Coss Ear2
lakbima.lk
COSS Ear 1

හම්බන්තොට ධීවර වරායේ නවතා තිබූ බහු දින යාත්‍රාවක් අද(13) පෙරවරුවේදී ගිනි ගෙන විනාශ වූවේය.ගින්නෙන් විනාශ වූයේ තංගල්ල කුඩා වැල්ලේ සිට පැමිණි ධීවර යාත්‍රාවක් බව හම්බන්තොට පොලීසිය පවසයි.

අද (13) පෙරවරු නවයට පමණ ධීවර යාත්‍රාව ගිනි ගැනීමට ලක් වූ අතර නාවික හමුදා සෙබළුන්, හම්බන්තොට පොලීසියේ පොලිස් නිළධාරීන් හා අවට සිටි ධීවරයන් ගින්න මැඩ පවත්වන්නට උත්සාහ කළද යාත්‍රාව සම්පූර්ණයෙන්ම ගින්නෙන් විනාශ විය.

හම්බන්තොට ධීවර වරායේ ධීවර යාත්‍රා 50ට ආසන්න සංඛ්‍යාවත් පැවතියද ගිනි නිවන උපකරණ කිසිවක් නැති බව පවසන ධීවරයෝ පසු ගිය කාලය තුළ බහු දින යාත්‍රා 03ක් ගිනි ගෙන විනාශ වූ බවද පවසයි.

අද (13) දින ගිනි ගෙන විනාශ වූ බහු දින ධීවර යාත්‍රාව ගිනි ගැනීමට හේතුව කුමක් නිසා දැයි නිශ්චිත වශයෙන් සොයා ගෙන නැති අතර බොහෝ විට ගෑස් කාන්දු වීමක් ගින්නට හේතු වන්නට ඇතැයි ධීවරයෝ පවසති.

තංගල්ල -චන්ද්‍රසේන ගමගේ

යාපනය පොන්කුඩුතුව් හිදී ඝාතනයට ලක් වූ ශිවලෝගනාදන් විද්‍යා දැරියගේ ඝාතනය සම්බන්ධ ප්‍රධාන සැකකරු වූ මහාලිංගම් සෂිකුමාර් හෙවත් සුවිස් කුමාර් නොමැත්තාට යාපනයෙන් පිටවීමට සහාය ලබා දුන්නේ යැයි සැක පිට අත්අඩංගුවට ගෙන රක්ෂිත බන්ධනාගාර ගත කර සිටින එවකට උතුරු පලාත භාර ජ්‍යෙෂ්ඨ නියෝජය පොලිස්පති ලලිත් ජයසිංහ මහතා රුපියල් ලක්ෂ තුනක මුදල් ඇප සහ රුපියල් ලක්ෂ පහ බැගින් වූ ශරීර ඇප හතරක් මත මුදා හැරීමට කයිට්ස් මහේස්ත්‍රාත් ඒ.එම්.එම්. රියාස් මහතා අද නියෝග කළේය.

පසුගිය ජුලි 15දා අත්අඩංගුවට ගෙන අනුරාධපුර රක්ෂිත බන්ධනාගාරයේ සිටි සැකකරු ඇප මත මුදා හැරීමෙන් පසු එම නඩුව නැවත දෙසැම්බර් 5දා කැදවීමට නියෝග කළ මහේස්ත්‍රාත් වරයා සැකකරුට විදෙස් ගත වීම තහනම් කළ අතර සෑම මසකම අවසන් සදුදා උදෑසන 9ත් 11ත් අතර කොළඹ අපරාධ පරීක්ෂණ මුලස්ථානයේ පෙනී සිටිය යුතු බවටද නියෝග කරන ලදී.

දමයන්ති ගමගේ

 

රුපියල් කෝටි 04 ක් වටිනා ස්වර්ණාභරණ තොගයක් ඩුබායි සිට මෙරටට නිති විරෝධි හා වංචනික ලෙස ගෙන එනු ලැබු කාන්තාවන් දෙදෙනෙකු කටුනායක ගුවන් තොටුපල රේගු නිලධාරින් විසින් අද (13) අත්අඩංගුවට ගනු ලැබූ බව රේගු නියෝජ්‍ය අධ්‍යක්ෂ පරාක්‍රම බස්නායක මහතා ලක්බිමට පැවසීය.

