Coss Ear2
lakbima.lk
COSS Ear 1

දිගටම බ‍ලේ හිටියට මොකද අනේ?

ආණ්ඩුවේ මැයි දිනයදා ස්වාමි පුරුෂයා ගෙට ගොඩවූයේ මහත් සතුටිනි.
ඇති යාන්තම් පුටුවක වාඩිවී කකුල් උඩට ගත් ඔහු බිරිඳට කීවේය. ඒ ඉසරදෙත් ඉවරයි.
මෙගා ටෙලිනාට්‍යයක් නරඹමින් සිටි බිරිඳට ඒ කතාව නොතේරුණි.
අ‍පොයි තව කොහෙ ඉවර වෙන්නද? ඕ කියා සිටියාය. මේක කොටස් 1000 ක් වෙනකම් යනවලු.
ස්වාමි පුරුෂයා ඈ දෙස නුරුස්නා බැල්මක් හෙලුවේය.
මං කිව්වෙ හිතේ තිබිච්ච ගින්දර ඉවරයි කියල ඔහු කියා සිටියේය. අවුරුදු 3  1/2 ක් පිච්චි පිච්චි බලාගෙන හිටියනෙ.
බිරිඳ ඒ කුමක්දැයි අසා සිටියාය.
අද මැයි 7 රැලියේදී ජනාධිපති කිව්වනෙ එයා 2020 දි දේශපාලනෙන් විශ්‍රාම ගන්නෑ කියල ස්වාමි පුරුෂයා කීවේය. තව කරන්න වැඩ තියෙනවලු.
බිරිඳ සිනාසී එය අනුමත කළාය.
ඇත්ත නේන්නම්, කොච්චර වැඩ ඇද්ද, අවුරුදු 3 1/2 ක්ම මුකුත් නොකරපු එකේ ඈ කීවාය. ඒත් ඔයා මොකටද ඒකට සන්තෝස වෙන්නෙ?
ස්වාමි පුරුෂයා එය පැහැදිලි කරන්නට විය.
උන්නැහේ 2015 දි කිව්වනෙ එයා ආයෙ සැරයක් ඡන්දෙ ඉල්ලන් නෑ කියල ඔහු කියා සිටියේය. ඊට පස්සෙ රටම බයේනෙ හිටියෙ දේශපාලනඥයො ගැන අපේ හිතේ තිබිච්ච අදහස් අයින් කරගන්න වෙයි කියල.
බිරිඳ ඒ ගැන වැඩිදුරටත් විමසුවාය.
ඇයි වැරදිලාවත් මනුස්සය කිව්ව වගේ එක සැරයක් කරල ගෙදර ගියා නම් රට්ටුන්ට වස ලැජ්ජාවනෙ වෙන්නෙ ස්වාමි පුරුෂයා කීවේය. දේශපාලනඥයො කියන දේවල් කරනව කියල ඔප්පු කරා නම් මිනිස්සු පාරෙ බැහැල යන්නෙ කොහොමද?
බිරිඳගේ ඇස්වලට කඳුළු පිරුණි.
සමහර විට ඔය තීරණේ ගන්න ඇත්තෙත් බ‍ලේ ඉන්න ඕනවට ‍නෙවෙයි ඕ කීවාය. ජනතාව අපහසුතාවට පත්වීම වළක්වන්න වෙන්න ඇති.
ස්වාමි පුරුෂයා ඊට එකඟ විය.
ඇරත් සිරිසේන ලොක්කා දිගටම ඉන්නෙකේ ඇති වැරැද්දකුත් නෑනෙ ඔහු කියා සිටියේය. එයැගෙ දෙවැනියා 94 ඉඳන්ම යන්නැතුව ඉන්නෙ.
බිරිඳ ඒ කතාවට අප්‍රසාදය පළ කළාය.
ජනාධිපති වෙන්නවත් බැරි අහිංසකයව බයිට් එකට ගන්න එපා ඕ කියා සිටියාය. දැන් රුසියාවෙ පුටින් හතර සැරයක්ද, පස් සැරයක්ද බ‍ලේට ආවෙ, ජර්මනියෙ මර්කෙල් 2005 ඉඳන් දිගටම ඉන්නෙ, ඒව මතක නැද්ද?
ස්වාමි පුරුෂයා හිස වැනුවේය. බිරිඳ දිගටම කතා කළාය.
ඒ විතරක්ද මැ‍ලේසියාවේ මහතීර් මොහොමඩ් පැන්ෂන් ගිහින් තව අවුරුදු 92 ක් වුණාට පස්සෙත් ආපහු බ‍ලේට ආවෙ ඈ කියා සිටියාය. ඉතින් අපේ ජනාධිපති තව සැරයක් ඉන්න හැදුවම මොකද?
ඒ සියල්ලට ස්වාමි පුරුෂයා එකඟතාව පළ කළේය.
හැබැයි මහින්ද මහත්තය ආයෙ සැරයක් එන්න හදනෙක නම් කැතයි නේද? ඔහු ඇසුවේය. මනුස්සයගෙ බල තණ්හාවෙ ඉවරයක් නෑ නේද?

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

 

Lakbima Online

Download Lakbima Mobile App

 
 

 

Get In Touch With Us

E-Papers

Please publish modules in offcanvas position.