Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ඉල්ලීම් කිහිපයක් මුල් කරගනිමින්, අද (20) මධ්‍යම රාත්‍රියේ සිට අඛණ්ඩ දුම්රිය වැඩවර්ජනයක් ක්‍රියාත්මක වේ. දුම්රිය එන්ජින් රියැදුරුවරුන්ගේ සංගමය දුම්රිය නියාමකවරුන්ගේ සංගමය ඒකාබද්ධව සහ තවත් සියලු දුම්රිය එන්ජින් රියැදුරු වෘත්තීය සංගම් සහය ලබා ගනිමින් ක්‍රියාත්මක කරන බව දුම්රිය එන්ජින් රියැදුරුවරුන්ගේ සංගමයේ ප්‍රධාන ‍ලේකම් ඉන්දික දොඩන්ගොඩ මහතා ‘ලක්බිම’ට පැවසීය.
දුම්රිය එන්ජින් රියැදුරු සහයකයන් බඳවා ගැනීම්, උසස් වීම් ගැටලු සහ දීර්ඝ කාලයක් පුරා පවතින වැටුප් විෂමතා ඉවත් නොකිරිම් ඇතුළු කරුණු ගණනාවක් මුල් කරගනිමින්, එම ගැටලුවලට විසඳුම් ලබාදීමට පාලනාධිකාරිය කටයුතු නොකිරීමට එරෙහිව මෙම අඛණ්ඩ වැඩවර්ජනය ක්‍රියාත්මක කරන බවත්, සිය ඉල්ලීම් දිනා ගන්නා තුරු මෙම වෘත්තීය ක්‍රියාමාර්ගය පවත්වා ගෙන යන බවද ඒ මහතා කීය.
දුම්රිය රියැදුරු සහයකයන් බඳවා ගැනීමේදී දුම්රිය ආරක්ෂිත නීතිවලට පටහැනිව බඳවා ගැනීම් කර තිබෙන බවත්, එබැවින් එම බඳවා ගැනීම් අත්හිටුවා අදාළ බඳවා ගැනීමේ පටිපාටිය සංශෝධනය කර බඳවා ගැනීම් කිරීම, දීර්ඝ කාලයක් පුරා පවතින වැටුප් විෂමතා ඉවත් කිරීමට පියවර ගැනීම, වසර 17කින් දුම්රිය එන්ජින් රියැදුරු විශේෂ ශේ්‍රණියට උසස්වීම් කර නොමැති වීම එම ගැටලුව වහා විසඳීම, දිස්ත්‍රික් පරීක්ෂක යාන්ත්‍රික හා සහකාර ප්‍රවාහන අධිකාරි යාන්ත්‍රික තනතුරුවල බඳවා ගැනීම් ප්‍රමාද කිරීම් එම බඳවා ගැනීම් කඩිනම් කිරීම ඇතුළු ඉල්ලීම් 8ක් මුල්කරගෙන මෙම වෘත්තීය ක්‍රියාමාර්ගය ගන්නා බවත් ඒ මහතා කීය.
මෙයට දුම්රිය නියාමක සංගමය සහ අදාළ වැඩවර්ජනය හේතුවෙන් දුම්රිය ධාවන ගමන් මාර්ග සියයට සියයකින් අඩපණ විය  හැකි බවද ඒ මහතා කීය.
මේ අතර මේ සම්බන්ධයෙන් ලක්බිම වැඩිදුරටත් කළ විමසීමේදී දුම්රිය නියාමකවරුන්ගේ සංගමයේ ප්‍රධාන ‍ලේකම් පී.එම්.පී. පීරිස් මහතා කියා සිටියේ, දුම්රිය එන්ජින් රියැදුරුවරුන්ගේ සංගමය ගෙන යන අඛණ්ඩ වැඩවර්ජනයට සහය දෙමින් සිය වෘත්තීය සංගමයද එක්වන අතර වැටුප් විෂමතා ඇතුළු ගැටලු ගණනාවකට දුම්රිය නියාමකවරුන්ද මුහුණදී සිටින බවය.
ඒ වෙනුවට නිමල් සිරිපාල ද සිල්වා ඇමැතිවරයා සමග සාකච්ඡාවක් කිරීමට අවස්ථාවක් ලබා දුන්න ද එහිදී සිදුකරනු ලැබුවේ අදාළ ප්‍රශ්න විසඳීම වෙනුවට නිලධාරින් හමුවේ සිය සංගම් අපහසුතාවට පත්කිරීම බවත් මෙම කාරණා සියල්ල පදනම් කරගනිමින් වැඩවර්ජනයට එක්වන බවත් කීය.

