Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

මෙවර පලාත් පාලන මැතිවරණයේ බණ්ඩාරවෙල මහ නගර සභා සහ ප්‍රාදේශීසභා සඳහා උමා ඔය බහු විනාශකාරී ව්‍යාපෘතියට එරෙහි ජනතා පෙරමුණ නම් පොදු ජන සංවිධානය තරඟ කරන බව ජනතා විමුක්ති පෙරමුණේ බදුල්ල දිස්ත්‍රික් කණ්ඩායම් නායක සමන්ත විද්‍යාරත්න මහතා පවසයි.

මෙම සංවිධානයට දේශපාලන පක්ෂයක් හෝ පාටක් හෝ නොමැති බවත් උමා ඔය විනාශකාරී ව්‍යාපෘතියට ගොදුරු වු විශාල පිරිසක් මෙහි සමාජිකයන් බවත් ඔහු පවසයි.

බණ්ඩාරවෙල ජනතාවගේ බත්පතට, බොන වතුර උගුරට, වගාවන්ට, ගේ දොර ඉඩකඩම් වලට, අධ්‍යාපනයට, ජීවත් වීමේ අයිතියට වින කළ මෙම විනාශකාරී ක්‍රමයට එරෙහිව ඉහත සඳහන් පලාත් පාලන ආයතන වලට ජනතා නියෝජිතයන් පත් වීම කිසිසේත් වැලැක්විය නොහැකි බව පවසන විද්‍යාරත්න මහතා පක්ෂ පාට අමතක කොට පොදු ජන සමගියේ බලය පෙන්වන මෙය වර්තමාන දේශපාලනයට මාර්ග උපදේශනයක් සහ නව මානයක් පෙන්වන සුවිශිෂ්ට ජයග්‍රහණයක් වනු ඇතැයි ද කීය.

එස්.ටී.පී.සිල්වා

දැනට සිදු කෙරෙන බැකෝ යන්ත්‍ර යොදා ගෙන මැණික් පතල් කැණීම සිමා කරන ලෙස ජනාධිපති මෛත්‍රිපාල සිරිසේන මහතා උපදෙස් දී ඇත.

මැණික් කර්මාන්ත කරුවන්ගේ ගැටළු පිළිබඳව ඊයේ(13) ජනාධිපති කාර්යාලයේ පැවැති සාකච්ඡාවකදී ජනාධිපතිවරයා මෙම උපදෙස් ලබා දී තිබේ. මැණික් හා ස්වර්ණාභරණ අධිකාරියේ අනුමැතිය සහ නියාමයන සහිත ස්ථාන වල පමණක් බැකෝ යන්ත්‍ර යොදා මැණික් පතල් කැපීමට අවසර දෙන බව කී ජනාධිපතිවරයා මැණික් කර්මාන්තය සම්බන්ධයෙන් කටයුතු කිරීමේදී පරිසර සංරක්ෂණය පිළිබඳව ද විශේෂ අවධානයක් යොමු කිරීම මැණික් කර්මාන්ත කරුවන්ගේ වගකීමක් බව කීය.එමෙන්ම දැනට මැණික් කර්මාන්තයේදී පරිසරය පිළිබඳ දක්වන උනන්දුව ඉතා අල්ප බවද ජනාධිපතිවරයා පැවසීය.

මේ අතර මැණික් අපනයනයේදී නව අයවැයෙන් පනවා ඇති 14% බදු මුදල සම්බන්ධයෙන් අදහස් පළකල ජනාධිපති වරයා මීළඟ කැබිනට් මණ්ඩලයේදීම ඒ පිළිබඳව සාකච්ඡා කොට තීරණයක් ගන්නා බවද මැණික් කර්මාන්ත කරුවන්ට පොරොන්දු විය.

රේණුකා ගමගේ

අවිස්සාවේල්ල ප්‍රදේශයේ තණබිම් ආශ්‍රිතව නිදැල්ලේ හැසිරෙන ගවයන් ඇල්ලීමේ මෙහෙයුමක් මේ දිනවල ක්‍රියාත්මක වන අතර එහි පසුබිම පිළිබඳ කිසිදු තොරතුරක් තමන් වී වෙත වාර්තා වී නැතැයි ප්‍රදේශවාසිහු පවසති.

