Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

රක්ෂිත බන්ධනාගාර ගත කර සිටි අන්තර් විශ්ව විද්‍යාල ශිෂ්‍ය බලමණ්ඩලයේ කැඳවුම් කරු ලහිරු වීරසේකර අද (09) ඇප මත මුදා හැර ඇත.

රුපියල් දසදහසක මුදල් ඇප හා ලක්ෂ පහ බැගින් වූ ශරීර ඇප තුනක්ද මත ඔහුව මුදා හැරින ලෙස කොළඹ ප්‍රධාන මහාධිකරණ විනිසුරු මනිලාල් වෛද්‍ය තිලක මහතා නියෝග කොට ඇත.

 

නිශාන්ත රාමනායක අධිකරණ - කොළඹ{jcomments on}

හම්බන්තොට, මත්තල යෝජිත කර්මාන්තපුරය ආරම්භ කිරීම සඳහා අවශ්‍ය ඉඩම් හඳුනාගැනීමේ මූලික සාකච්ඡාවක් ඉඩම් හා පාර්ලිමේන්තු ප‍්‍රතිසංස්කරණ අමාත්‍ය ගයන්ත කරුණාතිලක සහ නීතිය,සාමය හා දක්ෂිණ සංවර්ධන අමාත්‍ය සාගල රත්නායක ඇමතිවරුන්ගේ සහභාගීත්වයෙන් ඊයේ (08)පෙරවරුවේ පාර්ලිමේන්තු ආණ්ඩු පක්ෂයේ ප‍්‍රධාන සංවිධායක කාර්යාලයේ දී පැවැත්වූහ.

යෝජිත කර්මාන්තපුරය සඳහා අවශ්‍ය ඉඩම් හඳුනාගැනීම හෝ අත්පත් කර ගැනීම් සිදු කිරීමේදී ඊට අදාල කටයුතු සොයාබලා වාර්තා කිරීමට හම්බන්තොට දිස්ති‍්‍රක් ලේකම්වරයාගේ සහභාගීත්වයෙන් හා ඉඩම්, වනජීවි, මහවැලි සහ නාගරික සංවර්ධන යන අමාත්‍යාංශවල ඉහල නිලධාරීන්ගෙන් සමන්විත කමිටුවක් පිහිටුවීමට එම සාකච්ඡාවේදී තීරණය විය.

එම අවස්ථාවට හම්බන්තොට දිස්ති‍්‍රක් ලේකම් සහ ඉඩම්, වනජීවී, මහවැලි, නාගරික සංවර්ධන යන අමාත්‍යවරු ඇතුළු  පිරිසක් සහභාගී වූහ.


{jcomments on}

අද පෙරවරුවේ ජනාධිපති මෛත්‍රිපාල සිරිසේන මහතාගේ ප්‍රධානත්වයෙන් රැස්වීමට නියමිත කැබිනට් රැස්වීමේදී අමාත්‍ය රවී කරුණානායක මහතාට එරෙහිව ඉදිරිපත් වී ඇති විශ්වාසභංග යෝජනාව සම්බන්ධයෙන් විශේෂයෙන් සාකච්ඡා කෙරෙනු ඇතැයි ද එහිදී රවී කරුණානායක මහතා එම සිද්ධිය සම්බන්ධයෙන් කැබිනට් මණ්ඩලය හමුවේ විශේෂ ප්‍රකාශක් කරනු ඇතැයි ද රජයේ අභ්‍යන්තර ආරංචි මාර්ග පවසයි.

කරුණානායක මහතාට එරෙහි විශ්වාසභංග යෝජනාව විවාදයට ගැනීම පිළිබඳව කතානායක කරු ජයසූරිය මහතා හෙට(10) පාර්ලිමේන්තුව දැනුවත් කිරීමට නියමිතය.

නමුත් මෙම විශ්වාසභංගය මුල්කොට රවී කරුණානායක මහතා ඉල්ලා අස්විය යුතුද යන්න පිළිබඳව ශ්‍රී ලංකා නිදහස් පක්ෂ සහ එක්සත් ජාතික පක්ෂ මන්ත්‍රීවරු විවිධ අදහස් පළ කරමින් සිටිති.

