Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ඩයිනසෝරයින් මේ ලෝකයෙන් වඳවී ගොස් මේ වන විට වසර මිලියන 66 කට ආසන්න වෙතැයි සැලකෙන මුත් තවමත් ඔවුන් ගැන ඇති වන කතා බහනම් අඩුවක් නැත. දැනට වුවද ඩයිනසෝරයින් ගැන කතා අහන්නට ලොව බොහෝදෙනා, විශේෂයෙන් කුඩා දරුවන් මහත් රුචියක් දක්වන බව රහසක් නොවේ.අදටත් මේ දැවැන්ත සත්වයින් මහ‍පොළොවේ සැරසරමින්  ජීවත් වූවා නම් එය අමුතුම ආකාරයේ අත්දැකීමක් වන්නට ඉඩ තිබුණු බව අමුතුවෙන් කිව යුතු නොවේ.
ඩයිනසෝරයින් ලෝකයෙන් වඳවී ගියේ ඉතා සුළු ප්‍රමාදයක් හේතුවෙන් බව කියැවෙන ආකාරයේ තොරතුරක් පසුගියදා මාධ්‍ය හරහා ප්‍රකාශයටපත් විය. එමපමාව නොවන්නට අදටත් මේ යෝධ සත්ත්වයින් මහ ‍පොලොවේ ජීවත් වන්නට ඉඩතිබුණු බව විද්‍යාඥයින්ගේ විශ්වාසයයි. මේ සොයා ගැනීමට පදනම් වූයේ මෑතකදී විද්‍යාඥයින් කරන ලද පර්යේෂණයකින් හෙළි වූ කාරණා වාගයකි.
ඩයිනසෝරයින් පෘථිවියෙන් සදහටම වඳවී ගියේ  දැවැන්ත උල්කාපාතයක් මහ ‍පොළොවේ ගැටීම නිසා ඇති වූ අතුරු ප්‍රතිඵලවල බලපෑමෙන් බව මේ වනවිට පිළිගත් මතයයි. කි.මී. 14 ක් පමණ විශ්කම්භයෙන් යුතු මේ යෝධ උල්කාපාතය පෘථිවියේ ගැටීම නිසා අහසට නැගුණු දූලි සහ අළු වළාවන් විසින් අහස වසා ගනු ලැබිම නිසා කාලයක් තිස්සේ හිරු එළිය පෘථිවිය මත නොවැටුණු බවත්, එයින් ගහකොළ මිය ගොස් ජල ප්‍රභවයන් පවා දූෂණය වූ බවත්, ඒ නිසා පෘථිවිය මත ජීවත් වූ සත්වයින් ආහාර ආදිය නොමැතිව මරණයට පත්ව වඳ වී ගිය බවත් මෙම මතය අනුව පැවසෙයි. මෙම උල්කාපාතය පෘථිවිය හා ගැටෙද්දී එය පැයට කි. මී. 65,000 ක තරම් වේගයකින් ගමන් කරමින් තිබි ඇතැයිද පැවසේ. 
මෙම දැවැන්ත උල්කාපාතය මහ ‍පොළොවේ ගැටුණු ස්ථානය පිහිටා ඇත්තේ මෙක්සිකෝවේ යුකටාන් නැමැති ප්‍රදේශයේය. මේ ගැටීමෙන් ‍පොළොවේ හෑරුණු ආවාටය කි.මී.175 ක් පමණ දිග කි.මී. 20 ක් පමණ ගැඹුර ආවාටයක් බව සඳහන් වෙයි.  