Coss Ear2
lakbima.lk
COSS Ear 1

පහුගිය 17 වෙනිදා ඇමෙරිකා එක්සත් ජනපදයේ හිටපු ජනාධිපති බැරුක් ඔබාමාගේ මුළු පවුලටම වැදගත් දවසක්. ඒකට හේතුව තමයි එදාට යෙදිලා තිබුණු මිෂෙල් ඔබාමාගේ 54 වෙනි උපන් දිනය. උපන් දිනය ගැන මිෂෙල් ට්විටර් පණිවුඩයකින් මෙහෙම කියලා තිබුණා. ‘‘එදා උදේ මම ඔෆිස් එකට යද්දී මගේ මේසේ උඩ රතුම රතු පාට ලොකුම ලොකු රෝස මල් පොකුරක් තිබුණා. ඒක හොරෙන්ම මගේ මේසෙ උඩින් තියලා තිබුණේ මගේ හොඳම යාළුවා, හොඳම රසිකයා, සහ හොඳම විවේචකයා.
ඒ වෙන කවුරුත් නෙවෙයි මගේ සැමියා බැරක්. ඔහු ? 12ට මට සුබ පතලා අනිත් පැත්ත හැරිලා නිදා ගත්තට පස්සේ සුබ පැතිල්ල ඉවරයි කියලයි මම හිතාගෙන හිටියේ. හැම තිස්සේම මාව පුදුමයට පත් කරන එක තමයි ඔහුගේ විනෝදාංශය.’’ මිෂෙල්ගේ උපන් දිනය වෙනුවෙන් රටවල් 12ක රාජ්‍ය නායකයින් සුබ පැතුම් එවලා තිබුණත් වත්මන් ජනාධිපති ට‍්‍රම්ප්ගෙන් ඒ වනවිටත් සුබ පැතුම් ලැබිලා තිබුණේ නැහැලූ.
 

ලෝකේ මේ වෙද්දී නිර්මාණය කරලා තියෙන කිසිම ජංගම දුරකථන කැමරාවක් අපේ ඇස් දෙකට සමාන වෙන්නේ නැහැ. සමාන කරන්නත් බැහැ. එහෙම කියන්නේ ඔහායෝ විශ්වවිද්‍යාලයේ අක්ෂි වෛද්‍ය පර්යේෂක පිරිසක් විසිනුයි. ඔවුන් මෙහෙම දේකුත් කියනවා. මේ කා‍ලේ අපි දන්න හොඳම අයි ෆෝන් එකෙන් තත්පරයක කාලයක වීඩියෝ එකක් කළොත් ඒකේ ධාරිතාව වෙන්නේ මෙගා බයිට් 375යි. නමුත් මිනිස් ඇස් දෙකෙන් තත්පරයක කාලයක වීඩියෝ එකක් කරන්න පුළුවන් වුණොත් ඒකේ ධාරිතාව කොච්චරද කියලා දන්නවාද? හරියටම ගිගා බයිට් 21,45ක් වෙනවා. ඒ කියන්නේ මෙගා බයිට්වලින්ම කිව්වොත් මෙගා බයිට් 21450ක්. ඔන්න ඔය නිසා තමයි ඇස් දෙක 'ඇස් දෙක වගේ' රකින්න ඕන වෙන්නේ.

