Coss Ear2
lakbima.lk
COSS Ear 1

තැපැල් ඡන්ද ඉල්ලුම්කර එම ඡන්දය භාවිත නොකළ පිරිසගෙන් නිදහසට කරුණු විමසන බවත් ඒ සඳහා වැය වූ මුදල අයකර ගැනීමට කටයුතු කළ යුතු බවත් මැතිවරණ කොමිසමේ සභාපති මහින්ද දේශප්‍රිය මහතා පැවැසීය.
ඒ මහතා මේ බව පැවැසුවේ මැතිවරණ කොමිම් කාර්යාලයේදී පැවැති මාධ්‍ය හමුවකට එක්වෙමිනි.
කොමසාරිස්වරයා වැඩිදුරටත් පැවැසුවේ එක් තැපැල් ඡන්දයක් සඳහා රුපියල් 750කට වැඩි මුදලක් වැය වන බවයි. ලකුණු නොකළ ඡන්ද පත්‍රිකා 2500කට වැඩි ප්‍රමාණයක් මේ වනවිට කොළඹට ලැබි ඇතැයිද හෙතෙම කීය. 1500න් 2000ත් අතර ප්‍රමාණයක් තැපැල් ඡන්ද ඉල්ලුම්කොට එම ඡන්ද ලකුණු නොකරන බවද ඒ මහතා ප්‍රකාශ කළේය. සාධාරණ හේතුවක් නොමැතිව තැපැල් ඡන්ද ඉල්ලුම්කොට ලකුණු නොකළ පිරිසගෙන් මුදල් අයකර ගන්න ඕනා යනුවෙන් ඒ මහතා වැඩිදුරටත් කීය. තැපැල් ඡන්ද ඉල්ලුම් කළ ඇතැම් පුද්ගලයන් සාමාන්‍ය පෙළ උත්තර පත්‍ර ඇගයීම් කටයුතු වල නිරත වී සිටීමට පුළුවන. මේ නිසා සාධාරණ හේතුවක් මේ සඳහා ඉදිරිපත් කළ යුතු බවද අඩුම වශයෙන් නයෙක් කෑවා යැයි හෝ නිදහසට කරුණු ඉදිරිපත් කළ යුතුයැයි ඒ මහතා ප්‍රකාශ කළේය.

තනුජා නානායක්කාර
 

මහ බැංකු බැඳුම්කර විවාදය පැවැත්වීම සඳහා බහුතර පක්ෂ නායකයන්ගේ එකඟතාව අනුව ලබන 6 දා දිනය යොදා ගත්තද, ඒ සඳහා අවශ්‍ය තරම් ඉදිරි දින යොදා ගැනීමට හැකියාව පවතින බව කථානායක කාර්යාලය පවසයි.
මැතිවරණ ක්‍රියාවලියට ද බාධාවක් නොවන පරිදි කටයුතු කළ යුතුව තිබූ බැවින් මෙම දිනය යොදා ගත්තද, එදින එම විවාදය සම්පූර්ණයෙන්ම පවත්වා අවසන් වන බවත් ඉන් අදහස් නොවන බවද විශේෂ මාධ්‍ය නිවේදනයක් නිකුත් කරමින් මේ බව ප්‍රකාශ කර ඇත.
අගමැති රනිල් වික්‍රමසිංහ මහතා විසින් මේ සඳහා යෝජනා කර තිබූ දිනය මැතිවරණ ක්‍රියාවලිය සමග ප්‍රායෝගිකව අපහසු වන බව මැතිවරණ කොමිෂන් සභාව විසින් පෙන්වා දීමෙන් අනතුරුව ඉකුත් 30 දා පක්ෂ නායක රැස්වීමේදී ලබන 6 දා ඒ සඳහා සුදුසු බව තීරණය වූයේ යැයිද එහි දක්වා ඇත.
ඒ අනුව ඒකාබද්ධ විපක්ෂය හා ජනතා විමුක්ති පෙරමුණේ නියෝජිතයන් විසින් ඒ සඳහා 6 දා සලකා බැලිය හැකි බව එහිදී පෙන්වා දී ඇති අතර ශ්‍රී ලංකා නිදහස් පක්ෂ නියෝජිතයාත් ද්‍රවිඩ ජාතික සන්ධානයේ නියෝජිතයෝත් ඒ සඳහා එකඟතාව පළ කර ඇත.
එබැවින් ලබන 6 දා විවාදය සඳහා පාර්ලිමේන්තුව කැඳවනුයේ බහුතර නායකයන්ගේ එකඟත්වයෙන් බවත්, එදින විවාදය පැවැත්වීමෙන් පසු පක්ෂ නායකයන්ගේ එකඟතාව පරිදි විවාදය සඳහා වෙනත් ඉදිරි දින යොදා ගැනීමේ බාධාවක් නොපවතින බවත්, එම නිවේදනය මගින් අවධාරණය කර තිබේ.

