Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

වෙරළ තීරයේ අත්හැර දමා ඇති භාවිතයට නොගන්නා ධීවර බෝට්ටු, ඔරු හා වෙනත් ජලය එක්රැස් විය හැකි උපකරණ විනාශ කිරීමට කටයුතු කරන ලෙස ධීවර හා ජලජ සම්පත් සංවර්ධන අමාත්‍යාංශය  තීරණය කර තිබේ.
ඒ අනුව මුහුදු තීරයේ ඇති ජලය එක්රැස්වන භාවිතයට ගත නොහැකි සියලු ධීවර උපකරණ විනාශ කරන ලෙස ධීවර හා ජලජ සම්පත් සංවර්ධන අමාත්‍ය මහින්ද අමරවීර මහතා ධීවර අධ්‍යක්ෂ ජනරාල් ක්‍රිස්ටිලාල් ප්‍රනාන්දු මහතාට උපදෙස් දී තිබේ.
නිරිතදිග මෝසම් සක්‍රිය වී ඇති බැවින් කඩින් කඩ ඇතිවන මද වැසි මෙන්ම අව්වද ඩෙංගු රෝගය හිස එසැවීමට ඉවහල් වී ඇත. එමෙන්ම වෙරළ තීරයේ අතහැර දමා ඇති ධීවර යාත්‍රා,ඔරු හා ජලය එක්රැස් විය හැකි උපකරණ ඩෙංගු කීටයන් බහුල මදුරු ආකර බවට පත් වී ඇති බව ඇමැතිවරයා සඳහන් කළේය.
එම නිසා භාවිතයට නොගන්නා මෙම ධීවර උපකරණ විනාශ කර දමන ලෙස තමා උපදෙස් දුන් බව ඇමැතිවරයා වැඩිදුරටත් පැවැසීය.
 
කමණී හෙට්ටිආරච්චි

ගිරිබාව අධ්‍යාපන කොට්ඨාසයට අයත් ගිරිබාව ප්‍රාථමික විද්‍යාලය තුළට පැමිණි පුද්ගලයකු පිහියක් පෙන්වා එම විද්‍යාලයේ එක ශ්‍රේණියේ උගන්වමින් සිටි ගුරුවරියකගේ ගෙල බැඳි රන් මාලය සහ මුදු දෙකක් රැගෙන පලා ගොස් ඇතැයි ගිරිබාව ‍පොලීසිය පවසයි.
අද (16) දින මධ්‍යහ්න 12.30 ට පමණ මුහුණු ආවරණ සහිත හෙල්මටයක් සහ ජැකට්ටුවක් පැළඳ පැමිණි මෙම පුද්ගලයා විසින් පාස‍ලේ එක ශ්‍රේණියට කඩා වැදී එහි උගන්වමින් සිටි ගුරුවරියට පිහියක් පෙන්වා බියවද්දා ඇයගේ රන් මාලය සහ මුදු දෙක ගලවා ගෙන ඇත. මෙම සිදුවීමෙන් එම ශ්‍රේණියේ ඉගෙනුම ලබමින් සිටි සිසුන් බියපත්වී කෑ ගසා ඇති අතර එම ශබ්දය ඇසීමෙන් එම ස්ථානයට පැමිණි වෙනත් පන්තියක ගුරුවරියකගේද ගෙලට පිහිය තබමින් බියකර යතුරු පැදියක නැගී පලා ගොස් ඇතැයි ‍පොලීසිය කරන ලද පරීක්ෂණවලදී අනාවරණය වී ඇත.
රන් මාලය සහ මුදු සොරා ගත් පුද්ගලයා ගිරිබාව ප්‍රාථමික විද්‍යාලයට පැමිණීමට පෙර ගිරිබාව කොට්ඨාස අධ්‍යාපන කාර්යාලය අසලද පැය දෙකක පමණ කාලයක් රැඳී සිටි බව හෙළිවී ඇති අතර මෙම සිද්ධිය සම්බන්ධයෙන් ගිරිබාව ‍පොලීසියේ ස්ථානාධිපති කේ. වී. සී. දීපාල් මහතාගේ උපදෙස් මත ගිරිබාව ‍පොලීසියේ නිලධාරීන් සහ නිකවැරටිය ස්ථානීය පරීක්ෂණ (සොකෝ) නිලධාරීන් විසින් වැඩිදුර පරීක්ෂණ කටයුතු සිදු කරනු ලබයි.
 
