Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

එක්තරා මාධ්‍යවේදිනියක මුහුණ දුන් බිහිසුණු ඉරණමක් පිළිබඳ කතාවක් මේ දිනවල ලෝකයේ ජනමාධ්‍ය විශාල අවධානයක් දිනාගනිමින් සිටියි. කිම් වෝල් නම් වන මෙම මාධ්‍යවේදිනිය ස්වීඩන් ජාතික තරුණියකි. 30 හැවිරිදි ඇය ගාඩියන්, නිව් යෝක් ටයිම්ස් වැනි සුප්‍රකට මාධ්‍ය ආයතන හා සම්බන්ධවද කටයුතු කර ඇති මාධ්‍යවේදිනියකි. ඇය මුහුණ දුන් අවාසනාවන්ත ඉරණම පිළිබඳව මුල්වරට වාර්තා වූයේ පසුගිය අගෝස්තු මාසයේ මැද භාගයේය.
අගෝස්තු 10 වෙනි දින කිම් වෝල් කිසියම් විශේෂ මාධ්‍ය කටයුත්තක් සඳහා පීටර් මැඩ්සන් නමැත්තෙකු මුණ ගැසීමට ගොස් තිබේ.  46 හැවිරිදි පීටර් මැඩ්සන් යනු ඩෙන්මාර්ක ජාතිකයෙකු වන අතර ඔහු විවිධ ආකාරයේ නව නිපැයුම් කරන්නෙකු ලෙස එරට ප්‍රසිද්ධියක් දිනා සිටින්නෙකි. මෑතක ඔහු වඩාත් කතාබහට ලක්ව ඇත්තේ ඔහු විසින්ම නිපදවන ලද පෞද්ගලික සබ්මැරීනයක් නිසාය.  කිම් වෝල් ඔහු හමුවීමට ගොස් ඇත්තේ ඔහු සහ ඔහුගේ නිපැයුම් පිළිබඳ විශේෂාංගයක් සකස් කිරීම සඳහා තොරතුරු සපයා ගැනීමට බව සඳහන් වේ. එහිදී ඇය එදින පස්වරු 7 ට පමණ මැඩ්සන් මුණ ගැසී ඔහුත් සමග ඉහත කී සබ්මැරීනයේ නැගී ඩෙන්මාර්කයේ කොපන්හේගන් හි වෙරළ ආසන්න ස්ථානයකින් පිටත් වී තිබේ. ඔවුන් දෙදෙනා සබ්මැරීනය මත සිටින අයුරු පෙන්වන  ඡායාරූපයක් ඒ අසලින් යාත්‍රා කරමින් තිබූ නැවක සිටි කෙනෙකු විසින් ගනු ලැබ ඇති අතර ඒ පස්වරු 8.30 ට පමණ යයි ද සඳහන් වෙයි. ඔවුන් දෙදෙනා එකට සිටිනු දුටු අවසන් අවස්ථාව එය බව පැවැසේ. එයින් පසු කිම් වෝල් පිළිබඳව කිසිදු තොරතුරක් දැනගන්නට ලැබුණේ නැත. ඇය ගැන තොරතුරක් නැති තැන එයින් කලබලයට පත් වූ ඇගේ පෙම්වතා පසුදින මේ පිළිබඳව ‍පොලිසියට දැනුම් දීමට පියවර ගත්තේය. 
‍පොලිසිය ඇයත්, මැඩ්සනුත් ගමන් ගත් සබ්මැරීනය කොහේදැයි සෙවීමට මෙහෙයුමක් දියත් කළේය. සාමාන්‍යයෙන් චන්ද්‍රිකා තාක්ෂණය ඔස්සේ මෙවැනි යාත්‍රා තිබෙන තැන් සොයා ගත හැකි ක්‍රමවේද තිබුණත් මැඩ්සන්ගේ සබ්මැරීනයට ඊට අදාළ උපාංග සවි කර නොතිබුණෙන් එය ඇත්තේ කොහේදැයි සොයා ගැනීම සඳහා අදාළ අංශවලට ලොකු වෙහෙසක් දරන්නට සිදු විය. අවසානයේ සබ්මැරීනය දුටු බැව් පැවැසූ ප්‍රදීපාගාරයක නිලධාරීන් දුන් තොරතුරු අනුව එය තිබූ ඉසව්ව ගැන හෝඩුවාවක් ලබා ගන්නට හැකි වී තිබේ. එයින් පසුව සන්නිවේදන උපකරණ හරහා මැඩ්සන් සම්බන්ධ කරගැනීමටද ආරක්ෂක අංශවලට හැකි වී ඇත. එයින් ටික වේලාවකට පසු සබ්මැරීනය ගිලෙන්නට පටන් ගෙන ඇති අතර වහා පියවර ගත් ආරක්ෂක නිලධාරීන් ඒ වෙත ළඟා වී එහි සිටි පීටර් මැඩ්සන් ගලවා ගැනීමට සමත්ව තිබේ. (සබ්මැරීනය වුවමනාවෙන්ම ගිලී යන්නට සැලැස්වූවාද යන සැකයක්ද මේ වනවිට පවතී).
