Coss Ear2
lakbima.lk
COSS Ear 1

උසස්පෙළ විභාගයේ පිළිතුරු පත්‍ර ඇගයීමේ දෙවන අදියර හෙට (13) ආරම්භ වන බව විභාග දෙපාර්තමේන්තුව පවසයි.
ලබන 26 දින දක්වා මෙම ඇගයීම් පැවැත්වෙන අතර අදාළ කාලය තුළ පාසල් 7ක් සම්පූර්ණයෙන් වසා තැබෙන අතර තවත් පාසල් 20ක් කොටසක් වසා පිළිතුරු පත්‍ර ඇගයීමේ කටයුතු සඳහා යොදා ගෙන තිබේ.  සම්පූර්ණයෙන්ම වසන ලද පාසල් 7 ලබන 27 දා යළි විවෘත වන බව විභාග දෙපාර්තමේන්තුව පවසයි.
ඒ අනුව කොළඹ සී.ඩබ්ලිව්.ඩබ්ලිව්. කන්නන්ගර විද්‍යාලය, කොළඹ ආනන්ද විද්‍යාලය, කළුතර ගුරුළුගෝමී මහා විද්‍යාලය, කුරූණෑගල ලක්දාස් ද මැල් විද්‍යාලය, ගාල්ල සුධර්මා විද්‍යාලය, මාතර ශාන්ත සර්වේසස් විද්‍යාලය, සහ බණ්ඩාරවෙල සීවලී නවෝද්‍යා මහා විද්‍යාලය යන පාසල් 7 මෙලෙස 27 දා දක්වා වසා තබනු ලැබේ.
 

ගයාත්‍රි ගීගනආරච්චි

පාර්ලිමේන්තු මන්ත්‍රී හිටපු ජනමාධ්‍ය අමාත්‍ය කෙහෙළිය රඹුක්වැල්ල මහතා හා රාජ්‍ය මුද්‍රණ නීතිගත සංස්ථාවේ හිටපු අධ්‍යක්ෂ ජනරාල් ජයම්පති බණ්ඩාර හීන්කෙන්ද මහතා රුපියල් ලක්ෂ පහ බැගින් වූ ශරීර ඇප මත මුදා හැරීමට කොළඹ ප්‍රධාන මහේස්ත්‍රාත් ලාල් රණසිංහ බණ්ඩාර මහතා නියෝග කළේය.
එම සැකකරුවන් දෙදෙනාට එරෙහිව අධිකරණය හමුවේ පැමිණිල්ලක් ගොනු කර  නඩු පැවැරීමට තරම් ප්‍රමාණවත් සාක්ෂි නොමැති බව පෙන්වා දෙමින් විත්තියේ නීතිඥවරුන් ලිඛිත දේශන මගින් දැක්වූ මූලික විරෝධතාවය සම්බන්ධයෙන් ලබන ඔක්තෝබර් 30 වැනිදා ලිඛිත දේශන ගොනු කරන ලෙසටද ප්‍රධාන මහේස්ත්‍රාත්වරයා අල්ලස් හෝ දූෂණ විමර්ශන කොමිෂන් සභාවට නියෝග කළේය.
කෙහෙළිය රඹුක්වැල්ල මහතා ජනමාධ්‍ය අමාත්‍යවරයා ලෙස කටයුතු කළ සමයේ ඔහුගේ පෞද්ගලික දුරකථනයේ මාසික බිල වූ රුපියල් දෙලක්ෂ තිස් දහසක මුදලක් රාජ්‍ය මුද්‍රණ නීතිගත සංස්ථාවේ මුදලින්් ගෙවීම මගින් අල්ලස් හෝ දූෂණ විමර්ශන පනතේ “දූෂණය” නමැති වැරැද්ද සිදුකර ඇතැයි චෝදනා කරමින් අල්ලස් හෝ දූෂණ විමර්ශන කොමිෂන් සභාව එම නඩුව පවරා තිබුණි.
මේ අතර රාජ්‍ය මුද්‍රණ නීතිගත සංස්ථාවේ මුදල් රුපියල් කෝටි අටකට අධික මුදල් වැයකර රාජ්‍ය මුද්‍රණ නීතිගත සංස්ථාවේ සේවකයන්ට ප්‍රසාද දීමනා හා හෝටල් බිල්පත් ගෙවීමේ සිද්ධියකට එරෙහිව ජයම්පති බණ්ඩාර හීන්කෙන්ද මහතාට එරෙහිව අල්ලස් හෝ දූෂණ විමර්ශන කොමිෂන් සභාව විසින් පවරා තිබූ නඩු 13ක්ද ඊයේ (11) කොළඹ ප්‍රධාන  මහේස්ත්‍රාත් අධිකරණය හමුවේදී කැඳවිණි. එම සැකකරුද රුපියල් ලක්ෂ 5 බැගින් වූ ශරීර ඇප මත මුදා හැරීමට ද නියම කළ ප්‍රධාන මහේස්ත්‍රාත්වරයා එම නඩු ද ලබන ඔක්තෝබර් 30 වැනිදා කැඳවීමට නියෝග කළේය.
අල්ලස් හෝ දූෂණ විමර්ශන කොමිසන් සභාව වෙනුවෙන් පෙනී සිට සහකාර අධ්‍යක්ෂ ජනරාල් අනුරාධා සිරිවර්ධන මහත්මිය දීර්ඝ ලෙස කරුණු දක්වමින් කළ ඉල්ලීමක් සලකා බැලූ ප්‍රධාන මහේස්ත්‍රාත්වරයා එම නියෝගය කළේය.

