Coss Ear2
lakbima.lk
COSS Ear 1

දිවයින පුරා පිහිටි සියලුම ‍පොලිස් බල ප්‍රදේශ ආවරණය වන පරිදි ‍පොලීසිය සිදු කළ පැය හතරක විශේෂ මෙහෙයුමකදී පුද්ගලයන් 1670 දෙනකු ඊයේ (31) දින අත්අඩංගුවට ගත් බව ‍පොලිස් මූලස්ථානය පවසයි.
‍පොලිස්පති පූජිත් ජයසුන්දර මහතාගේ නියෝග හා උපදෙස් මත පෙරේදා (30) දින රාත්‍රී 11 සිට ඊයේ (31) අලුයම 3 දක්වා මාර්ග බාධක 1308 ක් යොදවා ‍පොලිස් ස්ථාන මගින් මෙම මෙහෙයුම ක්‍රියාත්මක කර තිබේ.
එහිදී වාහන 20,913 ක් පරීක්ෂාවට ලක් කර ඇති අතර පුද්ගලයන් 42,673 දෙනකු සෝදිසි කර තිබේ.
මෙහිදී විෂ මත්ද්‍රව්‍ය, නීති විරෝධී මද්‍යසාර වැටලීම් 420 ක්, රථවාහන නඩු 3715 ක්, නීති විරෝධී ගිනි අවි (බෙහෙත් කොටන තුවක්කු) 5 ක්, මත්පැන් පානය කර බිමත්ව, අශෝභනව හැසිරීම, වැලි සහ දැව වැටලීම් නඩු 46 ක්ද සිදුකර තිබේ.
බිමත්ව රිය පැදවීම් 719 ක්, වරෙන්තුකරුවන් 397 ක්, විවිධ අපරාධයන්ට සැකපිට පුද්ගලයන් 554 ක්ද අත්අඩංගුවට ගත් බව ‍පොලිස් මූලස්ථානය පවසයි.
 
ශානිකා මාධවී පීරිස්/සේන මැද්දේ‍පොල - මොණරාගල
 

වසර 152කින් ශ්‍රී ලංකාවාසීන්ට උදා වූ නිල් සඳක් සහිත පූර්ණ ලෝහිත චන්ද්‍රග්‍රහණයක් එකවර දැක ගැනීම අද සන්ධ්‍යා අහස වැසි වලාකුළු වලින් වැසී යාම නිසා ශ්‍රී ලංකාවේ ඇතැම් ප්‍රදේශවල ජනතාවට අහිමිව ඇති බව වාර්තා වේ.

ඒ අනුව අද මෙම අවස්ථාව ලැබී ඇත්තේ ශ්‍රී ලංකාවේ පලාත් කිහිපයක ජනතාවට පමණි.

අද පස්වරු 6.22 සිට 7.38 දක්වා මෙම පුර්ණ චන්ද්‍රග්‍රහණ අවස්ථාව දැක ගත හැකිව තිබූ අතර රාත්‍රී 9.38ට මෙම චන්ද්‍රග්‍රහණය අවසන් විය යුතුව තිබුණි.

චන්ද්‍රයා වෙනදාට වඩා කිලෝමීටර් 50,000ක් පෘථිවියට ආසන්නයෙන් ගමන් කිරීම නිසා වෙනදාට වඩා සුපිරි සඳක් දැකගත හැකි දිනයක් ලෙසද අද නම් කොට තිබූ අතර යමක් ඉතා කලාතුරකින් සිදුවිම පිණිස ඉංග්‍රීසි බසෙහි එන සුප්‍රකට කිරුලක් වන්නේ ද Once in a blue moon යන්නය.

කෙසේ හෝ මෙවර ගිලිහී ගිය අවස්ථාව යළි ලබා ගැනීමට දැනට ජීවතුන් අතර හිදින කිසිවෙකුටත් නොහැකි වනුයේ මෙවන් අවස්ථාවක් නැවත දැක ගත හැකි වනුයේ තව වසර 152කින් හෙවත් වසර 2170 දී බැවිනි.