නවවැනිවරට සඳ මත පා තැබූ පුද්ගලයා ලෙස සහ අභ්‍යාවකාශ මෙහෙයුම් හයකට සම්බන්ධ වූ ලොව පළමු පුද්ගලයා ලෙස ඉතිහාසගත වී සිටින ගගනගාමී ජෝන් ටොට්ස් යං පසුගිය ජනවාරි පස්වනදා මිය ගිය බව නාසා ආයතනය නිල වශයෙන් දැනුම් දී තිබේ ඒ ඔහුට වයස අවුරුදු 87ක්ව තිබිය දීය 1972 වසරේ දී ඔහුය. සඳ මත පා තැබුවේ ඇපොලෝ 16 මෙහෙයුම භාර ගගන ඉංජිනේරුවරයා වශයෙන් සේවයේ යෙදෙමිනි එපමණක් ද නොව නාසා ආයතනය සතු අභ්‍යාවකාශ යානා වර්ග හතරක් හැසිරවිය හැකි ලොව එකම පුද්ගලයා ද ජෝන්යං බව නාසා ආයතනය ප‍්‍රකාශ කර තිබේග ඒ Gemini, Apollo Command/Service Module,Apollo Lunar Module, සහ Space Shuttle යන අභ්‍යාවකාශ යානාවන් යග එමෙන්ම සඳ වටා තනිවම අභ්‍යාවකාශ යානයක් පදවාගෙන ගිය ලොව පළමු පුද්ගලයා වන්නේ ද ඔහුයග ඒ 1969 වසරේ ඇපොලෝ 10 මෙහෙයුම අතරතුර දීයග ගගන ඉංජිනේරුවරයෙකුට අමතරව ඔහු ගගනගාමියෙකු නාවික නිලධාරියෙකු සහ ගුවන් නියමුවෙකු ලෙස ද කටයුතු කර තිබේ.
කැලිෆෝනියාවේ සැන්ෆ‍්‍රන්සිස්කෝ නගරයේ ජෝන් යං උපත ලැබුවේ 1930 වසරේ සැප්තැම්බර් මස 24 වනදාය. ඒ සිවිල් ඉංජිනේරුවරයෙකු වූ විලියම් යං සහ වැන්ඩා යං ට දාවයග ඔහුට වයස මාස 18 ක් ව තිබිය දී පවුලේ ආර්ථික තත්ත්වය කඩා වැටීම නිසා යං පවුල ජෝජියාවටත් පසුව ෆ්ලොරිඩාවටත් සංක‍්‍රමණය වී තිබේ. ප‍්‍රාථමික අධ්‍යාපනයෙන් පසු 1948 වසරේ දී  ඕලැන්ඩෝ උසස් පාසලෙන් විiා උපාධිය සමත් වූ ජෝන් යං පසුව ජෝජියා ඉංජිනේරු තාක්ෂණ ආයතනයෙන් ගගන ඉංජිනේරු උපාධිය ද ලබා ගත්තේය. ඒ වනවිට බාලදක්ෂයෙකු ලෙස දෙවන ශ්‍රේණියේ උසස්වීමක්ද ලබා සිටි ඔහු නාවික හමුදාවේ ඉහළ තනතුරක් සඳහා බඳවා ගනු ලැබිණි. ඇමෙරිකාව වෙනුවෙන් අවස්ථා කීපයක දී යුද මෙහෙයුම් දියත් කර ඒ සියල්ලම සාර්ථකව නිම කළ යං අවුරුදු 25ක සේවා කාලයකින් පසු 1976 වසරේ දී කපිතාන් තනතුරින් විශ‍්‍රාම               ලැබුවේය.
