Coss Ear2
lakbima.lk
COSS Ear 1

පළාත් සභා මැතිවරණ (සංශෝධන) පනත් කෙටුම්පත සම්බන්ධයෙන් පැවැති ඡන්ද විමසීමේදී ඛනිජ තෙල් සම්පත් සංවර්ධන අමාත්‍ය අර්ජුන රණතුංග මහතාගේ ඡන්දය නිසි ලෙස සටහන් නොවූවේ මන්දැයි සොයා බලන ලෙස කථානායකවරයාගෙන් ඉල්ලා සිටීමට මන්ත්‍රීවරු පිරිසක් සාකච්ඡා කර ඇත.
ඇමැතිවරයාගේ ඡන්දය ප්‍රකාශ නොවුණේ තාක්ෂණික දෝෂයකින්ද නැතිනම් ඒ මහතා හිතා මතා ඡන්දය දීමෙන් වැළකී සිටියාද යන්න නිවැරදි කර ගැනීම සඳහා මෙලෙස පරීක්ෂණයක් පවත්වන ලෙස ඉල්ලා සිටීමට මන්ත්‍රීවරු තීරණය කර තිබේ.
එදින ඡන්ද විමසීමට පෙර පැවැති විවාදයේදී පවා ඒකාබද්ධ විපක්ෂයේ මන්ත්‍රී මහින්දානන්ද අලුත්ගමගේ මහතා හම්බන්තොට වරාය බේරා ගැනීමට උත්සාහ කළ වීරයා ලෙස ඔහුව අගය කරමින් කතා කිරීම පිළිබඳවද කුකුසක් පැන නැගීි ඇත.
පළාත් සභා මැතිවරණ පනත සම්මතවීම සඳහා තුනෙන් දෙකක බහුතරයක් අවශ්‍ය වූ අතර තුනෙන් දෙක නොදීම සඳහා බැසිල් රාජපක්ෂ මහතා සහ නාමල් රාජපක්ෂ මහතා පාර්ලිමේන්තුවේ  සිටින ශ්‍රී ලනිප හා එජාප මන්ත්‍රීවරු කිහිප දෙනකුට කතා කරමින් ඔවුන් ඡන්දය දීමෙන් වළක්වා ගැනීමට උත්සාහ කළ බව දේශපාලන ආරංචි මාර්ග සඳහන් කරයි.
එහි ප්‍රතිඵලයක් ලෙස අර්ජුන රණතුංග ඇමැතිවරයාද ඡන්දය දීමෙන් වැළකී සිටියාද කියා සොයා බැලීමට මෙම පිරිස කටයුතු කරමින් සිටිති. එදින පළමු ඡන්ද විමසීමේදී ඇමැතිවරයාගේ ඡන්දය ප්‍රකාශ නොවුණුු අතර ඡන්දය නොදුන් මන්ත්‍රීවරයෙකු සිටින බවට වාර්තාවීම නිසා ඔහු කවුදැයි මන්ත්‍රීවරු සොයා බැලූහ.
කෙසේ නමුත් ඡන්දය විමසීමේදී තුනෙන් දෙකකට අවශ්‍ය ඡන්ද ප්‍රමාණය ලැබිමෙන් පසු අර්ජුන රණතුංග ඇමැතිවරයා වහා නැගී සිට තමන්ගේ යන්ත්‍රය ක්‍රියාත්මක නැති බව සඳහන් කළේය.
ඡන්ද ප්‍රතිඵල ප්‍රකාශ කර අවසන් බැවින් ඒ අවස්ථාවේදී ඡන්දය ඇතුළත් කර ගැනීමට නොහැකිවිය. නමුත් අවසන් ඡන්ද විමසීමේදී ඔහු පක්ෂව ඡන්දය ප්‍රකාශ කරන ලදී.
එම අවස්ථාවේ පක්ෂව ඡන්ද 154ක්ද විපක්ෂව ඡන්ද 44ක්ද ලැබුණු අතර එක් මන්ත්‍රීවරයෙක් ඡන්දය දීමෙන් වැළකී සිටි බව සටහන් විය. මන්ත්‍රීවරු පස්දෙනෙකුගේ ඡන්දය අඩුවූවා නම් පනත තුනෙන් දෙක නොමැතිව ඒ අවස්ථාවේදි පරාජයවීමටද අවස්ථාව තිබුණි. දෙවන වර ඡන්ද විමසීමේදී පක්ෂව ඡන්ද 159ක්ද විපක්ෂව ඡන්ද 34ක්ද ලැබුණි. ඒ විපක්ෂයේ මන්ත්‍රීවරු දස දෙනකු සභාවෙන් පිටව යාම හා ආණ්ඩු පක්ෂ මන්ත්‍රීවරු හතර දෙනෙකු හා අර්ජුන රණතුංග මන්ත්‍රීවරයා ඡන්දය ප්‍රකාශ කිරීමත් නිසාය.