දමයන්ති ගමගේ

කාසල්රි ජලාශයේ පාවෙමින් තුබු නාඳුනන කාන්තා මළ සිරුරක් නෝවුඩ් පොලිසිය විසින් අද (31) දින සොයාගෙන ඇත.

ප්‍රදේශයේ ජනතාව විසින් අද දින උදැසන මෙම මළ සිරුර කාසල්රි ජලාශයේ පාවෙමින් තිබෙනු දැක ඒ පිළිබඳව නෝවුඩ් පොලිසිය වෙත දැනුම් දි ඇත.

මෙයට සතියකට පමණ පෙරදි අවුරුදු 28ක් වයැසැති කාන්තාවක් අතුරුදහන්ව ඇති බවට නෝවුඩ් පොලිසියට පැමිණිල්ලක් ලැබි ඇති බවත් මෙම මළ සිරුර එම කාන්තාවගේද යන්න පිළිබඳව සැකකරන බවත් නෝවුඩ් පොලිසිය පවසයි.

මෙම මළ සිරුර පිළිබඳව නෝවුඩ් පොලිසිය විසින් වැඩිදුර පරික්ෂණ ආරම්භ කර ඇත. 

සුදත් සෙල්ලහේවා - හැටන්  

ත්‍රිරෝද රථයක් ඇති ඕනෑම අයෙකුට මගී ප්‍රවාහන සඳහා තිබූ ඉඩකඩ ලබන අප්‍රේල් මාසයේ සිට මුළු මනින්ම අහිමි වී යනු ඇතැයි සමස්ත ලංකා ත්‍රිරෝද රථ රියදුන්ගේ සහ හිමිකරුවන්ගේ සංගමය සභාපති සුදිල් ජයරුක් මහතා පවසයි.

ඔහු පවසනුයේ ඒ ඔස්සේ වෘත්තීය ත්‍රිරෝද රථ හිමියන්ගේ වෘත්තීය හිමිකම් තහවුරු වන බවත් එමගින් ඔවුන්ගේ සමාජ ආර්ථික මට්ටම ඉහළ යන බවත්ය.

2018 අයවැය යෝජනා වලින් සම්මත වූ ත්‍රිරෝද රථ නියාමනය පිළිබඳ ජාතික ආයතනය ස්ථාපිත කිරීම පිණිස මුදල් අමාත්‍යංශයේ අය වැය ක්‍රියාත්මක කිරීමේ කමිටුව මගින් දැනට ඒ සඳහා කඩිනමින් කටයුතු කරන බව තම සංවිධානය වෙත වාර්තා වී ඇතැයි බව පවසන ජයරුක් මහතා ත්‍රිරෝද රථය ජාතික ප්‍රවාහන ප්‍රතිපත්තියට ඇතුළුවීමත් සමඟම එහි නියාමන කටයුතු එකි ආයතනය මගින් සිදු කෙරෙන බව පැවසීය.

එමෙන්ම ඒ අනුව ත්‍රිරෝද ගමනා ගමනය සඳහා මිල ප්‍රමිතියක් ද ඇතිවනු ඇතැයි ඔහු කීය.

ඉන් පසු එම නීතිමය තත්වයන් යටතේ එම බලතල පලාත් සභා වලට පැවරෙන අතර ඒවා පලාත් පාලන ආයතන මගින්ද ක්‍රියාටව නැවෙන බව පැවසූ ජයරුක් මහතා ඉන් පසුව රජයේ ලියාපදිංචි නොවු ත්‍රිරෝද රථ වලට මගී ප්‍රවාහනය කිරීමට ඇති අවකාශය මුළුමනින්ම අහිම වන බව පැවසීය.

