Coss Ear2
lakbima.lk
COSS Ear 1

ලංකාවෙන් ගිය පද්මාවතී ඉන්දියාවම ගිනි තබයි

මෑත කාලයේ සිනමා පටයක් සම්බන්ධයෙන් ඇති වූ ලොකුම ආන්දෝලනය ඇති කිරීමට සුප්‍රකට ඉන්දියානු සිනමාකරු සංජේ ලීලා බන්සාලිගේ  අලුත්ම චිත්‍රපටය වන 'පද්මාවත්' සමත්ව සිටියි. ඉන්දියානු රුපියල් කෝටි 200 කට ආසන්න මුදලක් වැය කර නිෂ්පාදනය කළ මෙම දැවැන්ත නිර්මාණයට එරෙහිව මේ වනවිට ඉන්දියාවේ ප්‍රාන්ත රැසක බිහිසුණු විරෝධතා එල්ල වෙමින් ඇති අතර එය ප්‍රදර්ශනය කරන සිනමාශාලා ගිනි තබන බවට එල්ල වන තර්ජන ඒ අතර කැපී පෙනේ. 
එයට අමතරව පසුගිය දිනවල වාහන සහ කඩසාප්පුවලට පවා පහර දෙමින්, ගිනිබත් කරමින් මහත් කලබගෑනියක් ඇති කිරීමට විරෝධතාකරුවන් කටයුතු කරමින් සිටින අන්දම දැකගත හැකි විය. මේ හේතුවෙන් පාසල් බස් රියකට පවා පහර දී ඇති බව මාධ්‍ය වාර්තා කර තිබිණි. 
මේ සියල්ලට අමතරව චිත්‍රපටයේ අධ්‍යක්ෂ බන්සාලිට මෙන්ම එහි ප්‍රධාන චරිත රඟපාන ජනප්‍රිය නළු නිළි  යුවළක් වන දීපිකා පදුකෝන් සහ රන්වීර් සිං දෙදෙනාට එරෙහිව මරණ තර්ජනද එල්ල වී තිබේ. මේ නිසා ඔවුන්ට සහ ඔවුන්ගේ නිවාසවලට පවා ‍පොලිස් ආරක්ෂාව සැපයීමට ආරක්ෂක අංශවලට සිදු වී ඇත. 'පද්මාවත්' සිනමාපටය පසුගිය 25 වෙනි දින ප්‍රදර්ශනය ආරම්භ කළ අතර මේ වනවිට එය තිරගත වන සිනමාශාලාවලටද ආරක්ෂාව සැපයීමට බලධාරීන් පියවර ගෙන ඇත්තේ මෙම සිනමා ශාලාවලට මෙන්ම සිනමා ප්‍රේක්ෂකයන්ටද පහර දෙන බවට තර්ජන එල්ල වීම නිසාය.
'පද්මාවත්' චිත්‍රපටයට එරෙහිව මෙම විරෝධය මතුවන්නට පටන් ගත්තේ එහි රූපගත කිරීම් ආරම්භ වූ දිනවල පටන්මය. එහි දර්ශනතලවලට පවා පහර දෙන ලද අතර වරක් රූපගත කිරීම් කරමින් සිටියදී අධ්‍යක්ෂ බන්සාලි පහරකෑමකට ද ලක් විය. ඔහු සහ ප්‍රධාන නිළි පාදුකෝන් මරා දමන අයෙකුට කෝටි ගණනින් තෑගි පිරිනමන බවට නිකුත් වූ ප්‍රකාශ බොහෝ දෙනා තැතිගන්වන්නට සමත් වූයේය. දීපිකා පාදුකෝන් පණ පිටින් පුලුස්සා දැමිය යුතු යැයි ඇතැමුන් පවසා තිබූ අතර රන්වීර් සිංගේ කකුල් කඩන බවටද තර්ජනය කර තිබෙනු දක්නට ලැබිණි.
චිත්‍රපටයට පසුබිම් වන්නේ මධ්‍යකාලීන ඉන්දියාවේ පැවැති චිතෝර් රාජධානියේ රජ කළ, රාජ්පුත් නැමැති කුලයට අයත් රතෝන් සිං නමැති රජ කෙනෙකු සහ ඔහුගේ පද්මාවතී නමැති රූමත් බිසවත්, රාජධානිය ආක්‍රමණය කිරීමට එන මුස්ලිම් සුල්තාන්වරයෙකු වන අලවුදීන් කිල්ජි නමැති ආක්‍රමණිකයාත් පිළිබඳ කතා පුවතකි.  සිනමාපටය නිර්මාණය කර ඇත්තේ ඉහත කී චරිත කේන්ද්‍ර කරගෙන 16 වෙනි සියවසේ දී මලික් මහමුද් ජයසි නමැති කවියෙකු විසින් රචනා කරන ලද කාව්‍ය සංග්‍රහයක් පදනම් කරගනිමිනි. මෙය සැලකෙන්නේ ඉතිහාස තොරතුරුද ඇසුරු කරගනිමින් රචනා කරන ලද ප්‍රබන්ධයක් වශයෙනි. මෙහි එන කතා පුවතට අනුව පද්මාවතී බිසව එකල ඉන්දියාවේ විසූ රූමත්ම කාන්තාවයි. ඇය ලංකා දේශයේ සිට කැන්දාගෙන යන ලද තැනැත්තියක බවද සඳහන් වෙයි. අලවුදීන් කිල්ජි ඇය පිළිබඳ තෘෂ්ණාවෙන් බැඳී රතන් සිං මරා, ඇයද පැහැරගෙන යාමට සැරසෙන නමුත් එය ඉටු නොවන්නේ ඇය සිය පතිභක්තිය ප්‍රදර්ශනය කරමින් සිරුරට ගිනි තබාගෙන මිය යන නිසාය.
