lakbima.lk

ගී පද රචකයන් ලියන සමහර ගීතවල අර්ථයන් අපේ හිතේ තිබෙන අදහසට වඩා වෙනස්ම විදිහකට ශ්‍රාවකයෝ වටහාගන්නා අවස්ථා තියෙනවා. මගේ නිර්මාණ දිවියෙත් එවැනි අත්දැකීම් නැතුවා නොවෙයි. එවැනි එක් ගීතයක් තමයි නෙලූ අධිකාරී ගයන මං නැතිදා කියන ගීතය.

හැමෝම හිතන්නේ ඒක ප්‍රේම ගීතයක් කියලයි. නමුත් මගේ අතින් ඒ ගීතය ලියැවුණේ ප්‍රේම ගීතයක් විදිහට ‍නෙවෙයි. මෙසේ පවසන්නේ රජරටින් බිහිවූ ප්‍රවීණ ගී පද රචකයකු වන මහින්ද දිසානායකයි. මහින්ද දිසානායකයන් සමග අප මෙවැනි සංවාදයක යෙදීමට නිමිත්ත වූයේ ඔහු සිය පද රචනා ඇතුළත් නවතම ගී තැටිය සිලිල ඔබ නම් නමින්ද, ගී පද ඇතුළත් අලුත්ම ග්‍රන්ථය සිතක සතුට නමින්ද පසුගියදා දොරට වැඩීමයි.

මං නැතිදා කියන ගීතය ඇත්තටම ඔබ අතින් ලියැවුණේ මොනවගේ අර්ථයකින්ද?

නෙලූ අධිකාරිට ඔබ අසා සිටී නම් මම මෙසේ කියන්නම් කියන ගීතය ලීවේ මමයි. එතකොට නෙලූ නවක ගායිකාවක්. හිතුවේ නැති විදිහට මේ ගීතය ජනතාව අතරේ ජනප්‍රිය වුණා. පසුව ඇයගේම ඉල්ලීමකට අනුව තමයි මං නැතිදා හිතට දුකක් නුඹට නම් නැති - පුදුමයි නුඹ වාගේ මට ඉන්න බැරි හැටී කියන ගීතය මගේ අතින් ලියැවුණේ. අද හැමෝම ඒක ප්‍රේම ගීතයක් විදිහට රසවිඳිනවා.

හැබැයි ඇත්ත කතාව ඒක ‍නෙවෙයි. ඒ ගීතය මම ලිව්වේ මගේ සමීපතම හිතවතෙකු මගෙන් දුරස්වීම පදනම් කරගෙනයි. සංසාරේ මගෙන් තැවුල් නුඹට වෙන් නැතී - ඒ හින්දා නුඹේ හිත රළු පරළු වෙන්නැති කියන පදවලින් පවා කාලයක් මා සමග ළඟින්ම සිටි ඒ හිතවතාගෙන් වූ දුරස්වීම ගැන තමයි කියැවෙන්නේ. ඒ දුරස්වීමෙන් ඇති වූ ශෝකය මට කෙළින්ම කියන්න බැරිකම නිසයි මම ගීතයකින් මගේ අදහස කියන්න හිතුවේ.


ඒ දුරස්වීම තවමත් ඒ විදිහටමද?


නැහැ. ඒ දුරස්කම වසර දහයක් විතර තිබුණා. දැන් අපේ හිතවත්කම යළිත් ගොඩනැගිලයි තියෙන්නේ.


බොහෝ නිර්මාණකරුවන් ගී තැටි එළිදක්වන්න පැකිළෙන කාලයකයි ඔබ සිලිල ඔබ නම් නමින් අලුත් ගීතැටියක් එළිදක්වන්නේ. ඇයි මේ වෙලාවේ ඔබට ගීතැටියක් එළිදක්වන්න හිතුනේ?


