Coss Ear2
lakbima.lk
COSS Ear 1

මගේ ගීත ගායනා කරන්න එපා වික්ටර්ගෙන් පුතුන්ට නියෝගයක්

නව පරපුරේ සංගීතවේදියකු වන ඉරාජ් වීරරත්න මීට මාස කිහිපයකට පෙර නිර්මාණය කළ දැණුනා නම්වූ මියුසික් වීඩියෝව බොහෝ සෙයින් ආන්දෝලනයට තුඩුදුන්  එකක් බවට පත්වුණා. ඊට හේතුව වුණේ එම මියුසික් වීඩියෝව ප්‍රවීණ සංගීතවේදී ආචාර්ය වික්ටර් රත්නායකයන්ගේ පෞද්ගලික ජීවිතයේ ඇතැම් සිදුවීම් අළලා නිර්මාණය වූවක් බව බොහෝදෙනාගේ අදහස වූ නිසයි. වික්ටර් රත්නායකයන්ගේ දෙවැනි විවාහය හේතුවෙන් ඔහු සමග මේ වන විට අමනාපයෙන් පසුවන ඔහුගේ වැඩිමහල් පුත් ජයන්ත රත්නායක පවා මෙම මියුසික් වීඩියෝව සම්බන්ධයෙන් මාධ්‍ය හරහා ඉරාජ්ව දැඩි ලෙස විවේචනයට ලක් කළා.
කෙසේ වෙතත්  මීට දින කිහිපයකට පෙර සිය ෆේස්බුක් පිටුව වෙත ඔහු සහ ජයන්ත එකට සිට ගත් ඡායාරූපයක් මුදාහරිමින් ඉරාජ් ඊට කෙටි සටහනක්ද ඇතුළත් කර  තිබුණා. එහි සඳහන් වුණේ වික්ටර් රත්නායකගේ  පුතණුවන් වන අපේ ජයන්ත රත්නායක අයියාව හමුවුණා අද තිබුණ Event එකකදී. ගොඩක් වටින දේවල් කතා කළා ලාංකීය සංගීතය ගැන යනුවෙන්. ඉතා ඉහළ අවධානයක් හිමිකර ගත් මෙම ඡායාරූපයෙන් පසු ඉරාජ්, ඔහු සමග ජයන්ත රත්නායක කළ කෙටි සංවාදයක්ද සිය ෆේස්බුක් ගිණුම වෙත මුදාහැර තිබුණේ ඉරාජ්ව දැඩි ලෙස විවේචනයට ලක්කළ ජයන්ත දැන් ඉරාජ් සමග එකට ගමනක් යාමට සැරසෙනවාද යන සැකය පවා ඇතැමුන්ගේ සිත් තුළට ඇතුළු කරමිනුයි. මේ ගැන ඇත්ත නැත්ත දැන ගැනීම සඳහා 'රිද්ම' අපි ජයන්ත රත්නායක  සංවාදයකට එක්කාසු කරගනිද්දී ඔහු තමන් සහ සිය සොහොයුරා වන ලෙලුම් රත්නායකට එල්ල වූ තහනමක් ගැනත් කිසිවකු නොදන්නා තතු අප වෙත හෙළි කළා.
 
මොකක්ද මේ හිටිහැටියේ වැටුණා කියන තහංචිය?
අපේ තාත්තාගේ ගීත සම්බන්ධයෙනුයි අපට ඒ තහංචිය වැටිලා තියෙන්නේ. තාත්තා නීතිඥයකුගේ මාර්ගයෙන් පසුගිය දවසක අපට ලිපියක් එවලා තිබුණා මටත්, මගේ මල්ලි ලෙලුම්ටත් තාත්තාගේ ගීත මින් ඉදිරියට ගායනා කිරීම තහනම් කරලා.
 