යං නාසා ආයතනය සමග සම්බන්ධ වූයේ නාවික හමුදාවේ සේවය කරමින් සිටින අතරතුර දීයග ඒ 1962 වසරේ දීයග ඔහු සතු දැනුම සහ බුද්ධිමත් බව නිසාම ඇමෙරිකානු රජය ඔහුට තනතුරු දෙකක් සඳහා වැටුප් ගෙවා තිබිණි. ඒ නාවික හමුදාවේ සේවය වෙනුවෙන් සහ නාසා ආයතනයේ සේවය වෙනුවෙනි. මේ ආකාරයට තනතුරු දෙකක් වෙනුවෙන් රජය විසින් වැටුප් ගෙවූ පුද්ගලයන් ඇමෙරිකාවේ සිටින්නේ පනස් දෙනකුටත් අඩු පිරිසකි නාවික හමුදාවෙන් විශ‍්‍රාම ගත් ඔහු සිය පූර්ණ කාලීන සේවය නාසා ආයතනය වෙනුවෙන් ලබා දීමට කටයුතු කළේය. ඒ අනුව ඔහු අභ්‍යාවකාශයේ දින 34කුත් පැය 19කුත් විනාඩි 39 කුත් රැඳී සිට තිබේ. අවුරුදු 42 ක් නාසා ආයතනය වෙනුවෙන් සේවය කළ යං 2004 වසරේ දෙසැම්බර් මස 31 වන දා සිට විශ‍්‍රාම ගන්නා බව දෙසැම්බර් 7 වන දා නිලවශයෙන් නිවේදනය කළේය. ඒ ඔහුට වයස අවුරුදු 74 දීය. ඒ වනවිට ඔහු ගුවන් පැය 15000 ඉක්මවා prop, jet,helicopter, සහ rocket jet යානාවලත් ගුවන් පැය 9200 ඉක්මවා ඔ-38 යානාවලත් ගුවන් පැය 835 ඉක්මවා අභ්‍යවකාශ යානාවලත් සේවය කර තිබිණි.
ඔහු නාසා ආයතනය වෙනුවෙන් සිදු කළ සේවාව අගයමින් 2006 වසරේ අපේ‍්‍රල් මස 12 වනදා ජෝන් කෙනඩි අභ්‍යවකාශ මධ්‍යස්ථානයේ ඔහු වෙනුවෙන් උපහාර උත්සවයක් ද පැවැත්විණි. එහිදී ඔහු සිය ජීවිත කතාව ලියන්නට පටන් ගත් බව නිල වශයෙන් මාධ්‍යයට ප‍්‍රකාශ කර තිබූ අතර Forever Young නමින් ඔහු සිය ජීවිත කතාව පොතක් ලෙස එළි දක්වනු ලැබුවේ 2012 වසරේ දීය.
වයස අවුරුදු 26 දී එනම් 1956 වසරේ දී යං විවාහ වූයේ බාබරා  වයිට් නම් වූ සාමාන්‍ය පවුලක රැුකියාවක් නොකරන තරුණියක සමගිනි.එම විවාහයෙන් සැන්ඩ‍්‍රා යං සහ ජෝන් යං නමින් ද රුවන් දෙදෙනකු ඔහුට සිටීග 1976 වසරේ දී බාබරාගෙන් වෙන්වූ යං ඊට වසර පහකට පසු එනම් 1981 වසරේ දී සුසී ෆෙල්ඞ්මන් සමග විවාහ වියග ඇයද නාසා ආයතනයෙහි ලේකම්වරියක ලෙස සේවය කළ තැනැත්තියකි. ඇය සමග ටෙක්සාස් හි වාසය කළ යං නිව්මෝනියා රෝගයෙන් පීඩා විඳිමින් සිට පසුගිය පස්වනදා මිය ගියේ ලෝකයට සුවිශාල මෙහෙයක් ඉටු කළ වීරවරයෙකු ලෙසිනි.
 