පද්මිණි මාතරගේ

සියදිවි නසා ගැනීමේ සිදුවීම් ජනමාධ්‍ය හා සමාජ ජාල මාධ්‍ය මගින් පළ නොකරන ලෙස ජාතික ළමා ආරක්ෂක අධිකාරිය ඉල්ලීමක් කරයි. එවැනි දේ එලෙස ප්‍රචාරය කිරීමෙන් සිදුවන්නේ, එම සිදුවීම් තවදුරටත් සමාජය තුළ ප්‍රචලිත වීමක් පමණක් යැයි එහි සභාපතිනි නීතිඥ මරිනි ද ලිවේරා මහත්මිය පෙන්වා දෙයි. එමෙන්ම තමා මුහුණ දෙන විවිධ ගැටලුවලදී ජීවිතයෙන් වන්දි නොගෙවා ඊට අවශ්‍ය උපදේශන සහය ලබා ගැනීමට කටයුතු කරන ලෙස ජාතික ළමා ආරක්ෂක අධිකාරීය ළමුන් ඇතුළු ප්‍රජාවගෙන් ඉල්ලීමක් කරයි.

ගයාත්‍රි ගීගනආරච්චි

ලංකා කම්කරු කොංග්‍රසයේ මහ ‍ලේකම් ආරුමුගන් තොණ්ඩමාන් මහතා තමා දැරූ නුවරඑළිය දිස්ත්‍රික් සංවර්ධන කමිටු සම සභාපති ධුරයෙන් ඉල්ලා අස්වී ඇත.තොණ්ඩමාන් මහතා තම ඉල්ලා අස්වීමේ ලිපිය මේ වන විට ජනාධිපති මෛත්‍රීපාල සිරිසේන මහතා වෙතද බාර දී ඇත.
හැටන් නගරයේ කැළි කසළ බැහැර කිරීමට ඉඩමක් ලබා දීමට එයට අදාළ රජයේ නිලධාරීන් කටයුතු නොකිරීම හා එකතු  වී ඇති කසළ බැහැර කිරීමට නිසි පියවරක් නොගැනීම හේතුවෙන් තමා මෙම තීරණය ගත් බව තොණ්ඩමාන් මහතා ලිපියේ සඳහන් කර ඇත.
හැටන් නගරයේ කැළි කසළ ගැටලුව විසඳීමට තමන් දිස්ත්‍රික් කමිටු සම සභාපති වශයෙන් අවස්ථා කීපයකදී ගත් තීරණ බවද නිලධාරීන් ක්‍රියාත්මක කිරීමට අ‍පොහසත් වීම නිසා තමන් දරන එම නිලයෙන් ඵලක් නොවන තොණ්ඩමන් මහතා තම ලිපියේ දක්වා ඇත.මෙම කසළ බැහැර කරලීම සඳහා තොණ්ඩමන් මහතා කොටගල ප්‍රදේශයේ පිහිටි තමාගේ පෞද්ගලික ඉඩමක්ද ලබා දී තිබූ බව වාර්තා වේ.

