Coss Ear2
lakbima.lk
COSS Ear 1

තනුජා සිරස හැර යයි

පෞද්ගලික රූපවාහිනී නාලිකා මේ රටේ ඇති කළ වෙනස තුළ බිහි වූ ප්‍රබල චරිතයක් තමයි තනුජා ජයවර්ධන කියන්නේ “සිරස” හා තනුජා අතර තිබුණේ වෙන් කරන්න බැරි තරම් ලොකු බැඳීමක්. ඒත් පසුගියදා හදිසියේම ඒ බැඳීම බිඳිලා ගියා. තනුජා සිරස මාධ්‍ය ජාලයෙන් ඉවත්වීමට ගත් තීරණයයි ඊට හේතු වුණේ. 
 
සිරසයි තනුජයි කිව්වම හරියට ගහයි ‍පොත්තයි වගේ. ඒ තරමට එකට බැඳී හිටපු ඔබ එකවරම සිරසින් ඉවත් වෙනවා. මොකක්ද ඒකට හේතුව? 
මම නොවැම්බර් 30 වැනිදා මගේ ඉල්ලා අස්වීමේ ලිපිය කළමනාකාරීත්වයට බාර දුන්නා. දෙසැම්බර් 6 වැනි දින  තමයි එය අනුමත කෙරුණේ. දෙසැම්බර් 6 වැනිදා පටන්  මම සිරස මාධ්‍ය ජාලයේ නැහැ. මම සිරසින් ඉවත් වුණේ හේතු කිහිපයක්ම නිසා. සමහරක් දේවල් මට මේ මොහොතේ මාධ්‍යයට කියන්න බැහැ. 
 
සිරසින් ඉවත්ව යන විට ඔබ මාධ්‍ය ජාලය තුළ කවුරුන් විදියටද වැඩ කළේ? 
මම එම්.ටී.වී. හා එම්.බි.සී. ප්‍රවර්ධන අධ්‍යක්ෂ විදියට ඉඳලා MBC මහරාජා broadcasting අධ්‍යක්ෂ හා YFM නාලිකා ප්‍රධානී තනතුරට ගියා. එම තනතුරේ සිටියදී තමයි මම සිරසින් ඉවත් වුණේ. 
 
දශක දෙකකට කලින් රූපවාහිනි නිවේදිකාවක් විදියට “රස රිසි ගී” තුළින් ඇවිත් ඉහළම පුටුවකට ගිය තනුජා හිටි හැටියේ මේ වගේ තීරණයක් ගත්තේ ඇයි? 
මම වසර 19ක් මාධ්‍ය ජාලය තුළ රැඳී හිටියා. ඒ තුළ කතා බහට ලක්වන යමක් කළ බව මා දන්නවා. ඒත් මේ සියලු කටයුතුවලින් ඉවත් වෙලා මගේම දෙයක් ගැන හිතන්න මම කල්පනා කළා. 
 
රැඳී සිටි කටයුතු එක්ක තනුජා හෙම්බත් වුණාද? 
මම හෙම්බත් වන කෙනෙක් නමෛයි. කරන කටයුත්තෙන් තෘප්තිමත් වන කෙනෙක්. වෙනසක් ඕන හින්දයි මා ඉවත් වුණේ. 
 
වෙනත් නාලිකාවකින් මීටත් වඩා ලොකු තනතුරකට ඇරයුම් ලැබුණාද? 
ඒ වගේ ඇරයුම් නම් බොහොමයක් ලැබිලා තියෙනවා. ඔය වගේ හේතුවක් මත මේ වගේ තීරණයක් ගත්තා නම් මීට කලින්ම ඒ තීරණේ ගන්නවානේ. 
 
තනුජා සිරසත් එකක් මොකක් හරි හිත් අමනාපයක් ඇතිවෙලාද මේ තීරණේ ගත්තේ? 
කිසිසේත්ම නැහැ. මගේ ඉල්ලා අස්වීම අනුමත කරන්න ඒ අය පමා කළේ ඒ නිසා. ඉතාම ගෞරවනීය විදියටයි මම සිරසින් ඉවත් වුණේ. 
 