වයස අවුරුදු 40 ක් පමණ වන මෙම කාන්තාවන් දෙදෙනා , රේගු පරික්ෂණ සීමාව පසුකර , එළියට යාමේදි ඔවුන්ගේ හැසීරිම පිළිබද වු සැකය මත එම කාන්තාවන් පරික්ෂා කිරිමට රේගු නිලධාරින් උත්සහ කර තිබේ.

ඒ අනුව ගුවන් තොටුපල පරිශ්‍රයේ සිටියදි, නැවත ඔවුන් කැඳවා පරික්ෂණ කටයුතු සිදුකර තිබෙන අතර, කාන්තාවනගේ උදර පටියේ එම ස්වර්ණාභරන තොගය ගැට ගසාගෙන මෙම රන් භාණ්ඩ මෙරටට රැගෙන විත් ඇත.

එම ස්වර්ණාභරණ තොගය කිලෝ 7.8 ක් වන බවත්, එහි වටිනා මුදු, මාල, පෙන්ඩට් තිබි ඇත. ඔවුන් ඩුබායි සිට යූ.එල්.226 දරන යානයෙන් අළුයම 5.05 ට මෙරටට පැමිණ තිබේ.

අදාල වැටලීම සහකාර රේගු අධිකාරිවරුන් වන නුවන් අබේනායක, ශ්‍රී ලාල් විජේවර්ධන, රසික සමන්ජිත් විසින් කර ඇති අතර, රේගු පරික්ෂණ කටයුතු තමන් විසින් මේ වන විට පවත්වා ගෙන යන බව ද රේගු නියෝජ්‍ය අධ්‍යක්ෂ පරාක්‍රම බස්නායක මහතා පවසයි.

පද්මිණි මාතරගේ

නියෝජ්‍ය අමාත්‍ය පාලිත තෙවරප්පෙරුම මහතා තම වකුගඩුවක් පරිත්‍යාග කිරීමට තීරණය කොට ඇති බව ප්‍රකාශ කොට තිබේ.

පොල්ගස්ඕවිට ප්‍රදේශයේ පැවැති ජන හමුවකදී නියෝජ්‍ය අමාත්‍යවරයා පවසා ඇත්තේ දැනට රෝගී තත්වයෙන් පසුවන බස්නාහිර පළාතේ විපක්ෂ නායක මංජු ශ්‍රී අරංගල මහතාට අවශ්‍ය නම් තම වකුගඩුවක් පරිත්‍යාග කිරීමට හැකි බවය.

පසුගිය ගං වතුර සමයේ පීඩාවට පත් ජනතාව ඉන් බේරා ගැනීම පිණිස තම තනතුර ගැන නොතකා මහත් වෙහෙස මහන්සියෙන් කටයුතු කළ ඒ මහතා සුවිසල් ජනප්‍රසාදයකට පාත්‍රවිය. 

දමයන්ති ගමගේ

ලක්බිම ඉරිදා සංග්‍රහයේ හා දිනපතා ලක්බිම යන පුවත්පත්වල ප්‍රධාන කර්තෘවරයා ලෙස ප්‍රවීණ පුවත්පත් කලාවේදියකු වන සම්පත් දේශප්‍රිය මහතා පත්ව සිටී.

සුනන්ද දේශප්‍රියගේ කර්තෘත්වයෙන් ඇරඹි ‘යුක්තිය‘ පුවත්පතෙන් පත්‍ර කලාවට අත්පොත් තැබූ ඔහු 1994 දී සුමති පුවත්පත් සමාගම ලක්බිම ඉරිදා සංග්‍රහය ආරම්භ කළ අවස්ථාවේදී ආරම්භක කර්තෘ මාණ්ඩලිකයකු ලෙස ඊට එක් විය.