පසුගිය දිනවල විද්‍යාඥයින් පිරිසක් මෙම ආවාටය සම්බන්ධයෙන් පුළුල් ගවේෂණ කටයුත්තක නිරත වූවෝය. එහිදී ඔවුන්ට දැනගන්නට ලැබුණේ මෙම ආවාට බිමේ ඉතා විශාල වශයෙන් සල්ෆර් නැමැති ද්‍රව්‍යය ගැබ්ව තිබෙන බවයි. මේ අනුව අර යෝධ උල්කාපාතය පතිත වී ඇත්තේ ඉතා විශාල සල්ෆර් කලාපයක්  මත බව විද්‍යාඥයින්ට සොයාගත හැකිවිය. මෙම ගැටීම හේතුවෙන් සල්ෆර් අඩංගු ද්‍රව්‍ය ටොන් බිලියන 100 ක් පමණ වාෂ්ප වී අහසට නගින්නට ඇතැයි ඔවුහු අනුමාන කරති.
සල්ෆර් යනු විශාල වශයෙන් හිරු එළිය මුවා කිරීමේ හැකියාව ඇති ද්‍රව්‍යයකි. දශක ගණනාවක් යනතුරු හිරු එළිය පෘථිවිය මත වැටීම වැළැක්වීමට මෙම සල්ෆර් අඩංගු වන හැකි වන්නට ඇති බව මේ විද්‍යාඥයෝ විශ්වාස කරති. පෘථිවියෙහි ජීවයෙන් හතරෙන් තුනක පමණ වඳකර දමන්නට ඊට හැකි වූ අතර ඩයිනසෝරයින්ද එම අවාසානාවන්ත ඉරණමට ගොදුරු වූ එක් සත්ව විශේෂයකි.
ඉහත විද්‍යාඥයින් පවසන්නේ උල්කාපාතය පෘථිවියේ ගැටී ඇති ස්ථානය ඉතා තීරණාත්මක කාර්යභාරයක් ඉටු කර ඇති බවයි. තව තත්පර තිහකට කලින් හෝ තත්පර තිහකට පසුව මෙම ගැටීම සිදු වී නම් අදටත් ඩයිනසෝරයින් මහ ‍පොළොවේ සැරිසරන්නට ඉඩ තිබුණු බව ඔවුන්ගේ අදහස වෙයි. තත්පර කිහිපයකට කලින් හෝ පසුව හෝ  ගැටීම සිදුවී නම් උල්කාපාතය වැටෙන්නට තිබුණේ මෙම සල්ෆර් කලාපයේ නොව ඒ ආසන්නයේ පිහිටි අත්ලාන්තික් හෝ පැසිෆික් සාගරය මත බව විද්‍යාඥයෝ පෙන්වා දෙති. ඒ පෘථිවියේ භ්‍රමණය (කරකැවීම)  හේතුවෙනි. එසේ වී නම් ඉහත කී ආකාරයෙන් සල්ෆේට වියනක් මහ ‍පොළොවට ඉහළින් නිර්මාණය වන්නට ඉඩ නොතිබුණු බවත්, මේ තරම් විනාශයක් වන්නට ඉඩ නොතිබුණු බවත් ඔවුහු සඳහන් කරති.
කෙසේ නමුත් විද්‍යාඥයින් පෙන්වා දෙන ආකාරයට මිනිස් වර්ගයාට මහ ‍පොලොවේ ආධිපත්‍යය දරන්නට හැකියාව ලැබුණේ ඩයිනසෝරයින් වැනි දැවැන්තයින්ව ඳවී යාම නිසාය. යම් හෙයකින් ඉහත කී උල්කාපාතය පෘථිවියේ නොගැටුණි නම් ඩයිනසෝරයින් තවමත් මහ ‍පොළොවේ ජීවත් වන්නට ඉඩ තිබුණත් මිනිස් වර්ගයා එහි නොපවතින්නට ඉඩ තිබුණි.
 
