Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

මහනුවර හා ඒ අවට පාසල් සිසුන් සදහා අලෙවිකිරීම සදහා සූදානම් කරමින් තිබූ රුපියල් ලක්ෂ හතළිහක පමණ වටිනාකමින් යුතු දුම්කොල ආශ්‍රිත මත්ද්‍රව්‍ය නිෂ්පාදන තොගයක් හා ඒවා අලෙවි කරන බවට සැකපිට පුද්ගලයන් විසිදෙනෙකු (20) මහනුවර සුරාබදු ස්ථානය මගින් අත්අඩංගුවට ගෙන තිබේ.

මහනුවර නගරය, කටුගස්තොට හා අකුරණ නගරවල දී මෙම වැටලීම සිදුකොට මත්ද්‍රව්‍ය හා සැකකරුවන් අත්අඩංගුවට ගෙන ඇත. මෙම මත්ද්‍රව්‍ය මිශ්‍ර කිරීම සදහා යොදා ගැනෙන අලුහුණු තොගයක් ද සුරාබදු නිලධාරින් විසින් අත්අඩංගුවට ගෙන තිබේ.

අලුහුණු ඇතුලුව වෙනත් රසායනික ද්‍රව්‍ය යොදා සකස් කරන ලද මෙම මත්ද්‍රව්‍ය පැකට් 16 000ක් සුරාබදු නිලධාරීන් ඔවුන්ගේ භාරයට ගෙන ඇති අතර මෙම භාණ්ඩ සුරා බදු කොමසාරිස්වරයාගේ නිර්දේශ මත විනාශ කිරීමට නියමිතය.

මධ්‍යම පළාත් සුරාබදු කොමසාරිස් ගාමිණී අධීකාරී මහතාගේ උපදෙස් මත මහනුවර සුරාබදු ස්ථානාධිපති ප්‍රධාන සුරාබදු පරීක්ෂක එස්.අයි රාමනායක මහතා ඇතුලු කණ්ඩායමක් විසින් මෙම වැටලීම සිදුකර තිබේ.

නදීක දයා බණ්ඩාර

Cabinet decisions

ආර්ථික ගැටළු සහිත කලාකරුවන්ට මෙතෙක් ලබාදුන් රුපියල් 5000 දීමනාව රුපියල් 10000 දක්වා වැඩි කිරීමට කැබිනට් මණ්ඩල අනුමැතිය ලැබී ඇත.

බස් රථ වල ගැටිමෙන් අනතුරු වලට ලක් වන අලි සංඛ්‍යාව දිනෙන් දින වර්ධනය වන බැවින් මින් ඉදිරියට වනජිවි කලාප තුළ ධාවනය වන රථ වාහන සම්බන්ධ වේග සිමාව පැයට කිලෝ මිටර් පනහ දක්වා අඩු කිරිමට තිරසර සංවර්ධන හා වනජිවි අමාත්‍යාංශය තිරණය කර තිබේ.

එමෙන්ම අලි මාරු වන අලි මංකඩවල් ආවරණය වන පරිදි ‍පොලිස් මුර‍පොලවල් ඉදි කිරිමට මෙන්ම වනජිවි කලාපයක් තුළ වාහන ධාවනය කළ යුතු ආකාරය පැහැදිලි කෙරෙන පුවරු ඉදි කිරිමටද තිරණය කර ඇත.

වනජිවි කලාප තුළ වාහන වේගය දක්වන ස්වංක්‍රිය වේග සිමා පුවරු හා කැමරා පර්යේෂණ මට්ටමින් ඉදි කිරිමටද අමාත්‍යාංශය පියවර ගෙන තිබේ.

තිරසර සංවර්ධන හා වනජිවි අමාත්‍ය ගාමිණි ජයවික්‍රම මහතා වන අලි අනතුරු පිළිබඳව කුරුණෑගල දිස්ත්‍රික් ‍ලේකම් කාර්යාලය,මාර්ග සංවර්ධන අධිකාරිය,ශ්‍රී ලංකා ගමනා ගමන මණ්ඩලය,පෞද්ගලික මාර්ගස්ථ ප්‍රවාහන අධිකාරිය,පෞද්ගලික බස් රථ සංගමය,‍පොලිසිය,වනජිවි සංරක්ෂණ දෙපාර්තමේන්තුව සහ එහි නිළධාරින් එක්ව පැවති සාච්ඡාවකින් අනතුරුව මෙම තිරණ ගත් බව වනජිවි අමාත්‍යාංශය පවසයි.

ශානිකා මාධවී පිරිස්

මාතර කොටපොල ප්‍රදේශයේ ගංවතුරට යට වූ කුරුඳු වගාවක් මැද තිබූ විදේශිය මිනී පෙට්ටියක් හමුව ඇත.