නිශාන්ති රාමනායක, කොළඹ අධිකරණ

හබරණ සිට පින්නවලට ප්‍රතිකාර සඳහා ගෙන යමින් සිටියදී කඩුගන්නාව හේනාවල ප්‍රදේශයේදී අනතුරට පත් රථයේ සිටි අලියා අද අලුයම ජීවිතක්ෂයට පත්විය.

රථයේ තිරිංග ක්‍රියාත්මක කිරීම හේතුවෙන් රථය තුළ ඇද වැටුණු අලියාගේ පාදයක අස්ථි බිදීමක් සිදුවී තිබුණු අතර දොඹකරයක අධාරයෙන් පිටට ගත අලියාට ප්‍රතිකාර කිරීම එම ස්ථානයේදීම සිදු කරන ලදී.

නමුත් ඒ වන විටත් අසාධ්‍ය තත්වයේ සිටි අලියා අද අලුයම මිය ගොස් තිබේ.

මෙම මරණයට හේතුව අලි ඇතුන් ප්‍රවාහනයේදී පිළිපැදිය යුතු නීති රීති කිසිවක් මෙම අලියා ප්‍රවාහනයේදී අනුගමනය නොකිරීම යැයි පරිසර වේදීහු චෝදනා කරති.

උත්සව කාල සහ දීර්ඝ සති අන්ත නිවාඩු මුල් කොට කතරගම පුදබිමට පැමිණෙන බැතිමතුන් සංඛ්‍යාව වැඩි වත්ම එහි ඇතැම් වෙළදසැල් වල ආහාරපාන ආදියේ මිල හිතුමතේ ඉහළ දැමීමට වෙළඳුන් කටයුතු කරන බව එහි පැමිණෙන බැතිමත්හු කියති.

එහි ඇති ඇතැම් ආපන ශාලාවල ආහාර පාන සාමාන්‍ය මිල මෙන් දෙගුණයක් පමණ මිල ඉහළ නැංවෙන අතර බැතිමතුන් ඒ පිළිබඳව විමසීමට උත්සාහ කරන විට එහි පැමිණෙන අතරමැදි පුද්ගලයන් බැතිමතුන් නිහඬ කිරිමට වෙර දරන බව වාර්තා වේ.