කෙසේ නමුත් කිම් වෝල් ඒ වනවිට සබ්මැරීනයේ සිටියේ නැත. මේ පිළිිබඳව මැඩ්සන්ගෙන් විමසීමේදී ඔහු මුලින් පවසා ඇතැයි සඳහන් වන්නේ තමා ඇය එක්තරා ස්ථානයකින් බැස්ස වූ බවයි. ඉන්පසු විමර්ශන නිලධාරීන් ඔහු ඇය බැස්ස වූවා යයි පැවැසූ ස්ථානය අවට වූ ආරක්ෂක කැමරාවල සටහන්ව තිබූ දර්ශන නරඹා ඇති බව මාධ්‍ය වාර්තා කර තිබිණි. නමුත් එම කැමරාවල සටහන් වී තිබූ තොරතුරු ගැන ඔවුන් ප්‍රසිද්ධියට පත් කර තිබුණේ නැත. පසුව මෙම නිලධාරීන් ප්‍රකාශ කර ඇත්තේ පීටර් මැඩ්සන් සිද්ධිය සම්බන්ධයෙන් අලුත් කටඋත්තරයක් ලබා දී ඇති බවයි. එම ප්‍රකාශයට අනුව පැවැසුණේ කිම් වෝල් සබ්මැරීනය තුළදී බරපතළ අනතුරකට මුහුණ දුන් බවකි. කිලෝග්‍රෑම් 70 ක් පමණ බර යමක් ඇගේ හිස මත ඇද වැටීමෙන් ඇය  මරණයට පත් වූ බවත්, පසුව තමා ඇයගේ සිරුර මුහුදේ හෙලූ බවත් මැඩ්සන් පවසා ඇති බව කියැවිණි. කෙසේ හෝ වේවා,  මෙම ප්‍රකාශයෙන් පසු තවත් විවිධ සැක කටයුතු හෝඩුවාවන් මතු වීමට පටන් ගත්තේය. 
අගෝස්තු 21 වෙනි දින වෙරළාසන්න ප්‍රදේශයක යමින් සිටි බයිසිකල්කරුවෙකුට හිස සහ අත්පා නැති මළ සිරුරක් දැකගන්නට ලැබිණි. මෙම සිරුර පිළිබඳව ජාන පරීක්ෂණයක් සිදු කළ විමර්ශකයන්ට සොයා ගත හැකි වූයේ එය කිම් වෝල්ගේ මළ සිරුර බවයි. එයින් පසුව මේ සම්බන්ධයෙන් මරණ පරීක්ෂණයක් සිදුකිරීමට පියවර ගන්නා ලදී. මාධ්‍යවේදිනියගේ හිස සහ අත්පා වුවමනාවෙන්ම කපා දමා ඇති බව මේ අනුව අනාවරණය වූ අතර ඇගේ  පපුව සහ ලිංගේන්ද්‍රිය ආසන්නයේද පිහියකින් කරන ලද කැපුම් පහරවල් දැකිය හැකි විය. ඒවා ඇය මියයාමට මොහොතකට පෙර හෝ ඉන් මොහොතකට පසු සිදු කරන ලද ඒවා බවද මරණ පරීක්ෂණයෙන් අනාවරණය කරගනු ලැබිණි. මේ ආකාරයේ කැපුම් පහර 15 ක් පමණ ඇගේ සිරුරේ ඇති බවද සඳහන් වෙයි. 
මෙම බිහිසුණු සිදුවීම් මාලාවේ අලුත්ම සොයා ගැනීම පිළිබඳව වාර්තා වූයේ පසුගිය සතියේය. එනම් ඔක්තෝබර් 6 වෙනි දිනය. එදින ‍පොලිස් කිමිදුම්කරුවන් පිරිසක් කිම් වෝල්ගේ සිරුරු කොටස් හමු වූ ස්ථානය ආසන්නයේ මුහුදෙහි පරීක්ෂා කිරීම් කරමින් සිටින අතර බරැති ලෝහ කැබලි ගැටගසා, උඩට මතු නොවන ලෙස දියෙහි ගිල්වා තිබූ බෑගයක් සොයා ගන්නට ලැබිණි. පසුව එතුළ තිබි ඔවුන්ට හමු වූයේ සිරුරෙන් වෙන් කරන ලද කිම් වෝල්ගේ හිස, අත් පා ඇතුළු කොටස්ය. මෙම කොටස්ද පසුව පරීක්ෂණයට බඳුන් කර ඇති අතර එහිදී තවත් වැදගත් කරුණක් අනාවරණය කරගැනීමට විමර්ශකයන්ට හැකි වී තිබේ.  එනම් ඇයගේ හිස් කබලට තුවාල සිදුව නැති බවයි.  සබ්මැරීනය තුළ සිදු වූ අනතුරකින් ඇය මිය ගිය බවට මැඩ්සන් විසින් කියන ලද කතාවද මේ අනුව සැකයට භාජනය විය. 
කාන්තාවන් පණ පිටින් සිටියදී ඔවුන්ගේ අත් පා කපා වධ දෙන අන්දම පෙන්වන විඩියෝ ඛණ්ඩ සහිත දෘඪ තැටියක් සම්බන්ධයෙන්ද තොරතුරු පලවී තිබේ. විමර්ශන අංශ පවසා ඇත්තේ එම තැටිය මැඩ්සන්ට අයත් එකක් යයි සැක කරන බවයි. නමුත් එය තමාට අයත් එකක් නොවන බව ඔහු පවසා ඇතැයිද මාධ්‍ය වාර්තාවල සඳහන්ව තිබිණි.
පීටර් මැඩ්සන් මේ වනවිට අත්අඩංගුවේ පසුවන අතර කිම් වෝල්ගේ මරණය සම්බන්ධ පරීක්ෂණ තවදුරටත් පැවැත්වෙමින් තිබේ. ඇයගේ මරණයට හේතුව තවමත් නිශ්චිත වශයෙන් ප්‍රකාශයට පත්ව නැත.
 
