Coss Ear2
lakbima.lk
COSS Ear 1

විවිධ ආර්ථික උපක්‍රම හරහා ශ්‍රී ලංකාවේ සහයෝගය දිනාගනිමින් ඉන්දියාව හා ශ්‍රී ලංකාව අතර  සබඳතා දුරස් කරලීමට චීනය උත්සාහ දරමින් සිටින බව ඉන්දියාවේ හිටපු ජාතික ආරක්ෂක උපදේශක එම්.කේ නාරායන්ස්වාමි මහතා අවධාරණය කර සිටී.
ශ්‍රීලංකාව ඇතුළු ඉන්දියාවේ අසල්වැසි රාජ්‍යයන් මෙලෙස විවිධ උපක්‍රම හරහා දිනාගනිමින් ඉන්දියාව  මිතුරන් නොමැති රාජ්‍යයක් බවට පත්කරලීමටද චීනය උත්සාහ දරමින් සිටින බව ඉන්දියාවේ පැවැති ජාත්‍යන්තර සමුළුවක් අමතමින් නාරායන්ස්වාමි මහතා පසුගියදා ප්‍රකාශ කළේය.
මේ කරුණු මුල්කර ගනිමින් ඉන්දියාව හා චීනය අතර යුද ගැටුම් හට නොගනු ඇති නමුත් දෙරට අතර අර්බුද තවදුරටත් පවතිනු ඇති බව නාරායන්ස්වාමි මහතා මෙහිදී අනතුරු අගවා සිටියේය.
ශ්‍රීලංකාවේ හම්බන්තොට වරාය ලබා ගනිමින්ද, වරාය නගරය හරහාද ඉන්දියා සාගරයේ තම බලය ව්‍යාප්ත කරලීමට චීනය උත්සාහගත කරන බවද නාරායන්ස්වාමි මහතා මෙහිදී ප්‍රකාශ කර ඇත. 
 
පැතුම් වික්‍රමරත්න
 

මහාචාර්ය බෙල්ලන්විල විමලරතන අනුනාහිමියන් දේශය වෙනුවෙන් කළ මෙහෙවර නිරන්තර ඇගයීමට ලක්විය යුතු යැයි කොළඹ අගරදගුරු මැල්කම් කාදිනල් රංජිත් හිමි නිකුත් කළ පණිවුඩයක සඳහන් වේ. 
එම  නිවේදනය මෙසේ දැක්වේ. 
කෝට්ටේ ශ්‍රී ජයවර්ධනපුර විශ්විවිද්‍යාලයේ කුලපති තැන්පත් අති පූජ්‍ය බෙල්ලන්විල විමලරතන නාහිමිපාණන්ගේ හදිසි අපවත්වීම ගැන අසා මම මහත්සේ ශෝකයටත් මහත් කනගාටුවත් පත්වුණෙමි. උගත්, බැගෑපත්, එලෙසම සිල්වත්, බුද්ධ පුත්‍රයාණන් නමක් වූ උන්වහන්සේ මා හැඳින ගත්තේ මීට වසර ගණනාවකට පෙරය. උන්වහන්සේ සමග අන්තර් ආගමික සංහිඳියාව සඳහා සමීපව කටයුතු කිරීමේ අවස්ථාවද මම ලදිමි. ඒ සෑම දෙයක් තුළින්ම පෞද්ගලිකව ආදරණීය මිතුරෙකු ලෙස ඇසුරු කිරීමේ වරමද ලැබූ අයෙකු ලෙස උන්වහන්සේ තුළ වූ උතුම් ගතිගුණ මටද ජීවිත මගපෙන්වීමක් වූ බව දන්වා සිටිය යුතුය. 
කෝට්ටේ ශ්‍රී කල්‍යාණී සමාග්‍රී ධර්ම මහා සංඝ සභාවේ සියම් පාලි මහා නිකායේ අනුනායක ධුරය හිමි වූ මුළු මහත් බෞද්ධ සමාජයටද භික්ෂුන් වහන්සේලාටද උන්වහන්සේ ඇසුරු කළ අප වැනි අයටද මහඟු ආදර්ශයක් විය. එලෙසම උන්වහන්සේ අප දේශයට දැක්වූ ඉමහත් ආදර භක්තිය සහ රට දැය සමය වෙනුවෙන් කළ උතුම් සේවය අප කාගේත් ඇගයීමට ලැක්වේ. 
මේ අනුව උන්වහන්සේගේ හදිසි වියෝව දරාගත නොහැකි පාඩුවක් සේ මම දකිමි. ඒ නිසාම ශ්‍රී ලංකාවාසී කිතුණුවන් වෙනුවෙන් අපගේ බලවත් ශෝකය මේ අවස්ථාවේදී ශ්‍රී ලංකාවාසී අප බොදුණු සොයුරු සොයුරියන් වෙත පුද කිරීමට කැමැත්තෙමි. අති පූජ්‍ය බෙල්ලන්විල විමලරතනාභිධාන මාහිමිපාණන් වහන්සේට උන්වහන්සේ පැතූ නිවන් සුව ලැබේවායි ප්‍රාර්ථනා කරමි.

