Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

වත්මන් ආණ්ඩුවේ මහා පරිමාණ වංචා දූෂණ සම්බන්ධයෙන් තොරතුරු රැසක් මේ මස 17 වෙනිදායින් පසුව පාර්ලිමේන්තුවට ඉදිරිපත් කිරීමට සූදානමින් සිටින බව ජනතා විමුක්ති පෙරමුණේ පාර්ලිමේන්තු මන්ත්‍රී සුනිල් හඳුන්නෙත්ති මහතා පැවැසීය.
නොවැම්බර් මස 17 වැනිදා සිට දෙසැම්බර් 9 දා දක්වා අය-වැය කාරක සභා අවස්ථාවේ විවාදය පාර්ලිමේන්තුවේදී පැවැත්වෙන බවත් මේ කාලය තුළ අදාළ අමාත්‍යංශ රැසක මහා පරිමාණ දූෂණ වංචා ගැන සුවිශේෂී කරුණු රැසක් මේ අනුව ඉදිරිපත් කරන බවද ඒ මහතා කීය.
එම වංචා දූෂණ ගැන තොරතුරු සාක්ෂි සහ ලියකියවිලි රැසක් තිබෙන බවත් ඒ අනුව පාර්ලිමේන්තුවට ඉදිරිපත් කරන බවද ඒ මහතා වැඩිදුරටත් පැවැසීය.
 
පද්මිණී මාතරගේ

අපරාධ නිවාරණය සඳහා දිවයිනේ පිහිටි සියලුම ‍පොලිස් බල ප්‍රදේශයන් ආවරණය වන පරිදි සිදු කළ පැය හතරක විශේෂ මෙහෙයුමකදී සැකකරුවන් 1806 ක් අත්අඩංගුවට ගැනීමට හැකිවූ බව ‍පොලිස් මූලස්ථානය පවසයි.
‍පොලිස්පති පූජිත් ජයසුන්දර මහතාගේ නියෝග හා උපදෙස් මත ඉකුත් 10 දා රාත්‍රී 11 සිට පෙරේදා (11) අලුයම 3 දක්වා මෙම මෙහෙයුම සිදුකර තිබේ. මේ සඳහා ‍පොලිස් නිලධාරීන් 16362 ක් සහභාගි වී ඇත.
මෙහිදී විෂ මත්ද්‍රව්‍ය සහ නීති විරෝධී මත්පැන් වැටලීම් 948 ක් සිදුකර ඇති අතර රථවාහන නඩු 5744 ක් ලබාගෙන තිබේ. වරෙන්තුකරුවන් 758 ක්, අපරාධ සඳහා අවශ්‍ය කරන පුද්ගලයන් 86 ක්, සැකපිට පුද්ගලයන් 962 ක් හා නීති විරෝධී ගිනි අවි 3 ක් අත්අඩංගුවට ගෙන තිබේ.
අත්අඩංගුවට පත් සැකකරුවන් සඳහා අදාළ ‍පොලිස් ස්ථාන මගින් අවශ්‍ය නීතිමය කටයුතු සිදු කිරීමට පියවර ගෙන ඇති බවද ‍පොලිස් මූලස්ථානය වැඩිදුරටත් සඳහන් කර සිටියි.
 