රැකවරණ ඉල්ලා පැමිණෙන කිසිදු රටක සරණාගතයෙකු ශ්‍රී ලංකාවට භාර නොගැනීමට රජය තීරණය කර තිබේ.ජනාධිපති මෛත්‍රීපාල සිරිසේන හා අගමැති රනිල් වික්‍රමසිංහ යන මහත්වරුන් විසින් අනුගමනය කරනු ලබන යහපාලන ජාතික රජයේ විදේශ ප්‍රතිපත්තියට අනුව යමින් රජය මේ තීරණය ගෙන ඇත.මියන්මාරයේ රෝහින්ග්යා සරණාගතයන් ශ්‍රී ලංකාව බාර ගන්නවාදැයි ආණ්ඩු පක්ෂ මන්ත්‍රී පිරිසක් කළ විමසුමකදී අගමැති රනිල් වික්‍රමසිංහ මහතා රජයේ ඉහත ස්ථාවරය ප්‍රකාශ කරමින් මේ බව කියා තිබේ.
ඕනෑම රටක පුද්ගලයෙකුට ශ්‍රී ලංකාවට ඇතුළු විය හැක්කේ පිළිගත් ක්‍රමවේදයකට අනුව වීසා ගැනීමකින් පමණකැයිද රනිල් වික්‍රමසිංහ මහතා ආණ්ඩු පක්ෂ මන්ත්‍රීවරුන්ට දැනුම් දී ඇත.
මියන්මාරයේ රෝහින්ග්යා සරණාගතයන්ට බංග්ලාදේශයට හා යාබදව ඇති තායිලන්තයට පහසුවෙන් යා හැකිව තිබියදී ශ්‍රී ලංකාවට පැමිණීම සංවිධානත්මකව කළ යුතු දෙයක් වන හෙයින් එවැනි කාර්යයකට කිසිදු ඉඩක් නැතැයිද අග්‍රාමාත්‍ය රනිල් වික්‍රමසිංහ මහතා වැඩිදුරටත් දැනුම්දී තිබේ.

 ලසන්ත වීරකුලසූරිය

ලෝක බෞද්ධ මහා සම්මේලනයේ හත් වෙනි බෞද්ධ මහ සමුළුව නොවැම්බර් 02 සිට 07 දා දක්වා අරලියගහ මන්දිරයේ ප්‍රධාන සම්මන්ත්‍රණ ශාලාවේදී පැවැත්වේ.

ජනාධිපති මෛත්‍රීපාල සිරසේන හා අගමැති රනිල් වික්‍රමසිංහ යන මහත්වරුන්ගේ ආරාධනයෙන් මෙවර මෙම සමුළුව ශ්‍රී ලංකාවේදී පැවැත්වෙන බව නියෝජ්‍ය කතානායක,හත්වෙනි බෞද්ධ සමුළුවේ සංවිධායක කමිටුවේ සභාපති තිලංග සුමතිපාල
මහතා ප්‍රකාශ කළේ ය.

ශ්‍රී ලංකාවේ පැවැත්වෙන මෙම බෞද්ධ සමුළුව සඳහා ලෝක බෞද්ධ මහා සම්මේලනය මෙහෙයුම් කටයුතු සිදුවන ජපානයේ නියෝජිතයින් 800 ක් ද මෙහි සාමාජික රටවල් 47 ක ප්‍රධාන සංඝනායක හිමිවරු තුන්සිය නමක්ද මේ සඳහා සහභාගි වන බව කොළඹ හිල්ටන් රෙසිඩන්ස් හෝට‍ලේදී ඉකුත් සිකුරාදා (22) පැවැති මාධ්‍ය හමුවකදී තිලංග සුමතිපාල මහතා ඒ බව සඳහන් කළේ ය.

ජනාධිපති මෛත්‍රීපාල සිරිසේන මහතාගේ පූර්ණ මගපෙන්වීඹ යටතේ ජනාධිපති ‍ලේකම් කාර්යාලය මෙම සමුළුවේ කටයුතු සංවිධානය කරන බව ඒ මහතා පැවැසීය.