දුලාංජලී මුතුවාඩිය

පසුගිය දිනවල ජපාන මාධ්‍ය  වාර්තා  කළ එක් පුවතකින් කියැවුණේ සිය දියණිය වසර 15ක කාලයක් තිස්සේ ඉතා කුඩා කාමරයක් තුළ සිර කර තැබූ මව්පිය යුවළක් පිළිබඳව ය. 55 වැනි වියේ පසු වූ පියා යසුතාකා නම් වූ අතර 53 හැවිරිදි මව යුකාරි නම් වූවාය. මේ දෙදෙනා කර ඇති පා‍පෝච්චාරණයකට අනුව ඔවුන්  සිය දියණිය කාමරය තුළ සිර කර තබා ඇත්තේ වසර 2002 පමණ සිටය. අයිරි කකිමොටෝ නැමැති දියණියගේ වයස ඒ වනවිට අවුරුදු 18ක් පමණ වන්නට ඇත. ඇය සිර කර තිබූ කාමරය වර්ග මීටර තුනක පමණ ඉතා කුඩා, ඇහිරුණු කාමරයක් බවද සඳහන් වේ. මෙතරම් කුඩා කාමරයක් තුළ ඇය වසර 15 ක් ගත කළේ කෙසේද යන්න සිතාගැනීමට පවා අසීරුය.
මෙතරම් කාලයක් තිස්සේ තමාගේම මව්පියන් විසින් සිර කරගෙන සිටිනු ලැබූ මෙම දියණිය පසුගිය සතියේ දිනෙක ශීත සෘතුවේ දැඩි ශීතල හේතුවෙන් මියගොස් ඇති බව ද ජපාන මාධ්‍ය අනාවරණය කළේය. ඇයගේ මරණය සම්බන්ධයෙන් පවත්වන ලද පශ්චාත් මරණ පරීක්ෂණයේ වාර්තාවෙන් හෙළි වී ඇති තවත් කාරණයක් වන්නේ මෙම තරුණිය දැඩි ලෙස        මන්ද‍පෝෂණයෙන්ද පෙළෙමින් සිට ඇති බවයි. වයස අවුරුදු 33 ක් වුවද ඇයගේ බර ලෙස සටහන්ව ඇත්තේ කි.ග්‍රෑ. 19 ක් පමණි මේ අනුව පෙනී යන්නේ ඇය කුසගින්නත්, ශීතලත් මැද ඉතාම දුඃඛිත, වේදනාකාරී ජීවිතයක් ගත කර ඇති බවයි. තමුන් දියණියට ආහාර ලබා දුන්නේ දවසට එක් වතාවක් පමණක් බවද මව්පිය යුවළ පවසා ඇතැයි සඳහන් වෙයි. ඇයට වැසිකිළි යාම වැනි කටයුතු පවා සිදු කිරීමට සිදුව ඇත්තේ වර්ග මීටර 3ක් වූ මෙම ඉතා කුඩා කාමරය තුළ සිටිමින්ම බව ද පැවැසේ. 
මේ අතර සිය දියණියගේ හැසිරීම් නිරීක්ෂණය කිරීම සඳහා මව්පියන් ඇගේ කාමරයට කැමරාවක් සවි කර තිබි ඇති බවද සඳහන් ය. එමෙන්ම කාමරයේ දොර විවර කිරීමේ සහ අගුළු ලෑමේ හැකියාව තිබි ඇත්තේ ද පිටතින් පමණි. මේ අතර තවත් කැමරා 10 ක් පමණ නිවසින් පිටත විවිධ තැන්වල සවි කර තිබි ඇත. ඒවා ඒ ආකාරයෙන් සවි කර තිබි ඇත්තේ වටපිට අයට තමුන්ගේ කටයුත්ත ගැන සැක සිතී ඇත්ද යන්න සොයා බැලීම සඳහාය. නිවස වටා මීටර 2ක්  පමණ උස වැටක් ඉදි කර තිබෙන බවද සඳහන් වෙයි. 
යසුතාකා සහ යුකාරි මේ ආකාරයෙන් සිය දියණිය වසර 15ක් තිස්සේ සිර කර තබා ඇත්තේ ඇය කිසියම් මානසික රෝගයකින් පෙළුණු නිසා බව ඔවුන් ප්‍රකාශ කර තිබේ. මෙම මානසික රෝගය නිසා ඇය කමෛන් ප්‍රචණ්ඩ හැසිරීම් පළ කරන්නට පටන් ගත් බවද, කාමරයෙහි සිර කර තැබුවේ ඒ නිසා බවද ඔවුන් පවසා ඇත. 
බොහෝ සමාජයන්හි මෙන්ම ජපානයේද මානසික රෝග ඇති පුද්ගලයින් සහ ඔවුන්ගේ පවුල්වල අය බොහෝ විට නින්දාවට, ලැජ්ජාවට භාජනය කෙරෙන පරිසරයක් ඇති බව පැවැසේ. මේ නිසා එවැනි රෝගීන් සිටින පවුල්වල අය එය රහසක් ලෙස තබාගැනීමටද විශාල වශයෙන් උත්සාහ දරති.
මේ වනවිට මෙම සිද්ධිය සම්බන්ධයෙන් යසුතාකා සහ යුකාරි යුවළ අත්අඩංගුවට ගැනීමට ‍පොලීසිය පියවර ගෙන තිබේ.
 