කිත්සිරි මල්වත්ත

මුළු ලෝකයම ප‍්‍රබල සංකේතාත්මක ගොඩනැගිල්ලක් ලෙස පිළිගන්නා ස්ථානයක් මහා  බි‍්‍රතාන්‍යයේ තිබේ. ඒ මහ රැුජින වාසය කරන බකිංහැම් මාලිගයයි. මෙය ගෞරවනීය ස්ථානයක් ලෙසත්, ලොව අංක එකේ රාජකීය මාලිගය ලෙසත් සැලකේ. ලෝකයේ අන් කිසිම මාලිගයකට නැති බකිංහැම් මාලිගය හා සම්බන්ධ සිරිත් විරිත් කීපයක් තිබේ. ඉන් කිහිපයක් ,ඩ,ඬන්‍දාංග
බි‍්‍රතාන්‍යයේ මහ රැුජිනගේ නිල නිවස ලෙස බකිංහැම් මාලිගය නම් කර තිබුණ ද සැබැවින්ම එය අයිති ඇයට පමණක්ම නොවේ. බි‍්‍රතාන්‍යයේ කිරුළ දරන  ඕනෑම රජ කෙනෙකුට මෙන්ම ඔහුගේ ආර්යාවටත් දරුවන්ටත් එහි අයිතිය ලැබේ. රාජ්‍යත්වය දරන කාලය තුළ ඔවුන් සියලූ දෙනාම එහි පදිංචි වී සිටිය යුතුය. එය බකිංහැම් මාලිගය පිළිබඳ සිරිත් අතරින් ප‍්‍රමුඛ සිරිත ලෙස හැඳින්වේ.
බකිංහැම් මාලිගයේ සිටින රජතුමා හෝ රැජින මාලිගය තුළ ඒ මොහොතේ සිටින්නේ ද නැද්ද යන බව මහජනයාට ප‍්‍රකාශ කරන ක‍්‍රමයක් ලෙස ප‍්‍රධාන කොඩි ගස හැඳින්විය හැකිය. කිරුළ දරන්නා මාලිගයේ සිටින්නේ නම් Royal Standard කොඩියත්, ඔහු හෝ ඇය එහි නැත්නම් Union Jack blowing කොඩියත් මාලිගයේ උසම ස්ථානයේ ඔසවා තැබේ. එකවර කොඩි දෙකම එසවීමට අවස්ථාවක් නැත්තා සේම එකවර කොඩි දෙකම ඔසවා නොතැබීමට ද හේතුවක් නැත.
ක්වීන් මදර් නමින් හඳුන්වන, වත්මන් එලිසබෙත් රැජිනගේ මව ජීවත්ව සිටි කාලයේ බකිංහැම් මැදුරු අංගනයේ භූගත උමං මාවත් තුනක් ඉදි කළ බව අතීතයේ වාර්තා වී තිබිණි. ඒවා නිර්මාණය කරන්නට හේතු වූ කාරණය ප‍්‍රචලිත නොමැති වුව ද වර්තමානයේ ඒවායේ නිවාස නැති පුද්ගල පවුල් කීපයක් වාසය කරන බවට රාවයක් පවතී. 2006 වසරේ වරක් එලිසබෙත් රැජින ඔවුන් දකින්නට මෙම රහස් උමං මාර්ග වෙත ගිය බව ද වාර්තා වී ඇති අතර මෙම උමං මාර්ග සහ දුගීන් බකිංහැම් මාලිගයේ කොටසක් ලෙස මේ වනවිට පිළිගෙන තිබේ.
බකිංහැම් මාලිගය ඇතුළතත් ඉන් පිටතත් විශාල ප‍්‍රමාණයේ වයින් කළ යුතු බිත්ති ඔර්ලෝසු දහසක් පමණ තිබේ. දවසේ සෑම වේලාවකම මේවා අලූත්වැඩියා කිරීම සහ වයින් තැබීම අවශ්‍ය වන බැවින් පූර්ණ කාලීන ඔරලෝසු අලූත්වැඩියා කරන්නන් තුන් දෙනෙකු මාලිගයේ සේවක මණ්ඩලයට අයත් වේ. ඔවුන් තිදෙනාගෙන් එක් අයෙකු බැගින් දවසේ  ඕනෑම වේලාවක අවදියෙන් සිටීම මාලිගයේ සේවක මණ්ඩලය තුළ සිරිතකි. 
මාලිගයේ ඇති සංගීත කාමරය ලෝකයේ අන් කවර ස්ථානයකවත් නැති සංගීත කාමරයක් ලෙස දැක්විය හැකිය.එය තුළ දී පල්ලියක් තුළ මෙන් කුඩා දරුවන් බෞතීස්ම කළ හැකිය. නමුත් ඒ රාජකීය දරුවන් පමණක් වීම විශේෂත්වයකි. විලියම් කුමරු ද සිය පළමු බෞතීස්මය ලැබුවේ මෙම සංගීත කාමරය තුළ දී ය.
බකිංහැම් මාලිගයේ සිරිත්වලට අනුව රාජකීය පණිවුඩ මහජනයා වෙත ප‍්‍රකාශ කිරීම සඳහා මේ දක්වා යොදා ගනු ලබන්නේ රාජකීය දැන්වීම්කරු සහ දැන්වීම් පුවරුවයි. මෙය සාම්ප‍්‍රදායිකව පැවැත එන්නක් වන අතර රාජකීය දැන්වීම්කරු විසින් පළමුව මහජනයා වෙත කියවනු ලැබූ දැන්වීම පසුව පුවරුව මත එල්ලා තැබෙන්නේ මහජනයාට එය කියවා ගත හැකි වන ආකාරයටය. මෙවැනි පණිවුඩයක් දින හතක් දැන්වීම් පුවරුව මත එල්ලා තැබිය යුතුය.
රාජකීය අමුත්තන් වෙනුවෙන් ඉදි කරන ලද අති විශාල භෝජන ශාලාවක් බකිංහැම් මාලිගය සතුය. එය තුළ අඩි හයක් උස ජනෙල් 760 ක් සහ දැවැන්ත එල්ලෙන විදුලි බල්බ හතළිස් දහසක් තිබේ. රාජකීය අමුත්තන් දෙතුන් දෙනෙකු සඳහා මෙම ශාලාව පාවිච්චි කළ ද ඉහත කී සෑම ජනේලයක්ම විවෘතව තැබිය යුතු වන අතර සෑම විදුලි බුබුලක්ම දල්වා තැබිය යුතු වේ.
රජ පවුලේ සාමාජිකයන්  ඕනෑම අවස්ථාවක  ඕනෑම ගමනක් සඳහා සහභාගි වීමේ දී මුදල් භාවිත කරනු නොලබයි. ඔවුන් වෙනුවෙන් සියලූම වියදම් දරන්නේ බි‍්‍රතාන්‍ය භාණ්ඩාගාරයයි. මේ නිසා ඔවුන් භාණ්ඩ මිලදී ගන්නා හෝ ආහාර මිලදී ගන්නා සෑම බිල් පතක්ම භාණ්ඩාගාරය වෙත යවන අතර රාජකීය පවුලේ උදවිය පෞද්ගලිකව මුදල් ගෙවීමක් සිදු කරනු නොලබයි.
 