බුදුදහමින් ‍පෝෂණය වූ ඉතා දීර්ඝ ඉතිහාසයක් සහිත රටක් වන ශ්‍රී ලංකාව, තවදුරටත් හත්වැනි බෞද්ධ මහා සමුළුව ජාතික උත්සවයක් ලෙසට නම් කර පැවැත්වීමට සියලු කටයුතු සම්පාදනය කර තිබෙන බව නියෝජ්‍ය කතානායකවරයා පැවැසීය.

ලෝක සාමය හා සාරධර්ම ඇති කරලීම සඳහාත් ලෝකය පුරා බුදුදහම තවදුරටත් ව්‍යාප්ත කිරලීම සඳහාත් වන ප්‍රකාශනයක් මෙම සමුළුවේදී එළිදැක්වීමට නියමිතය.

ලෝක බෞද්ධ මහා සම්මේලනයේ මහ‍ලේකම්, වේරගොඩ සාරද නාහිමි,එහි නියෝජ්‍ය සභාපති ආචාර්ය සින්කයි කෝරි හිමි,ප්‍රධාන ‍ලේකම් මුනියුකි සුසුකි, සහකාර මහ‍ලේකම් නූරි ෆූජි,වනජීවී හා බුද්ධශාසන ඇමැති ගාමිණි ජයවික්‍රම පෙරේරා,එම අමාත්‍යංශයේ ‍ලේකම් චන්ද්‍රප්‍රේම ගමගේ,බෞද්ධ කටයුතු කොමසාරිස් නිමල් කොටවලගෙදර යන මහත්වරු මෙම මාධ්‍ය හමුව සඳහා සහභාගි වූහ.
 

හත්වෙනි  ලෝක බෞද්ධ සමුළුවේ වෙබ් අඩවිට www.buddhistsummitsrilanka.com ලෙස මෙහිදීඑළිදැක්වුණි.

 


කමණී හෙට්ටිආරච්චි{jcomments on}

ගිනස් වාර්තාවක් තැබීම සඳහා සකසන ලද මහනුවර ගන්නොරුව ප්‍රදේශයේ පැවැති විවාහ මංගල්‍ය උත්සවයක මනාලියකගේ කිලෝ මීටර් තුනක් දිග ඔසරි පොටක් අල්ලාගෙන සිටීම සඳහා පාසල් දරුවන් 250 ක් සහභාගි කරවා ගැනීම සම්බන්ධයෙන් ජාතික ළමා ආරක්ෂණ අධිකාරිය විමර්ශනයක් අරඹා ඇත.

ඊයේ (21) පැවැති මෙම මංගල උත්සවය මධ්‍යම පළාතේ මහ ඇමති සරත් ඒකනායක මහතාගේ ප්‍රධානත්වයෙන් පැවැති අතර මෝස්තර නිරූපිකාවක්  එහි මනාලිය වූ අතර ලෝක වාර්තාවක් තැබීම පිණිස ඇය මීටර් 3200 ක් පමණ දිගැති පොටකින් යුත් ඔසරියක් හැද සිටියාය.

මෙම යුවල මහනුවර ගන්නොරුව මංසන්ධියට පැමිණි පසු එම ඔසරි පොට අල්ලාගෙන සිටිනු පිණිස පාසල් සිසුන් 250 ක් යෙදවීම ළමා හිංසන ක්‍රියාවක් බවට පාර්ශව කිහිපයකින් ළද පැමිණිලි වලින් පසුව ජාතික ළමා ආරක්ෂණ අධිකාරිය මේ සම්බන්ධව පරීක්ෂණයක් අරඹා තිබේ.

ඡායාරූපය: අන්තර්ජාලයෙන්

දමයන්ති ගමගේ{jcomments on}

දිරාපත් වන ලන්ච් ෂීට් ආනයනය වෙනුවෙන් රජය මගින් පනවා තිබූ බද්ද ඉවත් කිරීමට තීරණය වී ඇත. ඒ අනුව දිරාපත්වන ලන්ච් ෂීට් එකක මිල සැලකිය යුතු ප්‍රමාණයකින් අඩුවීමට නියමිතය.