ඔය කියන තහනම ඔබේත්, ලෙලුම්ගේත්  කලා ජීවිතවලට විශාල බලපෑමක් එල්ල කරාවිද?
මම හිතන්නේ නැහැ එහෙම වේවි කියලා. මොකද අපි මෙච්චර කාලයක් තාත්තාගේ ගීත ගායනා කරලා ‍නෙවෙයි මුදල් හම්බ කළේ. මා ගැන කියනවා නම්  මම උත්සව ආදියට සංගීතය සපයන්න සහභාගි වුණාම බොහෝ ගායකයන්ගේ ගීත ගායනා කරනවා. ජෝතිපාල, එම්.එස්. ප්‍රනාන්දු පමණක් ‍නෙවෙයි ජගත් වික්‍රමසිංහ, කසුන් කල්හාර වැනි ගායකයන්ගේ ගීතත් ගායනා කරනවා. මම වික්ටර් රත්නායකගේ  පුතා බව දැන ගත්තාම තමයි හුඟදෙනෙක් දිගටම තාත්තාගේ ගීත මගෙන් ඉල්ලන්නේ.
 
හිත් අමනාපකම් ඇතිවෙන්න කලින් ඔබ ඔබේ පියාගේ ප්‍රසංගවලට සංගීත අධ්‍යක්ෂණයෙන් දායක වුණා. දැන් ඒවාට සම්බන්ධ නොවීමත් එක්ක ඔබේ ජීවිතේ මොන විදිහේ වෙනසක්ද ඇතිවෙලා තියෙන්නේ?
ඒක මගේ ආර්ථිකයටත් අද වෙද්දී බොහොම තදින් බලපාලා තියනවා. ඉස්සර තාත්තාගේ හැම ප්‍රසංගයක්ම  මම තමයි සංගීතවත් කළේ. අපි අතර ඇතිවූ ප්‍රශ්නයෙන් පස්සේ ඔහුගේ ප්‍රසංග මට නොලැබි ගියා. මම මාස 11කින් කිසිම ප්‍රසංගයකට සංගීත අධ්‍යක්ෂණයෙන් දායක වෙලා නැහැ.
 
පියාගේ සෙවණැල්ලෙන් මිදිලා වෙනම ගමනක් ගියා නම් අද ඔබට ඔය විදියේ අත්දැකීම්වලට මුහුණදෙන්න සිදුවෙන්නේ නැහැ නේද?
මටත් වුවමනා නම් අද ඉන්න සමහර සංගීතඥයෝ වගේ රැල්ලට යන්න තිබුණා. නමුත් මම කවදාවත් එහෙම කළේ නැහැ. මොකද වික්ටර් රත්නායකගේ පුතා කියන ගෞරවය තියන්නයි මම හැමවිටම උත්සාහ කළේ.
 
ඔබ සමග ගත් ඡායාරූපයක් සහ ඔබ සමග කළ සංවාදය පසුගිය දිනෙක ඉරාජ් වීරරත්න ඔහුගේ ෆේස්බුක් ගිණුමට මුදාහැර තිබුණා. ඒ කියන්නේ ඉරාජ් එක්ක ඔබේ තිබුණු හිත් අමනාපකම් දැන් දුරුවෙලා ගිහින්ද?
මම මොකටද ඉරාජ් එක්ක අමනාප වෙන්නේ? ඔහු සමග තරහා වෙන්න මට කිසිම හේතුවක් නෑ.
 
ඔබේ පියාගේ කතාව බව හඟවන මියුසික් වීඩියෝවක් මෑතකදී ඉරාජ් නිර්මාණය කළ අවස්ථාවේ ඔබම තමයි මාධ්‍ය ඔස්සේ ඔහුගේ පතුරු හැරියේ. ඒ කියන්නේ එදා ඔබ කළේ බොරුවක්ද?
කිසිසේත්ම නැහැ.  මම ඉරාජ් ගැන එදා හිටපු ස්ථාවරයේම තමයි අදත් ඉන්නේ. මම අදත් කියනවා ඉරාජ් කියන්නේ බිස්නස් කාරයෙක් මිස සංගීතඥයෙක් නමෛයි කියලා. ඉරාජ්ලාගේ සංගීතය ගැන මට තිබුණු විවේචනය අදත් වෙනස් වෙලා නැහැ. ඉරාජ් වගේ අය තාක්ෂණය අතින් ඉදිරියෙන් ඉන්නවා. හැබැයි ඔවුන්ගෙන් ක්‍ෂේත්‍රයට කිසිම ගුණාත්මක දෙයක් ලැබෙන්නේ නැහැ. කොටින්ම කියනවානම් ඒ සංගීතයේ මෙලෝ රසයක් නෑ. ඉරාජ් ගත්තොත්, ඔහු ඕනෑම දෙයක් විකුණලා මුදල් හම්බකර ගන්න තමයි බලාගෙන ඉන්නේ.  සමහරවිට මා සමග කරපු සංවාදයේ වීඩියෝවෙනුත් ඔහු මුදල් හම්බ කර ගනීවි.
 