ලසන්ත වීරකුලසූරිය / ගයාත්‍රි ගීගනආරච්චි

“මගේ ‍පොටෝ එක ගහගෙන ඇතැම් අය බුලත් කොළෙන් ඡන්දය ඉල්ලනවා. මීට පෙර මැතිවරණවලදී මමත් බුලත් කොළෙන් තමයි ඡන්දය ඉල්ලුවේ. ඒ වුණත් මෙවර බුලත් කොළේට ඡන්දය දෙන්න එපා. මෙවර අපේ අය ඡන්දය ඉල්ලන්නේ ‍පොහොට්ටුවෙන් යැයි” හිටපු ජනාධිපති මහින්ද රාජපක්ෂ මහතා තංගල්‍ලේදී පැවැසීය. ශ්‍රී ලංකා ‍පොදුජන පෙරමුණේ ජන රැලියකට සම්බන්ධ වෙමින් රාජපක්ෂ මහතා මේ බව සඳහන් කළේය.
පසුගිය මැතිවරණවලදී මෙන් ඡන්දය ඉල්ලුවේ බුලත් කොළයෙන් නිසා සමහර අය හිතන්න පුළුවන් මෙවරත් අපේ ඡන්ද ලකුණ බුලත් කොළය කියලා. අපි පිරිසිදු ශ්‍රී ලංකා නිදහස් පාක්ෂිකයන් තමයි. ඒ වුණත් අපිට මෙවර අපේ සලකුණ වෙනස් කරන්න සිද්ධ වුණා. මේ මැතිවරණයේදී අපේ කණ්ඩායමේ අය ඡන්දය ඉල්ලන්නෙ ‍පොහොට්ටුවෙන්. ඒ නිසා රටට ආදරය කරන හැමදෙනාම මෙවර ඡන්දය දෙන්න ඕනේ ‍පොහොට්ටුවට. යැයිද රාජපක්ෂ මහතා කීවේය.

ජයසූරිය උඩුකුඹුර
 

මෙම පෙබරවාරී 10 වෙනිදාට යෙදෙන පළාත් පාලන මැතිවරණය  වෙනුවෙන් පෞද්ගලික අංශයේ සේවකයන් හට ජාතික මැතිවරණවලදී වැටුප් හෝ පෞද්ගලික නිවාඩු අහිමිවීමකින් තොරව ඡන්දය දීමට හිමිකම ඇති බැවින් ඒ සඳහා අවශ්‍ය පරිදි නිවාඩු ලබා දෙන ලෙස සියලු සේවා යෝජකයන්ගෙන් මැතිවරණ කොමිෂන් සභාවේ සභාපති මහින්ද දේශප්‍රිය මහතා ඉල්ලීමක් කර තිබේ.
ඒ සඳහා සේවා නියුක්තිකයන් විසින් සේවා යෝජකයන්ගෙන් ලිඛිත ඉල්ලීමක් මඟින් නිවාඩු ඉල්ලුම් කළයුතු බවද එම නිවේදනයේ සඳහන් වේ.
මැතිවරණ කොමිෂන් සභාව විසින් නිකුත් කළ සම්පූර්ණ නිවේදනය පහතින් දැක්වේ.