කිත්සිරි මල්වත්ත

ත්‍රාසජනක ක්‍රියාවල යෙදීමෙන් ලොව මවිතයට පත් කරන්නවුන්ගේ විස්මිත ක්‍රියා අපට නිතර දෙවේ‍ලේ අසන්නට දකින්නට ලැබේ. අඩි සිය ගණන් ඉහළින් අදින ලද කම්බි දිගේ සමතුලිතතාව පවත්වා ගනිමින් ඇවිද යාම, ටොන් ගණන් බර වාහන ආදිය සිය දත්වල ආධාරයෙන් ඇදගෙන යාම, බැරලයක් තුළ රිංගා උස් දිය ඇලි ආදියෙන් පහළට වැටීම ආදී මෙවැනි ත්‍රාසජනක ක්‍රියා ගැන අප කොතෙකුත් අසා ඇත. මේ කියන්නට යන කතාවද එවැනි ක්‍රියාවක නිරත වීමට ගොස් බිහිසුණු ඉරණමකට මුහුණ දුන් කෙනෙකු ගැන කතාවකි. 
චීන ජාතිකයෙකු වන ඔහුගේ නම වූ යොංග්නිංග් ය. 26 හැවිරිදි යොංග්නිංග් අවසන් වරට නිරත වූ ත්‍රාසජනක ක්‍රියාව වූයේ තට්ටු 62 ක් උස ගොඩනැගිල්ලක මුදුනේ ගැට්ටකින් කිසිදු ආධාරකයකින් තොරව, සිය ඇඟිලිවල ආධාරයෙන් පමණක් පහළට එල්ලෙමින් සිටීමයි. එපමණක් නොව එය රූපගත කිරීමටද ඔහු කටයුතු සැලසුම් කර තිබිණි. කෙසේ හෝ වේවා ඔහු මෙම ත්‍රාසජනක ක්‍රියාවේ නිරත වෙමින් සිටිය දී සිය ග්‍රහණය ලිස්සා යාමෙන් එම තට්ටු 62 ගොඩනැගිල්ලෙන් පහළට වැටී මරණයට පත්ව ඇති බව පසුව වාර්තා විය.
යොංග්නිංග් යනු චීනයේ සමාජ මාධ්‍ය ලෝලීන් අතර ඉතා ජනප්‍රිය ‘වීරයෙකු’ ලෙස සැලකේ. ඔහු ඒ ආකාරයෙන් ජනප්‍රියත්වයට පත්ව ඇත්තේ ද ඉහත කී ආකාරයේ ඇඟ කිලි‍පොලා යන ආකාරයේ ක්‍රියාවල නිරත වෙමින් ඒවායේ වීඩියෝ ඛණ්ඩ අන්තර්ජාල අඩවි හරහා ප්‍රචාරය කිරීමෙනි. දිවි පරදුවට තබා මේ ආකාරයෙන් ඔහු නිරත වන ක්‍රියාවන් පෙන්වන වීඩියෝ ඛණ්ඩ පසුගිය කාලයේ විශාල වශයෙන් සමාජ මාධ්‍ය තුළ ප්‍රදර්ශනය වූ බව සඳහන් වෙයි. මිලියන ගණන් 
ප්‍රේක්ෂකයින් ඔහුගේ මෙම ත්‍රාසජනක ක්‍රියා නැරඹීමට පුරුදුව සිටි බව පැවැසෙන අතර මේ හරහා අති විශාල වශයෙන් මුදල් ඉපැයීමටද යොංග්නිංග්ට හැකි වී තිබේ. පසුගිය කාලයේ ඔහු මේ ආකාරයෙන් සමාජ මාධ්‍ය වෙත මුදාහරින ලද වීඩියෝ ඛණ්ඩ නිසා ඇමෙරිකානු ඩොලර් 80,000කට ආසන්න මුදලක් උපයාගන්නට හැකිව ඇති බවද මාධ්‍ය අනාවරණය කර තිබිණි. මෙය ශ්‍රී ලංකා මුදලින් රුපියල් ලක්ෂ 120 කට ආසන්න ප්‍රමාණයකි. ඔහු අවසන් වරට රඟ දැක්වූ මාරක ජවනිකාව වෙනුවෙන් ද ඔහුට කිසියම් සමාගමක් ස්ටර්ලින් පවුම් 11,000කට ආසන්න මුදලක් ගෙවීමට නියමිතව සිටි බවක්ද ඇතැම් මාධ්‍ය වාර්තාවල සඳහන්ව තිබිණි. මෙය ශ්‍රී ලංකා රුපියල් ලක්ෂ 22කට ආසන්න මුදලකි.
