Coss Ear2
lakbima.lk
COSS Ear 1

එස්.ටී.එෆ්.- පාතාල වෙඩි හුවමාරුවක්

දිවුලපිටිය දූනගහ බල්ලපාන මාර්ගයේ හේන්ගෙදර ප්‍රදේශයේ පාසල අසලදී ආයුධ සන්නද්ධ අපරාධකරුවන් පිරිසක් හා ‍පොලිස් විශේෂ කාර්ය බළකායේ  නිලධාරීන් අතර සිදුවූ වෙඩි හුවමාරුවකින් පුද්ගලයෙකු මිය ගොස් ඇති අතර තවත් පුද්ගලයන් හත්දෙනෙකු අත්අඩංගුවට ගත් බව ‍පොලිස් මාධ්‍ය ප්‍රකාශක රුවන් ගුණසේකර මහතා පැවැසීය.
එම අපරාධකරුවන් අතර බස්නාහිර පළාත් සභා මන්ත්‍රී රන්දීර් රුද්‍රිගෝ් නමැත්තෙකු සිටි බවට අනාවරණය වී ඇත.
දිවුලපිටිය හේන්පිටගෙදර පාසල අසල සැකකරුවන් දෙදෙනකු සැරිසරන බවට ‍පොලිස් විශේෂ කාර්ය බළකායේ නිලධාරීන් ලද තොරතුරක් මත එම ස්ථානයට ගොස් ඇත. එම අවස්ථාවේදී පුද්ගලයන් දෙදෙනකු එම ස්ථානයේ සැරිසරිමින් සිටි අතර ‍පොලිස් විශේෂ කාර්ය බළකායේ නිලධාරීන්ට වෙඩි ප්‍රහාරයක් එල්ලකර ඇත. එම අවස්ථාවේදී ‍පොලිස් විශේෂ කාර්ය බළකායේ නිලධාරීන් විසින් ද එම සැකකරුවන්ට ප්‍රතිප්‍රහාර එල්ලකර ඇති අතර එම අවස්ථාවේදී එක් පුද්ගලයෙකු තුවාල ලබා දිවුලපිටිය රෝහලට ගෙන යන අවස්ථාවේදී මිය ගොස් ඇත.
මියගොස් ඇත්තේ නිල්පනාගොඩ මිනුවන්ගොඩ පදිංචි නාවගේ තුෂාර ලක්ෂාන් කුරේ නමැති පුද්ගලයෙක්ය.
අනෙක් පුද්ගලයා පලා යෑමට තැත් කිරීමේදී ‍පොලිස් විශේෂ කාර්ය බළකායේ නිලධාරීන් විසින් අත්අඩංගුවට ගෙන ඇත. සිද්ධියට සම්බන්ධ සැකකරුවන් දෙදෙනාට වෙඩි තබන අවස්ථාවේදී එම ස්ථානයට කැරවන් වෑන් රථයකින් තවත් පුද්ගලයන් හය දෙනෙකු එම ස්ථානයට පැමිණ ඇති අතර එම සැකකරුවන් හයදෙනාද ‍පොලිස් විශේෂ කාර්ය බළකායේ නිලධාරීන් විසින් අත්අඩංගුවට ගෙන ඇත.
සිද්ධියට සම්බන්ධ සැකකරුවන්  ලෙස බස්නාහිර පළාත් සභා මන්ත්‍රී හැඳල වත්තල ප්‍රදේශයේ පදිංචි රන්දීර් රුද්‍රිගෝ, අලුත‍පොල මිනුවන්ගොඩ පදිංචි වැල්ලව්තේ සුරංග දිනේෂ් කුමාර, මිනුවන්ගොඩ පදිංචි කෝමල සිල්වා, හෝපිටිය පමුණුගම පදිංචි සම්පත් පුෂ්පකුමාර, පමුණුගම ඉස්වැටකෙයියාවේ පදිංචි ජූඩ් කපුමාදු, දිවුලපිටිය අක්වාදුවත්තේ පදිංචි ජානක දිනේෂ් හා නිහාල් රාජපක්ෂ නමැති පුද්ගලයන් හත්දෙනෙකු එම අවස්ථාවේදී ‍පොලිස් විශේෂ කාර්ය බළකායේ නිලධාරීන් විසින් අත්අඩංගුවට ගෙන ඇත.
මෙම පිරිස අතර සිට මිය ගිය තුෂාර ලක්ෂාන් කුරේ නමැත්තා මීට පෙර පාතාල කල්ලි නායක දැනට බන්ධනාගාර ගතව සිටින දෙමටගොඩ චමින්ද ඝාතනයට පැමිණි පුද්ගලයෙකු ලෙසද අනාවරණයව ඇත. මේ සම්බන්ධ වැඩිදුර පරීක්ෂණ දිවුලපිටිය ‍පොලීසිය විසින් සිදු කරන බවද ‍පොලිස් මාධ්‍ය ප්‍රකාශක රුවන් ගුණසේකර මහතා පැවැසීය.
ඔවුන් සතුව තිබි පිස්තෝල 2ක්, ප්ලාස්ටික් පිස්තෝලයක් සහ අත්බෝම්බයක් සොයාගෙන ඇති බවත් තොරතුරු අනාවරණය වී ඇත.

ප්‍රසාදිකා ජයවර්ධන, ආරියපාල වීදාගම, අයි.එම්.අබේරත්න (දිවුලපිටිය)

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 730

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 350

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 3447

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 1952

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 3942

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 5030

Please publish modules in offcanvas position.