ශානිකා මාධවී පීරිස්/සේන මැද්දේ‍පොල - මොනරාගල/ප්‍රදීප් කුමාර - අරණායක

සයිටම් ආයතනය අහෝසි කිරීම සම්බන්ධයෙන් ප්‍රවෘත්ති අධ්‍යක්ෂ ජනරාල්වරයාගේ අත්සනින් යුතුව පසුගියදා නිකුත් වූ රජයේ ස්ථාවරය  වහාම නීතිපතිවරයා මගින් උසාවියට ඉදිරිපත් කරන බවට ජනාධිපති මෛත්‍රීපාල සිරිසේන මහතා සහ හර්ෂ ද සිල්වා නියෝජ්‍ය ඇමැතිවරයා ‍පොරොන්දු වූ බවත් ඒ පරිද්දෙන්ම උසාවියට කරුණු ඉදිරිපත් නොකරන්නේ නම් ඒ පිළිබඳව කළ යුත්තේ කුමක්ද යන්න හෙට (14) පැවැත්වෙන විධායක සභාව තීරණය කරනු ඇතැයි රජයේ වෛද්‍ය නිලධාරීන්ගේ සංගමයේ ‍ලේකම් වෛද්‍ය හරිත අලුත්ගේ මහතා සඳහන් කළේය. 
සයිටම් ආයතනයේ අධ්‍යාපනය ලැබූ සිසුවියක් තමා සයිටම් ආයතනයෙන් උපාධියක් ලබා ඇති බැවින් ශ්‍රී ලංකා වෛද්‍ය සභාවේ ලියා පදිංචිය ලබා දෙන්නැයි අභියාචනාධිකරණයෙන් කරන ලද ඉල්ලීමට අනුව අභියාචනාධිකරණය ශ්‍රී ලංකා වෛද්‍ය සභාවට නියෝග කරන ලද්දේ එම ලියාපදිංචිය ලබා දෙන ලෙසය. 
එසේ අභියාචනාධිකරණ නියෝගය පිළිගත නොහැකි බව අඟවමින් ශ්‍රී ලංකා වෛද්‍ය සභාව ශ්‍රේෂ්ඨාධිකරණයට ඇපෑලැක් ඉදිරිපත් කර තිබේ. මෙසේ ඉදිරිපත් කළ ඇපෑල විභාගයට ගැනීම අද (13) දිනයේදී සිදුවන වනු  ඇත.  
මෙම ඇපෑල විභාග කිරීමේදී සයිටම් ආයතනය සම්බන්ධයෙන් රජය ලබා දී  තිබෙන ස්ථාවරය නීතිපතිවරයා මගින් උසාවියට ඉදිරිපත් කරන්නැයි තම සංගමය  ජනාධිපතිවරයාගෙන් සහ නියෝජ්‍ය ඇමැති හර්ෂ ද සිල්වා මහතාගෙන් කළ ඉල්ලීම්වලදී එයට යහපත් ප්‍රතිචාරයක් ඔවුන් ලබා දුන් බව වෛද්‍ය හරිත අලුත්ගේ මහතා සඳහන් කළේය. 
කෙසේ නමුත් ඔවුන් ලබා දුන් යහපත් ප්‍රතිචාරයන් ඒ අයුරින්ම නීතිපතිවරයා මගින් උසාවියට ඉදිරිපත් වන්නේද යන්න පිළිබඳව තම සංගමය දැඩි විමසිල්ලෙන් පසුවන බවද  හෙතෙම කීය. 
 
ශ්‍රියාණි විජේසිංහ 

මෙරට සෑම පුරවැසියෙක්ම 2018  දී  රුපියල් ලක්ෂයක ඒක පුද්ගල ණයකරුවෙක් වී ඇති බව මහ නගර සභබස්නාහිර සංවර්ධන ඇමැති පඨලී චම්පික රණවක මහතා පාර්ලිමේන්තුවේදී ඊයේ (11) ප්‍රකාශ  කළේය
පුරවැසියන් ණය වන මෙම ලක්ෂ දෙකක මුදලින් සෑම ලක්ෂයකටමරු.84000ක මුදලක් ගිය ආණ්ඩුව විසින් ලබාගත් ණය වෙනුවෙන් ගෙවිය  යුතුව ඇතැයිද ඇමැතිවරයා සඳහන් කළේය.
අයවැය දෙවනවර කියවීමේ විවාදය ආරම්භ  කරමින් ඇමැතිවරයා මේ බව ප්‍රකාශ කළේය.
පුරවැසියන් ණය වන මෙම ලක්ෂ දෙකක මුදලින් සෑම ලක්ෂයකටමරු.84000ක මුදලක් ගිය ආණ්ඩුව විසින් ලබාගත් ණය වෙනුවෙන් ගෙවිය  යුතුව ඇතැයිද ඇමැතිවරයා සඳහන් කළේය.
අයවැය දෙවනවර කියවීමේ විවාදය ආරම්භ  කරමින් ඇමැතිවරයා මේ බව ප්‍රකාශ කළේය.
රුපියල් බිලියන 1970ක මුදලක් 2018 වසරේදී ණය ගෙවීමට ඇති අතර 2019 දී සහ 2020 දී විශාල වශයෙන් ණය ගෙවීමට සිදුවන වසරක් බවද අමාත්‍යවරයා වැඩිදුරටත් කිවේය. මූලික ණය කොටස් සඳහා රුපියල් බිලියන 1150ක්ද ‍පොලිය ලෙස රුපියල් බිලියන 820ක්ද ලෙස සියල්ල රුපියල් බිලියන 1970ක මුදලක් 2018 වසරේදී ගෙවීමට  සිදුවන බවද ඒ මහතා පෙන්වා දුන්නේය.
එය ශ්‍රී ලංකාවේ ජනගහනයෙන් බෙදූ පසු සෑම පුරවැසියෙක්ම රුපියල් ලක්ෂයකට ආසන්න මුදලක් ණයකරුවෙක් වෙනවා. මේ ණයවලින් රුපියල් 84000ක්ම රාජපක්ෂ පාලනය විසින් ලබා ගත්තු ණය යැයිද ඇමැතිවරයා සඳහන් කළේය.
 
