Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

උද්ගත වූ පෙට්‍රල් අර්බුදයට හේතුව විමර්ශනය කිරීම සඳහා පත් කරන ලද කැබිනට් අනු කමිටු වාර්තාව ලබන අඟහරුවාදා (14) කැබිනට් මණ්ඩලයට භාරදීමට නියමිතය.

ආචාර්ය සරත් අමුණුගම සභාපතිත්වය දරන මෙම කමිටුව අනුර ප්‍රියදර්ශන යාප සහ පාඨලී චමිපික රණවක යන ඇමැති වරුන්ගෙන් යුක්තය.

මෙම වාර්තාවට එම පෙට්‍රල් අර්බුදයට හේතුව සේම එය විසදීම සඳහා ගත යුතු කෙටි කාලීන සහ දිගු කාලීන ක්‍රියා මාර්ග ඇතුළත් වනු ඇත.

දමයන්ති ගමගේ

මිනිසුන්ගේ කසිප්පු පානය නතර කිරීමට බීර මිල අඩු කිරීම සාර්ථක පියවරක් නොවන බවත් එසේ නම් අඩු කළ යුත්තේ ගල් අරක්කු බෝතලයක මිල බවත් කම්කරු හා වෘත්තීය සබදතා අමාත්‍ය ඩබ්ලිව්.ඩී.ජේ.සෙනවිරත්න මහතා ඊයේ පාර්ලිමේන්තුවේදී මුදල් අමාත්‍යවරයා කියා සිටියේය.

ඔහු වැඩිදුරටත් පෙන්වා දෙන්නේ එදිනෙදා කම්කරු වැඩ කරන්නවුන්, පතල් වැඩ කරන්නවුන්, වතු කම්කරුවන් සවසට මත්පැන් බීම ඔවුන්ගේ දෛනික ක්‍රියාකාර කමක් බවත් එහිදී ඔවුන් කසිප්පු ඇතුළු විෂ මත්පැන් පානයට යොමු වී ඇත්තේ ගල් අරක්කු මිල විශාල ලෙස ඉහළ ගොස් ඇති නිසා බවත්ය.

එමෙන්ම බීර කෑනයක බදු අඩු කිරීමෙන් මේ සඳහා සාධාරණ විසඳුමක් නොවන බව පෙන්වා දුන් අමාත්‍යවරයා මුදල් අමාත්‍යවරයාගෙන් මෙසේද ඉල්ලා සිටියේය.

'මම ඔබතුමාගෙන් ඉල්ලා සිටිනවා දුප්පත් මිනිහාගේ ගල් අරක්කු බෝතලයේ බදු අඩු කරලා ජනතාවට සහනයක් දෙන්න කියලා. ඔබ තුමාට කැමති නම් විස්කි බ්‍රැන්ඩි වල බදු තව වැඩි කළත් කමක් නෑ'.

ඒ.ජී.රේණුකා

අද අළුයම 1ට පමණ රාජගිරිය ප්‍රදේශයේ සිදුවු රිය අනතුරකින් කොළඹ රාජකීය විද්‍යාලයේ 18 හැවරිදි ශිෂ්‍යයෙක් මිය ගොස් තවත් හත් දෙනෙකු තුවාල ලබා ඇත.

ඉන් සිව් දෙනෙකුගේ තත්වය බරපතල බව පැවසේ. පාසලේ පැවැති වැඩමුළුවක් අවසානයේ මෙම සිසු පිරිස කැබ් රථයකින් ගමන් කර ඇති අතර රථය පැදවු සිසුවාට වේගය පාලනය කර ගත නොහැකිව මෙම අනතුර සිදුවී තිබේ.

එස්.ටී.පී.සිල්වා

පොළොන්නරුව මඩකලපුව ප‍්‍රධාන මාර්ගයේ වැලිකන්ද නාමල්ගම ප‍්‍රදේශයෙදි 11වෙනිදා රාත‍්‍රී අටට පමණ බස් රථයක් සහ වැන් රථයක් ඇතුලූ පා පැදියක් අනතුරට පත්විමෙන් පාපැදිකරු මියගොස් බස් රථයේ ගමන් ගත් 19දෙනෙකු තුවාල ලබා වැලිකන්ද හා පොළොන්නරුව රෝහල් වලට ඇතුලත් කළ බව වැලිකන්ද පොලිසිය පවසයි

මෙම අනතුරෙන් මිය ගොස් ඇත්තේ පා පැදියෙන් ගමන් ගත් වැලිකන්ද නාමල්ගම අංක 92ලිපිනයේ පදිංචි 38වියැති දෙරු පියකු වන චම්පික අජිත් කුමාර යන අයබව බවත් ඔහු සමග පාපැදියේ  ගමන් කළ බිරියද බරපතල තුවාස ලබා පොළොන්නරුව මහ රෝහලට ඇතුලත් කර ඇති බව පොලිසිය පවසයි.

