Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

මහබැංකු බැඳුම්කර ගනුදෙනුව සෙවීම සඳහා පත් කළ ජනාධිපති විමර්ශන කොමිසමේ වාර්තාව ජනාධිපති මෛත්‍රීපාල සිරිසේනට භාර දෙන බව එම කොමිසමේ ‍ලේකම් සුමතිපාල උඩුගමසූරිය ප්‍රකාශ කළේය.
මෙම වාර්තාව ජනාධිපතිවරයා අතට පත්වීමත් සමග ඊට අදාළ නිලධාරීන්ට සහ දේශපාලනඥයන්ට එරෙහිව නීතිය ක්‍රියාවට නැංවීමට ජනාධිපතිවරයා කඩිනමින් පියවර ගැනීමට නියමිතය.  මහබැංකු බැඳුම්කර ගනුදෙනුව පිළිබඳ සොයා බැලීම සඳහා ජනාධිපති මෛත්‍රීපාල සිරිසේන විසින් මේ වසරේ ජනවාරි 27 වෙනි දින මෙම කොමිසම පත් කරනු ලැබිය. එම කොමිසම මාස තුනක් සඳහා පත් කළ අතර එහි කාලය අප්‍රේල් 27දා අවසන් විය. නමුත් තවදුරටත් සාක්ෂි විමසීම සඳහා එම කොමිසමේ කාලය තවත් මාස 03කින් දීර්ඝ කිරීමට ජනාධිපතිවරයා පියවර ගත්තේය. එය ද ඉකුත් 08දා අවසන් වීමට තිබූ අතර එහි කාලය නැවත දෙසැම්බර් 31වෙනිදා දක්වා දීර්ඝ කිරීමට ජනාධිපති මෛත්‍රීපාල සිරිසේන විසින් කටයුතු කළේය.
ඒ අනුව සියලු සාක්ෂි කැඳවා සටහන් කිරීමෙන් අනතුරුව එහි වාර්තාව සකස් කිරීම ආරම්භ කළ බවත් මුද්‍රණ දෝෂ පැවැතිය ද වාර්තාව ලබන (31) භාර දෙන බව උඩුගමසූරිය පැවැසීය. රටේ අනාගතය වෙනුවෙන් පිරිසිදු දේශපාලනයක් බිහිකිරීමට තමා ගෙන යන වැඩපිළිවෙළ තුළ තමාගේ කඩුවට කවුරුන් වුවත් කැපී යාහැකි බව ජනාධිපති මෛත්‍රීපාල සිරිසේන ඉකුත් සතියේ ප්‍රතිඥාවක් දී තිබිණි.

කමණි හෙට්ටිආරච්චි

අනුරාධපුර තන්තිරිමලේ ප්‍රදේශයේදී  අද (29) අළුයම සිදුකළ  විශේෂ වැටලීමකදී  ඇතුදළ යුවලක් සමග පුද්ගලයන් තිදෙනෙක් අත්අඩංගුවට ගැනීමට පොලීසිය සමත්ව තිබේ. අත්අඩංගුවට ගත් ඇත්දළ දිගින් අඩි 4යි අගල් 4ක් සහ අගල්3ක් වන අතර අගල් 14ක වට ප්‍රමාණයකින් යුතුබව පොලිසිය කියයි.

අනුරාධපුර කොට්ඨාශය භාර පොලිස් අධිකාරීවරයාට ලැබුණු  තොරතුරක් මත අත්අඩංගුවට ගැනුණු මෙම පුද්ගලයන් මන්නාරම සිලාවතුර ප්‍රදේශයේ පදිංචිකරුවන් වන අතර ඔවුන් හෙට (30) අනුරාධපුර මහේස්ත්‍රාත්වරයා වෙත පැමිණවීමට නියමිතය.

දමන්ති ගමගේ

මෙවර පළාත් පාලන මැතිවරණය සඳහා ඉදිරිපත් වන ශ්‍රී ලංකා නිදහස් පක්ෂ සහ එක්සත් ජනතා නිදහස් සන්ධාන සියළුම අපේක්ෂකයන් මේ වන විට කොළඹ සුගතදාස ක්‍රීඩාංගනයේ පැවැත්වෙන රැස්වීමකට සහභාගි වනු ඇත.

ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පැවැත්වෙන මෙම රැස්වීම සඳහා ඡන්ද අපේක්ෂකයන් 9000 කට ආසන්න පිරිසක් සහභාගී වී සිටිති.

මේ වන විට එම රැස්වීම දැඩි උද්යෝගිමත් ස්වභාවයක් ගෙන ඇතැයි එහි සිටින අපගේ වාර්තා කරුවෝ පවසති.

එස්.ටී.පී සිල්වා

දැනට ක්‍රියාත්මක කෙරෙන පොලිතින් ජනවාරි 01 සිට දැඩිව ක්‍රියාත්මක කිරීමට මධ්‍යම පරිසර අධිකාරිය තීරණය කොට ඇත.

පරිසර හිතකාමී පොලිතින් නිශ්පාදනය නගා සිටුවීමේ අරමුණින් මෙම තීරණය ගෙන තිබේ. ඒ අනුව පොලිතින් නිශ්පාදකයින්ට වෙළඳුන්ට තම නිශ්පාදන අලෙවිකොට අවසන් කිරීම සඳහා ලබා දෙන කාලය ද දෙසැම්බර් 31 වෙනිදායින් අවසන් වනු ඇත.

ඒ.ජී.රේණුකා

ඇමෙරිකා එක්සත් ජනපදයේ විශේෂ ප්‍රතිලාභ සහිත වෙළෙඳ වාරණය පිළිබඳ පොදු ක්‍රමය හෙවත්  GSP බදු සහන වැඩසටහන මෙම දෙසැම්බර් 31දා අවසන් කිරීමට එරට රජය කටයුතු යොදා ඇත.

ඒ අනුව මෙතෙක් එම බදු සහනය හිමිව තිබු ශ්‍රී ලංකාවද ඇතුළු රටවල් රැසකට 2018 වසරේ සිට එම ඇමෙරිකානු  GSP බදු සහනය අහිමිවනු ඇත.

මෙම  GSP වැඩසටහන අවසන් වීමේ  ක්ෂණික බලපෑමක් ලෙස   ශ්‍රී ලංකාව ඇතුළු  මෙම වැඩසටහන යටත් ප්‍රතිලාභ ලැබූ සියලු  රටවලින් ඇමෙරිකාවට  ආනයනය කරන භාණ්ඩ 2018 ජනවාරි 1වැනිදා සිට වරණීය නොවන තීරුබදුවලට යටත් වන බවද . නිවේදනයක් නිකුත් කරමින් මෙරට ඇමරිකානු තානාපති කාර්යාලය සඳහන් කරයි.

කෙසේ වෙතත් තවදුරටත් ඇමෙරිකාව ශ්‍රී ලංකාවේ ප්‍රධානතම ආනයන කරු ලෙස කටයුතු කරනු ඇති බවත් 2016 වර්ෂකේදි එක්සත් ජනපදය  ඩොලර් බිලියන 2.8 ක ශ්‍රී ලාංකීය භාණ්ඩ ආනයනය කර ඇති බවත් තානාපති කාර්යාලය සඳහන් කරයි.

පැතුම් වික්‍රමරත්න

 

 

 

 

 

බැඳුම්කර කොමිසම පිළිබඳ  ජනාධිපති කොමිසම් වාර්තාව ඉදිරි දෙදින තුළ ලබා දිය හැකි බව කොමිසමේ ලේකම් සුමතිපාල උඩුගමසූරිය මහතා ප්‍රකාශ කරයි.

එම වාර්තාව ලැබුණු පසු ඒ සම්බන්ධයෙන් ගත යුතු ඉදිරි ක්‍රියාමාර්ග ජනාධිපතිවරයා විසින් තීරණය කරනු ඇත.

ඒ.ජී.රේණුකා

මේ දිනවල රටපුරා පවතින දැඩි පොහොර හිඟය දේශපාලනික වශයෙන් වත්මන් රජයට අවාසිදායක ලෙස බලපෑ හැකි බව දේශපාලන ආරංචි මාර්ග කියා සිටී.

