Coss Ear2
lakbima.lk
COSS Ear 1

දිවයින හරහා මුහුදු ප්‍රදේශයේ විටින් විට හමන තද සුළං අද (18) දිනයේදී බලා‍පොරොත්තු වන බැවින් ධීවර හා නාවික කටයුතුවලදී අවධානයෙන් පසුවන ලෙස කාලගුණ විද්‍යා දෙපාර්තමේන්තුව අවධාරණය කරයි.
මීට අමතරව මධ්‍යම කඳුකර ප්‍රදේශවලත්, උතුර, උතුරුමැද, නැගෙනහිර හා වයඹ පළාත්වල හම්බන්තොට දිස්ත්‍රික්කයේත් තද සුළං ඇතිවිය හැකි බවත් කාලගුණ විද්‍යා දෙපාර්තමේන්තුව පවසයි. එමෙන්ම බස්නාහිර, සබරගමුව, වයඹ, මධ්‍යම පළාත්වලත්, ගාල්ල සහ මාතර දිස්ත්‍රික්කවලත් විටින් විට වැසි බලා‍පොරොත්තු විය හැකි බවත් එම දෙපාර්තමේන්තුව සඳහන් කරයි.
මීට අමතරව මන්නාරම, යාපනය, අනුරාධපුර යන දිස්ත්‍රික්කවලද වැසි ස්වල්පයක් වශයෙන් ඇතිවිය හැකි බවද කාලගුණ විද්‍යා දෙපාර්තමේන්තුව නිකුත් කළ නිවේදනයේ සඳහන් වේ.

