Coss Ear2
lakbima.lk
COSS Ear 1

දරුවන් මානසික රෝගීන් වීමට වාචික හා ශාරීරික දඬුවම් සෘජුවම බලපානවා

දරුවන් නිදහසේ හැදී වැඩෙන්න හරිම කැමැතියි. ඔළුවට බරක් සේ දැනෙන පාසැල් විෂය කටයුතුවලට වඩා දරුවන් කැමැති ක්‍රීඩා කරන්න, රූපවාහිනිය නරඹන්න, ආකර්ෂණීය විෂය බාහිර ‍පොත්පත් කියවන්නයි. ඒත් මාපියන් සිතන්නේ දරුවන් නිතරම පාසල් ‍පොත්පත්වල ඇලී ගැලී සිටිමින් විෂයන්ට අදාළ කරුණු කට පාඩම් කළයුතු බවයි. මේ ඝට්ටනය වර්තමාන මාපියන් හා දරුවන් අතර බහුලව දකින්න පුළුවන්. අධ්‍යාපනය තුළින් තමන්ට යා නොහැකි වූ දුරකට, තත්ත්වයකට තම දරුවා යොමුකිරීම මාපියන්ගේ පවිත්‍ර ප්‍රාර්ථනාවක් වුවද ළමා වයසේ සිතුම් පැතුම් පවා තේරුම් නොගෙන දරුවා රොබෝවෙකු මෙන් පාසල් වැඩ සඳහාම යොමුකිරීම එතරම් ගෝචර නොවන බව නූතන මනෝ වෛද්‍යවරුන් පවා පිළිගන්නා මතයක්. ඒත් මාපියන්ගෙන් බොහෝ පිරිසක් මේ තත්ත්වය තවමත් තේරුම් නොගෙන සිටින බවයි මනෝ වෛද්‍ය විශේෂඥවරුන්ගේ පවා අදහස වී තිබෙන්නේ. 
දරුවන් හා මාපියන් අතර පවතින මේ නොතේරුම්කමේ ගැටලුව බොහෝ විට අවසන් වෙන්නේ මාපියන් විසින් අකීකරු දරුවන් ලෙස එවැනි දරුවන් හඳුන්වාදෙමින්, මෙහිදී මවුපියන් මුලින්ම කරන්නේ ඔවුන් විවිධ අයුරින් වාචිකව වදහිංසාවලට ලක්කිරීමයි.  මෙය දරුවන් අයුතු ලෙස මානසිකව අපයෝජනයට ලක් කෙරෙන ප්‍රබලම තත්ත්වයක් බව මනෝ වෛද්‍යවරුන්ගේ අදහසයි. වාචිකව දරුවාට අපහාස මුඛයෙන් කතා කිරීමට අමතරව බොහෝ මාපියන් තම දරුවන්ට ශාරීරික වදහිංසා පැමිණවීමත් සිදුකරනවා. එලෙස කුඩා කාලයේදී ඉතාම සුළු වැරදිවලට හෝ වැරදි ලෙස වැඩිහිටියන්ට පෙනෙන දරුවන්ගේ ක්‍රියාකාරකම් වලට වැඩිහිටියන්ගේ ශාරීරික හිංසාවලට නිරතුරුව ලක්වන දරුවන් වැඩිහිටියන් බවට පත්වූ පසු විවිධ මානසික රෝගවලට ගොදුරුවන බව හා වැරදි පුරුදුවලට යොමුවන බව නවතම අධ්‍යයන මගින් හෙළිවී තිබෙනවා. මේ පිළිබඳව සොයාබැලීම සඳහා ඇමෙරිකා එක්සත් ජනපදයේ මිචිගන් සරසවියේ මහාචාර්ය ඇන්ඩෲ ගොර්ගන් (Andrew Gorgan) ඇතුළු පිරිසක් විසින් වයස අවුරුදු 19-27 අතර පුද්ගලයන් 8300ක් යොදාගනිමින් තොරතුරු හා දත්ත රැස්කිරීමක් පසුගියදා සිදුකළා. මෙහිදී මෙම පුද්ගලයන් ලිඛිත පරීක්ෂණයකට මෙන්ම වාචික පරීක්ෂාවකටද ලක්කෙරුණා. විවිධ උපක්‍රම අනුසාරයෙන් ඔවුන් විමසා බැලීමට ලක්කළ ප්‍රධානම සිදුවීම් වන්නේ ශාරීරික පහරදීම්වලටත්, අපහාස කිරීම් හා අගෞරව කිරීම්වලටත් ඔවුන් ළමා වයසේදී ලක්වූවාද යන්නයි. මෙම අධ්‍යයනයට ලක්වූ පිරිසෙන් 55ක්ම (පුද්ගලයින් 4565) ළමා අවධියේදී ශාරීරික මෙන්ම මානසික වදහිංසාවලට ලක්වූවන් බව එහිදී හෙළිදරව් වුණා. එම පිරිසෙන් ළමා අවදියේදී වැඩිම ශාරීරික හා මානසික වදහිංසාවන්ට ලක්වී තිබුණේ කාන්තාවන්ට වඩා පිරිමි පුද්ගලයන්. එලෙස අත්දැකීම් ලද අයගෙන් 85 (කාන්තා පිරිමි දෙපාර්ශ්වයෙන්ම) විශේෂ මානසික පීඩන තත්ත්වයන්ට සේම විවාහ ජීවිතයේදී පෞරුෂමය බිදවැටීම්වලටද ගොදුරුවී තිබුණා. මෙම තොරතුරු අපේ මාපියන්ට තම දරුවන් සම්බන්ධයෙන් ඉතාම වැදගත් හැරවුම් ලක්ෂ්‍යයක් වෙනවා නොඅනුමානය. 
 