'පද්මාවත්'ට එරෙහිව ප්‍රධාන වශයෙන්ම විරෝධතා මතුවන්නේ ඒ තුළින් රාජපුත් කුලයේ ගෞරවනීය බිසවක ලෙස පිළිගැනෙන පද්මාවතීගේ චරිතයට, ඇගේ ගෞරවයට හානියක් සිදුව ඇති බව පවසමිනි. රාජධානිය ආක්‍රමණය කිරීමට එන අලවුදීන් කිල්ජි සහ පද්මාවතී බිසව ආලයෙන් මත්ව සිටින අයුරු පෙන්වන සිහින ජවනිකාවක් මෙම ආන්දෝලනයට පසුබිම් වූ ප්‍රධානම කාරණය බවට පත්ව තිබේ. (චිත්‍රපටයේ නිර්මාණකරුවන් පවසන්නේ මෙවැනි ජවනිකාවක් එහි අඩංගු නොවූ බවයි. කෙසේ නමුත් චිත්‍රපටයේ ඇතැම් ජවනිකා පසුව සංස්කරණය කරන ලද බවටද තොරතුරු පළවී තිබිණි.) පද්මාවතී බිසව සහභාග වන නැටුම් ජවනිකාවක් සම්බන්ධයෙන්ද විරෝධය පළ වී තිබෙනු දැකිය හැකි වෙයි. ඇය වැනි ගෞරවනීය බිසවක එවැනි නැටුමක යෙදීම සම්බන්ධයෙන් මෙන්ම එහි දී ඇය හැඳ සිටින ඇඳුම් සම්බන්ධයෙන්ද විරෝධය පළ වී තිබේ. සමස්තයක් ලෙස 'පද්මාවත්' චිත්‍රපටය ඉතිහාසය විකෘති කළ සිනමාපටයක් ලෙසිනි විරෝධතාකරුවන් හංවඩු ගසා ඇත්තේ.
මෙම විරෝධතා ව්‍යාපාරයේ පෙරමුණේම සිටින්නේ කාර්නි සේනා නමින් හැඳින්වෙන කණ්ඩායමකි. ඔවුන් රාජ්පුත්වරුන්ගේ ඉතිහාසය, සංස්කෘතිය වෙනුවෙන් පෙනී සිටින කණ්ඩායමක් ලෙස සැලකෙයි. ඒ අතර අගමැති නරේන්ද්‍ර මෝදිද අයත් වන, හින්දුවාදී පක්ෂයක් ලෙස සැලකෙන භාරතීය ජනතා පක්ෂයේ ඇතැම් උදවිය පවා මෙම විරෝධතාවලට සහය දෙන බව සඳහන් වේ.
මෙම කතා පුවතෙහි එන පද්මාවතී බිසව සැබැවින් ජීවත් වූ චරිතයක්ද යන්න ගැන විවිධ මතභේද පවතී. ඇතැම් විද්වතුන් පවසන්නේ ඇය හුදෙක් මනඃකල්පිත චරිතයක් බවයි. එවැනි චරිතයක් කේන්ද්‍ර කරගෙන මෙතරම් විශාල ආන්දෝලනයක් ඇති වීම පිළිබඳව බොහෝ දෙනා කිසියම් කම්පනයකට පත්ව  සිටින බව පෙනේ.
මෙහිදී වඩාත්ම තීරණාත්මක සාධකය වන්නේ කුලීන, හින්දු බිසවක වන පද්මාවතී මුස්ලිම් ආක්‍රමණිකයෙකු සමග ආලයෙන් මත්ව සිටින සැටි පෙන්වීම බව සැලකිය හැකිය. එමෙන්ම ඇතැම් දේශපාලන කණ්ඩායම් තමුන් හින්දු සංස්කෘතියේ ආරක්ෂකයන් ලෙස ජනතාව අතර තහවුරු වීමට සහ ඒ තුළින් දේශපාලන බලය තහවුරු කරගැනීමට දරන වෑයමද මෙහිදී බැහැර කළ හැකි කාරණයක් නොවේ.
මේ අතර ඉහත කී විරෝධතාකරුවන්ට අමතරව ඇතැම් විද්වතුන්ද බන්සාලිගේ චිත්‍රපටය සම්බන්ධයෙන් වැදගත් කාරණා කිහිපයක් මතු කර තිබෙනු දැකිය හැකි වෙයි.
මෙම චිත්‍රපටය විසින් ඉන්දියානු කාන්තාවන්  පතිභක්තිය සනාථ කරනු පිණිස, සැමියාගේ මරණයත් සමගම, සිරුරට ගිනි තබාගනිමින් මරණයට කැප වන සති පූජා පිළිවෙත උත්කර්ෂයට නංවන බවට මතු කර ඇති අදහස එවැන්නකි. මෙය සංස්කෘතික වශයෙන් ඉතා පසුගාමී චාරිත්‍රයකට වටිනාකමක් දීමට තැත් කිරීමක් බව මෙහිදී පෙන්වා දෙනු ලැබේ. මේ අතර තවත් සමහර ඉතිහාසඥයන් මතු කර ඇති කාරණයක් වන්නේ මෙහි අවධානයට හසුවිය යුතු ප්‍රශ්නය පද්මාවතී පිළිබඳ ගැටලුව නොව මුස්ලිම් ආක්‍රමණිකයා වන අලවුදීන් කිල්ජිගේ චරිතය චිත්‍රණය කර ඇති ආකාරය බවයි. කිල්ජි අතිශය ම්‍ලේච්ඡ, වනචාරී ගති ලක්ෂණවලින් හෙබි චරිතයක් ලෙස පෙන්වීම ඉතිහාස තොරතුරු හා නොගැළපන බව මෙම ඉතිහාසඥයන්ගේ අදහස වී තිබේ. කිල්ජි ජීවත් වූ යුගයේ සහ එම කලාපයේ සංස්කෘතික හැඩගැස්ම පිළිබඳ අවධානය යොමු කිරීමේදී ඔහු මෙයට වඩා විනයක්, හික්මීමක් සහිත චරිතයක් විය යුතුව තිබූ බව මෙහිදී පෙන්වා දෙනු ලැබේ.
කෙසේ හෝ වේවා 'පද්මාවත්' සම්බන්ධයෙන් ඇතිව තිබෙන ආන්දෝලනය කලා ක්‍ෂේත්‍රය තුළ දේශපාලනික, සංස්කෘතික බල අරගල ක්‍රියාත්මක වන ආකාරය පිළිබඳ අධ්‍යයනය කිරීමට මහඟු කවුළුවක් විවර කර ඇති අතර ලොව පුරා සිනමාකරුවන්, කලාකරුවන්, විචාරකයන්, සමාජ විද්‍යාඥයන්, ඉතිහාසඥයන් ආදී බොහෝ පාර්ශ්ව මේ පිළිබඳ විශාල අවධානයක් යොමු කර සිටින අයුරු දැකගත හැකි වෙයි.
 
