Coss Ear2
lakbima.lk
COSS Ear 1

22 වැනි ආසියානු ශූරතා මලල ක්‍රීඩා උළෙල අද (6දා) ඉන්දියාවේ බුබනේෂ්වර් නගරයේදී ආරම්භවේ.
ඉන්දියාවේ ඔඩිසා ප්‍රාන්තයේ බුබනේෂ්වර් නගරයේ කාලිංග ක්‍රීඩාංගණය කේන්ද්‍රකරගනිමින්  අද සිට ලබන 9දා දක්වා පැවැත්වෙන මෙවර තරගාවලියට රටවල් 45ක් නියෝජනය කරමින්  ක්‍රීඩක ක්‍රීඩිකාවන් 650ක් සහභාගි වෙති.
මලල ක්‍රීඩා ඉසව් 42කින් සමන්විත මෙවර ආසියානු ශූරතා මලල ක්‍රීඩා උළෙල ලබන අගෝස්තු මස ලන්ඩන්හිදී පැවැත්වෙන ලෝක ශූරතා මලල ක්‍රීඩා උළෙලට සුදුසුකම් ලබා ගැනීමේ තරගාවලියක් ලෙසින්ද සැලකේ.
තරගාවලියට පෙර පුහුණුවීමට බුබනේෂ්වර් ක්‍රීඩාංගණය හිමිවූ බැවින් ශ්‍රී ලංකා කණ්ඩායම තරගාවලිය ආරම්භ වීමට දින 10කට පෙරම ඉන්දියාව බලා පිටත්ව ගියේය.
ක්‍රීඩක ක්‍රීඩිකාවන් 23 දෙනකුගෙන් යුත් ශ්‍රී ලංකා කණ්ඩායමේ නායකයා ලෙස මංජුල කුමාර වීරසේකර කටයුතු කරයි.
ශ්‍රී ලංකා කණ්ඩායම සමග  පුහුණුකරුවන් 6ක්, අතිරේක පුහුණුකරුවන් 5ක් සහ නිලධාරීන් දෙදෙනකුද  එක්වී සිටිති.

ශ්‍රී ලංකා කණ්ඩායම
පිරිමි :- හිමාෂ එෂාන් (මී. 100, 4*100), විනෝද් සුරංජන් (මී. 100, 200, 4*100), අජිත් ප්‍රේමකුමාර (මී. 400, 4*400), දිලිප් රුවන් (මී. 400, 4*400), ඉඳුනිල් හේරත් (මී. 800), මංජුල කුමාර වීරසේකර (උස පැනීම), දනුක ලියනපතිරණ (දුර පැනීම), සංජය ජයසිංහ (තුන් පිම්ම), වරුණ දයාරත්න (හෙල්ල), ඒ.එල්.එම්. අෂ්රොෆ් (4*100), ෂෙහාන් අඹේපිටිය (4*100), මොහොමඩ් සෆ්රාස් (4*100), ප්‍රදීප් කුමාර (4*400), ග්‍රේෂන් ධනංජය (4*400), කාලිංග කුමාරගේ (4*00)
කාන්තා :- රුමේෂිකා රත්නායක (මී. 100, 200), නිර්මලී මධුශිකා (මී. 400), ගයන්තිකා අබේරත්න (මී. 800), නිමාලි ලියනාරච්චි (මී. 800), නිලානි රත්නායක (මී. 3000 බාධක), විදුෂා ලක්ෂානි (තුන්පිම්ම), දිල්හානි ‍ලේකම්ගේ (හෙල්ල විසිකිරීම), දුලංජලී රණසිංහ (උස පැනීම)
නිලධාරීන් :- ලාල් චන්ද්‍රකුමාර (කළමනාකරු), යසරෝහන  සිල්වා (සහය කළමනාකරු)
පුහුණුකරුවන් :- කේ.ජී. භද්‍රා ගුණවර්ධන, සජිත් ජයලාල්, චමින්ද පෙරේරා, පිලිප් රංජිත්, ලුවිස් මිරැන්ඩෝ, ඒ.ජ්. රුද්‍රිගෝ
අතිරේක පුහුණුකරුවන් :- ඒ.ජී. නන්දාවතී, උමංග සුරේන්ද්‍ර, වී.
රත්නකුමාර, මධුක මාරසිංහ, සුජිත් අබේසේකර