පැතුම් වික්‍රමරත්න

Akila
රටේ ලක්ෂ 45 වන පාසල් සිසුන්ට ලක්ෂ 2 රක්ෂණාවරනයක්  ලබාදීමට කටයුතු කරන බව අධ්‍යාපන ඇමති අකිල විරාජ් කාරියවසම් මහතා පවසයි. එක් පවුලක පාසල් සිසුන් පස් දෙනෙක් සිටීනම් එම පවුලේ සිසුන්ට ලක්ෂ 10 රක්ෂණාවරණයක් ලැබෙන බව ඔහු සඳහන් කළේය.

මෙම රක්ෂණාවරණය යටතේ පාසල් දරුවෙකු රජයේ රෝහලක රෝහල්ගත කළහොත් දවසකට රුපියල් 1000 ක් ගෙවන බවද පෞද්ගලික රෝහලකට  ඇතුලත් කළහොත් රුපියල් ලක්ෂයක් දක්වා බිල්පත් රජයෙන්  ගෙවීමට සැලසුම් කරන බවද ඇමතිවරයා වැඩිදුරටත් පැවසීය.

සුලක්ෂ පියතිස්ස - බදුල්ල

Notes
හානි කරන ලද, විකෘති කරන ලද හෝ වෙනස් කරන ලද  මුදල් නෝට්ටු සඳහා 2017 දෙසැම්බර් 31න් පසු  මහ බැංකුව විසින් මුදල් ගෙවීම් සිදු නොකරන බව මහ බැංකුව නිවේදනය කරයි.
 
එවැනි මුදල් නෝට්ටු තමන් සතුව ඇත්නම් බලපත්ර ලාභී වාණිජ බැංකු  මගින් හුවමාරු කරගන්නා ලෙස ද මහ බැංකුව ඉල්ලා සිටී.
 
ඒ අනුව දෙසැම්බර් 31න් පසු ව මුදල් නීති පනත යටතේ පනවන ලද අදාළ රෙගුලාසි ඊ (Regulation E) යටතේ සිතාමතා විකෘති කරන ලද හෝ වෙනස් කරන ලද හෝ හානි කරන ලස මුදල් නෝට්ටු මහ බැංකුව භාරයේ රඳවා තබා ගන්නා අතර ඒ සඳහා කිසිදු ගෙවීමක් සිදු නොකරයි. අදාළ කාලසීමාවෙන් අනතුරුව ද එවැනි ව්යදවහාර මුදල් නෝට්ටු සන්තකයේ තබාගන්නන් හට එම මුදල් නෝට්ටුවල වටිනාකමට අදාළ අලාභය දැරීමට සිදු වේ.

Policeසහකාර පොලිස් අධිකාරිවරුන් පස් දෙනකුට ස්ථාන මාරුවීම් ලබා දී ඇති බව පොලිස් මුලස්ථානය පවසයි. ඒ අනුව තංගල්ල කොට්ඨාසයේ සිට ඒ ආර් පී ජේ ද අල්විස් මහතා කොළඹ අපරාධ විමර්ශන කොට්ඨාසයට ද, කොළඹ අපරාධ විමර්ශන කොට්ඨාසයේ සිට එම්. ඒ. ඒ. එස් ජයතිලක මහතා තංගල්ල කොට්ඨාසයට ද මඩකලපුව කොට්ඨාසයේ සිට පී. ටී. සිසිර මහතා ගාල්ල කොට්ඨාසයට ද, ගාල්ල කොට්ඨාසයේ සිට එස් ආර් එච් ගමගේ මහතා මඩකලපුව කොට්ඨාසයට ද, පොලොන්නරුව කොට්ඨාසයේ සිට පී ජේ ආර් සී ඒ ගම්ලත් මහතා මාතර කොට්ඨාසය වෙත ද මෙලෙස ස්ථාන මාරුවීම් ලබා ඇත. සේවා අවශ්යොතා හේතුවෙන් පොලිස්පතිගේ නිර්දේශ මත ජාතික පොලිස් කොමිසමේ අනුමැතිය මත මෙම ස්ථාන මාරුවීම් ලබා දී ඇත.