මෙහි ආසන්නතම සිද්ධිය වනුයේ කිසියම් කණ්ඩායමක් බෙල්ලට කම්බියක් දමා ගවයෙකු අැල්ලීමට දරණු ලද උත්සාහයේදී එම කම්බිය කැඩී යාමෙන් තුවාල ලත් ගවයා එම කම්බියද සහිතව මේ වන විට මිරිස්වත්ත දුම්රිය හරස්පාර අද්දර මහත් වේදනාවෙන් කෑගසමින් ඒ මේ අත සැරිසැරීමය.

මෙය කොළඹ අවිස්සාවේල්ල ප්‍රධාන මාර්ගයේ ගමන් ගන්නවුන්ගේ ළය කම්පා කරවන දසුනක් වුවද මේ දරුණු සත්ව හිංසනය සම්බන්ධ වගකීමක් ගැනීමට මෙතෙක් කිසිවෙක් ඉදිරිපත්ව නැත. කෙසේ හෝ මෙම මෙහෙයුම මගින් අවිස්සාවේල්ල ප්‍රදේශයේ අයාලේ යන ගවයන්ට සිදු වන්නේ කුමක්ද යන්න පිළිබඳවද දැඩි සැකයක් පවතින බව ප්‍රදේශවාසිහු කියා සිටිති.

සහන් සංකල්ප සිල්වා

පළාත් පාලන ආයතන 93 ට අදාළව නාමයෝජනා භාරගැනීමේ කාලසීමාව අද (14) මධ්‍යාහ්න 12 න් අවසන් වන බව මැතිවරණ කොමිෂන් සභාව පවසයි.
ඒ අනුව ඒ සම්බන්ධයෙන් වන විරෝධතා ඉදිරිපත් කිරීම සඳහා අද (14) දවල් 12 න් පසු පැය භාගයක කාලයක් හිමිවනු ඇත.
මේ අතර ඊයේ (13) දිනයේදීත් ‍පොළොන්නරුව හා මහනුවර දිස්ත්‍රික්කයේ පළාත් පාලන ආයතන කිහිපයක් සඳහා ජනතා විමුක්ති පෙරමුණ නාමයෝජනා භාරදී තිබූ අතර එක්සත් ජාතික පක්ෂයද බදුල්ල දිස්ත්‍රික්කයේ පළාත් පාලන ආයතන කිහිපයක් සඳහා නාමයෝජනා භාරදී තිබේ.
නාමයෝජනා භාරදීමේ දෙවන අදියර යටතේ ඉතිරි පළාත් පාලන ආයතන 248 සඳහා නාමයෝජනා භාරගැනීම මේ මස 18 දා ආරම්භ වන අතර එම කාලසීමාව ලබන 21 දා දහවල් 12 න් අවසන් වේ.
පළාත් පාලන මැතිවරණය පැවැත්වෙන දිනය අද (14) ප්‍රකාශයට පත් නොකෙරෙන අතර එය නාමයෝජනා භාරගැනීමේ දෙවන අදියර අවසන් වන ලබන 21 දා ප්‍රකාශයට පත්කිරීමට නියමිතව ඇත. පළාත් පාලන ආයතන 341 හිම ඡන්ද විමසීම එකම දිනයක පැවැත්වෙන බැවින් නාමයෝජනා භාරගැනීමේ දෙවන අදියරද අවසන් වූ පසුව මැතිවරණ දිනය ප්‍රකාශයට පත්කිරීමට මැතිවරණ කොමිෂන් සභාව තීරණය කර ඇත.
 
