Coss Ear2
lakbima.lk
COSS Ear 1

ඉදිරි පළාත් පාලන මැතිවරණය සඳහා තරග කිරීමට ශ්‍රී ලංකා ‍පොදුජන පෙරමුණ අනෙකුත් දේශපාලන පක්ෂ සමග සන්ධාන ගතවීමේ ගිවිසුම් අත්සන් කිරීමට මේ වන විට සාකච්ඡා ආරම්භ කර ඇතැයි එම පක්ෂ අභ්‍යන්තර ආරංචි මාර්ග සඳහන් කරයි.
ඉදිරි පළාත් පාලන මැතිවරණයේදී මහජන එක්සත් පෙරමුණ, ශ්‍රී ලංකාවේ කොමියුනිස්ට් පක්ෂය, ලංකා සමසමාජ පක්ෂය, ජාතික නිදහස් පෙරමුණ, පිවිතුරු හෙළ උරුමය ඇතුළු දේශපාලන පක්ෂ හා සංවිධාන  14 ක් මෙසේ ගිවිසුම අත්සන් කරන බව එම ආරංචි මාර්ග අනාවරණය කළේය.මේ අතර ඒකාබද්ධ විපක්ෂයේ මැතිවරණ ව්‍යාපාරයේ නායකත්වය චමල් රාජපක්ෂ මහතාට බාරදීමට එහි පක්ෂ නායකයෝ තීරණය කර ඇත.

කමණී හෙට්ටිආරච්චි

ලංකා විදුලිබල මණ්ඩල සේවකයින් දීපව්‍යාප්තව අඛණ්ඩව ආරම්භ කර ඇති වැඩවර්ජනය නිසා ඔවුන්ගේ සේවාවන් ඉටු කිරීමට ත්‍රිවිධ හමුදාවේ සහ විශ්‍රාමික විදුලි සේවකයන්ගේ සහයෝගය ලබා ගැනීමට රජය පියවර ගෙන තිබේ. ඒ අනුව පාරිභෝගිකයින්ට අඛණ්ඩව විදුලිය ලබා දීමට ත් විදුලි බිඳවැටීමකදී එය යථා තත්ත්වයට පත් කිරීමටත් ත්‍රිවිධ හමුදාවේ සහයෝගය ලබා ගන්නා බව විදුලිබල හා පුනර්ජනනීය බලශක්ති ඇමැති රංජිත් සියඹලාපිටිය මහතා සඳහන් කළේය.
එමෙන්ම ලංකා විදුලිබල මණ්ඩලයේ අනියම් හා කොන්ත්‍රාත් සේවකයින් සිකුරාදා (15) අනිවාර්යයෙන් සේවයට වාර්තා කළ යුතු බව කළමනාකාරිත්වය දැනුම් දීම නිසා ඔවුන් එදින සේවයට වාර්තා කර තිබිණි. මේ අතර 2017.09.01 දා සිට විශ්‍රාම ලැබූ විදුලි සේවකයන් ද නැවත සේවයට කැඳවා ඔවුන්ගේ සහයෝගය ලබා ගැනීමට ද කළමනාකාරිත්වය පියවර ගෙන තිබිණි.
මෙම සේවකයින්ට ‍පොලීසිය  යොදා සම්පූර්ණ ආරක්ෂාව ලබා දීමට කටයුතු කරන බවද ඇමැති රංජිත් සියඹලාපිටිය මහතා සඳහන් කළේය.

කමණී හෙට්ටිආරච්චි

හිසෙහි ලේ ගලන තුවාල සහිතව මියගොස් සිටි කාන්තාවකගේ මළ සිරුරක් ඊයේ (14) දංකොටුව මෝරුක්කුලිය ප්‍රදේශයේ නිවසක තිබී  දංකොටුව පොලිසිය  විසින් සොයාගෙන ඇත.