එස්.ටී.පි.සිල්වා
 

පාසැල් සිසුන් ඇතුළු මගීන් පිරිසක් රැගත් බස් රථයක් නුවරඑළිය ටොප්ෆාස්ට් ප්‍රදේශයේදී පාරෙන් ඉවතට පැනීමෙන් නව දෙනෙකු රෝහල් ගතකර තිබේ.

ඒ අතර වැඩිහිටියන් සිව් දෙනෙකු පාසල් සිසුන් සිවුදෙනෙකු සහ අවුරුදු හතරක දැරියක සිටින බව නුවරඑළිය රෝහල් ආරංචි මාර්ග කියයි.

වේගයෙන් ධාවනය වෙමින් තිබූ බස් රථය මාර්ගය අද්දර තිබූ පස් කන්දක ගැටී මාර්ගය හරහා පෙරලීමෙන් මෙම අනතුර සිදුව තිබේ.

තුවාලා ලැබූවන්ගේ තත්වය බරපතල නොවන බව රෝහල් ආරංචි මාර්ග කියයි.

ඒ.ජී.රේණුකා

 

බදුල්ල දෙමළ මහා විද්‍යාලයේ ගුරුවරියක් දණ ගැස්වීමේ සිද්ධියක් සම්බන්ධ ඌව පළාත් මහ ඇමති චාමර සම්පත් දසනායක මහතා අද මානව හිමිකම් කොමිසම හමුවේ පෙනී සිට ඇත.

අද කොමිසම හමුවේ පෙනී සිටින ලෙස සිදුකරන ලද දැනුම් දිමේන් අනතුරුව මැතිවරණ ප්‍රචාරක කටයුතු හේතුවෙන් අද දිනයේ තමන්ට කොමිසම හමුවේ පෙනී සිටිමට නොහැකි බව ඇමති වරයා ලිඛිතව දන්වා තිබිණ.

එහෙත් ඔහුගේ එම ලිපිය ප්‍රතික්ෂේප කළ මානව හිමිකම් කොමිසම අද දිනයේ කොමිසම වෙත පැමිණ ප්‍රකාශයක් ලබා දෙන මෙන් ප්‍රධාන අමාත්‍යවරයා වෙත නියෝග කර තිබූ අතර අද දිනයේ නොපැමිණිය හොත් ඒ පිළිබඳව ගනු ලබන ඉදිරි ක්‍රියා මාර්ග ඉන් පසුව තීරණය කරන බවද කොමිසම විසින් දන්වා තිබුණි.

ප්‍රධාන අමාත්‍යවරයා අද කොමිසම හමුවේ පෙනී සිට ඇත්තේ ඒ අනුවය.

දමයන්ති ගමගේ

ප්‍රධාන දේශපාලන පක්ෂවල නායකයන් තම අධාර කරුවන් සමඟ පෙළපාලි මගින් පළාත් පාලන මැතිවරණ ප්‍රචාරක රැස්වීම් සදහා පැමිණෙන්නේ දැයි නිරීක්ෂණය කිරීම පිණිස එම රැස්විම සඳහා පක්ෂ නායකයන් පැමිණෙන අවස්ථා වීඩියෝ කිරීමට මැතිවරණ කොමිෂන් සභාවේ සභාපති මහින්ද දේශප්‍රිය මහතා බලයලත් නිලධාරීන්ට නියෝගකර ඇත.

මෙම තීරණයට එළඹ ඇත්තේ මැතිවරණ නීති උල්ලඝණය කරමින් පක්ෂ නායකයන් තම ආධාර කරුවන් සමඟ ප්‍රචාරක රැස්වීම සඳහා පෙළපාළි වශයෙන් පැමිණෙන බවට මැතිවරණ කොමිෂන් සභාවට ලැබී ඇති පැමිණිලි සැළකිල්ලට ගනිමිනි.  