ලසන්ත වීරකුලසූරිය/ගයාත්‍රි ගීගනආරච්චි

හෙරොයින් වළදමා ඇති බවට පැමිණිල්ලක් ලැබී ඇතිබව කියමින් කොළඹ පිහිටි පොලිස් විශේෂ කාර්ය බළකා මූලස්ථානයේ සිට සූඛෝපභෝගී මෝටර් රථයකින් පැමිණි උප පොලිස් පරික්ෂකවරයකු ඇතුළු පිරිසක් සිය නානකාමරයේ පොළොව හාරා ලබාගත් නිධන් වස්තුවලින් කොටසක් දෙන ලෙස තර්ජනය කර පැය පහක් තිස්සේ නිවස පරික්ෂාකර පළාගිය බව ශ‍්‍රාවස්තිපුර පහේ ඇළ අනුරාධපුර ලිපිනයේ පදිංචි එච්.එම්.එරංග ඉන්දික සිරිවර්ධන මහතා පැවැසුවේය.
ලියාපදිංචි අංක තහඩු ආවරණය වන පරිදි දෙහි හා කොහොඹ අත්තක් එල්ලාගෙන සුඛෝපභෝගී මෝටර් රථයකින් පෙරේදා (12) උදෑසන 10.30ට පමණ පොලිස් විශේෂ කාර්ය බළකායේ උප පොලිස් පරික්ෂකවරයා ඇතුළු නම දෙනෙකු නිවසට පැමිණ තිබෙන අතර කුඩා දරුවන් ඇතුළු පවුලේ සියලූම දෙනා නිවසේ උඩු මහලේ පිහිටි කාමරයක සිරකර ආරක්ෂිත කැමරා පද්ධතිය විසන්ධි කිරීමෙන් අනතුරුව ඔවුන් පැය පහක් තිස්සේ හෙරොයින් තිබෙන බව කියමින් නිදන් වස්තු සොයා තිබේ.
නිවෙස වටලා එහි නානකාමරය හාරන අවස්ථාවේ නිවසේ හිමිකරුවන එච්.එම්.එරංග ඉන්දික සිරිවර්ධන (38) මහතා නිවසේ සිට නැති අතර පොලිස් විශේෂ කාර්ය බළකාය ඒ මහතාගේ පහළොස් හැවිරිදි පුත‍්‍රයා ඔවුන් භාරයට ගෙන නිධානයේ බඩුටික තියෙන තැන කියපන් හැබැයි අපිට ඒවා අහුවුණොත් උඹලා ඔක්කොම හිර ගෙදර යනුවෙන් පවසමින් බිය ගන්වා නිවසේ සෑම අස්සක් මුල්ලක්ම සෝදිසිකර තිබේ. පසුව ඔවුන්ම රැගෙ ආ යකඩ ඉනි භාවිතකර නිවසේ භාවිත නොකරන නානකාමරයේ පොළොව කඩා නිදන් වස්තු සොයා තිබේ. එහෙත් ඔවුන්ට කිසිදු නිදන් වස්තුවක් හෝ හෙරොයින් මිලිග‍්‍රෑම් එකක ප‍්‍රමාණයක්වත් සොයා ගැනීමට නොහැකිවී තිබේ.
ඒ සම්බන්ධයෙන් අදහස් දැක් වූ පාසල් සිසුවකු වන 15 හැවිරිදි එච්.එම්.තරුෂ්ක හේරත් මෙසේ කීය. සිද්ධිය වෙන වෙලාවේ තාත්තා ගෙදර හිටියේ නෑ. තාත්තා හරිම බයෙන් හැංගිලා ඉන්නේ. පොලීිසිය දිගින් දිගටම එයාට කරදර කරන නිසා.
පහුගිය මාස දෙකේ අවස්ථා කිහිපයක්ම පොලීිසියෙන් ඇවිල්ලා හංගලා තියෙන නිදන් බඩු දෙන්න කියලා තාත්තාට කරදර කළා. පස්සේ කුඩු වගේ පාර්සලයක් ත‍්‍රිරෝද රථය ඇතුළට දාලා තාත්තව අත්අඩංගුවට ගන්න හැදුවා.
උදෑසන 10.30ට විතර කාර් එකකින් පිරිසක් ඇවිල්ලා නාකොටික් කියලා එකෙන් කියලා ගෙදර හෙරොයින් කිලෝග‍්‍රෑම් පහක් තියෙනවා කියලා හොයන්න ගත්තා. අපේ අම්මව, නැන්ද, නංගිලාව උඩ තට්ටුවේ කාමරයක දාලා හිරකරා. නංගිලා පැය පහක් විතර වතුරවත් නැතුව කාමරයේ හිරවෙලා හිටියා. සීයව ඔපරේෂන් කරලා ඉන්නේ. එයාට රෝහලේ සායනයකට යන්න තිබ්බා. ඒ යන්න දුන්නෙත් නෑ. මූ කොහේ යයිද දන්නෑ කියලා කිව්වා. අලවංගු අරගෙන ඇවිල්ලා නානකාමරය කඩන්න පටන් ගත්තා. මට කිව්වා පුතා රත්තරං බුදු පිළිමයයි, පුල්ලෙයාර් පිළිමයයි, මුතු මැණික් ටිකයි තියෙන තැන කියන්න අපි භාගයක් අරගෙන ඔයාලට ඉතුරු භාගය දෙන්නම් කියලා. සිය දරු පවුලට පොලීිසිය හා පොලිස් විශේෂ කාරය බළකාය සිදුකරන හිරිහැරයන් සම්බන්ධයෙන් අදහස් දැක් වූ නිවසේ හිමිකරුවන එච්.එම්.එරංග ඉන්දික සිරිවර්ධන මහතා මෙසේ කීය. මාස දෙකක් තිස්සේ පුදුම වදයක් තියෙන්නේ මේ පොලිස් නිලධාරීන්ගෙන්. නිධානයේ බඩුටික දෙන්න කියනවා.
දෙන්න දෙයක් නෑ. පෙරේදා (12* දවල් පොලිස් විශේෂ කාරය බළකාගේ උප පොලිස් පරීක්ෂක තෙන්නකෝන් කියන මහත්තයා ඇතුළු පිරිසක් ඇවිත් තියෙනවා. කුඩු කිලෝ පහක් අල්ලන්න. පස්සේ පුතාගෙන් ඉල්ලලා තියෙන්නේ නිදන් වස්තු. මේක කරවන්නේ අනුරාධපුරයේ දේශපාලනඥයෙක්.
විශේෂ කාර්ය බළකා සෙබළුන් පිරිසක් නිදන් වස්තු සෙවීම සම්බන්ධයෙන් පොලිස් විශේෂ කාර්ය බළකායේ අණ දෙන නිලධාරි ජ්‍යෙෂ්ඨ නියෝජ්‍ය පොලිස්පති එම්. ලතීෆ් මහතාගෙන් දුරකථනයෙන් කළ විමසීමකදී ඒ මහතා මෙසේ පැවැසුවේය. අපේ කණ්ඩායමක් හෙරොයින් වැටලීමක් සඳහා ගිහින් තියෙනවා. අනුරාධපුර කදවුරේ නිලධාරිනුත් වැටලීමට ගිහිල්ලා. මම මේ සිද්ධිය සම්බන්ධයෙන් පරීක්ෂණය සිදුකිරීමට පොලිස් විශේෂ කාර්ය බළකායේ ත‍්‍රිකුණාමලය කලාපය භාර පොලිස් අධිකාරී රෝහණ කරුණාරත්න මහතාට උපදෙස් ලබා දී තියෙනවා යනුවෙන් 
පැවැසුවේය.
 