මෙසේ මිය ගොස්  ඇත්තේ දෙහිවල පදිංචි 57 හැවිරිදි කුමාරි ධම්මිකා රොද්‍රිගෝ නමැති අයෙකි. සිද්ධිය සම්බන්ධයෙන් පුද්ගලයෙකු සැකපිට අත්අඩංගුවට ගෙන ඇත.  පශ්චාත් මරණ පරීක්ෂණය අද (15) සිදු කිරීමට සිදුකෙරිණ.

දංකොටුව පොලිසිය මේ පිළිබඳ වැඩිදුර පරීක්ෂණ කටයුතු මෙහෙයවයි.

 

හම්බන්තොට ,දිමුතුගම නිවසක ඇති වූ ආරවුලක් හේතුවෙන් ස්වාමිපුරුෂයා විසින් බිරිඳට තියුණු ආයුධයකින් පහර දී බරපතල තුවාල සිදුකර හම්බන්තොට රෝහලට ඇතුලත් කිරීමේ දී බිරිඳ මිය ගොස් ඇත.

මෙසේ මිය ගොස් ඇත්තේ 27 හැවිරිදි දිමුතුගම, පහල අන්දරවැව පදිංචි ඉරේෂා ෂාමලී නමැති අයෙකි. මහේස්ත්‍රාත් පරීක්ෂණය සහ පශ්චාත් මරණ පරීක්ෂණය අද (15) සිදු කෙරුණි. සිද්ධිය පිළිබඳ විමර්ශන කටයුතු හම්බන්තොට පොලිසිය විසින් සිදුකරයි.

නවගමුව පොලිස් බල ප්‍රදේශයේ දැඩිගමුව, රණාල ආසන්නයේ පිහිටි ප්‍රසිද්ධ අවන්හලක ගින්නක් ඇති වී තිබේ. ගින්නට හේතුව මෙතෙක් අනාවරණය වී නොමැත.  මේ වන විට ගින්න මැඩපැවැත්වීමේ කටයුතු ආරම්භ කොට ඇත.



අමා ද සිල්වා - කඩුවෙල
 

ඊයේ (14) සවස පානම පොලිස් වසමට අයත් හැඩඔය කලපුව අසල මුහුදේ තවත් විදේශිකයන් පිරිසක් සමඟ  දිය නෑමට ගිය විදේශිකයෙකු දියේ ගිලී අතුරුදන් ව ඇති බව ‍පානම පොලිසිය පවසයි.

මෙසේ අතුරුදන්ව ඇත්තේ වයස අවුරුදු 25 ක් වූ Paul Stervt Mcclen නැමැති බ්‍රිතාන්‍ය ජාතිකයෙකි.

නාවික හමුදාව සහ පානම පොලිස් ස්ථානයේ නිලධාරීහූ අතුරුදන් වූ අය සෙවීමේ කටයුතු වල යෙදෙති.

ව්‍යාජ ලෙස වාහන කොටස් එකලස් කර සකස් කළ බලපත්‍ර නොමැති වාහන දෙකක් සමඟ කූඨ ලේඛන  ළඟ තබා  ගෙන සිටි අයෙකු ඊයේ (14) සවස රත්මලාන ප්‍රදේශයේ දී අත්අඩංගුවට ගෙන ඇත.

ඒ සංවිධානාත්මක අපරාධ නිවාරණ කොට්ඨාශය ලද තොරතුරකට අනුවය.

එම පුද්ගලයා වයස අවුරුදු 66 ක් වූ රත්මලාන ප්‍රදේශයේ පදිංචිකරුවෙකි. ඔහු සතුව තිබී ජීප් රියක් සහ වෑන් රියක් පොලිස් භාරයට ගෙන ඇති අතර අද (15) ගල්කිස්ස මහේස්ත්‍රාත් අධිකරණයට ඉදිරිපත් කිරීමට නියමිතය. 