බැතිමතුන් ඔවුන් හා වැඩිදුර කතා බහක එළඹුනහොත් තර්ජන ගර්ජන මගින් ඔවුන් නිහඬ කිරීමටද එම පිරිස් පසුබට නොවන බව පැවසේ.

ආහාර පාන ප්‍රමිතිය සහ වැඩිමිලට විකිණීම සම්බන්ධයෙන් රටේ බල පැවැත්වෙන නීති රෙගුලාසි දීර්ඝ සති අන්ත නිවාඩු දින වල සහ උත්සව සමයේ කතරගම වෙළඳුන්ට බලනොපානුයේ මන්දැයි බැතිමත්හු ප්‍රශ්න කරති.

එස්.ටී.පී.සිල්වා

මුතුරාජවෙල සහ ජා ඇල ප්‍රදේශයේ සිදුවන ඉවක් බවක් නොමැති තෙත් බිම් ගොඩ කිරීම නිසා ගම්පහ දිස්ත්‍රිකයේ ජා ඇල ආශ්‍රිත ප්‍රදේශ ගණනාවකට ගං වතුර ඇතුළු බලවත් පාරිසරික තර්ජන එල්ල විය හැකි බව ජා ඇල ප්‍රාදේශීය සංවර්ධන කමිටු සම සභාපති වරුන් වන හිටපු කතානායක වරයෙකු සහ අමාත්‍යවරයෙකු වන ජෝෂප් මයිකල් පෙරේරා(එජාප) මහතා සහ හිටපු අමාත්‍යවරයෙකු වන ෆීලික්ස් පෙරේරා (එජනිප) මහතා එක්ව හඬ නගති.

ඒ දැන් පැවැත්වෙන ජා ඇල ප්‍රාදේශීය සංවර්ධන කමිටු රැස්වීමේදීය. මහ නගර සංවර්ධනය මුවාවෙන් සිදුකෙරෙන මෙම නොවිධිමත් ගොඩ කිරීම සඳහා නිත්‍යානුකූල අවසර ලබා ගෙන නොමැති බව පෙන්වා දෙන මෙම සම සභාපතිවරු මේවා තුළ අල්ලස්, දූෂණ, වංචා ඇතුළු නොවිධිමත් රාජ්‍ය මුදල් අවභාවිතයක් පවතින බවද අවධාරණය කරති.

වෙනදා ප්‍රාදේශීය සංවර්ධන කමිටු රැස්වීමකදී එකම කරුණක් සම්බන්ධයෙන් මතභේදාත්මක අදහස් පළ කරන මෙම සම සභාපතිවරුන් දෙදෙනා මෙම පරිසර විනාශය සම්බන්ධයෙන් එක්ව හඬ නැඟීම දුලබ සිදුවීමක් යැයි එය වාර්තා කිරීමට පැමිණි මාධ්‍යවේදීහු කියති.

ප්‍රසංග පෙරේරා - ජා ඇල

රුපියල් කෝටි හැටක රජයේ මුදල් අවභාවිතා කොට සිල්රෙදි බෙදා දීමේ වරදට දැනට බන්ධනාගාරගතව සිටින හිටපු ජනාධිපති ලේකම් ලලිත් වීරතුංග සහ විදුලිසංදේශන නියාමන කොමිසමේ හිටපු අධ්‍යක්ෂජනරාල් අනූෂ පැල්පිට නිදහස් කරගැනීම සම්බන්ධයෙන් අරමුදලක් පිහිටුවීමට සැලසුම් කොට ඇතැයි ඒකාබද්ධ විපක්ෂ ආරංචිමාර්ග කියයි.