මෙම පෙට්ටියෙහි උඩු පියන් පත ගැලවී ගොස් තිබූ අතර, අරාබි අක්ෂර සඳහන් වැකි දක්නට ලැබේ.

මෙම මිනී පෙටිටිය කුමන ප්‍රදේශයකින් මෙලෙස ගසා ආවේ දැයි මෙතෙක් අනාවරණය වී නොමැත.

මෙය මැදපෙරදිග රටකදී මියගිය ශ්‍රී ලංකිකයෙකුගේ මරණයක් සහිතව මිහිදන් කොට තිබියදී පසුගියදා පැවති ගංවතුරත් සමඟ ඇතිවූ අධික සැඩපහරට මෙලෙස ගසාගෙන එන්නට ඇතැයි අනුමාන කළ හැක.

එමෙන්ම මෙහි තැන්පත් කොට තිබූ මළ සිරුරට කුමක් සිදුවූයේද යන්නත්  මෙතෙක් අනාවරණය වී නැත.


අජිත් ලංකා තිලක - අකුරැස්ස{jcomments on}

පොසොන් සමයේ අනුරාධපුර වන්දනාවේ පැමිණෙන ලක්ෂ සංඛ්‍යාත වන්දනා කරුවන්ගේ නොදැනුවත්කම නිසා පුරාවිද්‍යා ස්මාරක වලට සිදුවන හානිය තවමත් ඉතා බරපතල තත්වයක පවතින බව මධ්‍යම සංස්කෘතික අරමුදලේ පුරාවිද්‍යා අධ්‍යක්ෂ (අනුරාධපුර) සේවා සම්මානිත මහාචාර්ය ටී.ජී.කුලතුංග මහතා ප්‍රකාශ කරයි. මෙම පුරා විද්‍යා ස්මාරක සහ පුරාවස්තු විනාශය වැලකීම පිණිස වඩාත් විධිමත් සාමූහික වැඩපිළිවළක අවශ්‍යතාව ඒ මහතා අවධාරණය කරයි.

අනුරාධපුරයේ පූජනිය ස්ථාන වෙත පැමිණෙන වන්දනා කරුවන් ඒ අවට ඇති පුරාවිද්‍යා පරිශ්‍රයන්හි ආහාර පිසීම්, නවාතැන් ගැනීම් ආදී කටයුතු වල යෙදීම නිසා එම ස්මාරක සහ පුරාවිද්‍යා වස්තූන්ට බරපතල හානි සිදුවන බව පෙන්වා දෙන මහාචාර්යවරයා පුරාවිද්‍යා ස්මාරක මත ආහාර පිසීම සඳහා ගිනි දැල්වීම් ආදියෙන් එහි ඇති මුරගල් කොරවක් ගල් සහ මෙතෙක් තහවුරු කළ සහ තහවුරු නොකළ පුරාවිද්‍යා ස්මාරක යළි ප්‍රතිසංස්කරණය කළ නොහැකි අන්දමට විනාශ වී යන බවද පෙන්වා දෙයි.

මීට පෙර අවස්ථා වල සිදුකරන ලද ගවේෂණයකදී සෑම පොසොන් සමයක් අවසානයේම වන්දනාකරුවන් විසින් හානි කරන ලද ශිලාමය කොටස් ඇතුලු පුරාවිද්‍යා ස්මාරක කොටස් ටොන් 3 ක් 10 ක් අතර ප්‍රමාණයක් එම පරිශ්‍ර වලින් බැහැර කිරීමට සිදුවූ බවද මහාචාර්ය වරයා ප්‍රකාශ කරයි.

මෙම පුරා වස්තු විනාශය වැලැක්වීම පුරාවිද්‍යා දෙපාර්තමේන්තුවට හෝ මධ්‍යම සංස්කෘතික අරමුදලට තනිව කළ හැකි කාර්ය භාරයක් නොවන බවද ඒ  සඳහා පොලීසිය, සිවිල් ආරක්ෂක දෙපාර්තමේන්තුව ඇතුළු රාජ්‍ය හා ස්වේච්ඡා සංවිධාන වල ඒකාබද්ධ ක්‍රියාන්විතයක් ඇරඹිය යුතු බවද පෙන්වා දෙන මහාචාර්ය කුලතුංග ඒ සම්බන්ධයෙන් වන්දනාකරුවන් දැනුවත් කිරීම පිණිස මෙතෙක් ගෙන ඇති ක්‍රියාමාර්ග සම්බන්ධයෙන් කිසිසේත්ම සතුටු විය නොහැකි බව ද පෙන්වා දෙයි.