එස්.ටී.පී.සිල්වා

ලබන පෙබරවාරි 4දා පැවැත්වෙන 70වන ජාතික නිදහස් උළලේ විශේෂ ආරාධිතයන් ලෙස බ්‍ර්තාන්‍ය රජ පවුල නියෝජනය කරමින් බ්‍රිතාන්‍යයේ දෙවෙනි එළිසබත් සහ එඩින්බරෝ ආදිපාදවරයාගේ බාලම පුතු සහ වෙක්සස්හි අර්ල්වරයා වන එඩ්වඩ් කුමරු හා සොෆි කුමරිය අද පස්වරුවේ ශ්‍රී ලංකාවට සැපැත් වීමට නියමිතය.

නිදහස් සමරුවට සහභාගී වීමට ප්‍රථම ශ්‍රී ලංකාවේ සංචාර කිහිපයකම යෙදෙන මෙම දෙපළ මහනුවර ශ්‍රී දළදා මාළිගාව, පේරාදෙණිය රාජකීය උද්භිද උද්‍යානය සහ රත්මලාන අන්ධ විද්‍යාලය ආදී ස්ථාන වල සංචාරය කිරීමට සහ තවත් සමාජ සුභසාධන කටයුතු කිහිපකට සහභාගී වීමට නියමිතය.

එස්.ටී.පී.සිල්වා

බදුල්ල දෙමළ බාලිකා විද්‍යාලයේ විදුහල්පතිනිය දණ ගැස්වීමේ සිද්ධිය සම්බන්ධයෙන් කෙරෙන පරීක්ෂණයට හෙට (1) දිනයේ ශ්‍රී ලංකා මානව හිමිකම් කොමිෂන් සභාවට පැමිණීමට නොහැකි බවට ඌව පළාත් ප්‍රධාන අමාත්‍ය චාමර සම්පත් දසනායක මහතා ඊයේ (30) කළ දැනුම්දීම ප්‍රතික්ෂේප කර ඇති මානව හිමිකම් කොමිෂන් සභාව විසින් අනිවාර්යයෙන්ම හෙට දින පැමිණිය යුතු බවට මහ ඇමැතිවරයාට දැනුම් දී තිබේ.
බදුල්ල දෙමළ බාලිකා විද්‍යාලයේ විදුහල්පතිනිය ආර්. භවානි මහත්මිය දණගැස්වී යැයි කියන සිද්ධිය සම්බන්ධයෙන් පැවැත්වෙන විමර්ශනයට පෙබරවාරි පළමුවැනිදා ශ්‍රී ලංකා මානව හිමිකම් කොමිෂන් සභාවේ කොළඹ කාර්යාලයේ පෙනී සිටින ලෙස එම කොමිසම පෙරේදා (29) ඌව මහ ඇමැති චාමර සම්පත් දසනායක මහතාට සිතාසි යොමු කර තිබුණි.
එහෙත් ජනාධිපති මෛත්‍රීපාල සිරිසේන මහතා මහියංගණ නගරයට පැමිණෙන බැවින් එහි කාර්යයන් රැසක් ඉටු කිරීමට පැවැරී ඇති හෙයින් මානව හිමිකම් කොමිෂන් සභාවට පැමිණීමට නොහැකි බවට ඌව පළාත් ප්‍රධාන අමාත්‍ය චාමර සම්පත් දසනායක මහතා ඊයේ (30) මානව හිමිකම් කොමිසම වෙත දැනුම් දී තිබේ.
මානව හිමිකම් කොමිෂන් සභාව භාර දෙන ලද සිතාසියක් සඳහා නියමිත වේලාවේදී කොමිෂන් සභාව ඉදිරියේ පෙනී සිටීම ප්‍රතික්ෂේප කිරීම හෝ පැහැර හැරීම කොමිෂන් සභාවේ අධිකාරියට විරුද්ධව සිදු කරන ලද්දක් සේ සලකනු ලබන බවත්, එය ශ්‍රේෂ්ඨාධිකරණය විසින් දඬුවම් දිය හැකි වරදක් බවත් කොමිසම ඌව මහ ඇමැතිවරයාට ලිඛිතව දැනුම් දී තිබේ.
 