දමයන්ති ගමගේ

රජයේ ගෞරවය ආරක්ෂා කරලීම වෙනුවෙන්, රවි කරුණානායක මහතා මේ මොහොතේ සිය අමාත්‍ය ධුරයෙන් ඉල්ලා අස්වීම වඩාත් සුදුසු බව ශ්‍රී ලංකා නිදහස් පක්ෂයේ මතය වන්නේ යැයි, නියෝජ්‍ය කථානායක තිලංග සුමතිපාල මහතා ඊයේ ( 08) පාර්ලිමේන්තු සංකීර්ණයේ පැවැති මාධ්‍ය හමුවේදී ප්‍රකාශ කළේය. 
රවි කරුණානායක මහතා තවදුරටත් අමාත්‍ය ධුරයේ රැඳී සිටියහොත් ඉන් රජය අපහසුතාවට ලක්වන බවද එම මාධ්‍ය හමුවේදී තිලංග සුමතිපාල මහතා ප්‍රකාශ කළේය. 
රවි කරුණානායක මහතාට එරෙහි විශ්වාසභංගය පිළිබඳව හෙට(10) දින පාර්ලිමේන්තුවේදී ඉදිරි තීරණ ගනු ඇති බවත් , තිලංග සුමතිපාල මහතා මෙහිදී ප්‍රකාශ කළේය.
 
ලසන්ත වීරකුලසූරිය/ පැතුම් වික්‍රමරත්න 

ප්‍රාඩෝ සහ සුපිරි මෝටර් රථ රේගුවෙන් නිදහස් කිරීමේ ක්‍රියාවලියේදී හිටපු මුදල් අමාත්‍ය රවි කරුණානායක මහතා 2015/2016 වර්ෂවලදී රජයට රුපියල් මිලියන 10,000කට අධික අලාභයක් කර ඇති බව ඒකාබද්ධ විපක්ෂය චෝදනා කරයි. 
මෙම කරුණු හෙළිදරව් වීමෙන් පසු ඒ පිළිබඳ සොයා බැලීමට ජනාධිපතිවරයා ත්‍රී පුද්ගල කමිටුවක් පත් කර ඔවුන්ගේ නිරීක්ෂණ හා නිර්දේශ  ලබාගෙන තිබියදී 2016.9.21 දිගැති ලිපියක් මගින් අදාළ ලිපිගොනු විමර්ශනය තහනම් කර රේගු අධ්‍යක්ෂවරයා අදාළ අංශ වෙත නියෝගයක් නිකුත් කර ඇති බවද ඔවුන් පෙන්වා දී තිබේ.
රවි කරුණානායක මහතා 2015/2016 කාලයේ මුදල් ඇමැතිවරයා ලෙස රේගුවේ ඇති ප්‍රාඩෝ සහ සුපිරි මෝටර් රථ නිදහස් කිරීමට අවස්ථා 03කදී එකට එකක් නොගැළපෙන නියෝග ලබා දී ඇති බවද ඒකාබද්ධ විපක්ෂය පෙන්වා දෙයි. පළමු නියෝගයේදී මෙම වාහන සඳහා මිලියන 3.2ක් අය කර ගැනීමට නියෝග කර ඇති බවද පසුව රුපියල් ලක්ෂ 16ක් අය කර ගැනීමටද නියෝග කර තිබේ. තුන්වන නියෝගයෙන් උපදෙස් දී ඇත්තේ ඇ.ඩො. 30,000ට වැඩි වාහනවලින් පමණක් බදු අය කර ගත යුතු බවය.
මෙම සිද්ධියෙන් රජයට පාඩු වී ඇති මුදල් අය කර ගැනීම සඳහා ජනාධිපතිවරයා මැදිහත් විය යුතු බවද ඒකාබද්ධ විපක්ෂය බොරැල්‍ලේ වජිග්‍රාම විහාරයේදී පැවැති මාධ්‍ය හමුවකදී බන්දුල ගුණවර්ධන (පා.ම) මහතා මේ කරුණු අනාවරණය කළේය.
 