යොංග්නිංග් සිය ලොමු දැහැගන්වන ක්‍රියාව රූගත කිරීම සඳහා අටවා තිබූ කැමරාවෙහි ඔහුගේ මෙම අවසන් වෑයම සටහන්ව තිබූ අතර එය පසුව අන්තර්ජාලය තුළ ද සංසරණය විය. ඔහු ඉහත කී ගොඩනැගිල්‍ලේ ඉහළම තට්ටුව වන 62 වෙනි මහලෙහි වහලය මත සිට එහි ගැට්ටේ එල්ලෙමින් සිය සිරුර සමෛන් පහත් කරන අන්දම එහි රූගතව තිබේ. අනතුරුව ‍පොල්ලක එල්ලී (නභතත-භන) ව්‍යායාම කරන ආකාරයෙන් සිය ප්‍රේක්ෂකයින්ට පෙනෙන්නට කිහිප වරක් 
ඉහළටත් පහළටත් සිරුර උස්පහත් කරන ඔහු අවසානයේ නැවත වහලය මතට ගොඩවීමට තැත් කරනමුත් එය අසාර්ථක වෙයි. කිහිප වරක් එසේ උත්සාහ කිරීමෙන් පසු ඔහුගේ ග්‍රහණය ගිලිහී යන අතර ඉන්පසු දක්නට ලැබෙන්නේ ඔහු පහතට ඇද වැටෙන අන්දමය. 
කෙසේ හෝ වේවා යොංග්නිංග් මුහුණ දුන් මෙම බිහිසුණු, අවාසනාවන්ත ඉරණම පිළිබඳව කිසිදු තොරතුරක් මුලින් ප්‍රසිද්ධියට පත් වී නැත. නමුත් පසුගිය නොවැම්බර් 8 වෙනි දින සිට ඔහු ගැන ආරංචියක් නොවූ තැන ඔහුගේ රසිකයින් ඒ ගැන උනන්දුවීමට පටන් ගෙන තිබේ. යොංග්නිංග් ගේ මරණය පිළිබඳව ඔහුගේ පෙම්වතිය සහ පවු‍ලේ උදවිය අනාවරණය කර ඇත්තේ ඉන් පසුවය. යොංග්නිංග්ගේ අවසන් මොහොත දැක්වෙන වීඩියෝ ඛණ්ඩ අන්තර්ජාලයට එක් වී ඇත්තේ එයින්ද පසුව බව පෙනී යයි.
කෙසේ හෝ වේවා මෙවැනි සිදුවීම් තුළින් පෙනී යන්නේ අද වනවිට ඇතැමුන් තුළ මුදල්වලට ඇති ආශාව කෙතරම් බියකරු මට්ටමකට ළඟා වී ඇත්ද යත් ජීවිතය පිළිබඳ ආශාව පවා එයට යට වී ඇති බවද? 
ඒ අතර, දිවි පරදුවට තබා කරන ක්‍රියාවන් ඇතුළත් වීඩියෝ ඛණ්ඩ ප්‍රදර්ශනය කිරීමෙන් මුදල් උපයන වෙනම වබේ අඩවි ද මේ වනවිට බිහි වී තිබේ. ඔවුන් කරන්නේ මෙවැනි ත්‍රාසජනක ක්‍රියාවන්හි නිරතවන අයට මුදල් ගෙවා ඒවායෙහි වීඩියෝ ඛණ්ඩ ලබා ගෙන ඒවා සිය වබේඅඩවි මගින් ප්‍රචාරය කිරීමයි. මෙම වීඩියෝ ඛණ්ඩ නැරඹීමට මිලියන ගණනින් ප්‍රේක්ෂකයින් එක්රොක් වනවිට එය ඔවුන්ගේ වබේ අඩවි ජනප්‍රිය කරගැනීමටත්, වෙළෙඳ දැන්වීම් ආදිය හරහා ආදායම් ඉපැයීමටත් කදිම මාර්ගයක් විවර කරදෙයි. අද මෙය විශාල වශයෙන් ලාභ උපයන ව්‍යාපාරයක් වී ඇති බව පෙනේ. මෙවැනි ව්‍යාපාරවල සදාචාරාත්මක බව සහ මානුෂික බව පිළිබඳ මේ වනවිට විශාල සංවාදයක් සිදුවෙමින් ඇති බවද දැකිය හැකි වෙයි.
 