අනුරාධපුර - බුද්ධික මහේෂ් විජේසූරිය 

දිවයිනේ සිදුවන රිය අනතුරුවලින් දිනකට පුද්ගලයන් අටදෙනකු මිය යන බවත්, මේ වන විට රථවාහන තදබදය ඉතා සංකීර්ණ වී ඇති බවත් ‍පොලිස්පති පූජිත් ජයසුන්දර මහතා ඊයේ (13) පැවැසීය.
2015 දී රිය අනතුරු 39,719 ක් වී මරණ 2801 ක් සිදුව තිබෙන අතර 2016 වසරේදී එම සංඛ්‍යාව ඉහළ යමින් රිය අනතුරු 41,981 ක්ද, මරණ 3003 ක්ද වාර්තා වන බවද ඔහු පැවැසීය.
එබැවින් රථවාහන තදබදය අවම කරගැනීමට නම් මිනිසාගේ ආකල්ප හා හැඟීම් වෙනස් විය යුතු අතර ඒ සඳහා සාමූහික ක්‍රියාවලියක් අවශ්‍ය බවද ඔහු අවධාරණය කළේය.
‍පොලිස්පතිවරයා මේ බව සඳහන් කර සිටියේ ‍පොලිස් මූලස්ථානයේ ඊයේ (13) දින පැවැති මහමගට යහමගක් යන උත්සවයට සහභාගි වෙමිනි.
 
