Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

මිතුරන් පිරිසක් සමග ගිනිගත්හේන, ඇබර්ඩීන් දිය ඇල්ලේ දිය නාමින් සිටි සිසුවෙක් ඊයේ (14)  පස්වරුවේ දියේ ගිලී මිය ගොස් ඇති බව ගිනිගත්හේන පොලීසිය පවසයි.

මෙසේ මියගොස් ඇත්තේ, හතරලියද්ද දන්තුරේ ප්‍රදේශයේ පදිංචි   මහනුවර ධර්මරාජ විදුහලේ ගණිත අංශයෙන් උසස්පෙළ හදාරමින් සිටි 18 හැවිරිදි පතිරණ යසරත්නලාගේ හිරුදික විරෝෂණ බණ්ඩාර නැමති අයෙකි.

මිය ගිය අය මිතුරන් 12 දෙනෙකුගේ කණ්ඩායමක් සමග විනෝද චරිකාවක් පැමිණ ඇබර්ඩීන් ඇල්ලේ දියනාමින් සිටියදී මෙම අනතුර සිදුව ඇත.

මිය ගිය අයගේ මරණය සම්බන්ධයෙන් මහේස්ත්‍රාත් පරීක්ෂණය අද (15) පැවැත්වීමට නියමිතය.


ඡායාරූප හා සටහන-මස්කෙළිය ගාමිණී බණ්ඩාර ඉලංගන්තිලක

 

මෙවර අයවැයෙන් බීර මිල අඩු කිරීමට ගත් තීරණය කාන්තාවන් සහ ළමුන් බීර පානයට යොමු කරවන්නක් බවට සමාජය පුරා පැතිර ඇති මතය දුම්කොළ සහ මධ්‍යසාර පිළිබද ජාතික අධිකාරියද අනුමත කොට ඇති අතර එම තිරණය වහාම අවලංගු කරන ලෙස එහි සභාපති වෛද්‍ය පාලිත අබේකෝන් මහතා ජනාධිපති වරයාගෙන් සහ සෞඛ්‍ය අමාත්‍යවරයාගෙන් ඉල්ලීමක් කොට තිබේ.

එස්.ටී.පී.සිල්වා

මාතර සිට වව්නියාව බලා ධාවනය වූ රජරට රැජින ශීඝ්‍රගාමී දුම්රිය ඊයේ (14) රාත්‍රී 8.30ට පමණ පරස්ගස්වැව සහ මැදවච්ය අතරදී පිලී පැනීම හේතුවෙන් මේ වන විට උතුරු මාර්ගයේ දුම්රිය ධාවනය අනුරාධපුරය දක්වා  සීමා කොට ඇත.

ඉන් කිසිවෙකුටත් අනතුරක් සිදුවී නොමැති අතර දුම්රිය මැදිරි පහකට සහ දුම්රිය මාර්ගයට හානි සිදුවී තිබේ.

හානි සිදුවූ දුම්රිය මාර්ගය අද දිනය තුළ යථා තත්වයට පත් කර දුම්රිය ධාවන කටයුතු යළි ඇරඹිය හැකි බව දුම්රිය පාලක මැදිරිය කියයි.

මේ දිනවල ඉන්ෆ්ලුවන්සා රෝගය ශීඝ්‍රයෙන් පැතිර යමින් පවතින බැවින් වඩාත් කල්පනාකාරී වන්නැයි කොළඹ වෛද්‍ය පර්යේෂණායතනයේ වෛරස් රෝග විශේෂඥ ජූඩ් ජයමහ මහතා සඳහන් කරයි.
නොවැම්බර් දෙසැම්බර් මාසවල ඉන්ෆ්ලුවන්සා වෛරසය පැතිර යන බැවින් මේ දිනවල පැතිර යන්නේ ඉන්ෆ්ලුවන්සා බි වෛරසය බව හෙතෙම පැවැසීය.
මෙම වෛරසය කුඩා ළමුන්ට හා වයස් ගතවූවන්ට ආසාදනය වීමේ වැඩි අවදානමක් පවතින බැවින් එවැනි අය සෙනඟ වැඩි වශයෙන් ගැවසෙන ස්ථානයන් වෙත ගෙන නොයන්නැයිද හෙතෙම ඉල්ලීමක් කරයි.
විශේෂයෙන් කැස්ස සෙම්ප්‍රතිශ්‍යාව, උණ, ඇඟපතේ වේදනාව, කෑම අරුචිය මෙම රෝගයේ විශේෂ ලක්ෂණයක් වන බැවින් කුඩා දරුවන්ට හා වයස්ගත වූවන්ට එම වෛරසය වැඩි බලපෑමක් එල්ල කරන බවද විශේෂඥවරයා කීය.
කෙසේ නමුත් පසුගිය මාසයේදී වෛද්‍ය පර්යේෂණායතනයට ඉන්ෆලුවන්සා බි යැයි සැක කරන රෝගීන් 300ක් පමණ දෙනාගේ සෙම සාම්පල් ලැබුණ අතර ඉන් පුද්ගලයන් 40ක් පමණ රෝග කාරක වෛරසය ආසාදනය වූවන් බවට හඳුනා ගත් බවද හෙතෙම කීය.
 