ලසන්ත වීරකුලසූරිය, පැතුම් වික්‍රමරත්න

මධ්‍යම සංස්කෘතික අරමුදල මගින්, ජේතවන ෙචෙත්‍යයේ  සලපතල මළුවේ නිරිත දිග කොටස තුළ ඇති සංකේත හා ශිලා ලිපි පිටපත් කිරීම ආරම්භ කර තිබේ. 
අක්කර හතක වපරිසයකින් යුතු, දිගින් අඩි 576ක් වූ දාගැබ් මළුවකින්  සමන්විත ජේතවන විහාර සංකීර්ණයේ වැදගත්ම නිර්මාණය ලෙස සැලකෙන්නේ ජේතවන දාගැබය. එය ලොව විශාලතම ගඩොල් නිර්මාණය ලෙසද සැලකෙයි. 
මෙහි සලපතල මළුවේ නිරිතදිග කොටසේ ශිලා පුවරුවල සඳහන් සංකේත හා ශිලා ලිපි පිළිබඳ අධ්‍යයනයක් මේ මගින් සිදුකිරීමට නියමිත අතර ඒ තුළින් අතීතය පිළිබඳව අනාගත පරපුරට දායාද කළ හැකි වෙතැයි අධ්‍යාපන අමාත්‍යාංශය පවසයි. 
මෙලෙස පිටපත් කරන ලද සංකේත හා  ශිලා ලිපි පිළිබඳව මේ වන තෙක් විධිමත් අධ්‍යයනයක් කර නැති බැවින් ඒ සම්බන්ධව විශේෂඥ පරීක්ෂණයක් කිරීමටද අමාත්‍යාංශය සැලසුම් කර ඇත. 
 
ගයාත්‍රි ගීගනආරච්චි 

ඉදිරි පළාත්පාලන මැතිවරණයට දෙකට බෙදී තරග කිරීමට සූදානමින් සිටින දෙමළ ජාතික සන්ධානයේ නායකයන් සමගි කිරීමේ විශේෂ සාකච්ඡාවක් මන්නාරම රදගුරු නිවසේදී ඊයේ (11) පවත්වා තිබේ.
මන්නාරමේ රයාප්පු ජෝෂප් රදගරුතුමා විසින් මෙම රැස්වීම කැඳවා ඇති අතර නමුත් අසනීප තත්ත්වයක් හේතුවෙන් එතුමන් මෙම සාකච්ඡාවට සහභාගි වී නොමැත. රදගුරුතුමා වෙනුවට මන්නාරම දිසාව භාර කිංස්ලි ස්වාමි පිල්‍ලේ පියතුමා මෙම සාකච්ඡාව මෙහෙයවා ඇත. දෙමළ ජාතික සන්ධානයේ නායක ආර්. සම්බන්ධන් ඇතුළු පක්ෂයේ නායකයන් මේ සඳහා සහභාගි වී තිබේ.
දෙමළ ජාතික සංවිධානයෙන් මේ වන විට ඉවත් වී ඇති ඊ.පී.ආර්.එල්.එෆ්. පක්ෂයේ නියෝජිතයන් කිසිවකුත් මෙම සාකච්ඡාවට සහභාගි වී නොමැත.
කෙසේ වෙතත් ඉදිරි පළාත් පාලන මැතිවරණය සඳහා දෙමළ ජාතික සන්ධානය තනි පක්ෂයක් ලෙස තරග කළ යුතු බව කිංස්ලි ස්වාමි පිල්‍ලේ පියතුමා මෙහිදී දෙමළ ජාතික සන්ධානයේ පක්ෂ නායකයන් වෙත අවධාරණය කර ඇත.
මේ අතර ඉලංගෙයි තමිල් අරසුකච්චි පක්ෂයේ විශේෂ මධ්‍යම කාරක සභා සාකච්ඡාවක් වවුනියාව හෝටලයකදී අද (12) පැවැත්වුණි. දෙමළ ජාතික සන්ධානයේ නායක ආර්. සම්බන්ධන් හා ඉලංගෙයි තමිල් අරසුකච්චි පක්ෂයේ නායක මාවෙයි සේනාධිරාජා යන මහත්වරුන්ගේ ප්‍රධානත්වයෙන් මෙම සාකච්ඡාව පැවැත්විණි.
දෙමළ ජාතික සන්ධානය තුළ ඇතිවී ඇති අර්බුදය මෙන්ම ඉලංගෙයි තමිල් අරසුකච්චි පක්ෂයේ ඉදිරි දේශපාලන කටයුතු පිළිබඳව මෙහිදී සාකච්ඡා කර තිබේ.
 