ශානිකා මාධවී පීරිස්

ශ්‍රී ලංකා නිදහස් පක්ෂය දෙකඩ කරන්නේ පාර්ලිමේන්තු මන්ත්‍රීවරුන් වන නාමල් රාජපක්ෂ හා ප්‍රසන්න රණතුංග යන අය බව සම කැබිනට් ප්‍රකාශක අමාත්‍ය දයාසිරි ජයසේකර මහතා ඊයේ (13) පැවැසීය.
කැබිනට් තීරණ දැනුම් දීමේ මාධ්‍ය හමුවේදී මාධ්‍ය යොමුකළ ප්‍රශ්න කිහිපයකට පිළිතුරු දෙමින් ඇමැතිවරයා මෙම අදහස් පැවැසීය.
පක්ෂයේ බහුතරයක් මන්ත්‍රීවරු පක්ෂය එකතු කරගැනීමේ වුවමනාවක සිටියත් ඉහත දෙදෙනා පක්ෂය දෙකඩ කිරීමට කටයුතු කරන බව දයාසිරි ජයසේකර මහතා පැවැසීය.
ජනාධිපති මෛත්‍රීපාල සිරිසේන මහතා, හිටපු අමාත්‍ය බැසිල් රාජපක්ෂ මහතා සමග සාකච්ඡා කළේදැයි මාධ්‍ය මෙහිදී දයාසිරි ජයසේකර මහතාගෙන් විමසීය. එවැනි සාකච්ඡාවක් කළේදැයි තමා ස්ථිර වශයෙන්ම නොදන්නා නමුත් පක්ෂය නැවත එක්කාසු කරගැනීමට ජනාධිපතිවරයා විශාල කැපකිරීම් කළ බවද දයාසිරි ජයසේකර මහතා කීවේය.
ශ්‍රී ලංකා ‍පොදුජන පෙරමුණ යනුවෙන් පක්ෂයක් ගම්වල නොමැති බවත් එවැනි පක්ෂයක් තිබුණා නම් මැතිවරණයෙන් පසු එම පක්ෂය නැත්තටම නැතිවන බවත් දයාසිරි ජයසේකර මහතා කීවේය. හෙට අනිද්දා වන විට ඒකාබද්ධ විපක්ෂයේ නිදහස් පක්ෂ මන්ත්‍රීවරුද දවස ගානේ ජනාධිපති මෛත්‍රීපාල සිරිසේන මහතා සමග එකතු වෙනු ඇති බවද හෙතෙම පැවැසීය.
 
පානුක රාජපක්ෂ
 

වන සංහාරය සහ වටිනා සතුන් ඝාතනය නැවැත්වීමට වනජීවී නිලධාරීන්ට නොහැකි නම් වහාම එම කටයුත්ත හමුදාවට භාරදෙන ලෙස කලාකරුවෝ පිරිසක් ඊයේ (13) රජයෙන් ඉල්ලා සිටියහ.
ප්‍රවීණ කලාකරුවන් වන වසන්ත කුමාරසිරි, රවීන්ද්‍ර රන්දෙණිය, ලාල් කුලරත්න සහ දුලීකා මාරපන යන කලාකරුවන් ඇතුළු පිරිසක් මෙම ඉල්ලීම කළේ ඊයේ (13) ජාතික පුස්තකාල හා ප්‍ර‍ලේඛන ශ්‍රවණාගාරයේදී විල්පත්තුව සුරැකීමේ සංවිධානය කැඳවූ මාධ්‍ය සාකච්ඡාවට එක්වෙමිනි.
ප්‍රවීණ කලාකරු වසන්ත කුමාරසිරි මහතා අදහස් දක්වමින් පැවැසුවේ වන විනාශය හා සත්ව ඝාතනය සම්බන්ධයෙන් දැනට පවතින නීති ක්‍රියාත්මක වන ආකාරය ගැන සෑහීමකට පත්විය නොහැකි බවයි. එබැවින් වනාන්තර විනාශය වැළැක්වීම පිළිබඳව වගකීම හා වුවමනාවක් තිබෙන පාර්ශ්වයකට මේ කටයුත්ත භාරදිය යුතු බවද හෙතෙම කීය. රටේ ආරක්ෂාවට හා ජනතාවගේ ආරක්ෂාවට සිටින හමුදාව වනාන්තර ආරක්ෂා කිරීමටත් යෙදවිය යුතුයැයි ඒ මහතා කළ යෝජනාවට සියලු කලාකරුවන්ගේ එකඟතාව පළ කෙරිණි. එම අවස්ථාවට සහභාගි වූ ප්‍රවීණ කලාකරු රවීන්ද්‍ර රන්දෙණිය, ලාල් කුලරත්න, දුලීකා මාරපන යන කලාකරුවන්ද පැවැසුවේ වනාන්තර සුරැකීම හමුදාවට භාරදීම වඩාත් සුදුසු බවයි. මෙම අවස්ථාවට සහභාගි වූ ශ්‍රියන්ත මෙන්ඩිස්, අජිත් ලොකුගේ, සඳුන් විජේසිරි, රංජිත් රූපසිංහ, කුමාර රණකර, රුවන් වික්‍රමසිංහ හා ඉසුරු දිල්ශාන් යන කලාකරුවෝ ද මෙහිදී අදහස් දැක්වූහ.
ජාතික උරුමයක් වූ විල්පත්තු වනය මේ වන විට දැඩි තර්ජනයකට ලක්ව ඇති බැවින් විල්පත්තුව වෙනුවෙන් අපි මැයෙන් අද (14) සවස 2.00ට විහාර මහා දේවි උද්‍යානය ඉදිරිපිටදී කලාකරුවෝ උද්ඝෝෂණයක නිරත වන බවද මෙහිදී කලාකරුවෝ පැවැසූහ.
 