ඒ අනුව යම් පක්ෂ නායකයෙක් තම ආධාර කරුවන් සමඟ පෙළපාළිවලින් පැමිණ රැස්වීම්වලට එක්වේ නම් ඒවා ජංගම දුරකථන මගින් හෝ වීඩියෝ ගත කොට සාක්ෂි වශයෙන් තබා ගන්නා ලෙස අදාල නිලධාරීන්ට පවසන දේශප්‍රිය මහතා අවශ්‍ය විටක ඔවුනට එරෙහිව නීතිමය පියවර ගැනීමට සඳහා එම සාක්ෂි  යොදා ගත හැකි බව දන්වා සිටි.

එස්.ටී.පී.සිල්වා

වෙනත් මැතිවරණවලට සාපේක්ෂව මෙවර මැතිවරණය ඉතා සාමකාමී මුහුණුවරක් ගත්තද, මෙවරද ඡන්ද දායකයන්ට මානසික හා භෞතික අල්ලස් දීම, ඉතා ඉහළ මට්ටමක පවතින බව පැෆරල් සංවිධානය අවධාරණය කරයි.
බුදුපිළිමයේ සිට මහනමැෂිම දක්වා භෞතික ද්‍රව්‍ය ඒ ඔස්සේ ඡන්ද දායකයන්ට බෙදාදීමට අපේක්ෂකයන් නොකඩවා කටයුතු කරමින් සිටින බව පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා ඊයේ (31) කොළඹ පැවැති මාධ්‍ය හමුවකදී පැවැසීය.
විශේෂයෙන්ම මාත‍ලේ දිස්ත්‍රික්කයේ එක්තරා නියෝජ්‍ය ඇමැතිවරයෙකු නිරන්තරයෙන් ප්‍රදේශවාසීන්ට වන්දනා ගමන් සංවිධානය කරමින් සිටින බව ඒ මහතා පෙන්වා දුන්නේය. ඊට අමතරව ෙදෙනිකව පිරිස් තම හෝටලයකට කැඳවා දිවා ආහාර ලබාදීමට ඔහු කටයුතු කරමින් සිටින බවද හෙට්ටිආරච්චි මහතා කීය.
ඊට අමතරව බේරුවල ප්‍රදේශයේ පිරිසක් විසින් ඡන්ද දායකයන්ගේ නිල ඡන්ද දැන්වීම් පත්‍රිකාව සහ හැඳුනුම්පත එකතු කර ඒ වෙනුවෙන් ඔවුන්ට මුදල් දීමේ නිරතව සිටින බව අනාවරණය වී ඇතැයිද රෝහණ හෙට්ටිආරච්චි මහතා පැවැසීය.
එහෙත් මෙවැනි භෞතික ද්‍රව්‍යවලින් ඡන්දයේ වටිනාකම තීරණය නොකරන ලෙස සියලු ඡන්දදායකයන්ගෙන් ඉල්ලා සිටින බවද ඒ මහතා කීය. වර්තමානයේ නීතිය උල්ලංඝනය කරන මහජන නියෝජිතයෙකු හෙට රටේ නීතියට අනුගත වේදැයි ඡන්දදායකයා මැනවින් කල්පනා කළ යුතු බවද හෙතෙම අවධාරණය කළේය.
 
