Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

සයිටම් ආයතනය අහෝසි කරන ලෙස ඉල්ලා වෛද්‍ය පීඨ ශිෂ්‍ය දෙමාපිය සංගමය කොළඹ දන්ත වෛද්‍යායතන පරිශ්‍රයේදී මාරාන්තික උපවාසය ආරම්භ කළ බව එම සංගමයේ මාධ්‍ය ප්‍රකාශක වෛද්‍ය නිමල් කරුණාසිරි මහතා සඳහන් කළේය.
කොළඹ ජාතික රෝහල් පරිශ්‍රයේ සිට දහසකට ආසන්න දෙමාපියන් සහ වෛද්‍ය ශිෂ්‍යයන් පාගමනින් දන්තායතන පරිශ්‍රයට පැමිණ මාරාන්තික උපවාසය ඊයේ සවස ආරම්භ කළ බව හෙතෙම පැවැසීය.
දෙමාපිය සංගමයේ පියවරුන් 5 දෙනකු මෙම උපවාසය සඳහා සහභාගි වන බවත් ඔවුන් ඝණ ආහාර ගැනීම ඊයේ සවස සිට නතර කර ඇති අතර රජයෙන් යහපත් ප්‍රතිචාරයක් නොලැබෙන්නේ නම් දියරමය පානයන්ද නතර කිරීමට කටයුතු කරන බව හෙතෙම පැවැසීය.
කෙසේ නමුත් ජනාධිපතිවරයා සාකච්ඡාවක් සඳහා තම සංගමයට ලිඛිත කිසිදු දැනුම්දීමක් කර නොමැති අතර එසේ ලිඛිත දැනුම්දීමක් කරන්නේ නම් සාකච්ඡාවට සහභාගි වන බවද වෛද්‍ය කරුණාසිරි මහතා සඳහන් කළේය.
සයිටම් අහෝසි කිරීමකින් තොරව විසඳුමක් තම සංගමය කිසිවිටෙකත් බලා‍පොරොත්තු නොවන බවද හෙතෙම පැවැසීය.
මෙම මාරාන්තික උපවාසය සඳහා ගම්පහ දිස්ත්‍රික්කය නියෝජනය කරමින් පියවරුන් දෙදෙනකුද රත්නපුර දිස්ත්‍රික්කය නියෝජනය කරමින් දෙදෙනකු හා මාතර දිස්ත්‍රික්කය නියෝජනය කරමින් එක් පියෙක්ද සහභාගි වනු ඇත.
මෙම උපවාසය සඳහා තවත් දෙමාපියන් 28 දෙනෙකුගෙන් යුත් කණ්ඩායමක්ද සහභාගි වීම සඳහා සූදානමින් සිටින බවද වෛද්‍ය කරුණාසිරි මහතා පැවැසීය.

ශ්‍රියානි විජේසිංහ

ලබන 08 වෙනිදා මධ්‍යම රාත්‍රීයේ සිට වැඩ වර්ජනයක් දියත් කිරීමට දුම්රිය රියදුරන් නියාමකවරුන්, දුම්රිය ස්ථානාධිපතිවරුන් සහ දුම්රිය පාලකවරුන්ගෙන් සැදුම්ලත් වෘත්තීය සමිති එකමුතුව කටයුතු යොදා ඇත.
ඒ සම්බන්ධයෙන් ඔවුන් පවසනුයේ දුම්රිය සේවයේ ශ්‍රේණි කිහිපයක පවත්නා වැටුප් විෂමතා ගැටළුව විසඳීමට රජය අපොසත් වීම මත මෙම තීරණයට එළැඹි බවයි.
මෙම ගැටළුව සඳහා සතිදෙකක කාලයක් තුළ මෙම විසදුම් දීමට අග්‍රාමාත්‍යවරයා තම වෘත්තීය සමිති එකතුවට පොරොන්දු වූ මුත් එය ඉටුනොවීම මෙම වර්ජනයට මුල්වූ බව දුම්රිය රියදුරු සංගමයේ ලේකම් ඉන්දික දොඩම්ගොඩ මහතා කියයි.