පානුක රාජපක්ෂ

වායු සමනය කළ අර්ධ සුඛෝපභෝගී බස් රථයකින් ගෙන යමින් තිබූ රුපියල් කෝටි හතර හමාරකට ආසන්න වටිනාකමකින් යුත් කේරළ ගංජා කිලෝ 100ක් සමග පුද්ගලයින් දෙදෙනක් අද (12) උදෑසන කනගරායකුලම් ‍පොලීසිය මගින් අත්අඩංගුවට ගෙන තිබේ.
උතුරු පළාතෙන් මෑතකදී අත්අඩංගුවට පත් විශාලම මත්ද්‍රව්‍ය තොගය මෙය බව ‍පොලීසිය පවසයි.
‍පොලිස් අත්අඩංගුවට පත්ව ඇත්තේ මන්නාරම පදිංචි වයස අවුරුදු 38 හා 37 වියේ පසු වන පුද්ගලයින් දෙදෙනකි.
මෙම බස් රථයේ හිමිකරු විදේශ ගතව සිටින අතර අත්අඩංගුවට පත් පුද්ගලයින් දෙදෙනා විසින් මෙම බස් රථය සංචාරකයින් ප්‍රවාහනය හා විනෝද චාරිකා සඳහා යොදවා ඇති අතර එයට මුවා වී මෙම මත්ද්‍රව්‍ය ප්‍රවාහනය කර තිබෙන බව ‍පොලීසිය පවසයි.
රෝසා වර්ගයට අයත් මෙම බස් රථය තුළ කේරළ ගංජා ඇති බවට කනගරායකුලම් ‍පොලිස් ස්ථානාධිපති ප්‍රධාන ‍පොලිස් පරීක්ෂක චමින්ද්‍ර පින්තු මහතාට තොරතුරක් ලැබි තිබේ.
ඒ අනුව උතුරු පළාත් ‍‍‍ජ්‍යෙෂ්ඨ නියෝජ්‍ය ‍පොලිස්පති කේ.ඊ.ආර්.එල්.ප්‍රනාන්දු , වව්නියාව දිසාව භාර නියෝජ්‍ය ‍පොලිස්පති ටී.එම්.ඩබ්ලිව්.ඩී. තෙන්නකෝන්, වව්නියාව කොට්ඨාස භාර ‍පොලිස් අධිකාරී ටී.එම්.එස්.එම්.තෙන්නකෝන්, සහකාර ‍පොලිස් අධිකාරි ඩබ්ලිව්.ඩී.එම්.පීි. වෙල්ගම යන මහත්වරුන් දැනුවත් කර ඔවුන්ගේ අධීක්ෂණය යටතේ කනගරායකුලම් ‍පොලිස් ස්ථානාධිපති ප්‍රධාන ‍පොලිස් පරීක්ෂක චමින්ද්‍ර පින්තු මහතා ඇතුළු ‍පොලිස් නිලධාරීන් කණ්ඩායමක් විසින් යාපනය- මහනුවර මාර්ගයේ ධාවනය වෙමින් තිබූ මෙම බස් රථය නවතා පරීක්ෂාවට ලක් කර තිබේ.  
එහිදී බස් රථයේ අසුන් යට කිලෝ දෙක වශයෙන් පැකට් කළ කේරළ ගංජා පැකට් 50ක් ඉතා සූක්්ෂම ලෙස අසුරා තිබියදී ‍පොලීසියට සොයා ගැනීමට හැකිව තිබේ. පැකට් කර තිබූ අයුරින් ඒවා මෙරටදී පැකට් කළ ඒවා නොවන බව ‍පොලීසිය පවසයි.

