Coss Ear2
lakbima.lk
COSS Ear 1

මැදියම් රැයෙන් ඇරඹෙන දුම්රිය වර්ජන කල් යයි?

ප්‍රධාන දුම්රිය වෘත්තිය සමිති කිහිපයක් අද (08) මධ්‍යම රාත්‍රියේ සිට ඇරඹීමට නියමිත දුම්රිය වැඩ වර්ජනය දැනට දිවයින පුරා පවත්නා පෙට්ට්‍රල් හිඟය මුල් කොට කල් දැමීමමට ඉඩ කඩ ඇතැයි දුම්රිය මෙහෙයුම් අධීක්ෂණ නිළධාරීන්ගේ වෘත්තීය සමිති සන්ධානයේ ප්‍රකාශකයෙක් සඳහන් කළේය.

හුදු මානුෂීය ක්‍රියාමාර්ගයක් ලෙස මෙවැන්නක් සිදු කළද ප්‍රවාහන බලධාරීන් සති දෙකක් ඇතුළත ලබාදෙන බවට එකඟ වූ වැටුප් වැඩිවීම මෙතෙක් ලබා නොදීම නිසා මෙම වර්ජනය සැළසුම් කළ බව ඔහු පැවැසීය.

දුම්රිය රියැදුරන්, දුම්රිය පාලක වරුන්, දුම්රිය ස්ථානාධිපතිවරුන්, දුම්රිය නියාමකවරුන් ඇතුළු තවත් දුම්රිය වෘත්තීය සමිති කිහිපයක් මෙම වර්ජනයට එක් වීමට නියමිතය.

මීට සති තුනකට ඉහතදී ප්‍රවාහන නියෝජ්‍ය අමාත්‍ය අශෝක් අබේසිංහ මහතා මෙම වැටුප් විෂමතාව විසඳාදෙන බව ‍පොරොන්දු වූ නමුත් සිය ඉල්ලීම විසඳීම ඇතුළු කිසිදු වැඩපිළිවෙළක් ප්‍රවාහන අමාත්‍යාංශය මේ වන විටත් ක්‍රියාත්මක කර නොමැති බව ඔහු වැඩි දුරටත් කීය.

මේ අතර ඉන්ධන පිරවුම්හල්  විශාල ප්‍රමාණයක ඊයේ (07) රාත්‍රීය වන විට පෙට්‍ට්‍රල් අවසන් වී ඇති බව ඉන්ධනහල් හිමියෝ පැවැසූහ.

මේ නිසා ඉන්ධන පිරවුම්හල් අසල තුන්වන දිනයටත් ඊයේ (07) උදෑසන සිට වාහන ‍පෝලිම් දක්නට ලැබුණු අතර ගැලුම් හා බෝතල් අතැතිවද බොහෝ පිරිසක් ඉන්ධන පිරවුම්හල් අසල රැදි සිටින අයුරු දක්නට ලැබුණි. මේ අතර ඛනිජතෙල් සම්පත් සංවර්ධන අමාත්‍යාංශය විසින් ඊයේ (07) චක්‍ර‍ලේඛනයක් නිකුත් කරමින් ඉන්ධන පිරවුම්හල් හිමියන්ට ගැලුම් හා බෝතල්වලට ඉන්ධන ලබා නොදෙන ලෙසට දන්වා ඇතත් පසුව විෂය භාර අමාත්‍යවරයා විසින් එම චක්‍රලේඛණය අහෝසි කරන ලදී.

මේ අතර  මෙම ඉන්ධන හිඟය හේතුවෙන්, තමන්ට ඇතැම් පුද්ගලයන්ගෙන් අධික මිලට ඉන්ධන ලබාගැනීමට සිදුවී ඇතැයි කියමින් ඇතැම් ප්‍රදේශවල ත්‍රිරෝද රථ රියැදුරන් සිය ගාස්තු ඉහළ දමා ඇති නිසා එම ප්‍රදේශවල ජනතාව අපහසුතාවයට ලක්ව ඇති බව ද වාර්තා වේ. මේ අනුව ගමනාන්තයක් සඳහා රු.50, රු.80වශයෙන් සාමාන්‍යයෙන් ගෙවන ලද මුදලට වඩා වැඩි මුදලක් ගෙවීමට මගින් සිදුව තිබේ. එමෙන්ම ඉන්ධන හිඟය හේතුවෙන් ඇතැම් පාසල් වෑන් රථ රියැදුරන්ද ශිෂ්‍ය ප්‍රවාහන කටයුතුවලින් මේ වන විට ඉවත්ව සිටිති. 

තවද මෙම පෙට්ට්‍රල් හිඟය මුල් කොට මෝටර් සයිකල් අති විශාල සංඛ්‍යාවක් ධාවනයෙන් ඉවත් වී ඇති බැවින් ඒවායේ ගමන් ගන්නා මගීන්ද දුම්රිය හා බස් රථ මගින් ගමන් පහසුකම් සලසා ගන්නා බව වාර්තා වේ. එමෙන්ම මේ වන විට දිවයිනේ ප්‍රධාන නගර හා ප්‍රධාන මාර්ග වල ගමන් ගන්නා වාහන වල සැලකිය යුතු අඩු වීමක්ද දක්නට ලැබෙතැයි ද වාර්තා වේ.

මේ සියළු තත්වයන් සළකා බලා අද මධ්‍යම රාත්‍රියෙන් ඇරඹීමට නියමිත දුම්රිය වැඩ වර්ජනය තාවකාලික කල් දැමීමට ඉඩ ඇති නමුත් සියළු වෘත්තීය සමිති නියෝජිතයන්ගේ පොදු එකඟතාව මත මේ පිළිබඳ අවසන් තිරණය ගන්නා බව එම ප්‍රකාශකයා ලක්බිම ඔන්ලයින් වෙත කීය.

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 1953

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 1056

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 5014

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2883

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 4966

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 6185

Please publish modules in offcanvas position.