උතුරු පළාත් සභාව තුළ පැන නැගීි ඇති අර්බුදකාරී තත්ත්වයේ අවසානයක් දැකීමට නම් දූෂණ චෝදනාවන්ගෙන් වරදකරුවන් නොවූ අමාත්‍යවරුන් දෙදෙනා සම්බන්ධයෙන් ගත් වැරදි තීරණය කඩිනමින් නිවැරදි කිරීමට කටයුතු කරන ලෙස දන්වමින් විපක්ෂ නායක, දෙමළ ජාතික සන්ධානයේ නායක ආර්. සම්බන්ධන් මහතා උතුරු පළාත් ප්‍රධාන අමාත්‍ය සී.වී. විග්නේෂ්වරන් මහතා වෙත ලිපියක් යවමින් දන්වා තිබේ.

ශානිකා මාධවී පිරිස්

උමා ඔය බහුකාර්ය සංවර්ධන ව්‍යාපෘතියේ උමං මාර්ගයේ සිදුවන මහා පරිමාණ ජල කාන්දුවක් නිසා බණ්ඩාරවෙල ප්‍රාදේශීය ‍ලේකම් කොට්ඨාසයේ නිවාස හා ගොඩනැගිලි  ඉරිතලා ගිලා බැසීමේ අවදානමකට ලක්ව තිබේ.
මෙම උ මං මාර්ගයේ ඇල්ල- කරදගොල්ල ප්‍රදේශයේදී සිදුව මෙම ජල කාන්දුව පැයකට ජල ලීටර් ලක්ෂ 36 ක් බැගින් දිනකට ජල ලීටර්  864ක් තරම් වූ විශාල ප්‍රමාණයක් බව ඌව ප්‍රධාන ඇමැති චාමර සම්පත් දසනායක මහතා මෙම විනාශය සොයාබැලීම සඳහා කළ නිරීක්ෂණ චාරිකාවකදී ඉදිකිරීම් සමාගමේ නිලධාරීන් හෙළිකළේය.
උමාඔය බහුකාර්ය සංවර්ධන ව්‍යාපෘතියේ ඉංජිනේරුවන් ඇතුළු නිලධාරීන් සමග විශේෂ සාකච්ඡාවේදී ප්‍රධාන අමාත්‍යවරයා අවධාරණය කළේ උමං මාර්ගය කැනීමේදී සිදුවන පරිසර හානිය නිසා ජනතාවගේ දේපළ විනාශවීම ආදායම් මාර්ග නතරවීම හා මානසික යනාදී බරපතළ ගැටලු මතුවී ඇති බවයි.
වැලිමඩ -ඩයරඹා සිට කරදගොල්ල දක්වා වූ උමං මර්ගයේ තවත් කි.මී. පහමාරක් පමණ දුර කැනීම සිදුකීරීමට ඇති බවද ජල ප්‍රවාහය නිසා එම කටයුතු නතර වී ඇතැයිද අනාවරණය විය.
ජල ධාරාව පාලනය කිරිම සඳහා තවත් දින මාසයක් වත් ගත විය හැකි බව ඉංජිනේරුවෝ පෙන්වා දුන්හ. ප්‍රධාන අමාත්‍යවරයා අවධාරණයෙන් කියා සිටියේ වෙනත් දියුනු රටකින් හෝ තාක්ෂණික උපදෙස් ලබාගෙන කඩිනමින් මේ ජල ප්‍රවාහය නතර කිරීමට පියවර ගත යුතු බවයි.
විනාශයට ලක්වූ බණ්ඩාරවෙල ප්‍රදේශයේ නිවාස හා ගොඩනැගිලිද ප්‍රධාන අමාත්‍යවරයාගේ නිරීක්ෂණයට ලක්විය.
ඌව පළාත් සභා මන්ත්‍රී සුදර්ශන දෙනිපිටිය මහතා නිරීක්ෂණ චාරිකාවට එක්විය.
උද්ගතව ඇති තත්ත්වය පිළිබදව ජනාදිපතිතුමා හා මහවැලි සංවර්ධන රාජ්‍ය ඇමැති මහින්ද අමරවීර මහතා දැනුවත් කර ජනතාවට ඉක්මන් සහනයක් ලබාදිමට පියවරගන්නා බව අමාත්‍යවරයා මෙහිදී සඳහන් කළේය.
මේ වන විට බණ්ඩාරවෙල ප්‍රාදේශීය ‍ලේකම් කොට්ඨාසයේ නිවාස හා ගොඩනැගිලි 2600කට පමණ විවිධ ප්‍රමාණයේ හානි සිදුව ඇති බවත් මේ අතරින් නිවාස ගොඩනැගිලි  700කට හානි සිදුව ඇත්තේ ඉකුත් මාසයක පමණ කාලයක දී බවත් බණ්ඩාරවෙල ප්‍රාදේශීය ‍ලේකම් නිහාල් ගුණරත්න මහතා පැවැසීය.
බණ්ඩාරවෙල ලිං 2400 ,සහ දිය උල්පත් ඇල දිය දොලද සිඳි ගොස් ජනතාව උග්‍ර ජල හිගයකට මූණ පා ඇති අතර වගා බිම් සියල්ල පුරන් වී තිබේ.