කිත්සිරි මල්වත්ත

එක්සත් රාජධානියේ ලන්ඩන් නගරයේ තේම්ස් නදියට මුහුණලා අලංකාර මන්දිරයක් පිහිටා තිබේ. එය හැම්ප්ටන් කෝට් මන්දිරය ලෙස නම්කර ඇත. 16වන සියවසේ ඉදිකරන ලද මෙය අවසන්වරට වාසස්ථානය බවට පත්කර ගනු ලැබුවේ දෙවැනි ජොර්ජ් රජතුමා විසිනි. ඔහුගෙන් පසු දිගු කාලයක් පාවිච්චියට නොගත් හැම්ප්ටන් කෝට් මන්දිරය මේ වනවිට සංචාරක ආකර්ෂණය දිනාගත් කෞතුකාගාරයක් බවට පත්ව තිබේ.
මෙම හැම්ප්ටන් කෝට් මන්දිරය පිළිබඳව අතීතයේ සිට අසන්නට ලැබුණු විවිධ කටකතා බොහෝය. ඒවා සියල්ලක්ම පාහේ හොල්මන් සහ අවතාර පිළිබඳවය. නමුත් ඒවා විශ්වාසයට ගත් කෙනෙකු හෝ ඇසින් දුටු කෙනෙකු පිළිබඳව පසුගිය සියවස් තුන පුරාම සොයාගන්නට හැකිවූයේ නැත. නවීන තාක්ෂණ ක‍්‍රමවේදත් සමග හැම්ප්ටන් කෝට් මන්දිරයට සී.සී.ටී.වී. ආරක්ෂක කැමරා පද්ධති සවිකරනු ලැබුවේ 2003 වසරේදීය. නමුත් මෙතෙක් හැම්ප්ටන් කෝට් මන්දිරය වටා තිබූ සියලූම හොල්මන් සහ අවතාර කතා පිළිබඳව මිනිසුන් තුළ අලූත් හැගීමක් ඇතිවෙන්නට පටන් ගනු ලැබුවේ ඉන් අනතුරුවය.
මෙම කැමරා පද්ධතිය සවිකිරීමෙන් පසු දින හතරක් තුළ අවස්ථා හතකදී කැමරා පද්ධති හයකට විවිධ ප‍්‍රහාර එල්ල වුණි. නමුත් ඒවා එල්ල කළ පුද්ගලයෙකු පිළිබඳව එම කැමරාවල පවා කිසිදු ආකාරයකින් සටහන්වී නොතිබීම පුදුමයට කරුණක්ව තිබිණි. දිනක් සවස 7ට පමණ සීසීටීවී ආරක්ෂක කැමරා පද්ධතියේ පාලක පුවරුව අසළ සේවයේ යෙදෙමින් සිටි ආරක්ෂක නිලධාරියෙකුට අමුතුම ආකාරයේ රුවක් දැකගන්නට ලැබිණි. ඒ යම්කිසි කෙසග පුද්ගලයෙකු මන්දිරය පිටුපස දොරටුවෙන් පිටතට පැමිණෙන ආකාරයයයි. සවස හයට කෞතුකාගාරය වසා දමන බැවින් සවස 7ට කිසිදු කෙනෙකුට එහි සිට පිටතට පැමිණිය නොහැකි බව ඒ වනවිටත් මෙම ආරක්ෂක නිලධාරියාට සිහිවී තිබිණි. ඔහු වහාම මන්දිරයේ පිටුපස දොරටුව වෙත ගමන් කරනු ලැබුවේ සොරෙකු ඇතුළුවී ඇතැයි සිතා සිය රිවෝල්වරය ද සූදානම් කර ගනිමිනි. නමුත් ඔහුට කිසිවෙකුත් දකින්නට නොලැබුණු අතර දොරටුව හැර දමා තිබෙන ආකාරය දුටු ඔහු එය වසා දමා නැවතත් පාලක පුවරුව සහිත මැදිරියට ගොස් තිබිණි.
