Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ඉතාලියේ රෝම නගරයට පැමිණෙන විදෙස් සංචාරකයන්ගේ ඉමහත් ආකර්ෂණයට බඳුන් වූ පෞරාණික වටිනාකමක් සහිත ස්ථානයක් ලෙස ක්‍දකදිිැමප නොහොත් කොලෝසියම හැඳින්විය හැකිය. මෙය නූතන ලෝකයේ පුදුම හතෙන් එකක් ලෙසද නම් කර ඇති අතර එය ෆ්ලේවියන් රංග පීඨය ලෙසද හඳුන්වනු ලැබේ. ක‍්‍රිස්තු වර්ෂ 72 දී ෆ්ලේවියන් අධිරාජ්‍යයේ ආරම්භක 
අධිරාජ්‍යයා වූ වෙස්පාසියන් අධිරාජ්‍යයා විසින් ඉදිකිරීම ආරම්භ කරන ලද මෙම සුවිසල් ගොඩනැගිල්ලේ ඉදිකිරීම් කටයුතු අවසන් වූයේ ක‍්‍රිස්තු වර්ෂ 80 දී වෙස්පාසියන් අධිරාජ්‍යයාගේ මරණින් වසරකට පසුවය. 
වෙස්පාසියන් අධිරාජ්‍යයාට අවශ්‍ය වූයේ මෙම රංග පීඨය රෝමයේ පමණක් නොව ලොව අංක එකේ වනසත්ව ප‍්‍රදර්ශන සටන් සිදු කරන ස්ථානයක් බවට පත් කිරීමය. ඔහුගේ මරණයත් සමග ඔහුගේ පුතු ටයිටස් කුමරු විසින් මෙම ස්ථානය පවත්වාගෙන යාමේ කටයුතු භාරගෙන තිබිණි. ඒ අනුව රෝමයේ අතිදක්ෂ ග්ලැඩියේටර්වරුන්ගේ සටන් සහ සිංහයන් ඇතුළු දරුණු වනසතුන්ගේ සටන් මෙහිදී රෝම වැසියන්ට දැක බලා ගන්නට හැකියාව ලැබිණි.
රෝම ඉතිහාසය පවසන අන්දමට වන සත්ව සටන් පැවැත්වීමට දින නියම කරගන්නා මොහොතේ සිට සති ගණන් හෝ මාස ගණන් මෙම ස්ථානයේ රඳවා ඇති වන සතුන්ට ආහාර ලබා දීම සීමා කෙරේ. දිනකට කිලෝ 100ක් පමණ බරැුති ගවයෙකු ආහාරයට ගත හැකි සිංහයන් වෙත ලැබෙන්නේ කිලෝ 15ක පමණ මස් කුට්ටි පමණි. එවැනි ක‍්‍රම මගින් ඔවුන්ගේ කුසගින්නත්, වියරුවත් උග‍්‍ර කර අවසානයේ සටන් බිමට එවනු ලබති. සමහර අවස්ථාවල මෙවැනි සිංහයන් සහ ග්ලැඩියේටර්වරුන් අතර පවා සටන් පැවැත්වේ. එවැනි සටන්වලදී දරුණු සිංහයන් පරදවා ග්ලැඩියේටර්වරයා සටනින් ජය ගතහොත් ඉතා ඉහළ මිලකට එම ග්ලැඩියේටර්වරයා වෙන්දේසි කිරීමට කටයුතු කරනු ලැබේ.
ලෝකයේ බොහොමයක් රටවල් මෙම ගොඩනැගිල්ල හඳුන්වනු ලැබ ඇත්තේ අපායට පිවිසෙන දොරටු හතෙන් එක් 