ජයසූරිය උඩුකුඹුර

අධිවේගී මාර්ගවල ධාවනය වන ගිලන් රථ සඳහා මුදල් අය කිරීමකින් තොරව ගමන් කිරීමේ අවස්ථාව ලබා දීමේ යෝජනාවක් අමාත්‍ය මණ්ඩලය වෙත ඉදිරිපත් කිරීමට සෞඛ්‍ය ඇමැති දොස්තර රාජිත සේනාරත්න මහතා තීරණය කර ඇත. 
රෝගීන් රැගෙන අධිවේගීය මාර්ගයේ ගමන් ගන්නා විට ගිලන් රථයේ ගමන් ගන්නා සෞඛ්‍ය සේවකයන්ට අධිවේගීය මාර්ග ගාස්තු ගෙවීමට සිදුව තිබෙන බැවින් සේවකයන් ඇමැතිවරයාට මේ බව දැනුම් දීමේන් අනතුරුව ඇමැතිවරයා මෙම තීරණය ගෙන තිබේ. මෙය ජාතික ප්‍රතිපත්තියක් ලෙස සලකා අමාත්‍ය මණ්ඩලයට සන්දේශයක් ඉදිරිපත් කර අවසන් තීරණයක් ගන්නා බවද හෙතෙම සෞඛ්‍ය සේවකයන්ට දන්වා ඇත.
 
ශ්‍රියානි විජේසිංහ 

දේශීය අදායම් බදු පනත් සම්බන්ධ ශ්‍රේෂ්ඨාධිකරණය ලබා දී ඇති නියෝග අනුව එහි ඇතැම් වගන්ති ඉවත් කළද මෙම පනත සම්මත වුවහොත් මතෛක් බදු නොගෙවූ පූජනීය ස්ථාන මෙන්ම සුළු ව්‍යාපාරිකයාටත් විශාල බදු මුදල් ගෙවන්නට සිදු වන බව ඒකාබද්ධ විපක්ෂයේ පාර්ලිමේන්තු මන්ත්‍රී බන්දුල ගුණවර්ධන මහතා පෙන්වා දෙන්නේය. 
කොළඹදී අද (08) පැවැති මාධ්‍ය හමුවකදී මන්ත්‍රීවරයා මේ බව සඳහන් කළේය. මහින්ද රාජපක්ෂ රජයේ 2006 අංක 10 දරන දේශීය ආදායම් බදු පනතේ තුන්වන පරිච්ජේදය පිටු 44කින් යුතුව මෙරටේ සුළු ව්‍යාපරිකයන් ඇතැම් කේෂ්ත්‍ර 13ක පුද්ගලයන් බදු සහන හෝ බදු නිදහස ලබා දී තිබූ බව සිහිපත් කළ මන්ත්‍රී්‍රවරයා මෙවර පාර්ලිමේන්තුවට ඉදිරිපත් වී ඇති බදු පනතේ එම ජේදය සම්පූර්ණයෙන්ම ඉවත් කර ඇති බවද සඳහන් කළේය. 
1815 මාර්තු 05 දිනට පෙර රාජකීය ප්‍රදානයක් ලෙස සැලකූ ආගමික සිද්ධස්ථාන සියල්ල බද්දෙන් නිදහස් කිරීමට මතෛක් පැවැති රජයක් කටයුතු කර තිබුණද මෙවර පනතින් එම සියලු සිද්ධස්ථානද බද්දට  වෙන් කර ඇති බව මන්ත්‍රීවරයා සඳහන් කරන්නේය. 
මේ සම්බන්ධයෙන් මෙරටේ සියලු ආගමික නායකයන් හා වෘත්තිකයන් සියලු දෙනා අවබෝධයෙන් යුතුව දේශීය ආදායම් බදු පනත නැවත සංශෝධනය කර ගැනීම සඳහා බලපෑම් කළ යුතු බවද බන්දුල ගුණවර්ධන මන්ත්‍රීවරයා සිහිපත් කළේය. 
 