ශෂිකා දර්ශනී - හෙට්ටි‍පොළ

වනජීවී සංවර්ධන දෙපාර්තමේන්තුවේ අධ්‍යක්ෂ ජනරාල් තනතුර ඇතුළු ඉහළ කළමණාකාරීත්වයේ නිලධාරීන් 33කගේ පුරප්පාඩු පවතින බව විගණකාධිපති දෙපාර්තමේන්තුව සඳහන් කරයි.
වනජීවී දෙපාර්තමේන්තුවේ විද්‍යාත්මක සේවකයන් 27කගේ ද අනෙකුත් සේවාවල නිළධාරීන් 06කගේද පුරප්පාඩු පවතින බව විගණනයේදී නිරීක්ෂණය වී ඇතැයි විගණකාධිපති දෙපාර්තමේන්තුව වනජීවී අධ්‍යක්ෂ ජනරාල්වරයාට නිකුත් කළ ලිපියක සඳහන් වේ.
ඒ අනුව අධ්‍යක්ෂ ජනරාල් තනතුර 2016 ජුනි මාසයේ සිට පුරප්පාඩු වී ඇති අතර ඒ සඳහා වැඩ බැලීමට නිළධාරියෙකු පත් කර ඇත. ආයතන සහයට අනුව වැඩබැලීමේ තනතුරක් පත් කළ යුත්තේ නිත්‍ය පත් කිරීමක් කරන තෙක් තාවකාලික ප්‍රතිකර්මයක් ලෙස වුවද පූර්ණ නිලධාරියෙකුගේ සේවය අවශ්‍ය නම් නිත්‍ය පත් කිම නොපමාව කළ යුතු බව විගණන වාර්තාවේ සඳහන් වේ.
විද්‍යාත්මක සේවයේ නිලධාරීන් 33කගේ සේවය හයදෙනෙකුගෙන් ඉටු කර ගත යුතු නිසා එක් නිලධාරියෙකුට තනතුරු කිහිපයක රාජකාරි කිරීමට සිදුවී ඇත. ඒ නිසා කාර්යක්ෂමතාවට හානියක් සිදුවී ඇති බව ද එහි සඳහන් වේ.  කළමනාකරණ සේවා දෙපාර්තමේන්තුව විසින් අනුමත සේවක මණ්ඩල වාර්තාව අනුව ශ්‍රී ලංකා විද්‍යාත්මක සේවයේ සහකාර අධ්‍යක්ෂ හා නියෝජ්‍ය අධ්‍යක්ෂ තනතුරු තිහක් ස්ථාපිත කර ඇති අතර එම තනතුරු සම්පූර්ණ කර නොතිබිම නිසා එම රාජකාරි ඉටු කිරීමට 2006 වසරේ සිට අඩවි ආරක්ෂක නිලධාරීන් 18 දෙනෙකු එම තනතුරුවල රාජකාරි ඉටු කිරීමට පත් කර ඇත. 
 