දුලංජලී මුතුවාඩිගේ 

සිනමාව නම් වූ මාධ්‍ය ලොව පැතිර යාමෙන් පසුව ලෝකයේ නිර්මාණය වූ චිත‍්‍රපට සියල්ල අතරින් මෙතෙක් ලොව වැඩිම ආදායමක් ඉපැයූ චිත‍්‍රපටය බවට පත්ව තිබෙන්නේ ඇවටාර් චිත‍්‍රපටය බව පසුගියදා ෆෝබ්ස් සමීක්ෂණ ස`ගරාව වාර්තා කර තිබිණි. 2009 වසරේ දෙසැම්බර් මස ප‍්‍රදර්ශනය ආරම්භ කෙරුණු ඇවටාර් චිත‍්‍රපට වෙනුවෙන් නිෂ්පාදන කණ්ඩායම වැය කර තිබූ මුළු මුදල ඇමෙරිකානු ඩොලර් මිලියන 237කි. හොලිවුඩයේ අද්විතීය සිනමා අධ්‍යක්ෂවරයෙකු වන ජේම්ස් කැමරන්ගේ අධ්‍යක්ෂණය මත නිර්මාණය වූ ඇවටාර් චිත‍්‍රපටයේ කතා රචකයා වන්නේ ද ඔහුම වීම විශේෂත්වයකි. ඉතාම දුර්ලභ ලෝහයක් සොයා යන පෘථිවි වැසියන් කීප දෙනෙකුට පෘථිවියේ සිට ආලෝක වර්ෂ දහස් ගණනක් දුරින් පිහිටි ග‍්‍රහ මණ්ඩලයකට අයත් ග‍්‍රහයෙකුගේ චන්ද්‍රයෙකු මත ජීවත් වන, මිනිසාට බොහෝ සෙයින් සමාන රූපයක් සහිත ජීවීන් කොට්ඨාසයක් හමුවීමත්, ඔවුන් සතුව ඇති ඉහත කී දුර්ලභ ලෝහය ඔවුන්ගෙන් ලබා ගැනීම සඳහා පෘථිවි වැසියන් ඔවුන්ට එල්ල කරනු ලබන ආක‍්‍රමණයත් පිළිබඳ කතාව ඇවටාර් චිත‍්‍රපටයෙන් නිරූපණය වී තිබේ.
මෙම චිත‍්‍රපටය ලෝකයේ රටවල් 88ක ප‍්‍රදර්ශනය වී තිබූ අතර ඉන් ලද ආදායම ඇමෙරිකන් ඩොලර් බිලියන 2.788 ක් නොහොත් මිලියන 2788ක් ලෙස වාර්තා වේ. එය මෙම චිත‍්‍රපටය සඳහා වැය කළ මුළු මුදල මෙන් දොළොස් ගුණයක් පමණ වන මුදලකි. අද දක්වාම ඇවටාර් චිත‍්‍රපටය සඳහා දැඩි ඉල්ලූමක් පවතින බැවින් එහි තවත් කොටසක් පිළිබඳව සිතීමට තමාට අවශ්‍ය නැති බව වරක් ජේම්ස් කැමරන් මාධ්‍ය සාකච්ඡුාවක දී පවසා තිබිණි. නමුත් ඇවටාර් චිත‍්‍රපටයට වසර 10 ක් පිරෙන 2019 වසරේ ඇවටාර්  හි දෙවැනි කොටසක් නිකුත් කරන්නට අදහසක් පවතින බව පසුගිය කාලයේ විවිධ වෙබ් අඩෙවි ඔස්සේ ප‍්‍රකාශ විය.
පිටස්තර ග‍්‍රහ ලෝකයක තොරතුරු පිළිබඳ කතාවක් වූ ඇවටාර් චිත‍්‍රපටය නිර්මාණය කිරීමේ දී මුහුණ පාන්නට සිදු වූ අපහසුතා පිළිබඳව වසර අටකට පසු කැමරන් සී එන් එන් ඔස්සේ වාර්තාමය වැඩසටහනක් ඉදිරිපත් කර තිබේ. චිත‍්‍රපටයේ පිටපත ලියන අතර පිටසක්වල ග‍්‍රහ ලෝකයක ජීවීන් කුමන ආකාරයේ භාෂාවක් කතා කරන්නේ ද යන්න පිළිබඳව පර්යේෂණ කළ බවත් අවසානයේ ඉතියෝපියානු, පර්සියානු සහ චීන යන භාෂා තුනම යොදාගෙන නවතම භාෂාවක් නිර්මාණය කරන්නට එම භාෂා පිළිබඳ විද්වතුන්ගේ උදව් උපකාර ලබා ගත් ආකාරය පිළිබඳව ඔහු පැහැදිලි කර තිබිණි. මේ අනුව මෙම භාෂා ත‍්‍රිත්වය යොදා නිර්මාණය කළ නව භාෂාව ඇවටාර් චිත‍්‍රපටයේ පිටසක්වල චරිත ර`ගපාන නළු නිළියන්ට සහ හ`ඩ කැවීම් සිදු කරන ශිල්පීන්ට පුහුණු කරවීම සඳහා මාස හතරක පමණ කාලයක් ගත වූ බව ද ඔහු පවසා තිබේ.
මෙම චිත‍්‍රපටයේ තවත් විශේෂත්වයක් වන්නේ පිටසක්වල ග‍්‍රහ ලෝකයක ජීවත් වන සතුන් විසින් නගන ශබ්ද සඳහා නව ශබ්ද නිර්මාණය කිරීමයි. පොළෙ`ගකුගේ වන් සමක් ඇති හිවලූන්, කකුල් හයක් ඇති බල්ලන්, පියාපත් යුගල් හතර බැගින් ඇති පක්ෂීන් වැනි සතුන් වෙනුවෙන් ශබ්ද නිර්මාණය කිරීම මිනිසා වෙනුවෙන් නව භාෂාවක් නිර්මාණය කිරීමට වඩා අපහසු වූ බව කැමරන්ගේ අදහසයි. මේ වෙනුවෙන් සතුන් විසින් නගන ශබ්ද පටගත කිරීම සඳහා ඇමේසන් වනාන්තරයේ සහ කොස්ටරිකාවේ වනාන්තරවල ඉදි කළ අට්ටාල මත සවි කරනු ලැබූ ශබ්ද පටිගත කිරීමේ උපාංගයක් මගින් මාස දෙකක් පමණ නොනවත්වා සත්ව ශබ්ද පටිගත කර තිබූ අතර එම ශබ්ද එකිනෙක සංයෝජනය කර නව ශබ්ද නිර්මාණය කර පිටසක්වල සතුන්ගේ ශබ්ද ලෙස චිත‍්‍රපටයට යොදා ගත් ආකාරයද ඔහු පැහැදිලි කර තිබේ.
නිෂ්පාදන කණ්ඩායමේ මීළ`ග අභියෝගය වූයේ පිටසක්වල ජීවීන් සඳහා ඇඳුම් නිර්මාණය කිරීමේ කාර්යයි. මේ වෙනුවෙන් ඇමෙරිකානු සහ බි‍්‍රතාන්‍ය මෝස්තර නිරූපණ ශිල්පීන් 23 දෙනෙකු යොදා නිර්මාණය කළ ඇඳුම් නිර්මාණ 60ක් පමණ විමසුමට ලක් කර තිබූ අතර ඉන් තෝරා ගත් නිර්මාණ තුනක් එකිනෙක මිශ‍්‍ර කර පිටසක්වලයන් සඳහා ඇඳුම් නිර්මාණය කළ බව ද ඔහු පවසා තිබිණි. නිර්මාණ කාර්යන් අතරින් වැඩිම වියදමක් දරන්නට සිදු වී තිබුණේ තාක්ෂණික අංශය සඳහාය. එනම් රූගත කරණු ලැබූ සහ පටිගත කරනු ලැබූ සියල්ල සංස්කරණය කිරීමේ ක‍්‍රියාවලිය සඳහාය. එය මුළු චිත‍්‍රපටය සඳහා වැය වූ මුදලින් සියයට 80ක් බවද කැමරන් පවසා තිබේ. 
 