තනූජා නානායක්කාර

යුද හමුදාවේ ස්වේච්ඡා බළඇණිය සඳහා අනුයුක්ත කර සිටි කලාකරුවන් දෙපළකගේ සේවය තවදුරටත් යුද හමුදාවට අවශ්‍ය නොවුණු නිසා ඔවුන් එම තනතුරුවලින් ඉවත් කළ බව යුද හමුදා මාධ්‍ය ප්‍රකාශක මේජර් ජෙනරාල් රොෂාන් සෙනෙවිරත්න මහතා ඊයේ (13)පැවැසීය.
කැබිනට් තීරණ දැනුම්දීමේ මාධ්‍ය හමුවේදී මේ පිළිබඳ මාධ්‍ය යොමුකළ පැනයකට පිළිතුරු දෙමින් ඒ මහතා මෙම අදහස් පැවැසීය.
යුද හමුදාවේ ස්වේච්ඡා බලඇණියට මේ ආකාරයට විවිධ ක්‍ෂේත්‍රවල පිරිස් බඳවාගත හැකිය. ගායන ශිල්පී ක්‍රිෂාන්ත එරන්ද සහ සිනමා නළු අර්ජුන කමලනාත් යන දෙදෙනා මෙලෙස බඳවාගෙන සිටියා යැයිද රොෂාන් සෙනෙවිරත්න මහතා පැවැසීය.
රණවිරුවන්ගේ දිරිගැන්වීම් සහ විනෝදාස්වාදය සැපයීම සඳහා මෙම කලාකරුවන් 2009 වසරේදී බඳවාගෙන තිබූ බවත් ඔවුන් 2015 වසරේ ඉවත් කළ බවත් හෙතෙම කීවේය. යුද හමුදා සැරයන් නිලයට මෙම කලාකරුවන් බඳවාගෙන ඇති අතර ඒ සඳහා ඔවුන්ට යුද හමුදාවෙන් සැරයන් නිලයට අදාළ වැටුප් ද ගෙවා තිබේ.
මේ ආකාරයට බඳවාගත් කලාකරුවන් දැනට ත්‍රිවිධ හමුදාව තුළ නොමැති බවත් නමුත් ඉදිරියටත් යුද හමුදාව මෙවැනි ව්‍යාපෘති කරන බවත් රොෂාන් සෙනෙවිරත්න මහතා කීවේය.
මේ ආකාරයට කලාකරුවන්ට වැටුපක් ගෙවීමට හැකිනම් ඉතා හොඳ බවත් එවැනි කලාකරුවන් ඕනෑතරම් සිටින බවත් මේ පිළිබඳ අමාත්‍ය දයාසිරි ජයසේකර මහතාගෙන් මාධ්‍ය විමසූ ප්‍රශ්න කිරීම්වලදී පැවැසීය. එවැනි කලාකරුවන් යුද හමුදා ස්වේච්ඡා බල ඇනියටම බඳවාගත යුතු බවද ඔහු කීය. 
 