කමණී හෙට්ටිආරච්චි

දක්ෂිණ හා කටුනායක අධිවේගී මාර්ගයේ මේ වසරේ ජනවාරි 01 දා සිට මැයි 15 දක්වා කාලය තුළ නීති කැඩූ රථවාහන රියදුරන් 19837 ක් අත්අඩංගුවට ගෙන තිබෙන බව ‍පොලිස් මූලස්ථානය සඳහන් කරයි.
මේ අතර ජනවාරි 01 දා සිට අප්‍රේල් 30 දා දක්වා කාලය තුළ දඩ පත්‍රිකා නිකුත් කිරීමෙන් හා රථවාහන වැරදි සඳහා අධිකරණයට ඉදිරිපත් කිරීමෙන් දඩ මුදල් ලෙස රුපියල් 99,199,30 ක් රජයට අය කරගෙන ඇත.
මින් වැඩි වශයෙන් සිදුවී ඇති වරද වන්නේ, අධික වේගයෙන් රිය පැදවීමයි. එම වැරදි සංඛ්‍යාව 7127 කි. බිමත්ව රිය පැදවීම් 21 ක් ද අපරික්ෂාකාරී හා අන්තරාදායක ලෙස රිය පැදවීම් 03 ක්ද, නොසැලකිලිමත් ලෙස රිය පැදවීම් 04 ක්ද, මාර්ග නීති උල්ලංඝනය කිරීම් 2189 ක්ද වමෙන් නොපැදවීම 197 ක්ද වශයෙන් මෙම නඩු පවරා ඇත.
සුදු ඉර කපා ධාවනය වීම් 57 ක්ද, සංඥා පුවරුවට විරුද්ධව ධාවනය වීම් 180 ක්ද, ධාවනයට නුසුදුසු තත්ත්වයේ වාහන 09 ක්ද, අධික කළු දුම සහිත ධාවනය 16 ක්ද, ජංගම දුරකතනයෙන් කතා කරමින් ධාවනය කිරීම් 346 ක්ද, ආසන පටි නොපැළඳ ධාවනය කිරීම් 24 ක්ද වශයෙන් නඩු පවරා තිබේ.
ඉෂ්ඨ රූප අමතර පහන් සහිතව ධාවනය 85 ක්ද, අඳුරු වීදුරු සහිතව ධාවනය 1378 ක්ද, රියදුරු බලපත් රහිතව ධාවනය 108 ක්ද, ආදායම් බලපත්‍රය හා රක්ෂණ සහතිකය නොමැතිව ධාවනය 819 ක්ද, අධික ශබ්ද හා අනවශ්‍ය ලෙස නලාව ශබ්ද කිරීම 03 ක්ද, වාහන නැවැත්වීම හා නවතා තැබිම 244 ක්ද, පහන් සම්බන්ධ වැරදි 4007 ක් සහ වෙනත් නීති උල්ලංඝනය කිරීම් 2870 ක් සඳහා මෙලෙස නඩු පවරා ඇත.
 
කමණී හෙට්ටිආරච්චි

රජය ප්‍රකාශයට පත්කර ඇති ජාතික රණවිරු සැමරුම් දින මහෝස්සවයට සමගාමීව පළාත් මට්ටමින් පවත්වන රණවිරු අනුස්මරණ උත්සසව මාලාවේ දකුණු පළාත් සැමරුම් උස්සවය අද (16)  පෙරවරු 10.00ට දකුණු පළාත් ආණ්ඩුකාර ආචාර්ය හේමකුමාර නානායක්කාර මහතාගේ  සහා දකුණු පළාත් ප්‍රධාන අමාත්‍ය ෂාන් විජයලාල් ද සිල්වා මහතාගේ ප්‍රධානත්වයෙන් ගාල්ල රණවිරු ස්මාරකය අබියසදී පැවත්වුණි.

මේ සඳහා දකුණු පළාතේ ත්‍රිවිධ හමුදා ප්‍රධානීන්,දකුණු පළාත භාර නියෝජ්‍ය පොලිස්පති තුමා ,දකුණු පළාත් ප්‍රධාන අමාත්‍ය ශාන් විජයලාල් ද සිල්වා මහතා,රණවිරු සේවා අධිකාරියේ සභාපතිතුමිය ඇතුළු පළාත් මැති ඇමැතිවරුන් සහභාගිවී සිටිහ. මෙම රණවිරු උපහාර උළෙලට ගාල්ල දිස්ත්‍රික්කය නියෝජනයකරමින් පාර්ලිමෙන්තු මන්ත්‍රිවරුන්ගෙන් සහභාගි වුවේ පාර්ලිමේන්තු මන්ත්‍රිබන්දුලාල් බණඩාරිගොඩ මහතා පමණි.

යුද සමයේ මියගිය ත්‍රිවිධ හමුදාවේ සහ පොලිසියේ විරුවන්ගේ පවුල්වල සාමාජිකයන් සැමරුම් උස්සවයට සහභාගි වුහ.






හබරාදුව අනුර ලියනගේ

 

මහනුවර උසස් තාක්ෂණ ආයතනයේ එක් පාඨමාලාවක් මහනුවර සිට අම්පිටිය දඹවෙල ප්‍රදේශයට රැගෙනයාමට කටයුතු කරන බව කියමින් එහි ඉගෙනුම ලබන ශිෂ්‍ය ශිෂ්‍යාවන් බෝගම්බර පිහිටි එම ආයතනය ඉදිරිපිට සිට උද්ඝෝෂණයක නිරත වූහ.

මහනුවර සිය තාක්ෂණ ආයතනයේ පාඨමාලා රැසක් ක්‍රියාත්මක වන නමුත් ඉන් උසස් තාක්ෂණ ගණකාධිකරණ පාඨමාලාව පමණක් එම ආයතනයෙන් ඉවත් කොට බැහැරට ගෙනයාමට බලධාරීන් උත්සහ කරන බව විරෝධතාකාරුවන් සඳහන් කළහ.