ශ්‍රියානි විජේසිංහ
 

කෘෂිකර්ම අමාත්‍යංශය සඳහා සබිතා පෙරේරා මහත්මියගේ ගොඩනැගිල්ලට ගෙවන මාස දෙකක කුලිය බෞද්ධ පුස්තකාලයක් සෑදීමට මෙවර අයවැයෙන් වෙන් කළ මුදලට සමාන බව ජනතා විමුක්ති පෙරමුණේ මන්ත්‍රී වෛද්‍ය නලින්ද ජයතිස්ස මහතා ඊයේ (14) පාර්ලිමේන්තුවේදී ප්‍රකාශ කළේය.
කුලී ගෙව්වද මතෛක් කාර්යාල කටයුතු පවත්වාගෙන නොයන රාජගිරියේ පිහිටි මෙම ගොඩනැගිල්ලට දවස් දොළහකට ගෙවන කුලිය කලාකරුවන්ට රක්ෂණ ආවරණයක් ලබාදීමට වෙන්කළ මුදලට සමාන බවද මන්ත්‍රීවරයා කීවේය. තවද ‍පොළොන්නරුවේ මාතෘ හා ළමා ඒකකයක් සෑදීමට අයවැයෙන් වෙන්කළ මුදල කෘෂිකර්ම අමාත්‍යංශ ගොඩනැගිල්ල සඳහා ගෙවන මාස දෙකක කුලියට සමාන බවද ජයතිස්ස මහතා ප්‍රකාශ කළේය.
 
පැතුම් වික්‍රමරත්න/ ප්‍රසාදිකා ජයවර්ධන
 

කටු‍පොත, නාරම්මල ප්‍රධාන මාර්ගයේ ‍පොල්පිටිය ප්‍රදේශයේදී ඊයේ (14) පස්වරුවේ සිදුවූ රිය අනතුරකින් එකම පවු‍ලේ ඥාතීන් 15 දෙනකු බරපතළ තුවාල ලබා කටු‍පොත ප්‍රාදේශීය බි රෝහලට ඇතුළත් කිරීමෙන් අනතුරුව රෝගීන් 12  දෙනකු කුරුණෑගල ශික්ෂණ රෝහලට මාරුකර යවා ඇතැයි කටු‍පොත ‍පොලිසිය පැවැසීය.
තුවාල ලැබූ අය අතර පිරිමි 4 යි, කාන්තාවන් 8 දෙනකු සහ කුඩා ළමුන් 3 දෙනකු සිටින බවද ‍පොලිසිය පැවැසීය. මොවුන් අනුරාධපුර තන්තිරිම‍ලේ බිල්ලෑව ප්‍රදේශයේ එකම පවුලක ඥාතීන් පිරිසක් බවට ‍පොලිසිය හඳුනාගෙන ඇත.
මේ අතර සිටි බිල්ලැව පදිංචි නිමල් ගුණරත්න මහතා (අවු. 39):
13 වන දින රාත්‍රී 12 ට පමණ මහේන්ද්‍රා වර්ගයේ කැබ් රථයකින් අපි කොළඹ ජාතික රෝහ‍ලේ ප්‍රතිකාර ලබන මගේ නංගිගේ ‍පොඩි පුතා බලන්න ගියා. 14 වන දින දහවල් ලෙඩා බැලුවා. ආපසු කොළඹින් 1.30 ට පමණ තමයි තන්තිරිම‍ලේ බලා යාමට පිටත් වුණේ. කැබ් රථය එතරම් වේගයෙන් ආවෙත් නැහැ. එකපාරටම පාරේ අයිනට ගිහිල්ලා අනිත් පැත්තට පෙරලුණා. වාහනය පිටුපස්සේ ගහලා තිබුණු තට්ටුව සේරම කැඩුණා. හිටපු අය පෙරළිලා තුවාල වුණා. කටු‍පොත නගරයේ හිටපු අය ඇවිත් අපිව රෝහලට අරන් ගියා.
මේ පිළිබඳව වැඩිදුර පරීක්ෂණ කටු‍පොත ‍පොලිසිය විසින් පවත්වනු ලබති.
 