පානුක රාජපක්ෂ

දුම්රිය වෘත්තීය සමිති හතරක් දින හතක් තිස්සේ දීප ව්‍යාප්තව ක්‍රියාත්මක කළ දුම්රිය වර්ජනය නිසා දුම්රිය දෙපාර්තමේන්තුවට මූල්‍ය පාඩුවක් සිදුවී නොමැති බව දුම්රිය දෙපාර්තමේන්තු ආරංචි මාර්ග පවසයි.
දුම්රිය වර්ජනය නිසා දුම්රිය දෙපාර්තමේන්තුවට රුපියල් මිලියන 85 ක පමණ මගී ආදායමක් අහිමි වුවත් වර්ජනයේ නිරත දුම්රිය රියැදුරන්ට, නියාමකවරුන්ට හා ස්ථානාධිපතිවරුන්ට ෙදෙනිකව වෙන්කරන අතිකාල හා අනෙකුත් දීමනා ඇතුළු එම දින හත තුළ දුම්රිය දෙපාර්තමේන්තුවේ ෙදෙනික මෙහෙයුම් වියදම ගණනය කර බැලූ විට දුම්රිය දෙපාර්තමේන්තුවට වර්ජනය නිසා මූල්‍ය අලාභයක් සිදුවී නොමැත.
විශේෂයෙන් දුම්රිය රියැදුරන්ට මාසිකව රුපියල් දෙලක්ෂයකට ආසන්න වැටුපක් ගෙවන බව ප්‍රවාහන නියෝජ්‍ය අමාත්‍ය අශෝක අබේසිංහ මහතා පැවැසීය. දුම්රිය නියාමකවරුන් හා ස්ථානාධිපතිවරුන්ටද රුපියල් ලක්ෂය ඉක්මවූ මාසික වේතනයක් හිමි අතර එතරම් විශාල වේතනයක් ඔවුන්ට හිමිවන්නේ එම සේවකයන්ට ගෙවන අතිකාල දීමනා නිසාය. 
සාමාන්‍යයෙන් දුම්රිය රියැදුරන්ට මාසික අතිකාල පැය 500 ක් පමණ හිමිවන බවද වාර්තා වේ.
මේ අතර දුම්රිය සේවය ෙදෙනිකව දැඩි මූල්‍ය අලාභයක් මත ක්‍රියාත්මක වන බැවින් දින හතක් දුම්රිය සේවාව ක්‍රියාත්මක නොවීම මත එම ෙදෙනික පාඩුවට පසුගිය දින හත තුළ දුම්රිය දෙපාර්තමේන්තුවට මුහුණ දීමට සිදු නොවීය.
දුම්රියක් කිලෝ මීටර් එකක් ධාවනයේදී ශත 71 ක ආදායමක් උපයන අතර කිලෝමීටරයක් දුර දුම්රියක් ධාවනය කරවීමට දුම්රිය දෙපාර්තමේන්තුව රුපියල්  1.00 ශත 30 ක පමණ මුදලක් වැය කරන බවද මහ බැංකු සංඛ්‍යා ‍ලේඛන සනාථ කරයි.
මේ අනුව බලන විට පසුගිය දින හත තුළ දුම්රිය ධාවනය අකර්මන්‍ය වීම නිසා දුම්රිය දෙපාර්තමේන්තුවට දුම්රිය ධාවනය සඳහා වැය කිරීමට සිදුවන කිලෝමීටරයට ශත 50 ක අමතර වියදම නතර වුණි. එබැවින් වර්ජනය නිසා මගී ආදායම අඩු වුවත් දින හතක මෙහෙයුම් වියදම නතරවීම නිසා පැවැති වර්ජනය තුළ දුම්රිය සේවයට සැලකිය යුතු මූල්‍ය අලාභයක් සිදුවී නොමැති බව දුම්රිය දෙපාර්තමේන්තු ආරංචි මාර්ග පෙන්වා දෙයි.
 