මේ තුළින් සිසුන්ට අමතර දුරක් යාමට සිදුවන බවත් ඉන් බලධාරීන් උත්සහ කරන්නේ සිසුන් බෙදා වෙන් කිරීමට යැයි විරෝධතාවට එක්වූ මහනුවර උසස් තාක්ෂණ ශිෂ්‍ය එකමුතුවේ කැඳවුම්කරු දේශාන් එරන්දගේ සිසුවා කීවේය.

උසස් තාක්ෂණ ආයතනයේ සිසු සංගම් මර්ධනය කිරීමේ අරමුණින් පරිපාලන අධිකාරිය විසින් මෙම තීරණය ගෙන ඇති බවත් ඊට එරෙහිව දිගින් දිගටම විරෝධය පළ කරන බව ද සිසු සංගමයේ කැඳවුම්කරු සඳහන් කළේය.



නදීක දයා බණ්ඩාර - මහනුවර

 

ජී.එස්.පී ප්ලස් බදු සහනය අනිද්දා සිට  ( 19)  වන දින සිට බලපැවැත්වෙන පරිදි නිල වශයෙන් ශ්‍රී ලංකාවට ලබාදීමට  යුරෝපා සංගමය තීරණය කර ඇත.

මීට අදාළ ගැසට් පත්‍රය හෙට (18) දින නිකුත් කිරීමට නියමිත බවද ඊයේ (06) කොළඹදී පවතී විශේෂ මාධ්‍ය හමුවකදී මෙරට යුරෝපා සංගම් තානාපති තුන් ලායි මාර්ග් මහතා පැවසීය .

මෙම සහනය තුලින් ශ්‍රී ලංකාවේ මහා පරිමාණ ව්‍යාපාරිකයින්ට පමණක් නොව මධ්‍ය පරිමාණ ව්‍යාපාරවලටද මෙයින් වාසි අත්වන බව තුන් ලායි මහතා මෙහිදී සඳහන් කළේය.

මෙම සහනය ලංකාවට ලැබීමත් සමග වෙනත් රටවල් ශ්‍රී ලංකාවේ ආයෝජනයට හා වෙළෙඳ ගිවිසුම් සඳහා වඩාත් පෙළඹෙනු ඇති බවද ඒ මහතා සඳහන් කළේය . 

ජී.එස්.පී ප්ලස් සහනය ලබාදීමට පෙර , ශ්‍රී  ලංකාවේ පවතින  මානව හිමිකම් තත්ත්වය හා වධ හිංසාවට ලක් කිරීම් සම්බන්ධයෙන් වන චෝදනා පිළිබඳ දීර්ඝ වශයෙන් සලකා බැලූ බවත්, තත්ත්වය යම් තාක් දුරට යහපත් වී ඇති බැවින් මෙසේ එම සහනය ලබාදීමට කටයුතු කල බවත් තුන් ලායි මාග් මහතා පැවසීය .

මෙම තත්වයන් ඉදිරියේදී තවදුරටත් වර්ධනය කරගැනීමට ශ්‍රී ලංකාව පියවර ගත යුතු බවද මාග් මහතා පැවසීය.

මෙම බදු සහනයත් සමග  යුරෝපා රටවලට රෙදිපිළි සහ මත්ස්‍ය සම්පත් ඇතුළු භාණ්ඩ රැසක් අපනයනයේදී මෙරටින් අයකරනු ලැබූ සියයට 66 ක  බදු සම්පූර්ණයෙන් ඉවත් වේ.

 

පැතුම් වික්‍රමරත්න

ජනපති හා අගමැති කාර්යාලවලට යැයි පවසා ජනපතිගේ සහ අගමැතිගේ විශාල ප්‍රමාණයේ කටවුට් මහජනයාට දක්වමින් දිඹුලාගල වෙහෙරගල පිහිටි එකම දුර්ලභ හා ස්වභාවික සුදු තිරුවානා ගල් නිධිය කිසියම් සංවිධානාත්මක පිරිසක් යන්ත්‍ර සූත්‍ර භාවිතයෙන් මහාපරිමානයෙන් විනාශ කරන බවට තොරතුරු ලැබී ඇත. එම ගල් කුඩා කැබලි වලට කොටස් කර විදෙස් රටවලට අපනයනය කිරීමේ ජාවාරමක් ක්‍රියාත්මක වන බව  ප්‍රදේශයේ මහවැලි ගොවීහු පවසති.

