Coss Ear2
lakbima.lk
COSS Ear 1

පේ‍්‍රමයේ සංකේතය තවත් වාර්තාවක් තබයි

ලෝකයේ ආකර්ෂණීයම ගොඩනැගිලි අතර මුල් කිහිපය අතරට ගැනෙන ඉන්දියාවේ ටාජ් මහාල් ප‍්‍රාසාදය පසුගිය වසරේ තවත් අලූත් ලෝක වාර්තාවක් තැබූ බව ‘ද ටයිම්ස් ඔෆ් ඉන්ඩියා’ ස`ගරාව වාර්තා කර තිබේ. එ් ලෝකයේ විවිධ ආකර්ෂණීය ස්ථාන අතරින් 2016 වසරේ වැඩිම සංචාරක පිරිසක් නැරඹූ ස්ථානය ලෙසිනි. සංඛ්‍යාත්මක වශයෙන් වාර්තා වී ඇති සංචාරක පිරිස මිලියන 8කි. එනම් ලක්ෂ 80කි. ඉන්දියාවේ ඇති අනිකුත් ඓතිහාසික ස්ථාන අතරින් ඉන්දියාවට වැඩිම ආදායමක් ලබා දෙන ස්ථානය බවට ටාජ් මහාල් ප‍්‍රාසාදය පත් වූයේ මීට අවුරුදු 20කට පමණ පෙරදීය. ඉන්දියානු සංස්කෘතික අමාත්‍යාංශය පවසන අන්දමට ටාජ් මහාල් ප‍්‍රාසාදය නිසා ඉන්දියාවේ කීර්තිය ලෝකයේ අනිකුත් රටවල් අතර පැතිරෙනවා පමණක් නොව ඉන්දියානු ජනගහනයෙන් හතරෙන් එකක් නඩත්තු කිරීමට සෑහෙන ආදායමක් ද වාර්ෂිකව මෙම ප‍්‍රාසාදය විසින් උපයා දෙනු ලබයි.
ලෝකයේ බොහොමයක් ඓතිහාසික ස්ථානවලට සාපේක්ෂ්ව ටාජ් මහාල් ප‍්‍රාසාදය නැරඹීම සඳහා ඇතුළු වීමේ ගාස්තුව ඉහළ අගයකි. දිවා කාලයේ ටාජ් මහල් ප‍්‍රාසාදය තුළ පැය තුනක සංචාරයක් සඳහා ලබා ගත යුතු ටිකට් පතේ වටිනාකම ඇමෙරිකානු ඩොලර් 21 කි. එනම් රුපියල් 3200 ක් පමණ වේ. දිවා කාලයේ පැය 12 ක කාලයක් ටාජ් මහාල් ප‍්‍රාසාදයට ඇතුළු වී ඒ තුළ ගත කිරීම සඳහා විදේශිකයෙකුගෙන් අය කරන මුදල ඇමෙරිකානු ඩොලර් 27 ක් 30 ක් පමණ වේ. එනම් රුපියල් 5000 ක් පමණ මුදලකි. නමුත් පැය 24 ක්, එනම් එක් රාත‍්‍රියක් ටාජ් මහාල් ප‍්‍රාසාදය තුළ ගත කරන්නේ නම් එම මුදල ඇමෙරිකානු ඩොලර් 60 ක් බවට පත් වේ.  එනම් රුපියල් දස දහසක් පමණ වන මුදලකි. එක් දිනකට මෙම ප‍්‍රාසාදය තුළ රාත‍්‍රිය ගත කරන සංචාරකයන් සංඛ්‍යාව නිවාඩු දිනවල නම් හාරදහස ඉක්මවන බව වාර්තා වේ. මෙම සංචාරකයන් ආහාර පාන ලබා ගන්නේ නම් ඒ සඳහා වෙනම මුදලක් ගෙවන්නට ඔවුන්ට සිදු වේ.
පසුගිය 2016 වසරේ ඉන්දියානු සංස්කෘතික අමාත්‍යාංශය තවත් පුදුම සහගත කාරණයක් මාධ්‍යයට වාර්තා කර තිබිණි. ඒ ටාජ් මහාල් ප‍්‍රාසාදය තැනවූ ෂාජහාන් රජතුමා විසින් කළු පැහැති කිරි ගරුඩ යොදා ඉදිකිරීමට තීරණය කර තිබූ තවත් ප‍්‍රාසාදයක් පිළිබඳවය. නමුත් ෂාජහාන් රජතුමාගේ මෙම තීරණයට ඔහුගේ පුතුන් විරුද්ධ වී ඇති බවත් පසු කාලයේ යුදමය තත්ත්වයන් හේතුවෙන් කළු පැහැ ප‍්‍රසාදය පිළිබඳ අදහස ක‍්‍රියාත්මක කිරීමට නොහැකි වූ බවත් වාර්තා කර තිබිණි. මේ ආකාරයට කළු පැහැති කිරි ගරු`ඩ යොදා ටාජ් මහාල් ප‍්‍රාසාදය වැනිම වූ තවත් ප‍්‍රාසාදයක් ඉදිකරවීමට සාජහාන් රජතුමාගේ පුතුන් අකමැති වීමට හේතු වූ කාරණය පිටුපස කතාවක් තිබේ. අනාගතයේ දිනක ටජ් මහාල් ප‍්‍රාසාදය ලෝකයේ ප‍්‍රබල නිර්මාණයක් බවට පත් වන බව දැන සිටි ෂාජහාන් පුතුන් එවැනි තවත් නිර්මාණයක් ඉන්දියාව තුළ ඉදිකිරීමට විරුද්ධත්වය පළ කළේ එවැනි වෙනත් නිර්මාණයක් නිසා මුම්ටාස් නම් වූ තම මෑණියන් නමින් ඉදි කළ මෙම ප‍්‍රාසාදයේ වටිනාකම අඩු විය හැකි බවට ඔවුන් තුළ තිබූ සිතිවිල්ලයි. එමෙන්ම සාජහාන් රජු කළු පැහැ කිරි ගරු`ඩ ප‍්‍රාසාදය ඉදි කිරීමට තීරණය කර තිබුණේ මුම්ටාස් දේවියගේ මිය යාමෙන් පසු රජු සමග විවාහ වූ මුම්ටාස් දේවියගේ නැගණිය සිහිවීම පිණිස වීමද ඔවුන්ගේ විරෝධයට හේතුවක් විය. ඇය ඇගේ පිය පාර්ශ්වය මෙන් අඳුරු පැහැ සමක් තිබූ කාන්තාවක් බව ද වාර්තා වේ.
නමුත් ටාජ් මහාල් ප‍්‍රාසාදය වැනි තවත් ප‍්‍රාසාදයක් ෂාජහාන් රජතුමා විසින් ඉදි කර තිබුණේ නම් එම ප‍්‍රාසාදය ද සංචාරක ආකර්ෂණය දැඩිව දිනා ගන්නා ඓතිහාසික ස්ථානයක් වනවාට කිසිම සැකයක් නැත. එසේ වූයේ නම් එය මගින්ද ඉන්දියාවට අතිවිශාල ධනස්කන්ධයක් උපයා ගත හැකි වනු ඇත. ‘ද ටයිම්ස් ඔෆ් ඉන්ඩියා ස`ගරාව පවසන අන්දමට මේ හේතුව නිසා ඉන්දියානු සංස්කෘතික අමාත්‍යාංශයේ වර්තමාන නිලධාරීන්ට සාජහාන් රජතුමාගේ පුතුන් ගැන යම් ආකාරයක වෛරයක්, ක්‍රෝධයක් ඇති වී ඇත්නම් එහි කිසිදු අසාධාරණයක් නැත. මන්ද යත් ෂාජහාන් රජතුමාට කළු පැහැ කිරි ගරු`ඩ ප‍්‍රාසාදය ඉදි කරන්නට ඉඩ නොදීමෙන් මෙම පුතුන් රටට සිදු කර ඇත්තේ අති දැවැන්ත ලාභයකට වැට බැඳීමක් වන බැවිනි.
 