මෙහිදී මේ සම්බන්ධයෙන් අදහස් පළ කළ පාර්ලිමේන්තු මන්ත්‍රී බන්දුල ගුණවර්ධන මහතා ප්‍රකාශ කරනුයේ මෙම සිල්රෙදි බෙදා දීම සම්බුද්ධ ජයන්ති මහෝත්සවය සඳහා පත් කළ රාජ්‍ය කමිටුවේ නිර්දේශයකට අනුව ජනාධිපතිවරයාගේ නියමයෙන් සිදුකරන ලද්දක් බවය.

එස්.ටී.පී සිල්වා {jcomments on}

 

 

 

මින් ඉදිරියේදී බන්ධනාගාර ගත වී සිටින රැඳවියෙකු යම් අසනීප තත්ත්වයක් හේතුවෙන් බන්ධනාගාර රෝහල වෙත ප්‍රතිකාර ලැබිමට ඇතුළත් වන්නේ නම් බන්ධනාගාර රෝහල් වෛද්‍යවරුන් තිදෙනකුගේ අනුමැතිය ලබා ගත යුතු යැයි බන්ධනාගාර ප්‍රතිසංස්කරණ, පුනරුත්ථාපන, නැවත පදිංචි කිරීම හා හින්දු ආගමික කටයුතු අමාත්‍ය ඩී.එම්. ස්වාමිනාදන් මහතා පවසයි. 
මීට පෙර ඒ සඳහා ලබාගත යුතුව තිබුණේ එක් වෛද්‍යවරයෙකුගේ අනුමැතිය පමණක් වුව ද , මින් ඉදිරියේ දී බන්ධනාගාර රෝහල් වෛද්‍යවරු තිදෙනකුගේ අනුමැතිය මත පමණක් රැඳවියකු බන්ධනාගාර රෝහලට ඇතුළත් කිරීමට කටයුතු කරන ලෙස අමාත්‍යවරයා බන්ධනාගාර කොමසාරිස් ජනරාල්වරයාට උපදෙස් ලබා  දී ඇත. 
මෙහිදී අදාළ වෛද්‍ය වාර්තා අමාත්‍යාංශය වෙත ඉදිරිපත් කළ යුතු අතර අමාත්‍යාංශය විසින් ඒවා පිළිබඳව වැඩිදුර විමර්ශනය කරන බවද ස්වාමිනාදන් මහතා පවසයි. 
බන්ධනාගාර රැඳවියන් බන්ධනාගාර රෝහලට ඇතුළත් කිරීමේදී අක්‍රමිකතා සිදුවන බවට විවිධ පාර්ශ්වවලින් ලැබි ඇති පැමිණිලි හා ඉල්ලීම් සලකා බැලීමෙන් පසුව මෙම තීරණයට එළඹී බවද අමාත්‍ය ඩී.එම්. ස්වාමිනාදන් මහතා ප්‍රකාශ කරයි. 
 