ජයසූරිය උඩුකුඹුර 
 

ජර්මානු කාර්මික විද්‍යාලයේ විදුහල්පතිවරයා සිසුන්ට අතවර කළ බවට එල්ල වූ චෝදනා හේතුවෙන් ඉල්ලා අස්වීම නිසා ඇති වූ පුරප්පාඩු වූ තනතුරට නව විදුහල්පතිවරයෙකු බඳවා ගැනීමට අයැදුම් පත් කැදවා ඇති බව වෘත්තීය පුහුණු හා නිපුණතා සංවර්ධන ඇමති චන්දිම විරක්කොඩි මහතා පාර්ලිමේන්තුවේදී අද (08) ප්‍රකාශ කළේය.
විදුහල්පති හා අධ්‍යක්ෂ ලෙස කටයුතු කළ තැනැත්තාට එල්ල වූ චෝදනා මත විනය පරීක්ෂණයක් ආරම්භ කළ බවත් ඒ අතර ඔහු ඉල්ලා අස්වීමේ ලිපිය ඉදිරිපත් කළ බවත් ඇමැතිවරයා පැවැසීය. ඒ අනුව නව විදුහපල්පතිවරයෙකු බඳවා ගැනීමට පුවත් පත් දැන්වීම් පළ කළ බවද ඔහු සඳහන් කළේය.
ඔහුට චෝදනා එල්ල වූ විගසම අමාත්‍යාංශය මැදිහත් වී වහාම අවශ්‍ය පියවර ගත් බවද ඒ මහතා ප්‍රකාශ කළේය.
එක්සත් ජනතා නිදහස් සන්ධාන කළුතර දිස්ත්‍රික් මන්ත්‍රී ජයන්ත සමරවීර මහතා ඇසූ ප්‍රශ්නයකට පිළිතුරු දෙමින් ඇමැතිවරයා මේ බව කීවේය.
 