කේ. ඒ. ජයසූරිය - පඬුවස්නුවර

මහබැංකු බැඳුම්කර ගනුදෙනුව පිළිබඳ විමර්ශනය කරන විශේෂ ජනාධිපති කොමිසමට අගමැති රනිල් වික්‍රමසිංහ මහතා කැඳවීමට කොමිසම තීරණය කර ඇති නමුත් ඒ සඳහා පැමිණිය හැකි දිනයක් මේ දක්වා අගමැතිවරයා කොමිසමට දන්වා නැත්තේ කොමිසම මග හැර සිටීමේ අපේක්ෂාවෙන් දැයි ජනතාවට සැකයක් මතුව තිබෙන බව ශ්‍රී ලංකා ‍පොදුජන පෙරමුණේ නායක මහාචාර්ය ජී.එල්.පීරිස් මහතා සඳහන් කළේය. 
මුලදී අගමැතිවරයා ඕනෑ වේලාවක කොමිසමට එන්න සූදානම් කියලා නිවේදනයකුත් නිකුත් කරලා තිබුණා. නමුත් කොමිසම අගමැතිවරයාට ප්‍රශ්න යොමු කරලා ලිඛිත සාක්ෂි ලබා ගන්නේ අවශ්‍ය වුණොත් කොමිසමට කැඳවීමට සිදුවන බව  දන්වලයි.  අගමැතිවරයා ලබා දී ඇති ලිඛිත සාක්ෂිය මගින් ඇතැම් කරුණු පිළිබඳ පැහැදිලි කිරීමක් සිදුව නැති නිසාත් කොමිසමට ලැබි ඇති ඇතැම් දුරකථන සංවාදවල අගමැතිවරයාගේ නම සඳහන් වී තිබිම නිසාත් අගමැතිවරයා කොමිසමට කැඳවන බව කොමිසම මේ වන විට නිවේදනය කර තිබෙනවා. 
එසේ තිබියදී අගමැතිවරයාට පැමිණිය හැකි දිනයක් ඔහු කොමිසමට දැන්වීමෙන් පසු ඔහුගෙන් සාක්ෂි සටහන් කර  ගැනීමට කොමිසමට සූදානම් වෙන්න පුළුවන්. ලබන දෙසැම්බර් 8 වනදා කොමිසමේ කාලය අවසන් වීමට පෙර මුළු රටම අගමැතිවරයා කොමිසමට පැමිණ කියන දේ අහන්න බලාගෙන ඉන්නවා. ඒ නිසා අගමැති රනිල් වික්‍රමසිංහ මහතාගේ නිර්දෝෂිභාවය හෝ අදාළ බැඳුම් කර ගනුදෙනුවට අදාළ තමන් දන්නා කරුණු කොමිසමට ප්‍රකාශ කරන්නට ලබා දී ඇති අවස්ථාව මගහැර ඔහුට රකින්නට රහස් ඇත්දැයි ජනතාව තුළ සැක මතුවන බවද පීරිස් මහතා කීවේය.  ආණ්ඩුවේ ශ්‍රීලනිප කණ්ඩායම ඒකාබද්ධයට සන්ධාන ගත වීමට කතා කරන්නේ මෙවැනි දෑ යට ගැසීමට දැයි සැකයක් මතුව තිබෙන බවද පීරිස් මහතා කීවේය. ආණ්ඩුව තුළ ප්‍රතිපත්තිය නොවන බව පෙන්වා දෙන පීරිස් මහතා රජයේ දැන් හෙළිදරව්වන දූෂණ හා හොරකම්වලට ආණ්ඩුවේ ශ්‍රීලනිප කණ්ඩායමටද වගකිව යුතු බවද ඔහු පෙන්වා දුන්නේය.
 