එහෙත් ඒ සම්බන්ධයෙන්  දුම්රිය මඟීන් පවසනුයේ  පසුගිය දිනක දුම්රිය රියදුරන් හදිසියේ සේවය අතහැරයාමේන් දහස් ගණන් දුම්රිය මඟීන් මහමඟ අතරමං කිරීම මත දුම්රිය මඟීන් දැඩිකළකිරීමකින් පසුවන පසුබිමක නැවතත් එවැනි වෘත්තීය සමිති ක්‍රීයාමාර්ග වලට එළඹීමට පෙර මහජනතාවගේ ගමන් පහසුව පිළිබඳ නැවත සිතාබැලීම දුම්රිය වෘත්තීය සමිතිවල සමාජිකයන්ගේ යුතුකමක් හා වගකීමක් බවය.

එස්.ටි.පි.සිල්වා

මම වරදක් කළා තමයි; නමුත් ඒක සමථ මණ්ඩලයෙන් විසඳගන්න තිබුණු නඩුවක්. නමුත් මාව පොලිස් අත්අඩංගුවට අරන් අධිකරණයට ඉදිරිපත් කරලා; ඊට පස්සේ මහාධිකරණයට දාලා; මාව වැරදි කාරයෙක් කරලා; මට දඩ ගැහුවා. ඒ නිසා මම මට ඡන්දෙ දුන්න ජනතාවට ආචාර කරලා බොහොම ගෞරවනීය විදිහට පළාත් සභා මන්ත්‍රී ධූරයෙන් ඉල්ලා අස්වුණා.

ආනමඩුව නව ශ්‍රීලනිප සංවිධායක ආනන්ද සරත් කුමාර මහතා මේ බව ප්‍රකාශ කළේ ඔහු පිළිගැනීම සඳහා සංවිධානය කර තිබූ රැස්වීමකට සහභාගීවෙමිනි.

පාසල් විනය සම්බන්ධ පියවරක් ලෙස තම දියණියගේ කොට ගවුමේ වටිය ලෙහා දැමීමට කටයුතු කළ  ආනමඩුව නවෝද්‍යා විද්‍යාලයේ සුසිලා ගමගේ නම් ගුරුවරියක පාසල් වේලාව තුළ ප්‍රසිද්ධියේ දණගස්වා තැබීම හේතුවෙන් පුත්තලම මහාධිකරණයෙන් වරදකරු බවට පත් ඒ මහතා මෙසේද කීය.

මේ සංවිධායක තනතුර භාර අරගෙන මම සති දෙකක් බලාගෙන හිටියා. ඕන කෙනෙකුට මඩ ගහන්න ඉඩ දීලා. නමුත් මේ අය තවත් මට එළව එළවා පහරදෙනවා. මගෙන් යම් වැරද්දක් වුණා; මම දඬුවම් වින්දා දැන් ඒක ඉවරයි. නමුත් ඊට පස්සේ ඒ ගුරුවරිය කියලා නෑ අඩුම තරමින් මං රවලා බැලුවවත් කියලා. මම ආනමඩුව සංවිධායක ධූරය ඉල්ලලා සිටියේ බණ්ඩාරනායක මැතිණියගේ කාලෙ ඉදලා. නමුත් මම අදටත් පණ ව‍ගේ ආදරය කරන මහින්ද රාජපක්ෂ මහත්තයවත් මට මේක දුන්නේ නෑ. නමුත් පහුගිය මැතිවරණෙදි මහින්ද මහත්තයාගේ වේදිකා වල මෛත්‍රීපාල සිරිසේන මහත්තයාට මම බැණපු විදිහට මම කවදාවත් හිතුවේ නෑ එතුමා මට මේ සංවිධායක කම දෙයි කියලා.

