවාන්විතව ඉල්ලා සිටිමි.

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

බ්‍රිතාන්‍ය රජ පවු‍ලේ අලුත්ම සාමාජිකයා මෙන්න

IMAGE 2018 Apr 25 12:50
බ්‍රිතාන්‍ය රජ පවු‍ලේ තොරතුරු ගැන උනන්දුව දක්වන බොහෝ දෙනෙකුට සතුට දනවන පුවතක් පසුගිය 23...
Views - 913

ඉංජිනේරු සිසු ඩිල්ශාන්ගේ පැතුම් ගං දියේ සැඟව යයි

IMAGE 2018 Apr 24 15:43
 තව ටික කලකින් අම්මා රස්සාවට යන එක මම නතර කරනවා. මට හොඳ රැකියාවක් ලැබුණම ගේ හදලා වාහනයක් අරගෙන...
Views - 1697

මේ හැම දෙයක්ම පෙර පිනක් නිසා ලැබුණු දේවල් වෙන්න ඇති

IMAGE 2018 Apr 22 16:52
උදා වූ අලුත් අවුරුද්දේ  ඔබට අපි අලුත් ආරංචි කීපයක්ම රැගෙන එනවා. ‘මලී’ ටෙලි නාට්‍ය හරහා...
Views - 3492

ඕන කස්තිරමක් අල්ලන්න පුළුවන්. ඒත් රතු ලූනු එක්ක නම් බැහැ

IMAGE 2018 Apr 22 13:26
කොයි කවුරුත් ආසා කරන කෑම ජාති වගේම, අප්‍රිය කරන ආහාර වර්ගත් තියෙනවානේ. “කාටත් නොකී රහසක්’...
Views - 2819

මේ විශේෂ කෙනා එක්ක විවාහ වෙන්න ලැබුණොත් ඒක ලොකු සතුටක්

IMAGE 2018 Apr 22 11:55
ජනප්‍රිය සිනමා නිළි සෙනාලි ෆොන්සේකා මේ දවස්වල හරි හරියට ලංකාව වටා රවුම් ගහනවලු. ඒ නිසාම මග...
Views - 4043

සියළු වත්කම් සසුනට පුදා මුළු පවුලම පැවිදි බිමට

IMAGE 2018 Apr 20 11:18
දරුවන් සිව්දෙනාත්, බිරිඳත් සසුන්ගත කර තමන්ද පැවිදිව ගිහිකල තමන් සතුව තිබූ ස්ථිර නිවස හා ගොඩ...
Views - 5017

Please publish modules in offcanvas position.