Coss Ear2
lakbima.lk
COSS Ear 1

ගයන්තිකා අබේරත්න රන් පදක්කමක් දිනයි

ඉරානයේ ටෙහෙරාන් නුවරදී පැවැති 8 වැනි ආසියානු ගෘහස්ථ මලල ක්‍රීඩා උළෙ‍ලේදී එක් රන් පදක්කමක් සහ ලෝකඩ පදක්කම් 3ක් දිනා ගැනීමට ශ්‍රී ලංකා ක්‍රීඩක ක්‍රීඩිකාවෝ සමත් වූහ.
ගයන්තිකා අබේරත්න කාන්තා මීටර් 1500 ඉසව්වේදී මිනිත්තු 4.26.22ක කාලයක් වාර්තා කරමින් ශ්‍රී ලංකාව දිනාගත් එකම රන් පදක්කමේ හිමිකාරිය බවට පත් වූවාය.
මෙය මීටර් 1500 ගෘහස්ථ ඉසව්වේ නව ශ්‍රී ලංකා වාර්තාවක් ලෙසද වාර්තා ‍පොත් අතරට එක්විය.
කාන්තා මීටර් 800 ඉසව්වේදී මිනිත්තු 2.10.83ක කාලයක් වාර්තා කරමින් නිමාලි ලියනාරච්චි තරගාවලියේ ආරම්භක දිනයේදීම ශ්‍රී ලංකාවට ලෝකඩ පදක්කමක් දිනා දුන් අතර, උපමාලිකා රත්නකුමාරි කාන්තා මීටර් 400 ඉසව්වේදී තත්පර 54.90ක කාලයක් සටහන් කරමින් ශ්‍රී ලංකාවට තවත් ලෝකඩ පදක්කමක් දිනා දීමට සමත් වූවාය.
පස්දෙනකුගෙන් සමන්විත ශ්‍රී ලංකා කණ්ඩායමේ එකම ක්‍රීඩකයා වූ ප්‍රසාද් විමලසිරි දුර පැනීම ඉසව්වේදී මීටර් 7.67ක දක්ෂතාවක් දක්වමින් ලෝකඩ පදක්කමක් දිනාගත් අතර, හෂිනි ප්‍රබෝදාට (තුන් පිම්ම) පමණක් මෙම තරගාවලියේදී කිසිදු පදක්කමක් හිමි නොවූවාය.

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

 

Lakbima Online

Download Lakbima Mobile App

 
 

 

Get In Touch With Us

E-Papers

Please publish modules in offcanvas position.