මෙම සිදුවීමෙන් දින කීපයකට පසු ආරක්ෂක සේවයේ යෙදී සිටි තවත් නිලධාරියෙකුද මෙසේ යම් කෙස`ග පුද්ගලයෙකු මන්දිරයේ පිටුපස දොරටුවෙන් පිටවී යන ආකාරය කැමරා පද්ධතිය ඔස්සේ දැක තිබිණි. ඔහු සිය ප‍්‍රධානියාට මේ බව දැනුම් දී සී.සී.ටී.වී. ආරක්ෂක කැමරා පද්ධතිය රිවයින් කොට මෙම දර්ශනය නැවත නැවතත් නැරඹීම සඳහා අවස්ථාව උදාකරගෙන තිබිණි. පුදුමයකට මෙන් එම දර්ශනයේ රූප රාමු ඉතා පැහැදිලි ලෙස කැමරා පද්ධතියේ සටහන්ව ඇත. ඉන්පසු පළමු නිලධාරියා මෙම අද්භූත පුද්ගලයාව දුටු දිනයද පරීක්ෂා කරබැලීමේදී එදිනද එවැන්නෙකු දොරටුවෙන් පිටතට යන ආකාරය පැහැදිලිව සටහන්වී තිබිණි. නමුත් මෙම පුද්ගලයා කවුද යන්න පිළිබඳව කිසිවෙකුත් දැන සිටියේ නැත. නමුත් පැහැදිලිව දැකගත හැකිවූ කාරණය වූයේ අද්භූත පුද්ගලයා මනුෂ්‍යයෙකු නොවන බවත් මිනිස් ඇට සැකිල්ලක් පමණක් වන බවත්ය.
මෙම අද්භූත පුද්ගලයා මන්දිරය තුළ කුමන ස්ථානයක සිට මතුවන්නේද යන්න පිළිබඳව කැමරාවල සටහන්ව ඇති දර්ශන පරීක්ෂා කිරීමෙන් සොයාගැනීම භාරවූයේ සවුතැම්ප්ටන් විශ්වවිද්‍යාලයේ පරිගණක අංශයටය. එහිදී ඔවුන්ට සොයාගත හැකිවූයේ පුදුමාකාර කාරණයකි. එනම් මෙම අද්භූත ඇටසැකිල්ල මතුවන්නේ 17 වන සියවස අග භාගයේ පාලකයා වූ තුන්වන විලියම් රජතුමාගේ ආලේඛ්‍ය ඡුායාරූපය මතින් බවය. තුන්වන විලියම් රජතුමා මාස තුනක් පමණ නිව්මෝනියා රෝගයෙන් පීඩා විඳිමින් සිට මිය යන ලද්දේ 1702 වසරේදීය. ඔහු ඇවිදගන්නට පවා නොහැකිව ඇඳ මතටවී ගත කළ කාලයේ මාලිගයෙන් පිටතට යන්නට අවශ්‍ය බව පවසමින් සේවක සේවිකාවන්ට බැණ වැදුණු ආකාරය පිළිබඳවත්, රෝගී තත්ත්වය නිසා මියයනතුරුම ඔහුගේ ආශාව ඉටුකර ගැනීමට ඔහුට නොහැකි වූ ආකාරය පිළිබඳවත් අතීත කටකතාවල අද පවා අසන්නට ලැබේ.
ඔහු මියයාමෙන් පසුව මාලිගයෙන් පිටතට යන්නට තිබූ ආශාව ඉටුකර ගන්නා ආකාරය මෙය වන්නට ඇති බව කෞතුකාගාරයේ සේවයේ නියුතු ආරක්ෂක භටයන්ගේ අදහසයි. නමුත් කෞතුකාගාර පාලකයන් පවසන්නේ මෙය කැමරාවේ කාචයට වැටුණු ආලෝකය පරාවර්තනය වීම නිසා කෞතුකාගාරය තුළ ඇති විවිධ භාණ්ඩවල පිළිරූ මිනිස් ඇටසැකිල්ලක හැඩය ගෙන පෙනෙන්නට ඇති බව පමණි.
 