මෙහිදී අනුරාධපුර පූජනීය ස්ථාන අවට ආහාර පිසීමේ හා නවාතැන් ගැනීමේදී පුරාවිද්‍යා ස්මාරක නොමැති හිස් භූමි භාගයන් තොරා ගැනීම සම්බන්ධයෙන් වන්දනා කරුවන්ගේ විශේෂ අවධානය යොමු විය යුතු බව මහාචාර්යවරයා වැඩිදුරටත් පෙන්වා දෙයි.

සංහන් සකල්ප සිල්වා{jcomments on}

ලක්ෂ්මන් යාපා අබේවර්ධන මහතා රාජ්‍ය ව්‍යවසාය සංවර්ධන අමාත්‍යංශයේ රාජ්‍ය ඇමැතිවරයා ලෙස දිව්රුම් දී සතියක් ඉක්ම ගියද සිය අමාත්‍යංශ පරිශ්‍රය සඳහා ස්ථානයක් නොමැති වීමෙන් රාජ්‍ය අමාත්‍ය ධුරයේ රාජකාරි භාර ගැනීමට මතෛක් හැකියාව ලැබි නැත.
රාජ්‍ය ඇමැතිවරයාගේ කාර්ය මණ්ඩලය හා අමාත්‍යාංශ නිලධාරීන් ඊයේ (06) උදෑසන තුම්මුල්‍ලේ පිහිටි ස්ථානයක් බැලීමට ගොස් ඇති අතර එය අමාත්‍යංශයක් සඳහා සුදුසු මට්ටමක නැති බව රාජ්‍ය ඇමැතිවරයාගේ කාර්ය මණ්ඩලය පැවැසීමෙන් එම ස්ථානයද අත්හැර දමා ඇත. ඉන් පසු ලෝක වෙළඳ මධ්‍යස්ථානයේ වෙනත් ස්ථාන කිහිපයක්ද බැලීමට ගොස් ඇති අතර එයද අසාර්ථක වී ඇත.
ලක්ෂ්මන් යාපා රාජ්‍ය ඇමැතිවරයා ඉකුත් 02 දා කොළඹ ලෝක වෙළඳ මධ්‍යස්ථානයේ නැගෙනහිර කුළුණේ පිහිටි සිය අමාත්‍යංශ පරිශ්‍රයේ රාජකාරි භාර ගැනීමට නියමිතව තිබිණි. රාජ්‍ය ව්‍යවසාය සංවර්ධන නියෝජ්‍ය ඇමැතිවරයා ලෙස කටයුතු කළ ඉරාන් වික්‍රමරත්න මහතාට ඔහුගේ නිල කාමරය හැර තවත් කාමර නවයක් තිබිණි. ලක්ෂ්මන් යාපා අබේවර්ධන මහතා ඉකුත් සිකුරාදා (02) සිය රාජ්‍ය අමාත්‍ය ධුරයේ වැඩ භාර ගැනීමට සූදානම් වන අවස්ථාවේදී එම අමාත්‍යංශයේ කැබිනට් ඇමැති කබිර් හසීම් මහතාගේ වෙනත් ව්‍යාපෘතියක් සඳහා ඉන් කාමර හයක් වෙන්කර ගෙන තිබිම නිසා අබේවර්ධන මහතාට හිමිවී ඇත්තේ ඉන් කාමර තුනක් පමණි.
ඊයේ උදෑසන රාජ්‍ය ව්‍යවසාය සංවර්ධන අමාත්‍යංශයේ නිලධාරීන් හා ලක්ෂ්මන් යාපා ඇමැතිවරයාගේ කාර්ය මණ්ඩලය තුම්මුල්‍ලේ පිහිටි ස්ථානයක් නිරීක්ෂණය කිරීමට ගොස් ඇති අතර එහි පවතින ඉඩ පහසුකම් අමාත්‍යංශ පරිශ්‍රයකට නුසුදුසු බව රාජ්‍ය ඇමැතිවරයාගේ කාර්ය මණ්ඩලය ප්‍රකාශ කළ බව රාජ්‍ය ව්‍යවසාය සංවර්ධන අමාත්‍යංශයේ ‍ලේකම් රවීන්ද්‍ර හේවාවිතාරණ මහතා ලක්බිම කළ විමසීමකදී ප්‍රකාශ
කළේය. කෙසේ වෙතත් ඉතා ඉක්මනින් මෙම ගැටලුව නිරාකරණය කරන බව ‍ලේකම්වරයා වැඩිදුරටත් පැවැසීය. රාජ්‍ය ව්‍යවසාය සංවර්ධන අමාත්‍යංශය පිහිටා ඇත්තේ ලෝක වෙළඳ මධ්‍යස්ථානයේ බටහිර කුළුණේ ය. කැබිනට් ඇමැතිවරයාගේ කාර්යාලය පිහිටා ඇත්තේ එහි නැගෙනහිර කුළුණේය.එහි රාජ්‍ය ඇමැතිවරයාගේ කාර්යාලයට මතෛක් ස්ථානයක් ලැබි නැත.