ගායත්‍රි ගීගනආරච්චි

උමා ඔය බහු කාර්ය ව්‍යාපෘතිය නිසා පීඩාවට පත්ව සිටින ජනතාවගේ ප්‍රශ්න මේ වනවිට උග්‍ර වී තිබෙන බවත් එම ව්‍යාපෘතිය හේතුවෙන් කුලී නිවාසවල පදිංචිව සිටින පවුල් කිහිපයකට ආණ්ඩුව ලබාදීමට ‍පොරොන්දු වූ කුලී මුදල් මතෛක් ලැබි නොමැති බවත් උමා ඔය බහුකාර්ය ව්‍යාපෘතියට එරෙහි ජනතා පෙරමුණේ කැඳවුම්කරු සමන්ත විද්‍යාරත්න මහතා පවසයි.
උමා ඔය තත්ත්වය බරපතළ බවත්, අනතුරු සහිත බැවින් වලස්මැද්ද ප්‍රදේශයේ ගෙවල් 5ක ජනතාවට එම නිවාසවලින් ඉවත් කර තිබෙන අතර, ඊයේ (10) වන විට දික්අරාව ප්‍රදේශයේ එසේ ඉවත්කර තිබෙන නිවාස සංඛ්‍යාව 70ක් වී  තිබෙන බවද ඒ මහතා පැවැසීය.
එම ජනතාව පදිංචි ප්‍රදේශවල ඔවුන්ගේ නිවාස අනතුරු සහිත නිසා එම නිවෙස්වලින් ඉවත්වෙන ලෙසට ජනතාවට බලධාරීන් දැනුම් දුන්නද වෙනත් සුදුසු ස්ථානවලට යාමට එම ජනතාවට නොහැකි බැවින් ඔවුන් දැඩි ලෙස අසරණව සිටින බවද ඒ මහතා පෙන්වා දුන්නේය.
එසේ වෙනත් තැනක පදිංචියට යාම වෙනුවෙන් එම නිවෙස් සඳහා කුලී මුදල් ලබා ගැනීමට යාමේදී විවිධ කොන්දේසි ඉල්ලා සිටීම හේතුවෙන් පිඩාවට පත්ව සිටින ජනතාව මතට තවත් දැඩි පීඩාවක් මතුව ඇති  බවත් එසේ පානීය ජලය ප්‍රමාණවත් තරමින් නොමැතිවීම, දිය උල්පත් සිඳීයාම, වගා හානිවලට වන්දි බොහෝ දුරට නොලැබිම මේ ආදී කාරණා නිසා බරපතළ ගැටලු ගණනාවක් මතුව ඇතැයිද ඒ මහතා සඳහන් කළේය.
බලධාරීන් සමග සාකච්ඡා කර විසඳුමක් තවදුරටත් නොලැබෙන්නේ නම් පදිංචිය සඳහා දේශපාලනඥයන්ගේ නිවෙස් වෙත යාමට දැන් ජනතාව සූදානම් විය යුතුව ඇතැයිද ඒ මහතා කීය. 
උමගේ දිය කාන්දු ඉතා කඩිනමින් වසා දැමීම, ජනතාව සෘජුව මුහුණදී සිටින ගැටලු වන පානීය ජල ගැටලුව බවුසර් මගින් ජලය බෙදාදීම ප්‍රමාණවත් හා විධිමත් නොවීම විසඳුම් පූර්ණ හානීයට ලක් වූ නිවැසියන්ට සහ ජනතාවගේ නිවාස පිළිබඳ ගැටලු, වගා හානි, ස්වං රැකියා හිමියන්, සුළු  හා මධ්‍යම පරිමාණ සහ මහ පරිමාණ ව්‍යාපාරිකයන් මුහුණ දී සිටින ගැටලු, පන්සල් පල්ලි කෝවිල් ප්‍රජා ශාලා මංමාවත් ඇතුළු ‍පොදු ස්ථානවලට සිදු වූ හානි, නිවැරදි තක්සේරු  නොකිරීම් හා වෙනත් ගැටලු ප්‍රධාන උමගේ ඉතිරි කටයුතු, මෙන්ම විනාශයට පත් වූ ප්‍රදේශ යථාවත් කිරීම සඳහා වූ යෝජනාවන් රැසක් ආණ්ඩුවේ බලධාරීන් වෙත මෙයට පෙර ඉදිරිපත් කරනු ලැබූ බවද පැවැසූ ඒ මහතා පානීය ජල ප්‍රශ්නය විසඳමින් දවස් 2කට වතුර ලීටර් 500ක් එක පවුලකට ලබා දෙන බවට ආණ්ඩුව ‍පොරොන්දු වුවද දැන් එය ලැබෙන්නේ දවස් 10-12කට පමණ පසුව යැයිද ඒ මහතා පැවැසීය.
වතුර ටැංකි නොලැබුණු පිරිසක් තවත් සිටින බවත් ස්ථිර ජල ව්‍යාපෘතියක් දෙන්න යැයි ඉල්ලා සිටියද එය ඉටුකර නැති අතර වගා වන්දි මේ කිසිවක් ලැබි නැතැයිද පැවැසූ ඒ මහතා ජනතා ඉල්ලීම්වලට සාධාරණය ඉටු කිරීමට තවදුරටත් ආණ්ඩුව කටයුතු නොකළහොත් හර්තාලයට එහා ගිය දැඩි ක්‍රියා මාර්ග සහතික ලෙසම ගන්නා බවද පැවැසීය.
 