පොලිස් අණ නොතකා ධාවනය කළ කුඩා ලොරියකට ‍පොලිස් නිලධාරියකු කළ වෙඩි තැබිමෙන් ලොරියේ ගමන් ගත් 19 හැවිරිදි තරුණයකු ඉකුත් 10 දින රාත්‍රී අම්බලන්තොට හබරත්තවෙල ප්‍රදේශයේදී මියගොස් ඇතැයි අම්බලන්තොට ‍පොලීසිය පවසයි. 
මියගොස් ඇත්තේ අලවත්තගේ මිලාන් සදීප් හෙවත් කෑවා යන නමින් හඳුන්වනු ලැබූ 19 වැනි වියේ පසු වූ තරුණයකු බව ‍පොලීසිය කියයි. ඔහු කොග්ගල්ල වරාගොඩ ප්‍රදේශයේ පදිංචිකරුවෙකි. වෙඩි වැදී මියගිය මිලාන් සදීප් මීට පෙර අවස්ථා ගණනාවකදී විවිධ වැරදි සම්බන්ධයෙන් ‍පොලිස් අත්අඩංගුවට පත්ව සිටි අයෙකි.
‍පොලිස්පති පූජිත් ජයසුන්දර මහතාගේ නියෝගය පරිදි ඉකුත් 10 වැනි දින හදිසි සෝදිසි කිරීම් රැසක් අම්බලන්තොට ‍පොලිස් බල ප්‍රදේශය තුළ සිදුකොට තිබේ. කොක්ගල්ල හබරත්තවෙල මාර්ගයේ සෝදිසි මෙහෙයුමේ යෙදී ඇති ‍පොලිස් නිලධාරීන්ට  හිස් වැසුම් රහිතව ගමන් කරනු ලැබූ යතුරුපැදිකරුවෙකු මුණ ගැසී ඇති අතර නවතින ලෙසට ‍පොලීසිය කරන ලද සංඥාව නොතකා යතුරුපැදිකරු පලාගොස් තිබේ. ඒ සමගම කුඩා ලොරි රථයක් පැමිණි බව සඳහන් කරන ‍පොලීසිය ලොරි රථයටද නවත්වන ලෙස සංඥා කළ බව පවසයි. ‍පොලිස් අණ නොතකා ලොරිය පලා ගිය බවත් ලොරි රථයේ සිටි කෙනෙකු ‍පොලීසියට වෙඩි තැබූ බවත් ‍පොලීසිය පවසයි. අනතුරුව ‍පොලීසියද වෙඩි තබා තිබේ.
තංගල්ල කොට්ඨාස ‍‍‍ජ්‍යෙෂ්ඨ ‍පොලිස් අධිකාරී ලක්සිරි ගීතාල් මහතා පැවැසුවේ පුද්ගල මළ සිරුරක් හබරත්තවෙල ප්‍රදේශයේ තිබෙන බවට ලැබුණු තොරතුරකට අනුව ‍පොලීසිය පරීක්ෂණ කළ බවත් මියගොස් සිටි අය පෙරේදා රාත්‍රී ‍පොලීසියට තබන ලද වෙඩි පහරට ලක්වූ පුද්ගලයා බවට සැක කරන බවත්ය.
‍පොලීසිය කරන ලද පරීක්ෂණයෙන් අනතුරුව පාරේ කෙසෙල් කැන් කිහිපයක් වැටී තිබුණු බවත් කෙසෙල් කැන් අතර හිස් පතොරම් කොපු 2ක් තිබුණු බවද ‍පොලිස් අධිකාරීවරයා පවසයි.
වැඩිදුරටත් කරනු ලැබූ පරීක්ෂණවලින් අනතුරුව අතහැර දමා ගිය ලොරිය හා තැන තැන වැටී තිබූ කෙසෙල් කැන් තොගයක් ‍පොලීසිය විසින් සොයාගෙන ඇත.
පෙරේදා (11) දහවල් පුද්ගලයන් දෙදෙනකු නීතිඥයකු මාර්ගයෙන් අම්බලන්තොට ‍පොලීසියට භාරවී ඇති අතර ඔවුන් පවසා ඇත්තේ වෙඩි වැදුණු පුද්ගලයා මහමග දමා තමන් පලාගිය බවයි. මියගිය පුද්ගලයා සමග ‍පොලීසියට භාර වූ පුද්ගලයන් දෙදෙනා හොරාට කෙසෙල් කැන් කපා රැගෙන යමින් සිටියදී මෙම සිද්ධියට මුහුණ පා ඇති බවට ‍පොලීසිය සැකකරයි. සිද්ධියට අදාළ ලොරිය ‍පොලිස් භාරයට ගෙන ඇති අතර වැඩිදුර විමර්ශන තංගල්ල ‍‍‍ජ්‍යෙෂ්ඨ ‍පොලිස් අධිකාරීවරයාගේ මෙහෙයවීම මත සිදුකරනු ලබයි.
 