නොදිරන ලන්ච් ෂීට් භාවිතය තහනම් කිරීමෙන් පසු ජනතාවට මුහුණ දීමට සිදුවන අපහසුතාව අවම වනු පිණිස මෙම තීරණය ගත් බව මධ්‍යම පරිසර අධිකාරිය පවසයි.{jcomments on}

ප්‍රදේශවාසී ජනතාවගේ සෞඛ්‍ය සංරක්ෂණයට විශාල තර්ජනයක් එල්ල කරමින් කොළඹ මහ නගර සභාව මුතුරාජවෙල වගුරුබිමට කැළ ිකසළ බැහැර කිරීම අත්හිටුවමින් නිකුත් කොට ඇති අතුරු තහනම ලබන නොවැම්බර් 2 වැනිදා දක්වා තවදුරටත් දීර්ඝ කිරීමට ශ්‍රේෂ්ඨාධිකරණය ඊයේ (21) නියෝග කළේය.

මුතුරාජවෙල පරිසරය සංවිධානය විසින් ප්‍රදේශවාසීන් 35 දෙනකුගේ අත්සන් සහිතව ගොනුකර තිබූ එම මූලික අයිතිවාසිකම් පෙත්සම බුවනෙක අලුවිහාරේ හා ප්‍රියන්ත ජයවර්ධන යන විනිසුරු මඩුල්ල හමුවේදී කැඳවිණි. වගඋත්තරකාර කොළඹ මහ නගර සභාව ප්‍රමුඛ ප්‍රාදේශීය සභා හා නගර සභා බලධාරීන්ගේ එකී ක්‍රියාකලාපය නිසා මුතුරාජවෙල පරිසරය විනාශයට පත්වන බවද පෙත්සම්කරුවන් එමගින් ශ්‍රේෂ්ඨාධිකරණයට පෙන්වාදී තිබුණි.

නිශාන්ති රාමනායක - කොළඹ අධිකරණ{jcomments on}

පුංචි තිරයේ අසිරිමත් මහා කලා මංගල්‍යය හෙවත් සුමති සම්මාන උළෙල අද (22) රාත්‍රී 9.45ට ස්වාධීන රුපවාහිනි සේවය ඔස්සේ සම්පුර්ණයෙන් විකාශය කෙරේ.පසුගිය වසරේ  රූපවාහිනී මාධ්‍යය ඔස්සේ සුවිශේෂී දක්ෂතා ප්‍රකට කළ කලාකරුවෝ සහ කලාකාරිනියෝ 60කට ආසන්න සංඛ්‍යාවක් එහිදී සම්මානයෙන් පිදුම් ලැබුහ.