ප්‍රභාත් විදානපතිරණ

යුද හමුදා මලල ක්‍රීඩා සංගමය මගින් සංවිධානය කළ ‘යුද හමුදා දෙවන තුන්ප්‍රයාම තරගාවලියේ සමස්ත ශූරතාව ශ්‍රී ලංකා කාලතුවක්කු රෙජිමේන්තුවට හිමිවිය.
තරගාවලියේ අනුශූරතාව ශ්‍රී ලංකා ඉංජිනේරු රෙජිමේන්තුව සහ යාන්ත්‍රික පාබල රෙජිමේන්තුවට හිමිවිය.
මෙම තුන්ප්‍රයාම තරගයේ ප්‍රථම ස්ථානය දිනා ගැනීමට ශ්‍රී ලංකා සංඥා බලකායේ ජී.ජේ.ඒ.එල්.  පෙරේරා සමත් වූ අතර, දෙවැනි ස්ථානය පී,එච්.ඩී. රාජපක්ෂටද (ශ්‍රීලකාහ), තෙවැනි ස්ථානය කේ.කේ.ජී.එල්. කුමාරසිංහටද (ශ්‍රීලකාහ) හිමිවූහ.
කාන්තා තරගාවලියේ ප්‍රථම ස්ථානය එස්.එන්.ඒ. ගුණතිලක (ශ්‍රීලයුකාබ) දිනාගත් අතර, දෙවැනි ස්ථානය ටී.එම්.අයි. ලක්මාලිට (ශ්‍රීලයුකාබ) හිමි වූවාය. 
ඇඹිලිපිටිය චන්ද්‍රිකා වැව් තාවුල්ල අසලදී පැවැති මෙම තුන්ප්‍රයාම තරගාවලිය මීටර් 750ක පිහිනුම් ඉසව්වක්, කිලෝ මීටර් 20ක බයිසිකල් ධාවන ඉසව්වක් සහ කිලෝ මීටර් 5ක ධාවන ඉසව්වකින් සමන්විත විය. 
(ප්‍රභාත්)

20 වැනි වරටත් පවත්වන ලද ශ්‍රී ලංකා පාසල් ජූඩෝ තරගාවලියේ බාලිකා ශූරතාව පිට පිටම 20 වැනි වරටත් දිනා ගැනීමට ගම්‍පොල ජිනරාජ බාලිකා විදුහල සමත් විය. 
මෙම තරගාවලිය ආරම්භයේ සිට මේ දක්වා නොකඩවාම බාලිකා ශූරතාව එකම පාසලක් දිනා ගැනීම ජූඩෝ ඉතිහාසයේ වාර්තාවක් ලෙස සටහන් වෙයි.
මෙම තරගාවලියේ බාලක ශූරතාව ගම්‍පොල වික්‍රමබාහු විදුහල දිනාගත් අතර, තරගාවලියේ සියලුම ශූරතා ගම්‍පොල පාසල් දිනා ගැනීම කැපී පෙනෙන සිදුවීමක් විය. 
මෙම තරගාවලියේ බාලිකා අනුශූරතාව ගම්‍පොල පන්විලතැන්න මහ විදුහලද, බාලිකා තෙවැනි ස්ථානය ගම්‍පොල ශා. ජෝශප් විදුහලද දිනා ගත්තේය.
බාලක අනුශූරතාව ගඟසිරිපුර මැදි විදුහල දිනාගත් අතර, තෙවැනි ස්ථානය වැවතැන්න මහ විද්‍යාලය සතුවිය.
තරගාවලියේ දක්ෂතම ක්‍රීඩකයා ලෙස ගම්‍පොල ජිනරාජ මහ විදුහ‍ලේ නිපුන් පබසර සම්මාන දිනාගත් අතර, දක්ෂතම ක්‍රීඩිකාව ලෙස අංකුඹුර පරාක්‍රම ජාතික පාස‍ලේ ජේ.ජී.එච්.එම්. හේමන්ත සම්මාන ලැබුවාය.
 
