Coss Ear2
lakbima.lk
COSS Ear 1

එක්සත් ජාතික පක්ෂ මැයි රැලියේදී අගමැති රනිල් වික්‍රමසිංහ සමෘද්ධි බැංකුව මහ බැංකුව යටතට පත් කරන බවට කළ ප්‍රකාශය නිසා ඉකුත් සතිය දේශපාලන ක්ෂේත්‍රය උණුසුම් කර තිබුණි. සමෘද්ධි බැංකුව මහ බැංකුව යටතට පවරා ගැනීමේ කටයුතු සඳහා මූලික සාකච්ඡාව පැවැත්වූයේ ඉකුත් සිකුරාදාය. අගමැතිවරයාගේ ප්‍රධානත්වයෙන් කොළඹදී පැවැති මෙම සාකච්ඡාවට පී. හැරිසන් අමාත්‍යවරයා සමග මහ බැංකු අධිපති ආචාර්ය ඉන්ද්‍රජිත් කුමාරස්වාමි මහතා ඇතුළු රාජ්‍ය ආයතන කීපයක ප්‍රධානීහුද සම්බන්ධ වී සිටියහ. සාකච්ඡාව ආරම්භයේදීම මහ බැංකුව පෙන්වා දුන්නේ සමෘද්ධි බැංකුව හා ඒ සඳහා බැංකු නියාමනය කිරීම සඳහා දැනටමත් මහ බැංකුව මැදිහත් වන බවය.
මේ සමෘද්ධි බැංකුවත් අනෙක් බැංකු වගේ ජාතික තලයේ බැංකුවක් බවට පත් කරලා ගමේ සාමාන්‍ය ජනතාවගේ මූල්‍ය අවශ්‍යතා සපුරා දෙන්න පුළුවන් නේද? අගමැතිවරයා මෙහිදී ප්‍රශ්න කළේය.
සමෘද්ධි බැංකුව මහ බැංකුව යටතට පත් කරන්න නම් පනතක් වෙනස් කරන්න වෙනවා. සමෘද්ධි පනත අනුව අපිට පුළුවන් මේ බැංකුව නියාමනය කරන්න මහ බැංකුවේ නියෝජ්‍ය අධිපති රණසිංහ මහතා පෙන්වා දුන්නේය.
ඒක තමයි හොඳ. ඒ නියාමනය කිරීම සක්‍රීය කරලා විධිමත් විගණන ක්‍රමවේදයක් හදන්න පුළුවන් නේද? පී. හැරිසන් අමාත්‍යවරයාද මහ බැංකු මතයට එකඟ වූයේය. පැයකට අධික කාලයක් පැවැති මෙම සාකච්ඡාවෙන් පසු සමෘද්ධි බැංකුව නියාමනය සඳහා ගත යුතු ක්‍රියාමාර්ග හා සමෘද්ධි බැංකුව මහ බැංකුව යටතට පත් කරගැනීමට ඇති ඉඩකඩ සොයා බලා වාර්තා කිරීමට ආර්ථික කටයුතු අමාත්‍යාංශයේ ‍ලේකම්වරයාගේ ප්‍රධානත්වයෙන් කමිටුවක් පත් කෙරිණි.
එ.ජා.ප.ය තුළ ඇමැති ධුර බෙදාදීම හා එ.ජා.ප.යට නිලධාරීන් පත් කිරීම යන කාරණා දෙක නිසා මතුව ඇති අර්බුදය දැන් දැන් එකිනෙකාට එළිපිට පහර ගසන තත්ත්වයට පත්ව තිබේ. හිටපු මුදල් අමාත්‍ය හා පක්ෂයේ උපනායක රවි කරුණානායක අමාත්‍ය ධුරයක් අපේක්ෂාවෙන් සිටින නමුත් ඒ ගැන මේ දක්වා ප්‍රතිචාරයක් ලැබි නැත. ඉකුත් සතියේ ජනාධිපති හා සෞඛ්‍ය අමාත්‍ය රාජිත සේනාරත්න ‍පොළොන්නරුවේ පැවැති උත්සවයකට සහභාගි වී දවල් ආහාර ගැනීමට ගියේ ජනපතිගේ ‍පොළොන්නරුව පිහිටි පෞද්ගලික නිවසටය. 'සර් මේ රවීගේ් ප්‍රශ්නයට මොකද කරන්නේ? රාජිත අමාත්‍යවරයා එහිදී ජනපතිගෙන් විමසීය. 'ඇයි මොකක්ද රවිගේ ප්‍රශ්නය' ජනපතිද පෙරළා ප්‍රශ්නයක් ඇසීය.
