Coss Ear2
lakbima.lk
COSS Ear 1

පාකිස්තානය ටෙස්ට් තරගාවලියේදී පරාජය කිරීම අති විශිෂ්ට ජයක්

එක්සත් අරාබි එමීර් රාජ්‍යයේදී පාකිස්තානයට එරෙහිව ලැබූ ටෙස්ට් තරගාවලි ජය ඉතා විශිෂ්ට ජයග්‍රහණයක් බව ශ්‍රී ලංකා ටෙස්ට් ක්‍රිකට් නායක දිනේෂ් චන්දිමාල් ඊයේ (31දා) ක්‍රිකට් ආයතනයේ පැවැති මාධ්‍ය හමුවේදී පැවැසීය.
මෙම ජයග්‍රහණය පිළිබඳව මුලින්ම තමන්ගේ සගයන්ට ස්තුතිය පිරිනමන බව පැවැසූ චන්දිමාල් ඔවුන් සියලු දෙනා තමන්ගේ වගකීම් හොඳින් ඉටුකළ බවද පවසයි.
එක්දින තරගාවලියේදී ලකුණු අතරට පැමිණීමට නොහැකි වීම පිළිබඳව සිය කනගාටුව ප්‍රකාශ කළ චන්දිමාල් තමන්ට මීට වඩා දෙයක් එක්දින කණ්ඩායමට ලබා දීමට තිබූ බවද සඳහන් කළේය.
තරගාවලියට පෙර ‘මෑණියන්’ කෙනෙකු ළඟට යාම පිළිබඳව මාධ්‍ය නැගූ පැනයකට පිළිතුරු දෙමින් චන්දිමාල් පවසා සිටියේ ඕනෑම අයෙකුට ඕනෑම ආගමක් ඇදහීමේ නිදහසක් ඇති බවත්, ඕනෑම පුද්ගලයකු ආශිර්වාද ලබා ගැනීම වරදක් නොවන බවත්, එම ‘මෑණියන්’ තම මිතුරකුගේ මවක් වන බැවින් ඇය වෙත ගොස් ආශිර්වාද ලබා ගත් බවයි. 
මෙහිදී අදහස් දැක්වූ ශ්‍රී ලංකා එක්දින නායක උපුල් තරංග පවසා සිටියේ ශ්‍රී ලංකා පිල එක්දින තරගාවලිය ඉතාම දුර්වල විලාශයකින් ක්‍රීඩා කළ බවයි.
කිසිම පිතිකරුවකු තමන්ගේ වගකීම් ඉටු නොකළ බව පැවැසූ තරංග පන්දු යවන්නන් තමන්ගේ යුතුකම් මැනවින් ඉටු කරමින් හොඳින් ක්‍රීඩා කළ බව පවසයි.
තරගාවලියට පෙර පුහුණුකරු, කළමනාකරු සහ ‍‍‍ජ්‍යෙෂ්ඨ ක්‍රීඩකයන් සාකච්ඡා කර සැලසුම් සකස් කළද ඒ සෑම සැලසුමක්ම අසාර්ථක වූ බව පැවැසූ උපුල් තරංග මේ වසරේදී එංගලන්තයේදී චැම්පියන්ස් කුසලාන දිනාගත් පාකිස්තානු කණ්ඩායම තුන් ඉරියව්වෙන්ම දක්ෂ කණ්ඩායමක් බව පවසයි.
පාකිස්තානයට එරෙහි 20-20 තරගාවලියේදී ශ්‍රී ලංකා පි‍ලේ නායකත්වය දැරූ තිසර පෙරේරා මෙහිදී අදහස් දක්වමින් පවසා සිටියේ තමන්ට ලැබුණු කණ්ඩායම පිළිබඳව සෑහීමකට පත්වන බවයි.
මෙම කණ්ඩායමේ 20-20 තරග 10කට වඩා ක්‍රීඩා කර සිටියේ තමන් ඇතුළුව තවත් ක්‍රීඩකයන් දෙදෙනකු පමණක් බව පැවැසූ තිසර පෙරේරා සෙසු ක්‍රීඩකයන්ට අත්දැකීම් තිබුණා නම් දෙවැනි 20-20 තරගය ජය ගත හැකිව තිබූ බව සඳහන් කළේය.
කණ්ඩායම නවකයන්ගෙන් සැදුම්ලත් වුවත් ඔවුන් ඉතා පරිණත බවක් පෙන්නූ බව පැවැසූ තිසර ලෝහෝර් තරගයට ලබාදුන් ආරක්ෂාව ඉතා ඉහළ මට්ටමක පැවැති බව පවසයි.
තරගාවලියට පෙර නවක ක්‍රීඩකයන් බොහෝ දෙනකු තමන්ගෙන් ලාහෝර් නගරයේ ආරක්ෂක තත්ත්වය පිළිබඳව විමසා සිටි බවත්, ඔවුන්ට ලාහෝර් නගරයේ ආරක්ෂක තත්ත්වය ඉතා යහපත් මට්ටමක පවතින බවට තමන් ලබාදුන් පිළිතුර පිළිබඳව නවක ක්‍රීඩකයන් විශ්වාසය තැබූ බවද සඳහන් කළේය.
මෙහිදී ශ්‍රී ලංකා පුහුණුකරු නික් ‍පෝතාස් මහතා සඳහන් කර සිටියේ පන්දු යැවීමේ අංශයෙන් ලෝකයේ අනෙක් රටවල් හා සමානව ශ්‍රී ලංකාව දස්කම් දැක්වුවත්,  පිතිකරණ අංශය පිළිබඳව ඉතාමත් කනගාටුවට පත්වෙන බවයි.
මෙහිදී අදහස් දැක්වූ ශ්‍රී ලංකා ක්‍රිකට් ප්‍රධාන විධායක නිලධාරී ඈෂ්ලි ද සිල්වා මහතා සඳහන් කර සිටියේ ලබන 2018 වසරේ ජුනි මාසයේදී පාකිස්තානයේදී පැවැත්වීමට නියමිත ආසියානු කුසලාන අවුරුදු 19න් පහළ ක්‍රිකට් තරගාවලියට රටවල් 6ක් සහභාගි වීමට නියමිත බවත්, ඒ සඳහා ශ්‍රී ලංකා අවුරුදු 19න් පහළ කණ්ඩායමක් සහභාගි කරවීමට සැලසුම්කර ඇති බවයි.
 