එස්.ඩී. රාජනායක - ගම්‍පොල

ක්‍රීඩා අමාත්‍යාංශයේ සහ ක්‍රීඩා සංවර්ධන දෙපාර්තමේන්තුවේ සංවිධානයෙන් පැවැති 43 වැනි ජාතික මහා ක්‍රීඩා උළෙ‍ලේ (2017) මැරතන් පිරිමි ශූරතාව උතුරු මැද පළාතේ දම්මික අරුණසිරි දිනාගත් අතර, කාන්තා ශූරතාව බස්නාහිර පළාතේ මධුමාලි පෙරේරා දිනා ගැනීමට සමත් වූවාය.

මහියංගණය නගරය කේන්ද්‍ර කර ගනිමින් පැවැති ජාතික මහා ක්‍රීඩා උළෙ‍ලේ රේසිං පාපැදි පිරිමි ශූරතාව බස්නාහිර පළාතේ එස්.ඒ. දීමන්ත දිනාගත් අතර, කාන්තා ශූරතාව වයඹ පළාතේ ඒ.එස්. ප්‍රියදර්ශනී දිනා ගත්තාය.
ඊයේ පැවැති කාන්තා ස්ටෑන්ඩර්ඩ් පාපැදි තරගයේ ප්‍රථම ස්ථානය දිනා ගැනීමට උතුරු මැද පළාතේ ජේ.ඒ.සී. හේවසිංහ සමත් වූවාය.

ඊයේ (2දා) පැවැති පිරිමි ස්ටෑන්ඩර්ඩ් පාපැදි තරගයේදී තරග කරුවන් කිහිප දෙනකු තරග නීති රීති උල්ලංඝණය කළ බවට බස්නාහිර පළාත් ක්‍රීඩකයන් විරෝධතාවක් එල්ල කිරීම හේතුවෙන් තරගයේ අවසන් ප්‍රතිඵලය නිකුත් කිරීම තාවකාලිකව අත්හිටුවන ලදී.

මේ අනුව එම විරෝධතා පිළිබඳව සොයා බැලීමෙන් අනතුරුව පිරිමි ස්ටෑන්ඩර්ඩ් පාපැදි තරගයේ ප්‍රතිඵල නිකුත් කරන බව නියෝජ්‍ය ක්‍රීඩා අධ්‍යක්ෂ අයි.පී. විජේරත්න මහතා සඳහන් කළේය.

තරග ප්‍රතිඵල

මැරතන් පිරිමි
1. ආර්.ඒ.පී. දම්මික අරුණසිරි - උතුරු මැද (පැය 2.25.13), 2. ජී.කේ. ගුණසේකර - බස්නාහිර (2.2514), 3. බි.යූ. විජිත කුමාර - දකුණ (2.27.17), 4. කේ.පී.එස්. කරුණාතිලක - බස්නාහිර, 5. ආර්.එම්. අසේල බණ්ඩාර - මධ්‍යම, 6. ඩබ්ලිව්.පී. ජයරත්න - වයඹ, 7. ටී.බි. ප්‍රදීප් සෝමරත්න - මධ්‍යම, 8. ටී.පී. අලහකෝන් - මධ්‍යම, 9. ඩී.එම්. ධර්මරත්න - සබරගමුව, 10. එස්. ජානක රත්නකුමාර - ඌව
මැරතන් කාන්තා
1. බි.එම්. මධුමාලි පෙරේරා - බස්නාහිර (පැය 2.55.36) , 2. වී. ක්‍රිෂාන්තිනී - මධ්‍යම (2.57.28), 3. බි.ජී. අනුරාධි - මධ්‍යම (3.00) , 4. එම්.ඒ. රුවිතා දීපානි - දකුණ, 5. එම්.ඒ. කුමාරි ප්‍රනාන්දු - බස්නාහිර, 6. පී.එම්. සෙව්වන්දි - වයඹ, 7. එම්.ජී. බුද්ධිකා - සබරගමුව, 8. කේ.ජී. එරන්දි කරුණාරත්න - මධ්‍යම, 9. පී.ඩී. ප්‍රියදර්ශනී - සබරගමුව, 10. එස්. සුදර්මනී - උතුර
පිරිමි රේසිං පාපැදි
1. එස්.ඒ.එස්. දීමන්ත - බස්නාහිර (3.31.19), 2. එම්.ඒ. මැඩොන්සා - බස්නාහිර (3.31.19), 3. ඩබ්ලිව්. බුද්ධික වර්ණකුලසූරිය - වයඹ (3.31.19)
කාන්තා රේසිං පාපැදි
1. පී.ඒ.එස්. ප්‍රියදර්ශනී - වයඹ (1.54.35), 2. දිනේෂා දල්රුක්ෂි - වයඹ (1.54.35), 3. ඩී.ඒ.එස්. දිල්හානි - බස්නාහිර (1.54.35)
කාන්තා ස්ටෑන්ඩර්ඩ් පපැදි
1. ඩී.එම්.සී.එම්. දේවසිංහ - උතුරු මැද (1.54.03), 2. ඩබ්ලිව්. නිමේෂා දිල්රුක්ෂි - ඌව (1.54.03), 3. බි.වී.එස්. අනුරාධිනී - උතුරු මැද (1.54.03)