කමණී හෙට්ටිආරච්චි

පොසොන් උත්සවය සමයේ සිගමන් යැදීමට පැමිණෙන සංවිධානාත්මක යාචක බලඇණි ජාතික ‍පොසොන් සතිය ආරම්භ වූ පෙරේදා (05) රාත්‍රිය වනවිට අනුරාධපුර නගර ආක්‍රමණය කර ඇත.
‍පොසොන් උත්සවය සඳහා ධාවනය වන විශේෂ දුම්රිය ඔස්සේ හා දුර ගමන් බස් රථවලින් පෙරේදා (05) රාත්‍රිය වනවිට ආගන්තුක ආක්‍රමණික යාචකයන් සියයකට වැඩි පිරිසක් අනුරාධපුර නගරයට පැමිණ සිටි අතර අනුරාධපුර පැරණි පූජා නගරයේ සිංහ කණුව දුම්රිය නගරය රුවන්මැලිසෑය ශ්‍රී මහ බෝධි පෙත්මග අවට ඔවුන් විසිරී සිටින අයුරු දැකගත හැකිවිය.
‍පොසොන් උත්සවය වෙනුවෙන් සෑම වසරකම පිටස්තර ප්‍රදේශවල සිට සිගමන් යැදීම සඳහා පැමිණෙන යාචකයන් ‍පොසොන් ‍පොහොය දිනයට දින කිහිපයකට ඉහතදී පැමිණ අනුරාධපුර පූජා භූමිය මිහින්තල පූජා භූමිය හා තන්තිරිමලය පූජා භූමිවෙත විසිර යන අතර ඔවුන්ට නවාතැන් ලබාදීමට පවා විවිධ පිරිස් අනුරාධපුර නගරයේ සිටින බව වාර්තා විය.
අනුරාධපුර නගරය ‍පොසොන් සමයට ආක්‍රමණය කරන යාචකයන් පිළිබඳව හොඳින් තතු දත් නගර වැසියෙකු ඒ සම්බන්ධයෙන් මෙසේ පැවසුවේය. සමහර යාචකයෝ දුම්රියෙන් අනුරාධපුරයට එන්නේ හොඳින් ඇද පැළඳගෙන. යාචකයෝ කියලා කියන්න බෑ. යාචකයෝ වගේ ‍පොදු ප්‍රවාහන සේවාවල්වල
එන්න අමාරුයි. ඇවිල්ලා මුලින්ම සිගමන් යදින්න හොඳ තැන් තෝර ගන්නවා. ස්ථාන තෝරා ගනිද්දී අනුරාධපුර නගරයේ ස්ථිර යාචකයෝයි ආගන්තුක යාචකයෝයි අතර ගැටුම් ඇති වෙනවා.
‍පොසොන් සමයේ සිගමන් යැදීමට එන සියලුම යාචකයන් අනුරාධපුරින් බැහැරව යාචක වෘත්තියේ යෙදෙන්නන් වන අතර බොහෝ පිරිසක් කොළඹ, ගම්පහ, කිරිබත්ගොඩ, කුරුණෑගල, මීගමුව, ගම්පහ, ගාල්ල, කතරගම යන ප්‍රදේශවල සිට අනුරාධපුරයට පැමිණෙන පිරිස්ය.
‍පොසොන් උත්සවයේදී අනුරාධපුර අටමස්ථානය ඇතුළු වන්දනීය ස්ථානවලට පැමිණෙන බැතිමතුන්ට හිරිහැර වෙන අයුරින් සිටින යාචකයන් මර්දනය කිරීමට පියවර ගෙන ඇත්ද යන්න අනුරාධපුර මූලස්ථාන ‍පොලීසියේ ස්ථානාධිපති ප්‍රධාන ‍පොලිස් පරීක්ෂක ඊ.එම්.සංජීව මහනාම මහතාගෙන් කළ විමසීමකදී ඔහු මෙසේ පැවසුවේය. මෙවර විශේෂ වැඩසටහන් රැසක් ක්‍රියාත්මකයි. මේ වනවිටත් අනුරාධපුර නගරයේ සිගමන් යදිමින් සිටි යාචකයන් දස දෙනෙකුට වැඩි පිරිසක් ‍පොලීසියෙන් අත්අඩංගුවට ගෙන තිබෙනවා. උඩමළුව ‍පොලීසිය මෙන්ම සිවිල් ඇඳුමින් සැරසුණු ‍පොලිස් නිලධාරීන් ඔවුන් අත්අඩංගුවට ගැනීමට රාජකාරියේ යොදවනවා. බස් රථයක ගැට කැපූ කාන්තාවන් දෙදෙනෙකුත් මේවන විට ‍පොලිස් අත්අඩංගුවට ගෙන තිබෙනවා යැයි ඒ මහාත පැවසුවේය.