සයිටම් විරෝධී ජන පවුර සංවිධානය කරණු ලබන රථ වාහන පෙළපාලිය මේ වන විට කොළඹ නගරයට ළඟා වෙමින් තිබේ. මේ බොහෝ වාහන වෛද්‍යවරුන්ගේ බව හැඟවෙන රතු කුරුස ලාංජන ඉදිරිපස වීදුරුවේ ප්‍රදර්ශනය වන  බවට තොරතුරු ලැබී තිබේ.

මේ නිසා අද (15) පස්වරු වන විට කොළඹ රථවාහන තදබදයක් ඇති විය හැකි අතර එය හැකි තාක් අවම කිරීමට රථ වාහන පොලිසිය කටයුතු යොදමින් සිටී.

ඒ අතර සයිටම් ගැටලුවට විසදුම් සෙවීමේ මුවාවෙන් සාමාන්‍ය ජනතාව මෙබඳු දැඩි පීඩාවකට පත් කිරීම කෙසේවත් සුදුසු නැතැයි ද බොහෝ දෙනෙක් කියා සිටිති.

වෛද්‍යවරුන් තම වාහන වලින් මෙසේ කොළඹ නගරය අවහිර කරනුයේ අද (15) දහවල් කාලයේ කොළඹ ඇතුළු දිස්ත්‍රික්ක පහක රජයේ සෞඛ්‍ය සේවා අඩාල කරමින් වැඩ වර්ජනයක නිරත වීමෙන් අනතුරුවය.

එස්.ටී.පී සිල්වා

-----------------------------------------------------------------------------------------------------------------------------------------

කොළඹට රථ 5000 ක් - දැඩි මාර්ග තදබදයක්?

සයිටම් විරෝධී ජන පවුර සංවිධානය කරනු ලබන වාහන 5000 කින් සමන්විත රථ පෙළපාලි 5 ක් කොළඹ නගරයට පැමිණීම මුල්කොට අද (15) පස්වරුවේ කොළඹ නගරයේ දැඩි රථ වාහන තදබදයක් ඇති විය හැකි යැයි පැවසේ.

රජයේ වෛද්‍ය නිලධාරීන්ගේ සංගමයේ එක්දින සංකේත වැඩ වර්ජන මාලාවේ අවසන් දිනය වන අද (15) පුත්තලම, ගම්පහ, කොළඹ, කෑගල්ල, කළුතර යන දිස්ත්‍රික්ක 5 මුල් කොට එම වර්ජනය පැවැත්වෙන අතර මෙම රථ පෙළපාලිය සංවිධානය කොට ඇත්තේ එහි අවසන් දිනයට සමගාමීවය.

කෙසේ හෝ සතියේ සිකුරාදා සවස් වරුවේ කොළඹ නගරයෙන් වාහන විශාල සංඛ්‍යාවක් පිට පළාත්වලට පිටත් වන බැවින් මෙම රථ පෙළපාලිය මගින් ඒ සඳහා බාධා ඇති විය හැකි අතර ගිලන් රථ, ගිනි නිවීම් සේවා, පොලිස් හදිසි ඇමතුම් ප්‍රවාහන සේවා ආදී අත්‍යවශ්‍ය ප්‍රවාහන කටයුතු වලටද මෙමගින් බාධා සිදුවී මහජන පීඩාවක් ඇතිවිය හැකි බවත් සවස් කාලයේ ඇතිවිය හැකි වැසි සහිත කාලගුණය මුල් කොට කොළඹ නගරය සහ ඒ ආශ්‍රිත රථවාහන ගමනාගමනය මුළුමනින්ම පාහේ අඩාල විය හැකි බවත් තතුදත් ආරංචි මාර්ග පෙන්වා දෙයි.