දොරටුවක් ලෙසිනි. එයට හේතුව සටන් කිරීම සඳහා මෙම ස්ථානයට ඇතුළුවන  ඕනෑම පුද්ගලයෙකුට, විශේෂයෙන්ම ග්ලැඩියේටර්වරයෙකුට ඉන් පිටවීමට අවස්ථාවක් ලැබෙන්නේ ඉතාම කලාතුරකින් වන බැවිනි. බොහෝවිට සිදු වන්නේ ඔවුන්ට ජීවත් වන්නට අවස්ථාවක් නොලැබ එය තුළදීම වන සත්වයෙකුගේ හෝ වෙනත් සටන්කරුවෙකුගේ මරු පහරින් මිය යන්නටය. රෝම ඉතිහාසයේ සඳහන් වන පරිදි කොලෝසියම තුළ දී සටන් කරනු ලැබ මිය ගිය ග්ලැඩියේටර්වරුන් ගණන ලක්ෂය ඉක්මවා තිබේ. වන සතුන් ගණන තිස් දහසක් පමණවේ. ඊට අමතරව විවිධ වැරදිවලට හසු වූ රෝම වැසියන් පනස් දහසකට අධික පිරිසක් කොලෝසියම තුළදී විවිධ වද හිංසාවලට ලක්ව මරණයට පත් කර තිබේ. ඒ නිසා එය වධකාගාරයක් ලෙස ද හැඳින්විය හැකිය. එනම් අධික කුස ගින්නේ පසුවන වන සතුන්ගේ ආහාර ලෙස ඔවුන්ගේ කූඩු තුළට දැමීමෙන් සහ පණ පිටින් ගිනි තැබීමෙන් ඔවුන් මරණයට පත් කර තිබෙන්නේ නරඹන්නන්ගේ ප‍්‍රීති ඝෝෂා මැද බවද වාර්තා වේ.
කොලෝසියම නම් වූ මෙම ගොඩනැගිල්ලේ උස මීටර් 48කි. එවකට රෝම අධිරාජ්‍යවරුන්ගේ මන්දිර පවා එතරම් උසින් යුක්තව ඉදිකෙරුණේ නැත. කොලෝසියම මෙතරම් උසින් වැඩි වන පරිදි ඉදිකර තිබෙන්නේ එය තුළ සිදුවන අමානුෂික සහ කෲර සිදුවීම් ලෝකයෙන් ස`ගවන්නට විය යුතු බව ඉතිහාසඥයන්ගේ අදහසයි. කොලෝසියම පිළිබඳව විවිධ මත ඉදිරිපත් කරන දෛවඥයන්ට අනුව අතීතයේ සිට විසි වන සියවසේ මුල භාගය වන තුරු කොලෝසියම තුළ දරුණු භූතාත්ම සැරිසරා තිබේ. ඔවුන් ‘බ්ලැක් මැජික්’ නමින් හඳුන්වන මරණයේ ක‍්‍රීඩාව කරමින් කොලෝසියම තුළ සැරිසැරූ බවද රාත‍්‍රී කාලයේ කොලෝසියම තුළට ඇතුළු වන ආරක්ෂකයන් බිය වද්දමින් මරණයට පත් කර ඇති බවද පැවැසේ.
නමුත් 1990 වසරින් පසු රෝම රජය විසින් කොලෝසියම සංරක්ෂණය කර එය දෙස්  විදෙස් සංචාරකයන්ගේ ආකර්ෂණීය ස්ථානයක් බවට පත් කිරීමෙන් පසු ඉහත කී භූතාත්ම සහ නපුරු ආත්ම එම ස්ථානය අතහැර නැවතත් අපාය වෙතම ගොස් ඇති බවත්, යම් යම් කාලවලදී ඔවුන් නැවතත් කොලෝසියම තුළට පැමිණ සංචාරකයන් බියවද්දන බවත් දෛවඥයන්ගේ අදහසයි. එපමණක් නොව, රෝම නගරය අද දක්වාත් ලෝකයේ නම් දැරූ නගරයක්ව පවතින්නට හේතුව කොලෝසියම තුළ සැරිසරන යහපත් ආත්ම බවටත්, යම් දිනක කොලෝසියම විනාශ වුවහොත් එම යහපත් ආත්මයන් විසින් රෝම නගරයද විනාශයට ඇද දමන බවටත් මතයක් තිබේ. මේ නිසා සදාකාලිකවම කොලෝසියම විනාශ වන්නට ඉඩ නොදී ආරක්ෂා කළ යුතුය යන්න ඔවුන්ගේ අදහසය.
 
