Coss Ear2
lakbima.lk
COSS Ear 1

කොස්ගොඩ වෙඩි තැබිමකින් එකම පවු‍ලේ 3ක් ඇතුළු 4ක් මරුට

කොස්ගොඩ ‍පොලිස් වසමේ ඊයේ (29) අලුයම සිදුවූ වෙඩි තැබිමකින් එකම පවු‍ලේ තිදෙනකු (3) ඇතුළු සිවු (4) දෙනෙකු මියගොස් එක් අයෙකු බරපතළ තුවාල ලබා ගාල්ල, කරාපිටිය ශික්ෂණ රෝහලට ඇතුළත් කර තිබේ.
මෙසේ මියගොස් ඇත්තේ යුදපිටිය අසළ, කොස්ගොඩ පාර, ඌරගස්මන්හන්දිය ලිපිනයේ පදිංචි ජගමුණි මහින්ද ප්‍රේම රාජා ද සොයිසා (51), ඔහුගේ පුතුන් දෙදෙනා වන ජගමුණි අයේෂ් ධනංජය ද සොයිසා (22), ජගමුණි දුමිඳු විශ්මිත ද සොයිසා (13) යන එකම පවු‍ලේ තිදෙනා සහ මැණික් ගම්මානය, කොස්ගොඩ ලිපිනයේ පදිංචි උක්වත්ත ආරච්චිගේ කපිලරත්න පෙරේරා (39) යන සිවු (4) දෙනාය. බරපතළ තුවාල ලබා ඇත්තේ කුරුඳුගම්පියස, කොස්ගොඩ ලිපිනයේ පදිංචි නිලෙන්ති සුදිල සුරන්ජන ද සිල්වා (14) නමැති අයයි.
මියගිය සිවු (4) දෙනාට අදාළ මහේස්ත්‍රාත් පරීක්ෂණ බළපිටිය වැඩබලන මහේස්ත්‍රාත් ලක්ෂ්මී ද සිල්වා මහත්මිය ඊයේ (29) පෙරවරුවේ ඝාතනයන් සිදුවූ ස්ථානයන්හිදී පැවැත්වූ අතර පශ්චාත් මරණ පරීක්ෂණ සඳහා මෘත දේහයන් ගාල්ල, කරාපිටිය ශික්ෂණ රෝහලට ගෙන යෑමටද මහේස්ත්‍රාත්තුමිය මෙහිදී නියෝග කළාය. මේ වන විට එකම පවු‍ලේ තිදෙනාගේ දේහයන් ඇල්පිටිය මූලික රෝහ‍ලේ හා කොස්ගොඩ, කුරුඳුගම් පියස, මැණික් ගම්මානයේ පදිංචි අයගේ දේහය බළපිටිය මූලික රෝහ‍ලේත් මෘත ශරීරාගාරයන්හි තැන්පත් කර ඇත. මෙම දේහයන් පශ්චාත් මරණ පරීක්ෂණ කටයුතු සඳහා අද (30) දින ගාල්ල, කරාපිටිය ශික්ෂණ රෝහල වෙත ගෙන යෑමට නියමිතය.
ඊයේ (29) අලුයම 4.00ත් 4.30ත් අතර කාලය තුළදී පියපුතු තිදෙනාගේ ඝාතනයන් සිදුව තිබෙන බව කොස්ගොඩ ‍පොලීසිය කියයි. අලුයම ඌරගස්මන්හන්දිය ප්‍රදේශයේ සිට කොස්ගොඩ ලෑලිහේත්තුව දෙසට කඨින පින්කමක චීවරය රැගෙන යන පෙරහරක් පැමිණ තිබේ. මියගිය ජගමුණි මහින්ද ප්‍රේම රාජා ද සොයිසා (51) සිය බිරිය සමග එම පෙරහරේ කඨින චීවරයට පඬුරු පූජා කර නැවත නිවසට ගොස් දොරවසා ගැනීමට සූදානම් වී ඇත. එම අවස්ථාවේ යමෙකු එළියෙන් මහින්ද අයියේ යැයි කියා කතා කොට දොර අරින ලෙස ඉල්ලීමක් කර ඇත. දොර අරිනවාත් සමගම එළියේ සිට ඔහුට වෙඩි තබා තිබෙන බවත් පසුව නිවස තුළට ගොස් නිවසේ කාමර දෙකක නිදා සිටි දරුවන් දෙදෙනාටද වෙඩි තබා තිබෙන බවත් ‍පොලිස් පරීක්ෂණවලදී තහවුරු වී තිබේ.
