Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ඩ්‍රැකියුලාගේ ගම්මානයේ විවාහකයන්ගේ බන්ධනාගාරයක්

රුමේනියාවේ ඉතා ජනප්‍රිය ප්‍රදේශයක් වන ට්‍රාන්සිල්වේනියාව නම ඇසූ පමණින් අපට මතක් වන්නේ, ලොමු දැහැගන්වන ඩ්‍රැකියුලාව ය. ඒ ‍ලේ උරා බොන්නෙකු ලෙසින් ප්‍රකට ඩ්‍රැකියුලාගේ රට ට්‍රාන්සිල්වේනියාව වන බැවිනි. එහෙත් අප මේ කියන්නට යන්නේ එවැනි ලොමු දැහැගැන්වෙන කතාවක් පිළිබඳව නොවේ. විවිධ ප්‍රශ්න ගැටලු හමුවේ දෙදරා යන්නට තැත් දරන තම පවුල් සංස්ථාවන් යළි ශක්තිමත් කරගනු වස්, ඔවුන් විසින්ම නිර්මාණය කර ගත් අපූරු පිළියමක් ගැන කියැවෙන සුබවාදී කතාන්දරයක් පිළිබඳව ය.
මේ අපූරු පිළියම නිර්මාණය කර ගත්තෝ ජීවත් වන්නේ, ට්‍රාන්සිල්වේනියාවේ බියර්ටන් ගම්මානයේය. සුන්දර ගම්මානයක් ලෙසින් ප්‍රකට බියර්ටන් හි මිනිසුන් තම වැසියන් දික්කසාදයෙන් බේරා ගන්නට තෝරා ගෙන ඇති මේ අපූරු විසඳුම ද, ඒ ගම්මානය තරම් ම සුන්දරය. එසේ කියන්නේ, වසර තුන්සියයක් පුරා, මේ විසඳුම තුළින් ද පිළියම් සෙවිය නොහැකිව දික්කසාද වී ඇත්තේ, එකම එක යුවළක් පමණක් වන බැවිනි.
ඔවුන් මෙය හඳුන්වන්නේ, “විවාහ බන්ධනාගාරය” නමිනි. කවුරුන් හෝ යුවළකට කුමක් හෝ හේතුවක් පදනම් කර ගනිමින්, එකිනෙකාගෙන් වෙන්ව දික්කසාද වන්නට ඕනෑ වුවහොත්, මෙම “විවාහ බන්ධනාගාරයේ” බන්ධනාගාරගත වන්නට සිදු වේ. ඒ, සති හයක කාලයක් සඳහාය. බැලූ බැල්මට එය ඉතා නපුරු සිහිනයකැයි ඔබට සිතෙන්නට පුළුවන. එහෙත් වාර්තා වන අන්දමට, ට්‍රාන්සිල්වේනියාවේ මේ අපූරු විවාහ උපදේශන කටයුත්ත ඉතා ඵලදායකය.
විවාහ බන්ධනාගාරය පිහිටා ඇත්තේ, බියර්ටන් හි දේවස්ථානයක් තුළය. දේවස්ථාන භුමිය තුළ, ඉතා ආරක්ෂිත පවුරුවලින් වටවූ මෙම ස්ථානය මුළුතැන්ගෙයකට වඩා තරමක් විශාල කාමරයක් සහිත කුඩා ගොඩනැගිිල්ලකි. මේ කාමරය ඉතා පහත සිවිලිමකින් සහ ඝන බිත්තිවලින් යුක්තය. එහි ඇත්තේ, එක් මේසයක්, පුටුවක්, ඇඳක්, තනි කොට්ටයක් සහ එක් බ්ලැන්කෙට්ටුවක් පමණකි. එබැවින්  දික්කසාද වන්නට පෙර, එහි සති හයකට සිරගත වන්නට සිදු වන ඕනෑම යුවළකට එහි වන දෑ එකිනෙකා අතර සහයෝගයෙන් බෙදා හදා ගන්නට සිදුවේ. ඒ අතරේ එකිනෙකාට ඇති ගැටලු ගැන කතා කරන්නට ඔවුන්ට අවස්ථාව සැලසේ. 
ට්‍රාන්සිල්වේනියානු ආගමික පදනම තුළින්, එහි වැසියන්ගේ ජීවිතයේ බොහෝ අංශ පාලනය කළ අතර, ඇතැම් අවස්ථාවල දී පමණක් දික්කසාදයට අවසර ලබා දී තිබිණි. බිඳී යන්නට තැත් දරන බොහෝ පවුල් යළි එක්තැන් කරන්නට ඔවුහු හැමවිටම උත්සාහ දරා ඇත. එබැවින් දික්කසාද වන්නට සිතන යුවළකට ඕනෑම අවස්ථාවක කැමැත්තෙන් ම තම දේවස්ථානයේ දේවගැතිවරයා හමුවන්නට හැකි අතර, එකිනෙකාගෙන් වෙන් වීමට ප්‍රථම, එකිනෙකා වෙනුවෙන් තවදුරටත් අනුගත විය හැකි දැයි පරීක්ෂා කර බලන්නට, මෙම බන්ධනාගාරයට යැවෙයි.
