Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ආචාර්ය රංග කලන්සූරිය මහතාගේ ඉල්ලා අස්වීමෙන් පුරප්පාඩු වූ රජයේ ප්‍රවෘත්ති අධ්‍යක්ෂ ජනරාල් පදවියේ වැඩ බැලීම සඳහා ශ්‍රී ලංකා ගුවන්විදුලි සංස්ථාවේ සභාපති නීතිඥ සුදර්ශන ගුණවර්ධන මහතා පත්කිරීමට කැබිනට් මණ්ඩලයේ අනුමැතිය හිමිව තිබේ.

එම යෝජනාව කැබිනට් මණ්ඩලයට ඉදිරිපත් කොට ඇත්තේ මුදල් හා ජනමාධ්‍ය අමාත්‍ය මංගල සමරවීර මහතා විසිනි.

නීතිඥ ගුණවර්ධන මහතා මානව හිමිකම් ක්‍රියාධරයකු ලෙස මෙරට සමාජයේ කැපී පෙනෙන පුරවැසියෙකි.

අධිකරණ නියෝග උල්ලංඝණය කරමින් උද්ඝෝෂණයක් කිරීමේ චෝදනාව මත ඊයේ (10) සවස පොලිස් අත්අඩංගුවට පත් පාර්ලිමේන්තු මන්ත්‍රීවරුන් වන නාමල් රාජපක්ෂ, ඩී.වී.චානක, ප්‍රසන්න රණවීර ඇතුළු උපාලි කොඩිකාර, සම්පත් අතුකෝරාල, අජිත් ප්‍රසන්න ඇතුළු සහදෙන දෙනා ලබන 16වන තෙක් රක්ෂිත බන්ධනාගත කරන මෙන් හම්බන්තොට මහේස්ත්‍රාත් මංජුල කරුණාරත්න මහතා ඊයේ රාත්‍රී නියෝග කර ඇත.

මෙම නියෝගයෙන් පසු ඇතැම් කණ්ඩායම් ඔවුන් බන්ධානාගාරයට ගෙන යන මාර්ගයේ ටයර් පුළුස්සමින් කළහකාරී ලෙස හැසිරුණු බව වාර්තාවේ.

ප්‍රශ්නගත බැඳුම්කර සිද්ධිය සම්බන්ධයෙන් කරුණු විමර්ශනය කරන ජනාධිපති විශේෂ විමර්ශන කොමිසම හරහා දැනට හෙළිදරව් වන කරුණු අනුව චෝදනා ලැබ සිටින පුද්ගලයන්ට සිර දඬුවම් හා අදාළ රාජ්‍ය අලාභය අයකර ගැනීම සඳහා ඔවුන් සතු දේපළ රාජසන්තක කිරීමට සිදුවනු ඇතැයි මහාචාර්ය ජී. එල්. පීරිස් මහතා සඳහන් කරයි.
මහ බැංකුවේ සිදුව ඇති මහ මුදල් කොල්ලය පිළිබඳව ජනාධිපති කොමිසම දැන් විමර්ශන කටයුතු කරනවා. දැන් හෙළිවී තිබෙන කරුණු අනුව රාජ්‍ය බැංකුවලට හා අර්ථසාධක අරමුදලට අයවිය යුතුව තිබූ විශාල ලාභයක් අහිමි වීමට හේතුව එවකට මුදල් ඇමැතිවරයා දුන් උපදෙස් බවත් දැන් හෙළිවී තිබෙනවා. මේ කරුණු සියල්ල පිළිබඳව සලකා බැලීමේදී මේ ජනතා මුදල් කොල්ලය ඉතාම සැලසුම් සහගතව සිදුකර ඇති බව අවබෝධ කරගන්න පුළුවන්. මේ අපරාධයට සම්බන්ධ අයට හා ඊට අනුබල දුන් අයට ඉන් බේරෙන්න දැන් ක්‍රමයක් නෑ. කොමිසමට දඬුවම් දෙන්න බලයක් නැති වුණත් කොමිසමේ වාර්තාව ජනාධිපතිවරයාට ලැබුණු පසු එය අනිවාර්යයෙන්ම නීතිපතිට බාරදී අධිකරණ කටයුතු කරන්න සිදුවනවා යැයිද පීරිස් මහතා කීවේය.
මේ මුදල් කොල්ලය ගැන දැන් ජනතාවට ඔවුන්ගේ මතය ප්‍රකාශ කරන්න ක්‍රමයක් නෑ. ඒ නිසයි ජනතාව ඡන්දයක් ඉල්ලන්නේ. රජය ජනතාවගේ ඒ පරමාධිපත්‍යයත් කොල්ලකමින් රජයේ සිටින තාක් සාක්කු පුරවා ගැනීමේ ප්‍රතිපත්තියක් අනුගමනය කරන බවද පීරිස් මහතා කීවේය. ඔහු මේ බව සඳහන් කළේ කොළඹ ඊයේ පැවැති මාධ්‍ය හමුවකදීය.
 