දැනට කිලෝ ග්‍රෑම් 50 ක පොහොර මිටියක උපරිම සිල්ලර මිල රුපියල් 2500/- වශයෙන් දක්වා ඇතත් එම මිලට හෝ පොහොර ලබා ගත නොහැකි බව පවසන ගොවීන් ඇතැමුන්ට රුපියල් 3000/- ක පමණ කළුකඩ මිලක් යටතේ පොහොර ලබාගැනීමට සිදුව ඇති  බව පැවසෙයි..

විශේෂයෙන් මෙම පොහොර හිඟය මුල්කොට හම්බන්තොට දිස්ත්‍රික්කය තුළ ශ්‍රී ලංකා පොදුජන පෙරමුණ ආණ්ඩුවිරෝධී ප්‍රචාරක කටයුතු මෙහෙයවන අතර අනුරාධපුර, පොළොන්නරුව, මාතලේ යන දිස්ත්‍රික වලද මේ වන විට එම පොහොර හිඟය මුල්කොට ශ්‍රී ලංකා පොදුජන පෙරමුණ දේශපාලන කටයුතු සංවිධානය කෙරන බව අපවාර්තා කරුවෝ පවසති.

මේ සම්බන්ධයෙන් ජාතික පොහොර ලේකම් කාර්යාලයේ අධ්‍යක්ෂ අජිත් පුෂ්පකුමාර මහතා පවසනුයේ යූරියා මෙට්‍රික්ටොන් හැත්තෑහයදහසක් රැගත් නෞකාවක් ලබන ඉරිදා (31) මෙරටට ළඟා වීමට නියමිත බවය.

කෙසේ හෝ වර්තමානයේ පවත්නා මෙම පොහොර හිඟය මුල්කොට මෙම මාස් කන්නයේ වී අස්වනු ශීඝ්‍ර පසුබෑමකට ලක්විය හැකි බව ගොවීහු පෙන්වා දෙති.

එමෙන්ම හැකි ඉක්මනින් මේ සඳහා රජය කඩිනම් විසඳුමක් ලබා නොදුනහොත් එය ඉදිරි මැතිවරණයේ දී   එමගින් ශ්‍රී ලංකා පොදුජන පෙරමුණට වාසි අත්වීම වැලක්විය නොහැකි බවට ගොවි සංවිධාන නියෝජිතවරු පෙන්වා දෙති.

දමයන්ති ගමගේ

උත්සව සමයේ රජයේ සහතික මිලට වැඩියෙන් භාණ්ඩ අලෙවි කරන වෙළෙඳුන් නීතියේ රැහැනට හසුකර ගැනීමේ වැටලීමකින් කඩවත, මාවරමණ්ඩිය ප්‍රදේශයේදී පාරිභෝගික සේවා ගම්පහ වැටලීම් ඒකකය ක්‍රියාවට නැන්වීය. ඒ අනුව රුපියල් 75 සහිතක මිලක් ඇති ‍පොල් හා මයිසූර් පරිප්පු වැඩි මිලට අලෙවි කළ වෙළඳුන් නීතියේ රැහැනට හසුකර ගැනිණි. වැටලීම් ඒකකයේ ප්‍රධානී ප්‍රදීප් කළුතරආරච්චි මහතා පැවසුවෙ පසුගිය කාලසීමාව තුළ මෙවැනි වෙළෙඳුන් 200 දෙනකුට පමණ නඩු පවරා ඇති බවත් ඉදිරි උත්සව සමයේදී දිගටම මෙවැනි වැටලීම් කරන බවත්ය.