“දේව ආශිර්වාදය ලත් මෙම ගොඩනැගිිල්ලට අප ස්තූතිවන්ත විය යුතුයි. ඉකුත් වසර තුන්සියයට ම එක් යුවළක් පමණයි, මෙහි පැමිණීමෙන් අනතුරුවත්, දික්කසාද වන්නට තීරණය කළේ.” එහි වත්මන් පූජකවරයා වන උල්ෆ් සිග්ලර් පවසන්නේය. පූජකවරයා පවසන්නේ, පැරණි ක්‍රිස්තියානි අණපනත්වලට අනුව,  සිරගෙවල් යනු, සමාජය යහපත් ආකාරයෙන් පවත්වාගෙන යාම සඳහා ඇති එක් ක්‍රමවේදයක් පමණක් බවය. 
ඔහු පෙන්වා දෙන පරිදි, මෙම දේවස්ථාන භූමිය අවට ජීවත් වන බොහෝ පිරිසක් සිය ජීවිකාව කරගෙන ඇත්තේ ගොවිතැන ය. යම් යුවළකට දික්කසාද වන්නට ඕනෑ වී, විවාහ බන්ධනාගාරයේ සිරගත වන්නට සිදු වුවහොත් තම ජීවිකාව කරගෙන යන්නට ද නොහැකි වේ. එබැවින් ඔවුන් කාමරයක් තුළ මෙලෙස සිරගතව ජීවත් වන කාලය තුළ ඇතිවන ආගමික බලපෑමත්, ආදායම් මට්ටම පහළ යාමත් තුළින්, යළි එකට ජීවත් වීමේ ඕනෑකම ඔවුන් තුළ ඇති කරවන බව සිග්ලර් ගේ අදහස යි. 
“සමහර විට ඔවුන් යළි එකට ජීවත් වීමට තීරණය කරන හේතුව එකිනෙකා අතර වන ආදරයම නොවිය හැකියි. එය, තම ජීවනෝපාය කටයුතු සාර්ථක කර ගැනීම සඳහා එකට වැඩ කිරීමේ අවශ්‍යතාව විය හැකියි.  කොහොම වුණත්, යම් යුවළකට සති හයක් මෙහි සිරගත වන්නට සිදු වුවහොත්, ජීවත් වීම ගැන ඔවුන්ට විවිධ ගැටලු පැන නගිින්නට පුළුවන්. ඒ නිසා ඒ පීඩනය තුළින් ඔවුන් නැවත එකට ජීවත් වෙන්න තීරණය කරනවා.” සිග්ලර් පූජකවරයා පවසන්නේය.
ඔහු පෙන්වා දෙන පරිදි, වර්තමානයට පවා මෙම විවාහ බන්ධනාගාර සංකල්පය තුළින් බොහෝ පාඩම් උගත හැකිය. වර්තමානයේ දී එකිනෙකා වෙනුවෙන් ගත කරන්නට ඇති කාලය ඉතා සීමිතය. එබැවින් අපි බොහෝ දෙනා තනිකමෙන් පීඩා විඳින්නෙමු. දේවගැති සිග්ලර් පවසන්නේ, එබැවින් අපි එකිනෙකා කතා බහ කිරීම තුළින් අප අතර වන සබඳතා කවරාකාරදැයි අපටම සොයා ගත හැකි බවය.
ගයාත්‍රි ගීගනආරච්චි

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 3967

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 3710

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 6782

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 4190

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2613

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3419

Please publish modules in offcanvas position.

Web Analytics