දුලංජලී මුතුවාඩිගේ 

වෙනත් කාන්තාවක වෙනුවෙන් ගර්භාෂය කුලියට දීමේ සංකල්පය බොහෝ ඉන්දියානුවන්ට අප්‍රිය වූවත් කාලය එය වෙනස් කරමින් පවතී. අද එරට විවාහක මෙන්ම අවිවාහක කාන්තාවෝද ගර්භාෂය කුලියට දීමට කැමැත්තෙන් සිටිති.
එක්දහස් නමසිය හැත්තෑ හය කාලයේ, ඇමෙරිකා එක්සත් ජනපදයේ යුවළක් තමන්ගේ දරුවෙකු වෙනත් කාන්තාවකගේ ගර්භාෂයෙහි වැඩෙන්නට සැලැස්වීමත් සමග ආරම්භ වූ මෙම ක්‍රියාදාමය වඩාත් ව්‍යාප්තව ඇත්තේ ඉන්දියාවේය.
ජීව විද්‍යාත්මක හේතු නිසා තමන්ගේ ගර්භාෂයෙහි දරුවකු වර්ධනය කර ගැනීමට නොහැකි බැවින් ධනවත් විදේශිකයෝ දරුවෙකු ලබාගැනීමට නිත්‍යානුකූල නොවූ ඉන්දියානු ළදරු තවාන් වෙත ඇඳී එති. එනිසා එරට කාන්තාවන්ට තම 
ගර්භාෂය කුලියට දීමේ හැකියාව ලැබි ඇත.
ඉන්දියානු කාන්තාවන්, එසේ තවකෙකුගේ දරුවකු තම කුස තුළ දරාගෙන, එම ගර්භණී භාවය උදෙසා ඩොලර් අටදාහක් පමණ උපයාගනී. සමහර රටවල මෙය නීත්‍යානුකූල නොවූවද, ඉන්දියාව තුළ එය මැඩපවත්වන නීතියක් නැත. නමුත් එය නීත්‍යානුකූල රටවල් ඇත. නමුත් ඉන්දියාවේ තරම් අඩු මුදලකට වෙනත් රටකදී එය සිදුකර ගත නොහැක.
මෙම ආයතන වෙත එන කාන්තාවෝ සාමාන්‍යයෙන් ඉන්දියාවේ දුගී බවේ පත්‍ලේම පසුවන්නෝ වෙති. මෙම කටයුත්තෙන් ඔවුන් ලබන මුදල ඔවුන්ගේ ජීවිතයේ විශාල පෙරළියක් ඇති කරයි.
අකන්ක්ෂා මඳසරු සායනය, ඉන්දියාවේ ප්‍රකට ළදරු තවානකි. පසුගිය අවුරුදු දහය පුරාවට ඔවුන් විදේශිකයන් උදෙසා ඉන්දීය කාන්තාවන් දහකගේ පමණ ගර්භාෂ කුලියට ලබා දී ඇත. මෙම කාර්යයෙන් ඔවුන් ලබන මුදල ඔවුනට කෙතරම් වටනේද කිවහොත් එක් මවක් අවස්ථා දෙකකදී තම ගර්භාෂය කුලියට ලබාදීමෙන් ලද මුදලින් තම දිළිඳු පැල්පත වෙනුවට දෙමහල් නිවාසයක් සාදාගෙන ඇති අතර, තම සැමියාට කිරීමට සිදුවූ බරපතළ සැත්කමකට යන වියදම දරාගෙන ඇත. මෙම මුදල් නොලැබුණේ නම් ඒ සියල්ල ඔවුනට සිහිනයකි.
අකන්ක්ෂා මඳසරු සායනය ඉන්දියාවේ සංචාරක ව්‍යාපාරයේ අතුරු ඵලයක් ලෙස හදිසියේ දියුණුවූ ව්‍යාපාරයකි. නිසරුබව නැතිකර ගැනීම සඳහා මෙන්ම තමන්ගේ කලලයක් වෙනත් කාන්තාවකගේ ගර්භාෂයෙහි වර්ධනය කර ගැනීම සඳහා සංචාරකයෝ ඉන්දියාවට පැමිණෙති. ඖෂධ, ශල්‍ය වෛද්‍යවරයාගේ ගාස්තුවද සමග එවැනි එක් දරු ගැබක් වර්ධනය කර ගැනීම සඳහා ඉන්දියාවේදී ඩොලර් 15,000කට ආසන්න මුදලක් වැය වෙයි. ඇමෙරිකාවේදී මෙවැන්නක් සඳහා ඩොලර් 75,000ක් වැය වෙයි.
අකන්ක්ෂා මඳසරු සායනය පිහිටි බටහිර ගුජරාතයේ කිරි ව්‍යාපාරික පවුල් 15,000ක් අතර මෙම ගර්භාෂ කුලියට දීම ඉතාමත් ජනප්‍රියව ඇත. ඔවුනට ඩොලර් 5000- 8000 ක මුදලක් ගෙවනු ලැබේ. එය ග්‍රාමීය ඉන්දියානුවකු වසර දහයක දී උපයන මුදලට වඩා වැඩිය.
ජීව විද්‍යාත්මක හේතු නිසා සම්පූර්ණ ගර්භණී කාලයක් ගත කළ නොහැකි කාන්තාවන් සඳහා, වෙනත් කාන්තාවක් නිශ්චිත කාලයක්, කලලය තම කුස තුළ දරාගෙන දරුවකු ලබාදීම මුල් කාලයේ සිදුවූයේ සමීප ඥාතීන් අතරය. නමුත් ප්‍රකට ස්ත්‍රී රෝග විශේෂඥවරයකු වන කමලා සෙල්වරාජ් පවසන්නේ, දැන් එය ඉන්දියාවේ නිරන්තර වෘත්තීයක් බවට පත්ව ඇති බවය.
නමුත් ගර්භාෂය කුලියටදී වෙනත් අයෙකුගේ දරුවෙකු දරා සිටින ගර්භණී කාන්තාවක විසින් දරන ශාරීරික හා මානසික වෙහෙස ඔවුන් කිසිවෙක් සිහිපත් කරන්නේ නැත. ජායිපූර්හි, වෛද්‍ය විද්‍යාව පිළිබඳ මහත්මා ගාන්ධි ආයතනයේ වෛද්‍ය මෝහන්ලාල් ස්වර්ණකර් වෙනත් අයෙකුගේ දරුවෙකු කුසයෙහි දරා සිටීමට වෛද්‍ය පහසුකම් ලබාදීම පිළිබඳව බලවත් සේ විරුද්ධය.
ගර්භාෂ කුලියට දීම සමස්ත සදාචාර පද්ධතියටම අහිතකර ලෙස බලපානවා. එයින් මතුවන ආචාර විද්‍යාත්මක සහ මානසිකව ඇතිවන උග්‍ර ප්‍රශ්නවලට පහසු උත්තර නැහැ. ඔහු පවසයි.
මේ අතර තරුණ සෞඛ්‍ය සම්පන්න විවාහක කාන්තාවන් අතර වර්ධනය වන ව්‍යසනයක් ගැනද ඔහු කියයි. සමහර තරුණ විවාහක කාන්තාවන් තමන්ගේ රැකියාව අනුව තමන්ගේ කුසෙහි දරුවෙකු දරාගෙන සිටීමට අකමැතියි. එනිසා ඔවුන් වෙන කෙනෙකුට මුදලක් ගෙවා තම අවශ්‍යතාවය ඉටු කර ගන්නවා.
 