පාර්ලිමේන්තු වාර්තාකරණය, විශේෂාංග රචනය, දේශපාලන විශ්‍ලේෂණ ඇතුළු ක්ෂේත්‍ර ගණනාවක් යටතේ දස්කම් දැක්වූ සම්පත් දේශප්‍රිය මහතා 2000 දී දිනපතා ලක්බිම පුවත්පත ආරම්භ කළ අවස්ථාවේදී සහකාර ප්‍රවෘත්ති කර්තෘවරයකු ලෙස පත්වීම ලැබිය. ඉක්බිතිව, ප්‍රවෘත්ති කර්තෘ, සහකාර කර්තෘ, නියෝජ්‍ය කර්තෘ ආදී තනතුරු දැරූ ඒ මහතා ඉකුත් කාල සීමාව තුළදී දිනපතා ලක්බිම පුවත්පතේ වැඩබලන කර්තෘවරයා ලෙසද කටයුතු කළේය. ලක්බිම ඉරිදා සංග්‍රහයේ 'සිවුමංසල දේශපාලන තීරු ලිපියේ රචකයාද ඔහුය. මේ වන විට ලක්බිම පුවත්පත් සමාගමේ ඔහුගේ සේවා කාලය වසර 24කි.

ජනමාධ්‍ය නිදහස වෙනුවෙන් කැපී පෙනෙන මෙහෙවරක් කළ සම්පත් දේශප්‍රිය මහතා නිදහස් මාධ්‍ය ව්‍යාපාරයේ මෙන්ම ශ්‍රී ලංකා වෘත්තීය ජනමාධ්‍යවේදීන්ගේ සංගමයේ ක්‍රියාකාරිකයක් ද විය.

ඔහු පානදුර ශ්‍රී සුමංගල විදුහ‍ලේ ආදි සිසුවෙකි.{jcomments on}

අද (13) පෙරවරු 07.30 ට පමණ කඳාන පොලිස් වසමේ හුනුපෝරණුව දුම්රිය හරස් මාර්ගයේ දී මෝටර් රථයක් දුම්රියේ ගැටී අනතුරුව එම මෝටර් රථය අසල තිබූ ත්‍රිරෝද රථයක ගැටීමෙන් එක් පුද්ගලයෙකු මිය ගොස් තවත් දෙදෙනෙකු බරපතල තුවාල ලබා රාගම රෝහලට ඇතුල් කර ඇත.

මෙසේ මිය ගොස් ඇත්තේ එම මෝටර් රථයේ ගමන් ගත් කදිරානේ මාක් ඇන්තනි සුමිත් නමැත්තෙකි. රිය පැදවූ බව කියන ආණමඩුවේ චමින්ද ප්‍රේමතිලක සහ ත්‍රිරෝද රථය පැදවූ බව කියන රාගම ආනියා කන්දේ කසුන් නාමල් යන අය මෙසේ තුවාල ලබා ඇත.

මෙම සිද්ධිය දුටුවන් පවසනුයේ පුත්තලමේ සිට ගල්කිස්ස බලා ධාවනය වන කාර්යාල දුම්රිය පැමිණෙන අවස්ථාවේ එම ගේට්ටුවෙහි රතුපැහැති අනතුරු සංඥා එළි දැල්වෙමින් සහ අනතුරු සංඥා සීනු හැඬවෙමින් තිබූ බවය. ඒ අවස්ථාවේ දී දුම්රිය පාර හා සමාන්තරව වැටුණු මාර්ගය ඔස්සේ පැමිණි මෝටර් රථය දුම්රිය එම හරස් ගේට්ටුවට ළංවත්ම අනතුරු සංඥා නොතකා දුම්රිය පාර හරහා ධාවනය කිරීමෙන් මෙම අනතුර සිදුවූ බව පවසන ප්‍රදේශවාසීහු ඒ මොහොතේ එම මාර්ගයේ ධාවනය වෙමින් තිබූ ත්‍රිරෝද රථයක් ද ඒ හේතුවෙන් අනතුරට පත් වූ බව කියා සිටිති.

මෙම සිද්ධිය සම්බන්ධයෙන් කඳාන පොලිසිය වැඩිදුර පරීක්ෂණ පවත්වයි.





ප්‍රසංග පෙරේරා - ජා ඇල{jcomments on}

 

 

අද (13) සිට ලබන 20 වෙනිදා දක්වා ලංකා විදුලිබල මණ්ඩලයේ සියලු සේවකයන්ගේ නිවාඩු අවලංගු කර ඇති බව එහි සාමාන්‍යාධිකාරි ඒ.කේ.සමරසිංහ මහතාගේ අත්සනින් නිකුත් කළ චක්‍රලේඛයක දැක්වේ.

