ශ්‍රී ලංකාව සහ පාකිස්තානය අතර ඩුබායිහි පැවැත්වෙන දෙවැනි ටෙස්ට් ක්‍රිකට් තරගයේ තෙවැනි දිනය වූ ඊයේ (8දා) ශ්‍රී ලංකා මුල් ඉනිම වෙනුවෙන් ලබාගත් ලකුණු 482ට පිළිතුරු ඉනිම ක්‍රීඩා කළ පාකිස්තානය ලකුණු 262කට දවා ගැනීමට ශ්‍රී ලංකා පන්දු යවන්නෝ සමත් වූහ.
මේ අනුව මුල් ඉනිමේ ලකුණු 220ක් ඉදිරියෙන් සිටි ශ්‍රී ලංකාව දෙවැනි ඉනිම වෙනුවෙන් දිනය නිමා වන විට කඩුළු 5ක් දැවී 34ක් ලබා යම් පසු බෑමට ලක් විය.
ශ්‍රී ලංකා පිතිකරුවන් මුල් ඉනිමේ දැක්වූ විශිෂ්ට දක්ෂතාවයට යහපත් ප්‍රතිචාරයක් දැක්වූ ශ්‍රී ලංකා පන්දු යවන්නෝ සිය යුතුකම් ඉටු කිරීමට සමත් වීමෙන් ශ්‍රී ලංකාව ප්‍රබල තත්ත්වයක පසුවිය.
ශ්‍රී ලංකාව වෙනුවෙන් පන්දුවෙන් සාර්ථක ප්‍රතිඵල නෙලා ගත් රංගන සහ දිල්රුවන් කඩුලු 3 බැගින් බිඳ හෙලූ අතර, ලක්මාල් සහ ගමගේ කඩුලු 2 බැගින් බිඳ හෙළීය.
ශ්‍රී ලංකාව මුල් ඉනිම වෙනුවෙන් සුපිරි ඉනිමක් ක්‍රීඩා කළ දිමුත් කරුණාරත්න පන්දු 405කදී හතරේ පහර 19ක් සහ එක් හයේ පහරක් සහිතව ලකුණු 196ක් ලබා සිය ටෙස්ට් දිවියේ ඉහළම ලකුණු ප්‍රමාණය රැස් කිරීමට සමත් විය.
දිමුත්ට අනගි සහයක් දුන් නායක චන්දිමාල් ලකුණු 62ක් වාර්තා කළ අතර, දිමුත් සහ චන්දිමාල් අතර සිව්වැනි කඩුල්‍ලේ සම්බන්ධතාවය ලකුණු 146ක් විය.
ඉන්පසු පිටියට පිවිසි නිරෝෂන් දික්වැල්ල ලකුණු 52ක් ලැබූ අතර, 5 වැනි කඩුල්‍ලේ සම්බන්ධතාවය ලකුණු 88ක් විය.
සාර්ථක ඉනිමක් ක්‍රීඩා කරමින් දිල්රුවන් පෙරේරා ලකුණු 58ක් ලැබූ අතර, රංගන නොදැවී ලකුණු 27ක් වාර්තා කළේය.
පන්දුවෙන් සාර්ථක ප්‍රතිඵල නෙලාගත් යසීර් ෂා කඩුලු 6ක් බිද හෙලූ අතර, මොහොමඩ් අබ්බාස් කඩුලු 2ක් බිද හෙළීය.
පාකිස්තානු මුල් ඉනිමේදී ෂාන් මසූඩ් සහ සමී අස්ලාම් මුල් කඩුල්ල වෙනුවෙන් ලකුණු 61ක සම්බන්ධතාවක් තැබූවද අස්ලාම් දැවී යාමෙන් පසු ඉනිම බිඳ වැටුණි.
අස්ලාම් ලකුණු 39කට දිල්රුවන්ට ගොදුරු වූ අතර, ෂාන් මසූඩ් ලහිරු ගමගේගේ පළමු ටෙස්ට් කඩුල්ල බවට පත්විය.
අසාඩ් ෂෆීක් ලක්මාල් හමුවේ ලකුණු 12කට දැවී ගිය අතර, බාබර් අසාම් ලකුණු 8කට දවාගත් රංගන ලකුණු 59ක් ලැබූ අසාර් අලී දවා ගැනීමෙන් 5 වැනි කඩුල්ල ලකුණු 180දී බිඳ වැටුණි.