තංගල්ල - චන්ද්‍රසේන ගමගේ

දුම්රිය තුළ සංචාරක වෙළදාම සම්පුර්ණයෙන් තහනම් කිරීම කෙරෙහි තම අවධානය යොමු වී ඇති බවත් එසේ දුම්රිය තුළ සංචාරක වෙළදාමේ යෙදෙන්නවුන්ට එරෙහිව නීතිය දැඩිව ක්‍රියාත්මක කරන බවත් ප්‍රවාහන හා සිවිල් ගුවන්සේවා අමාත්‍ය නිමල් සිරිපාලද සිල්වා මහතාගේ උපදෙස් පරිදි මෙම තීරණයට එළඹි බවත් දුම්රිය සාමාන්‍යාධිකාරී එස්.එම්. අබේවික්‍රම මහතා ප්‍රකාශ කරයි.

මෙහිදී වැඩි දුරටත් අදහස් පළකරමින් ඔහු ප්‍රකාශ කරනුයේ දුම්රිය මගීන්ට සිදුවන අපහසුතා අවහිරතා සහ අනිසි බලපෑම් පිටු දැකීම සම්බන්ධයෙන් මගීන්ගේ පැමිණිලි පදනම් කර ගනිමින් මෙම පියවර  ගත් බවයි.

දුම්රිය තුළ සිදු කෙරෙන ගැට කැපීම්, සොරකම් සහ වෙනත් වංචනික ක්‍රියා සම්බන්ධයෙන් මෙම සංචාරක වෙළදුන්ගේද යම් සබඳතාවයක් ඇති බව මගීන් නෙයෙක් වර පෙන්වා දී ඇති බව සාමාන්‍යාධිකාරී වරයා කියයි. විශේෂයෙන් දුර ගමන් සේවා දුම්රිය වලදී මෙම වෙළඳාම් සහ සොරකම් එකම ජාලයක ක්‍රියාවන් සේ පැවැති අවස්ථා පිළිබඳවද තොරතුරු වාර්තා වී ඇතැයි පවසන සාමාන්‍යාධිකාරී වරයා දුර ගමන් සේවා  මගීන් හට මෙම සංචාරක වෙළදුන් ගෙන් සිදු වූ වංචනික ක්‍රියා සහ තර්ජනාත්මක බලපෑම් පිළිබඳවද පැමිණිලි ලැබී ඇතැයි කියයි.

එම නිසාම දුම්රිය මගීන් සහ සංචාරක වෙළඳුන් අතර දුම්රිය තුළ ඇතිවූ ගැටුම් සම්බන්ධයෙන් ද මගින් පැමිණිලි කොට ඇතැයි ද සාමාන්‍යාධිකාරීවරයා කියයි.

එමෙන්ම මෙම සංචාරක වෙළදුන් වලංගු ටිකට් පතක් නොමැතිව දුම්රියේ ගමන් කිරීම සාමාන්‍ය තත්වක් යැයි කී සාමාන්‍යාධීකාරී වරයා ඔවුන් අලෙවි කරන ආහාර පාන වල සෞඛ්‍යරක්ෂිත බව හා ප්‍රමිතය පිළිබඳවද ගැටළු රැසක් පැන නැගී ඇතැයි කීය.

එමෙන්ම දුම්රිය දෙපාර්තමේන්තුව මගින් ටෙන්ඩර් කැදවා පවත්වාගෙන යන නිත්‍යානුකූල දුම්රිය භෝජනාගාර සේවාවේ අලෙවි කටයුතු වලට මෙමගින් පහරක් එල්ලවී ඇති බවත් එම භෝජනාගාර පවත්වාගෙන යන්නවුන් තමන් වෙත පැමිණිළි කොට අතැයි පැවසූ සාමාන්‍යාධිකාරී වරයා එම දුම්රිය භෝජනාගාර වල ආහාරපාන වල ප්‍රමිතිය, සෞඛ්‍යරක්ෂිත බව සහ මිල ගණන් පිළිබඳව තමන් වෙත පැමිණිල කළ හැකි බව ද කීය.