බැඳුම්කර ගනුදෙනු  වංචාව හා මහාපරිමාණ  වංචා දූෂණ විමර්ශන ජනාධිපති කොමිෂන් සභාව මගින් හෙළිදරව් කර ඇති කරුණු සම්බන්ධයෙන් හෙට (06) පාර්ලිමේන්තුවේදී පැවැත්වෙන විවාදයට ප්‍රමාණවත් කාලයක් ලබා දී නැතැයි ඒකාබද්ධ විපක්ෂය සඳහන් කරයි.  එහි ජාතික සංවිධායක පාර්ලිමේන්තු මන්ත්‍රී ඩලස් අලහප්පෙරුම මහතා පෙන්වා දෙන්නේ එම මන්ත්‍රීවරු පනස් එක් දෙනාට වෙන් කර  ඇත්තේ මිනිත්තු හතළිහක කාලයක් බවය.
මේ විවාදයේදී වැඩිම මන්ත්‍රීන් පිරිසක් නියෝජනය කරන විපක්ෂයට  වෙන් කර දී ඇති කාලය විනාඩි හතළයයි.මන්ත්‍රීවරු හය දෙනෙක්  ඉන්න ජ.වි.පෙ.ට විනාඩි හතළියයි. මන්ත්‍රීවරු 16ක් ඉන්න දෙමළ ජාතික සන්ධානයට විනාඩි 50ක් ලබා දී තිබෙනවා. මේක අසාධාරණයි.  බැඳුම්කර සිද්ධිය මතු කරලා ඒ පිළිබඳ තොරතුරු ගවේෂණය කළේ ඒකාබද්ධ විපක්ෂයයි.
මේ සම්බන්ධයෙන් අදහස් දැක් වූ ඒකාබද්ධ විපක්ෂයේ පාර්ලිමේන්තු මන්ත්‍රී බන්ධුල ගුණවර්ධන මහතා  සඳහන් කළේ ඒකාබද්ධ විපක්ෂයට  විවාදයට සම්බන්ධ වීම සඳහා වැඩි කාලයක් ලබා දෙන ලෙස කථානාකවරයාගෙන් ලිඛිත ඉල්ලීමක් කරන බවය.
 
ජයසූරිය උඩුකුඹුර

සීගිරි කැටපත් පවුරේ එක් කොටසක දැනට ටික දිනකට පෙර සිට දිලීර විශේෂයක් පැතිර යාමේ අවදානමක් මතුව ඇතැයි පුරාවිද්‍යා දෙපාර්තමේන්තුව අනාවරණය කරගෙන තිබේ.
මේ සම්බන්ධයෙන් කැලණිය විශ්වවිද්‍යාලයීය පර්යේෂකයන් සහ පුරාවිද්‍යා දෙපාර්තමේන්තුවේ රසායනික සංරක්ෂකයන් පිරිසක් විසින් මේ ගැන පර්යේෂණ කොට තහවුරු කරගෙන ඇතැයි පුරාවිද්‍යා අධ්‍යක්ෂ ජනරාල් මහාචාර්ය පී. සී. මණ්ඩාවල මහතා ලක්බිම කළ විමසීමකදී ප්‍රකාශ කළේය.
ඒ අනුව විෂය භාර අමාත්‍ය අකිල විරාජ් කාරියවසම් මහතාගේ උපදෙස් මත එම දිලීර විශේෂය විනාශ කිරීම සඳහා අද (5) සිට ප්‍රතිකාර ආරම්භ කරන බවද මහාචාර්යවරයා පැවැසීය. ස්වභාවික පරිසරයේ ඇතිවන විවිධ පාරිසරික වෙනස්කම් හේතුවෙන් මෙවැනි දිලීර විශේෂ හටගන්නා බවත්, එය විනාශ කිරීමෙන් නැවත ඇතිවනු ඇත්දැයි විමසිල්ලෙන් පසුවන බවත් මහාචාර්ය මණ්ඩාවල මහතා කීය.
 