 

එස්.ටී.පී සිල්වා

ගල්කිස්ස හා රත්මලාන ප්‍රදේශවල ඉඩම් මිලදී ගැනීමට මුදල් යෙදවීම සම්බන්ධයෙන් හිටපු ජනාධිපති පුත් යෝෂිත රාජපක්ෂ මහතාගෙන් මූල්‍ය අපරාධ කොට්ඨාසය විසින් පැය දෙකහමාරක ප්‍රකාශයක් ලබාගත් බව ‍පොලිස් මූලස්ථානය පවසයි.ගල්කිස්ස මිහිඳු මාවතේ පර්චස් 31ක ඉඩමක් හා රත්මලාන සිරිමල් උයන කෙකටිය ප්‍රදේශයේ සුඛෝපභෝගී නිවසක් සහිත පර්චස් 32.5ක ඉඩමක් යෝෂිත රාජපක්ෂ මහතාගේ මිත්තණිය වූ ඩේසි ෆොරස්ට් යන අයගේ නමින් මිලදී ගැනීම සම්බන්ධයෙන් මූල්‍ය අපරාධ කොට්ඨාසය මුදල් විශුද්ධිකරණ පනත යටතේ පරීක්ෂණයක් සිදුකරනු ලබයි.
මේ සම්බන්ධයෙන් ප්‍රකාශයක් ලබාගැනීම සඳහා ඉකුත් 12 දා යෝෂිත රාජපක්ෂ මහතාට මූල්‍ය අපරාධ කොට්ඨාසය වෙත පැමිණීමට දන්වා තිබුණද නොවැළැක්විය හැකි හේතුවක් නිසා එදිනට පැමිණීමට නොහැකි බවත් ඒ සඳහා වෙනත් දිනයක් ලබාදෙන ලෙසත් ඉල්ලා ඒ මහතා සිය නීතිඥවරු මාර්ගයෙන් මූල්‍ය අපරාධ කොට්ඨාසය වෙත ලිඛිතව දන්වා තිබුණි.
ඒ අනුව වෙනත් දිනයක් ලෙස ඊයේ (14) දින ලබාදී ඇති අතර යෝෂිත රාජපක්ෂ මහතා ඊයේ (14) පෙරවරු 10.30ට මූල්‍ය අපරාධ කොට්ඨාසය වෙත පැමිණ පස්වරු 1.00ට පිටව ගොස් තිබේ.
ඔහු මෙම ඉඩම් සම්බන්ධයෙන් කෙරෙන විමර්ශන සඳහා ප්‍රකාශයක් ලබාදීමට මූල්‍ය අපරාධ කොට්ඨාසයට ඊයේ (14) දින කැඳවා තිබුණේ දෙවන වරටය.

ශානිකා මාධවී පීරිස්

තමාට නැවත නියෝජ්‍ය ඇමැති ධුරයක් දීමට නියමිත බව පළවන වාර්තාවල කිසිදු සත්‍යතාවයක් නැතැයි සංචාරක සංවර්ධන හා ක්‍රිස්තියානු කටයුතු පිළිබඳ හිටපු ඇමැති අරුන්දික ප්‍රනාන්දු මහතා ප්‍රකාශ කළේය. තමා නියෝජ්‍ය ඇමැති ධුරයෙන් ඉවත් කිරීමෙන් පසු ජනාධිපති මෛත්‍රීපාල සිරිසේන මහතා හමුවූ බව පැවැසූ අරුන්දික ප්‍රනාන්දු මහතා නැවත නියෝජ්‍ය ඇමැති ධුරයක් ලබා දීමක් පිළිබඳ කිසිදු කතාබහක් නොවූ බවද පැවැසීය.
ශ්‍රී ලංකා නිදහස් පක්ෂය වෙන්ව කටයුතු කිරීමෙන් කිසි දිනක එම පක්ෂ ආණ්ඩුවක් පිහිටුවිය නොහැකි බවත් එම බෙදීමේ වාසිය හිමි වන්නේද එක්සත් ජාතික පක්ෂයට බව තමා ජනාධිපතිවරයාට නැවත වරක් කරුණු කී බවත් හෙතෙම සඳහන් කළේය.
එම නිසා නැවත නියෝජ්‍ය ඇමැති ධුරයක් ලබා දීම සම්බන්ධයෙන් කිසිදු කතාබහක් ජනාධිපතිවරයා සමග සිදු නොවූ බව තමා වගකීමෙන් ප්‍රකාශ කරන බවත් අරුන්දික ප්‍රනාන්දු මහතා වැඩිදුරටත් පැවැසීය.