දුලංජලී මුතුවාඩිගේ

පෘථිවියේ උසින් වැඩිම ස්ථානය හිමාල කඳු පන්තියට අයත් එවරස්ට් කන්ද බව අපි දනිමු. නමුත් එහි කිසිම කෙනෙකුට දිගු කාලයක් ජීවත් වීමේ හැකියාවක් නැත. එසේ නම් ලෝකයේ ඉහළින්ම ජීවත් වන්නෝ කවුරුන් විය හැකි ද? මේ කියන්නට යන්නේ ඉතා දුෂ්කර වූ ද පිටිසර වූ ද ගම්මානයක් ගැනය. මෙම ගම්මානය පිහිටා තිබෙන්නේ ඉන්දියාවේ හිමාචල් ප‍්‍රාන්තයේ වන අතර එම ගම්මානය කාසා නම් වූ කොට්ඨාසයට අයත් වූවකි. මෙම ගම්මානය නම් කර ඇත්තේ ‘කොමික්’ යනුවෙනි. එය පෘථිවියේ ඉහළින්ම පිහිටි ගම්මානය ලෙස නිල වශයෙන් නම් කිරීමක් සිදු වී නැති වුව ද මේ වනවිට එය ලෝකයේ ඉහළින්ම පිහිටි, මිනිසුන් ජීවත් වන ස්ථානය ලෙස සැලකිය හැකි බව භූ විiාඥයන්ගේ මතයයි.
2016 වසර වනවිට කොමික් ගම්මානයේ පවුල් 42කට අයත් පුද්ගලයින් 114 දෙනකු ජීවත් වන බව ගණනය කර තිබේ. ලෝකයේ ඉහළින්ම පිහිටි ගම්මානය වීම නිසාම කොමික් ගම වසරේ සෑම දිනකම හිමෙන් වැසී පවතී. මෙම ගම ‘කොමික්’ යනුවෙන් නම් කර ඇත්තේ ද ඒ නිසා ය.  කොමික් යන වචනයේ අරුත හිමෙන් වැසුණු සැවුලා යන්නයි. කොමික් ගම පිහිටා තිබෙන්නේ මුහුදු මට්ටමේ සිට මීටර් 4587ක් ඉහළිනි. එනම් අඩි 15027ක් ඉහළට වන්නටය. අපට තේරුම් යන ආකාරයට කියන්නේ නම් සමනල කන්ද මෙන් දෙගුණයක පමණ උසකිනි. 
කොමික්හි වැසියන්ට වසරේ දින 365 ම පවතින්නේ එක සේ සීතල කාලගුණයකි. එහි උෂ්ණත්වය සෙල්සියස් අංශක 7ට වඩා වැඩි වන්නේ නැති තරම්ය. මෙම ගම්මානයේ සිට බලන හැම පැත්තෙන්ම පෙනෙන්නේ අහසත් මීදුමත් පමණි. මේ නිසාම කොමික්හි වැසියන්ට දැනෙන්නේ තමන් අහසේ පාවෙමින් ජීවත් වන්නාක් වැනි හැ`ගීමක් බව ඔවුන් පවසති. කොළ පැහැ විශාල ගස් වෙනුවට ඔවුන්ට දකින්නට ලැබෙන්නේ හිම වැටී සුදු පැහැ වූ අතු සහිත ගස්ය. කොමික් හි වැසියන්ගෙන් වැඩි පිරිසක් බෞද්ධයන්ය. මේ නිසාම මෙම ගමට බෞද්ධ විහාරයක් තිබේ. එමෙන්ම මෙය සිසුන් 35 දෙනෙකු ඉගෙන ගන්නා පාසලකින් සහ එක් වෛiවරයෙකු සහ හෙදියන් හතර දෙනෙකු සේවය කරන රෝහලකින් ද යුක්තය.
කොමික් ගම්මානයට ආසන්නයෙන්ම පිහිටා තිබෙන්නේ කාසා නගරයයි. ඒ කිලෝ මීටර් 18ක පමණ දුරකිනි. විවිධ කාර්යයන් සඳහාත් විවිධ භාණ්ඩ මිලදී ගැනීම සඳහාත් කොමික් වැසියන් සතියකට දෙවරක් කාසා නගරයේ පැවැත්වෙන වෙළෙඳපොළ වෙත යා යුතු වේ. මෙම ගමන සඳහා කොමික් වැසියන් භාවිත කරනු ලබන්නේ ඉන්දියානු රජයෙන් යෙදවූ එකම එක බස් රථයකි. එය දිනපතා උදෑසන කොමික් නගරයේ සිට කාසා නගරය වෙත ගමන් කරයි. එම ගමන සඳහා පැය එක හමාරක් පමණ ගත වන අතර බස් රථය ආපසු කාසා සිට කොමික් දක්වා ගමනාරම්භ කරන්නේ සවස පහට ය. කොමික් වැසියන්ගෙන් වැඩි දෙනෙකුට පෞද්ගලික වාහන නොමැති වීම නිසා මෙම බස් රථය ඔවුන්ට අගනා මෙහෙයක් ඉටු කර දෙයි. ඉන්දියානු රජයෙන් යෙදවූ මෙම බස් රථය හැරුණු විට වෙනත් කිසිම වාහනයක් මෙතරම් ඉහළින් පිහිටා ඇති කොමික් ගම්මානය වෙත ගමන් කරන්නේ නැත. එසේ වන්නේ ඒ තරමටම මෙම ගමන දුෂ්කර වන බැවිනි.
කොමික් ගම් වැසියන්ගෙන් සියයට 95ක්ම කෘෂි කර්මාන්තයෙන් ජීවත් වෙති. ඔවුන්ගේ වගාවන් සීතල ප‍්‍රදේශවල වැවෙන භෝග වර්ග, කිරි ගවයින් ආදියට සීමා වී පවතී. එය මෙම ගම්මානයේ ප‍්‍රධාන ආදායම් මාර්ගය ද වේ. එළවළු පලතුරු වර්ග වගා කර ඒවා නගරයට ගෙන ගොස් විකුණා මුදල් ඉපැයීම මගින් ඔවුන්ගේ සාම්ප‍්‍රදායික ආර්ථික රටාව ගොඩනැගී ඇත. අවශ්‍යතා ඉතා සරල වුව ද මොවුන්ගේ ජීවිතය ඉතාම දුෂ්කරය. ජීවිතය කොපමණ දුෂ්කර වුව ද කොමික් හි වැසියන් ඉතා සතුටින් ජීවත් වෙති. ඒ මන් ද යත් ලෝකයේ අන් සැමටම වඩා ඉහළින්ම ජීවත් වන්නෝ ඔවුන් වන බැවිනි.
 
දුලංජලී මුතුවාඩිගේ 

පුදුම හතෙන් එකක් ලෙස නම් දරා ඇති චීනයේ අරුම පුදුම තාප්පය නොහොත් චීන මහා ප‍්‍රාකාරය පිළිබඳව අප පුදුම සහගත තොරතුරු අසා ඇත්තෙමු. එසේ අසා ඇති තොරතුරුවලින් සමහර කරුණු මිථ්‍යාවන් බව ටෙලිග‍්‍රාෆ් වෙබ් අඩවිය වාර්තා කර තිබේ. ඉන් කරුණු කීපයක් මෙසේය.
 