දුලාංජලී මුතුවාඩියෙග්

රජ පවු‍ලේ නොවන සාමාන්‍ය පුද්ගලයෙකු හා විවාහවීමට ජපානයේ අකිහිතෝ අධිරාජ්‍යයාගේ වැඩිමහල් මිනිපිරිය වන මකෝ කුමරිය කිරුළට ඇති අයිතිය අත්හරින බව පවසයි. තමා හා නීතිය හැදැරූ විසිපස් හැවිරිදි තරුණයෙකු හා විවාහ ගිවිසගෙන සිටින කුමරියද විසිපස් වැනි වියෙහි පසුවෙයි.

ජපාන රජ පවු‍ලේ නීතියට අනුව රජ පවු‍ලේ සාමාජිකයෙකු සාමාන්‍ය පුද්ගලයෙකු හා විවාහවුවහොත් ඔහු හෝ ඇය රජ පවුලින් ඉවත්විය යුතුය. ළඟදීම අධිරාජයාද තනතුරින් සමුගැනීම හේතුවෙන් මකෝ කුමරියගේ මෙම තීරණය රජ පවු‍ලේ නීති ගැන විවාදයකට තුඩුදී තිබේ.

බි.බි.සී.

මුළු ලෝකයේම ප‍්‍රසිද්ධියට පත් වුණු ඛේදජනක මිනීමැරුම් සිද්ධියක් හේතුවෙන් ඇමිටිවිලා නිවස ප‍්‍රසිද්ධියට පත් වූයේ 1974 වසරේ දී ය. ඒ රොනල්ඞ් ඩිෆියෝ නම් වූ තරුණයෙකු ඔහුගේ මවත්, පියාත්, සහෝදරියන් දෙදෙනා සහ සහෝදරයින් දෙදෙනාත් ඔවුන්ගේ නිදන කාමර තුළ දී වෙඩි තබා ඝාතනය කිරීමේ සිදුවීමෙන් පසුවය. හරියටම 1974 වසරේ නොවැම්බර් මස 13 වන දා පාන්දර 3ට සිදු වූ මෙම සය පුද්ගල ඝාතනයෙන් පසු ඇමිටිවිලා නිවස වසා දමා තිබුණේ රොනල්ඞ් බන්ධනාගාර ගතවීම නිසා ය. ඉන්පසු මෙම නිවස පිළිබඳව ප‍්‍රදේශවාසීන්ගේ අවදානයට ලක් වූයේ හොල්මන් ගෙයක් ලෙස පමණි. කිසිවෙකුත් රාත‍්‍රී කාලයේ මෙම නිවස අසලින් ගමන් කිරීමට පවා මැලි වූහ. නිදන කාමර පහක් සහ නාන කාමර තුනක් සහිත දෙමහල් නිවසක් වූ මෙය ඉන්පසු අලෙවි වී තිබුණේ ඉතා අඩු මුදලකටය. ඇමෙරිකන් ඩොලර් 850000 කට මෙම නිවස මිලදී ගනු ලැබුවේ ලට්ස් පවුල විසිනි.
ලට්ස් පවුලේ සාමාජිකයන් ගණන 5කි. ජෝජ් සහ කැතී නම් වූ තරුණ අඹු සැමි යුවළට සිටි දරුවන් ගණන තිදෙනෙකි. ඔවුන් ඇමිටිවිලාවේ පදිංචියට පැමිණි මුල් දින කීහිපයේ ඉතා සුවදායී දිවියක් ගත කළ ද පළමු සතියෙන් පසු විවිධ අද්භූතජනක දෑවලට මුහුණ දෙන්නට ඔවුන්ට සිදුවිය. නිවසේ ප‍්‍රධානියා වූ ජෝජ්ට දිනපතාම පාන්දර යාමයේ යම් යම් ශබ්ද ඇසී අවදිවන්නට සිදුවීම පුරුද්දක් වූ අතර ඒ හරියටම පාන්දර 3 ට බව ඔහු සලකුණු කර තිබිණි. නිවසේ යම් යම් කාමරවලින් සහ කුස්සියේ යම් යම් ස්ථාවලින් අමුතුම ආකාරයක සීතලක් දැනෙන බව කැතී විසින් සලකුණු කරගෙන තිබිණි. ඔවුන්ගේ පස් හැවිරිදි පුංචි දියණිය නොපෙනෙන මිතුරෙකු සමග කතා කරන ආකාරයත් එම මිතුරා විසින් ජෝජ් සහ කැතීට මෙම නිවසින් පිටවන ලෙස බල කරන බවත් පුංචි දැරිය සිය මවට අවස්ථා කීපයකදීම කියා තිබිණි.