පීටර් කැනියුට් පෙරේරා 

USea

මුහුදේ ආම්ලික ගතිය වැඩිවීම නුදුරු අනාගතයේදීම මුහුදු ජීවීන්ට දැඩි අනතුරුදායක තත්ත්වයක් ඇති කරන බව වසර අටක් තිස්සේ කරන ලද සමීක්ෂණයකින් හෙළිවී තිබේ. නූතන මිනිස් ක්‍රියාකාරකම් හේතුවෙන් මුහුදට එක්වන කාබන්ඩයොක්සයිඩ් ප්‍රමාණය සියලු මුහුදු ජීවීන්ට දැඩි අනතුරුදායක තත්ත්වයක් ඇති කරන බවට සැක පළවෙයි. විද්‍යාඥයන් දෙසීය පනස්දෙනෙක් සහභාගිවී කළ මෙම පරීක්ෂණයේදී මෙම තත්ත්වය විශේෂයෙන් බිලිඳු වියේ පසුවන මුහුදු ජීවීන්ට බලපාන බව සොයාගෙන තිබිණි. ඒ අනුව වර්තමානය හා සසඳන විට මෝර පැටවෙකු ගැටවරවිය දක්වා වැඩීම හතරින් එකකින් අඩු වන බව කියැවේ. මෙම පරීක්ෂණ කටයුතු ජර්මනියේ මූලිකත්වයෙන් පවත්වන ලදී. ලබන නොවැම්බරයේදී ජර්මනියේ පැවැත්වෙන දේශගුණ සමුළුවේදී මෙම වාර්තාව සාකච්ඡාවට ගැනෙනු ඇත.
 නිශානි දිසානායක