ප්‍රභාත් විදානපතිරණ 

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

මේ විශේෂ කෙනා එක්ක විවාහ වෙන්න ලැබුණොත් ඒක ලොකු සතුටක්

IMAGE 2018 Apr 22 11:55
ජනප්‍රිය සිනමා නිළි සෙනාලි ෆොන්සේකා මේ දවස්වල හරි හරියට ලංකාව වටා රවුම් ගහනවලු. ඒ නිසාම මග...
Views - 54

සියළු වත්කම් සසුනට පුදා මුළු පවුලම පැවිදි බිමට

IMAGE 2018 Apr 20 11:18
දරුවන් සිව්දෙනාත්, බිරිඳත් සසුන්ගත කර තමන්ද පැවිදිව ගිහිකල තමන් සතුව තිබූ ස්ථිර නිවස හා ගොඩ...
Views - 2328

අලුත් අවුරුද්දේ ගායකයෙකු 'නැහැවූ' රූපලාවන්‍යවේදිනිය

IMAGE 2018 Apr 19 15:05
ඔහු මෑතක දී ජනප්‍රියත්වයට පත් තරුණ ගායකයෙකි. සංගීත සන්දර්ශනාදියේද ඔහුට සැලකිය යුතු තැනක්...
Views - 3306

දමයන්ති ජයසූරිය සංගීත දිවියට සමුදී සිත නිවන මඟකට?

IMAGE 2018 Apr 19 10:26
ඔබ මැදි වයස් පසුකරමින් සිටින කෙනෙකු නම් ගුවන්විදුලිය ඔස්සේ කුඩා කල ඔබේ සිඟිති දෙසවන් පිනවූ...
Views - 3558

ලොව වයස්ගතම සියා ජපානයෙන්

IMAGE 2018 Apr 18 20:06
ලොව මේ වනවිට ජීවත්ව සිටින වයස්ගතම පිරිමි පුද්ගලයා වෙත ගිනස් සහතිකය පිරිනැමීම පසුගිය දා සිදු...
Views - 1441

පුංචි තිරයේ පෙම්වතියක් වුණත් මං කවදාවත් පෙම් කරලා නෑ

IMAGE 2018 Apr 18 13:24
පුංචි තිරයේ බිහිවූ නවක නිළි පරපුර අතර කැපී පෙනෙන නිළියක ලෙස ඇය හැඳින්විය හැක. මේ දිනවල විකාශය...
Views - 3433

Please publish modules in offcanvas position.