ශානිකා මාධවී පීරිස්

ගාල්ල දිස්ත්‍රික්කයේ පළාත් පාලන මැතිවරණය සඳහා ඡන්ද විමසුම සිදුකිරීමට නියමිත ගාල්ල මහනගර සභාව ඇතුළු පළාත් පාලන ආයතන 20 ක විවිධ පක්ෂ සහ අපේක්ෂකයන් අතර මැතිවරණ නීති කඩකිරීමේ සිද්ධි සංඛ්‍යාව මේ වනවිට 220 ත් ඉක්මවා ඇතැයි ගාල්ල දිස්ත්‍රික් මැතිවරණ පැමිණිලි විමර්ශන මෙහෙයුම් මධ්‍යස්ථානය පවසයි.
එම පැමිණිලි 220 සඳහා මැතිවරණ පැමිණිලි මෙහෙයුම් මධ්‍යස්ථානය විසින් අවශ්‍ය ක්‍රියාමාර්ග සිදුකර ඇති බවත් මතෛක් ලද පැමිණිලි අතර බරපතළ සිද්ධි කිසිවක් වාර්තා නොවීම සුවිශේෂ කාරණයක් බවත් එම මධ්‍යස්ථානය සඳහන් කරයි.
සිය මධ්‍යස්ථානය වෙත මැතිවරණ නීති කඩකිරීම්, පැමිණිලි ලද විගස එසැණින් අදාළ නිලධාරීන්, ‍පොලිස් නිලධාරීන් සමග යොමුකරන බවද පැමිණිලි අතර වැඩි සංඛ්‍යාවක් ‍පෝස්ටර්, බැනර් සහ කටවුට් ඉදිකිරීම් සම්බන්ධව බවත් ඔවුහු පවසති. රාජ්‍ය වාහන අවභාවිතය පිළිබඳ පැමිණිලි දක්නට නොලැබෙන අතර රාජ්‍ය දේපළ අවභාවිතය පිළිබඳ පැමිණිලි අල්ප වන බවද එම මධ්‍යස්ථානය පවසයි.
 
කමල් විජේහේවා - ගාල්ල

තමාට එරෙහිව අල්ලස් හෝ දූෂණ විමර්ශන කොමිෂන් සභාව විසින් පවරා ඇති නඩුවේ චෝදනාවලින් නිදොස් කොට නිදහස් කරන ලෙස හිටපු ප්‍රවාහන අමාත්‍ය පාර්ලිමේන්තු මන්ත්‍රී කුමාර වෙල්ගම මහතා කර තිබූ ඉල්ලීම කොළඹ මහාධිකරණ විනිසුරු විකුම් කළුආරච්චි මහතා ඊයේ (30) ප්‍රතික්ෂේප කළේය.
සැකකාර පෙත්සම්කරුට එරෙහිව ගොනුකර තිබූ චෝදනා පත්‍රය සංශෝධනය කිරීමට කොළඹ මහේස්ත්‍රාත් අධිකරණය විසින් 2016.09.26 වැනිදා පැමිණිල්ලට අවසර ලබාදෙමින් නිකුත් කොට තිබූ නියෝගය අත්හිටුවීමටද විනිසුරුවරයා එහිදී නියෝග කළේය. කුමාර වෙල්ගම මහතාට එරෙහිව අපරාධ නඩු විධාන සංග්‍රහයේ 182 වගනිත්ය යටතේ නඩුවක් ගොනු කිරීමට ප්‍රමාණවත් සාක්ෂි ඇත්නම් නඩු කටයුත්ත ඉදිරියටත් පවත්වාගෙන යන ලෙසටත් ප්‍රමාණවත් සාක්ෂි නොමැති නම් සැකකරු නිදහස් කරන ලෙසටත් මහාධිකරණ විනිසුරුවරයා එහිදී කොළඹ අතිරේක මහේස්ත්‍රාත්වරියට වැඩිදුරටත් නියෝග කළේය.
ප්‍රවාහන අමාත්‍යවරයා ලෙස කටයුතු කළ සමයේ ලංකා ගමනාගමන මණ්ඩලයේ උප සභාපති තනතුරක් ඇතිකර එයට සිය හිතවතකු පත්කර ඔහුගේ වැටුප් හා දීමනා ලෙස රුපියල් ලක්ෂ 33 කට ආසන්න මුදලක් ගෙවීමෙන් ලංකා ගමනාගමන මණ්ඩලයට අලාභයක් සිදුකිරීම හා අල්ලස් හෝ දූෂණ විමර්ශන පනත යටතේ ගැනෙන දූෂණය නමැති වැරැද්ද සිදුකිරීම යන චෝදනා යටතේ අල්ලස් හෝ දූෂණ විමර්ශන කොමිෂන් සභාව විසින් කුමාර වෙල්ගම මහතාට එරෙහිව එම නඩුව පවරා තිබුණි.
අල්ලස් හෝ දූෂණ විමර්ශන කොමිෂන් සභාවේ සහකාර අධ්‍යක්ෂ රාජපක්ෂ මහත්මිය සමග රජයේ ‍‍‍ජ්‍යෙෂ්ඨ අධිනීතිඥ ජනක බණ්ඩාර මහතා නීතිපතිවරයා වෙනුවෙන් පෙනී සිටියේය.
 
