Coss Ear2
lakbima.lk
COSS Ear 1

සැමියා මරා දැමූ තාත්තාට මරණ දඬුවම උරුම කළ දියණිය

දකුණු ඉන්දියාවේ, උඩුමල්පැට් නගරය මධ්‍යයේ සිය සැමිය කපා කොටා මරා දැමීමට අණ දුන් පියාට මරණ දඩුවම ලබා දීම සඳහා ක‍්‍රියා කළ 22 හැවිරිදි කාන්තාවක පිළිබඳව බීබීසී සේවය වාර්තා කර තිබේ. කෞෂල්‍යා නම් වූ උසස් යැයි සම්මත කුලයකින් පැවත එන ඇය අඩු කුලයක තරුණයෙකු සමග විවාහ වීම නිසා ඇගේ දෙමාපියන් විසින් මෙම අඹුසැමි යුවළ මරාදැමීමට කුලී මිනීමරුවන් හය දෙනෙකු ලබා ගත් බවත් ඒ වෙනුවෙන් ඔවුන්ට ඉන්දියානු රුපියල් පනස් දහසක මුදලක් ගෙවා තිබූ බවත් මේ පිළිබඳව විභාග වන නඩුවේදී හෙළි වී තිබිණි.
2015 වසරේ දිනක මෙම ඝාතනය සිදු වී තිබුණේ කාර්යබහුල නගරයක් වූ උඩුමල්පැට්හි මගීන් සිය ගණනකගේ දෑස් ඉදිරිපිටදීය. මෙම කුලී මිනීමරුවන් කෞෂල්‍යාට පහර දෙන අතර ‘ඇයි අර මිනිහට ආදරේ කළේ?’ යනුවෙන් දෙතුන් වරක් ඇසූ බව ඇයට මතක තිබිණි. මේ නිසාම මෙම මිනීමරුවන් සිය දෙමාපියන්ගේ අණින් මෙසේ පැමිණි අය බව ඇයට වැටහී ගොස් තිබිණි. මෙම මිනීමැරුම මීට වසරකට පමණ පෙර සිදු වූ සිද්ධිදාමයක එක් සිද්ධියකි.
කෞෂල්‍යා යනු ඉන්දියාවේ උසස් යැයි සම්මත තෙවාර් කුලයේ ඉඩම් ඇපයට තබාගෙන ණය දෙන්නෙකු සහ කුලී රථ මෙහෙයවන ධනවතෙකුගේ දියණියකි. සිය කුලයේ උසස් බව නිසාම කෞෂල්‍යාට හැදී වැඩෙන්නට සිදුවූයේ දැඩි නීති මධ්‍යයේය. මේ නිසාම ඇයට ඇය කැමැතිම වෘත්තිය වූ ගුවන් සේවිකාවක බවට පත් වන්නට පවා අවසර නොතිබිණි. එයට හේතු වුයේ ‘කොට ගවුම් ඇඳ ගත් වේටර් කෙනෙකු’ වීම සිය කුලයට නිගාවක් ලෙස ඇගේ පියා සැලකූ බැවිනි. කෞෂල්‍යාට ෂන්කර් හමු වන්නේ ඇය ජපන් භාෂාව ඉගෙන ගන්නට පන්ති යන අතරතුරදීය. ෂන්කර් යනු කුඩා මඩුවක් වැනි තනි කාමරයක නිවසක් හිමි, පහත් යැයි සම්මත කුලයක දුප්පත් කිරි ගොවියෙකුගේ පුතෙකි.                                                 මොවුන් දෙදෙනාගේ ආදරය කෞෂල්‍යාගේ මවුපියන්ට දැන ගන්නට ලැබෙන පළමු දිනයේම ඇයට නිවසින් පිටතට යෑම සම්පූර්ණ තහනම් විය. ඇගේ මව අවස්ථා කීපයකදීම පවසා තිබුණේ ‘ඔහු හා විවාහ වනවාට වඩා තාත්තා අතින් මැරුම් කෑම’ හොඳ බවය.
කෙසේ හෝ ෂන්කර් සමග සැඟවී පලාගොස් විවාහ වන කෞෂල්‍යා එදිනම පොලිස් ස්ථානයට ගොස් පැමිණිල්ලක් දමන්නේ අඩු කුලයක කෙනෙකු සමග විවාහ වීම පවුලේ අයගෙන් මරණය ලැබිය හැකි තරමේ වරදක් බව දැන සිටි නිසාය. ෂන්කර් සහ කෞෂල්‍යා එසේ පැමිණිල්ලක් දමනු ලබන්නේ ඔවුන්ගේ ආරක්ෂාව පතාය.                                                                  සාමාන්‍යයෙන් ඉන්දියාවේ අඩු කුල විවාහයන් නිසා වසරකට සිදුවන මිනී මැරුම් ගණන 1700ක් පමණ වේ. නමුත් එවැනි        මිනීමැරුම් පිළිබඳව සොයා බැලීමක් හෝ චූදිතයන්ට දඬුවම් දීමක් පොලීසිය මගින් සිදුවන බවක් නොපෙනේ. කෞෂල්‍යා එය සමාන කරන්නේ සමහර මුස්ලිම් රටවල කාන්තාවන් මරා දැමීමට පිරිමින්ට ඇති අයිතියටය.