ඇමිටිවිලාවේ ඇති තවත් අද්භූත සිදුවීම්වලින් පසු නිවසට ආශිංසනය කිරීම සඳහා පැමිණි දේවගැතිවරුන්ට පවා පුදුමාකාර සිදුවීම්වලට මුහුණ දෙන්නට සිදු වී තිබිණි. කැතී විසින් අස්වාභාවික සිසිලසක් දැනෙන බවට පැවැසූ සෑම ස්ථානයකම නිවස තුළ මියගිය අයගේ ආත්ම සැරිසරන බවත්, දිනපතා පාන්දර තුනට විවිධ ශබ්ද ඇසී නිවසේ ප‍්‍රධානියාව අවදි කරනු ලබන්නේ මෙම ආත්ම විසින් බවත්, කුඩා දැරියගේ මිතුරෙකු බවට පත් වී සිටින්නේ මෙම නිවසේ ජීවත්ව ඝාතනයට ලක් වූ පාදයක ආබාධයක් සහිත අවුරුදු 9ක් වයසැති ජෝන් මතෙව් නම් දරුවා බවත් දේවගැතිවරයා විසින් පවසා තිබිණි.
කෙසේ වුවද ලට්ස් පවුලට මෙම නිවසේ පදිංචි වීමට අවස්ථාව ලැබුණේ දින 28 ක් පමණි. ඉන්පසු එම නිවසේ සැරිසැරූ ආත්මවල හිංසන නිසා ඔවුන් ඇමිටිවිලාව අතහැර ගොස් තිබිණි. ඉන් වසර කීහිපයකට පසු විවිධ පුද්ගලයන් මෙම නිවසේ පදිංචියට පැමිණිය ද ඔවුන්ට කිසිදු ආත්මයකින්  හිරිහැර සිදු වී නොතිබිණි. නමුත් ඔවුන් සියල්ලෝම ඉතාම කෙටි කාලයක් තුළ එනම් අවුරුද්දකටත් අඩු කාලයක් තුළ මෙහි වාසය කිරීම අතහැර ගොස් තිබුණේ සැලකිය හැකි අන්දමේ හේතුවලින් තොරව ය. 
ඇමිටිවිලාවේ සිදු වූ සය පුද්ගල ඝාතනයන් ඇතුළත් කොට හොලිවුඞ් චිත‍්‍රපට තුනක් නිර්මාණය විය. ඇමිටිවිලා අබිරහස නමින් පොත් කීහිපයක් ද ලියවී තිබිණි. ලට්ස් පවුලට මුහුණ දෙන්නට සිදු වූ අද්භූතජනක සිදුවීම් ඇතුළු කොට නිෂ්පාදනය වු චිත‍්‍රපට ගණන තුනකි. මෙතරම් ප‍්‍රසිද්ධියට පත් වූ ඇමිටිවිලාවේ වර්තමාන තත්ත්වය ඉතා ශෝචනීය ය. සාමාන්‍යයෙන් කිසිම ගෘහ නිර්මාණ ශිල්පියෙකු හෝ වාස්තු විද්‍යාඥයෙකු නිවසක් ඉදිකිරීම සඳහා සැලැස්මක් නිර්මාණය කරන විට නිවසේ ඉදිරිපස හෝ පැති පෙනුම සමමිතිකව පෙනෙන ආකාරයට නිර්මාණය නොකරන බව නොරහසකි. නමුත් ඇමිටිවිලා නිවස ඉදිකර ඇත්තේ ඉදිරිපසින් මෙන්ම පැති පෙනුම ද සමමිතිකව පෙනෙන ආකාරයට ය. එවැනි පෙනුමක් සහිත නිවාස වාසයට සුදුසු නැති නිවාස ලෙස හඳුන්වනු ලැබේ. වාස්තු විද්‍යාව පිළිබඳව කිසිදු විශ්වාසයක් නැති ඇමෙරිකාවේ පිහිටා ඇති ඇමිටිවිලා නිවසට මෙවැනි ඉරණමක් ඇති වී තිබෙන්නෙ මෙම අසාමාන්‍ය සමමිතික බව හේතුවෙන්ද විය හැකිය.
වර්තමානයේ පවා මෙම නිවස මිලදී ගන්නට කිසිදු කෙනෙක් ඉදිරිපත් වන්නේ නැත. එය විකිණීම පිණිස ක්‍දකාඇකක  බැංකුව පසුගිය වසර 32 පුරාම පුවත්පත් දැන්වීම් දමනු ලබයි. එපමණක් ද නොව අවස්ථා තුනක දී ප‍්‍රසිද්ධ වෙන්දේසි කිරීම් සඳහා ඇරයුම් කළ ද මේ වෙන්දේසිවලට පැමිණ සිට තිබුණේ ඉල්ලූම්කරුවන් දස දෙනෙකුටත් අඩු පිරිසක් වන බැවින් වෙන්දේසිය ක‍්‍රියාත්මක නොවුණි. ඇමිටිවිලා ඝාතන සිදුවීමටත් ලට්ස් පවුල මුහුණ දුන් අද්භූත සිදුවීම්වලටත් අප‍්‍රමාණ ප‍්‍රසිද්ධියක් ලබාදීම හේතුවෙන් අද වනවිට ක්‍දකාඇකක  බැංකුවට වන්දි ගෙවන්නට සිදු වී තිබීම නම් කනගාටුවට කරුණකි.
 