වෙහෙරගල කැකුළුවෙල අංක 33 ලිපිනයේ පදිංචි 68 වියැති සිව්දරු පියෙකු වන ඩී.එම් කරුණාරත්න මහතාගේ කුඹුරටද හානි සිදුවන අයුරින් ඒ අසල පිහිටි මෙම සුදු තිරුවානා නිධිය 2017 .01.28 දින සිට ජාවාරම් කරුවන් පැල් බැඳගෙන දිවා රාත්‍රී එම සංහාරයේ යෙදීමෙන්  විශාල පරිසර හානියක් සිදුකර තිබෙන බවද ගම්වාසීහු පෙන්වා දෙති.


කිසිදු අවසරයකින් තොරව තම කුඹුරු ඉඩමෙන්ද කොටසක් අල්ලාගෙන සිදු කරන මෙම ජාවාරම පිළිබඳව සියලු අදාල බලධාරීන්ට ලිඛිතව දන්වා ඇතත් ඊට මෙතෙක් කිසිදු පියවරක් ගෙන නොමැති බව ඩී.එම්.කරුණාරත්න මහතා පැවසීය.

මෙම තත්ත්වය මත තමන් වසර 27 ක් අස්වද්දවා වී ගොවිතැන කරගන ගිය කුඹුර ද අහිමිවීමේ බරපතල අසාධාරණයක් සිදුවන බවද ජනපති - අගමැතිවරයාගේ රූප ඇතුළත් විශාල කටවුට් ජනතාවට ප්‍රදර්ශනය වන සේ ඔවුන් නවාතැන් ගෙන සිටින පැල්පතේ වහලයට දමා ඇති බවද කරුණාරත්න මහතා ඇතුළු ගෙවහු පෙන්වා දෙති.

තම කුඹුරේ ලියද්දක විශාල ළිඳක් හාරා දෝනාවක් අයුරින් එම ළිඳ සකසා ඇති බවත් මෙම සුදු තිරුවානා ගල් කන්ද ඉවත් කිරීමේ ජාවාරම නැවැත්වීමට කටයුතු නොකළහොත් ගම්මුන් සමග එක්ව දැඩි විරෝධතාවක් සිදුකර උපවාසයක් ආරම්භ කරන බවත් කරුණාරත්න මහතා සඳහන් කරයි.

අප මේ පිළිබඳව දිඹුලාගල ප්‍රාදේශීය ලේකම් එස්.ජලදීපන් මහත්මියගෙන් කළ විමසීමක දී ඇය පැවසුවේ එම කැණීම් කටයුතු කිරීමට පරිසර බලපත්‍රයට තමන්ගෙන් අවසරය ගෙන නොමැති බවත් මහජන විරෝධතා මැද එය විසදුමකට එන තෙක් තිරුවානා ඉවත් කිරීම නතර කර ඇති බවත්ය.

කෙසේ වෙතතත් මේ වන විට ද යන්ත්‍ර සූත්‍ර භාවිතයෙන් මහාපරිමානයෙන් තිරුවානා ගල් කන්ද විනාශ කරමින් පවතී.

මහවැලි ‘සී’ කලාපයේ නේවාසික ව්‍යාපාර කළමණාකාර කේ.ඒ.සී. විමල් කුමාර මහතාගෙන් අප මේ පිළිබඳව  කළ විමසීමේදී ඔහු පැවසුවේ ඊට අවසරය ලබා  දී ඇත්තේ මහවැලි හිටපු නිලධාරීන් බවත් තමා එම විනාශය නතර කිරීමට මැදිහත් වන අතර ඒ ගැන වහාම සොයා බලන බවත්ය.






මනම්පිටිය - නිමල් ජයරත්න

 

 

නාරමල මධ්‍යමහා විද්‍යාලය අද දින  ගුරුවරුන්  නොමැති කමින් වසා දමා ඇත. විදුහල්පතිනියගේ පරිපාලයට විරෝධය පා ගුරුවරුන් ලෙඩ නිවාඩු දමා සේවයට වාර්තා නොකිරීම හේතුවෙන් මේ තත්ත්වය උද්ගත වී ඇත.

162 ක් වූ විද්‍යාලීය ගුරු මණ්ඩලයෙන් අද(16) දින සේවයට වාර්තා කර තිබුණේ 16 දෙනෙකු පමණි.