පද්මිණී මාතරගේ{jcomments on}

කිලිනොච්චිය, කල්මඩුනගර් ප්‍රදේශයේ තිබි එල්.ටී.ටී.ඊ. සංවිධානය විසින් භාවිත කළ බවට සැක කෙරෙන තෙල් ගබඩාවක් ඉකුත්දා (08) ගුවන් හමුදාව විසින් සොයාගෙන තිබේ.
ඉරණමඩු ගුවන් හමුදා කඳවුරේ බුද්ධි නිලධාරීන්ට ලද තොරතුරකට අනුව කල්මඩුනගර් ප්‍රදේශයේ කැලෑවේ සිදු කළ සෝදිසි මෙහෙයුමකදී වළදමා තිබූ මෙම තෙල් ටැංකිය සොයා ගැනීමට හැකිව තිබේ.
තෙල් ටැංකිය තිබූ ස්ථානය යුද සමයේ ත්‍රස්තවාදී කඳවුරක්ව පැවැති බවත් එහිදී ඔවුන්ගේ භාවිතය සඳහා ඉන්ධන ලීටර් 30,000ක් ගබඩා කළ හැකි මෙම තෙල් ටැංකිය තබා ගන්නට ඇති බවත් ගුවන් හමුදාව පවසයි.
සොයා ගැනුණු තෙල් ටැංකිය වැඩිදුර පරීක්ෂණ කටයුතු සඳහා කිලිනොච්චිය ‍පොලීසිය වෙත බාර දීමට ගුවන් හමුදාව පියවර ගෙන තිබේ.
 
ශානිකා මාධවී පීරිස්

ඉන්දු ලංකා සබඳතාවන් ශක්තිමත් කිරීම සඳහා ඉන්දීය රජය මේ වන විට පෙරටත් වඩා වැඩි අවධානයක් යොමු කොට ඇතැයි ඉන්දීය අග්‍රාමාත්‍ය නරේන්ද්‍ර මෝදි මහතා ප්‍රකාශ කර සිටී.
තුන් දින නිල සංචාරයක් සඳහා ඉන්දියාවට ගොස් සිටින මෙරට නව විදේශ අමාත්‍ය තිලක් මාරපන මහතා සමග නව දිල්ලියේදී පෙරේදා (9) පැවැති විශේෂ සාකච්ඡාවකදී මෝදි මහතා මේ බව ප්‍රකාශ කර ඇත. 
ශ්‍රී ලංකා රජය සමග සමීප දේශපාලන සබඳතා පැවැත්වීමටද ඉන්දීය රජය අපේක්ෂා කරන බව නරේන්ද්‍ර මෝදි මහතා මෙහිදී සඳහන් කර ඇත.
ශ්‍රී ලංකාව සමග පවතින වෙළෙඳ සබඳතා මේ වනවිට ඉතා යහපත් මට්ටමකට පැමිණ ඇති බවද නරේන්ද්‍ර මෝදි මහතා මෙහිදී වැඩිදුරටත් සඳහන් කර ඇත.
මෙම ඉන්දීය සංචාරය තිලක් මාරපන මහතා විදෙස් කටයුතු අමාත්‍යවරයා ලෙස සිදුකළ ප්‍රථම නිල විදෙස් සංචාරය වන අතර ඒ මහතා මෙහිදී ඉන්දීය විදේශ ඇමැතිනි සුෂ්මා ස්වරාජ් මහත්මිය සමගද සාකච්ඡා පැවැත්වීය.
 