අනතුරෙන් බස් රථයේ ගමන් ගත් 07දෙනෙකු බර පතල තුවාල ලබා පොළොන්නරුව මහ රෝහලට ඇතුලත් කර ඇති අතර සෙසු 12දෙනා වැලිකන්ද ප‍්‍රාදේශීය රෝහලෙන් ප‍්‍රතිකාර ගෙන පිටව ගොස් ඇති බව වැලිකන්ද පොලිස් ස්ථානාධිපති පොලිස් පරික්ෂක කේ පි ඩබ්ලිව් පේ‍්‍රමලාල් මහතා අප කළ විමසිමකදී පැවසිය.

මඩකලපුවේ සිට වැලිකන්ද දෙසට පැමිණි වැන් රථයක් පාපැදියක් පසු කර යාමට උත්සහ දැරිමේදි මහනුවර සිට මඩකලපුව බලා ධාවනය වෙමින් තිබු ලංකා ගමනා ගමන මණ්ඩලයට අයත් බස් රථය වැන් රථය අනතුරෙන් බේරිමට යැමේදි පාරෙන් ඉවතට පැන පෙරලි මෙම අනතුර සිදු වි ඇති බව ඒ පිලිබද පරික්ෂණ සිදු කරන වැලිකන්ද පොලිසිය පවසයි.

වැන්රථය පාපැදිකරුව පසු කරයාමට උත්සහ දැරිමේදි වැන් රථයේ ගැටුනු පාපැදිකරු මියගොස් ඇත.

අනතුරට හේතුව වැන් රථ රියදුරුගේ අපරික්ෂාකාරි රිය ධාවනය බවත් ඔහු මේ වන විට අත්අඩංගුවට ගෙන අනතුර පිළිබද වැඩි දුර පරික්ෂණ කටයුතු වැලිකන්ද පොලිස් විසින් සිදු කරයි.

මනම්පිටිය නිමල් ජයරත්න

බීමතින් පැමිණ බිරිඳට පහර දීමට උත්සාහ කළ පුද්ගලයෙකු බිරිඳ විසින් එල්ල කරන ලද පොළු පහරකින් මිය ගොස් ඇති බව වෙන්නප්පුව පොලීසිය කියයි.

මිය ගොස් ඇත්තේ වෙන්නප්පුව - පාතිමා මාවත පදිංචිව සිටි සිව් දරු පියෙකු වන මසෙව්වගේ සුජී චමින්ද තුෂාර (අවු:49) නම් අයෙකි.

ඝාතනය සම්බන්ධයෙන් මිය ගොස් ඇති අයගේ බිරිදව පොලීසිය විසින් අත්අඩංගුවට ගෙන ඇත. ඇය 48 හැවිරිදි තැනැත්තියකි.

අද (12) අළුයම 3.45 ට පමණ මෙම ඝාතනය සිදුවී ඇති බව පොලීසිය කියයි.

අධික ලෙස මත්පැන් පානය කරන තම සැමියා සෑම දිනකම තමන්ට පහර දෙන බවත්, සිද්ධිය වූ දිනද බීමතින් පැමිණි සැමියා පොල්ලක් රැගෙන තමන්ට පහර දීමට උත්සාහ කරන අවස්ථාවේදී එම පොල්ල උදුරා ගෙන තමන් සැමියාට පහර දුන් බව සැකකාර කාන්තාව පොලීසිය හමුවේ පවසා ඇත.

මහේස්ත්‍රාත් පරීක්ෂණය පැවැත්වීමට නියමිතව ඇත.

වෙන්නප්පුව මූලස්ථාන පොලිස් පරීක්ෂක එල්.බී.අබේරත්න මහතා ඇතුළු නිලධාරීහු වැඩිදුර විමර්ශණ කටයුතු කරගෙන යති.

ජුඩ් සමන්ත

ගාල්ල පිටිගල ගංඉම ප්‍රදේශයේ ඊයේ (11) රාත්‍රි 10.00 සිට අලුයම 02.00 දක්වා සිදුකර හදිසි රථවාහන පරීක්ෂාවේදි පුද්ගලයන් දෙදෙනෙකු සමඟ ගිනි අවිකිහිපයක් අත්අඩංගුවට ගත්බව පිටිගල පොලිසිය පවසයි.

