Coss Ear2
lakbima.lk
COSS Ear 1
පුංචි තිරයෙන් විවිධාකාර චරිත ඔස්සේ ප්‍රේක්ෂකයන් හමුවට එන හිමාලි සයුරංගි කියන ඔබ සැබෑ ජීවිතයේ මොනවගේ චරිතයක්ද?
ධෛර්යවන්ත, චිත්ත ශක්තියෙන් වැඩ කරන්න පුළුවන් කාන්තාවක්.
 
ඔබ දෙවැනි ඉනිම ටෙලිනාට්‍යයේ රඟපාන උදේනිගේ චරිතය ගැන කතා කළොත් ?
උදේනි කියන්නේ ලොකු ඉවසීමක් තිබෙන සහෝදරියක්. ඒ වගේම මවක්. මම ටෙලිනාට්‍ය 30ක 40ක විතර රඟපාලා තියෙනවා. නමුත් ඒ හැම චරිතයකටම වඩා දෙවැනි ඉනිමේ උදේනි කියන්නේ නිරායාසයෙන්ම දැනෙන චරිතයක්. සියලු තාඩන පීඩන දරාගන්නා වූ මිත්‍රශීලී අම්මා කෙනෙක් විදිහට තමයි මම උදේනිව ප්‍රේක්ෂකයන් හමුවට ගේන්නේ.
 
දෙවැනි ඉනිම නරඹන බොහෝ අය උදේනි වගේ අම්මා කෙනෙක් ප්‍රාර්ථනා කරනවා කියන්නේ ඇත්තද?
දෙවැනි ඉනිමේ මගේ චරිතය ආදර්ශමත් අම්මාවරුන්ට බොහෝම ලෙන්ගතු එකක්. ඒ වගේම තරුණ හදවත් උදේනි වගේ අම්මා කෙනෙක් ප්‍රාර්ථනා කරනවා. ආදර්ශමත් අම්මලා මට කතා කරලා කියනවා හිමාලි ඔයා රඟපාන්නේ මගේ කතාවමයි කියලා. 
 
හිමාලි සයුරංගි කියන්නෙත් උදේනි වගේ අම්මා කෙනෙක්ද?
උදේනියි හිමාලියි ගොඩාක් සමානයි. මටත් ‍පොඩි බබෙක් ඉන්නවා. මම ගොඩක් වැඩ තනියම කරන කෙනෙක්. උදේනි වගේ හිමාලිත් ධාරණ ශක්තියෙනුත් ‍පොහොසත් නිසා හරියට ඒ දෙන්නා එක වගෙයි කියලා කියන්න පුළුවන්.
 
උදේනි නිසා හිමාලිට ගොඩක් අඬන්න වෙනවා කියන්නේ ඇත්තද?
අනේ ඔව්. ඒත් ඒ චරිතේ නිසාමත් නෙමේ. මට ඇත්තටම ගොඩක් ඇඬෙනවා. මොකද ඒ තරමටම මම ඒ චරිතයත් එක්ක ජීවත් වෙන්න පටන් අරගෙන. 
 
රඟපෑමට ආරාධනා බාරගනිද්දී ඔබ අධ්‍යක්ෂවරයා ගැනත් අවධානය යොමු කරනවා කියලා ආරංචියි ?
මම හොඳ අධ්‍යක්ෂවරයන් මත යැපෙන කෙනෙක්. මට රඟපාන්න ආරාධානා ලැබුණාම මුලින්ම අවධානය යොමු කරන්නේ අධ්‍යක්ෂවරයා ගැනයි. මාව හොඳට මෙහෙයවන්න පුළුවන් දුර්වල නැති අධ්‍යක්ෂවරුන්ගේ නිර්මාණවලට පමණයි මම දායක වෙන්නේ.
 
රංගනය, නර්තනය, ගායනය වගේම නිවේදනයෙන් හුඟක් දුර ගියපු ඔබට ඉදිරියේදී සැබෑ කරගන්න තවත් හීනයක් තියෙනවා කියන්නේ ඇත්තක්ද?
ඔව්. ඒක මගේ ජීවිතේ විශේෂ කඩඉමක් වගේම හීනයක්. මගේ අතින් ලස්සන නවකතාවක් ලියන එක තමා මගේ හීනය. මම කවදාහරි ඒ හීනයත් සැබෑකර ගන්නවා. 
 
ඔබෙන් පසු පැමිණි රංගන ශිල්පීන් දිහා බලද්දී මොකද හිතෙන්නේ ?
ඔවුන් පුදුමාකාර විදිහට දක්ෂයි. නමුත් එයාලා ගොඩාක් බාහිර පෙනුම ගැන හිතනවා. දර්ශනයක් කරන්න කලින් අනේ මගේ කොණ්ඩෙ අවුල් වෙලානේ, මේකප් ගිහිංද දන්නේ නැහැ අන්න ඒ වගේ දේවල්. ඉතින් අපේ තරුණ පරපුරට මම කියනවා බාහිර දේවල් ගැන වැඩිය හිතන්නේ නැතිව වෘත්තීය වෙනුවෙන් කැපවෙන්න කියලා.
 
හිමාලිට ඔය හැම දෙයක් එක්කම දැන් නර්තන ප්‍රසංගවලටත් ආරාධනා ලැබෙනවා කියන්නේ ඇත්තද?
පසුගියදා පැවැති රියැලිටි නර්තන තරගයකින් අපේ කණ්ඩායම තමයි ශූරතාවය දිනාගත්තේ. එහිදී මගේ දක්ෂතා පෙන්වන්න උපරිම අවස්ථාවක් ලැබුණා. ලංකාවේ විතරක් නෙමේ විදේශ නර්තන ප්‍රසංගවලටත් මට දැන් ආරාධනා ලැබෙනවා. 
 
සමන්මලී නැලිගම

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

 

Lakbima Online

Download Lakbima Mobile App

 
 

 

Get In Touch With Us

E-Papers

Please publish modules in offcanvas position.