පැතුම් වික්‍රමරත්න

චීනයෙන් ලබා ගත් සහනදායී නොවන ණය හේතුවෙන් ශ්‍රී ලංකාවට අනවශ්‍ය පීඩනයක් එල්ලවී ඇති බව අමෙරිකා එක්සත් ජනපදය පෙන්වා දේ. චීනයෙන් ගත් මෙම ණය මුදල් හේතුවෙන්, තිරසාර නොවන ණය බරක්, ශ්‍රී ලංකාව මත පැටවී ඇති බවත්, දකුණු හා මධ්‍යම ආසියානු කටයුතු පිළිබඳ අමෙරිකානු සහකාර රාජ්‍ය ‍ලේකම් ඇලිස් වෙල්ස් මහත්මිය ප්‍රකාශ කර සිටී. 
අමෙරිකානු කොන්ග්‍රසයේ, කමිටු රැස්වීමකට එක්වෙමින් වෙල්ස් මහත්මිය මේ ප්‍රකාශ කර ඇත. 
ශ්‍රී ලංකාව මත පැටවී ඇති මෙම චීන ණය බර පිළිබඳව ශ්‍රී ලංකා  රජයේ  මෙන්ම ජනතාවගේද අවනධානය මේ වන විට යොමුව ඇති බවද වෙල්ස් මහත්මිය සඳහන් කර ඇත.
 
පැතුම් වික්‍රමරත්න 
IMAGE

මට දැන් තාත්තා ගැන තියෙන්නේ අනුකම්පාවක් විතරයි

IMAGE 2018 Feb 18 10:28
ආචාර්ය  වික්ටර් රත්නායකයන්ගේ පුතුන් දෙදෙනා වන ජයන්ත සහ ලෙලුම් ගැන අද වෙද්දී මුළු රටම...
Views - 26

ග්‍රැන්ඩ්පාස් ගොඩනැගිල්ල කඩා වැටීම සොයුරාගේ සැලසුමක් -...

IMAGE 2018 Feb 16 13:54
හත්දෙනෙකුට මරු කැඳවමින් පසුගිය (14) දා ග්‍රැන්ඩ්පාස් ගොඩනැගිල්ල කඩා වැටීමේ සිද්ධිය...
Views - 2967

මනාලයාගේ 'දෙනෙත් උඩ රැන්දූ' මනාලියගේ රැකියාව

IMAGE 2018 Feb 16 12:26
අනුරාධපුරයට ආසන්න නිකැලැල් චරිතවත් යුවතියක සඳහා මනාලයෙකු සොයන බව මීට සති කිහිපයකට ඉහත ඉරිදා...
Views - 6216

හෙදිය සමූහ දූෂණයට විනයාරක්ෂක කපිතාන් අල්ලයි

IMAGE 2018 Feb 14 23:55
රංචු ගැසී පුද්ගලික රෝහලක හෙදියක් සමූහ දූෂණයට ලක් කිරීමේ සිද්ධිය සම්බන්ධයෙන් ‍පොලීසියට...
Views - 5199

ඡන්ද ප්‍රතිඵල වලින් පස්සෙ සමහරුන් බුම්මාගෙන ඉන්නේ ඇයි?

IMAGE 2018 Feb 14 13:39
මෙවර පළාත් පාලන ඡන්දයේ දී මෙන්ම  සෑම මැතිවරණයකදීම කිසියම් පිරිසක් ජයග්‍රහණය කරන විට ඊට...
Views - 3112

හොර හැඳුනුම් පතක් ගෙන ප්‍රේම ලෝකයට බසින 'වැලන්ටයින්'

IMAGE 2018 Feb 14 09:22
පෙම්වතුන් පෙම්වතියන් අතර හෝ අඹු සැමියන් අතර පවත්නා ආදරය ලිංගිකත්වය හා අනුරාගය මත පදනම් වූ...
Views - 3066

Please publish modules in offcanvas position.