ගයාත්‍රි ගීගනආරච්චි
 

රුසියාවේ හිටපු ශ‍්‍රී ලංකා තානාපති උදයංග වීරතුංග මහතා ඩුබායි ගුවන්තොටුපොළේ දී ඊයේ (04* දින    ආගමන විගමන නිලධාරින් විසින් අත්අඩංගුවට ගෙන තිබේ. 
2006 වසරේ ශ‍්‍රි ලංකා ගුවන් හමුදාවට යුක්රේනයෙන් මිග්-24 දරණ  යානා හතරක් මිලදී ගැනීමේ ගනුදෙනුවට අදාළව එවකට රුසියාවේ හිටපු තානාපති උදයංග වීරතුංග මහතා මැදිහත් වී තිබේ. මෙම ගණුදෙණුවෙන් මෙරටට මිලියන ඩොලර් 14ක මුදලක පාඩුවක් වී තිබෙන බව මේ පිළිබඳ පරීක්ෂණ පවත්වන මූල්‍ය අපරාධ කොට්ඨාශය විසින් හෙළිකර ගෙන තිබුණි.
මීට අදාලව ප‍්‍රකාශයක් ලබා දීමට මුල්‍ය අපරාධ කොට්ඨාශය වෙත පැමිණෙන ලෙස මොහුට කීප අවස්ථාවකම අධිකරණය මගින් නොතිසි නිකුත් කර තිබුණද ඔහු පැමිණියේ නැත. පසුව පොලීසිය විසින්  මෙම නඩුවට මොහු සැකකරුවකු ලෙස නම් කරමින් ජාත්‍යන්තර පොලීසිය හරහා වරෙන්තු නිකුත් කර තිබුණි.
මොහුට අයත් කොළඹ හා ගම්පහ ප‍්‍රදේශවල ඉඩම් විකිණීම හෝ අන්සතු කිරීම තහනම් කරමින් කොළඹ කොටුව මහේස්ත‍්‍රාත් අධිකරණය විසින් ඉකුත් දිනෙක අත්තනගල්ල හා කොළඹ ඉඩම් රෙජිස්ටාර්වරුන් වෙත නියෝගද නිකුත් කර තිබුණි.
උදයංග වීරතුංග මහතා අමෙරිකාව බලා පිටත්ව යාමට ඩුබායි ගුවන්තොටුපලට පැමිණි අවස්ථාවේ මෙලෙස ප‍්‍රශ්න කිරීමට ලක්ව අත්අඩංගුවට ගෙන තිබේ.
ඔහුව මෙරටට රැුගෙන ඒම සම්බන්ධයෙන් ‍මෙරටින් කණ්ඩායමක් පිටත් කර හරින්නේද යන්න ඊයේ සවස් වන විටත් තීරණයක් ගෙන නොමැති බව පොලීසියේ උසස් නිලධාරියකු සඳහන් කළේය.
 
ශානිකා මාධවී පීරිස් 

මෑත යුගයේ ශ්‍රී ලංකාවේ බිහි වූ විශිෂ්ටතම සංඝ පීතෘවරයාණන් වහන්සේ නමක් වූ ශ්‍රී ජයවර්ධනපුර විශ්වවිද්‍යාලයේ කුලපති, ඛෙල්ලන්විල රජමහා විහාරාධිකාරී අපවත් වී වදාළ මහාචාර්ය පූජ්‍ය ඛෙල්ලන්විල විමලරතන හිමිපාණන් වහන්සේගේ ශ්‍රී දේහයට ජනාධිපති මෛත්‍රීපාල සිරිසේන මහතා අවසන් ගෞරව දැක්වූයේය.
උන්වහන්සේගේ ශ්‍රී දේහය තැන්පත් කර ඇති ඛෙල්ලන්විල රජමහා විහාරස්ථානය වෙත අද (04) දහවල් ගිය ජනාධිපතිතුමා ශ්‍රී දේහයට අවසන් ගෞරව දැක්වූ අතර විහාරස්ථ ශිෂ්‍ය භික්ෂුන් වහන්සේලා වෙතත්, විහාරස්ථ දායක සභාව වෙත මෙන්ම උන්වහන්සේගේ අපවත්වීමෙන් සංවේගයට පත් සමස්ත ශ්‍රී ලාංකීය ජනතාව වෙත සිය සාතිශය සංවේගය පළකළේය. 
 