වරක් කෞෂල්‍යාගේ පියා ෂන්කර් හමු වී සිය දියණියගෙන් දික්කසාද වුවහොත් රුපියල් මිලියනයක මුදලක් දෙන බව පැවැසුවද ඉන් පළක් වී තිබුණේ නැත. විවාහ වී මාස අටකට පමණ පසු දිනක් ඔවුන් දෙදෙනා නගරයට ගොස් තිබුණේ උත්සවයක් සඳහා සහභාගි වීමට ෂන්කර් වෙනුවෙන් කමිසයක් මිලදී ගැනීමටය. එය මිලදී ගෙන ආපසු එමින් සිටියදී ඔවුන් ඉදිරියට පැමිණෙන රුදුරු පෙනුමකින් යුතු පුද්ගලයන් පස් දෙනෙකු ෂන්කර් සහ කෞෂල්‍යාට පිහිවලින් පහර දෙන්නට පටන් ගෙන තිබිණි. තත්පර 30ක පමණ කාලයක් මෙසේ පහර එල්ල කළ ඔවුන් පලා ගිය පසු මාර්ගය දෙපස රැුස්ව සිටි පුද්ගලයින් මොවුන් දෙදෙනාව රෝහල් ගත කරන්නට කටයුතු කර තිබිණි. රෝහල්ගත කරන විටද පිහි පහර 34ක් ලබා සිටි ෂන්කර් මිය ගොස් සිටි අතර කෞෂල්‍යා සිටියේ ඉතා අසීරු තත්ත්වයකය. මාස දෙකක් රෝහල්ගතව සිටි ඇය ඉන් පිට වී ෂන්කර්ගේ නිවසේම ජීවත් වූයේ රුපියල් 5000ක මාසික පඩියට රැුකියාවක් කරමිනි.
මෙම සිදුවීම්වලින් පසුව ඇය තෙවාර් කුලයට විරුද්ධව හැසිරෙන්නට තීරණය කළාය. එනම් සිය දිගු කෙස් වැටිය කොටට කපා දැමූ ඇය 
කරාටේ ක‍්‍රීඩාව ප‍්‍රගුණ කරන්නට පටන් ගත්තාය. සිය කුලයට අයත් කාන්තාවන් පිරිමින් මෙන් හැසිරීම තෙවාර් වැසියන් සැ‘කුවේ සිය කුලයට කරන නිග‍්‍රහයක් ලෙසිනි. ඒ අතරතුර ඇය සිය දෙමාපියන්ට විරුද්ධ පැමිණිල්ලක් දමා නඩුවක් ගොනු කරනු ලැබුවාය. ඒ තමන් අඩු කුලයක තරුණයෙකු සමග විවාහ වීම නිසා කෝපයට පත් දෙමාපියන් සිය සැමියා සහ තමන් මරා දැමීමට කුලී මිනීමරුවන් එවීම පිළිබඳවය. මෙම සිදුවීම් දාමයත් සමග කෞෂල්‍යා ඉන්දියාව තුළ ප‍්‍රසිද්ධ චරිතයක් බවට පත් වූවාය. 
ඝාතකයන්ගෙන් තමන්ගේ ජීවිතය බේරනු ලැබුවේ දෙවියන් බවත් ඒ සිය මව්පියන්ට විරුද්ධව නීතියෙන් කටයුතු කිරීම සඳහා බවත් ඇය මාධ්‍යයට පවසා තිබිණි.
මේ ආකාරයට වසර කීපයක් පුරා විභාග වූ නඩුව අවසන් වූයේ කෞෂල්‍යාගේ පියා ඇතුළු පුද්ගලයන් පස් දෙනෙකුට මරණ ද`ඩුවම හිමි කර දෙමිනි. චෝදනාව වූයේ ෂන්කර් සහ කෞෂල්‍යා ඝාතනය කිරීමට සැලසුම් කිරීමත් ඔවුන්ට පිහි පහර දීම සහ ඉන් ෂන්කර් මරා දැමීමත් යන කාරණාය. සැමියා ඝාතනය කිරීම සම්බන්ධයෙන් පියාට මරණ ද`ඩුවම ලබා දීම ජයග‍්‍රහණයක් නොවේදැයි වරක් මාධ්‍යවේදියෙකු 
කෞෂල්‍යාගෙන් ඇසූ විට ඇය පැවැසුවේ ‘‘කෙනෙකුට මරණ දඩුවම ලැබීම ජයග‍්‍රහණයක් වෙන්නෙ නැහැ. මට  ඕනෙ වුණේ පලි ගන්න නෙවෙයි. මගේ සැමියාට සාධාරණය ඉටු කරන්න සහ කුල භේදය කෙනෙකුගේ ජීවිතයක් තරම් වටින්නේ නැති බව කියන්න. මම ජයග‍්‍රහණය කළා වෙන්නෙ ෂන්කර්ගේ ලොකුම හීනය හැබෑ කරපු දවසට. එයාට හීනයක් තිබුණා කාමර හතරක් තියෙන ගෙදරක් හදන්න. මම එයා වෙනුවෙන් ඒක කරනවා’’ යනුවෙනි. මෙය ඇසූ ඉන්දියානු රජය ෂන්කර්ගේ පවුලේ අය වෙනුවෙන් නිවසක් ඉදි කර දීමේ කර්තව්‍යය භාරගෙන තිබිණි.
මේ වනවිට කෞෂල්‍යා සිය ගම් ප‍්‍රදේශයේ දුප්පත් දරුවන් වෙනුවෙන් ඉගැන්වීම් කටයුතු සිදු කරමින් සිටින අතර සති අන්ත දිනවල ඇය දිගු දුරක් ගෙවාගෙන තමිල්නාඩුවට පැමිණෙන්නීය. ඒ කුල භේදයට එරෙහිව මිනිසුන් දැනුවත් කරමින් ඔවුන් දිරිමත් කිරීම සඳහාය. 
එපමණක්ද නොව ඇය මෙසේ ද පවසන්නීය. ‘‘ආදරය කියන්නේ හරියට වතුර අවශ්‍ය වෙනවා වගේ් ස්වාභාවික හැගීමක්. කාටවත් බැහැ එය යටපත් කරන්න. ආදරය නිසා එක්කෙනෙකුගේ හරි මරණයක් වළක්වන්න පුළුවන් නම් ඒ තරම් පිනක් තවත් නැහැ’’ යනුවෙනි.
 