Mugabe

එල්ල වූ බලවත් විරෝධය හමුවේ ලෝක සෞඛ්‍ය සංවිධානයේ සන්නාම තානාපතිවරයෙකු ලෙස සිම්බාබ්වේ ජනපති රොබට් මුගාබේ පත්කිරීමට ගත් තීරණය අවලංගු කිරීමට ලෝක සෞඛ්‍ය සංවිධානයේ ප්‍රධානියා තීරණය කොට තිබේ. මෙම තීරණය ප්‍රකාශයට පත්කළ අවස්ථාවේ ඊට  විවිධ පාර්ශ්වවලින් එල්ල වූ දැඩි විරෝධය සැලකිල්ලට ගෙන තීරණය අවලංගු කළ බව ඔහු කියයි. ‍පොදු ජනතාවගේ සෞඛ්‍ය සඳහා සිම්බාබ්වේ රජය දක්වන දායකත්වය අගයන බව ඔහු මුලදී පවසා තිබුණි.
මේ සම්බන්ධයෙන් විරෝධය දක්වන්නන් කියන්නේ මුගාබේගේ තිස්හත් වසරක පාලන කාලයේ මුල් විසි වසර තුළ ඔහු සෞඛ්‍ය ක්ෂේත්‍රය පුළුල් කළද වසර දෙදහසේ එරට ඇති වූ ආර්ථික උද්ධමනයෙන් පසු සෞඛ්‍ය බෙහෙවින් පිරිහුනු බවය. රට තුළ ඔසු හිඟ බවද, සෞඛ්‍ය ක්ෂේත්‍රයේ නිරතවන්නන්ට නිසි වෙලාවට වැටුප් නොලැබෙන බවද ඔවුහු වැඩිදුරටත් පෙන්වා දෙති.