ගයාත්‍රි ගීගනආරච්චි

කොළඹ ඇතුළු ප්‍රදේශ කිහිපයකදී පුද්ගලයන් එකළොස් දෙනකු පැහැරගෙන ගොස් නීති විරෝධී ලෙස රඳවා තබා ගෙන ඝාතනය කිරීමේ සිද්ධිය සම්බන්ධයෙන් මෙම ඡායාරූපයේ සිටින හෙට්ටිආරච්චි මුදියන්සේලාගේ චන්දන ප්‍රසාද්  හෙට්ටිආරච්චි නොහොත් නේවි සම්පත් යන අය අපරාධ පරීක්ෂණ දෙපාර්තමේන්තුවට අවශ්‍යව ඇති බැවින් ඔහු සොයාගැනීම සඳහා ‍පොලීසිය මහජන සහය ඉල්ලා සිටියි. 
වැල්ලම්පිටිය, වැල්ලවත්ත අංක 54/1 ලිපිනයේ පදිංචිව සිටි මොහු මේ වන විට ප්‍රදේශයෙන් පලා ගොස් ඇත. මොහුව අත්අඩංගුවට ගැනීම සඳහා කොටුව මහේස්ත්‍රාත් අධිකරණය විසින් තෙවරක්ම වරෙන්තු නිකුත් කර ඇත. 
මොහු එවකට නාවික හමුදාවේ ලුතිනන් කමාන්ඩර් නිලයේ සිටිමින් මෙම ක්‍රියාව කර ඇති බව විමර්ශනවලදී අනාවරණය වී තිබුණි. 
මෙම පුද්ගලයා පිළිබඳ යම් තොරතුරක් වෙතොත් පහත සඳහන් දුරකථන අංකවලට දැනුම් දෙන ලෙස ‍පොලීසිය වැඩිදුරටත් මහජනතාවගෙන් ඉල්ලා සිටියි. 
අපරාධ 
පරීක්ෂණ දෙපාර්තමේන්තු මෙහෙයුම් මැදිරිය - 
011- 2422176
අපරාධ පරීක්ෂණ දෙපාර්තමේන්තුව - 
011- 2320141- 145
සමූහ මංකොල්ල අංශය - 011- 2393621
 
ශානිකා මාධවී පීරිස් 

බැඳුම්කර වාර්තාව පිළිබඳ විවාදය ඡන්දයට පෙර පැවැත්වීමට සිදුවන්නේ තමා ඒ පිළිබඳව කළ අභියෝගය නිසා වුවත් මෙවැනි මහා පරිමාණ වංචාවක් පිළිබඳව දින දෙකක් විවාද කිරීම සාර්ථක නොමැති බව ජනාධිපති මෛත්‍රීපාල සිරිසේන මහතා අද (31) පැවැසීය.
පුවත්පත් ආයතන කිහිපයක නියෝජිතයන් සමග ජනාධිපති නිල නිවසේදී අද (31) දහවල් පැවැති විශේෂ සාකච්ඡාවකදී හෙතෙම මෙම අදහස් පැවැසීය.
බැඳුම්කර විවාදය පැවැත්වීමට තිබුණේ ඡන්දයට ඔන්න මෙන්න කියා නොව ඊට දින ගණනාවකට පෙර බවද ජනාධිපතිවරයා පැවැසීය.
බැඳුම්කර විවාදය සරලව කළ නොහැකියි. මැතිවරණයට ඔන්න මෙන්න කියා මේ පිළිබඳව සාර්ථක විවාදයක් පැවැත්වීමට හැකිවේ යැයි සිතන්න බැහැ. මේ පිළිබඳව විවාද කිරීමට මන්ත්‍රීවරුන්ට කොපමණ කාලයක් ලැබෙයිද දන්නැහැ. මේ නිසා මෙම විවාදයෙන් බැඳුම්කර හොරුන් පිළිබඳව ජනතාවට සියලු කාරණා දැනගැනීමට හැකි නොවනු ඇති බවද ජනාධිපතිවරයා කීය.
බැඳුම්කර වංචාවට චෝදනා ලත් අයට එරෙහිව සහ පසුගිය රජයේ දූෂිතයන්ට එරෙහිවත් දඬුවම් දීම සඳහා තමාට කළ හැකි කාර්යයන් උපරිමයෙන්ම කර ඇති නමුත් පසුගිය කාලය පුරාවට දූෂිතයන්ට දඬුවම් දීමේ යම් ප්‍රමාදයක් සිදුවී ඇත්නම් ඒ සඳහා එක්සත් ජාතික පක්ෂය වගකිව යුතු බව ජනාධිපතිවරයා පැවැසීය.
ඊට හේතුව වන්නේ දූෂිතයන්ට දඬුවම් දෙන සියලු ආයතන එක්සත් ජාතික පක්ෂය සතුව පැවැතීම බවද ජනාධිපතිවරයා පැවැසීය.
මෙතරම් කාලයක් දූෂිතයන් ආරක්ෂා වී සිටින්නේ දූෂිතයන්ගේ ප්‍රභූ සන්ධානය නිසා බවද ජනාධිපතිවරයා පැවැසූ අතර එම ප්‍රභූ සන්ධානය කවුරුන්දැයි මාධ්‍ය මෙහිදී ජනාධිපතිවරයාගෙන් විමසීය. ඊට පිළිතුරු දුන් ජනාධිපතිවරයා පැවැසුවේ එම ප්‍රභූ සන්ධානය ගැන ජනතාවට නිසි අවබෝධයක් ඇති බවයි.
එළඹෙන පළාත් පාලන මැතිවරණයෙන් එක්සත් ජාතික පක්ෂය හෝ ‍පොහොට්ටුව ජයග්‍රහණය කළහොත් රට නැවත දූෂිත තත්ත්වයකට ගමන් කරන බවත් ඒ නිසා ජනතාව ශ්‍රී ලංකා නිදහස් පක්ෂයට ඡන්දය ලබා දී දූෂිතයන්ගෙන් තොර රටක් සෑදීමට තමාව ශක්තිමත් කළ යුතු බවත් පැවැසීය.
 