දුලංජලී මුතුවාඩිගේ

Pix

මේ ලෝකය අද්භූත සිදුවීම්වලින් සහ සිතාගත නොහැකි සිදුවීම්වලින් ගහණ ස්ථානයක් බව ඔප්පුවන කරුණු කාරණා දිනපතාම වාගේ වාර්තා වෙමින්  තිබේ. මෙවැනි අද්භූත සිදුවීම්වලින් සියයට අනූවක් පමණ කිසිදා විසඳා ගත නොහැකි වන ආකාරයේ ඒවාය. ඉන් සියයට පහක් පමණ කුමන ආකාරයකින් හෝ විසඳුමක් ලබාගත හැකිවන ආකාරයේ ඒවා වන අතර ඉතිරි සියයට පහ කාලයත් සමග ඉබේම විසඳුම් ලැබෙන ඒවා ලෙස වර්ග කර තිබේ. ඉදිරි කාලයේ කෙදිනක හෝ විසඳුමක් ලැබේය යන සිතිවිල්ල ඇති සිදුවීමක් මේ වනවිට බටහිර ස්විට්සර්ලන්තයේ මෝලස් නම් වූ වනාන්තරයේ සිදුවෙමින් පවතී.

මීට වසර 10ක පමණ සිට දිනපතාම එක්තරා පුද්ගලයෙකු මෝලස් වනාන්තරයේ පටුමගක් ඔස්සේ වනාන්තරය තුළට ඇවිද යනු වනාන්තරය අවට නිවෙස්වල සිටින වැසියන්ට දකින්නට ලැබි තිබේ. අඩි 6.6ක් පමණ උසැති මෙම පුද්ගලයා හමුදා නිල ඇඳුමක් ඇඳ බූට්ස් සපත්තු පැළඳ සිටින අතර පිටුපසින් ඔහුගේ උරහිසේ සිට බූට්ස් දක්වා එල්ලෙන ආකාරයට දිගු ලොම් කබායක් ද පැළඳ සිටී. එපමණක් ද නොව ඔහු ගැස් මාස්ක් නමින් හඳුන්වන ආවරණයක් මුහුණට පැළඳ සිටී. වනාන්තරයට යන එන ගම්වැසියන් ඔහුගේ ඉදිරියට හමුවුවහොත් ඔහු බිම බලාගෙන යනවා විනා පසුගිය වසර දහයටම එකම වචනයක් හෝ කතා කර නැත. ඔහු සමග කතාකරන්නට උත්සාහ කළවිට ඔහු එය නෑසුණාක් මෙන් වනාන්තරය තුළට ගමන් කරනවා මිස හැරී බලන්නේ පවා නැත. ගෙහිමියන් මෙම පුද්ගලයා හඳුන්වා තිබුණේ ‘ල ලොයොන්’ යන අන්වර්ථ නාමයෙනි. එහි අරුත ‘අද්භූත රූපය’ යන්නයි. 

අවට ගෙහිමියන් මෙම අද්භූත පුද්ගලයා පිළිබඳව එම පළාතේ ෂෙරිෆ්වරයාට දැනුම් දී තිබුණේ ඉන් පසුවය. නමුත් ෂෙරිෆ්වරයාට පවා මෙම අද්භුත පුද්ගලයා පිළිබඳ නිශ්චිත තොරතුරක් සොයාගත හැකිවූයේ නැත. අවස්ථා කීපයකදීම ෂෙරිෆ්වරයා ඔහු පසුපසින් ගිය ද ඔහු ගිය පැත්තක් සොයාගන්නට ෂෙරිෆ්වරයාට හැකිවූයේ නැත. ‍පොලිස් සුනඛයන් යොදවා පරීක්ෂණ සිදුකළද ඉන් ද වැඩක් වී තිබුණේ නැත. ඔහු කවුරුන්ද, දිනපතාම ඔහු වනාන්තරය තුළට යන්නේ මන්ද, එසේ යන ඔහු නැවතත් ඉන් පිටතට පැමිණෙන්නේ කොයිවේලාවකද? ඔහු සිය මුහුණු ආවරණය කරමින් ගෑස් වෙස් මුහුණක් පැළඳ සිටින්නේ මන්ද යන ප්‍රශ්නවලට පිළිතුරු සොයාගැනීමටද මේ දක්වා හැකිවී නැත.