අද (13) මධ්‍යාහ්න 12.00 සිට පුරා දින දෙකක් අඛණ්ඩ වැඩ වර්ජනයක් ක්‍රියාත්මක කරන බවට ලංකා විදුලිබල මණ්ඩල ඒකාබද්ධ වෘත්තීය සමිති සංවිධානය සිදු කොට ඇති ප්‍රකාශයක් මුල්කොට මෙම චක්‍රලේඛය නිකුත් කොට ඇති අතර ජනතාවට අඛණ්ඩ විදුලි සැපයුමක් ලබා දීම ලංකා විදුලිබල මණ්ඩලය සතු ජාතික වගකීමක් ලෙසද එහි සඳහන් කොට ඇත.{jcomments on}

එස්.ටී.පී.සිල්වා

සයිටම් ආයතනයට විරෝධය පළ කරමින් රජයේ වෛද්‍ය නිලධාරීන්ගේ සංගමය ආරම්භ කළ වැඩ වර්ජන මාලාවේ දෙවැන්න අද (13) වව්නියාව, මාතලේ, අම්පාර, බදුල්ල, මොනරාගල සහ මාතර යන දිස්ත්‍රික්ක වලට බල පැවැත්වෙන ලෙස ක්‍රියාත්මක කොට ඇත.

ඊයේ (12) ද මෙම වැඩවර්ජනය දිස්ත්‍රික්ක 08 කට බල පැවැත්වෙන අන්දමින් ක්‍රියාත්මක වීම නිසා එම දිස්ත්‍රික්ක වල රජයේ රෝහල්වලින් ප්‍රතිකාර ලබා ගැනීමට පැමිණි රෝගීන් විශාල සංඛ්‍යාවක් දැඩිදුෂ්කර තාවයන්ට පත්ව සිටි බව අප වාර්තා කරුවෝ කියති.

රජයේ වෛද්‍ය නිලධාරීන්ගේ සංගමය ක්‍රියාත්මක කරන මෙම වැඩවර්ජනය සම්බන්ධයෙන් සෞඛ්‍ය සේවයට අයත් බොහෝ පිරිස් තම අප්‍රසාදය පළ කොට ඇති බවද වාර්තා වේ.{jcomments on}

 

 

ත්‍රස්තවාදය වැළැක්වීමේ පනත වෙනුවට අන්තර්ජාතික මානව හිමිකම් ප්‍රමිතීන් සමග ගැළපෙන නව නීතියක් පැනවීමට ශ්‍රී ලංකා රජය පියවර ගත යුතු බව එක්සත් ජාතීන්ගේ මානව හිමිකම් මහ කොමසාරිස් සෙයිද් අල් හුසේන් කුමරු ප්‍රකාශ කර සිටී. 
ශ්‍රී ලංකාව තුළ සිදුවූ බව කියන මානව හිමිකම් උල්ලංඝනය කිරීම සම්බන්ධයෙන් සුදුසු ක්‍රීයාමාර්ග ගැනීමට ශ්‍රී ලංකා ආණ්ඩුව වගකීම් සහගතව ක්‍රියා නොකරන්නේ නම් එම සිද්ධීන් සම්බන්ධයෙන් ජාත්‍යන්තර අධිකරණ ක්‍රියාවලියක අවශ්‍යතාව මතුවන බවද එක්සත් ජාතීන්ගේ මානව හිමිකම් කවුන්සිලයේ 36 වැනි සැසි වාරය අමතමින් අල් හුසේන් කුමරු මේ බව ප්‍රකාශ කර ඇත. 
අතුරුදන් වුවන්ගේ කාර්යාලයේ කටයුතු විධිමත්ව මෙහෙයවීමට ශ්‍රී ලංකාව ක්‍රියා කළ යුතු බවද ඔහු මෙහිදී පෙන්වා දී ඇත. ශ්‍රී ලංකා හමුදාවන් විසින් අත්පත් කරගෙන සිටින ඉඩම් නිදහස් කිරීම සිදු කළ යුතු බවද අල් හුසේන් කුමරු මෙහිදී පවසා ඇත.
 