කමණී  හෙට්ටිආරච්චි

ඉදිරියේදී පැවැත්වීමට නියමිත පළාත් පාලන මැතිවරණයේදී  බස්නාහිර පළාත නියෝජනය  කරන අපේක්ෂකයින් හා ජනාධිපති මෛත්‍රීපාල සිරිසේන මහතා අතර සාකච්ඡාවක් හෙට (16) පෙරවරු 10.00ට ශ්‍රී ලංකා නිදහස් පක්ෂ මූලස්ථානයේදී පැවැත්වේ.
ලබන ජනවාරි මාසයේදී පැවැත්වීමට නියමිත පළාත් පාලන මැතිවරණයට සූදානම් වීම සඳහා අවශ්‍ය කටයුතු සාකච්ඡා කිරීමට මෙම හමුව සංවිධානය කර ඇත. පළාත් පාලන මැතිවරණය සඳහා ශ්‍රී ලංකා නිදහස් පක්ෂයේ අපේක්ෂකයින් මේ වන විට තෝරා අවසන් කර ඇති අතර පළාත් මට්ටමින් එම අපේක්ෂකයින් සමග ජනාධිපති මෛත්‍රීපාල සිරිසේන මහතා ඉදිරියේදී සාකච්ඡා පැවැත්වීමට නියමිතය.

කමණී හෙට්ටිආරච්චි

IMAGE

ග්‍රැන්ඩ්පාස් ගොඩනැගිල්ල කඩා වැටීම සොයුරාගේ සැලසුමක් -...

IMAGE 2018 Feb 16 13:54
හත්දෙනෙකුට මරු කැඳවමින් පසුගිය (14) දා ග්‍රැන්ඩ්පාස් ගොඩනැගිල්ල කඩා වැටීමේ සිද්ධිය...
Views - 2505

මනාලයාගේ 'දෙනෙත් උඩ රැන්දූ' මනාලියගේ රැකියාව

IMAGE 2018 Feb 16 12:26
අනුරාධපුරයට ආසන්න නිකැලැල් චරිතවත් යුවතියක සඳහා මනාලයෙකු සොයන බව මීට සති කිහිපයකට ඉහත ඉරිදා...
Views - 5382

හෙදිය සමූහ දූෂණයට විනයාරක්ෂක කපිතාන් අල්ලයි

IMAGE 2018 Feb 14 23:55
රංචු ගැසී පුද්ගලික රෝහලක හෙදියක් සමූහ දූෂණයට ලක් කිරීමේ සිද්ධිය සම්බන්ධයෙන් ‍පොලීසියට...
Views - 4771

ඡන්ද ප්‍රතිඵල වලින් පස්සෙ සමහරුන් බුම්මාගෙන ඉන්නේ ඇයි?

IMAGE 2018 Feb 14 13:39
මෙවර පළාත් පාලන ඡන්දයේ දී මෙන්ම  සෑම මැතිවරණයකදීම කිසියම් පිරිසක් ජයග්‍රහණය කරන විට ඊට...
Views - 2864

හොර හැඳුනුම් පතක් ගෙන ප්‍රේම ලෝකයට බසින 'වැලන්ටයින්'

IMAGE 2018 Feb 14 09:22
පෙම්වතුන් පෙම්වතියන් අතර හෝ අඹු සැමියන් අතර පවත්නා ආදරය ලිංගිකත්වය හා අනුරාගය මත පදනම් වූ...
Views - 2818

කෝවක්කා කෑවම මැරෙනවද?

IMAGE 2018 Feb 13 19:41
කෝවක්කා ගෙඩියක් ආහාරයට ගත් දරුවෙකු ශරීරයේ සීනි මට්ටම පහත වැටීමෙන් මිය ගිය පුවත පසුගිය සතියේ...
Views - 7423

Please publish modules in offcanvas position.