නිශාන්ති රාමනායක - කොළඹ අධිකරණ

දිවයිනේ ප්‍රමුඛතම ජාත්‍යන්තර පාසලක හත්වන ශේ්‍රණියේ ළමුන් නව දෙනෙකු කායික හා මානසික වශයෙන් කෲරත්වයට පත් කිරීම සම්බන්ධයෙන් ජාතික ළමා ආරක්ෂක අධිකාරියට පැමිණිල්ලක් ඉදිරිපත් කර තිබේ.
එම පාස‍ලේම ළමයෙකු විසින් 1929 ළමා උපකාරක සේවාව වෙත මෙම පැමිණිල්ල ඉදිරිපත් කර ඇතැයි ළමා ආරක්ෂක අධිකාරිය පවසයි.
ඒ අනුව මේ සම්බන්ධ විමර්ශන කටයුතු මේ වන විට ආරම්භ කර ඇති අතර ළමයින් ඇතුළු පාර්ශ්වයන්ගෙන් මේ වන විට ප්‍රකාශ සටහන් කරගෙන ඇතැයිද ජාතික ළමා ආරක්ෂක අධිකාරියේ සභාපතිනි නීතිඥ මර්නි ද ලිවේරා මහත්මිය පවසයි.
අදාළ විමර්ශන කටයුතු තම සෘජු අධීක්ෂණය යටතේ කෙරෙන බවත්, අදාළ සැකකරුවන් වරදක් කර ඇති බවට තහවුරු වුවහොත් උපරිම දඬුවම් ලබාදීමට කටයුතු කරන බවත් ඇය අවධාරණය කරයි.
මෙම සිදුවීමට අදාළව ඉදිරියේදී නීතිපති උපදෙස් ලබා ගැනීමට ළමා ආරක්ෂක අධිකාරිය බලා‍පොරොත්තු වේ.
 