පැතුම් වික්‍රමරත්න

පෙට් ස්කෑන් යන්ත්‍රය මිලදී ගැනීම සඳහා මුදල් එකතු කර මාස 16ක් ගත වුවද මේ වන තෙක් එය මිලදී ගැනීමට සෞඛ්‍ය අමාත්‍යාංශය කටයුතු නොකිරීම බලවත් අසාධාරණයක් බව එය මිලදී ගැනීමට මුදල් එකතු කිරීමට මූලික වූ එම්. මොහොමඩ් මහතා සඳහන් කරයි. 
ඔහු මේ බව සඳහන් කළේ දරුණු පිළිකා රෝගයකින් පෙළුණු ඔහුගේ පුතුගේ අවමංගල්‍ය උත්සවයට සහභාගි වූ මාධ්‍යවේදීන් පිරිසක් සමග කළ සාකච්ඡාවකදීය. 
මොහොමඩ් මහතාගේ පුතු එම්. උමෙයිඩ් මහතා පෙරේදා (11) රාත්‍රියේදී කොළඹ පෞද්ගලික රෝහලකදී අභාවප්‍රාප්ත විය. 
දරුණු පිළිකා රෝගයකින් පෙළුණු තම පුතු මිය යෑමට පෙර පෙට් ස්කෑන් යන්ත්‍රය මහරගම අපේක්ෂා රෝහ‍ලේ ස්ථාපිත කිරීම දැකීම එකම බලා‍පොරොත්තුව වුවද එය ඉටුකර ගැනීමට නොහැකි වීම බලවත් කනගාටුවක් බව මොහොමඩ් මහතා සඳහන් කරයි. 
තම පුතුට වැළඳුණ දරුණු පිළිකා රෝගයට ප්‍රතිකාර කිරීම සඳහා වසර හතරක් පුරා පෙට් ස්කෑන් පරීක්ෂණ  දහයක් සිදු කළ අතර ඒ සියලුම පරීක්ෂණ පෞද්ගලික අංශයෙන් කළ බවත් එක් පරීක්ෂණයක් සඳහා ලක්ෂ එකහමාරක මුදලක් වැය වූ බවත් මොහොමඩ් මහතා සඳහන් කරයි.
දුප්පත් පිළිකා රෝගීන්ට මෙතරම්  මුදලක් වැය කිරීමට නොහැකි බැවින් අපේක්ෂා රෝහලට “ පෙට් ස්කෑන්” යන්ත්‍රයක් මිල දී ගැනීම සඳහා කටයුතු කරන්නැයි තම පුතු රෝගී වී සිටිය දී තමාට කළ යෝජනාවකට අනුව මෙම අරමුදල ආරම්භ  කළ බව මොහොමඩ් මහතා පැවැසීය. 
“පෙට් ස්කෑන්” යන්ත්‍රය මිලදී ගැනීම සඳහා මොහොමඩ් මහතාගේ මූලිකත්වයෙන් ආරම්භ කළ කදීජා පදනම අරමුදල් ආරම්භ කළ අතර ඒ සඳහා මාධ්‍ය මගින් කළ ප්‍රචාරයට අනුව මාස තුනක් තුළ ලංකා බැංකු ගිණුමට කෝටි 25කට අධික මුදලක් රැස් කර ගැනීමට හැකි වූ බවද හෙතෙම පවසා සිටියි. 
පෙට් ස්කෑන් යන්ත්‍රය මිලදී ගැනීමේ ප්‍රමාදය සම්බන්ධයෙන් අප සෞඛ්‍ය සේවා අධ්‍යක්ෂ ජනරාල් වෛද්‍ය ජයසුන්දර බණ්ඩාර මහතාගෙන් විමසීමට උත්සහ කළ ද  එය ව්‍යර්ථ විය.
 