කිත්සිරි මල්වත්ත

ජෙරුසලම ඊශ්‍රායලයේ අගනුවර ලෙස පිළිගන්නා බවටත්, මතෛක් ඊශ්‍රායලයේ ටෙල් අවිව් නුවර පිහිටි ඇමෙරිකානු තානාපති කාර්යාලය ජෙරුසලම වෙත ගෙන යන බවටත් පසුගිය දා  ඇමෙරිකානු ජනාධිපති ඩොනල්ඩ් ට්‍රම්ප් විසින් කරන ලද ප්‍රකාශය නිසා  හටගත් විශාල ආන්දෝලනය තවදුරටත් වර්ධනය වන තත්ත්වයක් ඇති වෙමින් තිබේ. ඊට එක් හේතුවක් නම් දැන් තවත් රාජ්‍යයක් ඇමෙරිකාවේ අඩි පාරේ යමින් ජෙරුසලම ඊශ්‍රායලයේ අගනුවර ලෙස පිළිගැනීමට සූදානම් වීමයි. ඒ අනුව ඔවුහුද සිය තානාපති කාර්යාලය ජෙරුසලම වෙත ගෙන ඒමට සැරසෙති. මේ ආකාරයෙන් මෙම කාරණයේදී ඇමෙරිකාව සමග එක්වීමට යන අනෙක් රට නම් ගෝතමාලාවයි. ගෝතමාලාවේ ජනාධිපති ජිමි මොරා‍ලේස් පසුගිය ඉරිදා (24 දා) ප්‍රකාශයක් කරමින් පවසා සිටියේ තමුන්ද මේ වනවිට ඊශ්‍රායලයේ ටෙල් අවිව් නුවර පිහිටි සිය තානාපති කාර්යාලය ජෙරුසලම වෙත ගෙන ඒමට කටයුතු යොදන බවයි. 
ජෙරුසලම ඊශ්‍රායලයේ අගනුවර ලෙස පිළිගැනීම මෙතරම් මතභේදකාරී කාරණයක් වන්නේ එහි අයිතිය සම්බන්ධයෙන් දැන් දිගු කාලයක සිටම ඊශ්‍රායලය සහ පලස්තීනය අතර විශාල ගැටුමක් පවතින නිසාය. ක්‍රිස්තියානි, යුදෙව් මෙන්ම ඉස්ලාම් යන ආගම් තුනේම බැතිමතුන්ට එකසේ වැදගත් ශුද්ධ නගරයක් ලෙද සැලකෙන ජෙරුසලමේ සම්පූර්ණ අයිතිය තමුන් සතු බව දැන් කලෙක සිටම ඊශ්‍රායලය කියමින් සිටියි. මේ වනවිට ජෙරුසලම මුලුමනින්ම පවතින්නේ ඊශ්‍රායලය යටතේ වුවත් පලස්තීනය පවසන්නේ එහි නැගෙනහිර කොටස අයිති තමුන්ට බවයි. එමෙන්ම ඊශ්‍රායලය එය බලහත්කාරයෙන් අයිති කරගෙන සිටින බවයි. නැගෙනහිර ජෙරුසලම ඉදිරියේදී පලස්තීනයේ අගනුවර විය යුතු බවද ඔවුන්ගේ විශ්වාසයයි. ජෙරුසලම සම්බන්ධයෙන් පවතින මෙම ව්‍යාකූල තත්ත්වය නිසා එය තමුන්ට අයිති බවට ඊශ්‍රායලය කියන කතාවට ජාත්‍යන්තර වශයෙන් පිළිගැනීමක් තිබුණේ නැත. ආගමික වශයෙන් ඉතා සංවේදී නගරයක් වන මෙහි අයිතිය පිලිබඳ කාරණය ඊශ්‍රායල-පලස්තීන සාම සාකච්ඡාවලදී දෙරටේ එකඟතාව මත විසඳාගත යුතු කාරණයක් ලෙස ජාත්‍යන්තරය විසින්  සලකනු ලැබිණි. ඇමෙරිකානු ජනාධිපතිවරයා ජෙරුසලම ඊශ්‍රායලයේ අගනුවර ලෙස පිළිගනිමින් ප්‍රකාශයක් නිකුත් කළේ මෙවැනි තත්ත්වයක් තිබියදී වූ අතර ඊට ලෝකයේ රටවල් බහුතරයකින් විශාල විරෝධයක් එල්ල විය. ඇමෙරිකාවේ  මෙම තීරණය සැලකුණේ පලස්තීන ජනතාවගේ අයිතිය හෑල්ලුවට ලක් කරමින් ඊශ්‍රායලයේ පැත්ත ගැනීමක් ලෙසිනි. කොහොමටත් මැද පෙරදිග සම්බන්ධයෙන් ඇමෙරිකාවේ උපාය මාර්ගවලදී ඊශ්‍රායලය ඔවුන්ට සිටින තීරණාත්මක මිතුරෙකු බව රහසක් නොවේ.
ට්‍රම්ප් ගත් ක්‍රියාමාර්ගයට විරුද්ධත්වය පළකරමින් පසුගියදා එක්සත් ජාතීන්ගේ සංවිධානයට ඉදිරිපත් වූ යෝජනාවට පක්ෂව රටවල් 128 ක්ම සිය ඡන්දය ප්‍රකාශ කිරීම මෙම කාරණයේදී ඇමෙරිකාවේ හුදෙකලා වීම පැහැදිලිව පිළිබිඹු කළ අවස්ථාවකි. ශ්‍රී ලංකාවද එහිදී ඡන්දය පාවිච්චි කළේ එම යෝජනාවට පක්ෂවය.  ඇමෙරිකාවේ සම්ප්‍රදායික මිතුරන් ලෙස සැලකෙන බ්‍රිතාන්‍යය, ප්‍රංශය, ජර්මනිය වැනි බලවතුන් පවා ඡන්දය පාවිච්චි කළේ ඇමෙරිකාවට විරුද්ධව වීම එහිදී කැපී පෙනුණු තවත් කාරණයකි. 