අනුරාධපුර - බුද්ධික මහේෂ් විජේසූරිය

අයුතු ලෙස රුපියල් මිලියන 30 ක මුදලක් උපයා ගැනීමෙන් මුදල් විශුද්ධිකරණය වැළැක්වීමේ පනත යටතේ ගැනෙන වැරදි සිදුකිරීම ඇතුළු අධි චෝදනා 11 ක් යටතේ පවරා ඇති නඩුවේ අධි චෝදනා පත්‍රය පාර්ලිමේන්තු මන්ත්‍රී නාමල් රාජපක්ෂ මහතා ඇතුළු විත්තිකරුවන් තිදෙනකුට අද (6) කොළඹ මහාධිකරණය හමුවේදී භාර දුන්නේය.
නීතිපතිවරයා විසින් පවරා තිබූ එම නඩුවේ පළමු, තෙවන හා පස්වන විත්තිකරුවන් වන නාමල් රාජපක්ෂ, සුජානි බෝගොල්ලාගම හා නිත්‍යා සේනානි සමරනායක යන තිදෙනා අද (6) කොළඹ මහාධිකරණ විනිසුරු ගිහාන් කුලතුංග මහතා ඉදිරියේ පෙනී සිටියහ. එම නඩුවේ සෙසු විත්තිකරුවන් වන ඉන්දික ප්‍රභාත් කරුණාජීව හා ඔරනෙලා ඉරේෂා සිල්වා යන දෙදෙනාටද අධිකරණය හමුවේ පෙනී සිටින ලෙස දන්වා නොතීසි යවා තිබුණි. ඔවුන් මේ වනවිට විදේශගතවී සිටින බවත් විදේශ ගතවූ පසුව පවු‍ලේ ඥාතීන් සමග කිසිදු සබඳතාවක් නොපවතින නිසා නොතීසි භාර ගැනීම ඥාතීන් ප්‍රතික්ෂේප කොට ඇති බවද අධිකරණය හමුවේදී අනාවරණය විය. එම විත්තිකරුවන් දෙදෙනා වෙනුවෙන් නඩු කටයුත්ත සඳහා පෙනී සිටීමට තමනට බලය පවරා ඇති බව පෙන්වා දෙමින් නීතිඥ සම්පත් මෙන්ඩිස් මහතා හා නීතිඥ ප්‍රේමනාත් දොළවත්ත මහතා අධිකරණය හමුවේ පෙනී සිටි අතර බලය පැවැරීමේ ලිපිද විත්තියේ නීතිඥවරුන් අධිකරණයට ඉදිරිපත් කළේය. එම නඩුවේ හයවන විත්තිකරු ලෙස නම් කොට තිබූ නාමල් රාජපක්ෂ  මහතාට අයත් යැයි කියන සීමාසහිත ගවර්ස් කෝපරේඩ් සර්විසස් පුද්ගලික සමාගම වෙනුවෙන් කිසිදු නියෝජිතයකු හෝ නීතිඥයකු පෙනී නොසිටියේය.
විත්තිකාර නාමල් රාජපක්ෂ ඇතුළු ඊයේ අධිකරණය හමුවේ පෙනී සිටි විත්තිකරුවන් තිදෙනාම එම නඩුවේ මූලික පරීක්ෂණය පැවැත්වූ කොළඹ මහේස්ත්‍රාත් අධිකරණය විසින් රුපියල් ලක්ෂය බැගින් වූ මුදල් ඇප හා රුපියල් මිලියනය බැගින් වූ ශරීර ඇප හතර බැගින් නියම කොට ඇති බැවින් එම ඇප මතම විත්තිකරුවන් මුදාහරින ලෙසට විත්තියේ නීතිඥවරුන් අධිකරණයෙන් ඉල්ලා සිටියේය.
එම ඉල්ලීම පිළිගත් විනිසුරුවරයා විත්තිකරුවන් තිදෙනා පෙර ඇප මත මුදාහරින ලෙසත්, ඔවුන්ගේ ඇඟිලි සලකුණු ලබාගන්නා  ලෙසත් නියෝග කළේය. එම නඩුව ලබන 28 වැනිදා යළි ස්ථිර මහාධිකරණ විනිසුරුවරයා ඉදිරියේදී කැඳවන ලෙසටද මහාධිකරණ විනිසුරු ගිහාන් කුලතුංග මහතා නියෝග කළේය.
රජයේ ‍‍‍ජ්‍යෙෂ්ඨ අධිනීතිඥ හංස අබේරත්න මහතා නීතිපතිවරයා වෙනුවෙන් පැමිණිල්ල මෙහෙය වූ අතර ජනාධිපති නීතිඥ අනිල් සිල්වා, ජනාධිපති නීතිඥ ජයන්ත වීරසිංහ යන මහත්වරුන් ඇතුළු නීතිඥ මණ්ඩලයක් විත්තිය නියෝජනය කළේය.