 

පඬුවස්නුවර - ජයසූරිය

ගාල්ල දිස්ත්‍රික් ලේකම් කාර්යාලයට අයත් වෙබ් අඩවිය ඊයේ ක්‍ෂණික අකර්මන්‍ය වීමක් සිදුවී ඇති අතර මෙය කිසියම් සයිබර් ප්‍රහාරයක් නිසා සිදුවූ බවට අනුමාන කෙරේ. නමුදු මේ ප්‍රහාරයෙන් අකර්මන්‍ය වූ එම වෙබ් අඩවිය මේ වන විට නැවත යථා තත්ත්වයට පත් කර ඇත.

මේ පිළිබඳව ලක්බිම ඔන්ලයින් ගාල්ල දිස්ත්‍රික් ලේකම්වරයාගෙන් කළ විමසීමකදී ඔහු පවසා සිටියේ මේ හේතුවෙන් වෙබ් අඩවියේ කිසිදු දත්තයකට හානි සිදුවී නැති බවයි එසේම ඇති වූ තත්ත්වය  පිළිබඳ වාර්තාවක් අදාල අංශ වලින් කැඳවා ඇති බවද ඔහු වැඩිදුරටත් පැවසීය.

 

 

North central

පසුගියදා තමන් දැරූ ඇමති ධූරයෙන් එස්.එම්.රංජිත් මහතා  ඉල්ලා අස්වීමෙන් පුරප්පාඩු වූ උතුරු මැද පළාත් ප්‍රවාහන, ක්‍රීඩා, යෞවන කටයුතු, කර්මාන්ත හා වාණිජ  අමාත්‍යවරයා ලෙස   සුසිල් ගුණරත්න මහතා දිවුරුම් දී තිබේ.

අද(16) පෙරවරුවේ පළාත් ආණ්ඩුකාර පී.බී. දිසානායක මහතා ඉදිරියේ ඔහු දිවුරුම් දී ඇති බව වාර්ථා වේ

IMAGE

බත් පත බෙදාගන්නට මට සිටියේ ඔබ පමණි

IMAGE 2017 Oct 19 20:52
මිනිසත් බව ලැබිමට තමන් රැස් කළ කුසල් හේතුවන බව බෞද්ධ ඉගැන්වීමේ සඳහන් වේ. ආත්ම ගණනක්...
Views - 1600

සිසුවියන් තිදෙනෙකුගේ මුහුණු වලට ලිංගික 'ස්ප්‍රේ' විදලා

IMAGE 2017 Oct 19 10:56
දඹුල්ල ප්‍රදේශයේ පාසලක අටවන ශ්‍රේණියේ ඉගෙනුම ලබන සිසුවියන් තිදෙනෙකුගේ මුහුණු වලට එම...
Views - 2684

සරණාගත කඳවුරු වල කතුන් ලිංගික අතවර වලට

IMAGE 2017 Oct 18 13:35
ආපදා තත්වයන් යටතේ අවතැන්වන කාන්තාවන් හා ගැහැණු දරුවන්ට අනාරක්ෂිතම ස්ථානයක් වන්නේ සරණාගත...
Views - 1904

මගේ පෙම්වතිය රඟපාන්න කැමති නෑ - සජිත අනුත්තර

IMAGE 2017 Oct 17 12:52
ඔබට නළුකමට එන්නට පියා ලොකු ආලෝකයක් වුණා අනිවාර්යයෙන්ම ඔව්. ගෙදර කලා පසුබිමක් ඇති වන්නට මුල්...
Views - 1672

ලංකාවේ පළමු මෝටර් සයිකල් ලයිසන්කාරිය විමල නයනා

IMAGE 2017 Oct 17 00:21
ඇමෙරිකානුවෙක වූ නීල් ආම්ස්ටේ‍රා්න් සඳ තරණය කළ දා මුළු ලොවම ඒ සඳට ගිය මිනිසා ගැන කතා කරමින්...
Views - 2162

රවීන් දැක්කාම “බුදු අම්මෝ” කියලා ඔළුවේ අත ගහ ගත්තා

IMAGE 2017 Oct 15 18:43
හිමාලි සයුරංගි කියන ඔබ “සතුට” හා “දුක” කියන අත්දැකීම් දෙකට මුහුණ දෙන්නේ මොන විදියටද? ...
Views - 3363

Please publish modules in offcanvas position.