මම ගී පද රචකයෙක්. ගී පද රචකයෙක් කීවාම බොහෝ අය අහනවා. මොනවාද ඔබ ලියා තිබෙන ගීත කියලා. ඒ හැමෝම වෙනුවෙන් නිතරම මගේ ගීත ලැයිස්තුව කියන එක අමාරු වැඩක්. අනික මගේ සමහර ගීත තියෙනවා මම පෙම්බඳින, නමුත් ශ්‍රාවකයන් ඒතරම් ඇලුම් නොකරන. ඒවා සමහරුන්ගේ මතකයේ රැඳිලා නැහැ. හැබැයි මගේ සියලු ගීත මේ විදිහට සංයුක්ත තැටිවලට ඇතුළත් කර තැබිමෙන් මා ලියූ ගීත මොනවාද කියලා සොයන කෙනෙකුට වුණත් ඒවා රසවිඳලා ඒ ගැන හොඳ අවබෝධයක් ලබාගන්න පුළුවන්.

මොකද ගී පද මාලා සියල්ල ‍පොතකට ඇතුළත් කළත්, එමගින් ඒ ගීතවල සාහිත්‍යමය අගය ගැන යම් අවබෝධයක් ලැබෙනවා මිස, ගීත ගැන පරිපූර්ණ විග්‍රහයක් කරන්න අපහසුයි. මොකද එහි සංගීතය සහ ගායනය මොනවගේද කියන අවබෝධය එයින් ලබාගන්න බැරි නිසා. මගේ පස්වැනි ගී තැටිය තමයි සිලිල ඔබ නම් නමින් මෙසේ ශ්‍රාවකයන් අතට පත්වෙන්නේ.

මෙම ගී තැටියෙන් ඔබ යම් මූල්‍යමය ලාභයක් බලා‍පොරොත්තු වෙනවාද?

අද ගී තැටි නිෂ්පාදක සමාගම් ගීතැටි එළිදැක්වීම නවත්වා දමලයි තියෙන්නේ. මොකද අද කා‍ලේ ගීතැටි නිකුත් කරලා ලාභ ලබන්න අමාරුයි. මේ නිසා මමත් ආර්ථික වාසියක් බලා‍පොරොත්තුවෙන් නමෛයි සිලිල ඔබ නම් කියන මේ ගීතැටිය එළිදක්වන්න හිතුවේ.

කොහොමටත් මම ගීත ලියන්නේ ආත්ම තෘප්තියට මිස මුදල් හම්බකර ගැනීමේ අදහසකින් නොවෙයි. මගේ පුතා වන විශේෂඥ වෛද්‍ය ගයාමන් දිසානායක තමයි මේ ගී තැටිය එළිදක්වන්න මාව වඩාත්ම උනන්දු කළේ. ගී තැටියට බරපැන දැරුවේත් ඔහුමයි. මෙහි ඇතුළත් ගීත ගායනා කළ සහ සංගීතවත් කළ බොහෝ ශිල්පීන් ඒ සඳහා නොමි‍ලේම දායකවීමත් මට විශාල ශක්තිමත් වුණා.


මෙහි ඇතුළත් වෙන්නේ ඔබේ අලුත් ගීතද? එසේ නැතිනම් පැරණි ගීතද?


මෙය මගේ පැරණි ගීතවල සහ අලුත් ගීතවල එකතුවක් විදිහට හැඳින්වුවහොත් වඩාත් නිවැරදියි. අලුත් ගීත දහයක් සහ පැරණි ගීත අටක් මෙහි ඇතුළත් වෙනවා. පින්සර ඔබ හැර, ඇසට අසුවන මායිමේ ඇතුළුව මගේ ගීත වැඩි සංඛ්‍යාවක් ගායනා කර තිබෙන කරුණාරත්න දිවුල්ගනේගේ පළමු ස්වතන්ත්‍ර ගීතය වගේම මගේත් මුල්ම ගී පද රචනාව වූ නදින් බමර ගී යන ගීතය සහ මතෛක් කිසිදු ගී තැටියකට ඇතුළත් නොවූ පණ්ඩිත් අමරදේවයන්ගේ සතැවුල හරනී කියන ගීතය  ඇතුළුව බොහෝ අරපරෙස්සමෙන් තෝරාගන්නා ලද ගීත දහඅටක් මෙහි ඇතුළත් වෙනවා.