බෙදා වෙන් කළ නොහැකි ඒකීය ශ්‍රී ලංකාවක් පිළිගැනිමත් බෞද්ධාගමට ප්‍රමුඛස්ථානය දී ‍පෝෂණය කිරීමත් ආදී යෝජනා ඇතුළත් ආණ්ඩුක්‍රම ව්‍යවස්ථා මෙහෙයුම් කමිටු අතුරු වාර්තාව එහි සභාපති රනිල් වික්‍රමසිංහ මහතා පාර්ලිමේන්තුවට ඊයේ ශ්‍රී ලංකාවේ ආණ්ඩුක්‍රම ව්‍යවස්ථා මණ්ඩල මෙහෙයුම් කමිටු අතුරු වාර්තාවට ඇතුළත් කොන්දේසිවලට ජාතික රජයේ ප්‍රධාන පක්ෂ දෙක එකඟ වන්නේ නම් තමන්ද ඊට එකඟ වන්නට කැමතියැයි ද්‍රවිඩ ජාතික සන්ධානය ද මෙම වාර්තාව තුළ ලිඛිතව අනුමැතිය පළකර තිබේ.
බෙදා වෙන් කළ නොහැකි ඒකීය ශ්‍රී ලංකාවක් පිළිගැනිමට ආණ්ඩුක්‍රම ව්‍යවස්ථා මණ්ඩල මෙහෙයුම් කමිටුවේ සියලු සාමාජිකයන් සුදානම් යැයිද එම අතුරු වාර්තාවේ වැඩිදුරටත් සඳහන්වේ.
ශ්‍රී ලංකාවේ ආණ්ඩුක්‍රම ව්‍යවස්ථා මණ්ඩල මෙහෙයුම් කමිටුවේ අතුරු වාර්තාව කමිටු සභාපති අග්‍රාමත්‍ය රනිල් වික්‍රමසිංහ මහතා පාර්ලිමේන්තුවේදි ඊයේ (21) සභාගත කරනු ලැබු අතර එම වාර්තාවට ඉහත කරුණු ඇතුළත්ව තිබේ.
අග්‍රාමාත්‍ය රනිල් වික්‍රමසිංහ මහතා සභාපතිත්වය දරන ආණ්ඩුක්‍රම ව්‍යවස්ථා මෙහෙයුම් කමිටුවේ සෙසු සාමාජිකයන් වන්නේ විපක්ෂ නායක ආර්. සම්බන්ධන්, අමාත්‍ය නිමල් සිරිපාල ද සිල්වා (ශ්‍රීලනිප), දිනේෂ් ගුණවර්ධන (ඒකාබද්ධ විපක්ෂය), අමාත්‍ය රාවුෆ් හකිම් (ශ්‍රී.ල.මු.කො), ඩග්ලස් දේවානන්දා (ඊ.පි.ඩි.පි) සභානායක ලක්ෂ්මන් කිරිඇල්ල (එ.ජ.ප), අනුර දිසානායක (ජ.වි.පෙ), අමාත්‍ය සුසිල් ප්‍රේමජයන්ත (ශ්‍රීලනිප), රිෂාඩ් බදියුදින් (සමස්ත ලංකා මක්කල් කොංග්‍රසය), අමාත්‍ය පාඨලි චම්පික රණවක (ජා.හෙ,උ), අමාත්‍ය ඩි.එම්. ස්වාමිනාදන් (එජාප), අමාත්‍ය මනෝ ගනේෂන් (ප්‍රජාත්‍රන්ත්‍රවාදි ජතික පෙරමුණ), අමාත්‍ය මලික් සමරවික්‍රම (එජාප), රාජ්‍ය අමාත්‍ය ඩිලාන් පෙරේරා (ශ්‍රීලනිප), විජයදාස රාජපක්ෂ (එජාප), බිමල් රත්නායක (ජවිපෙ), එම්.ඒ. සුමන්තිරන් (දෙ.ජා.ස), ප්‍රසන්න රණතුංග (ඒකාබද්ධ විපක්ෂය),  ආචාර්ය ජයම්පති වික්‍රමරත්න (එජාප), දොස්තර තුසිතා විජේමාන්න (එජාප) යන මහත්ම මහත්මින්ය.
ශ්‍රී ලංකාව නිදහස් ෙසේවරි හා ස්වාධින ජන රජයක් වනු ඇති අතර ව්‍යවස්ථාවෙන් නියම කර ඇති බලතල ක්‍රියාත්මක කරන මධ්‍යම හා පළාත් බද ආයතනවලින් සමන්විත වන ඒකීය රාජ්‍යයක් - ඔරුමිත්තනාඩු වනු ඇත යනුවෙන් ද දක්වා තිබේ.
