Coss Ear2
lakbima.lk
COSS Ear 1

සමස්ත ලංකා පාසල් සහය දිවීමේ සැණකෙළිය

යාපනයේ දොරේඅප්පා ක්‍රීඩාංගණයේදී පැවැති සමස්ත ලංකා පාසල් සහය දිවීමේ තරගාවලියේ බාලක සමස්ත ශූරතාව හොටහේන ශා. බෙනඩික්ට් විදුහලද (ලකුණු 83), බාලිකා සමස්ත ශූරතාව වලල ඒ. රත්නායක මධ්‍ය මහා විදුහලද (ලකුණු 112) දිනා ගැනීමට සමත් විය.

වයස් කාණ්ඩ 5ක් යටතේ බාලක සහ බාලිකා ලෙස පැවැති මෙවර තරගාවලියේ ලකුණු 71ක් හිමිකරගත් මීගමුව මාරිස්ටෙලා විදුහල බාලක අනුශූරතාව දිනාගත් අතර, වලල ඒ. රත්නායක මැදි විදුහලට තෙවැනි ස්ථානය (ලකුණු 60) හිමිවිය.
කුරුණෑගල ශ්‍රීමත් ජෝන් කොතලාවල විදුහල ලකුණු 66ක් හිමිකර ගනිමින් බාලිකා අනුශූරතාව දිනාගත් අතර, ලකුණු 42ක් හිමිකරගත් රත්නපුර සුමන බාලිකාව තෙවැනි ස්ථානයට පත්විය.

තරගාවලියේ බාලිකා ශූරතාව සහ බාලක තෙවැනි ස්ථානය දිනාගනිමින් ලකුණු 172ක් හිමිකරගත් වලල ඒ. රත්නායක මධ්‍ය මහා විදුහලට මිශ්‍ර පාසල් ශූරතාවද හිමිවූ අතර, එහි අනුශූරතාව කුරුණෑගල ශ්‍රීමත් ජෝන් කොතලාවල (ලකුණු 79) විදුහලටද, තෙවැනි ස්ථානය පන්නිපිටිය ධර්මපාල (ලකුණු 64) විදුහලටද හිමිවිය.

නෙස්‍ලේ ලංකා සමාගමේ මයිලෝ අනුග්‍රහයෙන් මෙම තරගාවලිය පැවැත්විණි.


සපුමල් වීදිය බණ්ඩාර

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

Lakbima Online

Download Lakbima Mobile App

 
 

 

Get In Touch With Us

E-Papers

Please publish modules in offcanvas position.