ජයසූරිය උඩුකුඹුර

ශ්‍රී ලංකා ‍පොදුජන පෙරමුණේ කටයුතු සඳහා සම්බන්ධ වී සිටින, ශ්‍රී ලංකා නිදහස් පක්ෂයේ ආසන සංවිධායකයන් පස්දෙනකු එම සංවිධායක ධුරවලින් ඉවත් කිරීමට තීරණය කර ඇත.
ඒ අනුව නාවලපිටිය ආසන සංවිධායක මහින්දානන්ද අලුත්ගමගේ, හොරණ ආසන සංවිධායක විදුර වික්‍රමනායක, තිස්සමහාරාම ආසන සංවිධායක චමල් රාජපක්ෂ, රක්වාන ආසන සංවිධායක රන්ජිත් සොයිසා හා වෙන්නප්පුව සම සංවිධායක අරුන්දික ප්‍රනාන්දු යන මහත්වරු වෙනුවට නව ආසන සංවිධායකවරු පත් කිරීමට නියමිතය.
මීට අමතරව ඒකාබද්ධ විපක්ෂය සමග කටයුතු කරන පාර්ලිමේන්තු මන්ත්‍රීවරු නොවන පිරිසක්ද ආසන සංවිධායක ධුර දරන අතර ඔවුන්ද එම සංවිධායක ධුරවලින් ඉවත් කර නව සංවිධායක ධුර පත් කිරීමට නියමිත බව එම ආරංචි මාර්ග වැඩිදුරටත් අනාවරණය කළේය.
එමෙන්ම පක්ෂ ක්‍රියාකාරකම්වලට සම්බන්ධ නොවී සිටින දුර්වල සංවිධායකයන්ද ඉදිරියේදී පැවැත්වීමට නියමිත පළාත් පාලන මැතිවරණයට පෙර ඉවත් කර ඉතා ඉක්මනින් නව ආසන සංවිධායකයන් පත් කිරීමට ශ්‍රී ලංකා නිදහස් පක්ෂය තීරණය කර ඇත.
 
කමණී හෙට්ටිආරච්චි

කොළඹ ආශ්‍රිත ප්‍රදේශවල තරු පන්තියේ හෝටල්වලින් වරක් භාවිත කර ඉවත් කරන ‍පොල් තෙල් පිටකොටුව වෙළෙඳසල්වල නැවත අලෙවිය සඳහා තබා තිබියදී පාරිභෝගික අධිකාරිය විසින් ඊයේ (10) සවස අත්අඩංගුවට ගෙන තිබේ. 
ඒ අනුව එවැනි තෙල් ලීටර් 20 කෑන් 100ට අධික ප්‍රමාණයක් අත්අඩංගුවට ගත් බව එම අධිකාරියේ සභාපති හසිත තිලකරත්න මහතා ‘ ලක්බිම’ කළ විමසීමකදී පැවැසීය. 
‍පොල් සංවර්ධන මණ්ඩල සඳහා එක්ව පිටකොටුව ප්‍රදේශයේ ඊයේ (10) කරන ලද සෝදිසියක දී මෙම තෙල් තොගය අධිකාරිය භාරයට ගෙන ඇත. 
ඊට අමතරව මෙම වෙළෙඳසල්වල විවිධ රසායනික ද්‍රව්‍ය බහා තිබූ බැරල්වල එම රසායනික ද්‍රව්‍ය තිබියදීම ඒවාට ‍පොල්තෙල් දමා අලෙවියට තබන බවද එහිදී අනාවරණය වී ඇත. 
අදාළ වෙළෙඳසැල් හිමියන්ට විරුද්ධව හෙට (12) දිනයේ නඩු පැවැරීමට නියමිතව ඇති බවද සභාපතිවරයා පැවැසීය.