සුසන්ත අබේරත්න - ගම්පහ

එච්.අයි.වී. රෝග පාලනය සඳහා ලබන වසරට රජය මගින් රුපියල් බිලියනයක මුදලක් වෙන්කර ඇතැයි එච්.අයි.වී. ඒඩ්ස් මර්දන වැඩසටහනේ අධ්‍යක්ෂ වෛද්‍ය සිසිර ලියනගේ මහතා සඳහන් කරයි.
බෝ නොවන රෝග සඳහා රුධිර පරීක්ෂා කිරීමේදී එම රුධිර සාම්පලය භාවිත කරමින් එච්.අයි.වී. සඳහාද පරීක්ෂා කිරීමේ විශේෂ වැඩසටහනක් මේ අනුව ලබන වසරේ ආරම්භ කරන බව එච්.අයි.වී. ඒඩ්ස් මර්දන වැඩසටහනේ අධ්‍යක්ෂ වෛද්‍ය සිසිර ලියනගේ මහතා සඳහන් කළේය.
මෙසේ හඳුනා ගන්නා රෝගීන්ගේ රහස්‍ය භාවය ආරක්ෂා කිරීමට සෞඛ්‍ය කාර්ය මණ්ඩල බැඳී සිටින බවද හෙතෙම පැවැසීය.
මේ අනුව එච්.අයි.වී. ආසාදිත රෝගීන් සැලකිය යුතු පිරිසක් සොයා ගැනීමට හැකිවනු ඇතැයිද ඒ අනුව රෝගය පැතිරීම පාලනය කරගත හැකිවනු ඇතැයිද අධ්‍යක්ෂවරයා පැවැසීය.
මේ වන විට එච්.අයි.වී. ආසාදිත රෝගීන් 2806 දෙනකු හඳුනාගෙන ඇති අතර ඔවුන්ගෙන් සියයට 75 ක් පමණ පිරිමින් යැයිද වෛද්‍ය ලියනගේ මහතා කීය.