පානුක රාජපක්ෂ

මෙරට පස්දින නිල සංචාරයක් සඳහා පැමිණ සිටින ඉන්දීය ගුවන් හමුදා ප්‍රධානී එයාර් චීෆ් මාර්ෂල් බිරේන්ද්‍ර බිරින්ඩර් සිං දනෝ ආ මහතා අද (13) මහනුවර දළදා සමිඳුන් වැඳපුදා ගැනීම සඳහා ඔහු රැගෙන ගිය හෙලිකොප්ටරය සුළු කාර්මික දෝෂයකට ලක්වීම නිසා වෙනත් හෙලිකොප්ටරයකින් ඔහු කොළඹට රැගෙන ඒමට කටයුතු කළ බව වැඩබලන ගුවන් හමුදා මාධ්‍ය ප්‍රකාශක අයි. චන්ද්‍රතිලක මහතා පැවැසීය.
අද (13) ඉන්දීය ගුවන් හමුදාපති බිරේන්ද්‍ර බිරින්ඩර් සිං දනෝ ආ මහතා මහනුවර දළදා සමිඳුන් වහන්සේ වැඳපුදා ගැනීම සඳහා උදෑසන එහි ගොස් ඇත.
එහිදී අස්ගිරිය ක්‍රීඩාංගණයේ ඉන්දීය ගුවන් හමුදාපතිවරයා ගමන් ගත් හෙළිකොප්ටරය ගොඩබෑමෙන් පසු ඔහු දළදා මාලිගාවට ගොස් ඇති අතර ක්‍රීඩාංගණයේ රැඳී සිටි ගුවන් හමුදා නිලධාරීන්ට එම හෙළිකොප්ටරයේ සුළු කාර්මික දෝෂය අනාවරණය වී ඇත.
ඒ බැව් ඔවුන් කොළඹ ප්‍රධාන ගුවන් හමුදා නිලධාරීන්ට දන්වා ඉන්දියා ගුවන් හමුදාපතිවරයා පැමිණීමට පෙර කොළඹින් වෙනත් හෙළිකොප්ටරයක් ගෙන්වා ඔහු කොළඹ බලා ගෙන ආ බව ගුවන් හමුදා වැඩබලන මාධ්‍ය ප්‍රකාශකවරයා වැඩිදුරටත් පැවැසීය.
ඉන්දිය අගමැති නරේන්ද්‍ර මෝදි මහතාද මීට පෙර 
ශ්‍රී ලංකාවට පැමිණි අවස්ථාවේදීද ඔහු නුවර දළසා වැදීම සඳහා ගොස් තිබූ හෙලිකොප්ටරයද එසේ කාර්මික දෝෂයකට පත්ව තිබිණි.
 
ශානිකා මාධවී පීරිස්

Page 3 of 184

IMAGE

ෆේස්බුක් එකෙන් ඔබේ හිතේ ලෙඩ ගැනත් කියන්න පුළුවන්

IMAGE 2017 Dec 15 10:42
ඔබටත් ෆේස්බුක් ගිණුමක් තිබෙනවාද? එසේ ගිණුමක් තිබෙනවා නම් ඔබ ඒ සඳහා දවසකට; සතියකට හෝ මාසයකට පැය...
Views - 1264

සුද්දන්ට උණවටුන එපා කරවන ඩිස්කෝ ඩාන්ස්

IMAGE 2017 Dec 14 07:56
ආචාර්ය ආතර් සී. ක්ලාක් විද්වතා පවසන ආකාරයට උණවටුන වෙරළ තීරය ලෝකයේ ඇති දර්ශනීය වෙරළ දොළහෙන්...
Views - 2716

ගැබිණි නිලධාරිනිය අධ්‍යක්ෂක හා 'හනිමූන්' ගිහින්

IMAGE 2017 Dec 13 10:33
ඔහු මෙරට ප්‍රමුඛතම සමාගමක අධ්‍යක්ෂ වරයෙකි. වයස අවුරුදු 40 ක් පමණ වන ඔහු දරු දෙදෙනෙකුගේ පියෙක්...
Views - 8213

2017 විශ්ව රූ රැජින ඩෙමී සහ අපේ ක‍්‍රිස්ටියානා

IMAGE 2017 Dec 13 10:17
ලෝක රූ රැජින තේරීමේ තරගයේ උණුසුම පහව යෑමටත් පෙර තවත් සුරූපිනියක් විශ්ව රූ රැජින ලෙස  කිරුළ...
Views - 4110

ඉන්දීය ක්‍රිකට් නායක විරාත් කෝලි නිලියක ගේ අත ගනී

IMAGE 2017 Dec 12 12:41
ඉන්දීය ක්‍රිකට් නායක විරාත් කෝලි ඊයේ (11) යුග දිවියට එළඹුණි. ඔහුගේ අතගත් මනාලිය වූයේ බොලිවුඩ්...
Views - 4333

පාතාලයට ඔත්තු දීමේ වරදට වෙඩි කෑ රූපලාවන්‍ය ශිල්පිනිය

IMAGE 2017 Dec 12 10:22
අතුරුගිරිය නගරයේ පිහිටි සයෝනාරා රූපලාවන්‍යාගාරයේ හිමිකාරිය වන හතළිස්හත් වියැති මංජුලා...
Views - 5998

Please publish modules in offcanvas position.