ලබන ජනවාරි මස අගදී පැවැත්වීමට නියමිතව ඇති පළාත් පාලන මැතිවරණයට අපේක්ෂක කණ්ඩායම සූදානම් කිරීම, මැතිවරණ ප්‍රචාරක කටයුතු සැලසුම් කිරීම, මැතිවරණයේදී ජනතාව වෙත ගෙන යා යුතු දේශපාලන පණිවුඩය පිළිබඳව ජනතා විමුක්ති පෙරමුණ මේ වන විට දීර්ඝ ලෙස සාකච්ඡා ආරම්භ කර තිබෙන බව එම පක්ෂයේ නායක අනුර දිසානායක මහතා ප්‍රකාශ කළේය.
පැලවත්ත එම පක්ෂ මූලස්ථානයේදී ඊයේ (10) පැවැති මාධ්‍ය සාකච්ඡාවකදී ඒ මහතා එසේ කීය.
පළාත් පාලන ඇමැතිවරයා මෙම කාර්යයේදී නම්‍යශීලී ලෙස කටයුතු කර ඇතැයිද පෙන්වා දුන් ඒ මහතා ඒ පිළිබඳව සිය පක්ෂයට ඇගැයීමක් තිබෙන අතර පළාත් පාලන ඇමැතිවරයාට ස්තුතිවන්ත වන බවද කීය.
සිය පක්ෂය පළාත් පාලන මැතිවරණය පැවැත්වීම පිළිබඳව නිශ්චිත සැලැස්මක හිඳිමින් ප්‍රබල අඛණ්ඩ මෙහෙයුමක් දියත් කළ බවද පෙන්වා දුන් ජවිපෙ නායකයා ජනතාවගේ ඡන්ද අයිතිය තහවුරු කිරීමටත්, මැතිවරණයේදී ජනතා නියෝජනය සාධාරණ ලෙස ප්‍රකාශ වීමේ අයිතිය වෙනුවෙනුත් අඛණ්ඩ අරගලයක නිරත වන බවද කීය.
ඒ වෙනුවෙන් රටේ ජනතාවට ජවිපෙ පිළිබඳව ඇගැයීමක් තිබිය යුතු යැයි සිය පක්ෂය විශ්වාස කරන්නේ යැයිද පැවැසූ ඒ මහතා ඒ අනුව පළාත් පාලන මැතිවරණය සඳහා මේ වන විට මූලික සංවිධාන කටයුතු ආරම්භ කර ඇතැයිද කීය.
සමානුපාතිකව සාධාරණ නියෝජනයක් සහිත, මනාප ඡන්ද ක්‍රමය නැතිවෙන, කොට්ඨාසයට මන්ත්‍රීවරයෙක් ලැබෙන, කාන්තා නියෝජනය ශක්තිමත් වෙන, පැවැති ඡන්ද ක්‍රමය හා සංසන්දනය කර බැලූ විට වඩාත් ප්‍රජාතන්ත්‍රවාදී ගුණාංගවලින් සමන්විත මුළු රටේම පැවැත්වෙන ඡන්දයක් ලබා ගැනීමට හැකිවීම ජනතා ජයග්‍රහණයක් යැයිද ඒ මහතා කීය.
ප්‍රබල දේශපාලන ව්‍යාපාරයක් ලෙසට ජනතා විමුක්ති පෙරමුණ, මෙම පළාත් සභා ඡන්දය වඩාත් හොඳ සාධාරණ ඡන්ද පැවැත්වීම සම්බන්ධයෙන් ගන්නා ලද සැලසුම් සහගත ප්‍රයත්නයන් සාර්ථක වී තිබෙන බවද සඳහන් කළ ඒ මහතා සැලසුම් සහගත බිමක සැලසුම් සහගතව ඉත්තන් ස්ථානගත කරමින් මෙම ගමන ආ බවද ඒ මහතා පැවැසීය.
 
පද්මිණී මාතරගේ

පසුගිය සිකුරාදා(06) හම්බන්තොට මහේස්ත්‍රාත්වරයා දෙන ලද අධිකරණ නියෝගය නොතකා උද්ඝෝෂණ සිදු කිරීම හේතුවෙන් පාර්ලිමේන්තු මන්ත්‍රීවරුන් වන නාමල් රාජපක්ෂ, ඩී.වී.චානක, ප්‍රසන්න රණවීර ඇතුළු උපාලි කොඩිකාර, සම්පත් අතුකෝරාල, අජිත් ප්‍රසන්න යන අය අද සවස හම්බන්තොට පොලිස් ස්ථානයට පැමිණි අවස්ථාවේ අත්අඩංගුවට පත්ව ඇත.

ඒ අනුව ඔවුන් හම්බන්තොට මහේස්ත්‍රාත්වරයා හමුවට ඉදිරිපත් කීරීම නියමිතය.