දුලංජලී මුතුවාඩිගේ 
 
ඡායාරූප - නිශානි දිසානායක

IMAGE

ග්‍රැන්ඩ්පාස් ගොඩනැගිල්ල කඩා වැටීම සොයුරාගේ සැලසුමක් -...

IMAGE 2018 Feb 16 13:54
හත්දෙනෙකුට මරු කැඳවමින් පසුගිය (14) දා ග්‍රැන්ඩ්පාස් ගොඩනැගිල්ල කඩා වැටීමේ සිද්ධිය...
Views - 2504

මනාලයාගේ 'දෙනෙත් උඩ රැන්දූ' මනාලියගේ රැකියාව

IMAGE 2018 Feb 16 12:26
අනුරාධපුරයට ආසන්න නිකැලැල් චරිතවත් යුවතියක සඳහා මනාලයෙකු සොයන බව මීට සති කිහිපයකට ඉහත ඉරිදා...
Views - 5380

හෙදිය සමූහ දූෂණයට විනයාරක්ෂක කපිතාන් අල්ලයි

IMAGE 2018 Feb 14 23:55
රංචු ගැසී පුද්ගලික රෝහලක හෙදියක් සමූහ දූෂණයට ලක් කිරීමේ සිද්ධිය සම්බන්ධයෙන් ‍පොලීසියට...
Views - 4769

ඡන්ද ප්‍රතිඵල වලින් පස්සෙ සමහරුන් බුම්මාගෙන ඉන්නේ ඇයි?

IMAGE 2018 Feb 14 13:39
මෙවර පළාත් පාලන ඡන්දයේ දී මෙන්ම  සෑම මැතිවරණයකදීම කිසියම් පිරිසක් ජයග්‍රහණය කරන විට ඊට...
Views - 2862

හොර හැඳුනුම් පතක් ගෙන ප්‍රේම ලෝකයට බසින 'වැලන්ටයින්'

IMAGE 2018 Feb 14 09:22
පෙම්වතුන් පෙම්වතියන් අතර හෝ අඹු සැමියන් අතර පවත්නා ආදරය ලිංගිකත්වය හා අනුරාගය මත පදනම් වූ...
Views - 2817

කෝවක්කා කෑවම මැරෙනවද?

IMAGE 2018 Feb 13 19:41
කෝවක්කා ගෙඩියක් ආහාරයට ගත් දරුවෙකු ශරීරයේ සීනි මට්ටම පහත වැටීමෙන් මිය ගිය පුවත පසුගිය සතියේ...
Views - 7422

Please publish modules in offcanvas position.