ලසන්ත වීරකුලසූරිය, පැතුම් වික්‍රමරත්න

මුදල් අමාත්‍ය රවි කරුණානායක මහතාට එරෙහිව පාර්ලිමේන්තුවට ඉදිරිපත් කරන විශ්වාසභංග යෝජනාවට පක්ෂව ජනතා විමුක්ති පෙරමුණ ඡන්දය පාවිච්චි කරන බව එම පක්ෂය සහතික කර සිටී.
ප්‍රදේශීය සභා ඡන්දය කල් දැමූ ආකාරයට, පළාත් සභා ඡන්ද කල් දමන්නට හදන ආකාරයට ඡන්ද කල් දමමින් විශ්වාසභංගයට අදාළ ඡන්දයත් කල් දැමීමට ආණ්ඩුව කටයුතු කරනු ඇති බවත්, එහෙත් එයට ඉඩ නොදෙන අතර එය වහාම විවාදයට ගත යුතු යැයි ද එම පක්ෂයේ පාර්ලිමේන්තු මන්ත්‍රී විජිත හේරත් මහතා පවසයි.
රවි කරුණානායක මහතා සිය මුදල් අමාත්‍ය ධුරය පාවිච්චි කර බැඳුම්කර ගනුදෙනුව ආශ්‍රිතව කරන ලද ගනුදෙනුව දූෂිත සහ වැරදි ගනුදෙනුවක් බවත් ඒ නිසා ඔහුව අමාත්‍ය ධුරයෙන් ඉවත් කළ යුතු බවත් පැලවත්ත එම පක්ෂ මූලස්ථානයේදී අද (08) පැවැති මාධ්‍ය සාකච්ඡාවකදී ඒ මහතා අවධාරණය කළේය.
ඔහු විදේශ අමාත්‍ය ධුරයෙන් ඉවත් කළත් අදාළ මෙම ගනුදෙනුවට සම්බන්ධ වන්නේ මුදල් අමාත්‍යවරයා වශයෙන් වන අතර ඔහු මුදල් අමාත්‍යාංශයේ සියලු යාන්ත්‍රනයන් මෙම ගනුදෙනුවට පාවිච්චි කළ බැවින් එය අතිශය බරපතළ කාරණයක් බැවින් රටේ ජනතාවගෙන් ජාතියෙන් රවි කරුණානායක මහතා සමාව ගත යුතු යැයි ද ඒ මහතා කීය.
එසේම මෙහිදී මෙම බැදුම්කර සිද්ධිය සම්පූර්ණයෙන්ම රවි කරුණානායක මහතා පිටින් යවා ඇඟ බේරා ගැනීමට ආණ්ඩුව උත්සහ කරන බවත්, එසේ නිධානය ගැනීමට මර බිල්ල ලෙස යොදා ගත් රවි කරුණානායක ඇමැතිවරයා මෙන්ම නිධානය ගැනීමට සැලසුම් කර දැන් පසෙකට වී සිටින ඇත්ත හොරුන්ට ද එරෙහිව නීතිය ක්‍රියාත්මක කළ යුතු බව ඒ මහතා පැවැසීය.
මේ රටේ ජනතාවගේ සල්ලි එම නිධානය තුළ තිබෙන බවත් එම නිධානයේ සල්ලි ජනතාවට දිය යුතු අතර තිලක් මාරපන මහතා ඉල්ලා අස්වී ඇවන්ගාඩ් සිද්ධිය යට ගැසූ ආකාරයට බැදුම්කර සිද්ධිය කවුරු හෝ ඇමැතිවරයෙක් ඉල්ලා අස්වෙලා එම ගනුදෙනුව යට ගහන්න සිය පක්ෂය ඉඩ නොදෙන බව ද ඒ මහතා කීය.
මෙහි ප්‍රධාන වගඋත්තරකරුවන් නීතිය ඉදිරියට ගෙනවිත් දඬුවම් දිය යුතුයි. මේ බැදුම්කර සිද්ධායේ දී රවි විතරක් නමෛයි තව අයගේ නම් කියැවෙනවා. ආණ්ඩුවේ  ප්‍රධානින්ගේ නම් කියැවෙනවා. මේ බැඳුම්කර ගනුදෙනුව කරන්න සැලසුම් කළ අය පැත්තක ඉඳල නිධානය ගන්න පාවිච්චි කරපු බිල්ල පිටින් මේ චෝදනා සියල්ල යවන්න උත්සහ කරනවා. ඒකට ඉඩ දෙන්න බැහැ. ආණ්ඩුවේ ඒ ප්‍රබලයන්ටත් එරෙහිව නීතිය ක්‍රියාත්මක විය යුතුයි. 
 