ගයාත්‍රි ගීගනආරච්චි
 

ඉකුත් ජනාධිපතිවරණ සමයේදී ස්වාධීන රූපවාහිනී සේවය ඔස්සේ ප්‍රචාරය වූ දැන්වීම් සම්බන්ධයෙන් වන අධිකරණමය කටයුතුවලදී හිටපු ජනාධිපති මහින්ද රාජපක්ෂ මහතා වැරදිකරු වුවහොත් වසර හතක ප්‍රජා අයිතිය අහිමිවන අතර ඉන් පසුවද ව්‍යවස්ථාපිත මණ්ඩලයක කිසිදු තනතුරක් හෙබවිය නොහැකි බව බරපතළ මූල්‍ය වංචා සෙවීමේ ජනාධිපති කොමිෂන් සභා වාර්තාවේ සඳහන් වී ඇතැයි වරාය හා නාවික ඇමැති මහින්ද සමරසිංහ මහතා ප්‍රකාශ කළේය.
එම වාර්තාවේ 149 වන පිටුවෙහි මේ සම්බන්ධයෙන් පැහැදිලිව සඳහන් වී ඇතැයි ශ්‍රී ලංකා නිදහස් පක්ෂ මූලස්ථානයේදී ඊයේ (30) පැවැති මාධ්‍ය හමුවකදී ඇමැතිවරයා සඳහන් කළේය.
ජනාධිපති මෛත්‍රීපාල සිරිසේන මහතා වංචා දූෂණයට එරෙහි නායකයකු ලෙස ඔහුට වැරදිකරුවන්ට දඬුවම් දීමට පක්ෂ පාට බේදයක් නොමැති බවද සඳහන් කළේය. මෙම කොමිෂන් සභා වාර්තාවට අනුව ශ්‍රී ලංකා නිදහස් පකෂයෙන් වෙන්ව සිටින මන්ත්‍රීවරුන්ට පමණක් නොව ජනාධිපති මෛත්‍රීපාල සිරිසේන මහතා සමග සිටින අමාත්‍යවරයකු සම්බන්ධයෙන්ද සඳහන් වී තිබෙන බව ඇමැතිවරයා සඳහන් කළේය. ඒ අනුව අන් අය සම්බන්ධයෙන් නීතිය ක්‍රියාත්මක කරන පරිදිම මෙම ඇමැතිවරයා සම්බන්ධයෙන්ද නීතිය ක්‍රියාත්මක කරන බව මහින්ද සමරසිංහ මහතා වැඩිදුරටත් පැවැසීය.
 
කමණී හෙට්ටිආරච්චි

පාර්ලිමේන්තු මන්ත්‍රී රවි කරුණානායක මහතා එක්සත් ජාතික පක්ෂ උප නායක ධුරයෙන්  ඉවත් කිරීම සුදුසු යැයි බැඳුම්කර ගනුදෙනුවට එ.ජා.ප. මන්ත්‍රීවරුන් සම්බන්ධදැයි සොයා බැලීමට පත් කළ කමිටු වාර්තාව විසින් නිර්දේශ කර ඇතැයි පක්ෂ ආරංචි මාර්ග සඳහන් කරයි.
ශ්‍රී ලංකා මහ බැංකු බැඳුම්කර නිකුත් කිරීමේ සිද්ධියට එක්සත් ජාතික පක්ෂ මන්ත්‍රීවරු සම්බන්ධදැයි සොයා බැලීමට පත් කළ තිලක් මාරපන කමිටුවේ වාර්තාව පෙරේදා (29) අගමැති රනිල් වික්‍රමසිංහ මහතා වෙත භාර දී ඇත.
කමිටු වාර්තාව විදේශ කටයුතු අමාත්‍ය තිලක් මාරපන මහතා විසින් භාරදීමෙන් පසු අගමැතිවරයා ඇතුළු පක්ෂයේ ‍‍‍ජ්‍යෙෂ්ඨ නායකයන් රවි කරුණානායක මහතා අරලියගහ මන්දිරයට ගෙන්වා සාකච්ඡා කර ඇති අතර එම සාකච්ඡා එකඟතාවකින් තොරව අවසන්වී ඇති බවද එම ආරංචි මාර්ග අනාවරණය කළේය.
ශ්‍රී ලංකා මහ බැංකු බැඳුම්කර නිකුත් කිරීමට අදාළ ක්‍රියාවලියේදී එක්සත් ජාතික පක්ෂ මන්ත්‍රීවරුන් සම්බන්ධදැයි සොයා බැලීමට කමිටුව පත් කළ විගස එහි කටයුතු ආරම්භ කළ අතර සති දෙකක් තුළ එහි වාර්තාව සැකසීමට පියවර ගැනුණි.

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 1223

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 698

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 4083

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2347

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 4378

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 5526

Please publish modules in offcanvas position.