මෙම ව්‍යවස්ථාවේ ඒකීය රාජ්‍ය - ඔරුමිත්තනාඩු යනුවෙන් හදුන්වන්නේ නොබෙදුනු සහ බෙදිය නොහැකි , ආණ්ඩුක්‍රම ව්‍යවස්ථාවේ ඕනෑම සංශෝධනයක් සඳහා හෝ එය පරිචින්න කොට ඒ වෙනුවට වෙනත් ආණ්ඩුක්‍රම ව්‍යවස්ථාවක් තැනිම සඳහා වන බලය ආණ්ඩුක්‍රම ව්‍යවස්ථාවේ දක්වා ඇති ආකාරයට පාර්ලිමේන්තු සහ (අදාළ තැන්හි) ශ්‍රී ලංකාවේ ජනතාව වෙත පවතිනු ඇති රාජ්‍යයක් වනු ඇත යනුවෙන්ද මෙහෙයුම් කමිටු වාර්තාවට ඇතුළත් කර ඇත.
ශ්‍රී ලංකාව එක් නොබෙදු සහ බෙදිය නොහැකි රටක් වනු ඇතැයිද අතුරු වාර්තාවේ දවෛනි වගන්තියේ සඳහන් කර තිබේ. එසේම රටින් වෙන්ව යාම රට බෙදිම වැළැක්විම සඳහා වන විශේෂිත විධිවිධාන ආණ්ඩුක්‍රම ව්‍යවස්ථාවට ඇතුළත් කර ඇත ලෙස ද එහි තවෛනි වගන්තියේ දක්වා තිබේ. බලය බෙදාහැරිම උපරිම මට්ටමෙන් බෙදෙනු ඇතැයි එහි සඳහන්ව ඇත්තේ හතරවන වගන්තිය ලෙසය.
“ශ්‍රී ලංකාව බුද්ධාගමට ප්‍රමුඛස්ථානය පිරිනමන්නේය” යන වගන්තිය මෙහෙයුම් කමිටු වාර්තාවේ ඇතුළත්වෙයි. එසේම “ශ්‍රී ලංකාව බුද්ධාගමට ප්‍රමුඛස්ථානය පිරිනමන්නේය” එහෙයින් සියලු ආගම් හා විශ්වාසයන්ට ගෞරවයෙන් හා අභිමානයෙන් සලකමින් හා වෙන්කොට සැලකිමකින් තොරව සහ ආණ්ඩුක්‍රම ව්‍යවස්ථාවේ සහතික කර ඇති මූලික අයිතිවාසිකම් සියලුම පුද්ගලයන්ට සහතික කරමින් බුද්ධ ශාසනය සු‍පෝෂිත කොට ‍පෝෂණය කිරීම රජයේ වගකිම විය යුත්තේය යන වගන්තිය “හෝ “ ප්‍රත්‍ය යොදමින් ඒ සමගම ඇතුළත් කර තිබේ.
ආණ්ඩුක්‍රම ව්‍යවස්ථා මෙහෙයුම් කමිටු වාර්තාවේ දෙමළ ජාතික සන්ධානයේ අදහස් දක්වමින් සිංහල පරිවර්තනයේ දක්වා ඇත්තේ අතුරු වාර්තාවේ ප්‍රකාශිත මුලික ප්‍රතිපත්ති ප්‍රධාන පක්ෂ දෙකට පිළිගත හැකිවන්නේ නම් පිළිගත හැකි එකඟතාවයට පැමිණිමට ඉඩ සැලසිම සඳහා ඒවාට එකඟවිම සලකා බැලිමට ද්‍රවිඩ ජාතික සන්ධානය කැමැත්තෙන් සිටිය යනුවෙනි.
විපක්ෂ නායක ආර්. සම්බන්ධන් සහ පාර්ලිමේන්තු මන්ත්‍රී එම්.ඒ සුමන්තිරන් යන මහත්වරු ද්‍රවිඩ ජාතික සන්ධානයේ ස්ථාවරය සඳහන් ලිපියට අත්සන් තබා තිබේ. ආණ්ඩුක්‍රම ව්‍යවස්ථා මෙහෙයුම් කමිටු සාමාජිකයන් විසින් ඉදිරිපත් කරනු ලැබු නිරික්ෂණ ඇතුළත් ‍ලේඛන 8 ක්ද වාර්තාවට ඇතුළත්ව පවතියි.
ශ්‍රී ලංකාවේ ආණ්ඩුක්‍රම ව්‍යවස්ථා මෙහෙයුම් කමිටු වාර්තාවේ සිංහල පරිවර්තනය පිටු 85 කින් සමන්විත වන අතර එය කෙටුම්පතක් පමණකැයි ද ෙනෙතික ලියවිල්ලක් නෙවන්නේයැයිද අග්‍රාමාත්‍ය රනිල් වික්‍රමසිංහ මහතා පාර්ලිමේන්තුවේදි ප්‍රකාශ කළේය.
ආණ්ඩුක්‍රම ව්‍යවස්ථා මෙහෙයුම් කමිටුවේ අතුරු වාර්තාව ඉදිරිපත් කිරීමට ප්‍රථම කමිටුව 73 න් වාරයක් රැස්ව ඇති බවද එහි සඳහන්ය.

