lakbima.lk

ජෙලට්නයිට් කූරු 30 ක් සමඟ සැකකරුවකු අත්අඩංගුවට

 

උතුරු මැද නාවික විධානයට අනුයුක්ත නාවිකයින් පිරිසක් සහ මන්නාරම, පොලිස් නිලධාරීන් එක්ව සිදු කළ සෝදිසි කිරීමකදී ඊයේ (10) මන්නාරම, සවුත් බාර් ප්‍රදේශයේදී ජෙලට්නයිට් කිලෝග්‍රෑම් 03 ක් (කූරු 30 ක්) සමඟ පුද්ගලයෙකු අත්අඩංගුවට ගන්නා ලදී. එහිදී අඟල් 03 ක් දිගැති ආරක්‍ෂිත වෙඩි නුල් 19 ක්, විද්‍යුත් නොවන ඩෙටනේටර් 19 ක් සොයා ගෙන ඇති අතර,  ඒවා මන්නාරම සිට සවුත් බාර් ප්‍රදේශය දක්වා යතුරු පැදියකින් ප්‍රවාහනය කරමින් සිටියදි මෙලෙස අත්අඩංගුවට ගෙන ඇත.

අත්අඩංගුවට පත් පුද්ගලයා වයස අවුරුදු 36 ක් වන මන්නාරම ප්‍රදේශයේ පදිංචිකරුවෙකු බව හඳුනාගෙන ඇති අතර, අත්අඩංගුවට පත් පුද්ගලයා, යතුරු පැදිය  සහ ජෙලට්නයිට් ඇතුළු පුපුරණ ද්‍රව්‍ය තොගය ඉදිරි නීතිමය කටයුතු සඳහා මන්නාරම, පොලිසිය වෙත භාර දීමට කටයුතු කෙරිණි. එමෙන්ම, පසුගිය දින කිහිපය තුල මෙවැනි ආකාර‍යේ පුපුරණ ද්‍රව්‍ය රැසක් සොයා ගැනීමට නාවික හමුදාව සමත් වූ අතර, එමඟින් පුපුරණ ද්‍රව්‍ය යොදා මසුන් ඇල්ලීම මඟින් සිදු විමට ගිය පාරිසරික හානිය මැඩලිමට නාවික හමුදාවට හැකි වි ඇත.

 

Lakbima Online

Download Lakbima Mobile App

 
 

 

Get In Touch With Us

Please publish modules in offcanvas position.