වසර 19ක් රැඳී සිටි තැනින් ඉවත් වෙනකොට ඔබට දුකක් දැනුණේ නැද්ද? 
ලොකු දුකක් දැනුණා. එහෙම වුණේ නැත්නම් තමයි පුදුමේ. මම මේ තීරණය ගත්තේ මාස 1  1/2කට කලින්. ඒ කාලය පුරා මම කළේ හිත හදාගත්ත එකයි. අපිට මේ හැමදේම දාලා යන්න වෙනවා. කිසි දෙයක් සදාකාලික නැහැ. මම ඒ සත්‍ය වටහාගෙන හිත හදාගෙනයි මේ තීරණය ගත්තේ. 
 
අලුත් වෙනසක් වෙනුවෙන් නේද මේ තීරණේ ගත්තා කිව්වේ? 
ඔව්. 
 
වෙනත් නාලිකාවකට යාම ගැන ස්ථිර අදහසක් නැත්නම් සිරස එක්ක අමනාපයකුත් නැත්නම් මේ තීරණය ගත්තේ තමන්ගේම මාධ්‍ය ආයතනයක්වත් අරඹන්නද? 
(හිනැහි) අයියෝ මම එච්චර සල්ලි කාරියක් ‍නෙවෙයිනේ. 
 
එහෙනම් හැමදේම අතෑරලා පතිකුලයටවත් යන්න හදනවාද? 
මාධ්‍ය කලාව කියන්නේ මගේ ජීවිතය. විවාහ වෙන්න එයින් ඉවත් වනවා නම් ඉතින් මම බඳින කෙනා මම මේ ක්ෂේත්‍රය තුළ ඉන්නවට අකමැති වීමනේ හේතුව වෙන්න ඕනේ. මම බොහොම ස්වාධීන  ගැහැනියක්. ඔය වගේ අදහස් තියෙන, මට සීමා පනවන කෙනෙක්ව මම තෝරා ගනී කියලා ඔයා හිතනවාද? 
 
එහෙනම් මොකක්ද මේ අලුත් වෙනස? 
ඒක මම ළඟදීම ‘රිද්මට’ කියන්නම්. 
 
ආරියවංශ කුලතිලක
ඡායාරූපය - තුෂාර සංජීව

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

සියළු වත්කම් සසුනට පුදා මුළු පවුලම පැවිදි බිමට

IMAGE 2018 Apr 20 11:18
දරුවන් සිව්දෙනාත්, බිරිඳත් සසුන්ගත කර තමන්ද පැවිදිව ගිහිකල තමන් සතුව තිබූ ස්ථිර නිවස හා ගොඩ...
Views - 2142

අලුත් අවුරුද්දේ ගායකයෙකු 'නැහැවූ' රූපලාවන්‍යවේදිනිය

IMAGE 2018 Apr 19 15:05
ඔහු මෑතක දී ජනප්‍රියත්වයට පත් තරුණ ගායකයෙකි. සංගීත සන්දර්ශනාදියේද ඔහුට සැලකිය යුතු තැනක්...
Views - 3105

දමයන්ති ජයසූරිය සංගීත දිවියට සමුදී සිත නිවන මඟකට?

IMAGE 2018 Apr 19 10:26
ඔබ මැදි වයස් පසුකරමින් සිටින කෙනෙකු නම් ගුවන්විදුලිය ඔස්සේ කුඩා කල ඔබේ සිඟිති දෙසවන් පිනවූ...
Views - 3388

ලොව වයස්ගතම සියා ජපානයෙන්

IMAGE 2018 Apr 18 20:06
ලොව මේ වනවිට ජීවත්ව සිටින වයස්ගතම පිරිමි පුද්ගලයා වෙත ගිනස් සහතිකය පිරිනැමීම පසුගිය දා සිදු...
Views - 1377

පුංචි තිරයේ පෙම්වතියක් වුණත් මං කවදාවත් පෙම් කරලා නෑ

IMAGE 2018 Apr 18 13:24
පුංචි තිරයේ බිහිවූ නවක නිළි පරපුර අතර කැපී පෙනෙන නිළියක ලෙස ඇය හැඳින්විය හැක. මේ දිනවල විකාශය...
Views - 3292

සිංහල බුද්ධාගමක් ගැන බුදුන්වත් දන්නේ නැහැ

IMAGE 2018 Apr 18 09:27
'බුදු සසුනට පස්සා හරවන අලුත් අවුරුද්දේ හිස තෙල් ගෑම' යන මැයෙන් මාධ්‍යවේදී තිලක් සේනාසිංහ...
Views - 2426

Please publish modules in offcanvas position.