නමුත් මෙම පත්වීම සම්බන්ධයෙන් අදහස් දැක්වූ ලංකා ගුරු සංගමයේ සභාපති ජෝශප් ස්ටාලින් මහතා පවසන්නේ දරුවෙකු සම්බන්ධ විනය ක්‍රියාමාර්ග ගැනීම හේතුවෙන් පාසල් වේලාව තුළ සිසු දරුවන් ඉදිරියේ ගුරුවරියක දණ ගැස්වූ පුද්ගලයෙකු මේ රටේ උත්තරීත්තර ආයතනයට යැවීමට කටයුතු සැලසීම සමස්ත ගුරු සංහතියටත්, අධ්‍යාපන ක්‍ෂේත්‍රයටත්, රටේ මූලික සදාචාර ධර්ම වලටත් ඉඳුරාම පටහැනි බවය.

එමෙන්ම මෙම නොමනා පත්වීම සම්බන්ධයෙන් ඉදිරි කාලයේ දී මෙරට ගුරුවරුන්, විදුහල්පතිවරුන් ඇතුළු සමස්ත අධ්‍යාපන ක්‍ෂේත්‍රයම පෙළගස්වන බවට ඔහු පැවසීය.

මෙම පිළිගැනීමේ උත්සවය සඳහා ක්‍රීඩා අමාත්‍ය දයාසිරි ජයසේකර, හිටපු කැබිනට් අමාත්‍ය මිල්රෝයි ප්‍රනාන්දු සහ නියෝජ්‍ය අමාත්‍ය වික්ටර් ඇන්තනී යන මහත්වරු ඇතුළු පිරිසක් සහභාගී වූහ.

ඒ.ජී.රේණුකා

 

 

කොළඹ - පුත්තලම ප්‍රධාන මාර්ගයේ මදුරන්කුලිය දහය කණුව අද්දර දී සිදුවූ බස් රථ අනතුරකින් පස් දෙනෙකු මිය ගොස් තවත් හතලිස් හතර දෙනෙකු තුවාල ලබා ඇතැයි වාර්තා වෙයි.

කොළඹ සිට යාපනය දක්වා ධාවනය වූ ශීඝ්‍රගාමී බස් රථයක් අනාරක්ෂිත ලෙස ත්‍රිරෝද රථයක් පසුකිරීමට යාමේ දී පා‍ලම් ගැට්ටක වැදී පෙරළීමෙන් මෙම අනතුර සිදුව තිබේ.

තුවාලකරුවන් පුත්තලම සහ හලාවත රෝහල් වල ප්‍රතිකාර ලබමින් සිටින අතර පොලිසිය වැඩිදුර පරීක්ෂණ මෙහෙයවයි.


ඒ.ජී.රේණුකා

මේ වන විට උද්ගතව පවත්නා පෙට්ට්‍රල් හිඟය නිසා දිවයිනේ බොහෝ ප්‍රදේශවල ඉන්ධන පිරවුම් හල් අවට දිගු වාහන පොලිම් දක්නට ඇතැයි ද මේ වන විට බෙහෝ නගරබද ප්‍රදේශයන්හි ත්‍රිරෝද රථ ධාවනය අඩාල වෙමින් පවතින බවත්ද වාර්තා වෙයි.

අද පෙරවරුවේ නගර බද ත්‍රිරෝද රථ ගාල්වල දක්නට තිබූ ත්‍රීරෝද රථ සංඛ්‍යාව මේ වන විට සියයට 20-30ක් දක්වා අඩු වී ඇති අතර මෙම පෙට්ට්‍රල් හිඟය දිගටම පැවතුණහොත් හෙට පෙරවරුව වන විට මෙරට ත්‍රිරෝද රථ ධාවනය මුළුමනින්ම පහේ බිඳ වැටෙනු ඇතැයි අනුමාන කෙරේ.

මෙරට පොදු මගී ප්‍රවාහන සේවාවෙත් සීයයට හයකට ආසන්න ප්‍රමාණයක් ත්‍රිරෝද රථ මගින් සපුරාලන අතර මෙම ඉන්ධන හිඟය බස් සේවාවට බලපෑමක් සිදු කොට නොමැති බවද වාර්තා වේ.