චන්ද්‍රසේන ගමගේ

ශ්‍රී ලංකාව හා පාකිස්ථානය අතර දෙවන ටෙස්ට් ක්‍රිකට් තරඟය ලකුණු 68කින් ජය ගැනිමට ශ්‍රී ලංකා ක්‍රිකට් කණ්ඩායම සමත්ව තිබේ.

ඒ අනුව තරඟ දෙකකින් යුත් මෙම ටෙස්ට් ක්‍රිකට් තරඟාවලිය 2-0 ලෙස ශ්‍රී ලංකාවට ජය හිමිව තිබේ.

ශ්‍රී ලංකා කණ්ඩායම පලමු ඉනිම සඳහා ලකුණු 482ක් ලැබූ අතර එයට පිළිතුරු ලෙස පාකිස්තානු කණ්ඩායමට ලබා ගත හැකි වූයේ ලකුණු 262ක් පමණි.

දෙවන ඉනිමේදී ශ්‍රී ලංකා කණ්ඩායම ලකුණු 96ක් හිමි කර ගත් අතර ලකුණු 317ක ජයක්ග්‍රාහි ඉලක්කයක් හඹා ගිය පාකිස්තාන කණ්ඩායමට සියළු දෙනා දැවී ලබා ගත හැකි වූයේ ලකුණු 248ක් පමණි.

පාකිස්තාන ක්‍රීඩක අසාත් සාෆික් ලකුණු112ක් රැස්කළ අතර ශ්‍රී ලංකා කණ්ඩායමේ ඩිල්රුවන් පෙරේරා කඩුළු 5ක් දවා ගැනීමට සමත් විය.

තරඟයේ වීරයා බවට පත් වූයේ දිමුත් කරුණාරත්නය.

ඉතිහාසයේ ප්‍රථම වරට ඝන අපද්‍රව්‍ය  කළමනාකරණ අධ්‍යයන චාරිකාවක් සඳහා ඌවේ පළාත් පාලන ආයතන වල සේවය කරන කම්කරුවන් ඇතුලු සේවකයන් පිරිසක් තායිලන්තය බලා  යවන බව  ඌව ප්‍රධාන ඇමති චාමර සම්පත් දසනායක මහතා අද (10) පැවැති මාධ්‍ය හමුවකදී පැවසිය.

ඌව පළාත්සභා ප්‍රධාන අමාත්‍ය කාර්යාලයේදී පැවැති මෙම මාධ්‍ය හමුව ඇමතු ඌව පළාත් සෞඛ්‍ය හා පළාත් පාලන අමාත්‍යාංශයේ ලේකම් සන්ධ්‍යා අඹන්වල මහහත්මිය මෙහිදි ප්‍රකාශ කළේ මේ පිරිසට මෙම ආයතන වල සේවය කරන සෞඛ්‍ය  හා කේෂත්‍ර කම්කරුවන් 21 දෙනෙක් හා කසළ රථ රියදුරු , ඇතුලත්වන අතර ඔවුන් මෙහෙයවීම සඳහා ක්‍ෂේත්‍ර පරිපාලන හා මහජන සෞඛ්‍ය පරීක්ෂකවරු කීපදෙනක් මෙම චාරිකාවට සහබාගී වන බව බවයි .

ප්‍රධාන ඇමතිවරයාගේ උපදෙස් මත ප්‍රථම වරට  සනීපාරක්ෂක කම්කරුවන්  හා ඒ ක්‍ෂේත්‍රයට අදාල සේවකයන් මේ චාරිකාවට සහබාගිකරවීමට තීරණය කළ බවත් ඒ  සඳහා සුදුස්සන් තෝරාගැනීමට ඌවේ පළාත් පාලන ආයතන 28 ක් අතර නොබෝදා පැවැත්වු  ඝන අපද්‍රව්‍ය කලමනාකාරණ තරගයේ ජයග්‍රහණ  පාදක කරගත් බවත් එ් මහත්මිය වැඩිදුරටත් පැවසිය.

මෙම තරගයේදී ප්‍රථම ස්ථානය  හපුතලේ මහ නගර සභාව විසින් දිනාගෙන ඇති අතර දෙවන ස්ථානය මොණරාගල ප්‍රාදේශීය  සභාවටද, තෙවන ස්ථානය බදුල්ල මහ නගර සභාවටද හිමිවී ඇත  .

තෝරාගත් පිරිස සඳහා  මහා භාණ්ඩගාර අනුමැතිය ලැබී  ඇති බවත් ළඟදිම ඔවුන් මේ සඳහා පිටත්ව යන අතර තායිලන්තයේ මහිඩෝල් විශ්ව විද්‍යාලයේ දි මේ අධ්‍යයන අවස්ථාව සැලසෙන බවත් ඒ  මහත්මිය වැඩි දුරටත් සඳහන් කළාය .

