Coss Ear2
lakbima.lk
COSS Ear 1

ගයාත්‍රි දියණියන් සමග රට හැර යන්නේ ඇයි?

Gaya3
ගයාත්‍රි ඩයස් තමන්ගේ දියණියන් දෙදෙනා සමග කැනඩාවට යන්න සූදානම් වෙනවා කියන පුවත මේ වෙද්දී බොහෝ අයගේ කතා බහට ලක්වෙලා. මේ ගමනට චන්න පෙරේරා එකතු නොවන්නේ පවුල් විරසකයක්වත් හින්දද?  ඇත්තම කතාව දැන ගන්න අපි චන්නට කතා කළා.

චන්න ඇත්තද ගයාත්‍රි දරු දෙන්නත් එක්ක ලංකාව හැර යන්නට සැරසෙනවා කියන්නේ?
ඔව්.

ඇයි ඒ?
ලොකු දුව දැන් උසස් පෙළ කරලා ඉවරයි. එයා වැඩිදුර අධ්‍යාපනය කරන්න යන්නේ පරිගණක තාක්ෂණය. ඒ කටයුතුවලට තමයි එයා යන්නේ.

ඉතින් ඒ ගමනට ඇයට තනියම යන්න පුළුවන් නේ?
මුලදී එහෙම තමයි හිතාගෙන හිටියේ. ඒත් දුවව තනියම යවන්න  මමයි ගයාත්‍රියි දෙන්නම කැමති නැහැ. ඒ හින්දා තමයි ගයාත්‍රිත් දුවත් එක්ක යන්න හිතුවේ.

එතකොට ‍පොඩි දුව?
එයා තවම 6 වසරේ ඉගෙන ගන්නේ. ඉතින් අපි හිතුවා ‍පොඩි දුවවත් කැනඩාවට අරගෙන ගිහින් වැඩිදුර අධ්‍යාපන කටයුතු කරන එක හොඳයි කියලා.

ඇයි ලංකාවේ අධ්‍යපාන රටාව ගැන පැහැදීමක් චන්නටයි ගයාත්‍රිටයි නැද්ද?
ඒක ටිකක් බැරෑරුම් ප්‍රශ්නයක්. ඕකට ඇත්තම ඇත්ත උත්තරේ තමයි දෙන්න වෙන්නේ.

මොකක්ද ඒ උත්තරේ?
අපේ රටේ පවතින දේශපාලන පෙරළි, සමාජ පෙරළි දැක්කම ළමයෙකුගේ අනාගතේ ගැනත් හරිම අස්ථාවර බවක් තමයි හැඟෙන්නේ. ඒ කොහොම වුණත් දෙමාපියන්ට තියෙන ලොකුම සම්පත දරුවෝ. දෙමාපියෝ හැමෝම කැමති දරුවන්ගේ අනාගතය යහපත් එකක් වෙනවා දකින්න. දරුවෝ දෙන්නම පිටරටකට යවලා අධ්‍යාපනය ලබාදීලා අනාගතය ස්ථාවර කරන එක තමයි අපි දෙන්නටම ඕන කරන්නේ.

ඒ කියන්නේ ගයාත්‍රියි දරුවො දෙන්නයි ලංකාවට එන්නෙ නැතුව කැනඩාවෙ පදිංචි වෙයිද?
ඒක හරියටම කියන්න බැහැ.

බිරිඳයි දරුවො දෙන්නයි මුහුදෙන් එතෙර යද්දී චන්න ඇයි තනිවෙන්නේ?
මම දශක දෙකකට ආසන්න කාලයක් හිටියේ කලා ක්‍ෂේත්‍රය තුළ. රඟපෑම, අධ්‍යක්ෂණය තමයි මම කළේ. ජීවිතේ හැමදේම මට ලැබුණේ කලාව නිසා. කොටින්ම කියනවා නම් ගයාත්‍රිව හමුවුණොත් කලා ක්‍ෂේත්‍රයේදී. මට කලා ක්‍ෂේත්‍රය දාලා යන්න බැහැ. එහෙම ගියත් මට කැනඩාවට ගිහින් අලුතින්ම මොනා හරි කරන්න වෙනවා. ඒ රටේ කලාවට සම්බන්ධ වුණත් මුල ඉඳන් පටන් ගන්න වෙනවා. ඒක හිතන තරම් ‍ලේසි නැහැ. ඒ හින්දා මම ලංකාවේ නවතිනවා.