ඡායාරූප : සඳරුවන් අමරසිංහ - ජනාධිපති මාධ්‍ය අංශය

සෞභාග්‍යයේ නිදහස අත්පත් කර ගැනීම සඳහා අපේ මව්බිම පෙළගැසී සිටින මේ මොහොතේ එම නිදහසට එරෙහි දූෂණය, අල්ලස, හොරකම සහ  නාස්තිය පිටුදැකීමට කැපවිය යුතු බව ජනාධිපතිතුමා පවසයි.
සෑම දේශපාලනඥයෙකුම තමාගේ වගකීම් ඉටුකිරීමේදී කි‍්‍රයාවෙන්ම එම ආදර්ශය ලබාදීම අත්‍යාවශ්‍ය යුග මෙහෙවරක් බව ද ජනාධිපතිතුමා ප‍්‍රකාශ කළේ අද (04) පෙරවරුවේ කොළඹ ගාලූ මුවදොර පිටියේ පැවති අභිමානවත් 70 වන නිදහස් දින සැමරුම් උළෙල අමතමිනි. 
නිදහස ලබා වසර හැත්තෑවක් තුළ අප ලබා ඇති අත්දැකීම් ඇසුරින් රටේ සංවර්ධනයේ ජාතික ප‍්‍රමුඛතා හඳුනා ගැනීමේ වැදගත්කම හුවා දැක්වූ ජනාධිපතිතුමා සංවර්ධනයේ දී පෞද්ගලික න්‍යාය පත‍්‍ර කි‍්‍රයාත්මක කිරීම මගින් රටට අයහපත් ප‍්‍රතිඵල අත් වී තිබෙන බව ද පෙන්වා දුන්නේය.
දේශපේ‍්‍රමීත්වය යන්න විවිධ යුගවලදී විවිධාකාරයෙන් අර්ථගැන්වී ඇති බව මෙහිදී සඳහන් කළ ජනාධිපතිතුමා වර්තමානයේදී සැබෑ දේශපේ‍්‍රමීත්වය යනු මූල්‍ය විනයක් සහිතව කටයුතු කිරීම බවද කියා සිටියේය. ඒ සඳහා පුළුල් ජාතික ව්‍යාපාරයක අවශ්‍යතාවය ද ජනාධිපතිතුමා අවධාරණය කළේය.
ආර්ථික සමෘද්ධිය සහ සෞභාග්‍ය අත්පත්කර ගැනීම සෑම පුරවැසියෙකුගේම අභිලාෂය බව සඳහන් කළ ජනාධිපතිතුමා ඒ සඳහා රාජ්‍ය තාන්ත‍්‍රය තුළ ප‍්‍රතිසංස්කරණ විශාල වශයෙන් අවශ්‍යවන බවත්, ඒවා සාර්ථක කර ගැනීම සදහා සමස්ත රාජ්‍ය මෙන්ම පෞද්ගලික අංශය  අත්වැල් බැඳගතයුතු බවත් පැවසීය.
සැබෑ නිදහස අර්ථවත්වීමට නම් පුද්ගලයාගේ පමණක් නොව ස්වභාවධර්මයේ ද නිදහස ආරක්ෂා කරමින් පරිසරය සහ පුද්ගලයා අතර මනා සමතුලිතතාවයක් ගොඩනගාගත යුතු බවද ජනාධිපතිතුමා මෙහිදී අවධාරණය කළේය.

අපවත්වී වදාල බෙල්ලන්විල විමලරතන හිමියන්ගේ අදාහන පූජ්‍ය උත්සවය මෙම අට වන බ්‍රහස්පතින්දා ශ්‍රී ජයවර්ධනපුර විශ්ව විද්‍යාලීය ක්‍රීඩාංගණයේදී පැවැත්වීමට අදාහන කමිටුව තීරණය කොට ඇත.

 

මහත් ආන්දෝලනයට පත්ව ඇති බැඳුම්කර වංචාව සම්බන්ධයෙන් පර්චුවල් ට්‍රේෂරීස් ආයතනයේ හිමිකරුවන අර්ජුන් ඇලෝසියස් මහතා සහ එහි ප්‍රධාන විධායක නිලධාරී කසුන් පලිසේන යන අය කොළඹ 3 මල් පාරේ පිහිටි නිවසේදී රහස් පොලිසිය විසින් අත්අඩංගුවට ගෙන ඇත.