ගයාත්‍රී ගීගනආරච්චි

දින ගණනාවක් පුරා පවතින විදුලිබල මණ්ඩල සේවක වර්ජනය සම්බන්ධව අද (18) සාකච්ඡාවක් පවත්වන බව කම්කරු වෘත්තීය සමිති සබඳතා හා සබරගමුව සංවර්ධන අමාත්‍ය ඩබ්ලිව්.ඩී.ජේ. සෙනෙවිරත්න මහතා ලක්බිමට පැවැසීය.
වර්ජනයේ නිරත විදුලි සේවකයන්ගේ ඉල්ලීම් ඇතුළු කරුණු ගණනාවක් පිළිබඳව මෙහිදී සාකච්ජා කිරීමට බලා‍පොරොත්තු වන බවද ඇමැතිවරයා කීය.
විදුලි සේවක වර්ජනය අතිශයින් සාර්ථක බවත්, විදුලිබල මණ්ඩල සේවකයින්ට එරෙහිව ආණ්ඩුව කුමන ක්‍රියාමාර්ග ගත්තද, සිය සාධාරණ ඉල්ලීම්වලට යහපත් විසඳුම් ලැබෙන තෙක් වර්ජනය අඛණ්ඩවම ක්‍රියාත්මක කරන බවත් ලංවිම ඒකාබද්ධ වෘත්තීය සමිති සන්ධානය නියෝජනය කරමින් ලංකා විදුලි සේවක සංගමයේ ප්‍රධාන ‍ලේකම් රංජන් ජයලාල් මහතා පවසයි.
වර්ජනය ආරම්භ කර ඊයේ (17) වන විට දින 05ක් ගත වී ඇතත් බලධාරීන් ඊට මතෛක් සාධාරණ ප්‍රතිචාරයක් දක්වා නැති බව ද ඒ මහතා චෝදනා කළේය.
එසේම මෙම වර්ජනය කඩාකප්පල් කිරීමේ අරමුණින් විශ්‍රාම සේවකයින්ට කැඳවීමක් කර තිබුණද, කිසිදු විශ්‍රාමික සේවකයෙක් එසේ සේවයට වාර්තා කර නැතැයිද ඒ මහතා පෙන්වා දුන්නේය.
ඔවුන් විදුලිබල මණ්ඩලයේ සේවය කරමින් සිටියදී, කුණු ‍පොල්කුඩු මෙන් පසෙකට විසිකර සිටි බවද, මෙවැනි සාධාරණ අරගලයක් මොට කිරීමට නැවත සේවයට ගැනීමට විදුලි බලධාරීන් කටයුතු කරනු ලැබුවද විශ්‍රාමික සේවකයන් ලෙස ඔවුන් කිසිවෙකු එසේ සේවයට වාර්තා නොකරන බව විදුලි විශ්‍රාමික සේවකයන් විදුලි වෘත්තීය සමිති සන්ධානයට ප්‍රකාශ කර තිබෙන බවද ඒ මහතා කීය.
විෂය භාර ඇමැතිවරයා සමග වෘත්තීය සමිති පසුගියදා පැවැත්වූ සාකච්ඡාව අසාර්ථක වූ බවත්, සාධාරණ විසඳුමක් ලැබෙන තුරු වර්ජනය අඛණ්ඩවම පවත්වා ගෙන යන බවත් ඒ මහතා කීය.
මේ අතර වෘත්තීය සමිති නායකයන් බිය ගැන්වීමට සහ ඔවුන්ට තර්ජනය කිරීමට ඇතැම් පිරිස් කටයුතු කරන බවද, මෙහිදී ඇතැම් විදුලි කොන්ත්‍රාත් සේවකයින් ලවා ට්‍රාන්ස්ෆෝමර් ගලවා පසුව ඔවුන් ලවා යළි ඒවා සකස් කරමින් කඩාකප්පල්කාරී වැඩ ඉතා සූක්ෂම අන්දමින් කිරීමට විදුලිබල මණ්ඩල බලධාරීන් කටයුතු කරන බව පැවැසූ ඒ මහතා වර්ජනයේ නිරත කිසිදු සේවකයෙකු කිසිදු කඩාකප්පල්කාරී ක්‍රියාවක නිරතව නැති බව වගකීමෙන් කියා සිටින බවද කීය.
කෙසේ වුවද මෙම වර්ජනය හේතුවෙන් ජනතාව පත්වන අසීරුතාවය සහ මේ වන විට විදුලි ඇමැතිවරයා විදුලි සේවකයින්ට යළි සේවයට වාර්තා කරන ලෙසට කර ඇති ආයාචනය සම්බන්ධයෙන් 'ලක්බිම' කළ විමසීමේදී ඒ මහතා කියා සිටියේ, විදුලි අමාත්‍යවරයාට සේවකයන්ට ආයාචනා කිරීමට කිසිදු හේතුවක් නැති බවත්, සිය ඉල්ලීම් විසඳා දෙන ලෙසට වසර දෙකහමාරකට ආසන්න කාලයක් පුරා ඇමැතිවරයාගෙන් සේවකයන් ආයාචනා කර සිටි බවත්ය.
එසේම ජනතාව අපහසුතාවයට, අසීරුතාවයට පත් කර සිටින්නේ විදුලි සේවකයන් නොව විදුලි බලධාරීන් ඇතුළු රජය බවද ඒ මහතා කීය.
කුමන තත්ත්වයක් මත වුවත් සිය ඉල්ලීම් ලබා දෙන තුරු වර්ජනය පවත්වා ගෙන යන බව ද ඒ මහතා කීය.

පද්මිණි මාතරගේ

පළාත් පාලන මැතිවරණය කැඳවීමේ ගැසට් නිවේදනය ලබන නොවැම්බර් මාසයේදී ප්‍රකාශයට පත් කිරීමට නියමිතය.
මැතිවරණ කොමිසමේ සභාපති මහින්ද දේශප්‍රිය මහතා විසින් මැතිවරණය කැඳවීමේ ගැසට් නිවේදනය නොවැම්බර් මස මුලදී ප්‍රකාශයට පත් කරනු ඇති  බව කොමිසමේ ආරංචිමාර්ග සඳහන් කරයි.
ඒ අනුව පළාත් පාලන මැතිවරණය ජනවාරි මස දෙවන සතියේදී පැවැත්වෙනු ඇත.
පළාත් පාලන මැතිවරණ (සංශෝධන) පනත් කෙටුම්පත සම්මත වුවද මහනගර සභා ආඥා පනත, නගර සභා ආඥා පනත සහ ප්‍රාදේශීය සභා ආඥා පනත යන පනත්ද සංශෝධනය කිරීමට නියමිතය.
එම සංශෝධන පනත් තුන ලබන මස මුලදී පාර්ලිමේන්තුවට ඉදිරිපත් කොට සම්මත කිරීමට නියමිතය.
එම පනත් කෙටුම්පත් සංශෝධනය කිරීමෙන් අනතුරුව මැතිවරණය කැඳවිමේ ගැසට් නිවේදනය ප්‍රකාශයට පත් කෙරේ.