දමයන්ති ගමගේ

ඡායාරූප - තුෂාර අතපත්තු

ඇමරිකාවේ ටෙක්සාස් හි සදර්ලන්ඩ් ස්ප්‍රීග් බැප්ටික්ස් දේවාස්ථානයකට එහි වේලාවෙන් ඊයේ (05) ඉරිදා පෙරවරු 11.30ට එල්ලවූ ත්‍රස්ත ප්‍රහාරයකින් විසිහත්දෙනෙකු මිය ගිය අතර එම තුවක්කුකරුද වෙඩි ප්‍රහාරයකින් මිය ගොස් තිබිණ.

දේවස්ථානයේ දේව මෙහෙය සිදුවෙමින් පවතින අතර එයට කඩා වැදුණු තුවක්කුකරු මෙම වෙඩි තැබීම සිදු කර ඇති අතර පනස් දෙනෙකු පමණ සහභාගී වී සිටි මේ දේව මෙහෙයෙන් තවත් විස්සක් පමණ තුවාල ලබා ඇතැයි පැවසේ.

මිය ගියවුන් අතර කුඩා දරුවන් ද සිටින බව වාර්තා වේ. මෙම වෙඩි තැබීමත් සමඟ අපරාධකරු ලුහුබඳ ගිය පොලීසිය ඔහුට වෙඩි තබන ලද්දේද එසේ නැත හොත් පොලිසිය ලුහු බඳින අවස්ථාවේදී ඔහුම වෙඩි තබා ගන්නා ලද්දේ ද යන්න පිළිබඳව මේ දක්වා තහවුරු වී නැත.

මෙම වෙඩි තැබීම සඳහා එක් පුද්ගලයකු සහභාගී වූ මුත් ඔහු තවත් කණ්ඩායමක් සමඟ පැමිණ තිබේද යන්න තව දුරටත් විමර්ශනය කරන බව පොලිස් ප්‍රකාශකයෙකු මාධ්‍යයට පවසා ඇත.


2015  වසරේ දෙසැම්බර් මස දෙමටගොඩ ප්‍රදේශයේදී සිය ඩිෆෙන්ඩර් රථය යොදා ගනිමින් තරුණයෙකු පැහැරගෙන යාම සම්බන්ධයෙන් පාර්ලිමේන්තු මන්ත්‍රී හිරුනිකා ප්‍රේමචන්ද්‍ර මහත්මිය ඇතුළු සැකකරුවන් අට දෙනෙකුට එරෙහිව කොළඹ මහාධිකරණයේ පැවැති නඩු විභාගයේදී ප්‍රේමචන්ද්‍ර මහත්මිය හැර සෙසු විත්තිකරුවන් අටදෙනා වරද පිළිගෙන ඇත.  

මෙම නඩුව 2016 වසරේ සැප්තැම්බර් 26දා සිට කොළඹ මහාධිකරණයෙදී විභාග කරන ලදී.

මෙවැනි පැහැරගෙන යාමේ සිද්ධීන් හරහා වත්මන් රජයේ කීර්තිනාමයට හානියක් සිදුවනවා නොවේ දැයි මුලික මහේස්ත්‍රාත් නඩු විභාගය අවසන් වීමෙන් පසුව හිරනිකා ප්‍රේමචන්ද්‍ර මහත්මියගෙන් මාධ්‍යවේදියෙකු කළ විමසීමකදී ඇය කියා සිටියේ මෙම චෝදනා තමන්ට මිස ආණ්ඩුවට එල්ල වූ චෝදනා නොවන බැවින් ඉන් ආණ්ඩුවට බලපෑමක් සිදු නොවන බවයි.

පසුගිය කාලයේ මහත් ආන්දෝලනයට ලක් වූ දිවුලපිටිය ප්‍රදේශයේ මහාපරිමාණ අනවසර පස් කැපීම් සහ වැලි ගොඩදැමීම් නැවතත් පෙර පරිදිම ආරම්භවීමේ බරපතල අවදානමක් ඇතැයි පසුගිය දා එහි සංචාරය කළ ලක්බිම ඔන්ලයින් මාධ්‍යවේදී කණ්ඩායමට එම ප්‍රදේශවාසීහු ප්‍රකාශ කළහ.