සඳ මත දී දැකිය හැකි මිනිස් ශ‍්‍රමයෙන් නිර්මාණය කළ එකම නිර්මාණය බව
සඳ මතදී පවා චීන මහා ප‍්‍රාකාරය නූලක් ලෙස දැකිය හැකි බව පළමුවරට පවසනු ලැබුවේ ඇමෙරිකානු ජාතික කාටූන් ශිල්පියෙකු සහ මානව විiාඥයෙකු වූ රොබර්ට් රිප්ලි විසින් ‘රිප්ලීස් බිලීව් ඉට්  ඕ නොට්’ නම් වූ ස`ගරාවය. ඒ 1932 වසරේදීය. සඳ සහ පෘථිවිය අතර දුර කිලෝ මීටර් 3,84,400ක් පමණවේ. එවන් දුරක පිහිටි පෘථිවිය මත වූ යම් වස්තුවක් මිනිස් ඇසට පෙනෙන්නේ යැයි පැවැසීම තරමක විචාරාත්මක කරුණකි. මිනිසකු පළමු වරට සඳ මත පා තැබුවේ 1949 වසරේදීය. ඒ නිසා රිප්ලි මෙය පවසා ඇත්තේ හිතළුවක් ලෙස මිස ඇත්ත වශයෙන්ම දැක නොවේ. 2003 වසරේදී අභ්‍යවකාශ ගත වූ චීන ජාතික ගඟනගාමියෙකු වූ යැං ලිවෙයි පවසා තිබෙන්නේ චීන මහා ප‍්‍රාකාරය තමන්ගේ රටේ නිර්මාණයක් බව බැවින් එය සඳ මතදී දැකිය හැකිවීම තමන්ට ආඩම්බරයක් වුවද ඇත්ත වශයෙන්ම එය කිලෝ මීටර් දෙලක්ෂයක් පමණ වන දුරකදී පවා නොපෙනී යන බවයි. සඳේදී පවා දර්ශනය වෙන්නට නම් චීන මහා ප‍්‍රාකාරය නූලක් ලෙස නොව විශ්කම්භය සැතපුම් 4000ක් පමණ වන තැටියක් ලෙස පිහිටිය යුතුය.

චීන මහා ප‍්‍රාකාරය Great wall ලෙස හැඳින්වීම 
චීන මහා ප‍්‍රාකාරයට Great wall යන නම තබා ඇත්තේ කවුද යන්න පිළිබඳව ඇත්තේ ගැටලූවකි. නමුත් බිලියන 1.4ක් පමණ වන චීන ජනතාව මෙන්ම රටවල් කීපයක මග පෙන්වන්නන්ද චීන මහා ප‍්‍රාකාරයට Great wall කියන්නේ නැත. චීන වැසියන් එය හඳුන්වන්නේ Chang Cheng යන නමින් වන අතර එහි නිවැරදි අරුත long wall යන්නයි. චීන කවියන් මෙම ප‍්‍රාකාරය හඳුන්වන්නේ Purple Wall fyda Earth Dragon යනුවෙනි. චීන ජාතිකයන් Great wall ලෙස හඳුන්වන්නේ රසවත් වයින් වර්ගයකි.
 
ඉදි කර ඇති කාල වකවානුව
චීන මහා ප‍්‍රාකාරය ඉදි කරන ලද කාල වකවානුව ලෙස අප අසා ඇත්තේ ක‍්‍රිස්තු පූර්ව 7 වන සියවසයි. එනම් චීනයේ පළමු අධිරාජ්‍යයා ලෙස සලකන Qin Shi Huang අධිරාජ්‍යයාගේ කාල වකවානුවයි. නමුත් ඇත්ත වශයෙන්ම චීන මහා ප‍්‍රාකාරය එකවර ඉදිකර අවසන් කරන ලද ඉදි කිරීමක් නොවේ. එය විවිධ අධිරාජ්‍යවරුන්ගේ කාලවලදී ඉදි කරනු ලදුව ඉදි කිරීම් අවසන් කරන ලද්දේ 16 වෙනි සියවසේදී පමණ බව ටෙලිග‍්‍රාෆ් වෙබ් අඩවිය පවසයි.
 
ඉදි කිරීමට හේතුව
චීන මහා ප‍්‍රාකාරය ඉදි කිරීමට හේතුව ලෙස වාර්තා වන්නේ චීනයේ උතුරු මායිම ආරක්ෂා කර ගැනීමේ ආරක්ෂක ප‍්‍රාකාරයක් ලෙසය. මෙම ප‍්‍රාකාරයේ උස මීටර් 8ක් (අඩි 26ක් පමණ) වන අතර පළල මීටර් 9කි. (අඩි 29.5 ක් පමණ). භූමිය ආරක්ෂා කර ගැනීම සඳහා දැවැන්ත සටන් පැවැති එවැනි කාලයක ජීවත් වූ සන්නාහ සන්නද්ධ භටයන්ට මීටර් අටක් උස තාප්පයක් පැන ගන්නට තරම් හැකියාවක් නොතිබුණේද යන්න පිළිබඳව ටෙලිග‍්‍රාෆ් වෙබ් අඩවිය ප‍්‍රශ්න කරන්නේ අවඥා වෙනි. මේ නිසා චීන මහා ප‍්‍රාකාරය ඉදි කරන්නට මෙතුවක් හෙළි නොවූ වෙනයම් රහස් හේතුවක් ඇති බව ඔවුන්ගේ අදහසයි.
 
මිනිස් සිරුරු මිලියනයක් මතින් ප‍්‍රාකාරය ඉදි කර ඇති බව
චීන මහා ප‍්‍රාකාරය ලෝකයේ දිගම සුසාන භූමිය නමින්ද හඳුන්වනු ලබයි. එයට හේතුව මෙම ප‍්‍රාකාරයේ ඉදිකිරීම් කටයුතු සිදු කෙරෙමින් පැවැති කාල වකවානුවල වැඩ කරමින් සිටියදී විවිධ අනතුරු සහ අධික තෙහෙට්ටුව හේතුවෙන් මිය ගිය කම්කරුවන් ගණන මිලියනයක් පමණ වන බව වාර්තා වන බැවිනි. එසේ මිය ගිය කම්කරුවන් ප‍්‍රාකාරය පාදමේ වළ දමා ඇති බවටද වාර්තාවේ. එබැවින් මෙය ‘මිනිස් සිරුරු මිලියනයක් මතින් ඉදි කළ ප‍්‍රාකාරයක්’ ලෙස හැඳින්වේ. නමුත් එහි කිසිම සත්‍යයක් නැති බව ටෙලිග‍්‍රාෆ් වෙබ් අඩවිය පවසයි. ප‍්‍රාකාරය ඉදි කිරීමේදී හදිසි අනතුරුවලින් කම්කරුවන් මිය ගොස් තිබුණද ඔවුන්ගේ සිරුරු ප‍්‍රාකාර පාදමේ වළ දමා ඇති බවක් මින් හැඟවෙන්නේ නැති බවත් කාව්‍යමය ලෙස පමණක් ‘මිනිස් සිරුරු මිලියනයක් මතින් ඉදි කළ ප‍්‍රාකාරයක්’ලෙස හඳුන්වනු ලබන බවත් ඔවුන්ගේ අදහසයි.
 