'රවිගෙන් මට නම් ප්‍රශ්නයක් නෑ. එයාට අමාත්‍යාංශයක් දෙනවා කියලා අගමැතිතුමා කියලා. ඒ ගැන එයා නිතර මටත් කතා කරලා කරදර කරනවා' රාජිත කීවේය.
'රවිට අමාත්‍ය ධූරයක් දෙන්න එපා කියලා ඔයාලාගේම කට්ටිය කියනවා. එයාට චෝදනා එල්ල වෙලා. ඒ නිසා ඒ ප්‍රශ්න විසඳා නොගෙන ඇමැතිකම් දුන්නාම මිනිස්සු බනින්නේ මටනේ' ජනාධිපතිගේ ප්‍රකාශය ස්ථිරයි. ඒ නිසා රවිට අමාත්‍ය ධුරයක් නොලැබෙන බව දැනගත් රාජිත ඒ ගැන නැවත කතා කළේ නැත.
ඒකාබද්ධ විපක්ෂයේ මැයි රැලිය ගාල්ලේ සමනල ක්‍රීඩාංගණයේදී පැවැත් වූයේ ඉකුත් 07දාය. මැයි රැලියට සහභාගි වූ හිටපු ජනාධිපති කොළඹට ආවේ. ඊට දින දෙකකට පසුවය. ඒ පවු‍ලේ පින්කමක් සඳහා සහභාගි වීමට කාල්ටන් නිවසේ නතර වීමට සිදුවූ නිසාය. කෙසේ නමුත් ඉකුත් සතියේ ඉරිදා මහින්ද රාජපක්ෂ හා ඒකාබද්ධ විපක්ෂ මන්ත්‍රී කණ්ඩායම රැස්වූයේ හිටපු ආරක්ෂක ‍ලේකම් ගෝඨාභය රාජපක්ෂගේ වියත්මග සංවිධානයේ වාර්ෂික සම්මේලනයට සහභාගි වීමටය. ෂ්‍රැංග්‍රිල්ලා හෝටලයේ පැවැති මෙම සම්මේලනයට මෙරටේ උගතුන් විද්වතුන් කලාකරුවන් මෙන්ම ජාතික හා ප්‍රාදේශීය මට්ටමේ දේශපාලනඥයෝ විශාල පිරිසක් සහභාගි වී සිටියහ.
මෙහිදී ගෝඨාභය කළ පැය 1/2ක පමණ දේශනය අසා සිටි සියලු දෙනාම ගෝඨාභය රාජපක්ෂගේ දේශපාලන පරිනතභාවය ඇගයීමට ලක්කළහ. ගෝඨාභය දක්ෂයා. අපි උපක්‍රමශීලීව ඔහු ආරක්ෂා කරගන්න ඕනේ' වාසුදේව නානායක්කාර මහතා එසේ කීවේ මහින්ද රාජපක්ෂ මහතා සමග සුහද කතාබහේදීය. 'ඔව් ඔව් අපි දන්නවා. ඔබතුමා චමල් රාජපක්ෂ මහතා ෆෝම් කරන්නේ ගෝඨාභය ආරක්ෂා කරන්න කියලා. එතැන සිට ගාමිණී ලොකුගේ කීවේය. ඒ කතාවෙන් එතැන සිටි හැමෝම සිනාසී මහින්ද රාජපක්ෂගේ මුහුණ දෙස බැලුවේ ඔහුගේ උත්තරය කුමක්ද යන්න දැන ගැනීමටය. 'මම දැක්කා කවුදෝ කියලා තිබුණා ‍පොහොට්ටුවෙන් ජනාධිපති අපේක්ෂකයා ලෙස කාන්තාවක් ඉදිරිපත් කරන්න සූදානම් කියලා. අපේ අයටත් දැන් ආප්ප න්‍යාය අල්ලලා ගිහිල්ලා' මහින්ද රාජපක්ෂ එසේ කියද්දී එහි සිටි සියල්ලෝ මහින්ද සමග මහ හයියෙන් සිනාසුනාහ.
අලි මිනිස් ගැටුම නවත්වන්න දැන් අලුත පත්වූ ඇමැති හා නියෝජ්‍ය ඇමැති බරටම වැඩ බව ඉකුත් සතියේම ඔවුහු පෙන්වා දුන්නේය. ෆීල්ඩ් මාර්ෂල් සරත් ෆොන්සේකා අමාත්‍යවරයා හා නියෝජ්‍ය අමාත්‍ය පාලිත තෙවරප්පෙරුම ඉකුත් සතියේ ‍පොළොන්නරුව ප්‍රදේශයේ අලි මිනිස් ගැටුමට මැදිවූ මිනිසුන් හමුවීමට ගොස් ඔවුන්ගේ දුක් අසා ඔවුන්ගේ වගාවන් ආරක්ෂා කරන්නත් සතුන් ආරක්ෂා කරන්නත් කළයුතු දේ ගැන කතා කළහ. මේ අතර අමාත්‍යවරයා හා නියෝජ්‍ය අමාත්‍යවරයා අතර සුහද කතාබහක් ඇතිවිය.