ජයසූරිය උඩුකුඹුර 

වෛද්‍ය සිසුන් ලබන 20 වැනිදා සිට දේශනවලට සහභාගිවීමට තීරණය කළ බව ලක්බිම පුවත්පත කළ විමසුමකදී වෛද්‍ය පීඨ ශිෂ්‍ය ක්‍රියාකාරී කමිටුවේ කැඳවුම්කරු රයන් ජයලත් මහතා පැවැසීය. 
මාලඹේ සයිටම් ආයතනයට විරෝධය පළකරමින් මාස 10කට පමණ ආසන්න කාලයක සිට පන්ති වර්ජනයක යෙදී සිටි රාජ්‍ය වෛද්‍ය පීඨ ශිෂ්‍යයන් පසුගියදා රජය ලබා දුන් තීන්දුවත් සමග මෙම තීරණය ගත් බව මහතා ප්‍රකාශ කළේය. ඔහු වැඩිදුරටත් පැවැසුවේ සයිටම් සම්බන්ධ නඩුව ලබන 21 වැනිදා තිබෙන බවත් එහිදී නීතිපති දෙපාර්තමේන්තුව රජයේ ස්ථාවරය ප්‍රකාශ කළ යුතු බවත්ය. 
එමෙන්ම සයිටම් ආයතනය අහෝසි කරන බවට පසුගියදා රජය ප්‍රකාශ කළද එම ආයතනය සියයට සියයක් ජනසතු කරන තුරු සයිටම් අරගලය නොනවත්වන බවද හෙතෙම පැවැසීය. යම් හෙයකින් රජය සයිටම් සම්බන්ධයෙන් ලබා දුන් තීන්දුව වෙනස් කළොත් සයිටම්  අහෝසි කිරීමේ අරගලය තීව්‍ර කරන බව හෙතෙම වැඩිදුරටත් සඳහන් කළේය. 
 
ශ්‍රියානි විජේසිංහ /තනුජා නානයක්කාර 

මූලික අයිතිවාසිකම් කඩවීම සම්බන්ධයෙන් ශ්‍රී ලංකා මානව හිමිකම් කොමිෂන් මානව හිමිකම් කොමිෂන් සභාව පවසයි.
සභාව වෙත මෙම වසරේ මුල් මාස තුන තුළ පමණක් පැමිණිලි 1228 ක් ලැබි ඇති බව ශ්‍රී ලංකා මානව හිමිකම් කොමිෂන් සභාව පවසයි.
මෙම වසරේ ජනවාරි 1 දා සිට මාර්තු 31 දක්වා පළමු කාර්තුව තුළ මෙම පැමිණිලි ලැබි තිබේ. එම පැමිණිලි 1228 න් 203 ක් සම්බන්ධයෙන් ඉදිරි කටයුතු කළ නොහැකි බව මානව හිමිකම් කොමිෂන් සභාව පවසයි.
එමෙන්ම පැමිණිලි 186 ක් වැඩිදුරටත් තොරතුරු ලබාගැනීමට රඳවා තබාගෙන ඇති අතර පැමිණිලි 355 ක් නිමකර ඇති බවද මානව හිමිකම් කොමිෂන් සභාව විසින් නිකුත් කරන ලද අලුත්ම වාර්තාවේ දැක්වේ.
අම්පාර, අනුරාධපුර, බදුල්ල, මඩකලපුව, යාපනය, කල්මුණේ, මහනුවර, මාතර, ත්‍රිකුණාමලය, වව්නියාව යන මානව හිමිකම් ප්‍රාදේශීය කාර්යාල අතරින් වැඩිම පැමිණිලි සංඛ්‍යාවක් ලැබි ඇත්තේ මහනුවර කාර්යාලයෙන් වන අතර එය 245 ක ප්‍රමාණයකි. මෙහිදී අවම පැමිණිලි සංඛ්‍යාවක් වාර්තා වී ඇත්තේ ත්‍රිකුණාමලය කාර්යාලයෙන් වන අතර එහි පැමිණිලි සංඛ්‍යාව 30 ක් ලෙස සඳහන් වේ.
 