Health ඇසුරිනි 

රඹුක්කන කීර්ති එස්. කුමාර 

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

මේ හැම දෙයක්ම පෙර පිනක් නිසා ලැබුණු දේවල් වෙන්න ඇති

IMAGE 2018 Apr 22 16:52
උදා වූ අලුත් අවුරුද්දේ  ඔබට අපි අලුත් ආරංචි කීපයක්ම රැගෙන එනවා. ‘මලී’ ටෙලි නාට්‍ය හරහා...
Views - 1701

ඕන කස්තිරමක් අල්ලන්න පුළුවන්. ඒත් රතු ලූනු එක්ක නම් බැහැ

IMAGE 2018 Apr 22 13:26
කොයි කවුරුත් ආසා කරන කෑම ජාති වගේම, අප්‍රිය කරන ආහාර වර්ගත් තියෙනවානේ. “කාටත් නොකී රහසක්’...
Views - 1379

මේ විශේෂ කෙනා එක්ක විවාහ වෙන්න ලැබුණොත් ඒක ලොකු සතුටක්

IMAGE 2018 Apr 22 11:55
ජනප්‍රිය සිනමා නිළි සෙනාලි ෆොන්සේකා මේ දවස්වල හරි හරියට ලංකාව වටා රවුම් ගහනවලු. ඒ නිසාම මග...
Views - 2188

සියළු වත්කම් සසුනට පුදා මුළු පවුලම පැවිදි බිමට

IMAGE 2018 Apr 20 11:18
දරුවන් සිව්දෙනාත්, බිරිඳත් සසුන්ගත කර තමන්ද පැවිදිව ගිහිකල තමන් සතුව තිබූ ස්ථිර නිවස හා ගොඩ...
Views - 3501

අලුත් අවුරුද්දේ ගායකයෙකු 'නැහැවූ' රූපලාවන්‍යවේදිනිය

IMAGE 2018 Apr 19 15:05
ඔහු මෑතක දී ජනප්‍රියත්වයට පත් තරුණ ගායකයෙකි. සංගීත සන්දර්ශනාදියේද ඔහුට සැලකිය යුතු තැනක්...
Views - 4288

දමයන්ති ජයසූරිය සංගීත දිවියට සමුදී සිත නිවන මඟකට?

IMAGE 2018 Apr 19 10:26
ඔබ මැදි වයස් පසුකරමින් සිටින කෙනෙකු නම් ගුවන්විදුලිය ඔස්සේ කුඩා කල ඔබේ සිඟිති දෙසවන් පිනවූ...
Views - 4454

Please publish modules in offcanvas position.