ලසන්ත වීරකුලසූරිය

stasරජයේ රෝහල්වල ප්‍රයෝජනය  සඳහා රජයේ මුද්‍රණාලය මගින් නිකුත් කරන  ලිපි ද්‍රව්‍ය විශාල තොගයක් වංචනික ‍ලේඛන සකස් කිරීම සඳහා සොරකම් කර ඇතැයි සෞඛ්‍ය අමාත්‍යාංශ ආරංචි මාර්ග සඳහන් කරයි.මෙම ලිපි ද්‍රව්‍ය වෛද්‍ය සැපයුම් අංශයට අයත් වැල්ලවත්ත ප්‍රදේශයේ පිහිටි ශාඛාවකින් සොරාගෙන ඇති අතර මෙම සොරකම වසර ගණනාවක් පුරා සිදු කර ඇති බවට සැකකෙරෙන බවද සෞඛ්‍ය අමාත්‍යාංශයේ ‍‍‍ජ්‍යෙෂ්ඨ ප්‍රකාශකයෙක් පැවැසීය.
විදේශ ගමන් බලපත්, රියැදුරු බලපත් මෙන්ම අධිකරණ කටයුතු සඳහා අවශ්‍ය කරන වෛද්‍ය වාර්තා  සකස් කිරීමට මෙම ලිපි ‍ලේඛන ප්‍රයෝජනයට ගන්නට ඇතැයි එම ප්‍රකාශකයා වැඩිදුරටත් සඳහන් කළේය. මෙම වංචනික වෛද්‍ය වාර්තාවක් නිකුත් කිරීමට රුපියල් 15000 ක 20000ක පමණ අය කරන බව මීට ඉහතදී මාධ්‍ය වාර්තා පළ විණි.
වසර ගණනාවක සිට කර ඇති මෙම හොරකම ගණනය කළ නොහැකි තරම් අති විශාල මුදලක් වනු ඇතැයි ද එම ප්‍රකාශකයා සඳහන් කළේය.
වෛද්‍ය සැපයුම් අංශයේ අධ්‍යක්ෂ වෛද්‍ය ලාල් පනාපිටිය මහතාගෙන් අප මේ සම්බන්ධයෙන් කළ විමසීමකදී ඒ මහතා සඳහන් කළේ, එවැනි සොරකමක් සිදුව ඇති බවත් ඒ පිළිබඳ පුළුල් පරීක්ෂණයක් ආරම්භ කිරීම සඳහා තමා සෞඛ්‍ය ‍ලේකම්වරයාට දැනුම් දුන් බවයි.

ශ්‍රියානි විජේසිංහ

පසුගිය වසරේ කොළොන්නාව ප්‍රාදේශීය ‍ලේකම් කාර්යාල බල ප්‍රදේශයට බලපෑ ගංවතුර හේතුවෙන් අවතැන්වූ පවුල් 18,000ක් අතරේ බෙදාදීමට රජය වෙන් කළ රුපියල් මිලියන 900ක මුදල කොලොන්නාව ප්‍රාදේශීය ‍ලේකම් කාර්යාලය විසින් මේ වනතුරුම එම ජනතාව අතරේ බෙදාදී නොමැත. අග්‍රාමාත්‍ය රනිල් වික්‍රමසිංහ මහතා විසින් කොළොන්නාව ප්‍රාදේශීය ‍ලේකම් කාර්යාලයේ නිලධාරීන් පිරිසක් අරලියගහ මන්දිරයට කැඳවා සිදුකළ ප්‍රශ්න කිරීම්වලදී මේ බව හෙළිවී තිබේ.
මෙම ගෙවීම් ප්‍රමාද වී ඇත්තේ ගංවතුරින් විපතට පත් පවුල්වල නිශ්චිත තොරතුරු  තවමත් රැස්කර නොමැති නිසා බව මෙහිදී එකී නිලධාරීහු පවසා තිබේ. අගමැතිවරයාගේ ප්‍රශ්න කිරීම් හමුවේ ඔවුන් කියා ඇත්තේ තොරතුරු රැස් කිරීම සඳහා තවත් මාස දෙකක පමණ කාලයක් ගතවනු ඇති බවයි.
එහෙත් මෙම සාකච්ඡාවට කැඳවා තිබූ ජාතික රක්ෂණ භාරයේ නියෝජිතයන් කියා ඇත්තේ විපතට පත් ජනතාව පිළිබඳ සියලු තොරතුරු තමන් සතු බවයි. මෙහිදී තවදුරටත් කරුණු සොයා බැලූ අගමැතිවරයා කොළොන්නාව ප්‍රාදේශීය ‍ලේකම් කාර්යාලයට රජය වෙන්කළ මුදල ජාතික රක්ෂණ භාර අරමුදලට බැරකර විපතට පත් පවුල් 18,000 සඳහා සති දෙකක් ඇතුළත ගෙවීම් කරන ලෙසද නියෝග කර තිබේ.