මාර්ග බාධක යොදා ගනිමින් සිදුකළ රථ වාහන පරීක්ෂාවේදි ත්‍රිරෝද රථයක් නවතා පරීක්ෂා කිරීමේදී බලපත්‍ර නොමැති බෝර 12 වර්ගයේ ගිනි අවියක්, ජීව උණ්ඩ 04ක් සහ තහනම් පිහියක් සමඟ සැකකරුවන් දෙදෙනෙකු අත්අඩංගුවට ගෙන ඇති බව පොලිසිය සඳහන් කරයි. අත්අඩංගුවටගත් සැකකරුවන් අවුරුදු 23හා 37වයස්වල පසුවන පිටිගල මානම්පිට සහ හත්තක ප්‍රදේශයේ පදිංචි කරුවන් බව පැවසෙයි.

සැකකරුවන් අද (12)ඇල්පිටිය මහෙස්ත්‍රාත්වරයා වෙත ඉදිරිපත් කිරීමට නියමිතයි.  මේ පිළිබඳව පිටිගල පොලිසිය වැඩිදුර විමර්ශන සිදුකරයි.

හබරාදුව -අනුර ලියනගේ

තංගල්ල මැඩිල්ල මුහුදු තීරයේ දී ජර්මන් ජාතික කාන්තාවක් හා පුරුෂයෙක් ඉකුත් පෙරේදා(10) දිය නාමින් සිටියදී ජර්මන් ජාතික පුද්ගලයා රළ පහරට හසුව දියේ ගිළී අතතුරක් සිදුව තිබේ. අනතුරට පත් පුද්ගලයා තංගල්ල රෝහලට ඇතුළත් කිරිමෙන් පසු මියගොස් ඇති බව තංගල්ල පොලිසිය පවසයි.

මෙලෙස මියගොස් ඇත්තේ වයස අවුරුදු 52 ක් වන ජර්මනියේ පදිංචි දම්බිත් වොල්ප්ගන් යන පුද්ගලයාය. පශ්චාත් මරණ පරික්ෂණය 11 වැනිදා සිදුකළ අතර, තංගල්ල පොලිසිය වැඩිදුර විමර්ශණ සිදු කරයි.

හබරාදුව - අනුර ලියනගේ

මෙවර අයවැයෙන් යෝජනා වූ කාබන් බද්ද ක්‍රියාත්මක කළ හොත් ඉදිරියේදී බස් ගාස්තු ඉහළ නැංවීමට සිදුවන බව සමස්ත ලංකා පෞද්ගලික බස් සමාගම් සම්මේලනයේ ප්‍රධාන ‍ලේකම් අංජන ප්‍රියන්ජිත් මහතා ප්‍රකාශ කරයි.

ඔහු පවසා සිටිනුයේ මෙම නව බද්ද නිසා දැනට අසීරුවෙන් පවත්වාගෙන යන පෞද්ගලික බස් රථ කර්මාන්තය තවත් අසීරුවට පත්විය හැකි බවයි.

යෝජිත අය වැය යෝජනා වලට අනුව බස් රථ සඳහා අය කෙරෙන නව කාබන් බද්ද දිනකට වනුයේ රුපියල් 2.4ක් වන අතර යතුරු පැදි සඳහා දිනකට ශත 17ක්  ද මෝටර් රථ සඳහා දිනකට රුපියල් 1.78 ද වන මෙම බදු ආදායම පරිසරය සුරකීම වෙනුවෙන් යොදවන බව අයවැය කතාවේදී මුදල් හා ජනමාධ්‍ය අමාත්‍ය මංගල සමරවීම මහතා කීය.

දමයන්ති ගමගේ

පළාත් පාලන මැතිවරණයේදී ඒකාබද්ධ විපක්ෂය සහ ශ්‍රී ලංකා නිදහස් පක්ෂය එක්ව තරග කිරීම සඳහා දෙපාර්ශ්වයේම ‍‍‍ජ්‍යෙෂ්ඨයන්ගේ එකඟතාවය පළ වී තිබේ.
මෙම එකඟතාවය සඳහා ඒකාබද්ධ විපක්ෂයේ බස්නාහිර පළාතේ හිටපු ප්‍රබලයෙක් සහ පළමුවරට පාර්ලිමේන්තුවට පැමිණි ඒකාබද්ධ විපක්ෂයේ 19 දෙනෙක් පමණ විරුද්ධත්වය පළකර ඇත. එනමුත් ශ්‍රී ලංකා නිදහස් පක්ෂයේ නායකත්වයේ සිට සියලු ‍‍‍ජ්‍යෙෂ්ඨයන්ගේ කැමැත්ත පළ වී ඇති අතර ඒ සඳහා ඒකාබද්ධ විපක්ෂයේ 24 දෙනකුගේ කැමැත්ත දැනටමත්  පළ වී ඇත.
මෙම සාකච්ඡා ඉදිරියට ගෙන යෑම සඳහා ජනාධිපතිවරයා විසින් නම්කර ඇති පාර්ලිමේන්තුවේ තරුණ දේශපාලනඥයා සඳහා ඒකාබද්ධ විපක්ෂයේ නායකයාගේද ආශිර්වාදය හිමි වී ඇත.
කෙසේ නමුත් පසුපෙළ මන්ත්‍රීවරුන් 19 දෙනාගේ අකමැත්ත හේතුවෙන් පළාත් පාලන මැතිවරණයේදී එක්ව තරග කිරීමේ කටයුත්ත ප්‍රමාද වෙමින් තිබෙන බව ශ්‍රීලනිප ආරංචි මාර්ග සඳහන් කරයි.