පද්මිණි මාතරගේ

ඒකාබද්ධ විපක්ෂය විදේශ කටයුතු ඇමැති රවි කරුණානායක මහතාට එරෙහිව බාරදී තිබෙන විශ්වාසභංග යෝජනාව විවාදයට ගන්නවාද නැද්ද යන්න පිළිබඳ තීන්දුව ලබන බ්‍රහස්පතින්දා දැනුම් දෙන බව කථානායක කරු ජයසූරිය මහතා පාර්ලිමේන්තුවේදී අද (08) ප්‍රකාශ කළේය.
විශ්වාසභංග යෝජනාව සම්බන්ධයෙන් නීති ප්‍රශ්නයක් පවතින බවට පක්ෂ නායක රැස්විමේදී ප්‍රකාශවීම නිසා ඒ සම්බන්ධයෙන් නීතිපතිවරයාගේ මතය විමසා ඇති බවද කථානායකවරයා වැඩිදුරටත් සඳහන් කළේය.
විමල් වීරවංශ මහතා මතු කළ ප්‍රශ්නයකට පිළිතුරු දෙමින් කථානායකවරයා මේ බව කීවේය. 
කොමිෂන් සභා පනත අනුව බැඳුම්කර කොමිසමත් අධිකරණකට සමාන බැවින් අධිකරණයක් ඉදිරියේ විභාග වන කාරණයක් පාර්ලිමේන්තුවේ සාකච්ඡා කළ නොහැකි බව එක්සත් ජාතික පක්ෂය පක්ෂ නායක රැස්විමේදී ප්‍රශ්නයක් මතු කර ඇත.
විමල් වීරවංශ මහතා - නීතිමය බාධාවක් කොහොමද එන්නේ මේක කොමිෂන් සභාවක් ඉදිරියේ තියෙන කාරණයක්. ආණ්ඩුව මේක මගහරින්නද මේ උත්සාහ කරන්නේ.
කථානායක - 
නැහැ නැහැ මේක ගන්නවා. පක්ෂ නායක රැස්විමේදී තමයි මේ ප්‍රශ්නය මතු වුණේ.
අගමැති රනිල් වික්‍රමසිංහ මහතා - 
විදේශ ඇමැතිට එක්සත් ජාතීන්ගේ මූලස්ථානය ඉදිරියට ගිහිල්ලා නිදා ගන්න කියලාද කියන්නේ. ඒකාබද්ධ විපක්ෂය විශ්වාසභංග යෝජනාවක් ගෙනාවා කියලා මම දැක්කෙත් පත්තරෙන්. කොහොම වුණත් මේ ගැන කථානායකතුමා තීරණයක් දීලා තියෙනවා. ඒ අනුව කටයුතු කළ යුතුයි. කව්රුත් විරුද්ධ නැහැ මේක ගන්නවාට. ආණ්ඩුව විනිවිදභාවයකින් කටයුතු කරන්නේ.
කථානායක - 
බ්‍රහස්පතින්දාට මම මේ ගැන තීන්දුවක් දෙනවා.
විමල් වීරවංශ මහතා - අගමැතිතුමාට කියන්න මේක අංගොඩ රෝහල නොවෙයි පාර්ලිමේන්තුව කියලා.
කථානායක - 
 හා ... හා
උදය ගම්මන්පිල මහතා - නීතිමය ප්‍රශ්නයක් මෙතනට අදාළ වෙන්නේ නැහැ. කොමිසමේ කතා කරන දේට පරිබාහිර කාරණයක් තමයි විශ්වාසභංගයට ඉදිරිපත් කරලා තියෙන්නේ.
විපක්ෂයේ ප්‍රධාන සංවිධායක අනුර දිසානායක මහතා - 
විශ්වාසභංගය විවාදයට ගන්න පුළුවන්ද නීති ප්‍රශ්නයක් තියෙනවාද නැද්ද කියලා කතා කරන්න කලින් මේක න්‍යාය පුස්තකයට එන්න ඕනේ. 
කථානායක - 
පක්ෂ නායක රැස්විමේදි නීති ප්‍රශ්නයක් ආවා ඒ අනුව තමයි මේ තීන්දුව ගත්තේ.
විපක්ෂ සංවිධායක න්‍යාය පත්‍රයට ඇතුළත් නොකළ එකක් ගැන නීතිපති උපදෙස් ගන්නේ කොහොමද
අගමැති - 
අද පක්ෂ නායක රැස්විමේදී කතා කරන්න තිබුණේ පළාත් සභාවල කාන්තා නියෝජනය වැඩි කිරීම ගැනයි. නමුත් විදේශ ඇමැතිගේ විශ්වාසභංගය ගැනත් කතා වෙලා තියෙනවා. කථානායකතුමාට ඕන වෙලාවක තීරණයක් ගන්න පුළුවන්. ඒ දෙන ඕනෑම තීන්දුවක් පිළිගන්නවා.
 
ලසන්ත වීරකුලසූරිය, පැතුම් වික්‍රමරත්න

බැඳුම්කර කොමිසමට සමාන ජනාධිපති කොමිෂන් සභාවක් මගින් සයිටම් ආයතනය සමඟ ගණුදෙනු කළ සියලුම දෙනා හෙලිදරව් කිරීමට අවශ්‍ය පරිසරය  සකස් කරන බව රජයේ වෛද්‍ය නිලධාරීන්ගේ සංගමය කියයි.