නිශාන්ති රාමනායක

ලංකාව භයානක ව්‍යසනවලට ගොදුරු නොවීමට මනා අධ්‍යයනයකින් පසුව යෝජිත සැලැස්මක් හා යාන්ත්‍රණයක් සකස් කිරීමට අපි සැවොම මේ රට වෙනුවෙන් ඉදිරිපත්වීමට සුදුසු කාලය එළඹ තිබෙන බව කතානායක කරු ජයසූරිය මහතා පාර්ලිමේන්තුවේදී අද (06) ප්‍රකාශ කළේය.
ගංවතුර ව්‍යසනය සම්බන්ධයෙන් විශේෂ ප්‍රකාශයක් කරමින් කතානායකවරයා මේ බව කීවේය. ව්‍යසනයෙන් පීඩාවට පත් ජනතාවට ශෝකය පළ කරමින් කතානායකවරයා මෙසේද කීය.
පසුගිය දින කිහිපය තුළ ඇද හැළුණු ධාරානිපාත වර්ෂාව හේතුවෙන් අප දිවයිනේ දිස්ත්‍රික්ක අටකට ඇති වූ බරපතළ ගංවතුර ආපදාව නිසා ඉතිහාසයේ පෙර නොවූ විරූ අයුරින් 200 කට අධික වටිනා මිනිස් ජීවිත සංඛ්‍යාවක් අහිමිවීමත්, දහස් සංඛ්‍යාත පිරිස් අවතැන්වීමත්, සිදුවූ විශාල දේපළ හානියත්, පිළිබඳව දැඩි කම්පාවෙන් සිහිපත් කරන අතර මෙලෙස අභාග්‍ය සම්පන්න ලෙස ගංවතුර හා විවිධ ස්ථානවල ඇතිවූ නායයාම් හේතුවෙන් මෙලොවින් වියෝ වූ ඒ අහිංසක, අසරණ ජීවිත වෙනුවෙන් පාර්ලිමේන්තුවේ සාතිශය සංවේගය පළ කිරීමට මම මෙය අවස්ථාවක් කර ගනිමි.
අපගේ පාලනයෙන් තොරවූ, මෙම ස්වභාවික විපත්තියෙන් අන්ත, අසරණ වූ ජන ජීවිත යළිත් යථා තත්ත්වයට පත් කිරීමේ ඒකායන පරමාර්ථයෙන් මානවීය දයා කරුණාව පෙරදැරි කරගෙන නිල රාජකාරියට වඩා පරිත්‍යාගශීලි ළෙන්ගතුකමකින් කාලය, ශ්‍රමය වැය කරමින් ඉදිරිපත් වී මේ වන විටත් කටයුතු කරමින් සිටින ත්‍රිවිධ හමුදාව, ‍පොලීසිය ඇතුළු සියලුම ආරක්ෂක අංශවලටත්, රාජ්‍ය සේවයේ නිලධාරි මහත්ම මහත්මීන්ටත්, ඊට සම්බන්ධවූ අනෙකුත් සියලුම ආයතන, විවිධ සංවිධාන, පුද්ගලයන්ටත් පාර්ලිමේන්තුවේ කථානායකවරයා ලෙස මාගේ හෘදයාංගම කෘතඥතාව ඒ සෑම සියලු දෙනා වෙනුවෙන්ම පළකර සිටින බව මෙහිලා සඳහන් කරමි.
එම ප්‍රජා සේවා කටයුතුවල නියැලීමේදී අවාසනාවන්ත ලෙස ජීවිතක්ෂයට පත්වූ එම ගුවන් හමුදා නිලධාරියා ඉතාමත් සංවේදීව සිහිපත් කරන අතරම එම නිලධාරියාගේ දේහයට පාර්ලිමේන්තුව වෙනුවෙන් අවසන් ගෞරව දැක්වීමටද මට හැකිවූ බව ප්‍රකාශ කරමි.
තවද විවිධ වූ මාධ්‍ය ආයතන, මාධ්‍ය වාර්තා කිරීමෙන් ඔබ්බට යමින් අවතැන්වූ, අසරණ වූ තම සහෝදර ජනතාව වෙනුවෙන් ආධාර ලබා දෙමින් සහන සැලසීමෙන් කළා වූ උත්තුංග කාර්යය වෙනුවෙන් සියලුම මාධ්‍ය ආයතනවලටත්, ස්වේච්ඡා සංවිධානවලටත්, අනෙකුත් පරිත්‍යාගශීලින්ටත්, මාගේ කෘතවේදීත්වය පිරිනමමි.
රුදුරු ගංවතුර උවදුරින් උන්හිටි තැන් අහිමි වී, අන්ත අසරණ වූ ජනතාවට කිසියම් හෝ සහනයක් ලබාදීමට මා ගිය සෑම තැනකදීම ආණ්ඩු පාර්ශ්වයේ සහ විරුද්ධ පාර්ශ්වයේ සියලුම පාර්ලිමේන්තු ජනතා නියෝජිතයන් අවධාරණය කරමින් පවසා සිටියේ පක්ෂ, පාට, පටු බෙදීම් පසෙක ලා ඉදිරියේදී මෙවැනි ඛිෙදවාචකයන්ට මුහුණ දීමටත්, ජීවිත, දේපළ හානි අවම කර ගැනීමටත්, ආපදා කළමනාකරණය වෙනුවෙන් යෝග්‍ය යාන්ත්‍රණයක් සකස් කිරීම ඉතාමත් කාලෝචිත බවය.
අප දිවයිනේ ඉදිරි පරම්පරාවටත්, නූපන් පරපුරටත්, මෙවන් භයානක ව්‍යසනවලට ගොදුරු නොවීමට මනා අධ්‍යයනයකින් පසුව යෝජිත සැලැස්මක් හා යාන්ත්‍රණයක් සකස් කිරීමට අපි සැවොම අපගේ මේ කුඩා රට වෙනුවෙන් ඉදිරිපත් වීමට සුදුසු කාලය එළඹ තිබෙන බව මොනවට පැහැදිලි වෙයි. මෙවැනි ක්‍රියාකාරකම් වෙනුවෙන් අති විශාල මුදලක් අවශ්‍ය වුවත්, අපේ රට අද ලෝකයේ හොඳ හිත, සුහදත්වය අත්පත් කරගත් යහපත් රාජ්‍යයක් ලෙස එවැනි මූල්‍ය ප්‍රතිපාදන සොයා ගැනීම දුෂ්කර කාර්යයක් නොවන බව මාගේ එකම විශ්වාසයයි. එම නිසා පාර්ලිමේන්තුව නියෝජනය කරන සැබෑ, සංවේදී ජනතා නියෝජිතයන් ලෙස අප සැවොම එකට එකමුතු වී අත්වැල් බැඳගෙන මෙම ‍පොදු අරමුණ වෙනුවෙන් සුදුසු ඉක්මන් වැඩපිළිවෙලකට අවතීරණ වීමට අධිෂ්ඨාන කර ගනිමු.