ශානිකා මාධවී පීරිස්

විභාග දෙපාර්තමේන්තුවේ මේ දිනවල කෙරෙන විමර්ශන අතරතුර විභාග කොමසාරිස් ජනරාල් ඩබ්. එන්. එම්. පුෂ්පකුමාර මහතා අධ්‍යාපන අමාත්‍යංශය වෙත අනුයුක්ත කර තිබේ.
විභාග දෙපාර්තමේන්තවේ පසුගිය කාලයේ සිදුවූ විභාග පැවැත්වීම, උත්තර පත්‍ර පරීක්ෂාව, ප්‍රශ්න පත්‍ර සම්පාදනය, විභාග රහස්‍ය භාවය ආරක්ෂා කිරීම, මූල්‍ය භාවිතය ඇතුළු කරුණු කිහිපයක් සම්බන්ධයෙන් අධ්‍යාපන ඇමැති අකිල විරාජ් කාරියවසම් මහතාගේ උපදෙස් අනුව විශේෂ විමර්ශනයක් මේ දිනවල පැවැත්වේ. විමර්ශන කණ්ඩායමේ නිර්දේශයන් සහ කොමසාරිස්වරයාගේ ඉල්ලීමක්ද සැලකිල්ලට ගනිමින් මෙම ස්ථාන මාරුව කර ඇත.
 
ගයාත්‍රි ගීගනආරච්චි

නාවික හමුදාව සිය නෞකාවක් බලහත්කාරයෙන් අත්පත් කරගැනීමෙන් සිදුවූ රුපියල් බිලියන දෙකයි, මිලියන හාරසියයක අලාභය හිටපු නාවික හමුදාපති අද්මිරාල් සී. සී. විජේගුණරත්න ඇතුළු වගඋත්තරකරුවන්ගෙන් අයකර දෙන ලෙස ඉල්ලා ඇවන්ගාඩ් මැරිටයිම් සර්විසස් සමාගම කොළඹ දිසා අධිකරණය හමුවේ නඩු පවරා තිබේ.
නීත්‍යනුකූල අන්දමින් ගිවිසුම් අත්සන් කර මුහුදු ආරක්ෂක සේවා සිදුකළ සිය සමාගමට අයත් එම නෞකාව 2015.11.13 වැනිදා ගාලු වරායේ ජැටියේ නවතා තිබියදී නාවික හමුදා නිලධාරීන් පිරිසක් අත්පත් කරගත් බවත් එලෙස අත්පත් කරගනු ලබනුයේ නාවික හමුදා මූලස්ථානයෙන් ලද නියෝගයක් අනුව බව දැනුම් දුන් බවත් පෙත්සම්කාර සමාගම අධිකරණයට පෙන්වා දී තිබුණි.
සිය නෞකාව පමණක් නොව එහි තැන්පත් කර තිබූ ගිනි අවි පතරොම් ඇතුළු සියලු උපකරණද නාවික හමුදා නිලධාරීන් ඔවුන්ගේ භාරයට ගැනීම නිසා සිදුවූ එකී අලාභය ගෙවනා ලෙස සිය සමාගම නීතිඥවරුන් මගින් යවන ලද එන්තරවාසියට පවා වගඋත්තරකරුවන් මේ දක්වා පිළිතුරු හෝ එවා නැතැයිද පෙත්සම්කාර සමාගම අධිකරණයට වැඩිදුරටත් පෙන්වා දී තිබුණි.
හිටපු නාවික හමුදාපතිවරයකු වූ වර්තමාන ආරක්ෂක මාණ්ඩලික ප්‍රධානී අද්මිරාල් සී. සී. විජේගුණරත්න, හිටපු නාවික හමුදාපති අද්මිරාල් ටී. ජේ. එල්. සින්නයියා, නාවික හමුදාපති වයිස් අද්මිරාල් එස්. එස්. රණසිංහ යන මහත්වරුන් හා නීතිපතිවරයා නීතිඥ සනත් විජේවර්ධන මහතා මගින් ගොනුකළ එම පෙත්සමේ වගඋත්තරකරුවන් ලෙස නම් කොට තිබුණි.
 
නිශාන්ති රාමනායක - කොළඹ අධිකරණ
IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 4642

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 4252

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 7379

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 4647

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2976

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3784

Please publish modules in offcanvas position.

Web Analytics