සෞඛ්‍ය ඇමතිවරයා සයිටම් ආයතනය සමඟ පවතින ඥාති සබඳතාව හේතුවෙන් අපක්ෂපාතී තීරණ නොගන්නා තත්වයක් මතුව ඇතැයි සංගමයෙ ‍ලේකම් වෛද්‍ය හරිත අලුත්ගේ මහතා සඳහන් කරයි.

මේ වන විට වෛද්‍ය අධ්‍යාපනයේ අවම ප්‍රමිතිය සකස් කරන බවට ඇමතිවරයා ප්‍රකාශ කර තිබෙන කාලය කෙමෙන් ගෙවී යන බවත් තවත් ඉතිරිව ඇත්තේ දින පහක් තරම් කෙටි කාලයක් බවත් හෙතෙම පෙන්වා දෙයි.

කෙසේ නමුත් සෞඛ්‍ය ඇමතිවරයා සිය තනතුරේ සිටින තාක් වෛද්‍ය අධ්‍යාපනයේ අවම ප්‍රමිතිය නීතියක් බවට පත් නොකරනු ඇතයිද සංගමය අවධාරන කරයි.

ඔහු වෛද්‍ය අධ්‍යාපනයේ අවම ප්‍රමිතිය නීතිගත කිමට කටයුතු කළහොත් සයිටම් ආයතනයේ බාල ප්‍රමිතිය රට හමුවේ නිරාවරණය වන බැවින් එය හිතා මතා මඟ හරින බවද වෛද්‍ය අලුත්ගේ මහතා පෙන්වා දෙයි.

ශ්‍රියානි විජේසිංහ

IMAGE

රැඳවියකු බැලීමට ආ රූමතියට නියාමකගෙන් 'යෝජනාවක්'

IMAGE 2018 Jan 18 10:53
අනුරාධපුර බන්ධනාගාරයේ රක්ෂිත බන්ධනාගාර ගත කර සිටින සිය ඥාතියකු බැලීමට සහෝදරියක සමග ගිය...
Views - 3828

අයිවෝ ඩෙනිස් රෝහ‍ලේ

IMAGE 2018 Jan 17 10:59
මෙරට බිහි වූ විශිෂ්ටතම සංගීතඥයකු වූ සුනිල් ශාන්තයන්ගේ ගීත උරුමය ඉදිරි පරපුර වෙත රැගෙන ආ...
Views - 2935

ඡන්දය වෙනුවෙන් 'වඩියකට' ඉඩ දෙන්නැයි අපේක්ෂකයෝ ඉල්ලති

IMAGE 2018 Jan 16 10:42
තමන් කිසිදා  කසිප්පු පෙරීම නොකළ නමුත් මැතිවරණය අවසන් වන තුරු පමණක්  කාර්යාලය පිටුපස දින...
Views - 4405

අහඹු ගැබ් ගැනීම් වලකන පෙති ඇසුරුම් 20 අනුරපුර පාසලක

IMAGE 2018 Jan 16 09:59
පාසල ශුද්ධ පවිත්‍ර කිරීමේ ශ්‍රමදානයකට සහභාගී වූ මවකට අනුරාධපුර නගරයේ පාසලක තිබී අහඹු ලෙස...
Views - 5038

අන්තර්ජාල ඡායාරූපයේ සත්‍ය කතාව උදාරි හෙළි කරයි

IMAGE 2018 Jan 15 12:15
ප්‍රවේගය සිනමා පටයෙන් බොහෝ දෙනාගේ ආදරය දිනාගත් උදාරි පෙරේරාගේ තට්ට හිස සහිත ඡායාරූප පෙළක්...
Views - 5823

හොලිවුඩ් නිළියන්ටත් ලිංගික හිංසන

IMAGE 2018 Jan 15 11:49
වසර හැත්තෑ පහක කාලය තුළ අමුතුම ආකාරයේ ගෝල්ඩන් ග්ලෝබ් සම්මාන උළෙලක් පළමු වරට පසුගිය ඉරිදා...
Views - 3509

Please publish modules in offcanvas position.

X

Right Click

No right click