දිවුලපිටිය ආසනයේ හොරකඳවිල දෙමටවත්ත, වරාදල රඹුටන්වත්ත, බෝලගල හල්පෙවිල, ආදී ප්‍රදේශ මෙහිදී ලක්බිම ඔන්ලයින් නිරීක්ෂණයට ලක් වූ අතර එම ප්‍ර‍දේශවාසීන් අප හා පවසා සිටියේ මෙම බිහිසුණු පරිසර සංහාරයන්ට එරෙහිව ප්‍රසිද්ධියේ හඬ නැගූ නියෝජ්‍ය අමාත්‍ය රන්ජන් රාමනායක මහතා දිවුලපිටිය එක්සත් ජාතික පක්ෂ සංවිධායක ධුරයෙන් ඉවත් කිරීමත් සමඟ එක්සත් ජාතික පක්ෂය සහ ඒකාබද්ධ විපක්ෂයේ දේශපාලඥයන් එක්ව යළි මෙම බිහිසුණු පරිසර සංහාරයට මුල පුරා ඇති බවය.

මෙහිදී ඒ සම්බන්ධයෙන් වගකිව යුතු අංශවල ඇස් වසා හෝ ඔවුන් රැවටීමට ලක් කොට බියවද්දා එසේත් නැතහොත් අල්ලස් ආදිය ලබා දෙමින් මෙම කාර්යයට මුලපුරන ජාවාරම්කරුවන් මෙහිදී සංවර්ධනය යන වචනය අවභාවිතා කරමින් මෙම පරිසර සංහාර වලින් රුපියල් බිලියන, මිලියන ගණන් උපයන බවද අප හා කීය.

එමෙන්ම මෙම පරිසර සංහාරයේ යෙදෙන ඇතැම් එජාප සහ ඒකාබද්ධ විපක්ෂ දේශපාලඥයන් අතර ඥාති සම්බන්ධයක් සහ දැඩි මිත්‍රශීලී බවක් ඇතැයි පවසන ප්‍රදේශවාසීහු ඔවුන් මහජනතාව හමුවේ එම තත්ත්වය වසන්කිරීමට උත්සාහ කරන බවද කියා සිටියහ.

මේ අතර මොවුන් වැඩිදුරටත් පෙන්වා දෙන්නේ එම ජාවාරම් කරුවන් මෙවර එජාපෙන් සහ ඒකාබද්ධ විපක්ෂයෙන් නාම යෝජනා ලැබීමට පවා සූදානමින් සිටින බවය.







සටහන සහ ඡායාරූප - එස්.ටී.පී සිල්වා

කුසගින්න නිසා පාසලේ දී වමනය යාම ගැබ් ගැනීමක් ලෙස සලකා විදුහල්පතිනිය විසින් ඉවත්කරනු ලැබූ කැකිරාවේ පාසල් දැරියට උතුරුමැද පළාතේ ප්‍රමුඛතම විද්‍යාලයක් වන අනුරාධපුර මධ්‍යමහා විද්‍යාලයේ අධ්‍යාපන පහසුකම් සැලසීමටත් මසකට රුපියල් 3000/- බැගින් වූ ශිෂ්‍යාධාරයක් ලබා දීමටත් අධ්‍යාපන ඇමති අකිල විරාජ් කාරියවසම් මහතා තීරණය කොට තිබේ.

ඇමතිවරයා මේ බව ප්‍රකාශකරන ලද්දේ පසුගිය දා එම දැරියගේ නිවසට ගොස් ඇයට අවශ්‍ය අධ්‍යාපන උපකරණ, ඇඳුම් පැළදුම් සේම මූල්‍යාධාරද සැපයූ 'සම අයිතිය සඳහා නීතිඥයෝ' සංවිධානයේ සභාපති නීතිඥ අරවින්ද වන්නිආරච්චි මහතා කළ විමසුමකට පිළිතුරු දෙමිනි.

