Coss Ear2
lakbima.lk
COSS Ear 1

දන්සල් පැවැත්වීමේදී අනුගමනය කළ යුතු නිර්ණායක හයක් හඳුන්වා දෙමින් පසුගියදා බෞද්ධ කටයුතු කොමසාරිස් ජෙනරාල් නිමල් කොටවලගෙදර මහතා සියලු දිස්ත්‍රික්ක හා ප්‍රාදේශීය ‍ලේකම්වරු දැනුවත් කළේය. රටේ ජනතාවගෙන්ද මේ නිර්ණායක අනුව දන්සල් පවත්වන ලෙස රජය ඉල්ලීමක් කළේය. මෙබඳු යෝජනා වෙසක් උත්සවය අතළඟ තබා ඉදිරිපත් කිරීම නුසුදුසු බවත්, මේ හරහා රට පුරා සංවිධානය කෙරුණු දන්සල් දීමේ කටයුතු බොහොමයක් නතර විය හැකි බවටත් කියමින් ඇතැමුන් මැසිවිලි නගන්නට වූහ. මේ පිළිබඳව මාධ්‍ය දැනුවත් කිරීමේ ප්‍රවෘත්ති සාකච්ඡාවක් කැඳවමින් පසුගියදා (25) ආපනශාලා හිමියෝ කොළඹට රැස්වූහ.
මේ තත්ත්වය පිළිබඳව ආපනශාලා හිමිකරුවන්ගේ සංගමයේ සභාපති අසේල සම්පත් පසුගියදා මෙලෙස කරුණු  පෙන්වා දුන්නේය.
මේ විදිහේ ප්‍රශ්න ආහාර පාන සම්බන්ධයෙන් ඇමැතිවරයෙක් හිටියා නම් පැන නගින්නේ නැහැ. මේ රටේ ආහාරපාන ඇමැතිවරයෙක් පිළිබඳව අපි අවුරුදු ගාණක් තිස්සේ කතා කරනවා. ඒ වගේම මේ රටේ ආහාරපාන සම්බන්ධ ජාතික ප්‍රතිපත්තියක් හදන්න කියලත් අපි වසර ගණනක ඉඳලා කතා කරනවා. හැබැයි පාලකයෝ තාවකාලික සෞඛ්‍ය සති, ‍පෝෂණ මාසය, වෙසක් සතිය වගේ දින 365ක් මේ වගේ ආහාර ප්‍රමිතිගත කරනවා කියලා මාධ්‍ය ඉස්සරහ පෙන්වා දීමක් කරන එක විතරයි. දන්සල කරන පිරිසට අද දන්සලක් කරන්නේ කොහොමද කියලා කෝල් කරලා අහන්න කියන තත්ත්වෙට පත් කරලා තියෙන්නෙත් අපේ රටේ ආහාරපාන සම්බන්ධව දීර්ඝකාලින වැඩපිළිවෙළක් නැති හින්දා කියන එක පැහැදිලිව කියන්න ඕනේ.
අද වෙනකොට හෝටල් පද්ධතිය වශයෙන් අපි දැවැන්ත අර්බුදයකට ලක්වෙලා. අද ප්‍රමිතියෙන් තොර ආහාර පාන එදිනෙදා අලෙවි වෙනවා. ඒත් එදිනෙදා ආපනශාලාවල ආහාර ප්‍රමිතියට පියවරගන්නේ නැතිව සෞඛ්‍ය පරීක්ෂක
වරුන් වගේම බෞද්ධ කටයුතු කොමසාරිස් කාර්යාලය එකතු වෙලා. රජ දවසේ ඉඳලා පැවැතගෙන එන සාමුහික සංකේතයක් වන දන්සල් සඳහා බොරු මතවාදයක් හදලා. මේ සඳහා නීති රීති දාලා පැවැතගෙන ආපු සම්ප්‍රදාය සහමුලින්ම නැතිකරලා දැම්මේ දැවැන්ත කූට ක්‍රියාමාර්ගයක් ලෙස යනුවෙන් ආපනශාලා සංගමය විදිහට අපි දැඩි ලෙස චෝදනා එල්ල කරනවා. අපි හෝටල්, ආපනශාලා හිමියන් වශයෙන් කෙළින්ම කියනවා නම් අපේ හෝටල්, ආපනශාලා අපිරිසිදුයි. වැඩපිළිවෙළක් නැහැ කියලා. ඒ සඳහා වැඩපිළිවෙළක් සකස් නොකර මහජන පරීක්ෂකවරු