දුලාංජලී මුතුවාඩිය

 

IMAGE

නෙලා සමග ඔබ හමුවට එන බෙනට්ගේ පුතා

IMAGE 2018 Feb 25 14:21
අද වෙද්දී උදාර රත්නායක කියන්නේ නළුවෙක්ද? එහෙමත් නැතිනම් දේශපාලනඥයෙක්ද? නළුකම මගේ වෘත්තිය...
Views - 268

මගෙන් නම් සල්ලි ඉල්ලුවේ නෑ ඒත් මේ වගේ කතාවක් නම් කිව්වා

IMAGE 2018 Feb 25 14:08
මේ වෙද්දී ඉන්දිකාගේ කලා දිවිය දශක දෙකකටත් එහා ගිය එකක් නේද? ඔව්. මම මුලින්ම ක්‍ෂේත්‍රයට එකතු...
Views - 502

රනිල් සල් සපු නා හැර ගියේ ඇයි?

IMAGE 2018 Feb 25 13:52
“සල් සපු නා” ටෙලි නාට්‍යයේ දැන් රනිල්ව දකින්නට ලැබෙන්නේ නැහැ. ඇයි ඒ ? මම තාවකාලිකව ‘සල්...
Views - 451

තාත්තගේ අකමැත්තෙන් රඟපාන්න ආපු උපාසක අම්මා

IMAGE 2018 Feb 25 12:18
කොහොමද ඔබට අංජනා එහෙමත් නැත්නම් උපාසක අක්කා වෙන්න අවස්ථාව ලැබුණේ? මාව උපාසක අම්මා කළේ...
Views - 393

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 5022

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 3299

Please publish modules in offcanvas position.