ආචාර්ය වික්ටර් රත්නායක, ලතා වල්‍පොල, ගුණදාස කපුගේ, සුනිල් එදිරිසිංහ, ජානක වික්‍රමසිංහ, සමිතා මුදුන්කොටුව, නෙලූ අධිකාරි, රොහාන් ශාන්ත බු‍ලේගොඩ ඇතුළු ගායක ගායිකාවන් පිරිසක් තමයි මෙහි ගීත ගායනා කරන්නේ.

 ඔබ අලුත් ගී පද සංග්‍රහයක් එළිදක්වන්නේ කලකට පසුවයි නේද?

ඔව්. සිතක සතුට කියන්නේ මගේ සිවුවැනි ගීපද සංග්‍රහයයි. මීට කලින් ඇසට අසුවන මායිමේ (1994), වී පැදුරෙන් (2001) සහ බැන්ද අමුණ (2010) නමින් ගී පද සංග්‍රහ තුනක් එළිදක්වා තිබෙනවා. අවුරුදු නවයකට පසුව තමයි මම අලුත් ගීපද එකතුවක් එළිදැක්වූයේ. ගී පද රචනාවක් ලියා නැවත නැවතත් සංස්කරණය කොට ඒ පිළිබඳ සෑහීමකට පත්වීම සඳහා මට කාලයක් ගතවීමයි ඊට හේතුව.

එලෙස මා අතින් ලියැවුණු ගී පද රචනා හැට පහක් මෙම ග්‍රන්ථයට ඇතුළත් වෙනවා. කිෂාන් කනංකෙ

  1. වරෙන්තුව මල්සරාට වුණත් එකතුවන මුදල් කලාකරුවෙක් යළි දෙපයින් නගා සිටුවන්නයි
  2. සෙලින් ඩියෝන්ගේ ඔළුවේ තිබුණු ලොකුම බර
  3. බබා නෝනාට පණ දෙන්න අවුරුද්දක් පීනන්න පුරුදු වුණා
  4. අද ලයිට් බිල ගෙවා ගන්නත් බැරි තත්ත්වයක් කලාකරුවන්ට ඇතිවෙලා
  5. රසිකයෙක් විදියට ඔහු මා සොයා ආවේ භයානක සැලසුමක් දියත් කරන්න
  6. මිට්ටෙකුගේ වුණත් ඇඟ ඇතුළේ යෝධයෙක් ඉන්නවා
  7. රෝගාතුර සහෝදරයා වෙනුවෙන් සංගීත ප්‍රසංගයක් සංවිධානය කළ ලෙලුම්
  8. ඔයා හරිම සෙක්සි කියලා සමහර ගෑනු ළමයින්ට කමෙන්ට්ස් දමලා
  9. මේ වගේ හීන හැමෝගේම සැබෑ වෙන්නේ නෑ
  10. 2019 ෆිල්ම් ෆෙයාර් සම්මාන උළෙ‍ලේ යටගියාව පිළිබඳ නොදත් කතා
  11. නොකළ වරදකට අදටත් බැණුම් අහන සඳනි
  12. තෙවන වරටත් විවාහ වූ මධුමාධව අරවින්ද
  13. නදීකාට මතක නැද්ද අපේ පුංචි කා‍ලේ.. ගීතයේ අයිතිකරුවා ගැන ඔබ නොදැන සිටි කතාවක්
  14. ශෂිකා පැණි රස කන්න ඇබ්බැහි වෙලා ඉන්නේ
  15. සෝමරත්න සුනාමිය හැදූ දර්ශන තලය මංගල ඡායාරූප ශීල්පීන්ගේ පාරාදීසයක් වූ හැටි

Page 1 of 32

Lakbima Online

Download Lakbima Mobile App

 
 

 

Get In Touch With Us

Explore More

Please publish modules in offcanvas position.