ශ්‍රියානි විජේසිංහ

මෙවර අ.‍පො.ස උසස් පෙළ විභාගයේ ප්‍රතිඵල අනුව, මාතර සුජාතා බාලිකා විද්‍යාලයේ දිලිනි සඳුනිකා පලිහක්කාර ශිෂ්‍යාව ජෛවිය විද්‍යා විෂය ධාරාවෙන් සහ එම විද්‍යාලයේ එස්.ඒ. දුලානි රසන්තිකා ශිෂ්‍යාව වාණිජ විෂය ධාරාවෙන් දිවයිනේ ප්‍රථම ස්ථාන හිමිකර ගෙන තිබේ.
එමෙන්ම භෞතික අංශයේ දිවයිනේ ප්‍රථම ස්ථානය යාපනය හාර්ඩ්ලි විද්‍යාලයේ ශ්‍රී ධරන් ද්වාරකන් ශිෂ්‍යයා හිමිකර ගෙන ඇති අතර කලා විෂය ධාරාවෙන් රත්නපුර සද්ධර්මලංකාර පිරිවෙනේ පත්බේරියේ මුනින්දවංශ හිමි ප්‍රථම ස්ථානයට පත්වී ඇත. ඉංජිනේරු තාක්ෂණවේදය විෂය ධාරාවෙන් ප්‍රථම ස්ථානයට පත්ව ඇත්තේ මාතර මහින්ද රාජපක්ෂ විද්‍යාලයේ පාරමී ප්‍රසාදි  රන්සිරිනි හෙට්ටිආරච්චි ශිෂ්‍යාවයි. ෙජෙව පද්ධති තාක්ෂණවේදය  විෂය ධාරාවෙන් රත්නපුර සීවලී මධ්‍ය මහා විද්‍යාලයේ ලක්ෂිත චතුරංග මැදලගම ශිෂ්‍යා ප්‍රථම ස්ථානයට පත්ව ඇති අතර ‍පොදු විෂය ධාරාවෙන් දිවයිනේ ප්‍රථම ස්ථානයට පත්ව ඇත්තේ කොළඹ දේවිබාලිකා විද්‍යාලයේ හිරුණි ශාක්‍යා අබේතුංග ශිෂ්‍යාවයි.
ඊට අමතරව ෙජෙවීය විද්‍යා අංශයෙන් වෙන්නප්පුව ජෝශප් වාස් විද්‍යාලයේ හසිත ගීත් ගුණසිංහ ශිෂ්‍යා දෙවැනි ස්ථානයත්, කොළඹ ආනන්ද විද්‍යාලයේ ඉෂාන් ශාලුක රාමනායක තෙවැනි ස්ථානයත් හිමිකර ගෙන ඇත.
භෞතික විද්‍යා විෂ ය ධාරාවෙන් ගම්පහ බණ්ඩාරනායක විද්‍යාලයේ පමුදිත හිමාන් සෝමරත්න ශිෂ්‍යයා දෙවන ස්ථානය හිමිකර ගෙන ඇති අතර තෙවන ස්ථානය යාපනය සාන්ත පැක්ට්‍රික් විද්‍යාලයේ ආර්.ඩී. ජේ ‍පෝල් ජාන්සන් ශිෂ්‍යයා හිමිකර ගෙන ඇත.
කොළඹ මියුසියස් විද්‍යාලයේ කෞෂල්‍යා සුභාෂිණී දාබරේ ශිෂ්‍යාව සහ කොළඹ සාන්ත පාවුළු බාලිකා විද්‍යාලයේ ෆාතිමා අකීලා ඉස්වර් ශිෂ්‍යාව පිළිවෙළින් වාණිජ අංශයේ දෙවැනි හා තෙවැනි ස්ථාන හිමිකර ගෙන තිබේ.
කලා අංශයේ දෙවැනි ස්ථානයට පත්ව ඇත්තේ කොළඹ සී.එම්.එස්. බාලිකා විද්‍යාලයේ සහෙලි ආචනා වික්‍රමනායක ශිෂ්‍යාවයි. එම අංශයේ තෙවැනි ස්ථානය රත්නපුර ෆර්ගසන් උසස් බාලිකාවේ දිල්කි සඳුපමා ශිෂ්‍යාව හිමිකර ගෙන ඇත.
ඉංජිනේරු තාක්ෂණවේදය විෂය ධාරාවෙන් කඹුරුපිටිය නාරන්දෙණිය මධ්‍ය  මහා  විද්‍යාලයේ  ප්‍රගති ඉෂාන් මධුශන්ක ශිෂ්‍යා දෙවැනි ස්ථානයටත්, නාරම්මල මයුරපාද මධ්‍ය මහා විද්‍යාලයේ පසිඳු ලක්ෂාන් අධිපත්තු ශිෂ්‍යයා තෙවැනි ස්ථානයටත් පත්ව ඇත.
ජෛව පද්ධති තාක්ෂණ වේදය  විෂය ධාරාවෙන් දෙවැනි ස්ථානය හිමිකරගෙන ඇත්තේ තිස්සමහාරාම දෙබරවැව මධ්‍ය මහා විද්‍යාලයේ රමේෂා ශ්‍රීමාලී ශිෂ්‍යාව වන අතර යාපනය වෙම්බඩි උසස් බාලිකාවේ කම‍ලේෂ්වරී සෙන්දිල්නාදන් ශිෂ්‍යාව තෙවැනි ස්ථානය හිමිකර ගෙන ඇත.
‍පොදු විෂය ධාරාව යටතේ කොළඹ රාජකීය විද්‍යාලයේ ශවීන් භාෂිත තිලකරත්න ශිෂ්‍යයා සහ කඳාන ද මැසනඩ් විද්‍යාලයේ දියොල් බ්‍රැන්ඩන් ඇන්ටනී බයිනස් ශිෂ්‍යයා පිළිවෙළින් දෙවැනි සහ තෙවැනි ස්ථාන හිමිකර ගෙන තිබේ.
මෙවර උසස් පෙළ විභාගය සඳහා අයැදුම්කරුවන් දෙලක්ෂ පනස් තුන්දහස් හාරසීය අසූ තුන්දෙනෙක් පෙනී සිට ඇති අතර ඉන් එක් ලක්ෂ හැටතුන් දහස් එකසිය හතර දෙනෙක් විශ්වවිද්‍යාල ප්‍රවේශය සඳහා සුදුසුකම් ලබා ඇත.