පානුක රාජපක්ෂ

සිංහල ජනතාව උතුරු ප්‍රදේශයේ පදිංචි කරවීම දෙමළ ජනතාවගේ අනාගතයට විශාල අනතුරක් බව ඊපීඩීපී නායක ඩග්ලස් දේවානන්ද මහතා යාපනයේදී සඳහන් කර ඇත. මහවැලි ව්‍යාපාරය උතුරට පැමිණීම නිසා උතුරේ සිංහල ජනගහනය වැඩිවී ඇති බවද දේවානන්ද මහතා පෙන්වා දී තිබේ.
තවමත් මහවැලි ජලය උතුරට ඇවිල්ලත් නෑ. ඒ වුණත් මුලතිව් දිස්ත්‍රික්කයට අයත් ඉඩම් අක්කර 2600 ක් පමණ සිංහල ජනතාවට ලබාදී තිබෙනවා. ඒ ඉඩම් ලබාගෙන ඇති සිංහල ජනතාව උතුරු ප්‍රදේශයට සම්බන්ධයක් නැති අයයි. ඔවුන් දකුණු ප්‍රදේශයෙන් ගෙන්වලා පදිංචි කරවලා.
වැලිඔය ප්‍රදේශයත් සම්පූර්ණයෙන්ම සිංහල ජනාවාස බවට පත්කරලා. ඩොලර් ෆාම් හා කෙන්ට් ෆාම් ආදී දෙමළ ජනතාවට අයත්ව තිබූ ඉඩම්ද දැන් දෙමළ ජනතාවට ලබාදී තිබෙනවා යැයි දේවානන්ද මහතා කීවේය.
මේ අතර මල්වතු ඔය සංවර්ධනය කිරීමේ වැඩසටහන නිසා සෙට්ටිකුලම හා මඩු ඇතුළු ප්‍රදේශ කීපයක ඉඩම් අක්කර 10,000 ක් පමණ දෙමළ ජනතාවට අහිමිවීමේ අවදානමක් මතුව ඇති බවද ඩග්ලස් දේවානන්ද මන්ත්‍රීවරයා පෙන්වා දී ඇත. මෙම තත්ත්වයට මුහුණ දීම සඳහා උතුරේ සියලු දේශපාලන පක්ෂ එකමුතු වී කටයුතු කළ යුතු බවද ඔහු අවධාරණය කර සිටී.
 
ජයසූරිය උඩුකුඹුර

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 526

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 243

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 3206

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 1802

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 3780

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 4877

Please publish modules in offcanvas position.