එම්. බණ්ඩාර - මහියංගණය

ශ්‍රී ලංකා පාසල් ජල ක්‍රීඩා සංගමය මගින් සංවිධානය කරන 44 වැනි ශ්‍රී ලංකා පාසල් වයස් සීමා පිහිනුම් හා දියපිමි තරගාවලිය අද (29දා) සිට ජූලි 2දා දක්වා කොළඹ සුගතදාස පිහිනුම් තටාකයේදී පැවැත්වේ.
තරගාවලියේ පිහිනුම් තරග ජුනි 29, 30 ජූලි 01 සහ 02 දිනවල පැවැත්වෙන අතර, දියපිමි තරග ජුනි 30 සහ ජූලි 01 දිනවල පැවැත්වීමට කටයුතු යොදා තිබේ. 
කේවල තරග 140කින් සහ සහාය තරග 24කින් සමන්විත මෙම තරගාවලිය අවු. 9න් පහළ, 11, 13, 15, 17 සහ 19න් පහළ වයස් කාණ්ඩ යටතේ බාලක-බාලිකා තරග පැවැත්වේ.
සියලුම වයස් සීමා තරගවල ප්‍රථම ස්ථානයේ සිට 8 වැනි ස්ථානය දක්වා සහතිකපත් පිරිනැමෙන අතර, පළමු ස්ථාන 3 දිනා ගන්නා ක්‍රීඩකයන්ට පදක්කම් ප්‍රදානය කෙරේ.
සියලුම වයස් සීමා තරග සඳහා දක්ෂතම ක්‍රීඩකයා, දක්ෂතම ක්‍රීඩිකාව සහ දක්ෂතම පාසලට කුසලාන ප්‍රදානය කිරීමට සංවිධායකයින් කටයුතු යොදා තිබේ.
කනිෂ්ඨ සහ ‍‍‍ජ්‍යෙෂ්ඨ බාලක-බාලිකා ශූරතා, මිශ්‍ර බාලක-බාලිකා ශූරතා සහ බාලක-බාලිකා සමස්ථ ශූරතාද මෙහිදී පිරිනැමේ. 
මේ වන විටත් තරගාවලිය සඳහා පාසල් 180කින් ක්‍රීඩක ක්‍රීඩිකාවන් 2928ක් ඇයැදුම්පත් යොමුකර තිබේ.
නෙස්‍ලේ ලංකා සමාගමේ මයිලෝ අනුග්‍රහයෙන් පැවැත්වෙන මෙම තරගාවලියේ සමාරම්භක උළෙල 29දා පෙරවරු 8.00ට අධ්‍යාපන අමාත්‍යාංශයේ ජාතික පාසල් අධ්‍යක්ෂ ජයන්ත වික්‍රමනායක මහතාගේ ප්‍රධානත්වයෙන් පැවැත්වෙන අතර, සමාප්ති උළෙල අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් ජූලි 2දා පස්වරු 4.00ට පැවැත්වේ.
 