ලසන්ත වීරකුලසූරිය

අන්තර්ජාලයේ විවිධ සමාජ වෙබ් අඩවිවලින් හා මුහුණු ‍පොතෙන් සිදුවන අපරාධ වංචා සම්බන්ධයෙන් විමර්ශනය කිරීමට අපරාධ පරීක්ෂණ දෙපාර්තමේන්තුව යටතේ පරිගණක අපරාධ පිළිබඳ විමර්ශන ඒකකයක් ස්ථාපිත කර තිබේ.
අන්තර්ජාලයේ විවිධ සමාජ වෙබ් අඩවිවලින් හා මුහුණු ‍පොතෙන් සිදුවන අපරාධ වලට වංචනික ක්‍රියාවලට බොහෝ පුද්ගලයන් හසුවන අතර මේ පිළිබඳ පැමිණිලි කිරීමට මැලි වේ. එය අපරාධකරුවන්ට තවත් අපරාධ කිරීමට අනුබල දීමක් වන අතර එවන් ක්‍රියා මැඩපැවැත්වීමට මෙම ඒකකය පිහිටුවා තිබේ.
පරිගණක ඇසුරෙන් සිදුකෙරෙන අපරාධ, වංචනික ක්‍රියා, ලිංගික අපයෝජනයන්, හිරිහැර ආදිය සම්බන්ධයෙන්  (Cyber crime) නමැති මෙම ඒකකයට ලිඛිතව හෝ දුරකථන මාර්ගයෙන් දැනුම් දිය හැකි බව ‍පොලිස් මූලස්ථානය පවසයි.
කාන්තා ‍පොලිස් අධිකාරි ආර්.ඒ. දර්ශිකා කුමාරි මහත්මිය යටතේ පවතින මෙම ඒකකයට 011-2326979 යන දුරකථන අංකය ඔස්සේ සෘජුවද 011-2320141 යන දිගුව ඔස්සේ පරිගණක අපරාධ පිළිබඳ විමර්ශන ඒකකයට සම්බන්ධ වී මහජන පැමිණිලි ඉදිරිපත් කළ හැකි අතර නැතහොත් ළඟම පිහිටි ‍පොලිස් ස්ථානය වෙත පැමිණිලි යොමු කරන ලෙස ‍පොලිස් මූලස්ථානය වැඩිදුරටත් පැවැසීය.

ශානිකා මාධවී පීරිස්

බෙදා වෙන් කළ නොහැකි ඒකීය ශ්‍රී ලංකාවක් පිළිගැනීමට ආණ්ඩුක්‍රම ව්‍යවස්ථා මණ්ඩලයේ මෙහෙයුම් කමිටුවේ සියලුම සාමාජිකයන්, සූදානම් බව අග්‍රාමාත්‍ය රනිල් වික්‍රමසිංහ මහතා පාර්ලිමේන්තුවේදී පැවැසීය.
ආණ්ඩුක්‍රම ව්‍යවස්ථා මණ්ඩලයේ මෙහෙයුම් කමිටු සභාපතිවරයා ලෙස එහි අතුරු වාර්තාවක් එළිදක්වමින් අගමැතිවරයා මේ බව සඳහන් කළේය.
ආණ්ඩුක්‍රම ව්‍යවස්ථා මණ්ඩලය එහි සභාපති කරු ජයසූරිය මහතාගේ ප්‍රධානත්වයෙන් රැස්විය.
දෙමළ ජාතික සන්ධානය පෙර නොවූ විරූ පියවරක් ඉදිරියට තබමින් මේ අතුරු වාර්තාවේ ඇතුළත් කොන්දේසිවලට ජාතික ආණ්ඩුවේ ප්‍රධාන පක්ෂ දෙක එකඟ වන්නේ නම් තමන්ද එකඟවීමට කැමතියැයි ප්‍රකාශ කර ඇති බවද අගමැතිවරයා මෙහිදී විශේෂයෙන් සඳහන් කළේය.
කලක් ඉතා තදින් භේද භින්නව සිටි ආණ්ඩුව හා විපක්ෂය, රට තුළ ‍පොදු සම්මුතියක් ඇතිකර ගැනීම සඳහා එකතුවීම ඓතිහාසික අවස්ථාවක් වන බවද අගමැතිවරයා මෙහිදී පැවැසීය.
මෙම ව්‍යවස්ථාවෙන් රට පරිවර්තනයකට භාජනය වන අතර සමෘද්ධියේ සහ වර්ධනයේ නව යුගයක් මෙයින් සංකේතවත් වන බවද අගමැතිවරයා මෙහිදී අවධාරණය කළේය.
මෙහිදී වැඩිදුරටත් අදහස් දැක්වූ අගමැතිවරයා මෙසේද පැවැසීය.
“මෙය කෙටුම්පතක් පමණයි. ෙනෙතික ලියවිල්ලක් නොවේ. අවසන් ‍ලේඛනය සකස් කරන්නේ ජනතා සංවාදයට භාජනය කිරීමෙන් පසුවයි.
මේ වටිනා අවස්ථාව අපේ දෑතින් ගිලිහෙන්නට ඉඩ දිය නොහැකියි. මෙය අපේ රටට ඉතා වටිනා ක්‍රියාවලියක් වන බැවින් ඊට අප සියලු දෙනාම සම්බන්ධ විය යුතුයි.
විවිධාකාර අවශ්‍යතා කාර්යක්ෂම ආමන්ත්‍රණය කිරීම සඳහා අවශ්‍ය බලය බෙදීමේ මූලධර්ම සකස් ක‍ලේ පළාත් මහ ඇමතිවරුන්ගේද නිර්දේශ පදනම් කරගෙනයි.