ලසන්ත වීරකුලසූරිය, පැතුම් වික්‍රමරත්න

ඡන්ද හිමියන් ලියාපදිංචි කිරීමේ (විශේෂ විධිවිධාන) පනත් කෙටුම්පත හෝ එහි විධිවිධාන කිසිවක් ආණ්ඩුක්‍රම ව්‍යවස්ථාවට පටහැනි නැති බව ශ්‍රේෂ්ඨාධිකරණය දැනුම් දී ඇතැයි කථානායක කරු ජයසූරිය මහතා පාර්ලිමේන්තුවට අද (06) දැනුම් දුන්නේය. පාර්ලිමේන්තු කටයුතු ආරම්භයේදී දිනට නියමිත නිවේදන ප්‍රකාශයට පත් කරමින් කථානායකවරයා මෙසේද කීය.
ආණ්ඩුක්‍රම ව්‍යවස්ථාවේ 121 (1) වන ව්‍යවස්ථාව අනුව ශ්‍රේෂ්ඨාධිකරණය හමුවේ අභියෝගයට ලක් කරන ලද “ඡන්ද හිමියන් ලියාපදිංචි කිරීමේ (විශේෂ විධිවිධාන)” නමැති පනත් කෙටුම්පත පිළිබඳ ශ්‍රේෂ්ඨාධිකරණයේ තීරණය පාර්ලිමේන්තුවට දැන්වීමට කැමැත්තෙමි.
පනත් කෙටුම්පත හෝ එහි විධිවිධාන කිසිවක් හෝ ආණ්ඩුක්‍රම ව්‍යවස්ථාවට අනුකූල නොවන බවට ශ්‍රේෂ්ඨාධිකරණය තීරණය කර ඇති බව දන්වනු කැමැත්තෙමි. “අභ්‍යන්තර වශයෙන් අවතැන් වූ තැනැත්තා” යන්නෙහි නිර්වචනය ශ්‍රේෂ්ඨාධිකරණ තීරණයේ සඳහන් පරිදි සංශෝධනය කළ යුතු බවට තවදුරටත් ශ්‍රේෂ්ඨාධිකරණය දන්වා ඇත.