ප්‍රභාත් විදානපතිරණ

අධ්‍යාපන කලාප 15ක ක්‍රීඩක ක්‍රීඩිකාවන්ගේ සහභාගිත්වයෙන් සිව් දිනක් පුරා මහනුවර බෝගම්බර ක්‍රීඩාංගණයේදී පැවැති මධ්‍යම පළාත් පාසල් ක්‍රීඩා උළෙලෙහි සමස්ත ශූරතාව මහනුවර අධ්‍යාපන කලාපයට (ලකුණු 1325) හිමිවිය.
ලකුණු 748ක් දිනාගත් වත්තේගම කලාපයට දෙවැනි ස්ථානය හිමිවූ අතර, තෙවැනි ස්ථානය හැටන් (ලකුණු 222) කලාපයට හිමිවිය.
‍‍‍ජ්‍යෙෂ්ඨ අංශයේ බාලක සහ බාලිකා ශූරතා ද්විත්වයම දිනා ගැනීමට වලල ඒ. රත්නායක මධ්‍ය මහා විදුහල සමත් වූ අතර, බාලක අනුශූරතාව මහනුවර ත්‍රිත්ව විදුහලද, බාලිකා අනුශූරතාව හැටන් අඹගමුව මධ්‍ය මහා විදුහලද දිනාගත්තාය. 
මෙවර ක්‍රීඩා උළෙ‍ලේ දක්ෂතම ක්‍රීඩකයා ලෙස අකුරම්බොඩ වීර කැප්පෙටි‍පොළ ජාතික පාස‍ලේ එස්.පී. අරුණ දර්ශන සම්මාන දිනාගත් අතර, දක්ෂතම ක්‍රීඩිකාව ලෙස වලල ඒ. රත්නායක මධ්‍ය මහා විදුහ‍ලේ කේ.ජී. ඩිල්ෂී මහීෂා ශ්‍යාමලී කුමාරසිංහ සම්මාන දිනා ගත්හ.
 
සපුමල් වීදියබණ්ඩාර

IMAGE

බ්‍රිතාන්‍ය රජ පවු‍ලේ අලුත්ම සාමාජිකයා මෙන්න

IMAGE 2018 Apr 25 12:50
බ්‍රිතාන්‍ය රජ පවු‍ලේ තොරතුරු ගැන උනන්දුව දක්වන බොහෝ දෙනෙකුට සතුට දනවන පුවතක් පසුගිය 23...
Views - 565

ඉංජිනේරු සිසු ඩිල්ශාන්ගේ පැතුම් ගං දියේ සැඟව යයි

IMAGE 2018 Apr 24 15:43
 තව ටික කලකින් අම්මා රස්සාවට යන එක මම නතර කරනවා. මට හොඳ රැකියාවක් ලැබුණම ගේ හදලා වාහනයක් අරගෙන...
Views - 1427

මේ හැම දෙයක්ම පෙර පිනක් නිසා ලැබුණු දේවල් වෙන්න ඇති

IMAGE 2018 Apr 22 16:52
උදා වූ අලුත් අවුරුද්දේ  ඔබට අපි අලුත් ආරංචි කීපයක්ම රැගෙන එනවා. ‘මලී’ ටෙලි නාට්‍ය හරහා...
Views - 3260

ඕන කස්තිරමක් අල්ලන්න පුළුවන්. ඒත් රතු ලූනු එක්ක නම් බැහැ

IMAGE 2018 Apr 22 13:26
කොයි කවුරුත් ආසා කරන කෑම ජාති වගේම, අප්‍රිය කරන ආහාර වර්ගත් තියෙනවානේ. “කාටත් නොකී රහසක්’...
Views - 2624

මේ විශේෂ කෙනා එක්ක විවාහ වෙන්න ලැබුණොත් ඒක ලොකු සතුටක්

IMAGE 2018 Apr 22 11:55
ජනප්‍රිය සිනමා නිළි සෙනාලි ෆොන්සේකා මේ දවස්වල හරි හරියට ලංකාව වටා රවුම් ගහනවලු. ඒ නිසාම මග...
Views - 3803

සියළු වත්කම් සසුනට පුදා මුළු පවුලම පැවිදි බිමට

IMAGE 2018 Apr 20 11:18
දරුවන් සිව්දෙනාත්, බිරිඳත් සසුන්ගත කර තමන්ද පැවිදිව ගිහිකල තමන් සතුව තිබූ ස්ථිර නිවස හා ගොඩ...
Views - 4795

Please publish modules in offcanvas position.