ඇමෙරිකානු සංගීත ලෝලීන් තුළ මැඩෝනා උන්මාදය පැතිරුවිනාක් මෙන්, නවසීලන්තයේ පසුගියදා 'ජසින්ඩා' උන්මාදය පැතිරුණි. ඒ නවසීලන්ත ඡන්දදායකයන් අතරේය.
නවසීලන්තයේ පනස් දෙවැනි පාර්ලිමේන්තුව සඳහා වූ මැතිවරණය පසුගිය විසිතුන් වෙනි සෙනසුරාදා පැවැත්වුණු අතර, එය නවසීලන්ත කම්කරු පක්ෂයේ අලුත් තරුණ නායිකාව වූ ජසින්ඩා ආඩන්ගේම මැතිවරණ ව්‍යාපාරයක් බවට පත්විය. තිස් හත් හැවිරිදි ජසින්ඩා අලුත් පරම්පරාවේත්, පරණ විශ්‍රාමිකයන්ගේත්, මාධ්‍යවලත් හදවත් දිනාගනිමින් තරුවක් බවට පත්වූ අතර, ඒ සඳහා ඇයට ගත වුණේ සති හයක පමණ කෙටි කාලයක් පමණි. ඇය කම්කරු පක්ෂ නායකත්වයට පත්වුණේ මැතිවරණයට ඔන්න මෙන්න කියා අගෝස්තු පළමු වැනිදාය.
බ්‍රිතාන්‍යයේ හිටපු අගමැති ටෝනි බ්ලෙයාර්ගේ ‍‍‍ජ්‍යෙෂ්ඨ ආණ්ඩුක්‍රම උපදේශකවරියක ලෙස කටයුතු කර ඇති ජසින්ඩා කෙතරම් ජනතා ආකර්ෂණය දිනාගත්තාද කිවහොත් නවසීලන්තයේ බිහිවන ළාබාලම අගමැතිවරිය ඡන්ද සටනේ සිටින බවට මාධ්‍ය වාර්තා කළේය. මැතිවරණ පූර්ව දේශපාලන අනාවැකි ද පළ විය. පිට පිට තුන් වතාවක් බලයේ සිටින නවසීලන්ත ජනතා පක්ෂයද වෙව්ලුම් කා ගිය බවක් පෙනෙන්නට තිබුණි.
ක්‍රිකට් සහ දේශපාලනය නොසිතූ ලෙස වෙනස් ප්‍රතිඵල පෙන්වයි. නවසීලන්ත මැතිවරණ ප්‍රතිඵලයද ප්‍රේක්ෂක බලා‍පොරොත්තු හා හැඟීම් සැනසුවේ නැත. පාර්ලිමේන්තුවේ වැඩිම ආසන ප්‍රමාණය මේ වන විට දිනා සිටින්නේ බිල් ඉන්ග්ලිෂ් නායකත්වය දරන ජාතික පක්ෂයයි. එහෙත් එය නවසීලන්ත පාර්ලිමේන්තුවේ බහුතරය නොවේ.
එකසිය විස්සක ආසන සංඛ්‍යාවක් ඇති පාර්ලිමේන්තුවේ බලය දිනාගැනීමට ආසන හැට එකක් අවශ්‍යය. ජාතික පක්ෂය දිනාගත්තේ ආසන පනස් අටක් පමණි. ඔවුනට කලින් වතාවේ හිමිව තිබූ අසුනක්ද අහිමිව ගොස් තිබුණි. 
කම්කරු පක්ෂ මැතිවරණ සටනට ජසින්ඩාගේ රුව මතුවීමේ ප්‍රතිඵලය වුණේ ඔවුන්ගේ ආසන ප්‍රමාණය ආසන දහ තුනකින් ඉහළ යාමය. දැන් කම්කරු පක්ෂය සතුව ආසන හතළිස් පහක් ඇත. කම්කරු පක්ෂයේ ආසන ඉහළ යද්දී විපක්ෂයේ මතෛක් බලවත්ව සිටි පළමුව නවසීලන්තය නමැති අන්තවාදී පක්ෂයට ආසන තුනක් අහිමිව ආසන නවයකට සීමා වූ අතර, ආසන දහහතරක් හිමිව තිබූ හරිත පක්ෂයට ආසන හතක් අහිමි විය. මෝරී නමැති පක්ෂය පාර්ලිමේන්තුවෙන් විසිවී ගියේ තිබුණු ආසන දෙකම අහිමි වෙමිනි. මේ අනුව 'ජසින්ඩා උන්මාදය යෝධ උදම් රළක් මෙන් විපක්ෂයේම ඇතැම් පක්ෂ සෝදා හරින්නට සමත්ව ඇත.
නවසීලන්ත පාර්ලිමේන්තුවට තරග වදින ප්‍රධාන පක්ෂ හතරක් අතරේ ආසන බෙදී යන නිසා, වැඩි ආසන ප්‍රමාණයක් ලබාගන්නා පක්ෂයට සෑම විටම පාහේ සුළු පක්ෂයක් සමග සන්ධානගත වන්නට සිදුවේ. මෙවරද මතු වී ඇත්තේ එබඳුම පරිසරයකි. තවත් ආසන තුනක් තම පිලට එකතු කරගත්විට ජනතා පක්ෂයට බලයට ඒමට හැකි වුවත්, ඉලක්කම්වලින් පෙනෙන පහසුව සැබෑ දේශපාලන ලෝකය තුළ ඔවුනට නැත. දේශපාලන විචාරකයන් පෙන්වා දෙන ආකාරයට ජනතා පක්ෂයේ දක්ෂිණාංශික පාලනයට පහසුවෙන් එකඟ කරවා ගැනීමට හැකියාව ඇත්තේ එක් අසුනක් දිනාගත් දක්ෂිණාංශික ඒසීටී පක්ෂයේ ඩේවිඩ් සේමර් පමණි.
නවසීලන්ත මාධ්‍ය සහ දේශපාලන විචාරකයන් තවමත් බලා‍පොරොත්තු තබා සිටින්නේ තරුණ ජසින්ඩා වෙතය. ආසන හතක් සහ නවයක් දිනාගත් වාමාංශික විපක්ෂ දේශපාලන පක්ෂ දෙකත් ජසින්ඩාත් මැතිවරණ තේමා පාඨය කරගත්තේ පාලනයේ වෙනසක් යන්නය. මේ නිසා එක අත්තේ වසන කුරුල්ලන් මෙන් ඔවුන් අවසාන මොහොතේ එක්වනු ඇතැයි බොහෝ විචාරකයෝ අනාවැකි පළකරති.
කෙසේ වෙතත් නවසීලන්ත මැතිවරණයේ ප්‍රකාශිත ඡන්දවලින් සියයට පහළොවක් පමණ තවමත් ගණන් බලා නැත. එම ඡන්ද ප්‍රමාණය විදේශගත වූවන්ගේ හා මැතිවරණයට ආසන්න කාලයේ ඡන්ද කොට්ඨාසයෙන් බැහැරව සිටි ඡන්දදායකයන්ගේය. බොහෝ දේශාලන විචාරකයන් මෙම ඡන්ද ප්‍රතිඵලවලින් ජසින්ඩා තවත් ආසන දෙකක්වත් හිමි කරගන්නා බවට අනාවැකි පළ කරයි. මෙම අනාවැකිවල ඇත්ත නැත්ත සහ නවසීලන්ත දේශපාලන ඉතිහාසයේ ළාබාලම අගමැතිවරිය ජසින්ඩා වේදැයි දැනගන්නට හැකිවන්නේ ඔක්තෝබර් හත්වැනි දායින් පසුවය.
 