'දිවිනැගුම වැඩ සටහන යටතේ සංචාරක වෙළදාමේ යෙදෙන සුළු පිරිසකට දුම්රිය තුළ වෙළදාම් කිරීම පසුගිය කාලයේ අවස්ථාව ලබා දුන් නමුත් එය ද මේ වන විට අසාර්ථක වී ඇති බැවින් දුම්රිය තුළ සංචාරක වෙළඳාම මුළුමනින් තහනම් කළ බව පැවසීය.

කෙසේ හෝ මෙමගින් මෙතෙක් දිවි රැකගත්තවුන්ට සළසන සහනයක් ලෙස දිවයිනේ ප්‍රධාන දුම්රිය ස්ථානවල හැරුණු කොට සෙසු දුම්රිය වේදිකාවල සංචාරක වෙළදාම් කටයුතු කිරීමේ යම් අවසරයක් දී ඇති බවද සාමාන්‍යාධිකාරී වරයා පැවසීය.

එස්.ටී.පී.සිල්වා

උද්ගත වූ පෙට්‍රල් අර්බුදයට හේතුව විමර්ශනය කිරීම සඳහා පත් කරන ලද කැබිනට් අනු කමිටු වාර්තාව ලබන අඟහරුවාදා (14) කැබිනට් මණ්ඩලයට භාරදීමට නියමිතය.

ආචාර්ය සරත් අමුණුගම සභාපතිත්වය දරන මෙම කමිටුව අනුර ප්‍රියදර්ශන යාප සහ පාඨලී චමිපික රණවක යන ඇමැති වරුන්ගෙන් යුක්තය.

මෙම වාර්තාවට එම පෙට්‍රල් අර්බුදයට හේතුව සේම එය විසදීම සඳහා ගත යුතු කෙටි කාලීන සහ දිගු කාලීන ක්‍රියා මාර්ග ඇතුළත් වනු ඇත.

දමයන්ති ගමගේ

මිනිසුන්ගේ කසිප්පු පානය නතර කිරීමට බීර මිල අඩු කිරීම සාර්ථක පියවරක් නොවන බවත් එසේ නම් අඩු කළ යුත්තේ ගල් අරක්කු බෝතලයක මිල බවත් කම්කරු හා වෘත්තීය සබදතා අමාත්‍ය ඩබ්ලිව්.ඩී.ජේ.සෙනවිරත්න මහතා ඊයේ පාර්ලිමේන්තුවේදී මුදල් අමාත්‍යවරයා කියා සිටියේය.

ඔහු වැඩිදුරටත් පෙන්වා දෙන්නේ එදිනෙදා කම්කරු වැඩ කරන්නවුන්, පතල් වැඩ කරන්නවුන්, වතු කම්කරුවන් සවසට මත්පැන් බීම ඔවුන්ගේ දෛනික ක්‍රියාකාර කමක් බවත් එහිදී ඔවුන් කසිප්පු ඇතුළු විෂ මත්පැන් පානයට යොමු වී ඇත්තේ ගල් අරක්කු මිල විශාල ලෙස ඉහළ ගොස් ඇති නිසා බවත්ය.

එමෙන්ම බීර කෑනයක බදු අඩු කිරීමෙන් මේ සඳහා සාධාරණ විසඳුමක් නොවන බව පෙන්වා දුන් අමාත්‍යවරයා මුදල් අමාත්‍යවරයාගෙන් මෙසේද ඉල්ලා සිටියේය.

'මම ඔබතුමාගෙන් ඉල්ලා සිටිනවා දුප්පත් මිනිහාගේ ගල් අරක්කු බෝතලයේ බදු අඩු කරලා ජනතාවට සහනයක් දෙන්න කියලා. ඔබ තුමාට කැමති නම් විස්කි බ්‍රැන්ඩි වල බදු තව වැඩි කළත් කමක් නෑ'.

ඒ.ජී.රේණුකා

IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 1833

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 2162

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 4969

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 2962

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 1720

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 2598

Please publish modules in offcanvas position.

Web Analytics