මහජන සෞඛ්‍ය අංශ මේ පරම්පරාවේ පැවැතගෙන එන ආමිස පූජාව පවත්වන්න දැන් ග්‍රාමසේවක, ප්‍රාදේශීය ‍ලේකම්වරු මුණගැහිලා වෙනම අවසරයක් ගන්න සිද්ධ වෙලා. දැන් අපේ හෝටල් හිමියෝ දින 365ක් වැඩකරලා ගම්වලට ගිහින් එකතු වෙලා දන්සලක් දෙන්න ලැහැස්ති වෙනවා. දැන් ඒ පිරිසට මේ දවස්වල ග්‍රාමසේවක, ප්‍රාදේශීය ‍ලේකම්වරු හම්බවෙලා අනුමැතිය ලබාගන්න තරම් කාලයක් තියෙනවද කියලා අපි ප්‍රශ්න කරනවා. දැන් දන්සල්වලට වෙනම අත්පත්‍රිකා නිකුත් කරනවා. අපි ප්‍රශ්න කරනවා. හෝටල්වලට, ආපනශාලාවලට අත්පත්‍රිකා නිකුත් කරලා තියෙනවාද කියලා.
ඒ වගේම රසකාරක දාන්න බැහැ කියලත් දන්සල්වලට නිර්ණායකයක් ගෙනල්ලා. එතකොට අපි ප්‍රශ්න කරනවා ඔය රසකාරක තහනම දන්සල්වලට විතරද කියලා. අපි ඉතාම වගකීමෙන් කියනවා දන්සල්වලට මේ විදිහට නීති රීති ගේන එක නතර කරන්න කියලා. අපි කියන්නේ මේ හැමදේකටම කලින් ආපනශාලා, හෝටල්වලට යම් ප්‍රමිතියක් ගේන්න නීති රීති හදන්න. ආහාරපානවලට මිල නියාමනයක් ගේන්න මේ රටේ ප්‍රධාන ආහාරපාන සුරක්ෂිත කිරීමට ඇමැතිවරයෙක් පත් කරන්න. එහෙම නැතිව දන්සල් නතර කරන යෝජනාව නතර කරන්න කියලා තරයේ කියනවා.
පරපුරක බලය සංවිධානයේ කැඳවුම්කරු චාමර නාකන්දල මහතා දන්සල්වලට හඳුන්වා දුන් නිර්ණායක පිළිබඳව මෙලෙස අදහස් දැක්වීය.
නීති නොතකා අපේ ආගමික ඉගැන්වීම් පරිදි දන්සල් දෙන එක තමයි දැන් අපිට කරන්න තියෙන්නේ. මේ රජය කරන්න හදන්නේ දන්සල් මුළුමනින්ම කුඩුකරලා දාන්න. නැත්නම් ඔය දන්සල්වලට දාලා තියෙන නිර්ණායක මාස එකහමාරකට කලින් ගේන්න තිබ්බනේ කියලා අපි ප්‍රශ්න කරනවා. එහෙනම් හරියට පිළිවෙළකට මිනිස්සු අනුමැතිය අරගෙන ලැහැස්ති වෙනවා. එහෙනම් අනුමැතිය ගන්න බැරිව වැහෙන දන්සල් ටික වැහෙන්නේ නැහැ. දන්සල් දීම මුළුමනින්ම නතර කරන්නට සැලසුම් සහගතව කරපු වැඩක් විදිහට අපි මේ තත්ත්වය හෙළා දකිනවා.

සමන්මලී නැලිගම

 

Lakbima Online

Download Lakbima Mobile App

 
 

 

Get In Touch With Us

E-Papers

Please publish modules in offcanvas position.