මෙතෙක් කල් මෙම අධ්‍යයන චාරිකා සඳහා විදෙස් ගතවුයේ දේශපාලඥයන් හා නිලධාරින් වූ නමුත්  තමාගේ උපදෙස් මත මෙවර ඒ සඳහා සුදුසුම පුද්ගලයන්  සහබාගී කරවීම තමා තීරණය කළ බව ප්‍රධාන ඇමතිවරයා මෙහිදී පැවසීය .

සුලක්ෂ පියතිස්ස බදුල්ල

 

තායිවානයේ ෆා ඊස්ටන් ඉන්ටර්නැෂනල් බැංකුවේ පරිගණක ජාලයට අනවසර‍යෙන් ඇතුළු වී සිදුකරන ලදැයි කියන ඩොලර් මිලියන ගණනක වංචාව සම්බන්ධයෙන් තම සමාගමේ සභාපති ශලීල මුණසිංහ මහතාට චෝදනා එල්ල වී ඇතත් ඊට ලිට්රෝ ගෑස් ලංකා සමාගමේ කිසිදු සම්බන්ධයක් නොමැති බව එහි විද්‍යුත් මාධ්‍ය හා ව්‍යාපාර සංවර්ධන කළමනාකරු නිවේදනයක් මඟින් දන්වා ඇත.

එස්.ටී.පී සිල්වා

බැඳුම්කර සිද්ධිය සම්බන්ධයෙන් සාක්ෂි සටහන්කර ගැනීම පිණිස රාජ්‍ය ව්‍යවසාය සංවර්ධන ඇමැති කබීර් හෂීම්  සහ ක්‍රමෝපාය සහ ජාත්‍යන්තර වෙළඳ ඇමැති මලික් සමරවික්‍රම යන මහත්වරුන්ට අද (10) බැඳුම්කර කොමිසම හමුවේ පෙනී සිටින ලෙස නොතීසි නිකුත් කර  ඇත.

 

 

IMAGE

බත් පත බෙදාගන්නට මට සිටියේ ඔබ පමණි

IMAGE 2017 Oct 19 20:52
මිනිසත් බව ලැබිමට තමන් රැස් කළ කුසල් හේතුවන බව බෞද්ධ ඉගැන්වීමේ සඳහන් වේ. ආත්ම ගණනක්...
Views - 1600

සිසුවියන් තිදෙනෙකුගේ මුහුණු වලට ලිංගික 'ස්ප්‍රේ' විදලා

IMAGE 2017 Oct 19 10:56
දඹුල්ල ප්‍රදේශයේ පාසලක අටවන ශ්‍රේණියේ ඉගෙනුම ලබන සිසුවියන් තිදෙනෙකුගේ මුහුණු වලට එම...
Views - 2683

සරණාගත කඳවුරු වල කතුන් ලිංගික අතවර වලට

IMAGE 2017 Oct 18 13:35
ආපදා තත්වයන් යටතේ අවතැන්වන කාන්තාවන් හා ගැහැණු දරුවන්ට අනාරක්ෂිතම ස්ථානයක් වන්නේ සරණාගත...
Views - 1904

මගේ පෙම්වතිය රඟපාන්න කැමති නෑ - සජිත අනුත්තර

IMAGE 2017 Oct 17 12:52
ඔබට නළුකමට එන්නට පියා ලොකු ආලෝකයක් වුණා අනිවාර්යයෙන්ම ඔව්. ගෙදර කලා පසුබිමක් ඇති වන්නට මුල්...
Views - 1672

ලංකාවේ පළමු මෝටර් සයිකල් ලයිසන්කාරිය විමල නයනා

IMAGE 2017 Oct 17 00:21
ඇමෙරිකානුවෙක වූ නීල් ආම්ස්ටේ‍රා්න් සඳ තරණය කළ දා මුළු ලොවම ඒ සඳට ගිය මිනිසා ගැන කතා කරමින්...
Views - 2162

රවීන් දැක්කාම “බුදු අම්මෝ” කියලා ඔළුවේ අත ගහ ගත්තා

IMAGE 2017 Oct 15 18:43
හිමාලි සයුරංගි කියන ඔබ “සතුට” හා “දුක” කියන අත්දැකීම් දෙකට මුහුණ දෙන්නේ මොන විදියටද? ...
Views - 3363

Please publish modules in offcanvas position.