සංජය නල්ලපෙරුම

මෙවර අයවැයෙන් ඉලෙක්ට්‍රික් වාහන සඳහා 50ක බදු සහනයක් ලබාදුන් බව මුදල් අමාත්‍යවරයා ප්‍රකාශ කළද, වාහනයක් මිලදී ගැනීමට බලා‍පොරොත්තුවෙන් සිටින මෙරට පාරිභෝගිකයන්ට එයින් කිසිදු වාසියක් අත් නොවන බව ලංකා වාහන ආනයනකරුවන්ගේ සංගමය පවසයි.
මෙවර අයවැයෙන් 1300 සී.සී. සහ 1500 සී.සී. අතර කාණ්ඩයේ හයිබ්‍රිඩ් රථවල ඒකක බද්ද රුපියල් 2000 සිට 2500 දක්වා ඉහළ දමා තිබිම හේතුවෙන් මෙරට ඉතා  ජනප්‍රිය ටොයෝටා ඇක්වා, ඇක්සියෝ, හොන්ඩා ග්‍රේස් වැනි මෝටර් රථ සඳහා වන බද්ද රුපියල් හත් ලක්ෂ පනස් දහසකින් (7,50000) ඉහළ යනු ඇතැයි ද ලංකා වාහන ආනයනකරුවන්ගේ සංගමය වැඩදුරටත් පවසයි.
ඉලෙක්ට්‍රික් වාහන සඳහා ලබාදී තිබෙන බදු සහන හිමිවන්නේ මෙරටට ගෙන්වනු ලබන ලියාපදිංචි නොකළ අලුත් වාහන සඳහා පමණක් බවත්, මේ වන විට ශ්‍රී ලංකාවට අලුත් ඉලෙක්ට්‍රික් රථ ගෙන්වීමක් සිදු නොවන බැවින් එම සහනය පාරිභෝගිකයන්ට කිසිසේත්ම ලබාගත නොහැකි එකක් බවත් එහිදී අදහස් දැක්වූ ලංකා වාහන ආනයනකරුවන්ගේ සංගමයේ සභාපති ඉන්දික සම්පත් මෙරෙංචිගේ පැවැසීය.

ගීත් ගුණසේකර / කිෂාන් කනංකෙ

ශ්‍රී ලංකා නිදහස් පක්ෂය 1994දී  මහ මැතිවරණයට තරග කළ පුටුව ලකුණින්ම මෙවර පළාත් පාලන මැතිවරණයට තරග කිරීම ගැන දැන් සාකච්ඡා ආරම්භ වී තිබේ.
එක්සත් ජනතා නිදහස් සන්ධානයෙන් කැඩී ගොස් සිටින පාර්ශ්ව සමග එම සන්ධානයේ මහ ‍ලේකම් අමාත්‍ය මහින්ද අමරවීර හා නියෝජ්‍ය අමාත්‍ය ලසන්ත අලගියවන්න යන මහත්වරුන් කරණා ලද සාකච්ඡාවේදී ඉහත යෝජනා ඉදිරිපත් වී තිබේ.
ශ්‍රී ලංකා නිදහස් පක්ෂය හවුල්කාර අනෙක් පක්ෂ සමග ‍පොදුජන එක්සත් පෙරමුණෙන් අවසන් වරට තරග කර ඇත්තේ 2004 වර්ෂයේදීය.
එක්සත් ජනතා නිදහස් සන්ධානයෙන් කැඩී ගිය පක්ෂ සමග සාකච්ඡා කරන ඒකාබද්ධ විපක්ෂයේ කණ්ඩායමට මහනුවර හා රත්නපුර දිස්ත්‍රික්කය නියෝජනය කරන ප්‍රබල මන්ත්‍රීවරු දෙපළක්ද සක්‍රියව සම්බන්ධව සිටිති.
මේ සාකච්ඡාවන්හි ප්‍රතිඵල මහින්ද අමරවීර මහතා හා ලසන්ත අලගියවන්න යන මහත්වරුන් විසින් ලබන සතියේදී ජනාධිපති මෛත්‍රීපාල සිරිසේන මහතා හමුවී දැනුම් දීමට ද නියමිතය.

IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 4641

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 4251

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 7377

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 4646

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2975

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3783

Please publish modules in offcanvas position.

Web Analytics