මින් අනතුරුව වනාන්තරය අවට නිවැසියන් සිය දරුවන්ට වනාන්තරය අවට සෙල්ලම් කිරීමට පවා යන්නට අවසර දී තිබුණේ නැත. වරක් ගිනි තපින්නට අවශ්‍ය දර සොයා ගැනීමට වනාන්තරයට පිවිසුණු එක් කාන්තාවක් ඔහු දැක තිබුණේ වෙනස් ආකාරයකටය. ඇය දකිනවිට ඔහු වර්ණවත් විශාල මල් කළඹක් සිය දෑතින්ම තද කර අල්ලාගෙන ඇයට පිටුපා වනාන්තරය තුළට ඇවිද ගොස් තිබිණි. ඇය ඔහුට කතා කළද ඔහු හැරී බලා තිබුණේද නැත. තවත් වරක් ඔහුව දුටු තරුණයෙකු සිය ජංගම දුරකතනයෙන් තමන්ට පිටුපා යන මෙම අද්භූත පුද්ගලයාව ඡායාරූපගතකර තිබිණි. අද්භූත පුද්ගලයා පිළිබඳ සෑම මුද්‍රිත මාධ්‍යයකම පළවූයේ එම තරුණිය විසින් ලබාගෙන තිබූ ඡායාරූපයයි.

කෙසේවුවද මෙම අද්භූත පුද්ගලයාගෙන් කරදරයක් සිදුවූ කිසිවෙකුත් ගැන කිසිම තොරතුරක් මේ දක්වා වාර්තාවී තිපුණේද නැත. මේ නිසා ‍පොලීසියට පවා මෙම අද්භූත පුද්ගලයා පිළිබඳව සොයන්නට වැඩි වුවමනාවක් තිබූ බවක් ද පෙනෙන්නට නොතිබිණි. සිය රාජකාරිය පැහැර හරින්නට නොහැකි ‍පොලිස් නිලධාරීන් අද්භූත පුද්ගලයා පිළිබඳ විවිධ මත ඉදිරිපත් කරන්නට පටන් ගෙන තිබෙන්නේ වනාන්තරය අවට නිවැසියන්ගේ බිය සැක දුරු කරනු පිණිසය. ‍පොලීසිය පවසන්නේ අද්භූත පුද්ගලයා යම් ආකාරයක මානසික රෝගයකින් පෙළෙන්නෙකු බවයි. එසේත් නැතහොත් ඔහු යම් ආකාරයක සමේ රෝගයකින් පීඩා විඳින්නෙකු බවයි. සිය රෝගී සම අනිකුත් පුද්ගලයන්ගෙන් සඟවා තබාගත යුතු නිසා දිගු කබායක් සහ ගෑස් වෙස්මුහුණක් මගින් මුහුණ ආවරණය කරගෙන සිටින බවද එක් මතයකි.

කුමන ආකාරයේ මත පළවුවද මෙම අද්භූත පුද්ගලයා මීට වසර දහයක සිට අද දක්වා දිනපතාම බටහිර ස්විට්සර්ලන්තයේ මෝලස් වනාන්තරය තුළට ඇවිද යයි. ඔහු කොහේ සිට එන්නේදැ, කොහේ යන්නේ දැයි කිසිවෙකුත් දන්නේ නැත. අනාගතයේ කවදා හෝ දිනක ඔහු ගැන නිශ්චිත තොරතුරක් දැනගන්නට ලැබේයැයි අවට නිවැසියො බලා‍පොරොත්තුවෙන් සිටිති.

දුලංජලී මුතුවාඩිගේ

Page 6 of 6

IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 3973

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 3717

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 6786

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 4193

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2616

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3422

Please publish modules in offcanvas position.

Web Analytics