දුලාංජලී මුතුවාඩිය

ප්‍රසව හා නාරිවේද විෂයෙහි පීතෘවරයා ලෙස විරුදාවලියෙන් පිදුම් ලැබූයේ 19 වන ශතවර්ෂයේ විසූ ඇමෙරිකානු ජාතික ජේ.මැරියන් සිම්ස් වෛද්‍යවරයායි. වෛද්‍ය ඉතිහාස ‍පොතේ රන් අකුරෙන් ලියැවුණු ඔහුගේ නම අකාමකා දැමීමට පසුගිය සතියේ නිව්යෝක්හි සෙන්ට්‍රල් පාර්ක් උද්‍යානයේ සිම්ස්ගේ ප්‍රතිමාව අභියසට රැස් වූ ඇමෙරිකානු අප්‍රිකානු කාන්තාවෝ නිව්යෝක් බලධාරීන්ට බලකර සිටියහ. තඹ ලෝහයෙන් නිම වූ එම ප්‍රතිමාව 1892 වසරේ ස්ථාපිත කරනු ලැබූවකි.
ඊට අමතරව වෛද්‍ය විද්‍යාවේ හා මානව වර්ගයාගේ පැවැත්ම වෙනුවෙන් සිදුකළ අමරණීය සේවාවට ගෞරවයක්  වශයෙන් ආරෝග්‍යශාලා, විශ්වවිද්‍යාල, පුස්තකාල ඇතුළු අනෙකුත් ‍පොදු ස්ථානයන් හි ස්ථාපිත කරනු ලැබ ඇති මැරියන් සිම්ස් වෛද්‍යවරයාගේ ප්‍රතිමා සියල්ල ද ඉවත් කිරීමට වහා පියවර ගන්නැයි කාන්තාවෝ නිව්යෝක් බලධාරීන් වෙත ප්‍රබල ඉල්ලීමක් කළහ.
වසර 172කට පසු කාන්තාවන් විසින්ම නිව්යෝක් නගරයේ පෙළපාළි යමින් සිදුකරන මෙම උද්ඝෝෂණ ව්‍යාපාරය කෙතරම් දුරට සදාචාරාත්මක ද යන්න ඇමෙරිකානු බලධාරීන්ට විසඳා ගත නොහැක ගැටලුවක් බවට පත්ව ඇත.
ප්‍රසව හා නාරිවේද විෂයට අදාළ ජේ. මැරියන් සිම්ස් වෛද්‍යවරයාගේ පර්යේෂණ කටයුතුවල දී කළු ජාතික වහල් කාන්තාවන් පමණක් යොදාගමිනින් ඔවුන්ට අමානුෂික ලෙස වදහිංසා පමුණුවමින් සිදුකළ  පර්යේෂණ කටයුතු කළු සුදු භේදයේ තවත් එක අඳුරු පැතිකඩක් හෙළි කරන්නක් බව වෛද්‍යවරයාට එරෙහි වූ ඔවුන්ගේ එක් චෝදනාවකි.
කිසිදු නිර්වින්දන ක්‍රියාවලියකින් තොරව කාන්තාවන්ගේ ප්‍රජනන ක්‍රියාවලිය හා බැඳුණු ශල්‍යකර්මයන් සිදුකළ අමානුෂික පිළිවෙත දැඩිලෙස හෙලා දැකීම මෙම උද්ඝෝෂණ ව්‍යාපාරයේ මූලික අරමුණ වී ඇත. ඔපියුම් (අබිං) භාවිතය හැර දරු උපත් හෝ ගර්භාෂ ආශ්‍රිත ශල්‍යකර්ම සඳහා වෙනත් දියුණු නිර්වින්දන ක්‍රමවේදයක් ද එවක තිබි නැත. උද්ඝෝෂකයින් සිය දැඩ විරෝධය පානු ලැබූයේ ඇඳුම් ආයිත්තම් රත් පැහැයෙන් වර්ණගන්වා සිය විරෝධය කුමණ අරමුණක් සඳහා ද යන්න ප්‍රති නිරූපණය කරමිනි.
දරු උපත් ඉතිහාසය අතිශයින්ම කටුක හා විශ්මයජනක සිදුවීම්වලින් ගහන වුවකි. එවකට ගමේ වින්නඹු අම්මා පාරම්පරික දැනුමින් සන්නද්ධ ප්‍රසව හා නාරිවේදනීය ලෙස ප්‍රමුඛ කාර්ය භාරයක් ඉටු කළද නොදන්නා සෞඛ්‍යමය ගැටලු මත ළදරුවන්ගේ හා ගැබිනි මව්වරුන්ගේ මරණ අනුපාතය නොසිතූ විරූ ඉහළ අගයක් ගෙන තිබූ බව සමාජ විද්‍යාඥයින්ගේ මතයයි.
මේ තත්ත්වය මානව හිමිකම් අහිමි ඇමෙරිකානු අප්‍රිකානු වහල් සමාජය තුළ වඩාත් බැරෑරුම් ගැටලුවක් ලෙස ඉස්මතුව දැනෙන්නට විය. විසඳුම් සොයාගන්නට තරම් මෝරා වැඩුණු විෂයානුබද්ධ දැනුම් හා සෞඛ්‍ය පුරුදු පිළිබඳ කියාදෙන දියුණු හා පිළිගත් ප්‍රසව හා නාරිවේද ප්‍රතිකාර සඳහා ක්‍රමවේදයක් සොයා ගැනීමට කිසිදු කළු හෝ සුදු ජාතික වෛද්‍යවරයකු උනන්දු වූයේ ද නැත.
මෙම ඛිෙදවාචකය පිළිබඳ අකම්පාල වූ එක් සුදු ජාතිකයෙක් පසුකලකදී ඇමෙරිකාවේ ලැන්කැස්ටර් නම් ගම් පියසේ උපත ලැබූවේ 1813 වසරේදීය. ළමා කල සිටම වෛද්‍ය විද්‍යාව පිළිබඳ උනන්දුවක් දැක් වූ ඔහු ප්‍රාථමික අධ්‍යාපන කටයුතුවලින් අනතුරුව 1834 දී පෙන්සිල්වේනියාහි ජෙෆසන් වෛද්‍ය විද්‍යාලයට ඇතුළත්ව වෛද්‍ය උපාධිය ද දිනාගත්තේය. වෛද්‍ය විද්‍යාව හැදෑරීමේ දී ඔහු වඩාත් අවධානය යොමු කොට තිබුණේ ප්‍රසව හා නාරිවේද විෂයන් කෙරෙහි වීමද විශේෂත්වයකි. ජේ. මැරියන් සිම්ස් නම් නමින් ඔහු වෛද්‍යවරයෙකු ලෙස සිය ප්‍රථම රාජකාරියේ දීම ඔහුගෙන් ප්‍රතිකාර ලබාගත් පළමු කළු ජාතික ගැබිනි මව්වරුන් දෙදෙනාටම ජීවිතවලින් සමුගන්නට සිදු විය.
මොවුන්ගේ මරණ පිළිබඳව වගකීම් භාරගත් සිම්ස් වෛද්‍යවරයා කියා සිටියේ ගැබිනි මවකගේ දරු උපත් ක්‍රියාවලිය ආශ්‍රිත ශාරීරික අඟපසඟයන් හි ඇතිවන සංකූලතා හෝ රෝග නිධානයන් පිළිබඳ තමාට හෝ ගැබිනි මව්වරුන්ට තිබූ අවබෝධය ඉතාමත් දුර්වල හා අවම මට්ටමක පැවැතීම එම මරණවලට හේතු වූ බවයි.
එමෙන්ම සමකාලීන සෙසු වෛද්‍යවරුන්ද ප්‍රසව හා නාරිවේද සංකූලතා පිළිබඳ කිසිදු ප්‍රායෝගික දැනීමකින් සන්නද්ධ වූවන් නොවූ බවද වෛද්‍ය ජේ. මැරියන් සිම්ස් ස්වයං චරිතාපදානය ලියමින් කියා සිටී. එම සිදුවීමෙන් අධෛර්යමත් නොවුණු මැරියන් සිම්ස් වෛද්‍යවරයා සිය පර්යේෂණ කටයුතුවල දිගින් දිගටම නියැළෙමින් දරු උපත්වලදී ලොවට අහිමිවන ජීවිත බේරාගැනීමෙහිලා විසඳුමක් සොයමින් දිවා රෑ වෙහෙසුණේය. 
එවන් පර්යේෂණ සඳහා අවශ්‍ය ශල්‍යවෛද්‍ය උපකරණ කිසිවක් නොවීය. සිම්ස් වෛද්‍යවරයා විසින්ම නිපදවාගත් ස්පෙකෙයුලම් හෙවත් දර්පන තලයක් හා ශල්‍යකර්මයෙන් පසු මැහුම් ගෙතුම් සඳහා රිදී රැහැන් උපයෝගී කරගනිමින් සාර්ථක ශල්‍යකර්ම 12ක් සිදුකළ බැව් වාර්තා වී ඇත සිග්මාකාර කැතීටරය ද  සිම්ස් වෛද්‍යවරයාගේ හඳුන්වාදීමකි. එම කැතීටරය සිම්ස් සිග්මොයිඩ් කැතීටරය නමින් භාවිතා කරනු ලැබේ.
ප්‍රසව හ නාරිවේද විෂයට අදාළ රෝගීන් පරීක්ෂා කිරීමේදී හා ශල්‍යකර්ම සිදුකරන අවස්ථාවේදී රෝගියා සිටිය යුතු ඉරියව් හා අනුගමනය කළ යුතු ක්‍රමවේදයන් සිමස් න්‍යාය ලෙස අදටත් භාවිත කෙරේ.
19 වන ශත වර්ෂයේ ඔහු විසින් කළු ජාතික වහල් කාන්තාවන් හා සිදුකෙරුණු නාරි හා ප්‍රසවවේද විෂයට අදාළ පර්යේෂණ කටයුතු නොවන්නට 19 වන ශත වර්ෂයේ කෝටි සියයක් වූ ලෝක ජනගහනය 21වන ශත වර්ෂය වනවිට කෝටි 750ක් නොවන්නට ඉඩ තිබුණි.
 