ගයාත්‍රි කැනඩාවට ගිහින් මොන වගේ ක්‍ෂේත්‍රයක නිරත වේවිද?
රූපලාවන්‍ය හරි එයාට සුදුසු මොකක් හරි ක්‍ෂේත්‍රයකට හරි යොමුවෙයි.

චන්නව දාලා යන්න ගයාත්‍රියි දරුවො දෙන්නයි කැමතිද?
නැහැ. ලොකු දුව නම් දැනුත් කියන්නේ මටත් යමු කියලා. ඒත් මට ඒක කරන්න බැහැ.

දරු පවුලෙන් දුරස් වෙලා ඉන්න පුළුවන්ද?
අද තාක්ෂණය දියුණුයි. අපිට නිතරම ස්කයිප් එකෙන් කතා බහ කරන්න පුළුවනි. අනික මට අවුරුද්දකට සැරයක්වත් ගිහින් ඒ අයව බලලා එන්න පුළුවන්නේ.

එතකොට හැමදාම ඔය දෙගොල්ලෝ දෙතැනක?
නැහැ. මටත් කලාවෙන් දුරස් වෙන්න දවසක් එයි.
ප්‍රේක්ෂකයින්ට මාව එපාවෙන දවසක් එයි. එදාට කලාවෙන් විශ්‍රාම අරගෙන මමත් කැනඩාවට යනවා.

චන්ද්‍රලතා තන්ත්‍රිගේ

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

බ්‍රිතාන්‍ය රජ පවු‍ලේ අලුත්ම සාමාජිකයා මෙන්න

IMAGE 2018 Apr 25 12:50
බ්‍රිතාන්‍ය රජ පවු‍ලේ තොරතුරු ගැන උනන්දුව දක්වන බොහෝ දෙනෙකුට සතුට දනවන පුවතක් පසුගිය 23...
Views - 545

ඉංජිනේරු සිසු ඩිල්ශාන්ගේ පැතුම් ගං දියේ සැඟව යයි

IMAGE 2018 Apr 24 15:43
 තව ටික කලකින් අම්මා රස්සාවට යන එක මම නතර කරනවා. මට හොඳ රැකියාවක් ලැබුණම ගේ හදලා වාහනයක් අරගෙන...
Views - 1414

මේ හැම දෙයක්ම පෙර පිනක් නිසා ලැබුණු දේවල් වෙන්න ඇති

IMAGE 2018 Apr 22 16:52
උදා වූ අලුත් අවුරුද්දේ  ඔබට අපි අලුත් ආරංචි කීපයක්ම රැගෙන එනවා. ‘මලී’ ටෙලි නාට්‍ය හරහා...
Views - 3250

ඕන කස්තිරමක් අල්ලන්න පුළුවන්. ඒත් රතු ලූනු එක්ක නම් බැහැ

IMAGE 2018 Apr 22 13:26
කොයි කවුරුත් ආසා කරන කෑම ජාති වගේම, අප්‍රිය කරන ආහාර වර්ගත් තියෙනවානේ. “කාටත් නොකී රහසක්’...
Views - 2615

මේ විශේෂ කෙනා එක්ක විවාහ වෙන්න ලැබුණොත් ඒක ලොකු සතුටක්

IMAGE 2018 Apr 22 11:55
ජනප්‍රිය සිනමා නිළි සෙනාලි ෆොන්සේකා මේ දවස්වල හරි හරියට ලංකාව වටා රවුම් ගහනවලු. ඒ නිසාම මග...
Views - 3790

සියළු වත්කම් සසුනට පුදා මුළු පවුලම පැවිදි බිමට

IMAGE 2018 Apr 20 11:18
දරුවන් සිව්දෙනාත්, බිරිඳත් සසුන්ගත කර තමන්ද පැවිදිව ගිහිකල තමන් සතුව තිබූ ස්ථිර නිවස හා ගොඩ...
Views - 4785

Please publish modules in offcanvas position.