ලසන්ත වීරකුලසූරිය, පැතුම් වික්‍රමරත්න{jcomments on}

දරුවන් වෙනුවෙන් ඇටමිදුලු බද්ධ කිරීමේ සැත්කම ඉදිරි මාස තුන ඇතුළතදී කොළඹ රිජ්වේ ළමා රෝහ‍ලේදී ආරම්භ කරන බව සෞඛ්‍ය, ‍පෝෂණ හා දේශීය වෛද්‍ය ඇමැති දොස්තර රාජිත සේනාරත්න මහතා ප්‍රකාශ කළේය.
දරුවන්ගේ ඇටමිදුලු බද්ධ කිරීමේ සැත්කමක් සඳහා රුපියල් මිලියන 05ක මුදලක් වැය වන බවත් එවැනි මුදලක් වැය කිරීමට අපේ රටේ දෙමාපියන්ට හැකියාවක්  නැති බවත් ඇමැතිවරයා සඳහන් කළේය.
මහරගම අපේක්ෂා රෝහ‍ලේ පිළිකා රෝගීන්ගේ ඇටමිදුලු බද්ධ කිරීමේ සැත්කම් මේ වනවිට ආරම්භ කර තිබෙන බව පැවැසූ දොස්තර රාජිත සේනාරත්න මහතා, තැලසීමියා රෝගීන්ගේ ඇටමිදුලු බද්ධ කිරීමේ සැත්කම් මහනුවර මහරෝහ‍ලේදී ආරම්භ කරන බව ඇමැතිවරයා වැඩිදුරටත් පැවැසීය.

කමණී හෙට්ටිආරච්චි/ ශ්‍රියානි විජේසිංහ

IMAGE

ඡන්දය වෙනුවෙන් 'වඩියකට' ඉඩ දෙන්නැයි අපේක්ෂකයෝ ඉල්ලති

IMAGE 2018 Jan 16 10:42
තමන් කිසිදා  කසිප්පු පෙරීම නොකළ නමුත් මැතිවරණය අවසන් වන තුරු පමණක්  කාර්යාලය පිටුපස දින...
Views - 1492

අහඹු ගැබ් ගැනීම් වලකන පෙති ඇසුරුම් 20 අනුරපුර පාසලක

IMAGE 2018 Jan 16 09:59
පාසල ශුද්ධ පවිත්‍ර කිරීමේ ශ්‍රමදානයකට සහභාගී වූ මවකට අනුරාධපුර නගරයේ පාසලක තිබී අහඹු ලෙස...
Views - 1771

අන්තර්ජාල ඡායාරූපයේ සත්‍ය කතාව උදාරි හෙළි කරයි

IMAGE 2018 Jan 15 12:15
ප්‍රවේගය සිනමා පටයෙන් බොහෝ දෙනාගේ ආදරය දිනාගත් උදාරි පෙරේරාගේ තට්ට හිස සහිත ඡායාරූප පෙළක්...
Views - 3031

හොලිවුඩ් නිළියන්ටත් ලිංගික හිංසන

IMAGE 2018 Jan 15 11:49
වසර හැත්තෑ පහක කාලය තුළ අමුතුම ආකාරයේ ගෝල්ඩන් ග්ලෝබ් සම්මාන උළෙලක් පළමු වරට පසුගිය ඉරිදා...
Views - 1616

SMS මිස්කෝල් ෆෙස්බුක් නිසා කාන්තාවන් 26%ක් ගුටිකති

IMAGE 2018 Jan 15 08:37
සැමියා පහරදීම නිසා කාන්තාවන්ගෙන් සියයට විසිහයක් හිංසනයට ලක්ව ඇත්තේ ජංගම දුරකථනවලට එන කෙටි...
Views - 1941

හැන්දෑවට හඩා වැටෙන සියඹලාගසේ භූතයා

IMAGE 2018 Jan 14 13:05
නිකවැරටියට ආසන්න පිටිසරබද ගම්මානයක භූතයකු අරක්ගත් සියඹලා ගසක් පිළිබඳව මීට වසර කිහිපයකට පෙර...
Views - 3515

Please publish modules in offcanvas position.

Web Analytics
X

Right Click

No right click