ටී -56 ගිනි අවියකින් හා මිලිමීටර් 9 වර්ගයේ ගිනි අවියකින් මෙම වෙඩි තැබිම සිදුකර තිබෙන බව ඇල්පිටිය විශේෂ අපරාධ ස්ථාන විමර්ශන ඒකකය කියයි. එම ස්ථානයේ තිබි හිස් පතොරම් කොපු 7ක් සොයාගෙන තිබේ. එම අවස්ථාවේ මියගිය ජගමුණි මහින්ද ප්‍රේම රාජා ද සොයිසා (51) නමැති අයගේ දෙවන පුතා කඩුවක් හා ‍පොල්ලක් රැගෙන ඝාතකයන්ට පහරදී තිබේ. එහිදී ඝාතකයන් පැමිණි යතුරුපැදියක නොම්බර තහඩුවක්ද බිම වැටී තිබේ. එය ඉ ඊඉ 9344 අංකය සඳහන් එකකි. එයින් පසුව ඝාතකයින් ගොස් ඇත්තේ මැණික් ගම්මානය, කොස්ගොඩ ලිපිනයේ පදිංචි උක්වත්ත ආරච්චිගේ කපිලරත්න පෙරේරා (39) නමැති අයගේ නිවස වෙතය. උක්වත්ත ආරච්චිගේ කපිලරත්න පෙරේරා (39) නමැති අය කුලියට ඉවුම් පිහුම් කරන අයෙකි. මෙම ස්ථානයටද ඝාතකයින් යතුරුපැදි 2කින් තිදෙනකු පැමිණ තිබෙන අතර නිවසේ නිදා සිටි උක්වත්ත ආරච්චිගේ කපිරත්න පෙරේරා (39) යන අයට වෙඩි තබා ඝාතනය කර තිබේ. එම ස්ථානයේ තිබිද හිස් පතොරම් කොපු 7ක් ‍පොලීසිය සොයාගෙන තිබේ.
ඊට පසු ඝාතකයින්ගේ ඉලක්කය වී ඇත්තේ කුරුඳුගම් පියස, කොස්ගොඩ ලිපිනයේ පදිංචි අයෙකි. ඝාතනයින් ඔහුගේ නිවසේ දොරකඩාගෙන නිවසට ඇතුළු වී තිබේ. එය සැලුන් එකක්ද සහිත නිවසකි. ඒ වන විට ඔවුනට අවශ්‍ය අය නිවසේ සිට නැත. නමුත් අවශ්‍ය අයට යැයි සිතා ඝාතකයින් වෙඩි තබා ඇත්තේ නිලෙන්ති සුදිල සුරන්ජන් ද සිල්වා (14) නමැති අයටය. එවිට එම දරුවාගේ මව ඇයි මගේ පුතාට වෙඩි තියන්නේ යැයි විමසා ඇත. එවිට ඉලක්කය වැරදි ඇති බව දැන ඝාතනයින් පලාගොස් තිබෙන බව ‍පොලිස් පරීක්ෂණවලදී තහවුරු වී තිබේ.
කොස්ගොඩ ‍පොලිස් ස්ථානාධිපති ‍පොලිස් පරීක්ෂක උදයසිරි සිරිමාන්න, අපරාධ අංශයේ ස්ථානාධිපති පී.එම්.ඉරාන්, ඇල්පිටිය විශේෂ අපරාධ ස්ථාන විමර්ශන ඒකකයේ ‍පොලිස් පරීක්ෂක චන්දිමාල් ද සිල්වා, උප ‍පොලිස් පරීක්ෂක මංගල, ‍පොලිස් සැරයන් රංජන් (21930) ඇතුළු පිරිසක් වැඩිදුර පරීක්ෂණ පවත්වති.
 
ජයකාන්ත ලියනගේ - බළපිටිය එස්. සමරනායක - අම්බලන්ගොඩ කමල් විජේහේවා - ගාල්ල/ තාරක දුෂ්‍යාන් - කළුතර
කමල් ශ්‍රී ලියනගේ - බළපිටිය/ අනුර ලියනගේ - හබරාදුව
 

 

IMAGE

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 2177

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 1569

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 3115

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 1820

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 6582

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 3974

Please publish modules in offcanvas position.