දැන් ඇමෙරිකාවේ අඩි පාරේ යමින් ඊශ්‍රායලයට පක්ෂව පියවර ගැනීමට යන ගෝතමාලාව ඉහත කී එක්සත් ජාතීන්ගේ යෝජනාවේදීද ඡන්දය දුන්නේ ඇමෙරිකාවේ සහයටය. එනම් යෝජනාවට විරුද්ධවය. ඒ ආකාරයෙන් යෝජනාවට විරුද්ධව රටවල් නවයක් ඡන්දය ප්‍රකාශ කළ අතර ගෝතමාලාවද ඉන් එකක් විය. අනෙක් රටවල් අට වූයේ ඇමෙරිකාව, ඊශ්‍රායලය, හොන්ඩුරාස්, මාර්ෂල් දූපත්, මයිකේ‍රානේසියා, නවූරු, පලාවු සහ ටෝගෝය.  ඊශ්‍රායල අගමැති බෙන්ජමින් නෙටන්යාහු ගෝතමාලා ජනාධිපති මොරා‍ලේස්ට ස්තුතිය පළකර ඇති අතර ඉදිරියේදී තවත් රටවල් මෙම ක්‍රියාමාර්ගයට එක්වනු ඇතැයිද සඳහන් කර තිබිණි. ඇමෙරිකාව ද ගෝතමාලා ජනාධිපතිවරයා ගත් පියවර අගය කරමින් නිවේදනයක් නිකුත් කර තිබේ.
ගෝතමාලාව මේ ආකාරයෙන් ඇමෙරිකානු ක්‍රියාමාර්ගය අනුගමනය කිරීම බොහෝ දුරට ආර්ථික සහ දේශපාලන සාධක මත තීරණය වන්නක් ලෙස සැලකිය හැක්කකි. පසුගියදා එක්සත් ජාතීන්ගේ යෝජනාව පිළිබඳ ඡන්ද විමසීම අවස්ථාවේ ඇමෙරිකාව තරමක් තර්ජනාත්මකව කියා සිටියේ එහිදී තම ස්ථාවරයට විරුද්ධව ඡන්දය ලබා දෙන රටවලට සපයන ආධාර කප්පාදු කෙරෙනු ඇති බවය. ගෝතමාලාවද විශාල වශයෙන් ඇමෙරිකානු ආධාර මත යැපෙන රටවල් අතරින් එකකි. ආධාර කප්පාදුවක්  සිදු වුවහොත් එය ගෝතමාලාවේ ආර්ථිකයට මෙන්ම තම පැවැත්මටද බලපාන බව මොරා‍ලේස් දනියි. ඔහු ඇමෙරිකාව අනුව යමින් ඊශ්‍රායලයට පක්ෂ ස්ථාවරයක් ගන්නේ ප්‍රධාන වශයෙන්ම මෙම සාධකය මත යයි සැලකිය හැකිය. අනික් අතට ඇමෙරිකාව මෙන්ම ගෝතමාලාවද ඊශ්‍රායලයේ දිගුකාලීන මිතුරෙකු ලෙසද සැලකේ. ආර්ථික, දේශපාලන වශයෙන් ඔවුන් විශාල ලෙස  එකිනෙකා සමග සබඳතා පවත්වන රාජ්‍යයන් දෙකකි. 
මේ අතර පලස්තීන පාර්ශ්වය ගෝතමාලාවේ මෙම තීරණය පිළිබඳ ප්‍රකාශයක් කරමින් එය ලැජ්ජා සහගත සහ නීති විරෝධී තීරණයක් ලෙස හඳුන්වා ඇත. එමෙන්ම එය එක්සත් ජාතීන්ගේ යෝජනාවට පිටුපෑමක් ලෙසද ඔවුන් සඳහන් කර තිබේ. ඒ අතර ගෝතමාලාවේ මෙම තීරණයෙන් පසු ඊශ්‍රායලයේ  විදේශ කටයුතු පිළිබඳ නියෝජ්‍ය අමාත්‍යවරිය සඳහන් කර ඇත්තේ තවත් රටවල් 10 ක් මේ ආකාරයෙන් ඔවුන්ගේ තානාපති කාර්යාලද ටෙල් අවිව් හි සිට ජෙරුසලම වෙත ගෙන ඒම සඳහා සාකච්ඡා කරමින් සිටින බවයි. නමුත් එම රටවල් මොනවාද යන්න ඇය නම් වශයෙන් සඳහන් කර නැත. නමුත් හොන්ඩුරාස්, පැරගුවේ, ටෝගෝ වැනි රාජ්‍යයන් මේ ආකාරයෙන් සාකච්ඡා කරමින් සිටින බව වාර්තා වී ඇතැයි ඇතැම් මාධ්‍ය සඳහන් කර තිබිණි.
සති කිහිපයකට පෙර ඩොනල්ඩ් ට්‍රම්ප්ගේ තීරණයට එරෙහිව පලස්තීනය තුළ විශාල වශයෙන් ජනතා විරෝධතා පැන නැගුණු අතර දැන් ගෝතමාලාවේ තීරණයත් සමග එම ගැටුම් තවදුරටත් උත්සන්න වනු ඇතැයිද බලා‍පොරොත්තු විය හැකිය.
 
නිහාල් පීරිස්

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 1240

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 707

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 4108

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2355

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 4388

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 5545

Please publish modules in offcanvas position.