දමින්ද ජීවාන් රණසිංහ

මුළු මහත් මානව සංහතියේ සිතසුව උදෙසා මහා ඥාන සම්ප්‍රදායන් ලොවට දායාද කළ කාල් මාක්ස්, බිතෝවන්, එමෑනුවෙල් කාන්ට්, සහ ඇල්බට් අයින්ස්ටයින් වැනි මහා පුරුෂයන් බිහිකරනු ලැබූ ජර්මනිය ඊට ඉඳුරාම වෙනස් දිශානතියකට යොමුවෙමින් මහා මිනිස් ඝාතනයකට නිර්ලෝභීව සිත කය වෙහෙසූ කුරිරු ආඥාදායක පුත්‍රයා බිහි කළේය.
ඇඩොල්ෆ් හිට්ලර් නම් කාර ආඥා දායකයාගේ චරිතයට සමකළ හැකි චරිතයක් එදා මෙදා තුර මුණ නොගැසුනද අදටත් ලෝ පුරා අඩු වැඩි වශයෙන් අකමැත්තෙන් හෝ කියවන්නට අසන්නට වැඩි නැඹුරුවක් දක්වන කුප්‍රකට චරිතය එය බව පැවැසීම අතිශයෝක්තියක් නොවේ.
ඔස්ට්‍රියානු ජාතික පියෙකුට දාව උපන් හිට්ලර් කෝටියකට ආසන්න ජර්මානු ජාතියට නායකත්වය දෙමින් මුළු ලොවම සලිත කොට රටවල් හැට එකක් බියගන්වා පන් කෝටියක් මිනිස් ජීවිතවල හුස්ම හිරකොට අමු අමුවේ මරා දැම්මේය. කෝටි තුන හතරක් සදාකාලික අබ්බගාතයන් බවට පත් කළේය. රටවල් හැට එකක ගම් නියම්ගම්, හරකා බාන වනසාලමින් සිදුකළ ව්‍යසනයේ අවසාන ප්‍රතිඵලය වූයේ පැතූ චක්‍රවර්ති පදවියේ කිරුළද අහිමිව අවාසනාවන්ත ලෙස හිට්ලර්ට හිට්ලර්ම අහිමිවී යෑමයි.
හිට්ලර් යුදෙව් ජාතිකයන්ට දැඩිව වෛර කළේය. ඔවුන් සමූල ඝාතනයකට මුල පිරුවේය. යුදෙව්වන් විසින් ජේසුස් ක්‍රිස්තුස් වහන්සේ මරා දැමීම හෝ යුදෙව් වෛද්‍යවරයකු විසින් සිය මවගේ පිළිකා රෝගයට අයිඩෆෝම් ලබා දීම නිසා මව මිය යාම හිට්ලර්ගේ යුදෙව් විරෝධී යුද උන්මාදයට හේතු කාරක වන්නට ඇතැයි විශ්වාස කෙරේ. එම මානසිකත්වය ඔහුගේ සාදු ගුණාංග සියල්ල වසා බුර බුරා නැගුනු වෛරයේ හා ක්‍රෝධයේ ගිනි දලු මුළු ලොවම දවා අළු දුවිලි බවට පත්කරන්නට සමත් විය.
බුකන්වෝල්ඩ්, බෙල්සෙන්, අවුෂ්විට්ස්, ලුකාන්වාල්ඩ්, ඩාවෝ යන නම්ගම් ඇසෙන සැනින් ඇඟ කිලි‍පොලා යන ජර්මානු ‍පොළෝතලයේ මිනිස් වධකාගාරය හා ඝාතන කඳවුරු හිට්ලර්ගේ මනස සතපාලූ විනෝදාගාර විය. ඔහු ඒ තුළ ඇවිද යමින් ඉමහත් ආශ්වාදයක් ලැබූ බවද කියැවෙයි.
මුළු ලොවම තැතිගන්වමින් වීර වික්‍රමාන්විත කතාන්තරවලින් වෛවර්ණ වූ රට රාජ්‍යයන් ඩැහැගැනීමේ හිට්ලර්ගේ ලෝක සංචාරය නිරන්තරයෙන් අසහනයකින් හා අනියත බියකින් වෙලී තිබිණි. කැලඹුණ මනසකින් හා ආත්මගත වික්ෂෝභයකින් හිට්ලර් පීඩා වින්ඳ බව දැනගෙන සිටියේ ආචාර්ය ගොබෙල්ස්, හෙයින්රිච් මුලර්, හර්මන් ගොරින් වැනි ආසන්නම හිතමිතුරු නිල මඬුල්ල පමණි.