ගයාත්‍රි ගීගනආරච්චි

දිවයින පුරා සිටින, එක්සත් ජාතික පක්ෂ සියලුම ආසන සංවිධායකවරුන් සහ දිස්ත්‍රික් කළමනාකරුවන් ලබන ජනවාරි 3 වැනිදා සිරිකොත පක්ෂ මූලස්ථානයට කැඳවන ලෙස එජාප නායක , අගමැති රනිල් වික්‍රමසිංහ මහතා උපදෙස් දී තිබේ.
ඉදිරි පළාත් පාලන මැතිවරණයේදී එක්සත් ජාතික පක්ෂය ඉහළින් ජයග්‍රහණය කරවීම සඳහා මෙහෙයවන ආකාරය සම්බන්ධයෙන් මෙහිදී දැනුම්වත් කිරීමට නියමිතව ඇත. මෙම සමුළුව පක්ෂ නායක අග්‍රාමාත්‍ය රනිල් වික්‍රමසිංහ මහතා ඇතුළු ‍‍‍ජ්‍යෙෂ්ඨ නායකයෝ රැසක් සහභාගි වීමටද නියමිතය.
මේ අතර කොළඹ මහනගර සභාවට තරග කරන සියලුම දෙනාද අද ( 29) සවස 3.00ට සිරිකොත පක්ෂ මූලස්ථානයට කැඳවා ඇත. එජාප උප නායක රවි කරුණානයක , නියෝජ්‍ය ඇමැති එරාන් වික්‍රමරත්න, මැදකොළඹ ප්‍රධාන සංවිධායක පාර්ලිමේන්තු මන්ත්‍රී මුජ්බර් රහුමාන් යන මහත්වරු මෙම අවස්ථාවට සහභාගි වෙති.

ලසන්ත වීරකුලසූරිය,ගයාත්‍රි ගීගනආරච්චි 

IMAGE

රැඳවියකු බැලීමට ආ රූමතියට නියාමකගෙන් 'යෝජනාවක්'

IMAGE 2018 Jan 18 10:53
අනුරාධපුර බන්ධනාගාරයේ රක්ෂිත බන්ධනාගාර ගත කර සිටින සිය ඥාතියකු බැලීමට සහෝදරියක සමග ගිය...
Views - 4702

අයිවෝ ඩෙනිස් රෝහ‍ලේ

IMAGE 2018 Jan 17 10:59
මෙරට බිහි වූ විශිෂ්ටතම සංගීතඥයකු වූ සුනිල් ශාන්තයන්ගේ ගීත උරුමය ඉදිරි පරපුර වෙත රැගෙන ආ...
Views - 3359

ඡන්දය වෙනුවෙන් 'වඩියකට' ඉඩ දෙන්නැයි අපේක්ෂකයෝ ඉල්ලති

IMAGE 2018 Jan 16 10:42
තමන් කිසිදා  කසිප්පු පෙරීම නොකළ නමුත් මැතිවරණය අවසන් වන තුරු පමණක්  කාර්යාලය පිටුපස දින...
Views - 4829

අහඹු ගැබ් ගැනීම් වලකන පෙති ඇසුරුම් 20 අනුරපුර පාසලක

IMAGE 2018 Jan 16 09:59
පාසල ශුද්ධ පවිත්‍ර කිරීමේ ශ්‍රමදානයකට සහභාගී වූ මවකට අනුරාධපුර නගරයේ පාසලක තිබී අහඹු ලෙස...
Views - 5453

අන්තර්ජාල ඡායාරූපයේ සත්‍ය කතාව උදාරි හෙළි කරයි

IMAGE 2018 Jan 15 12:15
ප්‍රවේගය සිනමා පටයෙන් බොහෝ දෙනාගේ ආදරය දිනාගත් උදාරි පෙරේරාගේ තට්ට හිස සහිත ඡායාරූප පෙළක්...
Views - 6273

හොලිවුඩ් නිළියන්ටත් ලිංගික හිංසන

IMAGE 2018 Jan 15 11:49
වසර හැත්තෑ පහක කාලය තුළ අමුතුම ආකාරයේ ගෝල්ඩන් ග්ලෝබ් සම්මාන උළෙලක් පළමු වරට පසුගිය ඉරිදා...
Views - 3839

Please publish modules in offcanvas position.

X

Right Click

No right click