සරත් අමරකෝන් 

Page 2 of 6

IMAGE

මෙතේ බුදු පදවිය ලබන්නේ බැංකු කළමණාකරුවෙක්ද?

IMAGE 2017 Nov 17 12:13
ඔහු මධ්‍යම පළාතේ වාණිජ බැංකුවක කළමණාකරුවෙකි.  ඔහුගේ වයස අවුරුදු 45 ක් පමණ වේ. ක්‍රිස්තියානි...
Views - 1276

බොහෝ කලා කරුවන් තමන්ගේ පවුල් ජීවිත ගැන කියන්නේ බොරු

IMAGE 2017 Nov 16 11:31
වත්මන් ශ්‍රී ලාංකීය ජන සමාජයේ දික්කසාද වීම් සහ පවුල් අර්බුද පැන නැගීම සම්බන්ධයෙන් කලා...
Views - 2126

මුහුණුපොත ගැන ඔබ මෙතෙක් නෑසූ කතා

IMAGE 2017 Nov 16 09:44
‘ෆේස්බුක්’ කියන්නේ නම කියූ මණින් අද උපන් දරුවාගේ සිට සිහිකල්පනාවක් ඇති මහල්ලා දක්වාම...
Views - 2074

හැංගිමුත්තම් කරන අතරේ ඇඳ යටදී දැරියට අතවර කරලා

IMAGE 2017 Nov 15 09:26
හැංගි මුත්තම් සෙල්ලමක් අතරදී වයස අවුරුදු 10 ක වන පාසල් සිසුවියක දුෂණය කළ බව කියන 16 හැවිරිදි...
Views - 4909

ලිංගික උත්තේජන පෙති අකල්මරණවලට හේතුවක් ද?

IMAGE 2017 Nov 14 10:46
පුරුෂ ලිංගික උද්දීපනය සඳහා ගනු ලබන පෙති වර්ග වලින් අකල් මරණ සිදුවන බවට සමාජය පුරා පොදු...
Views - 4539

වික්ටර්ට අපහාස වෙන බව දන්නවා නම් මම හොඳ කෙළියක් කරනවා

IMAGE 2017 Nov 13 13:02
සිනමාවේ හැමදාමත් දුෂ්ටකම් කරන විල්සන් කරූ පසුගිය දවස්වල ඉරාජ්ගේ මියුසික් වීඩියෝ එකක රඟපාලා...
Views - 7323

Please publish modules in offcanvas position.

DMC Firewall is a Joomla Security extension!