'ඇමැතිතුමා ඔබතුමා ජනාධිපතිගෙන් සමාව ගත්තා කියලා රාජිත කිව්වේ බොරුවක්ද?' පාලිත තෙවරප්පෙරුම නියෝජ්‍ය අමාත්‍යරයා ඇසුවේය.
'පාලිත ඔයා දන්නවානේ රාජිත එක් එක්කෙනා ෂේප් කරගන්න ඔය වගේ දේවල් කියනවා. ඒකටම එයාට කැබිනට් ප්‍රකාශකකමත් තියෙනවානේ'
'මම හිතුවා ඇත්තටම ඔබතුමා ජනාධිපතිට කනගාටුව ප්‍රකාශ කරන්න ඇති කියලා' තෙවරප්පෙරුම නැවත කීවේය.
'පිස්සුද මම වරදක් කළාද? මම මට හිතෙන දේ කීවා. ජනාධිපතිත් දැන ගන්න ඕනෑනේ අපි ඉන්නේ කොයි විදියේ මතයකද කියලා. එතකොට තමයි වැරදි නිවැරදි වෙන්නේ අපේ තියෙන මේ වැරදි අඩුපාඩු හදා නොගෙන ඉදිරියට යන්න ටිකක් අමාරුයි පාලිත' සරත් ෆොන්සේකා අමාත්‍යවරයා පිළිතුරු ලෙස කීය.
උතුරේ ආණ්ඩුකාර රෙජිනෝල්ඩ් කුරේ කලකිරීමෙන් ඉන්න බව ඉකුත් සතියේ ඔහුගේ කමිටුව මාධ්‍යවේදීන් කීප දෙනකුට සඳහන් කර තිබුණේය. 'ශ්‍රී ල.නි.ප.යට විනයක් නෑනේ. එකම පක්ෂයේ අය විරුද්ධ පක්ෂයේයි ආණ්ඩු පක්ෂයේයි ඉන්නවා. මේ විදියට පක්ෂයක් ගොඩ නගන්න පුළුවන්ද? ජනාධිපති තමයි පක්ෂයේ සභාපතිවරයා. එතුමා ඔබ සමග කිට්ටු සබඳතා තියෙනවානේ. ඇයි කියන්නේ නැත්තේ? මාධ්‍යවේදියකු ඔහුගෙන් පෙරළා ප්‍රශ්න කර ඇත මට ඉඩ ලැබෙන හැම වේලාවේම ඔය ගැන කියනවා. ජනපති අසරණ වෙලා. ඔහුට හොඳ ජනතාවාදී නායකයෙක් වෙන්න ඉඩක් නෑ. එ.ජා.ප.යටත් ඒකාබද්ධ විපක්ෂයෙන් දෙමළ ජාතික සන්ධානයක් ඔහුට වට කරලා ගහනවා. ඔහුට හේත්තු වෙන්න තැනක් නෑ. ශ්‍රී ල.නි.ප. සභාපතිකම ජනපති ඉල්ලන්නේ නැතුව ඔහුට බාර දුන්නේ ඇයි කියන එකත් දැන් හිතන්න වෙලා තියෙනවා, හැම ක්‍රියාවකටම යම් අරමුණක් තිබෙන බව පෙනෙනවා ඔහු මාධ්‍යවේදියාට කියා තිබුණි.
ජනතා විමුක්ති පෙරමුණේ ව්‍යවස්ථා සංශෝධන යෝජනාව ගැන ෙතේ‍රනිකායික නාහිමිවරුන් ඇතුළු ආගමික නායකයන් දැනුවත් කළ යුතු බව ජ.වි.පෙ. දේශපාලන මණ්ඩලය තීරණය කර ඇත්තේ ඉකුත් සතියේය. 'මේ විධායක ජනපති ධුරය අහෝසි කරන්න ඕනෑ කියලා. මේ රටේ සියලු දේශපාලන පක්ෂ තීන්දුවක් අරගෙන තිබෙනවා. ඒක කරන්න අවස්ථාව ලැබුණාම බොරු බිල්ලෙක් මවනවා. තමන්ට කියා ගන්න බැරි දේවල් සමහර දේශපාලනඥයෝ මහනායක හිමිවරුන්ට කියලා උන්වහන්සේ ලවා කියනවා. 20 වැනි ව්‍යවස්ථා සංශෝධන ගැන අපිත් සියලුම ආගමික නායකයන් දැනුවත් කරන්න ඕනේ යැයි බිමල් රත්නායක මන්ත්‍රීවරයා සඳහන් කර තිබුණේ ඉකුත් සතියේය. 
 