සූලක්ෂ පියතිස්ස - බදුල්ල

නියමිත ස්ථානවලට අමතරව තැන තැන නතර කරන අන්තර් පළාත් බස් රථවල මාර්ග බලපත්‍ර ජූලි 1 දා සිට අවලංගු කරන ලෙස තමා ජාතික ගමනා ගමන කොමිසමට උපදෙස් දුන් බව ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා මහතා පැවැසීය.පසුගිය කාලය තුළ මෙවැනි ක්‍රියා පිළිබඳව මගී ජනතාව සහ පළාත් මාර්ගස්ථ මගී ප්‍රවාහන අධිකාරි පැමිණිලි කර ඇති අතර මෙම ක්‍රියා නැවැත්වීම සහ මගී ජනතාවට වන අපහසුතාවයන් තවදුරටත් වැළැක්වීම සඳහා මෙම තීරණය ගත් බව ඇමැතිවරයා පැවැසීය.
මෙවැනි බස් රථ හඳුනාගැනීම සඳහා ජාතික ගමනා ගමන කොමිසමේ විශේෂ පරීක්ෂක කණ්ඩායම් යෙදවීමටත්, එවැනි බස් රථ නිරන්තරයෙන් නතර කරන ස්ථාන හඳුනාගැනීමට සී.සී.ටී.වී. ආරක්ෂ කැමරා පද්ධති සවිකරන ලෙසටත් ඇමැතිවරයා ජාතික ගමනා ගමන කොමිසමට උපදෙස් දී තිබේ.එම ආරක්ෂක කැමරා පද්ධතිය සවිකිරීමට අවශ්‍ය මූල්‍ය ප්‍රතිපාදන ලබාගැනීම සඳහා කැබිනට් අනුමැතිය ලබාගැනීමට ඉදිරියේදී අපේක්ෂා කරන බවද ඇමැතිවරයා පැවැසීය.
මෙම නව වැඩපිළිවෙළ පිළිබඳව පෞද්ගලික බස් සංගම් දැනුවත් කරන ලෙසද නිමල් සිරිපාලද සිල්වා මහතා ජාතික ගමනා ගමන කොමිසමේ සභාපතිවරයාට දැනුම් දුන්නේය.