ඔබ දැන දැනම ඔබත් ඉරාජ්ට අහු වුණාද?
අ‍පොයි නැහැ. 'අයියේ මම මේක වීඩියෝ කරනවා' කියලා මට කියලයි ඉරාජ් සහ මගේ සංවාදය වීඩියෝ ගත කර ගත්තේ. ඒක මගේ අවසරය ඇතිව කරපු දෙයක්.
 
ඔය විදිහට සංගීතය පැත්තෙන් දෙපිලක සිටියදී  ඔබට ඉරාජ් එක්ක ඔයතරම් සුහදතාවක් ඇතිවෙන්න තරම් හේතුව මොකක්ද?
ඉරාජ් එක්ක විතරක් ‍නෙවෙයි මම හැමෝම එක්ක සුහදශීලීව ඉන්න කෙනෙක්. ඉරාජ් වෘත්තීය ජීවිතයේදී කරන දේවල් ගැන මට විවේචනයක් තියෙන බව ඇත්ත. හොරෙක් වුණත් තමන්ගේ ළමයින්ට කන්න අඳින්න දෙන්නනේ හොරකම් කරන්නේ. ඒත් පෞද්ගලික ජීවිතයේදී ඔහු එක්ක තරහ වෙන්න තරම් හේතුවක් මට නැහැ. ඉරාජ් විතරක් ‍නෙවෙයි භාතිය-සන්තුෂ් 
ඇතුළුව ඒ පරපුරේ බොහෝ අය මම බොහොම සුහදව ආශ්‍රය කරනවා. ඔවුන් එක්ක මගේ කිසිම පෞද්ගලික තරහක් නැහැ.
 
ඉරාජ්ගේ මිසියුසික් වීඩියෝව දැකපු වෙලාවේ සංගීතඥයෙක් විදිහට ‍නෙවෙයි වික්ටර් රත්නායකගේ පුතෙක් විදිහට ඔබට වේදනාවක් දැනුණේ නැද්ද?
තාත්තා ඔහුගේ ගෙදර තිබුණු අපේ ඡායාරූප පවා නගර සභාවේ කුණු ලොරියට  විසි කළා කියලා අපට ආරංචි වුණා. ඔහු අපිත් සමග ගත කරපු යටගියාව දැන් සම්පූර්ණයෙන්ම අමතක කරලයි තියෙන්නේ. මොකද එක් කාන්තාවක් විතරයි දැන් ඔහුගේ ලෝකයේ ඉන්නේ. මම, මගේ අම්මා සහ සහෝදර සහෝදරියන් ඔහු වෙනුවෙන් විශාල කැප කිරීම් කරපු බව දැන් ඔහුට අමතකයි. නමුත් තාත්තා අපට මොනදේ කළත් ඉරාජ්ගේ මියුසික් වීඩියෝව දැකපු වෙලාවේ මගේ හිතට විශාල කේන්තියක් ආවා.
 