 පානුක රාජපක්ෂ

ඉදිරි පළාත් පාලන මැතිවරණය සඳහා තරග කිරීමට ශ්‍රී ලංකා ‍පොදුජන පෙරමුණ අනෙකුත් දේශපාලන පක්ෂ සමග සන්ධාන ගතවීමේ ගිවිසුම් අත්සන් කිරීමට මේ වන විට සාකච්ඡා ආරම්භ කර ඇතැයි එම පක්ෂ අභ්‍යන්තර ආරංචි මාර්ග සඳහන් කරයි.
ඉදිරි පළාත් පාලන මැතිවරණයේදී මහජන එක්සත් පෙරමුණ, ශ්‍රී ලංකාවේ කොමියුනිස්ට් පක්ෂය, ලංකා සමසමාජ පක්ෂය, ජාතික නිදහස් පෙරමුණ, පිවිතුරු හෙළ උරුමය ඇතුළු දේශපාලන පක්ෂ හා සංවිධාන  14 ක් මෙසේ ගිවිසුම අත්සන් කරන බව එම ආරංචි මාර්ග අනාවරණය කළේය.මේ අතර ඒකාබද්ධ විපක්ෂයේ මැතිවරණ ව්‍යාපාරයේ නායකත්වය චමල් රාජපක්ෂ මහතාට බාරදීමට එහි පක්ෂ නායකයෝ තීරණය කර ඇත.

කමණී හෙට්ටිආරච්චි

ලංකා විදුලිබල මණ්ඩල සේවකයින් දීපව්‍යාප්තව අඛණ්ඩව ආරම්භ කර ඇති වැඩවර්ජනය නිසා ඔවුන්ගේ සේවාවන් ඉටු කිරීමට ත්‍රිවිධ හමුදාවේ සහ විශ්‍රාමික විදුලි සේවකයන්ගේ සහයෝගය ලබා ගැනීමට රජය පියවර ගෙන තිබේ. ඒ අනුව පාරිභෝගිකයින්ට අඛණ්ඩව විදුලිය ලබා දීමට ත් විදුලි බිඳවැටීමකදී එය යථා තත්ත්වයට පත් කිරීමටත් ත්‍රිවිධ හමුදාවේ සහයෝගය ලබා ගන්නා බව විදුලිබල හා පුනර්ජනනීය බලශක්ති ඇමැති රංජිත් සියඹලාපිටිය මහතා සඳහන් කළේය.
එමෙන්ම ලංකා විදුලිබල මණ්ඩලයේ අනියම් හා කොන්ත්‍රාත් සේවකයින් සිකුරාදා (15) අනිවාර්යයෙන් සේවයට වාර්තා කළ යුතු බව කළමනාකාරිත්වය දැනුම් දීම නිසා ඔවුන් එදින සේවයට වාර්තා කර තිබිණි. මේ අතර 2017.09.01 දා සිට විශ්‍රාම ලැබූ විදුලි සේවකයන් ද නැවත සේවයට කැඳවා ඔවුන්ගේ සහයෝගය ලබා ගැනීමට ද කළමනාකාරිත්වය පියවර ගෙන තිබිණි.
මෙම සේවකයින්ට ‍පොලීසිය  යොදා සම්පූර්ණ ආරක්ෂාව ලබා දීමට කටයුතු කරන බවද ඇමැති රංජිත් සියඹලාපිටිය මහතා සඳහන් කළේය.

කමණී හෙට්ටිආරච්චි

හිසෙහි ලේ ගලන තුවාල සහිතව මියගොස් සිටි කාන්තාවකගේ මළ සිරුරක් ඊයේ (14) දංකොටුව මෝරුක්කුලිය ප්‍රදේශයේ නිවසක තිබී  දංකොටුව පොලිසිය  විසින් සොයාගෙන ඇත.