ශ්‍රියානි විජේසිංහ 

ආණ්ඩුක්‍රම ව්‍යවස්ථාවේ විසිවෙනි සංශෝධනයට සහයෝගය දැක්වීමට දෙමළ ජාතික සන්ධානය තීරණය කර ඇත. විසිවෙනි ව්‍යවස්ථා සංශෝධනය හදිසියේ ගෙන ඒම නිසා ඒ පිළිබඳ අවබෝධයක් නොතිබූ හෙයින් දෙමළ ජාතික සන්ධානය ඒ සඳහා විරෝධය පළ කළ බව පාර්ලිමේන්තු මන්ත්‍රී එම්.ඒ. සුමන්දිරන් මහතා සඳහන් කළේය. 
දෙමළ ජාතික සන්ධානය විසිවෙනි ව්‍යවස්ථා සංශෝධනය සඳහා  සංශෝධන කිහිපයක් ඉදිරිපත් කළ බවත් ඒ සඳහා රජයෙන් සාධනීය ප්‍රතිචාර ලැබුණු බවත් හෙතෙම පැවැසීය. 
සියලුම පළාත් සභා එකම දිනයකදී පැවැත්වීමේ බලය පාර්ලිමේන්තුවට දීමේ තීරණයට තම සන්ධානය එකඟ නොවන බැවින් එය තීරණය කිරීමේ බලය මැතිවරණ කොමිසමට හිමි විය යුතු බව දෙමළ ජාතික සන්ධානය ඒ සඳහා ඉදිරිපත් කරන සංශෝධන අතර වේ. 
එමෙන්ම පළාත් සභාවක් වසර පහක් සපිරීමට පෙර විසුරුවා හැරියහොත් එම පළාත් සභාවේ බලය පාර්ලිමේන්තුවට ලබා නොදී විසුරුවා කාලය මාස 18 ට වැඩි නම් , අතුරු මැතිවරණයක් පැවැත්විය යුතු බව ද දෙමළ ජාතික සන්ධානය ඉදිරිපත් කළ සංශෝධන අතර වෙයි.
 
කමණී හෙට්ටිආරච්චි
IMAGE

මට දැන් තාත්තා ගැන තියෙන්නේ අනුකම්පාවක් විතරයි

IMAGE 2018 Feb 18 10:28
ආචාර්ය  වික්ටර් රත්නායකයන්ගේ පුතුන් දෙදෙනා වන ජයන්ත සහ ලෙලුම් ගැන අද වෙද්දී මුළු රටම...
Views - 15

ග්‍රැන්ඩ්පාස් ගොඩනැගිල්ල කඩා වැටීම සොයුරාගේ සැලසුමක් -...

IMAGE 2018 Feb 16 13:54
හත්දෙනෙකුට මරු කැඳවමින් පසුගිය (14) දා ග්‍රැන්ඩ්පාස් ගොඩනැගිල්ල කඩා වැටීමේ සිද්ධිය...
Views - 2962

මනාලයාගේ 'දෙනෙත් උඩ රැන්දූ' මනාලියගේ රැකියාව

IMAGE 2018 Feb 16 12:26
අනුරාධපුරයට ආසන්න නිකැලැල් චරිතවත් යුවතියක සඳහා මනාලයෙකු සොයන බව මීට සති කිහිපයකට ඉහත ඉරිදා...
Views - 6213

හෙදිය සමූහ දූෂණයට විනයාරක්ෂක කපිතාන් අල්ලයි

IMAGE 2018 Feb 14 23:55
රංචු ගැසී පුද්ගලික රෝහලක හෙදියක් සමූහ දූෂණයට ලක් කිරීමේ සිද්ධිය සම්බන්ධයෙන් ‍පොලීසියට...
Views - 5193

ඡන්ද ප්‍රතිඵල වලින් පස්සෙ සමහරුන් බුම්මාගෙන ඉන්නේ ඇයි?

IMAGE 2018 Feb 14 13:39
මෙවර පළාත් පාලන ඡන්දයේ දී මෙන්ම  සෑම මැතිවරණයකදීම කිසියම් පිරිසක් ජයග්‍රහණය කරන විට ඊට...
Views - 3110

හොර හැඳුනුම් පතක් ගෙන ප්‍රේම ලෝකයට බසින 'වැලන්ටයින්'

IMAGE 2018 Feb 14 09:22
පෙම්වතුන් පෙම්වතියන් අතර හෝ අඹු සැමියන් අතර පවත්නා ආදරය ලිංගිකත්වය හා අනුරාගය මත පදනම් වූ...
Views - 3064

Please publish modules in offcanvas position.