ඉරාජ්ගේ මිසියුක් වීඩියෝව නිසා ඔබටත් යම් යම් අවස්ථාවලදී අමිහිරි අත්දැකීම්වලට මුහුණදෙන්න සිදුවුණාලු නේද?
ඔව්. ඒ වීඩියෝව දැකපු හුඟක් අයත් තාත්තාව විවේචනය කිරීම නවත්වලා ඔහුට අනුකම්පා කරන්න පටන් ගත් බවකුත් පෙනුණා. වික්ටර්ට මෙහෙම වුණේ දරුවෝ සලකපු නැති නිසායි කියලත් සමහරු කියන්න වුණා. අපි අපේ ප්‍රසංගවලට අනුග්‍රාහකයෝ හොයද්දී අපි තාත්තාට සැලකුවේ නැති පුත්තු කියලා සමහර ආයතන අපිව ප්‍රතික්ෂේප කළා. ඒ වගේම තාත්තාට සැලකුවේ නැහැ කියලා ඇතැම් අය අපි එක්ක රණ්ඩු වෙලත් තියෙනවා. මොකද අපි තාත්තාට සලකපු බව හුඟක් අය දන්නේ නැහැ.
 
මේ යන විදිහට කවදාහරි ඔබ ඉරාජ් එක්ක වුණත් ගීතයක් නිර්මාණය කරන්න බැරි නැහැ කියලත් සමහරු මුහුණු ‍පොතේ සඳහන් කරලා තිබුණා. ඔබට මොකක්ද ඒ ගැන කියන්න තියෙන්නේ?
ඔව්, එහෙම වෙන්න පුළුවන්. හැබැයි ගීතයේ පද රචනාව සහ සංගීතය මොන වගේද කියලා බලලා ඒ ගීතය මට ගායනා කරන්න සුදුසු විදිහේ එකක් නම් විතරයි මම එවැනි ආරාධනාවක් බාර ගන්නේ.
 
කිෂාන් කනංකෙ

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

මේ හැම දෙයක්ම පෙර පිනක් නිසා ලැබුණු දේවල් වෙන්න ඇති

IMAGE 2018 Apr 22 16:52
උදා වූ අලුත් අවුරුද්දේ  ඔබට අපි අලුත් ආරංචි කීපයක්ම රැගෙන එනවා. ‘මලී’ ටෙලි නාට්‍ය හරහා...
Views - 1211

ඕන කස්තිරමක් අල්ලන්න පුළුවන්. ඒත් රතු ලූනු එක්ක නම් බැහැ

IMAGE 2018 Apr 22 13:26
කොයි කවුරුත් ආසා කරන කෑම ජාති වගේම, අප්‍රිය කරන ආහාර වර්ගත් තියෙනවානේ. “කාටත් නොකී රහසක්’...
Views - 1063

මේ විශේෂ කෙනා එක්ක විවාහ වෙන්න ලැබුණොත් ඒක ලොකු සතුටක්

IMAGE 2018 Apr 22 11:55
ජනප්‍රිය සිනමා නිළි සෙනාලි ෆොන්සේකා මේ දවස්වල හරි හරියට ලංකාව වටා රවුම් ගහනවලු. ඒ නිසාම මග...
Views - 1668

සියළු වත්කම් සසුනට පුදා මුළු පවුලම පැවිදි බිමට

IMAGE 2018 Apr 20 11:18
දරුවන් සිව්දෙනාත්, බිරිඳත් සසුන්ගත කර තමන්ද පැවිදිව ගිහිකල තමන් සතුව තිබූ ස්ථිර නිවස හා ගොඩ...
Views - 3182

අලුත් අවුරුද්දේ ගායකයෙකු 'නැහැවූ' රූපලාවන්‍යවේදිනිය

IMAGE 2018 Apr 19 15:05
ඔහු මෑතක දී ජනප්‍රියත්වයට පත් තරුණ ගායකයෙකි. සංගීත සන්දර්ශනාදියේද ඔහුට සැලකිය යුතු තැනක්...
Views - 4036

දමයන්ති ජයසූරිය සංගීත දිවියට සමුදී සිත නිවන මඟකට?

IMAGE 2018 Apr 19 10:26
ඔබ මැදි වයස් පසුකරමින් සිටින කෙනෙකු නම් ගුවන්විදුලිය ඔස්සේ කුඩා කල ඔබේ සිඟිති දෙසවන් පිනවූ...
Views - 4162

Please publish modules in offcanvas position.