ජයසූරිය උඩුකුඹුර
  1. එජාප-ශ්‍රීලනිප අර්බුදයට විසඳුම මැතිවරණයක් පමණයි
  2. ආර්ථික අර්බුදය ඔඩු දුවන ලකුණු
  3. කෝටි 47 අල්ලසේ මෙතෙක් හෙළි නොවූ සුල මුල මෙන්න
  4. මේ කැබිනට් සංශෝධනයත් විද්‍යාත්මක නැහැ
  5. ආර්ථික වර්ධන වේගය අපේක්ෂා කළාට වඩා අඩුයි
  6. රාජාසන කතාවෙන් පසු මැයි 08 දා ආණ්ඩුව ඉවරද?
  7. වෙසක් ‍පෝයත් මැයි දිනයත් එකට දා ගත්තේ අපි නොවේ - පාර්ලිමේන්තු මන්ත්‍රී ගාමිණී ලොකුගේ
  8. මේ ආණ්ඩුවේ වැඩපිළිවෙළ එළ හරකයි මී හරකයි වගේ
  9. රුපියල බාල්දු වීමෙන් එකපිට එක ගැටලු
  10. අවුරුදු කිරිබතටත් ලූනු මිරිස් පිටරටින්
  11. ආණ්ඩුවේ අලුත් බද්දෙන් ජනතාව හාන්සියි
  12. කොළඹ කොටස් වෙළෙඳ‍පොළට මොකද වුණේ?
  13. විශ්වාසභංගය මොකක්ද?
  14. භාණ්ඩ හා සේවා මිල ගණන් ඉහළට
  15. සංහිඳියාව ඈලියාවට යාම
  16. අතුරුදන්වූවන්ගේ ඥතීන් අදටත් ඉන්නේ හැඬු කඳුළින්
  17. ආර්ථිකයට හිතකර නොවූ මේ වසරේ මුල් මාස තුන
  18. ජාතිය-ජාතිකත්වය හා යථාර්ථය
  19. ජාතිවාදයෙන් වැනසුණ මිස සැනසුණ රටක් නැත
  20. දේශපාලන සමාජ අර්බුද මැද ආර්ථිකය කබලෙන් ළිපට
  21. අපේ රටේ ඇමැතිවරු බෙදීම විද්‍යාත්මක නෑ
  22. ආර්ථිකය ඉල්ලන කඩිනම් පිළියම්
  23. දේශපාලන අස්ථාවරත්වයෙන් ආර්ථිකය බරපතළ අනතුරක
  24. රාජපක්ෂ රජයට එල්ලවූ චෝදනා මේ ඡන්ද ප්‍රතිඵලයෙන් අවලංගු නොවේ
  25. මේ වෙලාවේ මහ මැතිවරණයක් තියන්න පුළුවන්ද ?

Page 1 of 59

 

Lakbima Online

Download Lakbima Mobile App

 
 

 

Get In Touch With Us

E-Papers

Please publish modules in offcanvas position.