Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

තෙල් නැව් දෙකක් ළඟදීම ලංකාවට

දැනට මෙරටට පැමිණෙමින් ඇති තෙල් නැවට අමතරව ඉන්දියාවෙන්ද තවත් තෙල් නැවක් ඉදිරි දින කීපය තුළ මෙරටට පැමිණෙන බව අග්‍රාමාත්‍ය රනිල් වික්‍රමසිංහ මහතා පාර්ලිමේන්තුවේදී අද (7) පැවැසීය.
ඉන්ධන හිඟයෙන් ජනතාව අපහසුතාවයට පත්වීම පිළිබඳව කනගාටුවට පත්වන බවත් ඉන්ධන ගැටලුව පිළිබඳව අද (7) පාර්ලිමේන්තුවේ මතු වූ ප්‍රශ්නවලට පිළිතුරු දෙමින් අගමැතිවරයා ප්‍රකාශ කළේය.
ඉන්ධන ගබඩා කිරීමට ඉන්ධන ටැංකි දියුණු කර, තෙල් ටැංකි මධ්‍යස්ථානයක් ඉදිරියේදී ඇතිකරන බවත්, මතුව ඇති මෙම අර්බුදයට ලංකා ඉන්දීය තෙල් සමාගම වගකිවයුතු යන චෝදනාව පිළිගත නොහැකි බවත් අගමැතිවරයා මෙහිදී පැවැසීය.
අග්‍රාමාත්‍ය රනිල් වික්‍රමසිංහ මහතා මෙහිදී වැඩිදුරටත් මෙසේද පැවැසීය.
අපි ඉන්දියාව සමග කතා කළා ඔවුන් සමග එකතු වෙලා තෙල් ටැංකි දියුණු කරන්න. මෙතැන තියෙන තෙල් ටැංකි ටික ඇති ලංකාවටත් ඉන්දියාවේ කොටසකටත් තෙල් ගබඩාකරගෙන තබාගන්න. ඒ නිසා අපි බැලුවේ මෙය තෙල් මධ්‍යස්ථානයක් කරගන්න. නව පිරිපහදුවක් චීනය විසින් හම්බන්තොට හදන්න සූදානම්.
අපි තෙල් ගන්නවද නැද්ද යන්න තීරණය කරන්නේ කමිටුවකින්. ඒ කමිටුව ප්‍රතික්‍ෂේප කළාම ඉන්දියන් තෙල් සමාගමත්, ඛනිජ තෙල් සංස්ථාවත් ඒ තෙල් ප්‍රතික්‍ෂේප කරනවා. අපි මතක තබාගත යුතුයි රටේ පෙට්‍රල් වර්ජනයක් තිබියදී ඉන්දියන් තෙල් සමාගම තිබූ නිසා අපේ ජනතාවට තෙල් ලබාගැනීමට හැකිවුණා. නැවට මොකද වුණේ? ඇයි ප්‍රමාද වුණේ කියා ඇමැතිවරයා පැහැදිලි කරාවි. අපි තීරණය කළා ඒ ගැන සොයාබලන්න. දැනට මේ දවස් කිහිපයට අවශ්‍ය තෙල් තිබෙනවා. මෙතන අර්බුදයට ලංකා ඉන්දියානු තෙල් සමාගම වගකිව යුතුයි කියන චෝදනාව මම පිළිගන්නේ නැහැ.
මට ඕනෑනම් පෙන්වන්න පුළුවන් මේක කව්ද ප්‍රමාද කළේ කියලා. නව තෙල් පිරිපහදුවක් ගේන්න හදනකොට කවුද විරුද්ධ වුණේ කියලා?
ජනාධිපතිවරයා හා මම අදත් ඉන්දීය මහ කොමසාරිස්වරයා සමග කතා කළා. දැනට එන තෙල් නැවට අමතරව ඉන්දියාවෙන් තවත් තෙල් නැවක් මේ සති අන්තය වන විට එනවා. දැන් නැව් දෙකක් තිබෙනවා.
තෙල් නැව ගැන කතාව පැතිර ගිහිල්ලා වාහන හිමියන් අපහසුතාවයට ලක්වුණා. ත්‍රීරෝද රථ රියැදුරන් වරින්වර තෙල් ඕන වෙනවා. මම දුටුවා සමහරු පැය හතරක් විතර ‍පෝලිම්වල හිටියා. සමහරු මටත් බැන්නා. ඔවුන්ගේ අපහසුතාවය මම දන්නවා. මම කණගාටු වෙනවා.
 
විමල් වීරවංශ මහතා,
තෙල් සංස්ථාව නියෝගයක් දී තිබෙනවා භාජනවලට තෙල් දෙන්න එපා කියලා. වාහන ගෙවල්වල නතරවෙලා. ඒ නිසා බැරල්වලට තමයි ගන්න වෙන්නේ.
 
කථානායකවරයා,
ඇමැතිතුමා කැමැතිද උත්තර දෙන්න.
 
විමල් වීරවංශ මහතා,
ඇමැතිතුමා කැමැතියි. ඇයි මේ බාධා කරන්නේ කථානායකතුමා?
 
කථානායකවරයා,
ස්ථාවර නියෝග අනුවයි මම කියන්නේ?
 
විමල් වීරවංශ මහතා,
මම කතාකරද්දී තමයි හැම ස්ථාවර නියෝගයක්ම. ලෝකේ හොඳම නායකයා කියනවා. ජාත්‍යන්තරය දිනුවා කියලා කියනවා. ඒ වුණාට තෙල් ටිකක් හදිසියකට ඉල්ලගන්න කෙනෙක් නැහැ.
 
අගමැතිවරයා,
මම අගමැති කාලයේ කථානායකතුමා ඇමැති, ඒ කා‍ලේ අපි ඉන්දියාවේ වජ්පායි සමග කතාකරලා එහිදී ගත් තීරණයකට අනුවයි මේ තීරණය ඇමැති මණ්ඩලය විසින් ගත්තේ. ඒක හොඳ නැතිනම් මහින්ද රාජපක්ෂ ආණ්ඩුව ඇයි? ඒ ගිවිසුම අවලංගු කළේ නැත්තේ? දැන් බැනලා වැඩක් නැහැ.
 
පැතුම් වික්‍රමරත්න, ප්‍රසාදිකා ජයවර්ධන

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 4469

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 4133

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 7235

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 4536

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2885

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3694

Please publish modules in offcanvas position.

Web Analytics