සෆ්රාස් අහමඩ් ලකුණු 14කට දවාගත් දිල්රුවන් සාර්ථක ඉනිමක නිරත වූ හැරිස් සොහෙල් ලකුණු 56කට දවා ගැනීමෙන් පාකිස්තානයේ කඩුලු 7ක් ලකුණු 24ක් තුළ බිඳ වැටුණි.
සිය තෙවැනි කඩුල්ල ලෙස මොහොමඩ් අමීර් ලකුණු 7කට දවා ගැනීමට රංගන සමත් වූ අතර, 9 වැනි කඩුල්ල ලෙස වහාබ් රියාස් ලකුණු 16කට පිටියෙන් ඉවත් කිරීමට ලහිරු ගමගේ සමත් විය.
යසීර් ෂා ගේ කඩුල්ල දවා ගැනීමට සුරංග ලක්මාල් සමත් වීමෙන් පාකිස්තානු මුල් ඉනිම ලකුණු 262කට අවසන් විය.
Add new comment
- Hits: 453
සිංගර් ශ්‍රී ලංකා සමාගමේ අනුග්‍රහය ඇතිව ශ්‍රී ලංකා පාසල් ක්‍රිකට් සංගමය සංවිධානය කරන අවු. 15න් පහළ අන්තර් පාසල් දෙවැනි කොටසේ ක්‍රිකට් තරගාවලියේ පළමු වටයේ ක්‍රිකට් තරගයකදී මතුගම සී.ඩබ්ලිව්.ඩබ්ලිව්. කන්නංගර මධ්‍ය මහා විද්‍යාලයට එරෙහිව තුන් ඉරියව් දස්කම් දැක්වූ මීපාවල අමරසූරිය විද්‍යාලයේ ඉඳුවර උදේන ලකුණු 15ට කඩුලු 13ක් සහ ලකුණු 75ක් වාර්තා කළේය.
ශ්‍රී ලංකාව සහ පාකිස්තානය අතර අබුඩාබිහිදී පැවැති පළමු ටෙස්ට් ක්‍රිකට් තරගයෙන් ලද ජයග්‍රහණය පසුගිය කාලයේදී සියලු දෙනාගේම කැපවීමේ ප්‍රතිඵලයක් බව ශ්‍රී ලංකා නායක දිනේෂ් චන්දිමාල් පවසයි.
ශ්‍රී ලංකා ක්‍රිකට් ආයතනය සීමාසහිත ප්‍රීමා සමූහ ව්‍යාපාරයේ අනුග්‍රහය ඇතිව සංවිධානය කරන 11 වැනි “පී්‍රමා ශූරයන්ගේ කුසලාන” අවු. 15න් පහළ අන්තර් පළාත් ක්‍රිකට් තරගාවලියේ අවසන් තරගයට සුදුසුකම් ලැබිමට පසුගිය වසරේ අනුශූරතාව දිනාගත් බස්නාහිර පළාත් මධ්‍යම පිල සහ බස්නාහිර පළාත් දකුණ පිල සමත් විය.
ශ්‍රී ලංකාව සහ පාකිස්තානය අතර තරග දෙකකින් සමන්විත ටෙස්ට් ක්‍රිකට් තරගාවලියේ අබුඩාබිහිදී පැවැති පළමු තරගයෙන් තියුණු සටනකින් පසු ලකුණු 21ක ජයක් වාර්තා කිරීමට ශ්‍රී ලංකාව සමත් විය.
සහිතව කඩුලු 11ක් ලබාගත් රංගන හේරත් ජයග්‍රහණයේ නියමුවා බවට පත්විය.
ශ්‍රී ලංකාව සහ පාකිස්තානය අතර අබුඩාබිහිදි පැවැත්වෙන පළමු ටෙස්ට් ක්‍රිකට් තරගයේ සිව්වැනි දිනය වූ ඊයේ (01දා) දෙවැනි ඉනිම වෙනුවෙන් පන්දුවට පහර දෙන ශ්‍රී ලංකාව කඩුලු 4කට ලකුණු 69ක් ලබා කඩුලු 6ක් අතැතිව ලකුණු 66ක් ඉදිරියෙන් පසුවිය.