පැතුම් වික්‍රමරත්න / ප්‍රසාදිකා ජයවර්ධන

කාලයක සිට මහා පරිමාණයෙන් ව්‍යාජ ‍ලේඛන සකස් කර දේපළ විකුණා වංචා කරනු ලබන සංවිධානාත්මක කණ්ඩායමක දෙදෙනකු ව්‍යාජව සකස් කරන ලද ඔප්පු පිටපත් සමග අපරාධ පරීක්ෂණ දෙපාර්තමේන්තුවේ වාණිජ අපරාධ විමර්ශන අංශය මගින් අත්අඩංගුවට ගෙන තිබේ.
මෙසේ අත්අඩංගුවට පත්ව ඇත්තේ කොළඹ 8, කින්සි පාර පදිංචි මෙම ක්‍රියාවන්ට සහය දුන් සැකකරුවකු සහ මඩපාත, මාකන්දන, ඉසුරු පෙදෙස පදිංචි මෙම ස්ථානයේ පරිගණක යන්ත්‍ර ක්‍රියාකාරිණියක ලෙස සේවය කළ කාන්තාවකි.
අපරාධ පරීක්ෂණ දෙපාර්තමේන්තුවේ වාණිජ අපරාධ විමර්ශන අංශයට පුද්ගලික ඔත්තුකරුවකුගෙන් ලද තොරතුරක් මත මෙම ස්ථානය වටලා තිබේ.
එහිදී මෙම සැකකරුවන් සන්තකයේ තිබි ව්‍යාජ මුද්‍රා, ව්‍යාජව සකස් කරන ලද ඔප්පු, රජයේ විවිධ ප්‍රදේශවල ඉඩම් රෙජිස්ටාර් කාර්යාලවලින් වංචනිකව ඉවත් කරන ලද ‍ලේඛන, දිවයිනේ නොයෙකුත් ප්‍රදේශවල ඉඩම් සම්බන්ධයෙන් තොරතුරු ඇතුළත් ‍ලේඛන, අධිකරණවලින් ලබාගෙන ඇති නඩු තීන්දු පිටපත්ද ඇතුළු ‍ලේඛන රාශියක් සොයාගෙන ඇත.
මෙම ජාවාරම සම්බන්ධයෙන් කොළඹ ප්‍රධාන මහේස්ත්‍රාත් අධිකරණයට කරුණු වාර්තා කිරීමෙන් පසු සෝදිසි වරෙන්තුවක් ලබාගෙන මෙම ක්‍රියාවන් සිදු කළ කින්සි පාරේ අංක 122 දරණ ස්ථානය වටලා ව්‍යාජව සකස් කරන ලද ඔප්පු පිටපත් සහ එයට අදාළ ‍ලේඛන, මුද්‍රණ කටයුතු සිදුකිරිම සඳහා යොදා ගත් පරිගණක යන්ත්‍රයක් සහ මුද්‍රණ යන්ත්‍රයක් ‍පොලීසිය විසින් සොයාගෙන තිබේ.
මේ පිළිබඳ වැඩිදුරටත් විමර්ශනය කිරීමේදී මෙය සංවිධානාත්මක කණ්ඩායමක් විසින් මෙහෙයවා ඇති බවටත් මෙහි ප්‍රධාන සැකකරු හා මෙයට සහය දක්වන රජයේ විවිධ දෙපාර්තමේන්තුවල සේවය කරන නිලධාරීන් සම්බන්ධයෙන්ද තොරතුරු අනාවරණය වෙමින් පවතින අතර ඔවුන්වද ඉදිරියේදී අත්අඩංගුවට ගන්නා බව ‍පොලීසිය පවසයි.
අත්අඩංගුවට පත් දෙදෙනා හා දේපළ කොළඹ ප්‍රධාන මහේස්ත්‍රාත් අංක 1 වෙත ඉදිරිපත් කිරීමෙන් පසු මෙම මස 28 වෙනි දින දක්වා රක්ෂිත බන්ධනාගාර ගත කර ඇති අතර මේ සම්බන්ධයෙන් තවදුරටත් අපරාධ පරීක්ෂණ දෙපාර්තමේන්තුවේ වාණිජ අපරාධ විමර්ශන අංශය පරීක්ෂණ සිදුකරනු ලබයි.

ශානිකා මාධවී පීරිස්

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 745

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 356

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 3458

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 1958

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 3952

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 5042

Please publish modules in offcanvas position.