විධායක ජනාධිපති ධුරය සම්පුර්ණයෙන්ම ඉවත් කරනවාද? බලතළ පමණක් කප්පාදු කරනවාද? යන්න පිළිබඳව පළාත් පාලන මැතිවරණයෙන් පසු සාකච්ඡා කරනා බව අගමැති රනිල් වික්‍රමසිංහ ප්‍රකාශ කළේය.
විධායක ජනාධිපති ධුරය සම්බන්ධයෙන් “ලක්බිම” කළ විමසීමට පිළිතුරු දෙමින් අගමැතිවරයා මේ බව සඳහන් කළේය.
නව ආණ්ඩුක්‍රම ව්‍යවස්ථාව පිළිබඳවත් එයින් ස්ථාපිත කෙරෙන ජනාධිපති ධුරයේ බලතළ සම්බන්ධයෙනුත් ඉදිරියේදී සාකච්ඡා කළ හැකි බවත් මේ සම්බන්ධයෙන් තවමත් අවසන් තීරණයකට පැමිණ නැති බවත් අගමැතිවරයා සඳහන් කළේය.
විධායක ජනාධිපති ධුරයේ බලතළ සම්පුර්ණයෙන්ම ඉවත් නොකළ යුතු බවට ශ්‍රීලනිපය යෝජනා කරනා බව කී අගමැතිවරයා ඒ සම්බන්ධයෙන් ද සාකච්ඡා කොට අවසන් එකඟතාවයකට පැමිණිය හැකි බවද ප්‍රකාශ කළේය.

ලසන්ත වීරකුලසූරිය
 

බෙල්ලන්විල රජමහා විහාරාධිකාරී ශ්‍රී ජයවර්ධනපුර විශ්වවිද්‍යාලයේ කුලපති මහාචාර්ය බෙල්ලන්විල විමලරතන ස්වාමින් වහන්සේ අද (02) උදෑසන 9.00ට පමණ විහාරස්ථානයට අයිති ඇත් පැටවකුට ආහාර දීමට යාමේදී සිදුවූ අනතුරකින් තුවාල ලබා දකුණු කොළඹ ශික්ෂණ රෝහ‍ලේ දැඩි සත්කාර ඒකකයට ඇතුළු කර ඇත. ඇද වැටීමෙන් උන්වහන්සේගේ ඉළඇට කීපයක් කැඩී යාම හේතුවෙන් මෙසේ දැඩිසත්කාර ඒකකයට ඇතුළු කර ඇති බව රෝහල් ප්‍රකාශකයකු කීය.
ඇත් පැටවාට කෑම දෙමින් සිටියදී උන්වහන්සේගේ පය ලිස්සා ගල් කැබලි ගොඩක් උඩට ඇද වැටීමත් සමග ඇත් පැටවාද කලබලයට පත්ව මෙම අනතුර සිදුව ඇති බවද විහාරස්ථාන ආරංචිමාර්ග පවසයි. විමලරතන හිමියන්ගේ තත්ත්වය තරමක් බරපතළ බවද එම ප්‍රකාශකයා පැවැසීය.

සමීර අබේසිංහ

 

IMAGE

නෙලා සමග ඔබ හමුවට එන බෙනට්ගේ පුතා

IMAGE 2018 Feb 25 14:21
අද වෙද්දී උදාර රත්නායක කියන්නේ නළුවෙක්ද? එහෙමත් නැතිනම් දේශපාලනඥයෙක්ද? නළුකම මගේ වෘත්තිය...
Views - 634

මගෙන් නම් සල්ලි ඉල්ලුවේ නෑ ඒත් මේ වගේ කතාවක් නම් කිව්වා

IMAGE 2018 Feb 25 14:08
මේ වෙද්දී ඉන්දිකාගේ කලා දිවිය දශක දෙකකටත් එහා ගිය එකක් නේද? ඔව්. මම මුලින්ම ක්‍ෂේත්‍රයට එකතු...
Views - 1158

රනිල් සල් සපු නා හැර ගියේ ඇයි?

IMAGE 2018 Feb 25 13:52
“සල් සපු නා” ටෙලි නාට්‍යයේ දැන් රනිල්ව දකින්නට ලැබෙන්නේ නැහැ. ඇයි ඒ ? මම තාවකාලිකව ‘සල්...
Views - 1014

තාත්තගේ අකමැත්තෙන් රඟපාන්න ආපු උපාසක අම්මා

IMAGE 2018 Feb 25 12:18
කොහොමද ඔබට අංජනා එහෙමත් නැත්නම් උපාසක අක්කා වෙන්න අවස්ථාව ලැබුණේ? මාව උපාසක අම්මා කළේ...
Views - 783

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 5442

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 3596

Please publish modules in offcanvas position.