තම ජීවිතය කොයි මොහොතක හෝ අවසන් වන බව දැන සිටි හිට්ලර් එයින් බේරීමට අවශ්‍ය සියලු ආරක්ෂක විධි විධාන සලසා ගැනීමටද අමතක කළේ නැත. මහා ‍පොළොව යට සුවපහසු මාලිගා තනා ගත්තේය. බර්ලින් හි පිහිටි සුප්‍රසිද්ධ බර්ලින් බංකරය, පුරුශියාවල පිහිටි වුල්ෆ් ලෙයා බංකරය හා බාවෙරියා කඳුකරයේ පිහිටි මනස්කාන්ත බුච්ර්ටෙස් ගාර්ඩ්න් බංකරය කවුරුත් දන්නා හිට්ලර්ගේ බංකර් ත්‍රිත්වයයි.
එහෙත් සිය ජර්මානු වැසියන්ට ද හොර රහසේ ඉතාමත් විසිතුරු සුව පහසුකම් සහිත සුවිසල් බංකරයක් ප්‍රංශයේ ඝන වනාන්තරයක් මැද්දේ පිහිටුවාගෙන තිබූ බවට ඉතාමත් මෑතකදී අනාවරණය කරගනු ලැබුවේ මාර්ක් ඇස්ක්ට් නම් පර්සියානු ඡායාරූප ශිල්පියා  විසිනි. එම වනාන්තරය ‍පොදු මහජනතාවට සපුරා තහනම් ප්‍රදේශයක් වන අතර පර්සියන් ඡායාරූප ශිල්පී මාර්ක් ඇස්ක්ට් එම කඩඉම පැනගැනීමට සමත් වීමද සුවිශේෂත්වයකි.
එම ස්ථානයට ළඟාවීමේදී හමුදාමය උපක්‍රමයන්ට අවනත වීමට මාර්ක් ඇස්ක්ට් හට සිදු විය. නාසි නායකයා විසින් එම බංකරය එංගලන්තයට කඩා වැදීම සඳහා සැලසුම් සකස් කළ ස්ථානය ලෙස ද සැලකේ.
ගල් සවෛල බැඳී පුපුරා හැලෙන බිත්ති පුරා වැඩුණු තණකොළ පඳුරු හා ගස්වැල්වලින් වසාගත් හොල්මන් මන්දිරයක් සේ බිය උපදවන අත්හැර දැමූ ගොඩනැගිල්ලක් මිස වැදගම්මක් සහිත කිසිවක් ඇස්ක්ට්ගේ කැමරා කාචයේ පළමු රූපරාමු තුළ සටහන් වී නැත. එහි තිබූ එක් බියකරු බිංගෙයකින් ඇතුළු වූ ඇස්ක්ට් හට සිය මාධ්‍ය ජීවිතයේ ස්වර්ණමය අවස්ථාව උදා වී ඇති බවට සියුම් සතුටකින් පිරි උද්දාමයක් සිතට ගතට දැනෙන්නට විය.
උමග රාශියක් සහිත අඩි 98 ක් මහ‍පොළොව යට සැතපුම් හයක් පමණ දිග බිංගෙයක් වූ එම බංකරය පිහිටි ස්ථානය අදටත් ලොවට රහසක් ලෙස තබා ගැනීමට ඡායාරූප ශිල්පී මාර්ක් ඇස්ක්ට් ප්‍රංශ හමුදා නිලධාරීන් හමුවේ ‍පොරොන්දු වී ඇත.
වසර හැත්තෑදෙකක් එම ස්ථානය ලොවට වසංකොට තබා ගැනීමට අදටත් ප්‍රංශ රජය උත්සාහ කරනු ලබන්නේ එම බංකරය ප්‍රංශ යුද හමුදාවේ ‍‍‍ජ්‍යෙෂ්ඨතම නිලධාරීන්ගේ රහසිගත පුහුණු මධ්‍යස්ථානයක් ලෙස පවත්වාගෙන යාමේ ඇති සුවිශේෂී වැදගත්කම මතයි.
 
සරත් අමරකෝන් 

Page 1 of 5

IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 4324

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 4030

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 7096

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 4425

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2816

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3622

Please publish modules in offcanvas position.

Web Analytics