එස්.ටී.පී සිල්වා

 

ලග්ගල, තෙල්ගමුව ඔයේ දිය නාමින් සිටිය දී හදිසියේ දිය පහරකට හසුව දියේ ගිලී මියගියවුන් අටදෙනාගේම සිරුරු මේ වන විට හමුවී තිබේ. අවසන් මළ සිරුරු දෙක අද (06) පෙරවරුවේ හමුවූ අතර  ඒ ඔවුන් දිය නෑ ස්ථානයට පහළ ගල් කුළු අතර රැඳී තිබියදීය. මෙසේ සිරුරු සොයා ගන්නා ලද මියගිය පුද්ගලයන් මෙසේය.

ආර්.එම්. කින්ස්ලි රත්නායක (42)

එම්. චන්ද්‍රකාන්ති (59) ‍‍

යූ.ඩී.රවීන්ද්‍ර ලසන්ත උඩුවරගේ (38)

ජේ.ඒ. රුවනි දිල්රුක්ෂි (30)

යූ.ඩී.වී. වගීෂා උඩුවරගේ (12)

ආර්.එම්.විනුකි මන්දිනා රත්නායක (12)

යූ.ඩී.විමාෂි උඩුවරගේ (07)

හිරුණි දින්හාරා (04)‍

ලෝක බෞද්ධ සභාවක් පිහිටුවීම හා ජාත්‍යන්තර බෞද්ධ දිනයක් ප්‍රකාශයට පත්කරලීම වෙනුවෙන් සත්වැනි බෞද්ධ සමුළුවේදී යෝජනා ඉදිරිපත් කෙරුණු බව එම සමුළුවේ තීන්දු තීරණ හා යෝජනා රැසක් කොළඹ ප්‍රකාශනය ඉදිරිපත් කරමින්, සමුළු මහ‍ලේකම් පූජ්‍ය වේරගොඩ සාරද මහනායක හිමියෝ ඊයේ (5) සඳහන් කළේය.
අරලියගහ මන්දිරයේදී ඊයේ (5) පැවැති සත්වැනි බෞද්ධ සමුළුවේ සමාප්ති උළෙලට එක්වෙමින් සාරද හිමියෝ මෙලෙස කොළඹ ප්‍රකාශනය ඉදිරිපත් කළහ.
සෑම වසරකම අප්‍රේල් 8 වැනි දින ලෝක බෞද්ධ දිනය වෙනුවෙන් නම්කර එය ලොව පුරා ප්‍රචලිත කරලීමට මෙහිදී විශේෂයෙන් කරුණු අවධාරණය කෙරුණු බවද සාරද හිමියෝ පැවැසූහ.
ඈත අතීතයේ ලොව ඉහළම බෞද්ධ අධ්‍යාපනික ආයතනයක්ව පැවැති නාලන්දා විහාරය යළි ජපානයේදී අලුතින් ගොඩනැංවීමටද කටයුතු යොදා ඇති බව සාරද හිමියේ මෙහිදී ප්‍රකාශ කළහ. 
එය නව බෞද්ධ අධ්‍යාපන ආයතනයක් ලෙස ලබන වසරේ ජපානයේදී යළි පිහිටුවන බවද සාරද හිමියෝ ප්‍රකාශ කළහ.
සත්තපන්ති ගුහා ශ්‍රවණාගාරයද යළි ජපානයේ ගොඩනැංවීමටද කටයුතු යොදා ඇති බව කොළඹ ප්‍රකාශනය ඉදිරිපත් කරමින් සාරද හිමියෝ සඳහන් කළහ.
මීළඟ බෞද්ධ සමුළුව ජපානයේ කතෝ නගරයේ පැවැත්වීමට කටයුතු යොදා ඇති බවද උන්වහන්සේ පැවැසූහ.
එකමුතුකම වැඩිදියුණු කර ඒ මගින් ලොව පුරා ධර්ම ප්‍රචාර කටයුතු දියත් කිරීමටත්, ධර්මය තුළින් සාමය ගොඩනැගීමටත් මෙහිදී කටයුතු යොදන බව සාරද හිමියෝ පැවැසූහ.
 
පැතුම් වික්‍රමරත්න
IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 3128

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 2972

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 6022

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 3595

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2187

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3003

Please publish modules in offcanvas position.

Web Analytics