නිහාල් පීරිස්

 

IMAGE

නෙලා සමග ඔබ හමුවට එන බෙනට්ගේ පුතා

IMAGE 2018 Feb 25 14:21
අද වෙද්දී උදාර රත්නායක කියන්නේ නළුවෙක්ද? එහෙමත් නැතිනම් දේශපාලනඥයෙක්ද? නළුකම මගේ වෘත්තිය...
Views - 415

මගෙන් නම් සල්ලි ඉල්ලුවේ නෑ ඒත් මේ වගේ කතාවක් නම් කිව්වා

IMAGE 2018 Feb 25 14:08
මේ වෙද්දී ඉන්දිකාගේ කලා දිවිය දශක දෙකකටත් එහා ගිය එකක් නේද? ඔව්. මම මුලින්ම ක්‍ෂේත්‍රයට එකතු...
Views - 767

රනිල් සල් සපු නා හැර ගියේ ඇයි?

IMAGE 2018 Feb 25 13:52
“සල් සපු නා” ටෙලි නාට්‍යයේ දැන් රනිල්ව දකින්නට ලැබෙන්නේ නැහැ. ඇයි ඒ ? මම තාවකාලිකව ‘සල්...
Views - 687

තාත්තගේ අකමැත්තෙන් රඟපාන්න ආපු උපාසක අම්මා

IMAGE 2018 Feb 25 12:18
කොහොමද ඔබට අංජනා එහෙමත් නැත්නම් උපාසක අක්කා වෙන්න අවස්ථාව ලැබුණේ? මාව උපාසක අම්මා කළේ...
Views - 554

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 5183

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 3417

Please publish modules in offcanvas position.