පානුක රාජපක්ෂ

ඩෙංගු රෝගීන් පිළිබඳව  දෛනිකව වාර්තාවක් සැකසීම සඳහා සෞඛ්‍ය සේවා අධ්‍යක්ෂ ජනරාල්වරයාගේ ප්‍රධානත්වයෙන් පංච පුද්ගල කමිටුවක් පත්කිරීමට සෞඛ්‍ය ඇමැති දොස්තර රාජිත සේනාරත්න මහතා පියවර ගෙන ඇත.
මෙම පංච පුද්ගල කමිටු වාර්තාව දිනපතාම සෞඛ්‍ය අමාත්‍යංශය වෙත භාරදීමට නියමිත බවත් එම කමිටුව සඳහා ළමා රෝග විශේෂඥ වෛද්‍ය ලක්කුමාර ප්‍රනාන්දු, කායික රෝග විශේෂඥ ආනන්ද විජේවික්‍රම, ඩෙංගු මර්දන ඒකකයේ විශේෂඥ වෛද්‍ය හසිත තිසේරා හා සෞඛ්‍ය අමාත්‍යංශයේ වෛද්‍ය උපුල් ගුණසේකර මහතාව ඇතුළත් කර ඇතැයි ඇමැතිවරයා සඳහන් කරයි.
මේ වන විට රට පුරා වාර්තා වන ඩෙංගු රෝගීන්ගේ සංඛ්‍යාව 63,983 දෙනෙකු වන අතර මියගිය සංඛ්‍යාව 200ක් පමණ වන බවද ඇමැතිවරයා අවධාරණය කරයි.
මේ තත්ත්වය ඉදිරියේදී තවත් ඉහළ යා හැකි බැවින් ඉදිරියේදී කසළ ඉවත් කිරීමේ කටයුතු සඳහා ත්‍රිවිධ හමුදාවේ සහය ලබා ගැනීමට කටයුතු කරන බව සෞඛ්‍ය ඇමැති දොස්තර රාජිත සේනාරත්න මහතා සඳහන් කරයි.පසුගියදා රට තුළ ප්‍රදේශ ගණනාවක ඇති වූ ආපදා තත්ත්වයත් සමග ඩෙංගු වසංගතය තවදුරටත් ඉහළ යා හැකි බැවින් කැළි කසළ ඉවත් කිරීමට ත්‍රිවිධ හමුදාව යොදා ගැනීමට තීරණය කළ බව ඇමැතිවරයා අවධාරණය කරයි.

ශ්‍රියානි විජේසිංහ
 

සුනාමි අනතුරු කල්තබා දැන ගතහැකි ගැඹුරු මුහුදු පත්ලට ස්ථාවරව සාගරයේ සවි කොට තිබූ සුනාමි දත්ත බෝයාවක්  පසුගිය වසරේ පෙබරවාරී 29 වනදා සිට දත්ත සැපයීම නතර කොට තිබේ. අන්දමන් දුපත් ආශ්‍රත ජාත්‍යන්තර මුහුදු කලාපයේ උතුරු අක්ෂාංශ 7.01 හා නැගෙනහිර දේශාංශ 88.07 ස්ථානයේ මෙම සාගර දත්ත බෝයාව පිහිටුවා ඇත.ඒ අනුව සුනාමි අනතුරු ඇගවීම සම්බන්දයෙන් විශිෂ්ට මෙහෙවරක් ඉටු කළ මෙම සාගර දත්ත බෝයාව පිළිබදව හෝ එහි කොටසක් පිළිබදව තොරතුරු දන්නේ නම් ඒ බව 0719353009 දුරකතන අංකය ඔස්සේ ජාතික ජලජ සම්පත් පර්යේෂණ සහ සංවර්ධන නියෝජිතායතනයේ (NARA)  සාගර විද්‍යාඥ අඛිල හරිස්චන්ද්‍ර මහතා වෙත දැනුම් දෙන මෙන් එහි සභාපති ආචාර්ය අනිල් ප්‍රේමරත්න මහතා පවසයි.

එලෙස එහි කොටස් නැවත සොයාගත හැකි වුවහොත් එය පෙර පරිද්දෙන්ම එම ස්ථානයේ ස්ථාපිත කළහැකි යැයිද සභාපතිවරයා වැඩිදුරටත් දන්වා සිටියි.

සහන් සංකල්ප සිල්වා

IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 3961

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 3705

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 6775

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 4184

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2609

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3416

Please publish modules in offcanvas position.

Web Analytics