Coss Ear2
lakbima.lk
COSS Ear 1

ඩීමෝ ප්‍රමුඛ සම්මාන රැසක් දිනාගනියි

සිය සේවක පිරිසෙහි වටිනාකම මැනවින් වටහා ගනිමින් ඔවුන්ට සතුටු සිතින් සේවය කිරීම සඳහා අවශ්‍ය පසුබිම සකසා දෙන ඩීමෝ සමාගම මෙරට හොඳම සේවක සත්කාර සපයන සමාගම් 25අතරට මෙවර ද නම් කෙරෙයි. අඛණ්ඩව පස්වන වරට  මෙම සම්මානය ඩීමෝ සමාගම විසින් හිමිකර ගැනීම විශේෂත්වයකි. මෙරට  සේවය කිරීමට සුදුසු  සේවා ස්ථාන ඇගයීම සඳහා වාර්ෂිකව පැවැත්වෙන Great Place to Work Awards 2017සම්මාන උළෙලේ දී ඩීමෝ සමාගම මෙලෙස ඇගයීමට පාත්‍ර වූ අතර මීට අමතරව මෙහිදී තවත් විශේෂ සම්මාන 4ක් හිමිකරගැනීමටද ඩීමෝ  සමාගම සමත් වී තිබේ. ඒ අතර සේවය කිරීමට සුදුසු  හොඳම පීඑල්සී සමාගමට හිමි රන් සම්මානය දිනාගැනීම සහ මහා පරිමාණ ව්‍යවසාය අංශයේ රිදී සම්මානය යන සම්මාන හිමිවීම ද විශේෂත්වයකි.

ආචාර ධර්ම අගයන වගකිවයුතු සමාගමක් වන ඩීමෝ තම සේවක පිරිස සහ අනිකුත් පාර්ශවකරුවන් සමඟ සහයෝගීව කටයුතු කරන සමාගමකි. ඩීමෝ තම සමස්ත සේවක පිරිසෙහි ආරක්ෂාව පිළිබඳව විශේෂ සැලකිල්ලක් දක්වන අතරම සේවක පිරිස සමඟ සහයෝගයෙන් කටයුතු කරන සමාගමකි. සියලුම සේවකයින් වෙත වෛද්‍ය පහසුකම් සැපයීමේ වැඩපිළිවෙල සහ වරින් වර සංවිධානය කෙරෙන සෞඛ්‍ය  වැඩසටහන්  ආදිය ඊට සාක්ෂි දරයි. මෙම ක්‍රියාකාරකම් අගයමින් Great Place to Work Awards 2017සම්මාන උළෙලේ දී  ඩීමෝ ආයතනය වෙත හොඳම සෞඛ්‍ය වැඩසටහනට හිමි සම්මානය ද පිරිනැමිණ. තවද පුද්ගල කේන්ද්‍රිය පුහුණු හා සංවර්ධන කටයුතු වෙනුවෙන් පිරිනැමෙන සම්මානය ද ඩීමෝ ආයතනය විසින් හිමිකර ගැනීම මෙහිදී කැපී පෙනුණි.  සිය සේවකයින් විශේෂඥයින් සහ වෘත්තිකයින් බවට පත්කරලීම සඳහා දිරිමත් කිරීම ඩීමෝ හි ප්‍රමුඛතම කාර්යයකි. කුමන ධාරිතාවකින් යුතු වුව ද, කුමන තරාතිරමේ රැකියාවක නිරත වුව ද සිය සේවකයින් නිරන්තර විශේෂ පුහුණු වැඩසටහන් සහ සහතික පත් පාඨමාලා  සඳහා යොමු කිරීම මෙහිදී සිදුවෙයි. එමෙන්ම නායකත්ව සංවර්ධනය විශේෂ ප්‍රමුඛ කාර්යයක් ලෙස සලකන ඩිමෝ සමාගම සිය සේවක පිරිසෙහි නායකත්ව කුසලතා වර්ධනයට ද දිරි දෙයි. මෙම සියළු  වැඩසටහන් සඳහා අධ්‍යයන කාර්යයන් ඩිජිටල් තාක්ෂණය තුළින් සිදුකෙරෙන අතර  ප්‍රායෝගික ක්‍රියාකරකම් රැසක් සමඟ එම වැඩසටහන් ක්‍රියාත්මක කෙරෙයි.

තමන් සම්බන්ධවන කාර්යන් හොඳම ආකාරයෙන් නිමා කරලීමට සේවකයින් හුරු කරවන අර්ථාන්විත ධාරිතා සංවර්ධන  වැඩසටහන් රැසක් ද ඩීමෝ ආයතනය විසින් ක්‍රියාත්මක කර ඇති අතර එමඟින් ආයතනික ක්‍රියාකාරීත්වය සඳහා සිය සේවකයින්ගේ දායකත්වය උපරිම මට්ටමින් ලබාගැනීමට ඩීමෝ ආයතනය සමත් වී  තිබේ.

මානුෂිය ගුණාංග රැසකින් යුතුව සිය ක්‍රියා පටිපාටිය ඉදිරියට ගෙනයාමේ  වගකීම ඩීමෝ විසින් තම සියලු කොටස්කරුවන්  වෙත පවරා තිබේ. ගතවූ වසර 5තුළ ඵලදායිතාවයෙන් හා ස්ථාවර ලෙස සේවක පහසුකම් නැංවීම තුළින් ඩීමෝ සමාගම “සේවය කිරීම සඳහා හොඳම ස්ථානයක් බවට “ පත්ව එම තත්වය ඉදිරියට පවත්වාගෙන ගොස් තිබේ.

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

 

Lakbima Online

Download Lakbima Mobile App

 
 

 

Get In Touch With Us

E-Papers

Please publish modules in offcanvas position.