මෙසේ මිය ගොස්  ඇත්තේ දෙහිවල පදිංචි 57 හැවිරිදි කුමාරි ධම්මිකා රොද්‍රිගෝ නමැති අයෙකි. සිද්ධිය සම්බන්ධයෙන් පුද්ගලයෙකු සැකපිට අත්අඩංගුවට ගෙන ඇත.  පශ්චාත් මරණ පරීක්ෂණය අද (15) සිදු කිරීමට සිදුකෙරිණ.

දංකොටුව පොලිසිය මේ පිළිබඳ වැඩිදුර පරීක්ෂණ කටයුතු මෙහෙයවයි.

 

හම්බන්තොට ,දිමුතුගම නිවසක ඇති වූ ආරවුලක් හේතුවෙන් ස්වාමිපුරුෂයා විසින් බිරිඳට තියුණු ආයුධයකින් පහර දී බරපතල තුවාල සිදුකර හම්බන්තොට රෝහලට ඇතුලත් කිරීමේ දී බිරිඳ මිය ගොස් ඇත.

මෙසේ මිය ගොස් ඇත්තේ 27 හැවිරිදි දිමුතුගම, පහල අන්දරවැව පදිංචි ඉරේෂා ෂාමලී නමැති අයෙකි. මහේස්ත්‍රාත් පරීක්ෂණය සහ පශ්චාත් මරණ පරීක්ෂණය අද (15) සිදු කෙරුණි. සිද්ධිය පිළිබඳ විමර්ශන කටයුතු හම්බන්තොට පොලිසිය විසින් සිදුකරයි.

නවගමුව පොලිස් බල ප්‍රදේශයේ දැඩිගමුව, රණාල ආසන්නයේ පිහිටි ප්‍රසිද්ධ අවන්හලක ගින්නක් ඇති වී තිබේ. ගින්නට හේතුව මෙතෙක් අනාවරණය වී නොමැත.  මේ වන විට ගින්න මැඩපැවැත්වීමේ කටයුතු ආරම්භ කොට ඇත.



අමා ද සිල්වා - කඩුවෙල
 

ඊයේ (14) සවස පානම පොලිස් වසමට අයත් හැඩඔය කලපුව අසල මුහුදේ තවත් විදේශිකයන් පිරිසක් සමඟ  දිය නෑමට ගිය විදේශිකයෙකු දියේ ගිලී අතුරුදන් ව ඇති බව ‍පානම පොලිසිය පවසයි.

මෙසේ අතුරුදන්ව ඇත්තේ වයස අවුරුදු 25 ක් වූ Paul Stervt Mcclen නැමැති බ්‍රිතාන්‍ය ජාතිකයෙකි.

නාවික හමුදාව සහ පානම පොලිස් ස්ථානයේ නිලධාරීහූ අතුරුදන් වූ අය සෙවීමේ කටයුතු වල යෙදෙති.

 

IMAGE

නෙලා සමග ඔබ හමුවට එන බෙනට්ගේ පුතා

IMAGE 2018 Feb 25 14:21
අද වෙද්දී උදාර රත්නායක කියන්නේ නළුවෙක්ද? එහෙමත් නැතිනම් දේශපාලනඥයෙක්ද? නළුකම මගේ වෘත්තිය...
Views - 691

මගෙන් නම් සල්ලි ඉල්ලුවේ නෑ ඒත් මේ වගේ කතාවක් නම් කිව්වා

IMAGE 2018 Feb 25 14:08
මේ වෙද්දී ඉන්දිකාගේ කලා දිවිය දශක දෙකකටත් එහා ගිය එකක් නේද? ඔව්. මම මුලින්ම ක්‍ෂේත්‍රයට එකතු...
Views - 1265

රනිල් සල් සපු නා හැර ගියේ ඇයි?

IMAGE 2018 Feb 25 13:52
“සල් සපු නා” ටෙලි නාට්‍යයේ දැන් රනිල්ව දකින්නට ලැබෙන්නේ නැහැ. ඇයි ඒ ? මම තාවකාලිකව ‘සල්...
Views - 1099

තාත්තගේ අකමැත්තෙන් රඟපාන්න ආපු උපාසක අම්මා

IMAGE 2018 Feb 25 12:18
කොහොමද ඔබට අංජනා එහෙමත් නැත්නම් උපාසක අක්කා වෙන්න අවස්ථාව ලැබුණේ? මාව උපාසක අම්මා කළේ...
Views - 847

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 5533

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 3650

Please publish modules in offcanvas position.